تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

صديقي الحبيب

موضوع مغلق
 
أدوات الموضوع انواع عرض الموضوع
قديم 06-18-2006, 01:13 PM   #1 (permalink)
وآلي اشبيليا
رومانسي مبتديء
 
الصورة الرمزية وآلي اشبيليا
 

ADS
صديقي الحبيب




يا جماعه الخير عندي صاحب لو اقول عنه غبي يكرم الغباء عنده ولو اقول لكم ثور اظلم الثور وممكن يرفع الثور علي قضيه بتهمه تشبيهه بمثل هذا الصاحب وبصراحه ما اعتقد انه اهبل لانه يحمل شهاده جامعيه في تخصص شوي صعب (( حسره علي اللي عنده ثالث متوسط ومعلق الشهاده بالمجلس )) .. صاحبي ياكثر ورطاته اللي وقعني فيها معاه بغباءه الاجتماعي وعدم حسن تصرفه في المواقف اللي محتاجه رجال ثقل واتيكيت بس شنسوي الكمال لله .. اذكر بيوم من الايام اتفقت وياه نروح نزور والد واحد من اصحابنا بالمستشفى واخذنا معانا بوكيه ورد (( مبين على وجهك يالاتيكيت )) ودلفنا (( احلى يا سيبويه )) قصدي دخلنا على الشايب وسلمنا عليه يوم قام يحكي لنا تاريخه المرضي لين جانا النعاس وعشان اغير الموضوع واصحصح شوي سالته وين ولدك فلان قال والله ياولدي مدري عنه هالسربوت له ثلاث ايام ما شفته ولا مر علي وقام يحكي تاريخ ولده في نكران الجميل الا وقام صاحبي فاز من كرسيه قالك بيسوي فيها انه ولد بار بوالديه وقال ولا يهمك ياعم هالولد ما يستاهل منك كل هالزعل هذا قليل ادب وملعون والدين .. عاد الشايب سمع صاحبي يسبه بلع العافيه وخزنا بعيون مغناطيسيه بس تحامل على نفسه وكمل سالفته عن ولده المصون بس انا وربي كنت حاس الشرر بعيون الشايب بس منتظر (ساعه الهجوم وايجاد المبرر) والله يهديه صويحبي راح قايل له ياعم ترا ولدك هذا قليل تربيه وقليل اصل ولا لو كان اصله طيب ما يخلي ابوه ثلاث ايام بالمستشفى ما يزوره ابن الكلب .. انا دورني ذيك الساعه ما تلقاني والشايب يحذف علينا علب العصير والحلويات من جالكسي ومارس وبونتي وما تبقى من بوكيه الورد وبقدره قادر وصلت لاخر السيب ولا زال الشايب يصارخ والله ما ملعون والدين الا انتم يالسرابيت يا قليلين الاصل ...



... ومره ثانيه رحنا نفصل ثياب للشتاء وجالسين عند الخياط نختار الالوان والقماش من الكتالوجات وكان واحد جالس ما نعرفه وبيده كتالوج والحقيقه انه رجال محترم وبحاله ولا حتى رفع عينه زي الملاقيف اللي الواحد يخزك كنك ذابح امه .. يوم شافنا الخياط محتارين وش نختار نصحنا بالقماش اللي بيد الزبون اللي قدامنا وقال هذا الاخ العاشر اليوم اللي يختار هالقماش الكشميري ...و ... صاحبي ما امهله من زود الدلاخه وقال له وشو تبيني افصل هذا ؟ لااااا حبيبي هذا ما يفصله الا واحد خكري ولا متربي مع بنات اما الرجاجيل زيي ما يفصلون من هالنوعيه (( طيب بنشوف بعد شوي منهو الرجال )) ...الزبون يا جماعه الخير يوم سمع صاحبي يقول خكري ومتربي مع بنات راح قايم وماسك صاحبي من تلابيبه ((تلابيبه جمع تلبوب ))

.. المهم مسكه من تلابيبه وراح رافعه بيد وحده .. اوووه نسيت اقول لكم هالزبون شكله كنه جاي من ادغال افريقيا واطول شنب فيكم يخب عند شنبه واطول واحد فيكم ما يجي عند سره .. (( هذا وين والخكاريا وين )) المهم رفع صاحبي اللي مسوي لي فيها رجال وابن امه يقرب لين يفهم منو الخكري وانا اطالبه باسم الوطنيه والانسانيه انه يكف يده وان لا يستخدم القوه المفررررطه وبدأت اطالبه بقيمه الحماار الوطني عفوا الحوار الوطني في مثل هذه المواقف ..... بس هذاك راسه والجزمه الا يفهم وصاحبي بين كماشه يده مزنوط ومو قادر لا يتكلم و لا يبرر موقفه وكل ما نحاول نفكه يزيد الشد على رقبته لين صارت زي رقبه البطه اللي تقول بيب بيب في افلام الكرتون والمشكله لو تدخلت بعنف ممكن اروح فيها عشان كذا قلت اتبع معاه اسلوب المفاوضات وخارطة الطريق ممكن تنفع وفعلا طلع الرجال محترم وما قصر الاجودي مجرد تفله قطها بعين صاحبي وراح بحال سبيله .



... ومره من المرات كنت بروح البحرين اشتري جوال يقولون هناك ارخص باسواق جيان (( ايه هين توفر ميه ريال وتصرف الف نقوط )) وقلت اعزمه يجي معي يونسني بالطريق مع اني مو محتاج من زقمه وناسه بس الظاهر كانت امي داعيه علي ذاك اليوم .. ويوم وصلنا جمارك البحرين وياحبي لهم اهل البحرين .. طيبه واخلاق .. سألنا موظف الجمارك معاكم أي ممنوعات؟؟؟ وهذا سؤال روتيني كل يوم يسألوه .. بس المقرود الاهبل صاحبي لازم يكون له بكل موقف بصمه وعلى رأي اخوانا المصريين يجي في الهايفه ويتصدر ...راح قايل لرجل الجمارك أي ممنوعات حبيبي يعني بنهرب قرأن للبحرين ؟ هالخمور عندكم من كثرها تباع حتى بالصيدليات والبنات مقططات بالشوارع وجاي تقول لي ممنوعات مع وجهك (( اغماء قصيره وراجع لكم )) .... و رجل الجمارك سمع صاحبي يهين ديرته بهالكلام وللحقيقه هذا الرجل اعرفه شكلا من سنين طويله وكل ما يشوفني يمشيني على طول لانه لو فكر يفتش سيارتي يبي له شهر بس يشيل الكلينكس وعلب العصيرات الفارغه من السياره .. المهم عطوني جوازي وقالوا انتظر واخذو اللي ما يتسماش وساعتين مدري وين غاطسين فيه وانا قاعد برا زي اللي مضيعته امه باسواق الراشد بس يوم رجع كان مؤدددددددددب وطول الطريق ما يتكلم والظاهر والله اعلم انهم عطوه دوا اسمه ( سد الحنك ) يكفيه طول وقت الرحله للبحرين .

... يا جماعه تذكرت سواليف صاحبي هذا واللي قطعته من فتره طويله رغم حبي له ونيته الطيبه لكن وش اسوي بنيته اذا كان بكل طلعه مشكله ما يقصدها .. تذكرت سواليفه اليوم فقط واسترجعت كل ذكرياتي معاه بحلوها ومرها لانه كلمني قبل اشوي يبيني اطلع معاه للبحرين عشان يبي يشتري جوال من اسواق جيان .. وش رايكم اخاااااااويه ؟؟؟؟؟؟




منقول من الساحات


وآلي اشبيليا غير متصل  
قديم 06-19-2006, 02:21 PM   #2 (permalink)
sabeen
رومانسي مبتديء
 
هههههههههههههههههههههههههههههههههههههههههههههههههه هههههههههههههههههه
حليله صاحبك خاويه وخد فيه أجر
sabeen غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 08:07 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103