تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة افريقيا و فنادق افريقيا و عروض سفر افريقيا

سياحة افريقيا و فنادق افريقيا و عروض سفر افريقيا سياحة افريقيا و فنادق افريقيا و عروض سفر افريقيا

قصة حب في جيبوتي

إضافة رد
 
أدوات الموضوع انواع عرض الموضوع
قديم 02-24-2018, 06:20 PM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
قصة حب في جيبوتي





من هي جيبوتي ؟؟
قصة حب في جيبوتي


قصة حب في جيبوتي


جيبوتيJabuuti دولة في منطقة القرن الأفريقي وهي عضو في جامعة الدول العربيه


تقع على الشاطئ الغربي لمضيق باب المندب وتحدها ارتيريا من الشمال واثيوبيا من الغرب والجنوب


والصومال من الجنوب الشرقي فيما تطل شرقا على البحر الأحمر وخليج عدن


وعلى الجانب المقابل لها عبر البحر الأحمر في شبه الجزيرة العربيه اليمن


والتي تبعد سواحلها نحو 20 كيلومترا عن جيبوتي.








تقدر مساحة جيبوتي بنحو 23.000 كيلومتر مربع فقط، فيما يقدر عدد سكانها بنحو 864,000 نسمة،

وعاصمتها مدينه جيبوتي ويعيش نحو خمس سكان البلد تقريبا تحت الخط العالمي للفقر بنحو 1.25 دولار يوميا.


وكانت تسمى بلاد الصومال الفرنسي.



@@ السعيد @@ غير متصل   رد مع اقتباس
قديم 02-24-2018, 06:34 PM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@
فكره السفر لا على البال ولا على الخاطر

بعد ما تعشينا قعدنا نسولف انا وزوجي والعيال
وانا صاكه فيني الدنيا افكر بالامتحانات باقي 10 ايام بس

ودار هالحوار بيني انا وزوجي

ام فلان : بقولك مفاجأة
أنا : مفاجأة ؟؟؟؟؟ شنو

قال : جهزي الشنط عقب باجر مسافرين
انا : هههههههههاي ضحكتني وانا مالي خلق
قال : والله العظيم ما اتغشمر

انا : من صجك ؟؟ نطيت نطه من الغنفة وقعدت عنده
وين ؟؟

انا / فكرت بدبي - البحرين - عمان مكان قريب لأن العيال عندهم دراسه وامتحانات


قال : انا وانتي بس والمكان مفاجأه
انا بعد ما اوصف لكم شعوري ومشاعري الصاله انترست قلوب حب
:y olks00310:

بنسافر ومفاجأة وانا وانت بس
اول مره تصير حتى شهر عسل ما رحنا

أنا : يالله قوووووووووول وين

قال : جيبوووووووووووووووووتي


انا : لاااا يا شيخ قول غيرها شنو هالغشمرة
من الصدمه ولا كلمه بس اخززززززززززه خزه الغضب
من صجك شيوديني هناك

والبلد مو سياحي ولا شي


قال : رحلة استكشافية ولازم تكونين معاي ما تخسرين شي
مو تحبين الطياره يالله امشي معاي

ليلتين انا ما أنام اسوي بحث وافكر واسوي افلام بمخي واكشن
وعصابات تخطفنا
وفديه وحركات

وسألت عن البلد و بوغسان رد علي بحكم انه زايرها
ما تشجعت قالي نبذه عن البلد
وما قصروا فريق التطوير نزلوا تقرير اختنا المحاسبة اللي انحبطت منه زووووووووووود

بس الأمر مافيه ردة والقرار خالص لارجعة فيه

لاااااااااااااااااااااااااااااااااااا تعبت نفسيا
فرحانه ووبنفس الوقت خايفة
وللحين انا مو مصدقة ابداااااااااااااا

جننته بالأسئلة واهم سؤال وين بنسكن ؟؟وفيه شطاف بالحمام ؟؟
قال ما ادري بس لا تحاتين

وطيران على الجمعية واشتريت ابريج (ابريق) للحمام عزكم الله
هو اول شي ضمنته بالجنطة







اليوم الثاني وصلت التذاكر وجهزنا الجوازات
والعمل على قدم وساق لتجهيز الشنطة



بعد ما تأكدت
لازم ندق على الحب الكبير ( أمي )
الوووووووووووو : يمه ترا انا بسافر مع بو فلان باجر

امي : زين زين يالله ربي حافظكم

يمه انا خايفة اروح والا لا

امي : توكلوا على الله اشحقه تخافين ريلك معاك
روحي شوفي الدنيا

يمه اي دنيا هذه (((جيبوتي )))

امي : وين مكانها يعني مو زينه والا فيها شي يخوف ؟
فديتك يمه

لا يمه مافيها شي يالله خلاص بروح ادعولنا نوصل بالسلامة
( ما حبيت اخرعها وهي راعية ضغط وسكر)

مع السلامه ، مع السلامه وهي تضحك علي لأني خايفة

واخواني وخواتي لما اسمعوا
يمه اختنا من صجها رايحه هالديره ما تخاف


انا مو ناقصه تكفون شجعوني ،،،،،،،،،
الحمد لله خواتي وايد شجعوني بس الشباب لا
@@ السعيد @@ غير متصل   رد مع اقتباس
قديم 02-24-2018, 06:49 PM   #3 (permalink)
@@ السعيد @@
أمير الرومانسية
 
الصورة الرمزية @@ السعيد @@
يوم السفر - الخميس الونيس

طلعت من الدوام مبجر واخذت العيال من المدرسة وغديتهم على السريع
انا من الفرحة ما تغديت خخخخخخخخخخ

اخذنا شنطة وحدة بس لأن المدة قصيرة
وعلى ما وصل رأس المال

تجهزنا ولبسنا واخذنا العيال عند الأهل
وفجأه تذكر انه ناسي يلبس الحزام

وليييييييييييييييييييين لازم نرجع البيت والا البنطلون يطيح بعدين
رجعنا وتأخرنا شوي

توكلنا على الله
((اللهم اني استودعك نفسي واطفالي وزوجي وكل ما أملك عندك ))

واهم شي الكاميرا لتوثيق السفرة بكل حذافيرها





وصلنا مطار الكويت وسلمنا السياره للشركة حتى تركنها في المواقف طويله المدى
كل ليله ياخذون عليها : دينارين بس ويغسلونها بعد كل يوم
حلوووووووووووو نروح ونرجع سيارتنا معانا وبامان والقيمه حلوة 6 دنانير حق 3 ايام




ياحلو المطار ويا زينه زيناااااااااااااااااااااااه

رأس المال يمشي مستعجل وايد تأخرنا وصلنا المطار الساعه 4 والطياره بعد ساعه ونص بس
وانا وراه اجكجك بالتلفون ومره بالكاميرا

وهو : يالله خلصينا نستلم البوردننق وندخل الشنطة ونفتر بالمطار على الراحة وقعدي صوري على كيفك

وانترس المطار قلوب حب مرة ثانية

انزين لا تزف ترا اخليك وارجع البيت
قال يالله اخذي السيارة وروحي
بس بالعيد اخلييييييييييييييييييييييييك وارجع ده مستحيل يا بابا ,,,,,,,
وفيها طياره بعد ,,,
يا ويلي ولا بالأحلام &&&&&&&&&





*** الله لا يغير علينا ويبعد عنا العين اللي ما تسمي باسم الرحمن الكريم***
@@ السعيد @@ غير متصل   رد مع اقتباس
قديم 02-24-2018, 06:53 PM   #4 (permalink)
@@ السعيد @@
أمير الرومانسية
 
الصورة الرمزية @@ السعيد @@
الناقل : الطيران القطري
الوقت : المفروض الساعه 5:25 العصر
لكن تأخرت ما تم الأقلاع الا الساعة 6 المساء

استلمنا البوردينق للرحلة كامله
الترانزيت ساعه ونصف بالدوحة

واخترنا الأماكن عند الشباك عشان اجكجك عدل على راحتي









أحلى ممر بالدنيا ،،،،،،،






وانطلقنا من بعد ما دخلنا الشنطة

وصلينا العصر بالمطار
وافترينا اشوي لأني تعبانه على الآخر ما نمت الظهر
لكن كل شي لعيون المطار يهووووووووووون
انام بالطياره اذا قدرت


دخلنا البوابه وانتظرنا شوي على ما افتحت

وتم ركوب الباص للانتقال الى الطيارة وشفت الوزير السابق الدكتور الجار الله معانا بالباص
آخر شياكة وكله ذووووووووق
للأسف كان جدامي بس استحيت اصوره
نطرته يقعد وصورته خلسة





طائرنا الأزرق اللي مستحيل اجازف واطير معاهم





ووصل الباص للطياره هذه هي





البزنس او الفيرست كلاس
كراسيهم غيررررررررر


شنو يعني مو مهم الكرسي المهم اني بالطيارة حتى لو فارشة بساط وقاعدة خخخخخخخخخخ




الصراحة حلوة ونظيفه الطياره وواضح انها جديدة ما شاء الله
ذكرتني بالعمانيه نفس الشي
وهذه كراسينا
زوجي يقولي : قصه حب خلاااااااااااااص انت بالطياره صار امر واقع
هااااااااا بعدك خايفة
قلت لا معاك ما أخاف احنا بالهواء سواااااااااء وين ما كنت





تأخرنا بالاقلاع نصف ساعه واحنا نحاتي الطيارة الثانية مافي وقت الا ساعه ونص ترانزيت يارب نلحق عليها

افتر راسي مرة ثانية من التفكير



والحمد لله تم الاقلاع على خير
وزال الخوف من المحاتاة
مع السلامه ديرتي الغاليه راجعين باذن الله

















@@ السعيد @@ غير متصل   رد مع اقتباس
قديم 02-24-2018, 06:58 PM   #5 (permalink)
@@ السعيد @@
أمير الرومانسية
 
الصورة الرمزية @@ السعيد @@



ووزعوا كلينس معطر ريحته اتهبل لمووووووناظة
نسوي رفرش




وبعدها على طول على السريع وجبه سناك لذيذ













شكلها ما يشهي لكنها لذيذة وتؤدي الغرض وتشبع
والحمد لله على نعمه الكثيرة





الطيارة كبيرة وما شاء الله مليانه نااااااااااااااااس والشاشات روعه لكم حظي شاشتي ما تشتغل
شحنت الاي فون عشان اقدر اجكجك عدل باقي الرحلة


الوجبه عبارة عن فطيرة خضار مشكله مهروسه او دجاج مع كيكة تمر لذيذة وعصير برتوووووووووقاااااااااااان (برتقال)












وبانت الدوحة اتهبل من فوووووووووووق ما شاء الله منوره وشكلها يرد الروح

ان شاء الله ربي يكتب لي سفرة اشوفها









وركض للحمام نغسل حتى نصلي قبل رحلتنا الثانية الى جيبوتي

يالله نصور كم لقطة لهالمطار الرائع ايهبل عالم آخر - مطار حمد الدولي الجديد بقراطيسه








زوجي يقولي : يااااااااااااااا بنت الحلال خلصيني مو الا تصورين















يقولون هالدبدوب الظريف مكلفهم 6 مليون دولار
لا أعرف كلام صحيح ام لا

والعهده على الراوي










وللأسف لأننا تأخرنا بالاقلاع وصلنا والطياره الثانية جاهزة للاقلاع
واخر نداء واحنا ما ندري ولا سمعنا شي
زوجي شاف اللوحة بالصدفه والا طيارتنا



واركض ولحق لا تلحق واركض واركض ووالمطاااااااااااااااااار شاسع
صار سباق ماراثون @@@@@@
وزوجي سابقني عشان يلحق البوابه وما تطير عنا الطياره

لو تعرفون اشحالي مرة اركض ومرة على السلم المتحرك واخر شي لاااااااااااااااا طحت
وحسيت اني بالشارع
بغيت ابكي بس ماسكة نفسي غصب


بو فلاااااااااان انطرني وين رايح لا تخليني

امبيييييييييييييه شكلنا يضحك اخذنا راحتنا بالصراخ عشان نسمع بعض
والناس يطالعوني بس والله ما همني
طاااااااااااااااااااف الحق الطياره اهم
ولازم اتصرف
بوابتنا رقم سي 23 اخر شي
بقلعه وادرين قاطعينهااااااااااااااا
حسبي الله على ابليس

ووالحمد لله مرت سياره القولف اللي توصل واسويله تأشيره تعال الحقني *****
طيارتنا بتطير
ويحليله يضحك علي ليش اركض وأأشر
حسيت اني بمصر بالشارع بلحق الاوتوبيس
ويقول اوصلكم لا تحاتين

وركبنا وبوابتنا اخر المطاااااااااااااار ياخر بوابه يعني لو بنظل للصبح نركض ما وصلنا

وناااااااااااااااسه صار هواء عليل واحنا ماشين كنت ميته من الحر من الركض


ومن كثر ما اعصابي مشدودة كنت دايسه حييييييييل بريولي
كأني انا اللي ادوس بنزين وبوصل بسرعه ههههههاي

والحمد لله وصلنا
ومن القهر قلت حق موظقه الكاونتر حرام عليكم ليش اخر المطار البوابه ذبحتوني بموووووووووووووت

وقفت تهديني وتقولي ريلاكس خلاص انت وصلتي ارتاحي
ياعمي اي ريلاكس قلبي وقف من التعب

الحمد لله الف مرة دخلنا واحنا اخر ناس نركب الطياره


قعدت والتعب بدأ يطلع علي ريولي شبت نار
ماكو لياقه
واركض بالمطار
اشهالرحلة بدايتها تخووووووووووووووف
ووزوجي يهديني ارتفع الضغط وراسي افتر ما اشووف شي

طلبت ماي من المضيفه قلت لها تعبانه بسرعه
والحمد لله اخذت دواي ولزمت الصمت حتى تصوير بطلت خخخخخخخخخخ

برتااااااااااااااااااااااااااااااااااااح لا تتكلم
بعدين اسولف معاك

ونمت شوي والحمد لله
@@ السعيد @@ غير متصل   رد مع اقتباس
قديم 02-24-2018, 07:01 PM   #6 (permalink)
@@ السعيد @@
أمير الرومانسية
 
الصورة الرمزية @@ السعيد @@
هذه طيارتنا الى جيبوتي
الصدمه ان الرحلة طويله والطياره بدون شاشات
اشلون نقضي 5 ساعات طيران بدون تسلية
ورددنا دعاء السفر واستودعت نفسي وزوجي واطفالي بالكويت عند الله
وتوكلنا على الرحمن
سبحان الذي سخرنا لنا هذا وما كنا له مقرنين
علم الانسان مالم يعلم
قادر على كل شي
كنت اتأمل بالكون من الشباك واسبح الله شي عجيييييييييب
بعد ساعه تقريبا بدأ توزيع الوجبات
ما أعتقد فيه احد مثلي يحب يصور الأكل كثري
يالله استمتعوا بما لذ وطاب من عدستي المتواضعة جدا
اما دجاج او قطع اللحم
اخذنا الاثنين للتنويع
استغرب على اكل الطياره كميته قليله لكن يسد النفس بصورة غريبة ؟؟؟؟؟؟؟؟؟؟
اتهقون يحطون لنا فيه شي يشبعنا غصب طيب ؟؟؟؟؟؟؟؟؟
الحلو لذيذة كيكه توفي ونسكافيه اعتقد بس لذية وايد اعجبتني وخلتني انسى الركض اللي ركضته بمطار الدوحة
صمونه متفوخه اتهبل طلبت غيرها قالت ماكو خلص!!!!!!!!
ليش مو حاطين زيادة ؟؟؟؟؟؟؟؟؟؟
سلطة الصوص مو حلو ما أكلناها
وجبه رأس المال لحم
انا اخذت دياي ولو اني مو ذاك الزود معاه بس يوعانه وايد
منقوله لكم تفضلوا !!!!!!
وبعد ما خلصوا الناس وجباتهم وجمعوا الصواني وزعوا شاي وقهوة وحليب
والصدمه لما شفت المشروبات الروحية للأسف المسلمات يقدمونه ضاق خلقي
وصورت العربانه وعصبت المضيفة ونادت المسئول يكلمني
وقالي ممنوع التصوير بالطياره
قلت انا ما صورتها صورت العربانه وراااااااااااااااح
على مين يا بابا انا قصة حب اصور يعني اصور خلسه
واعجبتني هالوصفه احبها لذيذة
وبدأت الطيارة بالهبوط شوي شوي وتأملنا خير من بعد ما شفت هالمنظر
اقول بقلبي يارب لا تخيب آمالي وتطلع جيبوتي حلوة
ياااااااااااااااارب
وهبطنا على خير بالموعد الساعه 1 الفجر تقريبا
@@ السعيد @@ غير متصل   رد مع اقتباس
قديم 02-24-2018, 07:03 PM   #7 (permalink)
@@ السعيد @@
أمير الرومانسية
 
الصورة الرمزية @@ السعيد @@
واخيرا وصلنا الحمد لله والشكر
على فكرة الطيران القطري هو الوحيد اللي يسير رحلة الى جيبوتي وهذا جديد من كم شهر بس
ونزلنا من الطياره مشي على الأقدام
آآآآآآآآآآآآخ تكسرنا 5 ساعات بس الحمد لله مرت بسرعه
يمكن ليش نمنا شوي
دخلنا الصاله العجيبة صاله استقبال القادمين
صغيرة حيل فيها 3 اكشاك والطابور ما شاء الله
وحر بدون تكييف
اوصف لكم شعوري حزتها بهالشكل
:yolks00 210:
والموظفين اخر برووووووووووووود حتى يشوف الجواز ويتأكد من الفيز
يالله رحمتك ربي يصبرنا
المطار مأساااااااااااااه
الحمد لله والشكر احنا بنعمه وخير ربي يزيده
الجو حار ورطب وايد ( صدمة قوية )
انا سحت وصبيت عرق تقول سووووووونا
والناس عااااااااااااااادي ولا نقطة ماي
والحمد لله كان فيه ناس بانتظارنا جانا واحنا واقفين دور
انت فلان الفلاني ؟؟
قال زوجي : نعم
اهلا فيكم وحياكم الله بجيبوتي
قلت هلا فيك
عرفنا من الشكل واللبس
الباقي كلهم جيبوتيين واجانب
وخلص امرنا على السريع
واسطات يا عم
وتم الخروج باتجاه السكن ،،،
((السكن مفااااااااااااااااااااااااااااااااااااجأة )))
غدا التكمله ان شاء الله تعبت اليوم ،،،،،،،،
@@ السعيد @@ غير متصل   رد مع اقتباس
قديم 02-24-2018, 07:10 PM   #8 (permalink)
@@ السعيد @@
أمير الرومانسية
 
الصورة الرمزية @@ السعيد @@
**صبحكم الله بالخيرات والمسرات بالجيبوووووووووووتي **
نكمل تفاصيل الرحلة المثيرة
بعد ما طلعنا من المطار وماندري وين رايحين
ووين السكن وتفاصيله
وودي اسأل بس ماسكة نفسي غصب
وكانت الساعه تشير الى الساعه 2 الفجر - يوم الجمعة المبارك
الشوارع فاضيه وظلمه نوعا ما بشكل يقمت القلب شوي
تعودنا بالكويت غيررررررررررررررررررررر الله يديمها دار عز وأمان
انا ومدام الشخص اللي استقبلنا بدينا السوالف وتعودنا على بعض خلال ربع ساعه
امرأه فاضله وخلوقه وكريمه شهادتي فيها مجروحه هي وزوجها ما قصروا معانا بشي
والله يشهد
اتمنى التقيهم مرات ومرات من طيبهم
وان شاء الله يشرفونا بالكويت ونرد لهم هالأيام الحلوة بطريقتنا الكويتية
وبالطريق اخذنا تقريبا 15 - 20 دقيقة حتى وصلنا للسكن
وانا بقلبي ادعي
يارب حلو
يارب حلو
يارب حلو
وفجأأأأأأة لمحت شي عجييييييييييييييب والأمن عند الباب
والبوابة كبييييييييييييييرة
ولما شفت الاسم فز قلبي من مكانه وطاااااااااااااااااااااااارت النومة والتعب كله
نزلنا الفندق وبدأوا باجراءات الدخول وماطولنا 10 دقايق
استأذوا منا الجماعه عشان نرتاح والاتفاق من بعد الأفطار صباح الغد
لبدأ رحلتنا
DJIBOUTI PALACE
KEMPINSKI
اللهم صلي على سيدنا محمد افضل البشر
ما شاء الله تبارك الرحمن
وابتسامه عريضة وغمزت لزوجي وعرف قصدي
كنت اسولف له عن هالفندق ليله سفرتنا وانه معروف بجيبوتي
وكل الوفود والرؤساء يسكنون فيه
افخم فندق في جيبوتي كلها
ارتاح قلبي الحين يعطيهم العافية

(((فندق ومنتجع دي جيبوتي كمبنسكي )))
DJIBOUTI PALACE
KEMPINSKI


مصنف 5 نجوم *****
هنا الاستقبال
يا الله شنو باردين ينرفزون وبعضهم ما يعرف انجليزي
اللغه الرئيسية في جيبوتي هي الفرنسية بسبب الاستعمار الفرنسي اللي دمرهم
تم بناؤه على نفقة دولة الامارات
وصورة شيخ الامارات في الاستقبال
الفندق حيل كشخة وراقي
يالله تعالوا معاي نشوف غرفتنا @@@@@@
هذا كرت الغرفه
رقم غرفتنا حده كيوووووووووت
1212
بسم الله ادخلوا برجلكم اليمين يا شباب
اعذروني على عدم ترتيب الصور ما عندي وقت
اول ما دخلت قلت لزوجي خليني اصور كل شي
وبعدها نرتاح
يطالعني بنظرة نص عين لكن عاااااااااادي شوي وينسى
المطل على الحديقة لكن الصور ليليه مش واضحة
ريموت كنترول التلفزيون
التحف والاباجورات بالغرفه حلوة وكلاسيكية جدا
شدتني هالصورة وجهه البنوته اشحلاته
التلفزيون يعرض عن الفندق
الحمام عزكم الله
والشطاف موووووووووووجود
أرواب الحمام معلقه خلف الباب عددهم 2
((((((((((وهالسراي الحلو بالوانه الزاهية داخل الحمام ))))))))
الخزاين وما فيها
نعال
خزنه (تجوري)
كيس غسيل
وعلاقات ملابس
ومخدات زيادة
بعد ما خلصت تجكجك بكل مكان
اخذنا شور دافئ يزيل التعب وصلينا ما فاتنا ,,,,,,,,,
وخلدنا الى النوووووووووووووووووم
ما حسينا بأي شي للصبح
الحمد لله وماشاء الله
ربي يحرسنا من كل شر
هااااااااااااااااا اشرايكم ؟؟؟؟
@@ السعيد @@ غير متصل   رد مع اقتباس
قديم 02-24-2018, 07:13 PM   #9 (permalink)
@@ السعيد @@
أمير الرومانسية
 
الصورة الرمزية @@ السعيد @@
اصبحنا واصبح الملك لله
الحمد لله والشكر
النوم نعمه ارتحنا عدل
وصلينا ونزلنا للريووووووووووق اللذيذ
هذه اطلاله صباحية من الغرفة
طلعنا من الغرفه
وهدوووووووووووووووووء الممرات
لفت نظري المعلقات الجميله عند المصاعد والكراسي والمعلقات ( الثريات) بالوانها اللي تشرح
وهذا جهاز لتنظيف الأحذيه
عجيب كان ودي اجربه بس مو لابسين احذيه مسكرة
ونزلنا الدور الأرضي جهة الاستقبال
وهاللقطات اهداء لكم
مكتب للرحلات
مافي وقت نسأل ونوقف ونشوف
برنامجنا جاهز من الكويت
اول ما وصلنا البارح كنا قاعدين هنا ,,,,,,,,,,,,
قرب صاله الفطور
انا الحين فايقة ورايقه والتعب طاااااااااااااااار امشي واصور
@@ السعيد @@ غير متصل   رد مع اقتباس
قديم 02-24-2018, 07:18 PM   #10 (permalink)
@@ السعيد @@
أمير الرومانسية
 
الصورة الرمزية @@ السعيد @@
الجوعان له الله !!!!!!!
(((((((((((سامحوني على الصور التعذيبية الجيبوتية )))))))))))))
هالموظفة جدا سمحة وظريفة لتسجيل رقم الغرفة عند دخول صالة الفطور







الحب الحب الجين الأبيض عشق لا ينتهي





ما أدري شنو هذا اللي يعرف يقولي ؟؟








الستاف بصاله الريوق بشوش ومتعاون جدا
الا اللي تسوي البيض ما أدري اشفيها مكشرة اعوذ بالله
تشوفني اصور وتتحلطم وانا معطيتها طااااااااااااااف










البرتقال تعصره بنفسك @@
Help Your Self




امبيييييييييييييييه اللي تسوي البيض جننتها خخخخ
خلصت تصوير بالكاميرا وتالي طلعت الاي فون والف عليها الف لفه
وهي معصبه تتحلطم علي
ما ادري اشلون موظفينها
وللعلم كل الموظفين جيبوتيين
وهذا شي حلو
الدانش عذاااااااااااااااااب
مادلين كيك لذيذ حبيته وايد مع الشاي
@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
دولة جيبوتي الافريقية anilta سياحة افريقيا و فنادق افريقيا و عروض سفر افريقيا 4 04-30-2013 10:01 AM
صور من جيبوتي إندماج الأرواح سياحة افريقيا و فنادق افريقيا و عروض سفر افريقيا 1 01-29-2013 07:36 PM
تهديدات بخطف السعوديين في جيبوتي.. والسفارة تأويهم في فندق باسـمة اخبار 24 ساعة - سبق عاجل من أنحاء العالم 0 01-21-2013 06:49 AM
جمهورية جيبوتي قلب إفريقيا النابض - السياحة في جيبوتي دموع الملائكة سياحة افريقيا و فنادق افريقيا و عروض سفر افريقيا 1 04-14-2010 06:54 PM
مصر تكتفي برباعية نظيفة في شباك جيبوتي miss_egypt كورة عربية 15 06-07-2008 06:42 PM

الساعة الآن 08:02 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103