تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

زرعت ماحبه ولا عاد لي فيه * وجنيت احبه لو يطول غيابه

موضوع مغلق
 
أدوات الموضوع انواع عرض الموضوع
قديم 06-10-2006, 04:11 AM   #1 (permalink)
الضي السجين
رومانسي مبتديء
 

ADS
Smile زرعت ماحبه ولا عاد لي فيه * وجنيت احبه لو يطول غيابه




السلام عليكم

انا عضوة جديدة زي ماانتم شايفين ,, لكني من المتابعين القدماء لهالمنتدى الرائع بجد .. بالذات هالقسم لأني من عشاق القصص
فأول قصة كتبتها قلت بنزلها هنا لأني الاحظ في كثير اقلام مميزة اتمنى تفيدني وتبين لي اخطائي

وانا محا اطول بالأجزاء لأني قارئة واعرف المعاناة اللي نعانيها لمن ننتظر اجزاء القصص

وبسم الله نبتدي بأول جزء

_+_+ من القلب حبيتك ورجعتني امشي بالحفا جرحت القلب بالقلب وما جرى منك كفى +_+_+
~~~~~~~~~~~~~~

الجزء الأول
الساعه 8 العشاء يدخل خالد على امه في بيتها ..
خالد ( وهو يبوس راسها ) : السلام عليكم
ام خالد : هلا وليدي وعليكم السلام .. تقبل الله يالغالي ..
خالد : منا ومنكم ..
ام خالد : وايش اخبار زوجتك ؟ عساها بخير
خالد : الحمد لله يمه كلنا بخير .. بس قاصرك شي يا ست الحبايب
ام خالد : ايوه ياولدي
خالد : افا عليكي يمه تدللي انتي بس واللي تبغيه بجيبوا
ام خالد : ابغى بنت اخويا
خالد : طيب اتصليلها قوليلها يا وجود يا بنتي تعالي وهي ماتقصر ..
ام خالد : لا خالتها السحليه اكيد ما ترضالها
خالد: يمه ام احمد مافي احسن منها والله وبعدينه هي عارفه ان وجود زي بنتك
ام خالد بمكر : بس انا ابغاها جنبي على طول هنا في بيتي
خالد : لا اله إلا الله يمه ياحبيبتي وجود لساتها صغيره كيف تبغيني اتزوجها وبعدينه انا متزوج ومبسوط مع زوجتي ..
ام خالد وهي تتصنع البكاء : ايوه انت دايما كذا بس همك سعادتك ومافكرت بأمك اللي جالسه في بيت وشكبره بروحها مع شغاله ماتهرج غير عربي مكسر
خالد نزل وجلس عند رجل امه : تكفين لا تبكين الله يخليك تعريفيني ما اقدر على دموعك واللي تبغيه سويه
ام خالد بفرح : يا عساني مانحرم منك ياولدي .. بس تعال ايش قالت احلام لمن قلتلها عن زواجك من وجود
خالد وشكله اتضايق : ولا همها قالت ايش اهم شي مصلحتك ياحبيبي عشان فلوس خالي ماتروح لحد غريب ولا كأني زوجها ..
ام خالد : بالعكس هي تحبك وتعرف مصلحتك هذي هي الزوجة السنعه ياقلبي يااحلام طول عمرها ذكيه
خالد بسخريه : قصدك ماديه
ام خالد : ايش
خالد : سلامتك يمه (وهو قايم) يالله انا بروح تبغين شي ؟
ام خالد : الله يحفظك وبكره بكون عند ام احمد اخطبلك بنت خالك ولازم تكون موجود ..
خالد وهو يتنهد : من عيوني يالله مع السلامه
ام خالد وهي تبتسم بنصر : بألف سلامه ياولدي
التعريف بشخصيات القصة
خالد : شاب اسمر وسيم عصبي , عمره 27 سنه , درس هندسة كمبيوتر في بلجيكا وهو الحين يشتغل بشركة خاله المتوفي ومتزوج من احلام من سنتين وهي بنت صديقة امه ..
وجود : بنت بيضاء جميله جمال بدوي بمعنى الكلمه من عيونها العسليه الوساع الى شعرها الاسود الطويل واللي يوصل لنص فخذها .. عمرها 17 سنه , حنونه وحساسه لأبعد حد , وهي ثاني ثانوي علمي , امها وابوها ماتوا من سنه بحادث وهي ساكنه مع خالتها ام احمد واللي عوضتها عن غياب الأم ..
ساره : بنت خالت ساره عمرها 18 سنه وهي ثالث ثانوي أدبي , جمالها جمال هندي سمارها حلو ومرجوجه شوي >>> بعدين انتوا تحكموا إذا شويه ولا العكس
احمد : أظنكم عارفينه ولد خالت وجود يحبها من كل قلبه لكن مخبي وهو يدرس لغة عربية في الجامعه عمره 21 سنه..
احلام : زوجة خالد , وهي ماديه لأبعد الحدود وتتصنع الدلع والغنج >>> من الحين بديت اكرهها , وهي حلوه يعني لها جمالها الخارجي اما الداخلي الله اعلم ..

يـــــــ go ــــــــلا
يوم الإثنين العصر وجود بغرفة ساره تنطنط على سريرها :هييييييييييييه هييييييييييه عمتي جايه وناسه
ساره وهي مشغوله بالنت : وجوده انطقي كسرتي سريري انتي وهالكرشه ..
وجود تجي عندها لا والله اجل انا مو رشيقة ؟؟
ساره : ...........
وجود : بالله في حياتك شفتي احلى من جسمي ؟؟
ساره : ..........
وجود راحت عند التسريحه تطالع نفسها : وربي اني حلوه مو سارونه ؟؟
ساره : ...........
وجود بصراخ : سوووووويرررررررره وجع
ساره فزت من كرسيها : عمى خوفتيني
وجود تطالعها بخبث : ليش خفتي ايش عند ؟
ساره بإرتباك : هاه وليش اخاف ( رجعت جلست عالكرسي ) انا بس خفت من صراخك
وجود : اوكي انا بروح اتشيك بغرفتي , تبغي شي ؟
ساره بصوت واطي : احسن عشان اخذ راحتي
وجود : مابغا أجيب ( ولفت عليها شرشف الصلاه وطلعت )
اما ساره فكانت تطالع جهة الباب وفجأة انفجرت ضحك , ولفت نظرها على طول على الجهاز وفتحت بسرعه الماسنجر
.,.,.,.,.,
ام خالد : زي ما قلتلك يا ولدي لو سألوك ليش بتتزوج ثاني قلهم كذا خلاص
خالد بضيق : يا امي خلاص وربي فهمت ما يحتاج تعيدين مليون مره ..
ام خالد : يالله وصلنا وبدل هالتكشيره
خالد : انتي انزلي وانا بلبق السياره ..
نزلت ام خالد وسكت الباب وراها .. بهاللحظه فكر خالد انه يرجع من محل ما جاء بس مايصير اذا فات الفوت ما ينفع الصوت واللي تبغاه امه بيصير حيصير..
.,.,.,.,
دقت ام خالد الجرس وبسرعه انفتح الباب وطلع منه قمر في عز العصر
وجود وهي تحضن عمتها : وحشتيني ياعمتي لك وحشه
ام خالد : وحتى انتي يا بنتي فينك ما تسألي عن عمتك ايش احوالها ايش اخبارها حيه ولا ميته
وجود : طولت العمر ان شاء الله واتفضلي المجلس نورتي البيت ..
ام خالد : منور بيك حبيبتي
دخلت ام خالد المجلس بعد مافسخت عبايتها
ام خالد : فينها خالتك ياوجود ؟؟
وجود بعد ماجلست جنب عمتها : بالمستشفى عندها مراجعه عشان هالسكر
ام خالد : ماتشوف شر
وجود : الشر مايجيك
ام خالد : طيب انا بغيت اكلمك بموضوع
وجود بإهتمام : اتفضلي
.,.,.,.,
سـ * ــ * ــ * ــارونه : السلام عليكم
^^ عاشقهـــا ^^ : وعليكم السلام . فينك اتأخرتي من اول ارسلك رسايلك اقولك ادخلي
سـ * ــ * ــ * ــارونه : معليش بس بنت خالتي كانت عندي
^^ عاشقهـــا ^^ : اها اوكي . هي كيفها
سـ * ــ * ــ * ــارونه : لاحظ انك ماسألت عن احوالي
^^ عاشقهـــا ^^ : ههههههههه ولا يهمك ياستي .. بس انتي عارفه اني متعاطف معاها كثير
سـ * ــ * ــ * ــارونه : ايه والله ربي يعوضها
^^ عاشقهـــا ^^ : بس يا بختها لأنها ساكنه معاك
سـ * ــ * ــ * ــارونه : وخير يا طير قالولك نيكول كدمان لووووووووووول
^^ عاشقهـــا ^^ : تخسي نيكول تسوى ظفر ما اظافرك
سـ * ــ * ــ * ــارونه : انت تعرف نيكول ؟؟ انا اذكر انك قلت ماتعرف انجلش
^^ عاشقهـــا ^^ : امممممممم ليش الإحراج يعني ؟؟
سـ * ــ * ــ * ــارونه : ههههههههه خلاص نمشيها لأنك مدحتني .. بس تعال ليش مغير النك نيم حركتااااااااااات من ورانا نعشق ونهوى
^^ عاشقهـــا ^^ : وياريتها تحس
سـ * ــ * ــ * ــارونه : يعني صدق !!
^^ عاشقهـــا ^^ : ايوه وربي صدق
سـ * ــ * ــ * ــارونه : لو إحساسك ومشاعرك اتجاهها صادقة اكيد بتحس أصلا غصبا عن عينها تحس لوووووووول
^^ عاشقهـــا ^^ : حرام عليكي يا ساره وربي حرام .. الحين كم صار لنا من تعرفت عليكي
سـ * ــ * ــ * ــارونه : ليش حرام ايش سويت ؟ وصار لنا مع بعض تقريبا 9 شهور
^^ عاشقهـــا ^^ : لا مو 9 شهور يا فالحه 11 شهر وخمس أيام
سـ * ــ * ــ * ــارونه : يالهوووووووووي انت جني مو إنسان حاسبها باليوم لووووووووووووول
^^ عاشقهـــا ^^ : وأنت الصادقة انا مو جني انا عاشق , ويالله أنا بطلع أصلي المغرب وازور اختي
سـ * ــ * ــ * ــارونه : اوكيك يالعاشق تقبل الله مقدما وبلييييييييييييييز سلم على تهاني وباركلها بالبيبي وسلم على سما
^^ عاشقهـــا ^^ : إن شاء الله . مع السلامه
سـ * ــ * ــ * ــارونه : مع السلامه
.,.,.,.,
وجود بصدمه : أبويا وصى كذا
ام خالد : هو ما وصى لكن كانت أمنيته
وجود : بس خالد متزوج وأنا مابغا أتزوج من اصلو
ام خالد : لا انت عروسه تبارك الرحمن وبعدينه حياتك هنا مو مريحه ومو حلوه تعيشي مع زوج خالتك وولده . وانا قلتلك خالد وظروفه مع زوجته وهو أتزوجها لخاطري يا بعدي بس ما أتهنا ..
وجود : خلاص يا عمتي موافقه لعيون ابويا وكمان مابغا اضايق اهل خالتي إذا استحملوني اليوم محا يستحملوني بكره
ام خالد بإنتصار : هذا هو القرار الصح وزواجكم 24-3
وجود بصده : بعد اقل من شهر ؟؟
ام خالد : ايوه يا بنتي خير البر عاجله
وجود بتردد :بس كان ودي أتعرف على خالد أكثر وقت الخطوبه ..
ام خالد : خالد ولد خالتك وبعدينه مو من عوايدنا نقدم الملكه عن العرس
وجود بإستسلام : اللي تشوفينه ..
.,.,.,.,
فيصل يدخل على اخته وهو شايل بوكيه ورد كبير لونه احمر ومغلف تغليف عجييييييييييب
فيصل : السلام عليكم
تهاني وعلي زوجها : وعليكم السلام
تهاني : هلا اخويا منور حبيبي
علي : احم احم اول تتغزلي بالبنت والحين بفيصل وانا طول اليوم ما قلتيلي كلمه حلوه ولا كأنك امس مصحيتني من عز نومي وخليتيني أجي المستشفى من غير نعال
فيصل : ههههههههه احلف بس ؟؟ عزالله انك خبل ناسي نعالك ههههههههه اول مره اسمعبها ذي
علي : انت لو تشوف حالي اصعب على الكافر ..
تهاني وهي تمسك يد زوجها اللي جالس جنبها عالسرير : الله لا يحرمني منك معليش تعبتك امس
علي بإبتسامه : ولا منك حبي وتعبك راحه
فيصل : ترا في عزابيه ياهوه عاد قدرونا شويه
علي : ياخي شكلك غلط
فيصل : اللي يشوفني جاي لعيونك انا جاي لعيون بنت اختي السنيورة ساره
علي : لا بالله انا مابغا ساره
فيصل : ليش عاد ؟ يخبل بجد وكمان نغم بيصير الله ساره علي . ياخي احمد ربك اسمك مع اسمها وش حليله
علي : الحكايه فيها ان .. من ساره يا فيصل ؟؟ تخبي على صديقك ونسيبك

فيصل : بعدينه تهاني تحكيلك السالفه .. المهم انا بروح اشوف سارونه .. وساره الكبيره تسلم عليكي
تهاني: ربي يسلمكم وصلها السلام ماقصرت
علي : خلاص يابويا هجدنا وروح عند سارونتك
فيصل : يلا سي يو
علي : سي يو معاك
بعد ماطلع فيصل وسك الباب : يلا قلبي قولي السالفه
تهاني: ويقولوا اللقافه في البنات !! السالفه وما فيها ...
.,.,.,.,
في جهة ثانية راح فيصل عند الحضانه وسألهم عن البنت ودلوه مكانها .. راح عندها وشالها بحنيه وباسها على جبهتها : ربي يخليك ليا يا ساره وربي بديت أحب كل وحده اسمها ساره ( وفجأة اتذكر بنت جيرانهم اسمها ساره) ههههههههه مو كل وحد كل وحده لا كل طفلة اسمها ساره اما من البنات انت وبس
رجع فيصل البنت سريرها وطلع من المستشفى وهو في السيارة دق جواله وطالع على الرقم وابتسم لأنه عرف من المتصله ..
فيصل : هلا
سما : الو
فيصل : هلا بأحلى الو
سما : باباتي شوف جده ماتخليني اكل حلاوتي
فيصل : حبيبتي بعدينه ضرسك يعورك وتروحي عند الدكتورة وتشيلوا ليكي وتتعورين
سما وبدا الخوف يسيطر عليها : هاه حلاص تيب مابعا
فيصل : يالله عمري تبغي شي
سما : بابا انت فين ؟
فيصل : تبغي تروحين مكان حبيبتي
سما : بس جلسني بسيارتك معاك
فيصل ابتسم : قولي ياجده لبسيني عشان بابا بيوديني الملاهي
سما بفرحه : بنروح الملاهي ؟؟
فيصل : ايوه
سما : طيب تعال بسرعه
وطوط طوط طوط رخت السماعه بوجهه , فيصل طالع الجوال وابتسم وحول مساره من طريق القهوة للبيت
فيصل شاب محترم له هيبته بالمجتمع كل اللي حوله يحبوه عمره 27 سنه وهو مدرس احياء , اتزوج وعمره 23 من بنت عمه واخت علي بنفس الوقت لكن زوجته ماتت بعد سنتين وبموتها اتغيرت حياته لين ماعرف ساره حس معاها بدنا ثانيه باحساس ثاني حس إنها غير , وعنده بنته سما 4 سنوات طفله تخبل كل من شافها حبها )
.,.,.,.,
ابو احمد : بس ياولدي
خالد يقاطع : عمي انا قلتلك اسباب زواجي الثاني وبعدينه وجود بنت خالي وامي كمان تبغا بنت اخوها عندها
ابو احمد : الشور شورها
احمد: بس حور صغيره عليك
خالد وهو شاك بأحمد : لو ماهي موافقة خلاص محد بيجبرها ..
احمد ووجهه محمر من القهر والغيظ : يبه انا بطلع تامر على شي ؟؟
ابو احمد : سلامتك ياولدي
خالد : هاه عمي وش قلت
ابو احمد : الشور شورها ..
.,.,.,.,
ام احمد بصدمه : وجود
ام خالد : ايوه
ام احمد : بس
ام خالد : الزواج بـ24 _ 3 خلاص
ام احمد وهي تطالع وجود : مدام هي موافقة خلاص
ام خالد : انزين انا بروح واشوفك بعد شهر
ام احمد : ماجلستي ياوخيتي
ام خالد وهي تطالع وجود السرحانه : تكفيني شوفة الوجوه الزينه
.,.,.,.,
في السيارة
ام خالد : قالت ايش تبغا خطوبه من متى نسوي ملكة قبل الزواج عشان التعارف وهالمصاخه
خالد يطالع امه بتعجب : عادي وبعدينه انا وأحلام جلسنا مخطوبين سنه للعرس يعني حرام على هاليتيمه
ام خالد : احلام ماتعرفك لكن هي تعرفك , وزواجك بيكون 24 _ 3
خالد بصدمه : حددتوه
ام خالد : ايوه امس انا واحلام اتصلنا على قاعة الافراح وقالولنا هالحجز فاضي
خالد بسخريه: احلام بعد !! ياعيني
.,.,.,.,
نهاية الجزء الأول
ياترى كيف بتكون حياة وجود وخالد ؟؟
واحلام حتبقى على هالحال ؟؟
وام خالد ايش سالفة اصرارها على زواج وجود وخالد ؟؟
واحمد وموقفوا وقلبو ؟؟
وساره وفيصل وسما هل بتكون العلاقة بس انترنتيه ؟؟
وتهاني وعلي مع بنتهم الصغيرة هل حياتهم بتستمر على هالحب والهدوء ؟؟
والكثير من الاجزاء والأحداث بإنتظاركم
واي ملاحظة علموني عليها

*&*&*&*&*

اختكم
الضي السجين


الضي السجين غير متصل  
قديم 06-10-2006, 04:37 AM   #2 (permalink)
..أريام..
أمير الرومانسية
 
الصورة الرمزية ..أريام..
 
بصراحة قصتك روووووووعـــــــة

وياريت تستمرين في وضع باقي الاجزاء

مشكـــــــــــــــــــــــورة

ويعطيج ألـــــــــــف عافيـــــــــــة







...تحياااتي...
**أريام**
..أريام.. غير متصل  
قديم 06-10-2006, 05:47 PM   #3 (permalink)
الضي السجين
رومانسي مبتديء
 
الله يعافيكِ اريام

وبجد انبسطت بردك

ولا ننحرم
الضي السجين غير متصل  
قديم 06-10-2006, 05:49 PM   #4 (permalink)
الضي السجين
رومانسي مبتديء
 
&& الجزء الثاني &&

+_+_+_+ خذ الهنا من حياتي وعطني شقى حياتك ... مابي البسمه في شفاتي تكفيني بسمة شفاتك +_+_+_+


~~~~~~~~

على شاطئ البحر الأحمر كان واقف ومو حاس باللي حواليه كان يطالع للبعيد للمجهول , كان يرثي حبه ويواسي قلبه .. حبه اللي محد دري عنه .. اللي أتعهد ان مافي بشر يعرف بيه قبل وجود .. ايه وجود .. وآه من وجود .. حلم عمري .. وأملي اللي كنت دايما اسعالوا ..
اللي ياما تخيلت حياتي معاها .. فكرت بكل شي في المستقبل .. بكل شي ..
اتنهد احمد وطالع على ساعته لقاها 11 ونص .. معقولة أتأخرت هالكثر مر الوقت ولا حسيت بيه .. ياترى الحين ايش بيسوون في البيت ووجود ايش تسوي .. بتوافق ولا ترفض !! ترفض ؟؟ ما اظن وجود ترفض ولد عمتها حتفكر بابوها وعمتها وكل شي وأكيد حتوافق ..آآآه يا وجود هذه بتكون آخر مره أصارح نفسي بحبك .. لازم اتناساك لأني مارضاها لا عليكِ ولا على نفسي اني افكر بوحده متزوجة .. ماقول غير ربي يسعدك ويوفقك ..
ومشى احمد من المكان .. مشى تارك وراه حب وعشق ..
مشى بعد ما دفن حبه في أعماق البحر .. مشى وكلنا بنمشي في دروب الحياة وماندري ايش المستخبي ..
.,.,.,.,
في غرفة ساره
ساره : جوجو
وجود : ..........
ساره : جوجه
وجود : .........
ساره بصوت عالي :مرجووووووووووووجه
فزت وجود من مكانها وهي حاطه يدها على صدرها : بسم الله يمه خرعتيني
ساره : احسن والحين قولي تفكر بإيه يا جميل
وجود : حتزوج يا ساره !! وبأقل من شهر
ساره : ايوه يا ستي من قدك .. سبقتيني بالخاينه ..
وجود : ...........
ساره جلست جنب وجود وصارت تمشي يدها على راسها بحنيه : جوجو ( لفت عليها وجود ) انتي رافضة ؟؟
وجود : مدري لكن مو متصورة اني فجأة بتزوج .. ماكنت افكر الحين
ساره : ياقلبي عادي .. وبعدينه حلو عشان ان شاء الله عيالك بتكون أعمارهم قريبه من عمرك وتكونوا قريبين من بعض .. وجود قلبي فكري بالايجابيات مو السلبيات .. وبعدينه انتي عروس يعني لازم تنبسطي اوكي قلبي
وجود بإبتسامه وبعد ما حست براحه : اوكيك
ساره : والحين بره من غير مطرود العرايس لازم يناموا بدري عشان يحافظوا على بشرتهم
وجود وهي مبوزه : لسه بدري ما جات 12 ايش هذا ..
ساره : ولا يهمك بكره من بعد العشاء تنامي ويالله بره ( وصارت تجر وجود بره الغرفة لين ما طلعتها وسكت الباب وراها ) فكرت تروح النت تشوف فيصل في ولا لا بس هونت تعرفوا ما يدخل إلا العصر أو المغرب .. راحت عالسرير ومسكت جوالها لين ما شافت رقم وابتسمت وضغطت على اتصال ..
.,.,.,.,
في المطعم كان جالس قبال بنته يتأملها ..
سما : باباتي افتح الكتشب
فيصل : من عيوني ياعيون باباتي انتي ( وفتح لها الكاتشب واعطاها هو ورجع أخونا يكمل تأملاته )
فيصل : سما انبسطتي ؟؟
سما : ايوه مره حلو
فيصل : ايش اللي حلو
سما : اممممم السفينه والدباب وووو الطيارات والسيجا وكل شي ( وابتسمت ) والبطاطس والكتشب
فيصل : بالعافية حبيبتي
سما : باباتي متى تجي النونو
فيصل : بكره الصباح
سما : تيب
ورجعت تكمل أكلها .. ورجع فيصل يطالعها وهو يحمد ربه على هذه النعمة
.,.,.,.,
بعد رنتين ردت
تهاني : مراااااااااااحب
ساره : سلام
تهاني : وعليكم
ساره : ازيك عامله ايه ؟
تهاني : الحمدلله .. أخبارك انتي قلبي وأخبار وجود ؟
ساره : الحمدلله بخير .. مبروك ماجاكم وتتربى بعزكم ؟ وبوسيلي البيبي كثيييييييييييييير
تهاني : الله يبارك فيك .. وسارونه الصغيرونه تسلم عليك
ساره بفرح : سميتها ساره
تهاني : ايوه يابرنسيسه
ساره : ونعم الإختيار .. اهنيكِ على فنك
تهاني : مو انا اللي سميتها هذا فيصل
ساره : فيصل !!
تهاني : ايوه جاء يحن على راسي إلا تسموها ساره .. انتي ايش عامله بالراجل طالع حنين ورومنسي ورجع زي اول وأحسن ..
ساره بإحراج : ماسويت شي
تهاني : بجد يا ساره أشكرك على تواجدك بحياتنا وحياة اخوي , أشكرك لأنك طلعتيه من حالة اليأس اللي كانت متملكته .. ساره ابغا اقولك شي ولا تزعلي وانتي عارفة اني اعتبرك الأخت اللي ماجابوها امي وابوي
ساره : خير تهاني ايش في ؟؟
تهاني : ساره وربي فيصل يحبك
في هاللحظة توقف الزمن عند ساره حست بقشعريره بجسمها .. وبسرعة انهت المالمكه مع تهاني وجلست تفكر .. فيصل يحبني !! يحبني انا ساره .. بس هو ماقال لي ؟ انا الغبية بعد ايش يقول لي !! فيصل محترم وعارف انو لو قال هالكلام بلعن خيرو .. بس انا ليش ما لاحظت كلامه لي .. كلامه اليوم وامس وقبل امس ..معقولة ما نتبهت ..هل انا غبية او استغبي !! لا انا استغبي ..ولا كل شي يدل انو يحبني .. وانا ! مشاعري اتجاهو ايش !! بس لازم اشوف مشاعري نحوه واحكم بدون أي ظغوط مابغى اصير معلقة كذا .. لازم احدد احساسي ..
( ساره تعرفت على تهاني عن طريق النت من سنه .. وتطورت علاقتهم حتى صارت مكالمات وزيارات بينهم .. وصاروا زي الاخوات .. حتى لمن حصلت مشكلة فيصل .. حست ساره بتعاطف نحوه وقررت انها تحاول هي معاه يمكن تقدر تسوي اللي ماقدر غيرها تسويه !! فاتفقت هي وتهاني وحاولت ساره كثير مع فيصل .. حتى قدر يخرج من حالة اليأس والتشتت والضياع اللي كان فيها )
.,.,.,.,
في بيت خالد كان خالد جالس ومتضايق , كل ما يتذكر ان بكره زواجه يتكدر اكثر واكثر , يحس انه ظلم نفسه وبنت خاله عشان فلوس لا ودت ولا جابت ولا وش اللي حاد بنت عمرها 17 سنه تتزوج واحد عمره 27 لا ومتزوج بعد .. بس ما يقول غير الله يستر ويعين
في الجانب الثاني كانت احلام جالسه بغرفة النوم , وبدت تحس بالغيرة تنهشها .. ياربي انا مدري كيف طاوعت عمتي ورضيت انه يتزوج عليا .. اف ما اتصور بكره خالد بينام بره البيت في احضان وحده ثانيه .. اف ياربي .. بموت قهر .. بس ! بس انا ايش فيني مو كنت متشوقة لهالزواج ايش فيني اليوم كذا لا يا احلام احسن ان خالد يتزوج عشان انت تقدري تعيشين حياتك وبعدينه خالد يحبني واكيد حيبديني انا دايما وهي بتكون صفر عالشمال .. بس لازم اقول لخالد عن فكرتي لازم وعساه يرضى
راحت احلام الصاله لخالد لقته جالس وسرحان في هاللحظة رجعت لها مشاعر الغيرة بس قاومتها وراحت جلست جنبه ..
خالد بعد ما انتبه لها : هلا احلام
احلام : خالد ابغا اطلب منك طلب
خالد : امري
احلام بعد ما بلعت ريقها ونزلت راسها : مابغاك تلمس شعره وحده من وجود , مابغاك تعتبرها زوجتك بجد , خليها زوجتك بس قدام الناس , وانت ماتقصـ
في هاللحظة قام خالد وبدا وجهه يحمر : انتي اتخبلتي
احلام رفعت راسها وخافت من شكل خالد : لا بس
خالد بعصبيه: احلام اسكتي لا ارتكب فيكي جريمه , وجود بتصير زوجتي زيها زيك فاهمه .. اللي تاخذي تاخذو هي فاهمه ؟ وخليك تعيدي هالسالفه مره ثانيه مابيصير خير ..
وراح وخلها مصدومه منه ., ماتوقعته بيفور لهدرجه ..
.,.,.,.,
في بيت ابو احمد كانت الدنيا ماهي شايلتهم من الفرحه .. حتى وجود بدت تتعود على فكرة زواجها ..
ساره : واااااااااااو وجود حنتك عجيــــــــبه
وجود : بجد
ساره : ايش بجد ؟ والله مره روعه وماشاء الله لأنك بيضه طالعه على يدك احلى واحلى ..
وجود : ماشاء الله حتى حقتك روعه
ساره : امممممم هي حلوه لكن لو كنت بيضه بتصير احلى
وجود : بالعكس سارونه انت حلاتك بسمارك
ساره اتنهدت : حستفقدك كثير ياقلبي
وجود وبدت عيونها تدمع : وانتوا بعد حتوحشوني كثير كثير
وجيت لحضن ساره وبدؤا الثنتين يبكون .. وفي هاللحظة دخلت ام احمد :
ام احمد بخوف : بسم الله ليش تبكون ايش فيكم
ساره ووجود بعد مافكوا بعض : لا ولاشي
ام احمد : طيب وجود اخذتلك اجازة الاسبوع الجاي من مدرستك خلاص ..
وجود : طيب عمتي ..
ام احمد : مو ناقصك شي يابنتي
وجود : لا عمتي كله تمام
ام احمد : وانت ساره ؟
ساره : كله تمام لا تشيلين هم يا امي
ام احمد : وجود يا بنتي تعالي معايا ابغا اكلمك ..
وجود بإحراج وكأنها عرفت عمتها بإيش تبغاها : طيب
ساره : وانا امي
ام احمد : لمن تزوجي لكل حادث حديث
ساره وهي مبوزه : كيفك لسه بتعيدي مره ثانيه انتي اللي بتتعبي مو انا
ام احمد : ايوه صح انا اتعب مو انتي
وخرجوا ام احمد ووجود وجلست ساره تفكر باللي شاغل بالها .. تفكر بفيصل من يوم كلمتها تهاني عن اخوها وهي مادخلت النت وكمان انشغلت مع وجود وتجهيزات زواجها .. في هاللحظه اتذكرت انها ما عزمت تهاني ..
اخذت جوالها اتصلت على جوالها محد رد ..
ساره : ياربي ايش اسوي … امممم مالي غير رقم بيت امها هي لسه ما خلصت الاربعين وعساها تكون في
دورت على الرقم لين ما حصلتوا ..
اتنهدت واتصلت دق مره ومرتين والثالثه ثابته انرفعت السماعه ..
…..: الو
ساره : مرحبا
فيصل : مراحب .. نعم اختي
ساره : ممكن تهاني لو سمحت ..
فيصل : ثواني .. طيب من اقول لها ؟؟
ساره : ساره صالح
في هاللحظة وقف قلب فيصل
سارة !! سارة حبيبته تكلمه !! حس بحراره .. بلع ريقة وقال ..
فيصل : كيفك ساره
ساره مستغربه : الحمدلله بس ممكن تهاني بسرعه
فيصل : انتي زعلانه من الكلام اللي قالته تهاني .. لمن صارحتك بمشاعري ؟؟
ساره (فيصل !! انا اكلم فيصل !! فيص ابو سما ؟؟آه يابعدي والله زمان عنه .. اشتقت ليه ولسوالفه ..قطع افكارها صوته )
فيصل : ساره ..
ساره بهمس : ممكن تهاني
فيصل : الحين اناديلك ام ساره ..
.,.,.,.,
هناك ... تقف دائما .. قلوب عاجزه حائرة .. مترددة .. لاتقوى نزيف الجرح... ولاأنين الألم .. ولاطعنات الغدر..
تقف .. ولكنها خالية من الشكوى .. من البوح .. ربما تعشق الصمت .. تناجي السكون .. تركن للوحده بهدوء .. انها طبيعة هذا القلب .. الذي يحمل في ثناياه بوحا محرقا .. يحاول أن يهدأ ولكنه يختنق .. يصارع ويضرخ مرددا ..
أما لهذا الجرح من آخر !
أما لهذا النزيف من نهاية !
الى متى يحمل هذا القلب نوائب حزن مولع بالألم ؟
الى متى .. متى .. متى ؟؟
عندها فقط هل سيبقى هذا القلب حيا ؟
هل سيشفى هذا القلب المثقل بالهموم .. المثخن بالجراح ..؟
حتما انهم لايعلمون ان لهذا القلب .. رحيق من الوفاء وعبق من الكبرياء ..
اتنهدت وجود وسكرت دفترها .. هذا الدفتر ما بدأت تكتب فيه غير ما بعد راحوا امها وابوها وتركوها وحيده .. وحيدة !! رفضت هالفكرة ومالقت غير هالدفتر اللي عاهدت نفسها انو بيكون شريكها ورفيق دربها .. الدفتر مره روعه يعبر عن ذوق وجود لأنها هي عملتوا جلدتوا من بره بجلد خشن وحطي عليه فيونكات ومقاطع شعريه ولونه بني وزينته باللون الوردي .. كان يعبر عن ذوق رفيع .. اخذت الدفتر وحطتوا بالشنطة اللي بتاخذها معاها لشهر العسل .. ورمت نفسها عالسرير .. ياكثر ماتعبت في الأيام اللي راحت الترتيبات السريعه تعبتها كثير كل يوم سوق هذا غير الصالون اللي كانت تروح له تهتم ببشرتها والديكير والمانيكير وشغلات الحريم وامس بس ودت شنطها لبيت عمتها وراحت ساره وخالتها .. وجلست تفكر ببكره .. اليوم اللي تحلم بيه كل بنت .. في هاللحظة دمعت عينها تذكرت دعاوي امها كانت دايما تقول انا بجهزك واودي الدبش حقك واخليك احلى عروسه وابوها .. كان دايما يقول ما اعطي بنتي الا للي يستحقها .. كانوا يتمنون يحضرون هاليوم .. آآآه فيك يا يمه فينك يا يبه ؟؟ بكره زواجي .. ابغاكم تكونوا جنبي ابغا اشوف فرحتكم بعيونكم .. ابغا اشوف دموع الفرح من عيونك يا يمه وابغاك انت يا يبه تسلمني لخالد ..لكن مافي احد بيسلمني لخالد مافي رجال بيوقف جنبي لا اخ ولا عم ولا خال بكون وحيدة في ليلة عمري زي ماعشت سنه وحيدة .. وعسى ما ابقى وحيدة على طول ..
مسحت دموعها وراحت الحمام تتوضا وتصلي وتدعي لأمها وابوها وترجي ربها يوفقها في حياتها ..
.,.,.,.,
فيصل بصراخ : تهاااااااااااااااني
تهاني : ايش فيك اخوي
فيصل : ساره تبغاك عالتلفون
تهاني : ساره !
راحت تهاني رفعت السماعه : هلا ساره
ساره : هلا تهاني احوالك قلبي ؟؟
تهاني : بخير ربي يسلمك .. انتوا كيفك ؟؟ وفينك زمان عن النت في ناس صابهم يأس من بعدك ؟؟
ساره : والله احنا بخير .. والنت سيبتوا عشان انشغلت بزواج وجود
تهاني : زواج وجود ؟؟ ايش السالفه ؟؟
ساره : بكره زواج وجود .. وبصراحه كل شي صار بسرعه .. وانا متصلة اعزمك
تهاني : الف الف مبروك تستاهل وجود .. بس بشري كيف المعرس ؟؟ عساه يستاهلها ؟؟
ساره : هو ولد عمتها اكبر منها بـ 10 سنين ويدير شركة ابوها مع ابوي .. بس متزوج !!
تهاني : يالله عادي حتى لو متزوج مافيها شي .. ياما نشوف وحده رجالها متزوج قبلها وبعدها متهنيه اكثر من وحده هي وحيدة زوجها ... هذا يعتمد عالزوج ومساوتوا بين الاثنين وخوفوا من ربوا ..
ساره : على قولتك.. المهم تقدرين تجين بكره
تهاني : والله ودي بس عاد الناس ايش يقولوا لسه ماخلصت الاربعين ورايحه اعراس .. بس هاه هالله هالله بالصور لا تفوتون ولا شي ابغا اشوف كل شي ..
ساره : هههههههه ولا يهمك ياقمر وكان بودني والله تشريفينا ..
تهاني : ماعليه حبيبتي .. ويالله عقبالك ..
ساره هنا استحت : امممممممم انزين تامرين على شي
تهاني : احلى يالحياء .. بس سلامتك وباركيلي لوجود
ساره : من عيوني .. وسلمي على سارونه
تهاني : ولا يهمك .. يالله مع السلامه
ساره : مع السلامه
بعد ما سكرت تهاني من ساره جلست تفكر
فيصل : آآآه ياحلو صوتها وطبعها وكل شي فيها
تهاني : ........
فيصل : تهاني شفيك ؟
تهاني : وجود بتزوج ؟
فيصل : ايوه سمعت ربي يوفقها ولو انها صغيره بس قسمة ونصيب ..
تهاني : بس ساره ..
فيصل قام من الكنب بخوف : ايش فيها ساره بتزوج بعد ؟؟
تهاني : مالت عليك بس هذا اللي شاغلك ؟
فيصل : اجل ايش السالفه ..
تهاني : لمن سألتها عن زوج وجود قالت فيه اشياء حلوه لكن في النهايه قالت انه متزوج ونبرة صوتها غير كأنها مو مقتنعه ان وجود تاخذ واحد متزوج ..
فيصل بخوف : يعني تظنين اني لو تقدمتلها بترفض وانا كنت متزوج لا وعندي بنت بعد ؟؟
تهاني : مدري ياخوي لكل حادث حديث
فيصل : طيب فين علي ما شفتوا اليوم ؟؟
تهاني : مدري عنو فين ؟؟
فيصل : تهاني منتي ملاحظه من يوم جبتي بنتك زوجك اهملتي .. علي ماتدري فين يروح وفين يجي ؟؟
تهاني بعصبيه : يوووووووووه انتوا ليش ما تقدروا انت وامي وعلي انا عندي طفله اهتم بيها وعلي كبير مو محتاج اسألوا عالطلعه والنزله فين رايح وفين جاي
وراحت لغرفتها وهي معصبه .. اما فيصل جلس يطالع فيها وهو يشوف كيف اختوا اهملت علي بالمره : الله يستر عليك يا اختي لا يجيك بضره ويعينك ياعلي ..
.,.,.,.,

اشرقت شمس يوم الخميس 24-3 معلنه بدأ يوم جديد وفراح جديد واحزان جديده .. اشرقت واخترقت اشعتها بيت ابو احمد ... لمواجهة يوم كلهم مستعدين له ويتمنون خيره ويستعيذون من شره ...
دخلت ساره غرفة وجود : جوجو يالله اصحي
وجود : ليه كم الساعه ؟؟
ساره : اممممممم تقريبا 1 ونص
جلست وجود على سريرها بسرها وشالت اللحاف من عليها : هاه 1 ليش ما صحيتوني بدري ؟؟
ساره : بسم الله ما حصل الى خير ..
وجود : ياربي متى مداني اخذ شاور وغيروا وغيروا اممممم ( ولفت على ساره ) سارونه حبيبتي جهزي الطرحه واكسسوارت الشعر بكيس عشان باخذهم معايا عند الكوفيره وبعد اتصلي على الصالون اكدي عليهم .. وجهزيلي بلوزه تكون بأزارير عشان لمن افسخها في الفندق ماتتخربط التسريحه وبعد اممممم ايوه صح الإكسسوارت والفستان حطيه عند الباب عشان لا تنسونه وايش كمان اممممم ايوه شنطة السفر لا تنسـ
قاطعتها ساره : هيه انتي اشبك يا ماما اعصابك الدنيا ما بتطير شنطة السفر من الصباح راحت بيت عمتك وكل شي تمام لا تخافين ولا تشيلين هم انتي رويقي وهدي اعصابك وبس وكل شي بيكون تمام .. وروحي صلي الفجر والظهر ..
وجود : لا صليت الفجر قبل ما نام بصلي الظهر بعدين بستحمى ..
ساره : طيب ادخلي بسرعه لا تضيعي وقت الساعه 2 لازم تكوني في الصالون ..
وجود : طيب طيب
.,.,.,.,
في بيت ام فيصل .. في غرفة علي وتهاني
علي : تهاني فين الشماغ ؟
تهاني وهي تبدل لبنتها: مدري اسأل الشغالة ..
علي بعصبيه: تهاني انا زوجك انتي مو الشغالة ..
تهاني بعصبية : وانا جالسه اهتم ببنتك ترا مو العب .. لازم خلاص كل شي على راسي ..
علي : ايش كل شي على راسك هذه هي واجباتك كإمرأة تهتمين بزوجك وعيالك .. والأطفال عمرهم ماكانوا حجة .. ورجاء تهاني اتعدلي لأنوا اهمالك ليا زاد كأنك اول وحده تولد .. كل الحريم يولدوا ما يسووا اللي تسوينو..
وخرج من الغرفة معصب ..
تهاني : اووووووووووف كيفه والله مو فاضيتلوا ( ورجعت تلعب مع بنتها )
.,.,.,.,
في افخم القصور بمدينة جدة بدت العالم تجي عالساعه 10 وكان الفرح منظم بجد وكان الكل مبسوط حتى خالد مبسوط ماعدا اثنين .. احمد اللي يحس قلبه من جوه يحترق وهو يشوف العد التنازلي بدأ وتختفي وجود من بينهم .. واحلام اللي ما حضرت العرس وجلست في البيت والقهر بياكلها ..
ساره كان شياكه بجد كانت لا بسه فستان عريان من فوق ومن تحت في جهات طويله وجهات قصيرة كانت الحركه مره حلوه ..ولونه مندمج بين الفيروزي والوردي .. وبما انه شعرها لكتفها سوتلوا فير ومنزلة خصل من قدام ومكياجها كان مطلعها روعه بجد ..
دخلت على وجود الغرفة : وااااااااااااااو قمر وربي قمر قسم بالله قمر ماشاء الله قمر يابنت ارفيقي بالرجال مايقدر على ذا كله ..
وجود : يووووووه سارونه وربي استحي بس خايفة شوفي كيف ( واخذت يد سارة حطتها على قلبها ) شايفة كيف قلبي بيدق ..
ساره : ههههههههه وربي مايسوى عادي ايزي ياقلبي
وجود : اشوف فيك يوم يا ساره بنت صالح .. هين ..
ساره : اوووووف يالحقد ماعلينا وقعتي عقد الزواج ..
وجود وهي قدام المرايه : ايوه خالتي جابتلي الدفتر من شوي ..
ساره : ماشاء الله حلوه يا وجود
وجود بإبتسامه : يا قلبي انتي عيونك الحلوه ..
كانت وجود بجد روعه كان فستانها ابيض وشويه وردي وعريان من فوق وعند الخصر شفاف .. ولأن عند الصدر في حركات كثيره والفستان طالع ثقيل فما لبست عقد واكتفت بالحلق والإكسسوارات اما تسريحتها ولأن شعر وجود طويل فأبدعت فيه الكوفيره وحاولت تبين طوله بحيث انها سوت التسريحه وبعدينه نزلت خصل ومكياجها نعومي يناسبها وطالعه كيوت وتخبل بحق .. والمسكه حقتها .. اللي صممتها وحده فليبينيه فنانه بهالشغلات يعني طلبت من وجود فستان الفرح وناسقتهم مع بعض وخلت المسكه ممكن تنحط على الذراع وممكن تنشال زي السله .. ومزينه بورد ابيض ووردي ..
بهاللحظة دق جوال وجود : سارونه شوفي مين ؟
ساره : طيب
اخذت ساره الجوال وشافت المتصلة امها : هلا يمه
ام احمد : سويره ايش تسوي عندك ؟؟
ساره : ارقص
ام احمد على نياتها: طيب يابنتي تعالي ارقصي تحت مع البنات ..
ساره : ههههههههه احبك يا امي .. انتي صدقتي .. انا جالسه اهدي وجود ..
ام احمد : بغيتي تنسيني ليش متصلة .. اطلعي من عندك لأن المصوره جات وبنطلع خالد يتصور مع زوجته ..
ساره : ليش بتزفوهم الحينه لسه الساعه 1 ونص قلنا الزفة 3 اشبكم ..
ام احمد : لا بس يتصوروا لأن المصورة عندها زواج ثاني ..
ساره : اها .. اوكي خلاص الحين نازله
قفلت ساره من عند امها : وجود الحين خالد بيطلع عشان تتصوروا
وجود : مو قلنا التصوير قبل الزفة ؟؟
ساره : المصورة عندها زواج ثاني بعدنا .. والحين خالد بيجي
وجود : ياربي والله خايفة سارونه قلبي بيوقف ..
ساره : سلامة قلبك حبيبتي .. ربي يوفقك
ونزلت ساره من عند وجود وكل شوي اضطراب وخوف وجود يزيد .. وبعد دقايق انفتح الباب ودخلت منه حرمه بس متحجبه ووراها عمتها وفي الأخير خالد .. وجود على طول نزلت راسها من الحياء .. وخالد للحين ما طالعها ..
ام خالد بإبتسامه : روح يا ولدي سلم على زوجتك
راح خالد بخطوات بطيئه وهو يطلع الجسم الصغير اللي قدامه ومنزل راسه .. قرب منها وباس راسها وهمس لها : مبروك
في هاللحظة رفعت وجود راسها .. وشافت خالد وشافها خالد ..
وجود ( ياويل حالي والله وطلعت تخبل ياولد عمتي )
خالد ( هذه ملاك مو بشر الله يحفظك من كل عين )
وجود ردت بصعوبه : ربي يبارك بعمرك
المصور : هلأ ممكن نتصور
ام خالد على نياتها : شوفي يا بنتي صوريهم وهو جالسن وواقفين وخلي صور بالعرض وصور بالطول .. وابغاك تبيني كل شي فيهم ..
المصوره غمزتلها : ولو لا تشيلي هم ..
ام خالد : الله يكفينا شر هالغمزة ..
وطلعت ام خالد من هنا وبدأت المصورة تصور خالد ووجود من هنا .. وعاد هي جريئة بالمره حتى خالد استحى بس هي ولا عليها .. وبعد نص ساعة خلصوا تصوير وراحت بعد ماخلت وحده من العاملات اللي معاها تتكفل بالتصوير الفيديو وقت الزفة ..
وبعد ساعتين زفوا خالد ووجود بعد ما سكوا الإضاءة في القاعة وخلوا نور بسيط مسلط على العروسين ونزلوا على عدة أغاني يعني مره اغنية ومالوا ومره حبيتها لعادل محمود ومره اغنية قمر لعبدالمجيد وعنيا بتحبك لتامر ومجموعة من الأغاني الرومنسية .. كانت الزفة روعه مع خالد ووجود ..
لين ما وصلوا للستيج وجلسوا على الكراسي وكانت الكوشه على شكل ركن خشبي يعني الكراسي من الخشب وملفوفة بورود .. وبعدها بدأت الأنوار تنفتح وبدأت الناس تبارك وتهني .. والكل يسمي ويقول هذولاء مخلوقين لبعض ..
والساعه اربعه مشيوا العروسين لبيت ام خالد ..
مشيوا لحياتهم سوى
مشيوا وما يدرون ايش بيصير بكره
مشيوا وكل واحد يتمنى انه يقدر يسعد الطرف التاني
ياترى كيف بيكون شهر العسل ؟؟
واحمد هل يقدر يوفي بوعده لنفسه ؟؟
وساره وفيصل والتطور الحاصل بعلاقتهم ؟؟
وتهاني وآخر تجاهلها ومشاكلها مع علي ؟؟
واحلام هل بتنكد احلام وجود ؟؟
المزيد من الأحداث في الأجزاء الجايه ..
واتمنى رأيكم بالبارت ..
الضي السجين غير متصل  
قديم 06-11-2006, 07:18 AM   #5 (permalink)
..أريام..
أمير الرومانسية
 
الصورة الرمزية ..أريام..
 
رووووووووووعه

الجزء حلو ....



بانتظار باقي الاجزاء......


مشكـــــــــــــــــــورة...

ويعطيــــج العافيـــــــــة......



...تحياااتي...
**أريام**
..أريام.. غير متصل  
قديم 06-11-2006, 01:02 PM   #6 (permalink)
sabeen
رومانسي مبتديء
 
مشكورة ما قصرتي ويعطيكي العافية وبانتظار التكملة
sabeen غير متصل  
قديم 06-14-2006, 03:51 PM   #7 (permalink)
الضي السجين
رومانسي مبتديء
 
العفو

اريام


sabeen

ويسلموووووووووووووو على تواجدكم ومروركم

التعديل الأخير تم بواسطة الضي السجين ; 06-14-2006 الساعة 03:54 PM
الضي السجين غير متصل  
قديم 06-14-2006, 03:52 PM   #8 (permalink)
الضي السجين
رومانسي مبتديء
 
+_+_+_+ جبتها عالجرح وكنك ما دريت .. وانت قاصد ماهي عن نية اصدفت .. والدليل انك تبسمت ومشيت .. وانا اناديلك ولا يمي التفت +_+_+_+

الجزء الثالث

اليوم الثاني الساعه 7 الصباح صحي خالد على صوت المنبه اللي عايره عشان موعد الطياره .. وبكسل سك الساعه والتفت على وجود النايمه جنبه .. لمن طالعها ما قدر يمنع نفسه من انه يبتسم .. شكلها برئ وهي نايمه .. اصلا هي بريئه وهي صاحيه فكيف وهي نايمه !! قرب من اذنها وبهمس : وجود اصحي
لفت وجود عالجهة الثانيه وغطت جسمها كلو بالبطانيه ..
قرب منها ونزل اللحاف بشويش : يالله جوجو اصحي ورانا طيارة (وقرب منها اكثر وهمس) وشهر عسل ..
في هاللحظه وجود استوعبت انها متزوجة وجالسة في بيتها واللي جنبها زوجها .. بسرعه صحيت ولقته يطالعها ويبتسم ..
وجود بحياء : صباح الخير
خالد بإبتسامه عذبه : صباح النور على اكسل عروس
وجود بإحراج : متى موعد الطياره ؟؟
خالد : اممممممم 9 تقريبا
وجود وهي مبوزه : تسه ومصحيني الحين
خالد : اذا تبغي شهر العسل يفوتك نامي كمان نص ساعه
وجود بسرعه فزت من سريرها وحطت يدينها على خصرها : لا والله تنكت .. لو تصحيني 6 عادي ..اهم شي اروح شهر عسل..
خالد طالع فيها مستغرب وبعدينه انفجر من الضحك
في هاللحظه وجود استوعبت الللي قالته ولعنت نفسها مليون مره ( اف صدق اني عبيطه .. الحين يقول هذه مي شايفة خير .. مالت عليا وعلى هبالتي )
خالد : ولا يهمك انتي استحمي عشان استحم انا بعدك
وجود :طيب .. بس .. اممممم ممكن تقول للشغالة تجهز البخور ..
خالد : من عيوني
اخذت وجود اغراضها ودخلت الحمام اما خالد فأتصل على الخدم وطلب منهم يجهزون البخور ..ورجع اتمدد على السرير وهو يسترجع الليله اللي فاتت كان كل شي فيها حلو ..
.,.,.,.,.,.,.,
في بيت ام فيصل دخل علي حجرته ولقى تهاني نايمه ومنيمه جنبها بنته ساره .. اتنهد واتضايق بالحيل ( ياربي معقولة هذه تهاني اللي اتزوجتها .. اللي ما كانت تنام الا وانا موجود الي لو اتأخرت ساعة من دون ما اخبرها تحرق تلفوني من الإتصال .. آآه ياتهاني معقولة بنتنا غيرتك ولا خلاص الأيام الحلوه راحت ومستحيل ترجع )
راح علي وشال بنته من مكانه وحطها في سريرها .. ولمن جاء بينام حط ظهره على جهة تهاني لأنه بجد متضايق منها حييييييييييل )
.,.,.,.,.,.,.,
بعد ساعه الا ربع طلعت وجود من التواليت وهي لابسه الروب .. وشعرها المبلول نازل بإنسيابيه على ظهرها .. لمن شافها خالد اعتدل بالجلسه وما قدر يمنع نفسه من انه يصفرلها ..
خالد : الله يحفظك من كل عين
وجود بحياء : انزين انا بلبس بغرفة الملابس على بال ما تاخذلك شاور اوكي ..
وراحت عنه .. وجلس خالد فترة مكانه ( يحليلها ويحليل حياها .. عجيبه هالبنت )
.,.,.,.,.,.,
دخلت وجود غرفة الملابس وماصدقت انها دخلت على الأقل تهرب من نظرات خالد وكلماته المحرجه .. لمست وجهها بيدينها وحست انها حاااره من الحياء .. ابعدت عنها هالأحاسيس وفتحت الدولاب حقها .. لقت ام احمد وساره مرتبين ملابسها احسن ترتيب ومبخرينها ..
في ذيك الساعه حست انها ودها تبكي اشتاقتلهم كثيررررررر هم اللي قدروا يعوضوها ولو بجزء بسيط من غياب اهلها عنها .. مسكت نفسها واتنهدت وجلست تتنقى بملابسها لين ما رست على بنطلون برمودا جينز لونه ازرق وبدي من دون اكمام لونه ابيض ومن الـطراف ازرق .. وعليها رسمت دبدوب ازرق من قدام .. وبعدها طلعت من الغرفة وكان لساتوا خالد ما طلع من التواليت .. حمدت ربها انو ما طلع ورجعت تكمل شياكتها وحطت روج وردي ولمعة وكحل جوة العين وماسكارا وظل بسيط .. وفي هاللحظة دقت الشغالة الباب جايبه البخور .. اخذت وجود البخور ونزلت ثوب من ثياب خالد وبخرته وبعدها بخرت شماغه ..
وراحت تجفف شعرها بالأستشوار .. لأن شعرها ناعم ما يحتاج تستشوره .. في هالوقت طلع خالد من الحمام ولمن طالعها ابتسم ابتسامه خبيثه : لا الظاهر اني بكنسل السفره ..
وجود بخوف : ليش ؟؟
خالد : عشان مابغا اضيع ولا دقيقة بعيد عنك .. ابغا اكون معاك ولوحدنا ..
في هاللحظه وجود حمرررت وماعرفت ايش ترد عليه .. اتجاهلته وراحت عند المبخره تبخر شعرها .. اما خالد ابتسم وراح لبس ثيابه واتجهز..
.,.,.,.,.,.,
في بيت ابو احمد صحيوا كلهم لإستقبال المعاريس لأنهم بيجوا يودعوهم ماعدا احمد اللي رفض يستقبلهم ..
ام احمد : سارونه حبيبتي جهزتي الفطور؟
ساره : وهي تطالع نفسها بالمرايه :يس ماماتي كل شي تمام فطور بالمقلط و فطور بغرفة الطعام ..
ام احمد : ربي يسعدك يا بنتي ويرزقك بالزوج الصالح قولي امين ..
ساره : ماماتي تبغين تفتكين مني ؟؟
ام احمد : وفي ام تبغا الفكه من بنتها الوحيده ..
ساره : انزين انا بروح اجهز الشاهي تبغين شي يالغلا ؟؟
ام احمد : لا يا بنتي
.,.,.,.,.,.,.,
وجود هي وخالد ركبوا السيارة بعد ما دخلوا على عمتها بالغرفة وسلموا عليها كان خالد فاتح اغنية من بين الناس ويدندن معاها ..
وجود : تدري يا خالد صوتك حلو ؟؟
التفت عليها خالد : صدق ولا مجامله ؟؟
وجود : لا وربي بجد ..
خالد : هههههههه الله يجبر بخاطرك رفعتي معنوياتي ..
وجود بعد ما وطت على صوت المسجل : يالله غني وحدك بليززززززززززز
خالد : ولا يهمك .. غالي والطلب رخيص ..
احم احم
حبيب قلبي حبيب قلبي
حبيب قلبي وحياتي
اسأل عليك واريدك
صدقني قلبي نسيته
وياك وايدي بيدك
ياويلي منك يا ويلي
يامسهرني وطال الليل
ماعندي غيرك حبيبي
بس انت اغلى امنياتي
حبيب عمري انت وحدك
مالي بالدنيا بعدك
اكثر من الروح اودك
بس الك قلبي يميل
ياويلي منك ياويلي
يامسهرني وطال الليل
ماعندي غيرك حبيبي
بس انت اغلى امنياتي
حبيب عمري وزماني
واشواقي كلها وحناني
مااريد انسان ثاني
غيرك انت ومستحيل
ياويلي منك يا ويلي
يامسهرني وطال الليل
ماعندي غيرك حبيبي
بس انت اغلى امنياتي
كان خالد يغني ويطالع وجود بين فترة وفترة .. كان يحس ناحيتها بإحساس غريب .. حسها قريبه منه حييييييل .. اما وجود فكانت تتأمله وهو يغني كان صوته روعه وحساس كثير ويبين انه رومنسي .. ماتدري حسته كذا .. كانت سرحانه بالمره .. لين مانتبهت ان خالد خلص اغنيه ..
وجود وهي تصفق له : روعه وربي روعه
خالد احم احم .. تبغي توقيع انا في الخدمة ..
وجود : ههههههههه لا بس ابغاك تغنيلي بين فترة وفترة لأن صوتك حلو مرررره ..
في هاللحظه جات احلام على بال خالد ..ياما كان يغنيلها واحيانا يكتبلها اشعار (لأن خالد حساس بالحيل وشاعري لكن هالأشياء مدفونه جواته نادرا ما يطلعها ) .. لكنها كانت تكتفي بإبتسامه باهته حتى كرهته بالغناء والشعر .. لكن اذا اعطاها عقد ولا خاتم تطير من الفرحه ..آآآه يا احلام طول عمرك ماديه ..
.,.,.,.,.,.,.,
وصلوا خالد ووجود بيت ابو احمد وودعوهم .. واتضايق خالد لمن احمد ما نزل يسلم عليه .. بذيك اللحظه اتأكدت شكوكه إن احمد ما كان يبغاه ياخذ وجود .. وبعد السلام والكلام ودموع الحريم .. خرجوا خالد ووجود للمطار متجهين للبنان يجلسون فيها اسبوع ..
.,.,.,.,.,.,
في بيت ام خالد .. كانت ام خالد تفطر واحلام جايتها مع الصباح على بالها بتلحق على العرسان لكنها ماتت قهر لمن دريت انهم راحوا ..
احلام : عمتي ما اقدر اوصفلك شعوري .. امس وربي ماقدرت انام .. بموت قهر بنفجر ..
ام خالد : لحوووووووووول انتي وراك مصدعتني مع الصباح .. خليه يرجع من شهر العسل ووقتها يصير خير ..
احلام : والله لأوريك يا وجود .. ما اخليك تتهنين بخالد .. خالد زوجي انا وبس ..
ام خالد واللقمه بفمها : تعالي افطري يمه ولا تجيبين لنفسك الهم والغم ..
احلام : ان شــ ( قطع كلام احلام صوت جوالها )
احلام بربكه : ولا اقول انا بطلع الحين ..باي
واخذت احلام شنطتها وطلعت والجوال لساتوا يرن في يدها ..
اول ما دخلت السيارة ..
احلام تكلم السواق : محيي الدين روح على شاليهات الخليج ..
محيي : ان شاء الله مدام
ردت احلام على تلفونها بغنج : هااااااي
المتصل : هلا بناعم الصوت .. فينك من اول اتصل ..
احلام : كنت عند ام زوجي ..
المتصل : كل ما تقولي كلمة زوجي اعصب.. للمره المليون اقولك لمن تكوني معايا انسي زوجي وابويا .. اوكي !!
احلام : ههههههه اوكي يا سعدي انت
سعد : طيب حبي متى جايه ؟؟
احلام : الحين انا في الطريق .. تقريبا بعد ربع ساعه اكون عندك ..
سعد : انتظرك يا حبي
احلام : اوكي عمري الحين باي
سعد : بايات يا حياتي
سعد هو ولد خالة احلام .. يحبها بجد حتى هي تحبو وعشان كذا هي للحين ما خلفت من خالد .. لأنها ماتبغا شي يربطها بيه .. هي اخذتو طماعا فيه مو حب .. واول ما تاخذ شي عليه القيمه بتطلب منو الطلاق ..
.,.,.,.,.,.,
في غرفة تهاني وعلي قامت تهاني من نومها على بكى بنتها .. طالعت جنبها مالقت بنتها .. لقت علي .. للحظه حنتلو اشتاقتلو من زمان عنو وامس نامت قبل ما يوصل .. كان مستغرق بالنوم وشكلو تعبان حيييييييل .. راحت لبنتها وشالتها بالراحه وطلعتبها بره الغرفة ..
.,.,.,.,.,.,.,
في غرفة ساره كانت تكلم فيصل عالمسن..
سـ * ــ * ــ * ــارونه :يا قلبي عليها ..
^^ عاشقهــــا^^ : احم احم ترا اغار
في هاللحظه انحرجت ساره وغيرت الموضوع ..
سـ * ــ * ــ * ــارونه :طيب كيفها هي مع البيبي ؟؟
فيصل عرف انها اتعمدت تغير الموضوع
^^ عاشقهــــا^^ : الحدلله مبسوطه بيها طايره بيها الدنيا .. بس تدرين مره قالت شي حز بخاطري
سـ * ــ * ــ * ــارونه : ايش قالت ؟؟
^^ عاشقهــــا^^ : قالت سارونه عندها ابو زيي لكن انا ليش ماعندي ام زيها ؟؟ وربي يا ساره وقتها اتقطع قلبي .. حسيت اني للحين ماني قادر اعوض غياب امها .. احسها مع انها صغيرة الا اني لاحظت انها مرات كثيرة تقول لتهاني وامي اشياء ما تقول لي عنها .. حسيت انها محتاجه وحده تحكي معاها .. يعني هي مهما كان فهي بنت تحتاج لأمها اكثر من ابوها ..
سـ * ــ * ــ * ــارونه :ياعمري .. ان شاء الله ربي يعوضها .. وانت فيصل لا تحسس نفسك بالذنب انت تحاول قد ما تقدر انك ما تحسسها بفقدان امها .. يعني انت ما تروح تسهر مع الشباب وتروح قهاوي كلو لعيونها .. انا ما اقولك سما ما تستاهل !! بالعكس سما تستاهل اكثر .. بس هذا شي طبيعي يعني انت مهما صار ومهما عملت لا يمكن تصير ام .. في النهاية انت رجل ..
^^ عاشقهــــا^^ : ساره تبغين تساعدينا ؟؟
سـ * ــ * ــ * ــارونه :افا عليك فيصل اكيد .. انت تعرف بغلاتكم عندي ..
^^ عاشقهــــا^^ : @ اتزوجيني @
.,.,.,.,.,.,.,
في لبنان بعد احلى 5 ايام قضتها وجود في حياتها من سنه .. كانت مبسوطه كثيرررر وحست ان ربنا عوضها بخالد .. خالد حنون ويعاملها برقة وذوق .. كان يداريها ويخاف عليها .. حست انو يحبها .. حتى هي حبتو .. وحبتو كثير كثير بعد ..
كانو راجعين من المطعم بعد ما انبسطو ..
خالد : وجود حبي روحي بدلي هدومك وانا بستناك في الصاله نتفرج تلفزيون شويه ..
وجود بأحلى ابتسامه وهي تأشر على عيونها : من عيوني ..
راحت وجود غرفة النوم وجلس خالد بالصاله يفكر .. ايامو مع وجود احلى ايام .. اسعدتوا , متعتوا .. حتى كمان يحس وهو معاها انو يرجع 10 سنوات .. طفوليه بملامحها .. بريئه بأفكارها .. عفوية بتصرفاتها ..
كل شي فيها حلوووووووو
في هاللحظة اتذكر امه وانو ما كلمها اليوم .. طلع جوالو وفتحوا .. دوبو بيتصل .. الا واصلو مسج راح فتحو لقاه من احلام ( خالد كذا وجود خلتك تنساني !! حتى تبخل عليا بمكالمه )
اتضايق خالد وحس بالذنب لأنو معد صار يكلم احلام من مده .. راح قال بيتصلها ..
.,.,.,.,.,.,.,
كانت احلام كالعاده من يوم سافر خالد وهي طول وقتها تكلم سعد ..
احلام : امممممممم اوكيك قلبي بكره اشوفك بالمطعم
سعد : ونتغدى مع بعض
احلام : هههههههه ومالو نتغدى
في هاللحظه اتصل خالد
احلام : سعد بعدين اكلمك خالد يتصل ..
سعد : اففففففف اوكي باي
احلام : بايات
سكت احلام من سعد وردت على خالد ..
احلام بزعل : الو
خالد : مساء الخير على الحلو الزعلان
احلام : مساء النور
خالد : وحشتيني كثير كثير ياقلبي ..
احلام : ايوه مبين من كثر الإتصالات ..
خالد : ياعمري انتي عارفه بالظروف .. مقدر اكلمك كل شويه ..
احلام وهي تمثل البكاء : ايوه باين .. اتصال باليوم ما يضرك .. ولا لهدرجة ما تقدر تخليها ربع ساعه تكلمني فيهم .. خالد انت اتغيرت معد صرت تحبني .. وجود اخذتك مني .. نسيت ايامنا مع بعض .. بأسبوع واحد بس صار هذا حالك وتعاملك معايا عاد كيف باقي الأيام .. خلاص خالد محا افرض نفسي عليك راح اروح عند اهلي قبل ما ترجع وانت اتهنى بحبك الجديد ..
خالد بعصبيه وصوته شوي بدا يرتفع : انتي ايش قاعده تخرفين .. احلام بيتنا ما تخرجين منو فاهمه .. وبعدينه انتي اللي كنتي تشجعيني على هذه الزواجه والحين بس جايه تقولي هالكلام .. على العموم انتي عارفه اني احبك انتي وانتي وبس وانتي وامي اللي فرضتوا علي هالزواج ولا انا انتي كنتي عندي بالدنيا .. ولعيونكم بس اتزوجت وجود .. والحين تلوميني انا ؟؟
احلام : خلاص قلبي انا اسفه .. بس كنت متضايقة شويه .. والحين بروح انام تامر على شي عمري ؟؟
خالد : ايوه حبيبتي ابغا كلمة حبيبي منك من زمان عنها ؟؟
احلام بحياء : احبك حبيبي وزجي ..
خالد : كذا اقدر اقولك تصبحين على خير يا احلى حب ..
احلام : وانت من اهل الخير حبيبي ..
سكت احلام من خالد واتنهدت وابتسمت ابتسامة نصر ..
.,.,.,.,.,.,
اما خالد بعد ما خلص مكالمه ابتسم بجد احلام الماديه لها وحشه ووحشه كبيره بعد بقلبي ..
رخى راسو عالموبايل يبغا يتصل بإمه لكنو لمح ظل على الأرض بسرعه التفت وراه وشاف افضع منظر بحياتو منظر قطعوا في الثانية الف مره ..
كانت وجود واقفه وكل شي فيها جامد الا دموعها اللي تنزل على خدها انهـــار..ونظراتها حزن وعتاب والم و..... وكــــــــــــره
.,.,.,.,.,
الضي السجين غير متصل  
قديم 06-15-2006, 04:36 PM   #9 (permalink)
..أريام..
أمير الرومانسية
 
الصورة الرمزية ..أريام..
 
القصة رووووووعــــة...



وشوقتيني لمعرفة بقية الاحداث.... فياريت لا تتأخري.....



ويعطيج ألــــــ ـــــــف عافية....





...تحياااتي...
**أريام**
..أريام.. غير متصل  
قديم 06-17-2006, 09:03 AM   #10 (permalink)
sabeen
رومانسي مبتديء
 
شكرا على القصة الروعة ويعطيك العافية الضي السجين وبانتظار باقي الاجزاء ولا تتاخر علينا
sabeen غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 05:51 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103