تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصه جميله........

موضوع مغلق
 
أدوات الموضوع انواع عرض الموضوع
قديم 02-29-2004, 07:50 AM   #1 (permalink)
ROSE_LOVE
رومانسي مبتديء
 

ADS
قصه جميله........




يعني تتفاجأ في يوم وانت قاعد تقرأ كتاب رومنسي ومشغل اغنيه رايقه وسرحان في حبيبه مجهوله
الا امك داخله عليك وتوها جايه من الاستراحه وتقولك: ياولدي ودي اكلمك في موضوع .
ترد انت بكل خوف : خير يمه ؟
تقول امك :ترى جارتنا ام خالد تبي تخطبك لبنتها . وانت ماشاء الله كبرت واحلويت وكلن يبيك . ها وش رايك؟
ثم تنزل انت راسك في الارض وتلعب باصبعك او في شعر شنبك, وترد وانت مستحي واخدودك حمره "هذا اذا كنت محلق الحيه"
تقول: الشور شورك يا يمه اهئ اهئ
تقول امك :انا بصراحه ما اشوف في البنت شي ما شاء الله عليها محترمه و وظيفتها زينه وراتبها ممتاز ومن عايله محترمه ومن البيت الى المسجد ومن المسجد الي البيت ولا عندها سوالف السفر والخرابيط وما تشرب خمر ولا تروح لللاستراحات البنات يعني بنت ما عليها
تقول انت :بس يايمه هي ما شافتني من اول . انا دايما متلطم بشماغي ."والله فشيله بس بكمل "
تقول امك :هي شافتك وانت نازل من باص المدرسه بس واسالت عنك وقالو لها خوش ولد ما هو راعي سوق ولا كوفي شوب وما يطلع الا مع ابوه "والله فشيله بس بكمل

وتراها هي وامها جايين يوم الخميس علشان يشوفونك.
تسال انت : طيب يايمه ابوي وش رايه ؟
تقول امك :ابوك ما يدري خله حايس في المطبخ وش بعشينا
واتقول انت :اللي تشوفينه يمه ؟
وتطلع امك من الغرفه , وتنط انت قدام المرايه وتاخذ نص لفه يمين ونص لفه يسار تشوف جسمك وتمشط شعرك وشنبك بدلع وتقول :آه اخيرا حست واخطبتني

وقبل يوم الخميس تروح انت لكوفير رجالي وتكون مسوي حجز وتقعد وتصبغ شعرك "ميش" وتحف حواجبك وتشيل شعر رجلك ويدك بحلاوه وتطلع زي فلقه القمر وتجي البيت وتلبس الثوب الي فصلته عند المصمم "عبده شولق"لثياب الاعراس والحفلات واللي فيه فتحه من عند الساق وفتحه في الظهر وبدون اكمام "جبانيز"وذاك المكياج وذاك العطر وتنزل للصاله
ويقول ابوك :يالله دخل العصير علي خطيبتك تري امك ذبحتنا تسال عنه
تقول انت :بكل خجل :واي واي يايبه استحي
ابوك يقولك:وهو يطق علي كتفك ويضحك ياولدي روح لعروستك اهئ اهئ
تقول انت :يا يبه دائما تحرجني انت واي واي
وتاخذ الصينيه وتخش علي المجلس اللي فيه البنت وتقول بصوت ناعم الس سسسلام عليكم
ترد هي بعد ما وقفت :وعليكم السلام "وهي تناظر فيك وكل قطعه منك" وتقولها : تفضلي
تقول هي :وش الاحلي العصير الاحمر ولا الاصفر ؟ "بزعمها تبي تلطف الجو معك"
تقول انت : كله حلو
تقول هي :اكيد حلو لانك انت الي مسويه
ثم تحط الصينيه بسرعه ويدك علي فمك وتضحك وتروح داخل بسرعه, الا اخوانك يستنونك ويقولون : ها وشلون شكلها
تقول انت : واي واي تهبل تهبل حلوة ودمها خفيف وذوق ههههههههههههه
الا ابوك من المطبخ يلولش "بالمصري يزغرط"
لللوووولللوووششششششش مبروك ياولدي
الا بدخلة اختك العربجيه من بره وحاطه عبايتها علي كتفها ومعلقه السيجاره في فمها وتقول خير وش فيه
يقول ابوك : قصر صوتك في وحده داخل خطبت اخوك
تقول اختك: وهي وين شافة اخوي علشان تخطبه هاااا؟ وتعطيك كف علي وجهك وتصرخ والله لألعن امها الي تخطب اخوي
الا بدخلت امك وتسطر اختك كف وتطلع اختك بالسياره وتفحط وتروح للاستراحه البنات .
وتمر الايام وانت تجهز ثوب العرس والكوشه وبيت الزوجيه وخلال ها لفتره تمر زوجتك بالسياره تتمشون وتحاول تمسك ايدك وانت مستحي "ومن هناك انت بتموت تبي "وشوي تحاول تبوسك وانت تقول :لالالالا
عيب احد يشوفنا "يعني لو ما احد يشوفنا ترى عادي"
ويجي يوم العرس وتقعد انت في الكوشه وكل الشباب حواليك يرقصون ويغنون علي انغام طيران فرقه الشاطئ للرجال وطبعا ما فيه زبيده او صيته او العنود او ساره
وشوي الا العفسه قايمه : ترى العروس جايه .
وينطون الرجال والشباب كلن يلبس شماغه ويتلطم وتدخل العروس مع امها وخواتها "خواتها يتميلحون قدام الشباب " وتقعد العروس جنبك وترفع الطرحه "طرحه البسام بصمه خمسه " وتقول صاير مثل القمر
ثم تلف وجهك وانت مستحي .... ويتم الزواج وبعد تسعه شهور الا انت تصرخ في اليل فيك الطلق ويودونك المستشفي وتولد توأم وتطلع من المستشفي الي بيت اهلك عشان ينفسك ابوك "النفاس 40 يوم "
وتاخذها زوجتك فرصه وتسافر مع البنات ويهيصون قبل ما تخلص مده النفاس الله يساعدك
وترجع بيتك تربي عيالك وتطبخ الغداء لزوجتك ووتتخانقون ساعات وتنام دمعتك علي شنبك وتزيد حده الخلاف وتاخذ شماغك وعيالك وتروح لبيت اهلك وتصلح امك بينكم وترجع الحياه مثل اول


ROSE_LOVE غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 03:16 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103