تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

رحلتي الممتعة في الأراضي السعودية 2017

إضافة رد
 
أدوات الموضوع انواع عرض الموضوع
قديم 04-13-2018, 06:50 PM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
رحلتي الممتعة في الأراضي السعودية 2017




بسم الله نبدأ

رحلتنا كانت بتاريخ 17 / 12 / 2017

مدة الرحلة اسبوعين بدايتها من الرياض و نهايتها في الدمام و تخللها زيارة الكويت الحبيبه

و راح اكتب الاماكن بالتفصيل

الرحلة هاي يتنا بالنصيب سبحان الله الاهل كلهم في برشلونه و خواتي حجزوا برشلونه

و انا خاطري اسافر وياهم لكن كنت قايلة من بداية السنه اذا لنا نصيب السنة بنعتمر و بزور المدينه

و طبعا العيال و عيال خواتي كلهم يحنون يبغون برشلونه بس قلت لا اختكم لازم تشتي

في الكويت من كم سنه و انا على هالحالة احس صار روتين سنوي بس حلو رحلتي الممتعة في الأراضي السعودية 2017

طبعا الحجوزات كلها من بوكينج و ما بعور راسكم بالتفاصيل لكن بذكرها في موعدها

يوم الأحد بداية الاجازة المدرسية صلينا الفجر و جهزت دلة الشاي و القهوة و الاغراض حطيناها

في السياره في الليل و هالمرة ما خذنا القالوصة بس شلينا الكراسي الخلفية و خليناهم في البيت

و هذي شنطة التسالي


رحلتي الممتعة في الأراضي السعودية 2017


و هذي درجة الحرارة


رحلتي الممتعة في الأراضي السعودية 2017


طبعا قبل السفر كنت اطلع على حالة الطقس و تبين انه يوم الاحد غائم و امطار غزيرة

و انا متخوفة من هالشيء بس الحمدلله طلعنا و الجو صحو و جميل


رحلتي الممتعة في الأراضي السعودية 2017


و احنا في الدرب طرشت واتس اب اودع الاهل و اختي الكبيره كانت في المطار ويا عيالها

سايرين برشلونه و اختي الثانية طيارتهم العصر سايرين مكة

و الا اشوف اختي مطرشة صور فيديو بيتهم غرقان من كثر المطر

قلت بسم الله متى هالمطر كله استوى يادوب تحركنا بعد 10 دقايق ما شاء الله

دبي غرقت من المطر و قلت الحمدلله رب العالمين طلعنا قبل المطر و الا كنا بنتأخر

في الطلعة و خاصة وقت دوامات 7 و 25 طلعنا و اول محطة وقوف مطعم غنتوت


رحلتي الممتعة في الأراضي السعودية 2017


خذنا سندويشات بيض و طماط و جبن و كيما براتا و شاي حليب و انطلقنا


رحلتي الممتعة في الأراضي السعودية 2017


الجو ما شاء الله من اروع ما يكون


رحلتي الممتعة في الأراضي السعودية 2017


رفيق الدرب توصيه من الدمام


رحلتي الممتعة في الأراضي السعودية 2017

كنا طالبين الحب المصري بس للاسف مخلص

وصلنا الحدود الساعة 11 و الحمدلله ما شيء زحمه


رحلتي الممتعة في الأراضي السعودية 2017


رحلتي الممتعة في الأراضي السعودية 2017


خلصنا من جوازات الامارات و دخلنا السعودية

و اول واحد جزاه الله خير شاف العيال و يانا و عطانا حلاوة فيكس


رحلتي الممتعة في الأراضي السعودية 2017


رحلتي الممتعة في الأراضي السعودية 2017


رحلتي الممتعة في الأراضي السعودية 2017


و الحمدلله ربع ساعة خلصنا و مسكنا الخط و مرينا على محطة سحاب و العيال يبغون يتغدون بخاري رحلتي الممتعة في الأراضي السعودية 2017

رحلتي الممتعة في الأراضي السعودية 2017


تو الناس على الغدى بعدها الساعه ما وصلت 11 و نص



@@ السعيد @@ غير متصل   رد مع اقتباس
قديم 04-13-2018, 06:52 PM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@

الشوارع كلها فيها تصليحات من اول ما نطلع من حدود الامارات

و نبغي نعبي بترول و اسواق راضي المنهالي المحطة اللي فيها مسكرين





بس هذا ما يمنع ندخل للتسوق و خذنا فناجين قهوة لاني نسيت اشتري

و كنت ابغي ورق بس للاسف زوجي يابلي فناجين زجاج و ريحتهم استغفر الله منها

توكلنا على الله و مسكنا خط الرياض مكة





وقفنا عند محطة ثانية و نزلت اغسل الفناجين بالصابون مرة ثانية بس بعدها الريحة عالقة


و المحطة الثالثة فركتهم عدل بالاسفنج و الصابون و الحمدلله اختفت الريحه


و هني نزلنا نتغدى








و طلبنا بخاري دجاج







و الحمدلله شبعنا و الاكل كان ممتاز

و كملنا الرحلة و هذا بسكويت اسباني لذيييييذ جدا جدا واصلني من شهر و ما جربته



و اول ما كلته على طول طرشت الصورة حق خواتي و وصيتهم يكثرون منه

و كل ما حد رجع من برشلونه يابلي كم حبة

نسيت اخبركم زوجي كان مشترك في خدمة النت الدولية 35 درهم يوميا

و انا المستفيده

اقتربنا من الرياض







ما شاء الله المشاريع قائمة في الرياض








وصلنا شقتنا دار هاشم للوحدات السكنية





حجزنا ليلة ب 309 درهم و كانت عبارة عن غرفتين و صالة

و نشوف الشقة معاكم غدا باذن الله

دمتم بود


@@ السعيد @@ غير متصل   رد مع اقتباس
قديم 04-14-2018, 04:59 PM   #3 (permalink)
@@ السعيد @@
أمير الرومانسية
 
الصورة الرمزية @@ السعيد @@

حياكم الله مره ثانية

نشوف معاكم دار هاشم

المدخل










و هذا تقييمهم في بوكينج




و الحين نطلع نشوف الشقة وياكم







شقتنا في الدور الرابع و هاي الصالة واسعة





غرفة النوم الرئيسية





الغرفة الثانية






و هذا المطبخ




و هذا تكرمون الحمام في الصالة




و هذي المغسلة وايد صغيرة




الثلاجة فيها 4 غرش ماي





و هذا المتوفر في غرفة النوم




و موفرين هذا للجرج عشان ما تتوهقون





و هذا حمام غرفة النوم



@@ السعيد @@ غير متصل   رد مع اقتباس
قديم 04-14-2018, 05:01 PM   #4 (permalink)
@@ السعيد @@
أمير الرومانسية
 
الصورة الرمزية @@ السعيد @@
نشوف ادوات المطبخ
















اول ما وصلنا الشقة أذن المغرب دخلنا بدلنا و صلينا و الحين وقت الخروج







الوجهة كانت القرية الشعبية لكن ما لقيناها في قوقل و قلنا نشوف اسواق طيبة




وصلنا و المكان ما شاء الله مزحوم و لفينا مرتين عشان نحصل موقف و هذا المبنى دليلنا





و هذا هو المكان المطلوب







السوق متنوع و فيه كل شيء ملابس احذية عطور مأكولات ادوات منزلية و غيرها الكثير





و هذا بفك الطيبين




و حصلنا مخبز يبيع خبز يمني و زوجي خذ جبن بالزعتر لذيذ بس ما كثرنا نبغي بروستد

طلعنا من السوق مع بعض الملابس الشتوية و الوجهة مطعم بروستد و قوقل دليلنا

و نشوف الرياض ليلا و اعذروني الصور غير واضحه



















قعدنا ندور وايد مطاعم وكل ما حطينا احداثية يطلع مطعم غير اللي نبغيه

و آخر شيء يأسنا و قلنا بنسير الشقة و نشوف المطاعم القريبه مننا و الحمدلله

شفنا مطعم الطربوش الدمشقي و قريب وايد حتى بالمشي نوصله





عندهم بروستد و مشاوي و الكثير الكثير و زحمه عليه

و الجو بارد و قعدنا ننتظر يمكن نص ساعة لين يجهز الطلب





و هذي عصاير كوكتيلات منوعه




و هذا عشانا بروستد و شوارما نسيت اصوره من البداية




الحمدلله الاكل كان لذيذ و الزايد عطيناه العامل اللي يابلنا الماي

لانه الله يسلمكم يوم وصلنا الشقة بنغسل ايدنا ما شيء ماي و اكلم الاستقبال

قالوا الماي مقطوع و بيرجع خلال 10 دقايق انزين كيف نغسل غسلنا بالمياه المعدنية

و بعدين يابولنا ماي زياده و سرير اطفال و لين ما رجع الماي الكل نام من غير شاور

و انا قعدت اكمل الحجوزات اللي راحت علينا لاني كنت حاجزه في هيلتون مكة لكن يوم بغوا يسحبون

المبلغ البطاقة ما فيها المبلغ المطلوب ما خبروني و لا اتصوا تفاجأت بالالغاء

و بعدين حجزت بولمان مكة و لغيته بسبب تغيير الايام و قالت لي زوجة اخوي

يوم توصلين السعودية احجزي من عندهم ارخص لان الاسعار فعلا كانت نار

و بالفعل يوم حجزت لقيت المتوفر كثير و رخيص و في دبي كله يطلعلي فل و الاسعار

مبالغ فيها فعلا و زوجي كل يوم يطلع برأي مره يقول بنمر الطايف و مره يقول ما بنمر

و انا احجز و ارجع الغي الحجز المهم كملت الحجوزات و قبل ما انام حاولت اشغل الغسالة الموجوده

لكن ما لقيت فيش كهرباء في الحمام و نمت بعد تعب يوم طويل

الحمدلله كانت ساعات قليلة لكن استمتعنا بالأجواء و الجو البارد

نكمل غدا باذن الله دمتم بود


@@ السعيد @@ غير متصل   رد مع اقتباس
قديم 04-14-2018, 05:06 PM   #5 (permalink)
@@ السعيد @@
أمير الرومانسية
 
الصورة الرمزية @@ السعيد @@
السلام عليكم و رحمة الله و بركاته

صحينا الصبح على منظر الجو الجميل




و مقابلنا محلات خياطة ملابس رجاليه و طبعا زوجي مر عليهم في الليل
و بقاله و مغاسل و ديوانية اعتقد مثل المقاهي اللي عندنا





جنبنا سوبرماركت كبير




و صيدلية





و في بعد لحام
عموما المنطقه كانت جميله و هادية

انطلقنا الى الوجهة الثانية و هي مدينة الطائف

درجة الحرارة كانت




طلعنا و كنا ندور فوال نبغي ريوق حلو ما لقينا معظم المطاعم مغلقة و الساعة كانت 7 و نص

كنا نبغي نوصل الطايف و نلحق نتمشى و نستمتع










مسكنا الخط و قلنا نشوف مطاعم على دربنا عل و عسى نلقى شيء زين





مرينا على مناظر طبيعية سبحان الخالق الذي أبدع كل شيء خلقه





و هذا اعتقد مترو نفس اللي عندنا بعدهم شغالين عليه




وقفنا نعبي بترول و حصلنا اسواق و مطاعم





و هذا المطعم ما حصلنا سندويشات فول و فلافل




خذنا بيض و طماط و جبن




و الشاي حليب لابد منه




و كملنا الدرب


















@@ السعيد @@ غير متصل   رد مع اقتباس
قديم 04-14-2018, 05:09 PM   #6 (permalink)
@@ السعيد @@
أمير الرومانسية
 
الصورة الرمزية @@ السعيد @@
اقتربنا من الوصول










حجزنا في منطقة الهدا







حجزت فيلا رخيصة وايد وصلنا الساعة 3 خذنا تقريبا 7 ساعات
و مكتب الاستقبال مغلق يفتح الساعة 4 قلنا بنتغدى و بنرحع

لقينا مطاعم لا تعد و لا تحصى و قلنا خلاص باجر الريوق من عندهم
و هذا حق الغدا بس صار وقت الصلاة و سكروا قلنا بنتمشى لين يفتحون



في جلسات ارضية و طاولات







المنيو







من كثر الجوع زوجي طلب ثلاث صحون حنيذ و مثلوثة و مندي




الاكل ما شاء الله ممتاز لكن انا ما حبيته وايد و طبعا زاد الاكل







و هذا محل بسبوسة مقابل المطعم قلنا بناخذ يوم بنطلع لكن شبعنا و ما قدرنا ناخذ




وصلنا الفيلا






هذا المدخل يفتح النفس




الصالة



و هذا المغسل و الحمام خارج الصالة و اعتقد يوجد مجلس لكن الباب مغلق







و انصدمت انه الفيلا دورين و غرف النوم فوق و هذي غرفة العيال




و تكرمون حمامهم







غرفتنا










و هذا تكرمون حمامنا بس ما ادري ليش المغاسل صغيرة يعني كيف الواحد يتوضأ

و اللي عنده رضيع كيف يغسله هذا اللي ما حبيته




@@ السعيد @@ غير متصل   رد مع اقتباس
قديم 04-14-2018, 05:11 PM   #7 (permalink)
@@ السعيد @@
أمير الرومانسية
 
الصورة الرمزية @@ السعيد @@
في غرفة ثالثة مغلقة

و الحين نشوف المطبخ










ما شاء الله المطبخ متكامل










اعتقد اللي يسكنون في الفيلا يخلون مواعينهم و يمشون











طلعنا و نبغي نشوف اسواق الطايف و طول ما كنا في الدرب زوجي يكلم ربيعه لانه

كان تقريبا سنه عنده دوره في الطايف قلنا نشوف مصانع الورد الطائفي طلع بعيد

كل ما حطينا مكان يطلع بعيد انزين نبغي سوق شعبي كل ما سألنا عن الاسم قالوا ما عندنا








لقينا سوق شعبي مشينا شوي و طلعنا ما عجبنا







و هذا شيخ البرجر و زوجي مجربنه كم مره و الشباب يمدحونه







العيال و ابوهم خذوا برجر و اختكم تبغي فول و خبز مسمسم و انواعه






و الحمدلله خلص يومنا لكن ما استانسنا وايد يوم واحد ما يكفي لكن حكم القوي

تصبحون على خير و نشوفكم غدا باذن الله

دمتم بود


@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
تقرير رحلتي لإندونيسيا ( أول حب 2017 ) @@ السعيد @@ سياحة اسيا و فنادق اسيا و عروض سفر اسيا 9 01-10-2018 05:45 PM
رحلتي الاقتصادية إلى الأراضي الماليزية @@ السعيد @@ سياحة اسيا و فنادق اسيا و عروض سفر اسيا 23 12-27-2017 07:28 PM
رحلتي الشتوية إلى الأراضي المصرية @@ السعيد @@ سياحة اسيا و فنادق اسيا و عروض سفر اسيا 2 10-31-2017 04:53 PM
زكاة الأراضي البيضاء تثير الجدل في السعودية جولينار اخبار 24 ساعة - سبق عاجل من أنحاء العالم 0 10-01-2012 04:54 AM
أسر يمنية تنزح إلى الأراضي السعودية ملك الرومنسية اخبار 24 ساعة - سبق عاجل من أنحاء العالم 7 11-07-2009 11:10 PM

الساعة الآن 02:05 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103