تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

ســوالف شيبان

موضوع مغلق
 
أدوات الموضوع انواع عرض الموضوع
قديم 04-01-2006, 01:04 AM   #1 (permalink)
aser_2006
رومانسي مبتديء
 

ADS
ســوالف شيبان




مجموعة شباب(أصغر واحد فيهم ميت من ثلاثين سنة)كانوا نايمين برا..وجاهم مطوع مستقعد لهم عشان صلاة الفجر..وهم ما يبون يصلون(المشكلة اذا جيت تسمع سواليف الشياب تحس إنهم كلهم كانوا عقال )المهم إنهم منقهرين منه..وسووا خطة..يوم جاء ذاك اليوم ويقوم واحد منهم ويربط تنكة في ثوب هالمطوع(الثوب طبعا متشقق)ويقوم بسرعةويقول الجني..ويتناحشون كلهم..وهالتنكة ورا المطوع..وهو يصايح(المطوع)وصلني وصلني

شايب يبي يتعلم السواقة..ويوديه واحد للبر عشان يعلمه..ويقعد يسوق ويتمشى..المهم قال لخويه..يا فلان والله إني خايف من ذيك الطلحة البعيدة..خايف أصدمها..قال لا تخف..بس وخر عنها..المهم ويمشي الين دووووووووب(صدمها)قال ما قلت لك؟!ما قلت لك أبصدمها..قال نعنبو دارك البر وسيع..كان وخرت عنها..قال حاولت بس الموتر عيا يلف(والله العذر)

واحد يودى بقرته لثور عشان يلقحها..وطق على الشايب صاحب الثور ما لقاه..ولقى مالعجوز ..قال والله يا أم فلان القصة كذا وكذا..قالت المشكلة إن الثور اليوم تعبان شوي..قال لا انتي روحي بس وجيبي خيشة رطبة..وخذ الخيشة وقعد يمسح على ظهر الثور..فقام الثور وأدى المهمة..بعد أسبوعين اكتشف إن البقرة ما لقحت فراح يبي يلقحها من جديد عند الثور ..وهالمرة لقى الرجال..وقال له الرجال إن الثور تعبان شوي..قال رح وجب خيشة رطبة..
قال الرجال:أجل أنت أبو خيشة؟!شف الله يلعن جدك ظهري وش صار بسبة الخيشة

واحد حالته المادية سيئة..وبقى من عشاه للشاة حقته..تغافله ولد جيرانهم وكل الأكل وانحاش..راح وطق على بابهم وقال لأمه يا تعطوني أكل للشاة وإلا نزلي ولدك أحلبه بدالها


مذن كان متعود إنه يرقى المأذنة وهو يذن..وإذا وصل آخر درجة خلص..المهم كان ساهي ذيك المرة وبتل..وما قال لا إله إلا الله إلا وهو في الهواء..جايك مهوي

واحد مع عمه يصلون(وكللهم مهوين)المهم طلع صوت من الولد(أحدث)فيبي يلزقها في عمه..قال عمي قم اغسل..قال عمه:لعنبو جدك انت اللي تطقع..وأنا اللي أغسل؟!

شباب كانوا ينامون برا(من نفس الجيل السابق) ولمحوا واحد جاي..قالوا بنسوي أنفسنا نايمين عشان ما نبحل به..قهوة ..وعشاء..المهم طلع هو ألعن منهم..ويوم شافهم رقد معهم..فرفع واحد منهم اللحاف والتفت يمه وقال(بصوت خااااافت)راح؟!
قال :لا ما رحت يا الملعون..قم الله يلعنك انت وياه عشوني

بدوية(أيام الجهل)جاية لشيخ ومعها واحد تقول يا شيخ أباخذ فلان ملكني عليه..قال :خير..إنتي على ذمة رجل؟قالت بصراحة إيه..بس حدر للحساء..قال بس رجال واحد.؟قالت فيه ثاني بعد حدر يم الحجاز..وثالث مدري وين حدر له...قال لا مانيب مملكك..لازم تروحين للأول وتطلبن منه الطلاق ثم تعتدين..ثمن الثاني ثمن الثالث..قال اللي نعها خلاص أجل كل واحد يروح لحاله..قالت لا ..وتوديه لمطوع جاااااهل قالت ملكني على فلان..قال وتعطوني خروف؟قالت أعطيك..قال بسم الله..والله ما خلق هذا إلا لهذاك..وخلاص

شايب سجل في محو الأمية..وما يشوف ويحطونه قدام..بس هو قالب الطاولة ومعطي السبورة ظهره..ويوم هاوشه المدرس..قال والله ما أعطي الرجال قفاي



** فيه واحد.. وكـّـله جاره يأذن في المسجد لأنه مسافر .. وبدا معهم الفجر.. وما قصر جا وأذن.. بس انــّه نسى ( الصلاة خير من النوم ).. ويوم طلع قابله واحد من الشيــّاب ونبهه.. وش سوى..؟؟

رجع للمسجد وفتح المكرفون وقال( الصلاة خير من النوم ) بلحالها .
----------------------------------------
** طلعوا للبر مجموعة يتمشون( أربعة).. ووقفوا في محل الساعة وحده تقريبا.. يبغون يصلون الظهر .. وقدموا واحد ماقد صلى بأحد.. ومع الاحراج تقدم.. وكبر .. وبدا يقرا.. بسم الله الرحمن الرحيم.. الحمد لله رب العلمين.. الرحمن الرحيم.. ملك يوم الدين.... وفجأة وقف ما كمل... لأنه تذكر ان الظهر سرية( ما جهرية)... ورد عليه واحد ..اهدنا الصراط المستقيم.. مره .. مرتين ثلاث.. والامام ساكت.. اخيرا .. قال ... اهدنا السراط المستقيم يا ثــــور......وبعدها طاحوا من الضحك .
--------------------------------------
** بعد صلاة العشا ( العتيم ) في القرية يجلسون يسولفون عند المحراب فترة.. لأنه الوقت الوحيد اللي يتقابلون فيه.. وما وراهم شغل.. وكل يوم لهم سالفه.. صار موضوعهم ذاك اليوم عن الجن... وكل واحد يجيب اللّي عنده.. قال واحد منهم أنا ما أخاف من الجن.. ولا من أي شي يتزول لي... سكتوا وكملوا سوالفهم... وقام صاحبنا أول واحد منهم يبغى يروح لبيته... طمر واحد منهم مع وسط النخل وسبقه وجلس ينتظره في وحدة من الثلام المنتشرة في الجدران... ومعروف ما فيه كهرب وكلش يوحش ... يوم أقبل صاحبنا.. قام المتوزي يطلع أصوات قدامه وحركات... رجع هذا للمجلس وسلم عليهم.. قالوا عسى ماشر يافلان وراك عودت علينا... قال ( والله شفت نفسي مبكر قلت اقعد معكم زود شوي .. تو الليل )



التعديل الأخير تم بواسطة aser_2006 ; 04-01-2006 الساعة 01:14 AM سبب آخر: to cheang onther said
aser_2006 غير متصل  
قديم 04-01-2006, 07:27 AM   #2 (permalink)
دروب المحبـــــة
كابتن منتخب رورو44 لكرة القدم - فارس المنتدى
 
الصورة الرمزية دروب المحبـــــة
حلووووووووووووووووووووووووة ويعطيك العافيه
اما اللي صدم الطلحة هذي لوحدها قصة ضاق البر علية اكيد الطلحة هي المخطية هههههههههه
والثوره كسر ظهر الشايب ؟؟؟؟؟؟؟؟؟؟؟؟؟ اما منشفه بجدددددددددد
تحياتي لك 000 وعلى القوة يارب
000
دروب المحبـــــة غير متصل  
قديم 04-01-2006, 04:55 PM   #3 (permalink)
أحمد خالد
رومانسي مجتهد
 
الصورة الرمزية أحمد خالد
 
يعطيك ألف عافيه ويسلمووووووووووو
أحمد خالد غير متصل  
قديم 04-04-2006, 12:14 AM   #4 (permalink)
@الجريح[email protected]
رومانسي مجتهد
 
الصورة الرمزية @الجريحG@
 
حلووووووووووووووووووووووووة ويعطيك العافيه

الجريح
@الجريحG@ غير متصل  
قديم 04-05-2006, 08:03 AM   #5 (permalink)
انو
رومانسي مبتديء
 
الصورة الرمزية انو
 
حححححححححححححححححححححححححححلوووووووووووووووووووووو ووووووووه ممممممممممممممممممششكووووووووووووررررررررررررررررر ررررررررررررررياخوي
انو غير متصل  
قديم 04-18-2006, 02:39 PM   #6 (permalink)
أمير ولكن.؟
رومانسي شاعري
 
الصورة الرمزية أمير ولكن.؟
 
إرسال رسالة عبر MSN إلى أمير ولكن.؟
هههههههههههههههههههه

حلوة





بس في بعض النكت لازم تنحذف



تحياتي,,,
أمير ولكن.؟ غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 03:11 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103