عرض مشاركة واحدة
قديم 01-16-2018, 12:17 PM   #6 (permalink)
@@ السعيد @@
أمير الرومانسية
 
الصورة الرمزية @@ السعيد @@
مخيم ليالي الصحراء 2


الصور السابقة توضح الشكل العام للمخيم .. اول ما وصلنا تم الترحيب بنا و ضيافتنا بقهوة عربية و تمر عطونا مفتاح الخيمة الخاصة بنا اول ما وصلنا ... سمعنا صوت قوي ، طلينا من النافذة كانت عاصفة رملية صراحة خفت ، اول مرة اجوف الرمل يتحرك بهالشكل



و كان معاها مطر غزير


اتصلت حق الاستقبال بس قالوا لنا انه شي عادي و شوي ويوقف ، و الحمدلله دقايق و وقفت العاصفة بس للامانة عطت جو للمكان ، الغيوم و المطر و الرمل الذهبي نجي نشوف السكن .. مثل ماذكرت قبل حجزنا وحدة عائلية ، فيها غرفتين نوم و صالة و حمام مفتاح السكن



الصالة









الغرف






انصح للي معاهم أطفال ، لما يوقفون بمحطة الواصل ان يشترون لهم خفايف : عصاير - بسكويت - شيبس - زبادي
مخيم ليالي الصحراء 3


عقب ما ريحنا اخذنا جولة في المخيم و شفنا الصور في الجزء الاول من موضوع المخيم عجبني انه في مكان خاص بلعب الاطفال .. المساحة الواسعة بين كل وحدة و الثانية تعطي خصوصية اكبر رغم ان توقعت المخيم بكون فاضي بسبب انه صيف مو موسم تخييم لكن فيه زوار من عدة دول اول برنامج سويناه كان استئجار السيارات الصغيرة ( يمكن ناس يسموها دراجات - يمكن بانشي ) نص ساعة ب 11 ريال عماني ، السياقة تكون خارج المخيم و لازم يكون هناك
مرافق


حلو نتعمق داخل الصحراء و نشوف الرمال الذهبية .. المرتفعات .. ..الخ




ثاني برنامج كان تصوير غروب الشمس و تكون الرحلة مجانية شاملة مكسرات - حلوى عمانية - ماء - مشروبات غازية يتم توصيلنا لمرتفع خارج المخيم ، الرحلة تبدأ قبل الغروب بنص ساعة تقريبا في هذي الرحلة فعلا اولادي استانسو ، الرمل نااااعم و حلو انه ما يوسخ ولدي من فرحته ظل يتدحرج و هذي
صور الرحلة







صورة جوية للمخيم













الصور واايد .. احترت شنو احط
مخيم ليالي الصحراء 4


لما خلصنا من رحلة غروب الشمس .. رجنا و ريحنا شوي و صار وقت العشا نجوف المطعم : المطعم من الخارج



و فيه صوب المطعم منطقة شواء لو كنت حاب تشوي بنفسك و يكون له سعر



وجبة العشاء فيها شواء بس يختلف عن الشواء الخاص لو بغيته ، الشواء كل ليلة تختار القطعة الي تبيها و الجرسون يشويها لك المطعم من الداخل ( الصور غير واضحة)



الصبح ممكن تحصل وافل - بيض - بانكيك

الباحة الي خارج المطعم فيها كراسي و غناء شعبي و الشواء
@@ السعيد @@ غير متصل   رد مع اقتباس