تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصة مؤلمة(ممنوع دخول اصحاب القلوب الحساسة)

موضوع مغلق
 
أدوات الموضوع انواع عرض الموضوع
قديم 08-02-2006, 06:43 PM   #1 (permalink)
عندي كلام
رومانسي مبتديء
 
الصورة الرمزية عندي كلام
 

ADS
Thumbs down قصة مؤلمة(ممنوع دخول اصحاب القلوب الحساسة)




قصة مؤلمة(ممنوع دخول اصحاب القلوب الحساسة) قصة مؤلمة(ممنوع دخول اصحاب القلوب الحساسة)
البلد:الكويت


الموقع:احدى البنايات بالعاصمة


الزمان:5.30 المغرب




كانت خلود جالسة قدام دريشة غرفتها وفي ايدها صورة حبيبه محمد وقاعدة تغني باسم محمد.....وهي سرحانة

تسمع صوت من دريشة الشقة اللي مقابلتهم


جاسم::الله صوتج وايد حلو...ويفتح الدريشة ولا يطالعها

خلود:ويعه انت شكو تسمع على بنات خلق الله

جاسم:انا اسف انا كنت يم الدريشة ابي افتحها وسمعت صوتج

خلود:مو انا كنت متوقعة انه ماكو احد بالشقة اللي يمنا

جاسم:ايه لانه احنا تونا اليوم ساكنين

خلود:زين لا تطولها وهي قصيرة ....يالله سكر دريشتك

جاسم:وليش تسكرين علي حياتي

خلود:شكو دريشة بحياتك؟؟؟

جاسم:لانه منها القى ما بقى من حياتي

خلود:اوووه انت شكلك مينون ...انا ابي اسكر دريشتي وارتاح منك(وتسكر الدريشة)


ويبقى جاسم عند دريشته يطالع للسماء وهو سرحان.....وتم خلود تتابع جاسم من ورى ستارة دريشتهم وهو ما يدري

عنها وتستغرب سرحان جاسم الطويل ونظره الى السما وهو يكتب في دفتر كان ما يفارق يده....

وبعد اربعة ايام فتحت خلود الدريشة تقصد منها تهوية الغرفة وفي ايدها الثانية تليفونها النقال تكلم محمد

خلود:محمد شفيك صار لك مدة ما تكلمني شنو اللي مغيرك علي

محمد(بدون نفس)ما في شي

خلود:شنو ما فيه شيه....انا مزعلتك يا محمد؟؟

محمد:اوووووه تراج اذيتيني وياج ما عندي غيرك يعني

خلود:محمد انت شنو قاعد تقول

محمد:اقول خلود انا مشغول مع السلامة

خلود:بس محمد..(ويسكر التلفون )ويفتح جاسم الدريشة وهو حاط ع ظهره بطانية صوف وبيده المرتعشة ماسك دفتره

ويكتب فيه وملامح وجهه مبين عليها التعب

خلود(ماسكة تلفونها بيد وحاطة اليد الثانية على راسها وتفكر)

جاسم: ( يطالع لخلود وبصوت ضعيف)صباح الخير

خلود: (تطالعه)نعم...

جاسم:اسف ع الازعاج بس حسيت انه من المفروض اصبح على جارتنا

خلود:هذا انتم يالشباب ما تشوبون بنت الا.....ويقاطعها صوت مسج من محمد وتفتحه بسرعة مكتوب فيه(خلود خلاص

انسيني انا لقيت غيرج مع السلامة) وتنصدم خلود من محمد وتحاول تدق عليه ويقاطعها صوت مسج ثاني وفيه

(خلود انا اعطيت خطي لولد خالتي لا تحاولي تدقين علي)ومن هول ما شافت يطيح التلفون الى ارض العمارة ويتكسر

وتنزل دمعة من عين خلود وهي ساكتة ما تعرف شنو تسوي

جاسم:عسى ما شر شنو السالفة؟؟؟

خلود: (بنظرات حقد)انتم كلكم نفس بعض الله ياخذكم ويحرقكم مثل ما حرقتوا قلبي

جاسم:بس انا(وتسكر خلود الدريشه بقوة لدرجة تكسر زجاج النافذة)


زاد من تعب جاسم شوفت خلود جي... وحس انه يضايقها وعزم انه ما يفتح النافذة لما يشوفها علشان ما يضايقها......

وتم على هذا مده مو قصيرة ومن ناحية ثانية كانت خلود حزينة من اللي سواه فيها محمد وكانت تفكر وتراجع كلامه

خافت انه في كلمة قالتها له وزعلته فيها...بس ما لقت شي غير انها عطته بدون حدود ولا كانت تنظر منه كلمة شكر

وكان هو بعد بخيل فيها لها



وبعد فترة حست بعدم خروج جاسم لي دريشته اللي كان متعود كان متعود عليها وكانت هي تنطره فترة على الاقل

تتاسف له على اللي سوته معاه بس ما شافته وصارت تتنظره عند دريشته فترات طويلة من النهار بس ما طلع ولا اقترب

من الدريشة




وفي يوم كانت مستعجلة تبي تلحق على باص المدرسة ولقته توه فاتح دريشته ولما شافها كان يبي يسكرها ....

خلود:لحظة لحظة ...

جاسم:يفتح الدريشة...هلا

خلود:شوف فيه كلام ودي اقوله لك بس انا مستعيله الحين اكلمك العصر اوكي الساعة 5 ...يالله مع السلامة لانه الباص

ينطرني تحت

جاسم:ان شالله اذا قدرت مع السلامة

خلود:لا تكفى حاول

جاسم:ان شالله


وتروح خلود لي المدرسة وتعد الساعات علشان تطلع ولما اطلعت تمت في غرفتها وتطالع الساعة لين تي الساعة 5

ولما يت ركضت لي دريشتها وفتحتها بس ما شافت جاسم عند الدريشة ...جلست قدام الدريشة تنطر وتمر الدقيقة ورى

الدقيقة وتمر الساعات وينزل الظلام ويغطي سما الكويت الحبيبه لين يت ساعة 10 باليل وخلود قالت حق نفسها اكيد هو

زعلان ولا منحرج مني ولا راح يجي ابي اسكر الدريشة وانطره بكرة وتسكر دريشتها وتحس بنور يطلع من غرفة جاسم

وتبعد الستارة عن الدريشة وتشوف ام جاسم تفتح الدريشة ويدخل جاسم لي غرفته على كرسيه المتحرك ويقترب من

الدريشة وتحط امه بطانية صوف على كتفه وترسم على جبهته قبلة من شفات امه الحانية وتطله امه من الغرفة ويقترب

جاسم من دريشته وعينه للسما ويتمتم في كلمات وتنز ل من عينه دمعة وتفتح خلود الدريشة



خلود: (بصوت خفيف)قوة

جاسم:ولا يحس فيها

خلود: (تعلي صوتها)قووووه

جاسم:يلتفت لها ويمسح ما نزل على خده من دموع....هلا ...اسف ما انتبهت عليج...واعذريني تاخرت عليج بس ما كان

في ايدي توني ياي

خلود:لا مو مهم المهم انك رديت...بس انت اش قاعد تقول حق روحك ...اشوف شفاتك قاعده تتحرك وتنزل دمع من عينك

جاسم(اقول ابتسم واضحك ترى الدنيا حلوه)

خلود:الله وايد حلو كلامك

جاسم:مشكورة هذا كلام اقص فيه ع روحي

خلود: وليش تقص على روحك

جاسم:مو مهم تعرفين ولا ودي اقول لانه وايد يعذبني

خلود:على راحتك بس انا كان ودي اتاسف لك ع اللي صار ذاك اليوم

جاسم:يعني انا كنت مضايقج

خلود:هي مو سالفة مضايقني بس كنت....

جاسم:كنت متزاعله مع محمد

خلود:لا خلاص احنا افترقنا...وانا مو متحسفة عليه لانه هو الخسران خسر قلب كان يحبه

جاسم: واليوم

خلود:اكرهه...اكرهه على كثر ما حبيته ...اكرهه والله اكره

جاسم:لا تحلفين اللي يحب ما عمره يكره

خلود:والله اكرهه يا....

جاسم:جاسم...

خلود:عاشت الاسامي يا جاسم....وانا اسمي خلود

جاسم:عاشت ايامج....وعاشت الاسامي يا خلود

خلود:تسلم ...خلاص لو سمحت لا تذكرني فيه ...زين ابي اسألك سؤالين ممكن؟؟

جاسم:اي حاضر


خلود:انا كل مرة اشوفك اشوف وياك كتاب هذا ماسكه وتقعد تكتب فيه شنو تكتب؟؟؟؟

جاسم:اكتب قصص....هواية من صغري نسيتها ورجعت لها من سنتين

خلود:شنو تكتب وليش رديت للكتابة؟؟؟

جاسم:اكتب اشياء وايد كل شي يخطر على بالي ... ورديت لها من سنتين بسبب مرضي

خلود:سؤال ثاني ودي اسألك بس مستحية

جاسم:لا قولي لا تخشين في قلبج

خلود:انت من متى على....

جاسم:على الكرسي ؟؟ انت شفتيني؟؟؟؟

خلود:ايه مو انا كنت انطر ولما سكيت دريشتي امك دشت غرفتك وانت دشيت وراها وشفتك

جاسم:انا قبل ما كان فيني شي بس من سنتين حاشني مرض قعدني على الكرسي هذا ما اقدر امشي منه الا بصعوبه

خلود:الله يشفيك ان شالله

جاسم: ان شالله...

خلود:ممكن اشوف اللي انت تكتبه

جاسم:ايه حاظر بس لحظة ابي اسمي كتابي....وكتب عليه اسم(فاقد الشي لا بعطيه)..زين اشلون اعطيك اياه

خلود:حنا قريبين من بعض احذفه علي وانا امسكه

جاسم:اخاف ما يوصلك

خلود:انت احذفه وما عليك وانا امسكه

ويحذف جاسم الكتاب على خلود وتمسكه بيدينها الثنتين وتحظنه لصدرها

جاسم:اشوفه وصل لج

خلود:الحمدلله والله اني كنت خايفة ما امسكه

جاسم:ايل اخليج تقرينه لانه لازم اخذ دواي وانام الحين لانه بكرة عندي مراجعة المستشفى

خلود:طمني عليك...وانا ابي اسهر عليه

جاسم"ايل تصبحين على خير

خلود:تلقى كل خير في ويهك

جاسم:هذه يديده

خلود:ايه هذي عشانك بس(ويحمر خدها خجل وتسكر الدريشة)وتجلس على طرف سريرها وتفتح الكتاب واستغربت من

عنوان فاقد الشي لا يعطيه

وافتحت الكتاب ومن اول سطر لقت روحها تمشي ورى الصفحات صفحة ورى صفحة وقصة ورى قصة ودموع من

غير شعور تنزل على خدها تجري لين ما طلع الصبح ولقت روحها انتهت من اخر قصة وهي تنصدم من روحها لانها

تاثرت وايد بالقصص ولا توقعت انها راح تبجي هالكثر........كل القصص نهايتها حزينة...وحست من العنوان ان جاسم

فاقد الفرحة ولا قدر يعطيها ابطال القصة الي يكتبها وحست بشعور انه انسان وايد طيب وحساس ومرضه اثر عليه وايد

غيرت ملابسها وراحت للمدرسة...ولما ردت كانت نعسانه ودها تنام قالت حق روحها خني اشوف جاسم رد والالين الحين

وفتحت الدريشة وشافت جاسم ينطرها

جاسم:انا كنت حاس انك تبين تبطلين الدريشة الحين

خلود:وانت شنو دراك؟؟؟؟

جاسم:احساس

خلود:تدري انك مسهرني من امس وما نمت تميت اقرأ القصص كلها ولا خليت ولا سطر...كلامك وايد حلو ومشاعرك

صادقة ما شالله عليك وايد موهوب

جاسم:لا شدعوا هي مجرد قصص اكتبها والقصد منها تضيع الوقت

خلود:جاسم عمرك حبيت؟؟؟

جاسم:اي حبيت نوره وزينب وريم وبعد حبيت سميرة وعشقت سعاد مثل ما عشقت مريم

خلود:بي هذيل ابطال قصتك

جاسم: انتي ما لاحظتي بكل القصص اسم بطل واحد

خلود:قصدج طارق.....اي صح

جاسم:انا حبيت هذيل كلهم وعشت بطارق تصدقين وكان ودي انهي كل قصة بشي سعيد بس ما اقدر امنح السعادة

وانا نفسي فاقدها

خلود:بس يا جاسم

جاسم:لا بس ولا شي لا تحاولين تقنعيني

خلود:ما ادري اش اقولك بس انا اخليك الحين واشوفك بالليل لاني وايد نعسانه

جاسم:على خير

خلود تصك الدريشة وترجع تفتحها بسرعة وتنادي جاسم جاسم

جاسم:سمي

خلود:نسيت اسألك شنو سويت بالمستشفى

جاسم:ماسويت شي فحصوني مثل كل مرة وصفولي مسكنات وقالوا راجعنا بعد شهر

خلود:بالشفى ان شالله

جاسم:ان شالله

خلود: اشوفك بالليل مع السلامة

جاسم مع السلامة

وتقوم خلود الساعة9.30 بالليل وتركض لي دريشتها وتفتحها وتشوف جاسم قدامها ينطرها

خلود:من متى انت هني؟؟؟؟؟؟

جاسم:انا هني من اول ما خليتيني

خلود:شنو؟

جاسم:اي والله تميت عند الدريشة من اول ما خليتيني انطرج

خلود:بينها وبين نفسها(يا بعد عمري)ما ادري شنو اقولك

جاسم: لا تقولين شي كلميني عن روحج انا لين الحين ما عرف عنج شي

خلود:انا يا جاسم انسانةفي الدنيا حبيت واحد لكن طلع مع الاسف خاين

جاسم:بس هذا مو اخر العالم والحمدلله انج في الاخير اكتشفتيه

خلود:الحمدلله على كل حال:وان شالله ربي يعوضني في اللي احسن منه

جاسم:(ويسكت وينزل راسه)لا يكون عبالج انا راح اكون...

خلود:(يحملا خدها خجل)ومن قال(وترتبك)انا اصلا ما فكرت فيك ولا اهتميت وهي كلها مجرد سواليف واذا تبي اسكر

دريشتي وما راح تسمع صوتي وره ثانية

جاسم:يلف راسه للاتجاه الثاني ويقول :يكون احسن

خلود:انصدمت ولا اقدرت تقول شي

جاسم:يلتف لها والدموع على عينه انا اسف مع السلامة

خلود:جاسم لا تروح ابيك

جاسم:نعم

خلود:جاسم ممكن نكون اصدقاء ...ولا يكون بيننا غير هذا...انا محتاجة لك يا جاسم

جاسم:بس

خلود:هذي المرة لا بس ولا شي اسكت وخني اكمل كلامي لاهفك بكف في ويهك(وتمسح دمعة من خدها وتضحك)

جاسم:يضحك...ويقولها:الله يقطع ابليسك ..وهم انا بعد احتاج لج

خلود:خلاص كل واحد فينا محتاج للثاني انهت المشكلة

جاسم:ايل خلاص

خلود:زين انت ما كلمتني عن روحك؟؟؟

جاسم:انا يا خلود وحيد امي وابوي مات من زمان وانا ما شفته مات وانا توني صغير

خلود:الله يرحمه

جاسم: وكنت وايد متفوق بالدراسة لين تخرجت من الثانوي ولما دشيت الجامعة ما خلصت غير كورس واحد وياني

هالمرض وانا على هالحاله صار لي سنتين

خلود:الله يشفيك

جاسم:زين انتي صج عندك اخوان والا خوات

خلود:عندي اخت وحده وامي منفصلة عن ابوي صار لهم اربع سنين

جاسم:ايل وين اختك ما اشوفها

خلود: والله اختي من ربع الانترنت اربع وعشرين ساعة بغرفتها مجابلته

جاسم:وانتي ما تدشين النت

خلود: ولا اواطنه

جاسم:(وهو يضحك)ليش

خلود:بس شذي

جاسم:زين اشلونج ويا الدراسة

خلود:والله كل شي اوكيه ما بس مادة وحدة ملعوزتني مكرهتني الدراسة

جاسم:شنو هي

خلود: مادة الفلسفة

جاسم:الله يعينج والله ..شنو رايج اساعدج

خلود:بس اشلون

جاسم:انتي باجر عليج هاذي المادة

خلود:لا

جاسم:ايل احذفي علي كتابج ولا عليج

خلود:لا يا جاسم ما ودي اعقدك وياها

جاسم:لا تعقيد ولا شي

خلود:شلون مو تعقيد وهي ام التعقيد كله

جاسم:انا اصلا كنت ادبي وكانت هذي المادة عندي سهلة عطينيه واذ يتي من الدوام اعطيج الكتاب وانا مخلصة لج

ومخخط لج عليه بعد

خلود:اوكيه خلاص ابعطيك

وتحذف الكتاب ويمسكه جاسم

خلود:ايل اخليك الحين ابي انام الحين يت الساعة12

جاسم:خلاص ايل تصبحين على الف خير ونشوفج باجر

خلود:اوكي مع السلامه

جاسم:مع السلامة

وقعد جاسم الصبح وجلس يفتح كتاب الفلسفة ويقرا فيه ويحاول يلخصه ولكن شاف اول حرف لي اسم محمد مكتوب بكل

صفحة وبدون شعورمسك القلم ومسح كل حرف لي محمد وتم يلخص الكتاي لي الساعة5 العصر انهى المنهج كله

وبعد التعب مسك جاسم الكتاب وضمه لصدره وتمدد على السرير وبعد لحظات سمع صوت دريشة خلود تنفتح ويقوم

ويحاول انه يمشي بصعوبة الى كرسية المتحرك ويتجه الى دريشته ويفتحها ولقى خلود ماسكو ورده في يدها حمراء

جاسم يطالع خلود ولا يقدر يفرق مين احلى الوردة والا خلود وتشوفون الحوار بالجزء القادم


واعذروني اذا فيه اخطاء املائية



وتقبلوا تحياتي

عنــدي كــــــــلام
قصة مؤلمة(ممنوع دخول اصحاب القلوب الحساسة) قصة مؤلمة(ممنوع دخول اصحاب القلوب الحساسة)



عندي كلام غير متصل  
قديم 08-03-2006, 07:16 PM   #2 (permalink)
عندي كلام
رومانسي مبتديء
 
الصورة الرمزية عندي كلام
 
Smile

[





جاسم:مساء الخير

خلود:هلا مسا النور شلونك جاسم

جاسم:الحمدلله طيب...وانا الحين توني خلصت من تلخيص المنهج ما عليج الا تحفظين التلخيص وادعيلي بعدها

خلود:خلني اشوفه ايل احذفه علي

جاسم: (يحذف الكتاب الى خلود)ديري بالج لا تطيحين الكتاب

خلود: (تمسكه)ما عليك تراني احسن وحده بالكويت تصد كتب ولا كتاب يقدر يفلت مني

جاسم: (يضحك)ايل خوش تصلحين حارس مرمى

خلود: (تفتح الكتاب)اي اف والله ما ادري شنو اقولك

جاسم:شنو ليكون ما قدرت الخص عدل اعذريني صار لي فترة والله سويت اللي اقدر عليه وانا اسف

خلود:لا لا انت فهمتني غلط... ما شالله عليك تلخيصك وايد حلو وهم خطك واضح حيل

جاسم: (يحط يده على قلبه)اشوا الحمدلله اني قدرت الخص لج عدل

خلود:واحسن شي سويته..

جاسم:شنو؟؟؟

خلود:انك مسحت اسم الزفت محمد

جاسم: (يسكت ويتجه لي اتجه ثاني)

خلود:تعرف شنو ابي احط بداله

جاسم: (يلتفت لها)شنو؟؟

خلود: لحظة وتكتب بخط عريض اسم جاسم على اول صفحة...وتقوله شوف

جاسم:شنو هذا؟؟

خلود: هذا اسمك هو يستاهل انه ينكتب ( وتقول حق روحها والله اول ما كتبته كتبته على قلبي يا بعد قلبي)

جاسم:مشكورة

خلود: لا عادي كل يوم تعال

جاسم:يضحك لما دمعت عينه

خاود:الله ضحكتك وايد حلوه

جاسم:بس مو احلى من صوتج ...انا اول ما سمعته مدري شنو صار فيني

خلود: (تستحي) لا شدعوا

جاسم:اي والله يا خلود

خلود:خلاص ترا ما فيني اصدق عمري الحين

جاسم: (يضحك)...بس صدقيني بدون شعور لقيت نفسي امسح اسم محمد

خلود:ليش مسحته صج؟؟

جاسم: لانه ما يستاهل وحده مثلج

خلود: اي والله ...وانا اتحسف على كل لحظة قضيتها معاه

جاسم:خلاص انسيه ولا تذكرينه...لانه ما يستاهل حتى تذكرينه

خلود:اوكي

جاسم: اي صج متى عيد الحب؟؟؟

خلود: (بسرعة) باجر وليش تسأل؟؟؟

جاسم:لانه ما عمري بحياتي ما عيدت فيه

خلود: وشنو ودك تعايد فيه؟؟

جاسم:اي......اي.........

خلود: وحق منه الهدية راح تيب

جاسم:حق امي

خلود: (تبدلت ابتسامتها الى خيبت رجا) اها...زين تسوى تستاهل امك

جاسم: وانتي لمنه راح تيبين

خلود: (بعصبية)طبعا حق امي...يالله جاسم اشوفك على خير ( وتسكر الريشة) وتجلس ع الارض وهي معصبة وتبجي

وتفول شنو فيها لو دز لي هدية

وفي ناحية ثانية جاسم يفكر شنو ييب هدية...وجت على باله انه ييب دبدوب صناعي... وينزل من الشقة وهو يمشي

وحط يده على طوف العمارة وبكل صعوبة يجر خطواته والتعب يبين عليه... لين وصل محل الهدايا الي كان تحت

العمارة ولما دخل شاف خلود واقفة محتاره شنو تشتري مدت يدها على دبدوب لونه احمر وبين ايدينه قلب مكتوب فيه

(I LOVE YOU) وسرحت يد جاسم لها وقالها لو سمحتي هذا لي ولما شافته انصدمت وارتبكت ولا قدرت تقول شي

جاسم: وهذي بعد باقة ورد صناعي ابي اخذه

خلود: كل هذا حق امك

جاسم: انا اكتشفت ان امي مو حق السوالف وتقول كل هذا خرابيط علشان كذا انا راح اهديك لج انتي

خلود:حست روحها تبي تطير من الفرحة ....وانا بعد امي ما تحب عيد الحب وعلى كذا انا راح اهديلك هذا القلب ومكتوب

اول حرف من اسميK ...يالله انا ابي اروح واشوفك باجر يليل

جاسم: ان شالله

وتطلع خلود بعد ما حاسبت عن اغراضها ....ويصعد جاسم الدرج لانه اللفت كان مسكر وبعد ما وصل لغرفته حس انه ما

يقدر يمشي خطوة وحده .. وسقط على باب غرفته وبعد صعوبة قدرت امه تشيله وتحطه على فراشه وهي تعاتبه

ليش نزل وهو ولا يقدر ياخذ نفس...قالها رحت اييب هدية لشخص عزيز عليه

وتطلع امه من الغرفة والدمع على خدها حزن على ولدها






اليوم الثاني الساعة 10 بالليل

جاسم يفتح الدريشة وبنفس اللحظة تنفتح دريشة خلود

خلود:جاسم وينك العصر ما شفتك؟؟؟

جاسم: والله يا خلود ما قدرت اقوم من فراشي كله من التعب اللي تعبته كله من الدرج وروحتي لي المحل

خلود: انا اسفه يا جاسم

جاسم:لا يبه ما صار الا كل خير ... على فكرة وايد عاجبني القلب مشكورة عليه

خلود: وهم الدبدوب وايد حلو نومته معاي البارح زحظنته على صدري ... وباقة الورد حطيتها يم راسي علشان

كل يوم اجدد يومي فيها

جاسم:وحتى قلب الكريستال ملاج حطيته يم راس,,,,بس صج ما سالتي روحج ليش شريت لج ورد صناعي مو طبيعي؟؟

خلود: مو مهم المهم انه منك

جاسم: لا مهم لانه الطبيعي يذبل بسرعة الصناعي يدوم ولو جا يوم وذبل قلبي عمر حبي لج ما راح يذبل

خلود: (تسكت وتبتسم) توك قدرت تقولها,,, وانا هم احبك يا جاسم ... وكل عام وانت بخير يا حبيب عمري

جاسم: وانتي بخير يا عمري


كانت هذي احلى ليلة لي جاسم وحس انه صج الدنيا حلوه وصار يتغنى ويا خلود( ابتسم واضحك ترى الدنيا حلوة)

وتموا يقولونها لين طلع الصبح حتى فرق بينهم سلطان النوم




اليوم التالي المغرب........

خلود: (بصوت خفيف تنادي) جاسم جاسم...جاسم جاسم

جاسم: 0 يفتح الدريشة) هلا خلود اعذريني انا كنت برا الغرفة...

خلود: هلا يا عمري شنو رايك فيني وانا متزينه ولابسة احلى ملابسي

جاسم: والله روعه... ما شاللع عليج

خلود: انا لابسته لاني باروح لي عرس بنت خالي ... وقلت اول واحد لازم يشوفني هو جاسم واترخص منه اروح... والحين

بعد اذنك ممكن اروح

جاسم:لا طبعا خلج وياي

خلود:خلاص ايل ابي اغسل ويهي واسكر الباب واقعد معاك لي الصبح

جاسم:تعلي وين رايحة اضحك وياج

خلود: والله يا جاسم لو تبيني اقعد والله اقعد,,,, والله الجلسة وياك تسوى الدنيا وما فيها

جاسم: بس هذي بنت خالتج

خلود: ويعني ....انت لا تعتبر انه فيه احد بالدنيا احبه اكثر منك...والله اللي خلقني وخلقك اني احبك وانت اكثر شخص

عندي بدنيا خلود ولو حطو ميزان ووزنوا حب الناس لبعضهم وحبي لك انت لي صار حبي لك اثقل...انت ما تعرف شكثر

احبك ...شنو اسوي عشان اثبت لك اني احبك

جاسم: انج تروحين عرس بنت خالتج...وتقرين المعوذات على روحج ...ترى عيون الناس ما ترحم يا روح جاسم

خلود:ان شالله... ويالله مع السلامة اشوفك بالليل

جاسم: بس لا تطولين راح اتم انطرج ولا راح ارتاح لين اشوفك

خلود: وانا ما راح اطول ان شالله 10 بالليل وانا هني

جاسم: ان شالله....

وتروح خلود ويتم جاسم ينطرها ....ولما يت الساعة 10 قالت خلود حق امها انها ترد ويا السايق بس امها رفضت خافت

ترد ويا السواق بروحها بالليل بس خلود اصرت وراحت بدون تدري امها....وكان جاسم عند الدريشة يروح ويرد على

كرسيه وكانت خلود لحظتها تركض على الدرج لين توصل الشقة....لكن جاسم من كثر ما نطر قال حق روحه اكيد ما راح

تيي وقام بصعوبه عشان يطفي ليت غرفته ولا خلود تدش غرفتها وتركض لي دريشة وتفتحها الا بجاسم يبلي يسكر

الليت.....

خلود:جـــــــاســـم انا رديت

جاسم:التفت بسرعة وما قدر يوزن روحه ويطيح ع الارض

خلود:جاسم جاسم

جاسم بصعوبه يقترب من الكرسي المتحرك وهو يزحف لين ما ارتكز على حافة السرير وجلس على كرسيه ويقول:

سوري بس انتي فاجئتيني

خلود: ( ويدها على قلبها) وي قطعت قلبي ..لحظة استريح احس روحي اطلعت وريولي ما تشيلني

جاسم: سلامة قلبج يا بعد قلبي انتي

خلود: الله يسلمك

جاسم: رديت بروحك؟؟؟

خلود: ايه

جاسم: ليش

خلود: لاني مشتاقة لك موت والله تولهت عليك حسيت روحي انه الدقيقة مثل الساعة والساعة مثل السنة في بعدك

اقول جاسم

جاسم: هلا

خلود: لو فيه كلمة اكبر من احبك جان قلتها بس حسافة ما فيه

جاسم: ساكت

خلود: وش فيك ساكت

جاسم: خلود والله احبج

خلود:يا بعد عمر خلود والله ...فديت عمرك حبيبي

جاسم: عمرج بعد...لحظة روحي ابي اراويج شي........ ويروح الزاوية ويجيب بيده قفص لونه ذهبي فيه عصفورين من

عصافير الحب واحد لونه احمر والثاني اخضر """ويقول: عمري شوفي

خلود: الله روعة اشحلاتهم

جاسم: هذي امي اللي يابتهم لي عقب ما طلعتي

خلود: والله حلوين

جاسم: ولا سميتهم بعد....الاحمر سميته خلود والاخضر سميته جاسم

خلود: يت عمري انت والله......ان شالله عمري واللي جمع عصفورين في قفص ذهبي يجمعنا بقفص حياتنا وتكون

لي حقي بروحي واكون لك انت بس متى يا رب

جاسم:عن قريب ان شالله بعد ما ارجع من السفر

خلود: اي سفر؟؟؟ ومتى راح تسافر ؟؟؟

جاسم:هذه السفرة لي لندن,,, وصفولي دكتور هناك كتخصص بهالحالات وراح اسافر بعد اسبوع

خلود: (تسكت وتنزل دمعة من عينها وتبجي) راح اشتاق لك وايد

جاسم:لا تبجين يا حياتي ان شالله راح ارجع لك

خلود: ان شالله



وتمشي الايام وخلود تتحسف عن كل لحظة تتبتعد عنها عن جاسم لدرجة انها ما تنام الليل غير ساعات قليلة ,,,

وطول اليوم قريبه من جاسم وتكلمه وهو يواسيها انه راح يرجع




ليــــلــة السغر


خلود: (وهي تبجي) راح تسافر يا جاسم

جاسم: والله يعز علي اني اخليج بس شنو اسوي؟؟

خلود: بس راح اشتاق لك وايد مدري شنو راح يصبرني على بعدك

جاسم: اذا اشتقت لي اقري واحد من الكتب اللي عطيتج وراح تهون عليج

خلود: والله ما يهون علي شي غير شوفتك

جاسم: لا تخافين حبي.... بصراحة ودي اطلب منك طلب بس مستحي

خلود: امر عيوني

جاسم: ابيج تغنين لي

خلود: بس هذا يا عمري...بس شنو تبيني اغنيلك

جاسم :اي شي

خلود: راح اغنيلك حق نوال غالي غالي

وتغني


غالي غالي لو يبعد مهما
يطول الصد...شوفت جاسم
ساعات عقب البطا تسعد

خلود: جاسم والله انك غالي وراح اشتاق لك واعذرني ما اقدر اكمل(وتبجي)


جاسم يغني ويحاول يداري دمعته لا تنزل


غاليه غاليه لو تبعد مهما
يطول الصد...شوفت خلود
عقب البطا تسعد

خلود: يا عمري والله (ويعنونها الى منتصف الليل) وارتاحت خلود من الحزن اشوي

جاسم: حياتي انا اسف بس لازم انام الحين

خلود: خلاص نام الحين وخل دريشتك مفتوحه وانا اصحيك الصبح

جاسم: خلاص لو قدرتي الساعة 8 الصبح عشان اقعد معاك لانه الساعة 11 لازم اكون بالمطار

خلود: يعني تقعد معي بس ساعتين

جاسم: خلاص الساعة 6 قوميني

خلود: خلاص عمري راح اتم سهرانه لين الساعة 6 الصبح

جاسم:لا روحي لازم تنامين

خلود: لا يا روحي ابي اقعد اقرا كتابك اللي كاتبه واتخيل روحي بطلة القصة واحاول اعدل بالنهاية حتى تكون سعيدة

جاسم: اذا جي اوكيه... يالله تصبحين على الف خير

خلود: وانت من اهل الخير


وتجلس خلود تحت الدريشة تقرا الكتاب ونامت وهي جالسة وقامت الساعة 9.30 على صوت العصافير اللب بقفص جاسم

وهي مفزوعه وتوقف على الدريشة

ويطيح عينها على قفض العصافير العصفور الاخضر ميت والعصفورة الحمراء تغرد بصوت عالي وحزين وتصيح خلود

على جاسم اللي متمدد على الفراش

خلود: جاسم جاسم

جاسم يا حياتي رد علي.....جاسم رد روحي وتكلم ...جاسم حياتي امانه رد علي.. وتقد تصارخ وتدخل ام جاسم على

صوت صراخ خلود وتحرك جاسم من فراشه ولا يتحرك تحاول تكلمه ولا يرد لانه من ساعات قليلة طاعت روحه الطيبه

من جسمه قبل يسافر..... وتصارخ خلود وبغير شعور تسقط من النافذة من الدور الثالث وتركض امهاعلى صوت الصراخ


الى ارض العماره وتحاول تشيلها الى اقرب مستشفى



في المستشفى



الدكتور: الحمدلله بنتك تعدت مرحلة الخطر والرضوض اللي فيها ممكن تتعالج مع الايام بس

ام خلود:يس شنو يا دكتور

الدكتور: بس خلود ما تقدر تمشي بعد هالمره ......... اسف حاولنا على قد ما نقدر بس ما في امل تمشي مره ثانية


وتجلس ام خلود تبجي جنب بنتها اللي تدمرت حياتها في عمر الزهور



وبعد عدة اسابيع ترد خلود للشقة وبنفس اللحظة تسكر ام جاسم دريشة جاسم وتعزل من الشقة وتدخل خلود غرفتها

وتقول حق امها واختها يخلونها بروحها وتتحرك عالكرسي المتحرك الىريشتها وتفتحها وملامح الحزن باينة عليها

وتنظر الى دريشة جاسم وتمسك بيدها كتابه ويدها الثانية على خدها وتظر الى النافذة...وتنتظر اليوم اللي يفتح فيه

اسير النافذة نافذتها..........

النهـــــــــــــــــــــــاية



اتمنى القصة تعجبكم وتحوز على رضاكم بس لا اوصيكم بالردود وانا انتظرها منكم.............






اخـــــــــــــوكم المحب:::عنــــــــدي كلام



[/SIZE][/frame][/SIZE]
عندي كلام غير متصل  
قديم 08-04-2006, 02:34 AM   #3 (permalink)
حبوبه 2
أمير الرومانسية
 
الصورة الرمزية حبوبه 2
 
تسلم اخوي عندي كلام

الصراحة القصة روعة بس حزينة

والله اني عيوني دمعت

تحياتي لكم
حبوبه 2
حبوبه 2 غير متصل  
قديم 08-04-2006, 11:49 AM   #4 (permalink)
ريم الحلووه
أمير الرومانسية
 
الصورة الرمزية ريم الحلووه
 
أخوي عندي كلام

قصه حزينه ومؤثرة مررره

الله يرحمك ياجاسم ويكون في عونك ياخلود

مشكور أخوي عندي كلام على هالقصه الحلوه

أختك المحبه / ريــــــــم
ريم الحلووه غير متصل  
قديم 08-04-2006, 06:58 PM   #5 (permalink)
عندي كلام
رومانسي مبتديء
 
الصورة الرمزية عندي كلام
 
اختي حبوبة 2


يعطيك العافية على المرور الحلو


ولك خالص تحياتي


اخوك المحب:عندي كلام
عندي كلام غير متصل  
قديم 08-04-2006, 06:59 PM   #6 (permalink)
عندي كلام
رومانسي مبتديء
 
الصورة الرمزية عندي كلام
 
الاخت ريم


يعطيك العافية على المرور


ومشكوره على تواصلك الدايم

ودمتي

اخوك المحب:عندي كلام
عندي كلام غير متصل  
قديم 08-04-2006, 11:07 PM   #7 (permalink)
foufou2
عضو لم يقم بتفعيل اشتراكة
 
الصورة الرمزية foufou2
 
القصة كتير حلوة نبس ليش حاطط ها النهاية المؤساوية
foufou2 غير متصل  
قديم 08-05-2006, 09:57 AM   #8 (permalink)
عندي كلام
رومانسي مبتديء
 
الصورة الرمزية عندي كلام
 
فوفو2

مشكورة على مرورك

هاذي هي النهاية المناسبة

يعطيك العافية

عنـــــــــدي كلام
عندي كلام غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 01:16 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103