تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

Bangkok Pattaya April 2010

إضافة رد
 
أدوات الموضوع انواع عرض الموضوع
قديم 02-10-2018, 12:52 PM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
Bangkok Pattaya April 2010




Bangkok Pattaya April 2010





كان سبب السفره الرئيسي فحص وعلاج لمشكله الاذن عندي اللي تعبت منها ومن المستشفيات في الكويت

وقررت اني ازور مستشفى بومرن قراد في بانكوك وهو المعروف بالمستشفى الامريكي


وهو مستشفى رائع وعن طريق النت عملت موعد مع عياده الاذن والانف والحنجره وعلى طول عطوني موعد في تاريخ 1 ابريل لكن قررت اغيره خصوصا اني راح اوصل بنفس الوقت وارسلت لهم رساله وغيرو الموعد الى اليوم الثاني بسرعه كبيره جدا موقف رائع لمستشفى رائع


كان موعد السفر يصادف عطله لعيالي وهي عطله الربيع او الايستر وحجزت على الطيران السيلاني لاني ما لقيت حجز على الكويتيه او التايلنديه اللتي قررت التوقف عن الطيران من مطار الكويت الدولي في تاريخ 28 من شهر مارس فقررت اني احجز على الطيران السيلاني كويت سيلان بانكوك مرورا في دبي لساعه

الطيران رائع وممتاز لكنه مزحوم للاخر وكان موعد السفر في تاريخ 31 مارس واوصل بانكوك في الاول من ابريل

قبل الحجز او اصدار التذكره اشتركت مع الطيران السيلاني من اجل الاستفاده من النقاط او الرفع الى درجه اعلى لكن ما حصل هالشي بس استفدت من النقاط

كانت الرحله من الكويت الى دبي فل وكلها كويتيين وفرحت لاني سمعت ان الطياره كلها سيلانيين والريحه تكون داخل الطياره شي ولا بالخيال

قبل السفره اصبت بالزكام وهذي اول مره اسافر وانا مزكوم لكنها كانت بالنسبه لي خيره ولله الحمد

في مطار دبي كل شي تغير نزلوا كل الركاب الكويتيين ماعدا انا :4:

وصار مكانهم سلانيين والحمدلله اني مزكوم ولا شميت الريحه طول الطريق

من فوايد الاشتراك في الطيران السيلاني اني حجزت لي مقعد ووجبه لرحله الذهاب فقط وهذا هو المهم

كانت الرحله من دبي الى كولومبو 4 ساعات رحله سريعه وخدمه رائعه

وصلنا الفجر مطار كولمبو وهو مطار صغير لكنه مرتب ونظيف وراقي

وعلى طول رحت لغرفه الصلاه ووجدت مسافرين افغان وصليت الفجر وياهم وطلعت على الفطور وبعد الفطور اخذت لي ساعتين فوت مساج كان وقت الترانزيت 3 ساعات ولا حسيت الا بالنداء الاخير وباسمي طلعت من المساج وهو تقريبا 1000 روبيه سيلانيه وهو ممتاز ورائع ومفيد للمسافر


وصلت بانكوك الساعه 12 الظهر في توقيتهم ومطار بانكوك رائع وكبير وتقريبا ساعتين فقط عند الجوازات من كثر هالبشر مع العلم اني ما احتاج الى فيزا على طول على الكونتر

اخذت الشنط وطلعت ولقيت الشركات اللي تعرض على التكسي والفنادق وسالت عن السعر وكان 1500 بات

طبعا نزلت تحت للتكاسي الملونه وكان سعرها 450 بات شامل كل شي



شقق فندقيه رائعه بعيده عن الزحمه وفيها حراسه 24 ساعه والغرفه رائعه لابعد الحدود

حجزته عن طريق بو كينج وسعره تقريبا 1500 بات تدفعها كاش اول ما توصل

وطبعا طلبت من راعي التكسي يمر على الصرافين في منطقه نانا من اجل الصرف وصرفت ما يقارب 500 دولار وكان الصرف وقتها 3200 بات لكل 100 دولار وعطوني شريحه جوال مجانيه هديه لاني صرفت مبلغ كبير على قولتهم

عمليه دخول الفندق او الجك ان كعاده تايلند سهله جدا وسريعه

دفعت الفلوس ودفعت التامين من اجل السيفتي بو كس وطلعت على الغرفه وهي عباره عن غرفه وصاله ومطبخ وغرفه ملابس وفيها السيفتي بوكس

طبعا اول شي انفذ وصايا ام باسل رش الديتول في كل الغرفه

وبعدين سويت لي قهوه مهيله من اجل تضبيط المزاج

نشوف الصور

مدخل الغرفه ويبين الديتول وهو من اساسيات السفر في عايلتنا

Bangkok Pattaya April 2010


الصوره مهتزه شوي لكن السموحه لاني مو متعود اصور في كاميرا صغيره

Bangkok Pattaya April 2010


Bangkok Pattaya April 2010

Bangkok Pattaya April 2010


Bangkok Pattaya April 2010

Bangkok Pattaya April 2010


لاحد يعلق على الصوره لاني كنت مستعجل على الصوره ولا رتبت مع اني توني واصل

Bangkok Pattaya April 2010

السموحه اذا حطيت صوره للحمام اعزكم الله لكن علشان ابين انه يوجد شطاف فيه

Bangkok Pattaya April 2010

المطبخ وهذا من الاساسيات عندي من اجل شي واحد فقط


Bangkok Pattaya April 2010


Bangkok Pattaya April 2010

بتقولون شنو هالشي وهذا الجواب عليه

Bangkok Pattaya April 2010


الصاله وهي رائعه وتطل على حمام السباحه لكن للاسف ما قدرت اصوره لانه دائما فيه ناس

Bangkok Pattaya April 2010



@@ السعيد @@ غير متصل   رد مع اقتباس
قديم 02-10-2018, 12:54 PM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@
بعدما كيفت الراس بالقهوه المهيله واخذت لي دوش سريع وصليت الظهر والعصر جمع تاخير

ماحبيت انام لان راح يخترب برنامجي وفضلت اني اسهر الى الساعه 9 بالليل علشان اعدل نومتي خصوصا اني مو نايم من امس الصبح الساعه 6 وهذ قعدتي

اخذت نفسي وطلعت مشي الى منطقه نانا وهي على نفس الشارع اللي يسمونه شارع 4 تطلع سيده او طوالي تصادف مجمع نانا او نانا مول الجديد طبعا هو جديد بالنسبه لي لان اخر مره زرت بانكوك كانت 2002 وكانت الرحله عائليه ومن يومها الاهل والعيال كرهوا تايلند كلها

وصلت الى فندق زينث وفي مطعم قباله مصري تغديت فيه واخذت لي كاسه شاي بالنعناع الرائع وجلست بالخارج وكاني في احد الدول الخليجيه من كثر الخليجيين اللي رايحن او جايين من المستشفى الامريكي

المطعم والجلسه الخارجيه




مقابل المطعم فندق زينث






لحد يقوللي وين الكرك لاني توني ماكل سي فود وموزين الواحد يشرب حليب بعد الزفره



تقريبا ما طولت لاني حسيت اني دايخ حدي بس حاولت اتصبر ليمن ياذن على الاقل المغرب واصلي وانام


وبالفعل وصلت الفندق وصليت واحلى نومه بعد التعب

في الصباح الفندق يوفر فطور وهو بالطلب في مطعم الفندق الصغير نوعا ما لكنه نظيف وطريقه اكلهم غريبه

اول شي يجيبون طبق عباره عن رقي (حبحب ) وجح ( خربز ) واناناس وبعدين الفطور

فطرت وصعدت تقهويت ورحت لمجمع امبي كي الساعه 9 انا عند السوق اخذت لي لفه عليه بس ابي اعرف الاسعار ونوعيه البضاعه اللي عندهم

ورجعت الظهر صليت العصر والظهر جمع تقديم وجلست ليمن الساعه 3 علشان موعدي الساعه 4

اخذت التك تك وهو مجاني للنزلاء ووصلني لاخر الشارع وبعدين مشيت الى المستشفى






فندق ايبيز رائع جدا وجديد وهو قبل فندقي بالضبط




اااااااخ لو الله يفكنا من اللي نشوفه خصوصا هالعربات في بانكوك تصير احلى دوله







الكاميرا الخفيه صادته

يغسل العيش في الشارع







يا كثر ماياكلون والمشكله انهم مايسمنون







سفن الفن حلو منتشر بكل مكان يازينه في امريكا وبس







هذا مجمع نانا في المقابل والفندق خلفي على امتداد الشارع وعلى اليمين فندق اللاند مارك وماريوت على اليسار

ومقابل اللاند مارك منطقه نانا او منطقه العرب

واذا مشيت سيده او طوالي تروح للمستشفى الامريكي




اليوم بديت اشوف المظاهرات او اصحاب القمصان الحمراء وهي تبدي من نانا في اتجاه المجمعات وهذي بعض الصور لتحركهم












نانا هوتيل




مشيت وياكثر المطاعم الحلال في الطريق







وصلت المستشفى الامريكي واللي يدخل اول مره راح يستغرب من اللي يشوفه مستشفى كبير او ضخم رائع لابعد الحدود وتنظيم ولااروع

كانه وزارات وليست وزاره واحده

الخليجيين بكثره ولا قدرت اصور فيه ولاصوره من كثر العرب ماشاء الله والله يشافيهم

رحت للعياده اللي ماخذ فيها موعد على حسب الورقه اللي عندي الدور الثالث المبني الثاني دخلت العياده قالولي لازم تسوي دخول عند الرسبشن

رحت للرسبشن شي رائع جدا واستقبال اروع اخذوا بياناتي وصوروني صوره بالكمبيوتر على الملف طبعا علشان الممرضه تعرفني من شكلي مافي داعي تنادي بالاسم وعطوني كرت للمراجعه لحد الان ما دفعت شي


قاسواضغطي وحرارتي وكان الضغط مرتفع شويه والحراره عاليه شوي وقلت لهم اني مزكوم لكن سالفه الضغط هذي غريبه علي طمنوني وقالولي عادي هذا من تغيير الجو واختلاف الوقت


طبعا عند تقديم الموعد في النت سالوني اي لغه اتكلم بها او اجيدها طلبت اللغه العربيه وبالفعل كان وياي مترجم من التسجيل الى الصيديله

دخلت على الدكتور وبعد الفحص قاللي التهاب مزمن وتحتاج علاج مكثف ومضاد قوي وايضا كنت شاك عندي لحميه مسببه لي الشخير الغير طبيعي من سنتين تقريبا وبعد الفحص مابين اي شي وقاللي هذا من التهاب الاذن ماثر عليك

طبعا عمل لي فحص السمع وكل شي

نصحني باني اجرب هذا الدواء لمده اسبوع واخذت موعد الاسبوع القادم وطلبت ان يكون الصبح لان طيارتي العصر


اخذت الدواء وكان الحساب كامل 3800 بات يا بلاش

وطلبت من الدكتور باني اعمل جك اب كامل طبعا مافي مشكله بس لازم اكون صايم لمده 12 ساعه وفعلا جيت الصبح وانا صايم وخذوا عينه من الدم والنتيجه بعد ثلاث ايام
@@ السعيد @@ غير متصل   رد مع اقتباس
قديم 02-10-2018, 12:59 PM   #3 (permalink)
@@ السعيد @@
أمير الرومانسية
 
الصورة الرمزية @@ السعيد @@
عملت جك اب كامل وذلك عن طريق عينه من ا الدم ولا بد ان اكون صايم لمده 12 ساعه وبعد التحليل فطرت في مطعم نفرتيتي مطعم مصري في نانا نظيف وعلى الاقل هو الوحيد اللي فاتح الصبح

اخذت السكاي ترين ورحت حق امبي كي الطريقه سهله جدا والسعر 25 بات فقط

وعند محطه ناشنال استوديوم او الجسر اللي يودي للمجمع شفت اصحاب القمصان الحمراء متجمعين وبكثره















طبعا السياح يصورون اجتماعات اصحاب القمصان الحمر وهذا قبل لا يغقلون الاسواق والمجمعات







امبي كي المجمع الشهير وطوكيو الملاصق له









وفي الليل رحت لسوق باتونام وهو ما يسمى سوق الليل وارخص سوق في بانكوك لكن للاسف اصحاب القمصان صكوه غصب ومن يومها بداو في اغلاق السوق

ورجعت للفندق وسمعت ان في اطلاق نار صار في منطقه باتونام

طبعا بانكوك بدون سوق يعني ملل في ملل طلعت حجزت لي تكسي من باجر الصبح للذهاب الى بتايا

الجزء الثالث بتايا

بعد سماع الاحداث من خلال التلفزيون قررت اني اروح بتايا خصوصا اني حاجز اربع ليالي في بانكوك وكنت ناوي امدد لكن غيرت راي باخر لحظه ويوم الجمعه عندي موعد مع الدكتور واليوم الاثنين ولافي اسواق ومنطقه نانا ما احبها ولااحب زحمتها

طلعت برا من اجل الاتفاق مع تكسي للذهاب الى بتايا ويا كثرهم التكاسي هناك لقيت لي واحد شايب ولحيه غانمه واتفقت وياه على 1000 بات على ان يمرني الساعه التاسعه والنصف صباحا

رحت للشقه وضبطت الشنطه للاستعداد للرحيل الى بتايا وصحيت الساعه الثامنه بالتمام وبعد الدوش والفطور كانت الساعه 9 وصل التكسي واتصل فيني وعلى طول نزلت وسويت جك اوت وركبنا السياره والمسافه تقريبا ساعه ونصف الى بتايا على الطريق السريع الجديد قبل كان تقريبا 4 ساعات ونمر على قرى واشارات

السايق مثل ماقلت كبير بالسن شوي تقريبا فيه 50 سنه غريب وعجيب

مصدق نفسه كانه مسافر ماخذ وياه ثلاث بطول واحد ماء والثاني ماء لكن فيه صوره للعقل يمكن للانتباه

والثاث فيتامين اول مره اشوف فيتامين بالكبر هذا والفيتامين مشروب منتشر في تايلند والان في الخليج وهو مشروب مسهر ويعطي طاقه ولونه بني

وطبعا معاه اكل ما ادري شنو بالضبط


انا ركب ورا وخليته يسوق لان سياراتهم سكانهم او مقودهم على اليمين ويسبب لي عصبيه


وطبعا شغلت الايبود على حلقات درب الرزلق واتابع السايق

كل خمس دقايق يشرب شي

وياكل شي اخر


ويمسح وجهه بالفوطه وياكثر ما ياكل ويشرب ولا ادري اللي ياكله وين يروح ماشاء الله خزنه مو بطن

وفيهم ولاء غريب وعجيب لملك تايلند اذا شافوا صورته في الشارع لازم يحيونه على طريقه الاسيوين

او اذا شافوا بوذا مالهم لازم يحييونه

مرينا تقريبا على ثلاث محطات للضرايب في الطريق واسعارهم تتراوح مابين 20 الى 70 بات

وكل محطه يوجد عندها قوه عسكريه ومدرعات

وصلنا بتايا بعد ساعه ونصف وعلى طول رحت لفندق غرانت اللي وصاني عليه بو فيصل

الفندق ماعجبني خصوصا الغرف منتهيه الصلاحيه وغاليه بنفس الوقت طلب مني 1000 بات لليله وانا مستخسر فيه 10 بات

رحت الى فندق ثاني هم بو فيصل وصاني عليه لكنه ما عجبني لانه يحتاج الى شله على الاقل 4 اشخاص يسكنون فيه

قررت اني اسكن في فندق نوفا وهو جديد




وللعلم الفندق هذا بنفس عنوان فندق اودي بولنغ القديم وفندق جولف

فندق رائع اخذت الغرفه 1400 بات مع الفطور يمتاز باللوبي الرائع على حمام السباحه والنت فيه مجاني وسريع جدا واهم شي نظيف جدا واول محطه افتح التلفزيون عليها طلعت القناه الاولى السعوديه وكانوا ناقلين صلاه العصر من الحرم الشريف




















لجزء الرابع والاخير

واسف جدا المشاغل كثيره خلتني ابتعد عن تكمله التقرير


بعد ما وصلت للفندق وهو رائع والخدمه رائعه قررت اني اكتشف او اعيد اكتاشف بتايا الجميله اخر مره رحت لها كان في 1991 اي بعد تحرير الكويت فاكيد تغيرت علي

وبالفعل بتايا اصبحت كبيره جدا وفيها مجمعات وفنادق بكل مكان وايضا بتايا الجديده هي منطقه تكثر فيها الفنادق والشقق وهي تصلح لمجموعه او عايله كبيره مو حق واحد بروحه


اخذت الوانيت وهي الوسيله المتعارف عليها في بتايا تكسي بتايا ويوجد ايضا سياكل دبابات للتاجير او لمشوار ب 10 الى 20 بات

داخل الوانيت وهو بالمناسبه منتشر بشكل كبير وفيه جرس اذا وصلت للمكان اللي تبيه تدقه ويتوقف وسعره من 10 الى 20 بات




ابتعدنا عن الفندق














مطعم زهره الخليج اشهر من نار على علم وبوقتها كان مطعم بو عبدالله المشهور مغلق لمشكله ماعرفتها لكنه راح يفتح واحد جديد بالقرب من فندق في سي








على اليسار فندق في سي المشهور









هذا الوانيت اللي قلت لكم عنه ونفس اللي راكبه





وهني صافين ينطرون خروج الطلاب من المدرسه





ابتعدنا شوي عن زحمه بتايا



منظر عادي جدا في بتايا السياح من كل انحاء العالم












انا ركبت وخليت التكسي او الوانيت يمشي

وليمن وصلت للمجمع هذا وقفت ونزلت









عند المدخل مساج بالاسماك






مجمع رهيب وكبير جدا













@@ السعيد @@ غير متصل   رد مع اقتباس
قديم 02-10-2018, 01:02 PM   #4 (permalink)
@@ السعيد @@
أمير الرومانسية
 
الصورة الرمزية @@ السعيد @@
لسلام عليكم ورحمة الله وبركاته

نتابع الجزء الرابع والاخير طبعا


صوره من المجمع وهو يطل على البحر الجميل














بعد ما نزلت من المجمع على البحر والشاطيء الجميل دورت لي احد المظلات وجلست فيها




وبمجرد ان تجلس يبداون الباعه بالمرور عليك واشكال وارناق ما تتوقع شنو يعرض عليك في هذا المكان

على سبيل المثال مساج على البحر واحد عنده اقفاص فيها طيور ويقوللي طيرهم وتمنى امنيه

ماكولات ومشروبات ومشغولات يدويه والعاب سحريه وبلاوي

لكن انا كنت انتظر شي معروف على البيتش لكنه تاخر شوي هالمره مو عادتهم







عمليه فتح القباقب او الكبوريا





التحضرات النهائيه





قباقب وربيان تفضلوا








قبل الهجوم





بعد الغدا الخفيف اخذت لي وانيت لان الشمس كانت حارقه وبعض الصور





الولكنج ستريت او شارع الممشى او شارع جهنم كمايسمى بالليل يختلف كليا ولاانصح بزيارته ابدا










اخر يوم لي في بتايا وفي بانكوك في التحديد اتفقت مع تكسي يوديني الى المستشفى الامريكي من اجل المراجعه وقبلها مريت على صاحبي ووضعت اغراضي عنده ورحت للمستشفى والحمدلله كانت النتيجه مطمئنه وعاديه جدا وخلاني استمر على علاجي

واخذت لي ادويه زياده لكن من الصيدليه اللي في نانا لانها اقل بنصف السعر تقريبا


ورحت للمطار الساعه الخامسه بعدما كنسل صاحبي ردته واجلها اسبوع دخلت الشنط وكانت هناك مفاجاه من العيار الثقيل


الشنط راح توصل الكويت ولافي امل اني اخذها في كولمبو اللي راح ابات فيها ليله

دبرت نفسي ولله الحمد وركبنا الطياره


الجزء القادم جزء كولومبو وهو قصير جدا
@@ السعيد @@ غير متصل   رد مع اقتباس
قديم 02-10-2018, 01:03 PM   #5 (permalink)
@@ السعيد @@
أمير الرومانسية
 
الصورة الرمزية @@ السعيد @@
ركبنا الطياره من مطار بانكوك وكانت الطياره مليانه للاخر ورحله سريعه تقريبا 4 ساعات ماحسيت فيها

وصلنا الى مطار كولمبو مطار صغير لكنه مرتب سالت عن مكتب الترانزيت علشان اخذ الفويشتر قالولي بعد ماتطلع من الجوازات تحصله على اليمين وبالفعل ختمت الجواز بصوره سريعه جدا وبدون فيزا ولا صور ولااي شي وكان تعاملهم جدا رائع


طلعت للمكتب وكان في وياي ثلاث هنود اخذوا بياناتي وقالولي انتظر الباص

وفعلا اخذت لي لفه على المكاتب اللي هناك وهم اربعه مكاتب وشغالين ليل نهار

ركبنا الباص وقاللي اي فندق عطيته الورقه وقال هذا فندق ممتاز حتى الهنود اللي وياي كانوا زعلانين ليش انا بالذات في هذا الفندق لوحدي

بيني وبينكم استانست قلت الفندق يبي يطلع شي وشويات ( اي هين )

وصلت للفندق وعطوني مفتاح الغرفه لان ماعندي عفش مثل ماقلت لكم مجرد شنطه اللاب توب وفيها ملابسي ليوم السفر فقط

وصلت الغرفه واول مافتحت النور ولا مفاجاه من العيار الثقيل هجوم كاسح ولا هجوم المنتخب الاسباني من قبل الناموس اللي شكله صارله اسبوع ماشاف انسان على طول سكرت النور وطلعت بره وتذكرت اختي الخواطر ونصيحتها لي الله يجزاها الخير في استعمال رشاش خاص للنامس والحمدلله اني ماخذ حسابي وشاريه من بتايا ب 30 بات والله ان سعره في هذه الليله يسوى الف بات




هذا هو الرشاش الخاص رشيت منه ودخلت الغرفه بنشوه المنتصر وكان الهجوم فتاك لكنهم من يوصلون للجلد يهربون على طول

نشوف الغرفه واللي حاسديني عليه الهنود :4:


المدخل




الغرفه







ياروحي يالميني بار خخخخخخخخ





هذا يسمونه دولاب او كبت بلهجتنا




وانتو بكرامه الحمام واحسن ما فيه الشور بوكس













وهذا جهازهم للناموس لكنه مايسوي شي







ياعيني مروحه بنكه بلهجتنا خخخخخخخ











منظر ليلي ولاني داري شنو وراه




هذا اسم المنتجع مثل مايقولون





الحقيقه من التعب ماحسيت بنفسي نمت على طول وصحيت الصبح على صوت الغربان اللي تزعج ونزلت على اللوبي


والفطور على البحر مكان رائع وفطور رائع واحلى شي الشاي اللذيذ اكيد سيلاني


















هني كان الفطور وحاطين شبك حمايه من الطيور وخصوصا الغربان








وعلى البيتش






















خلصت فطور وتصوير رحت للغرفه البس ولا في مفاجاه لازم حزام طلعت رحت ادور لي حزام لقيت محلات مقابل الفندق شريت لي حزام جلد ما ادري شلون صاير وبعد شريتلي شاي اخضر واسود وابيض وهذا الابيض غالي جدا لكني حصلته بسعر مناسب


لبست وسلمت الغرفه والباص ينظرني وعلى طول للمطار ختمت الجواز بس لازم اعبي فورمه

عبيتها وهي سهله جدا وباقي ساعه للطياره تسوقت شوي وطبعا الشاي اهم شي في سيلان


ركبنا الطياره وعلى طول دبي ساعه ترانزيت وبعد وصلنا الكويت

ارجوا السموحه لاني طولت في التقرير اكثر من اللازم ولا هو عنصر تشويق ولاشي لكن الانشغال هو سيد الموقف
@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
رحلتنا الى تايلند april-may 2012 @@ السعيد @@ سياحة اسيا و فنادق اسيا و عروض سفر اسيا 4 01-24-2018 06:56 PM
BeBe April 2012 'Play It Hot' LookBook روانة صالون عالم حواء الرومانسية 7 04-21-2012 02:22 AM
Kaspersky Anti-Virus 2009 8.0.0.506 Final and keys UPDATE 20 APRIL 2009 artman66 برامج كمبيوتر 2016 - 2015 جديدة 3 07-03-2009 05:33 PM
صور من .........بانكوك bangkok &دعاني الشوق& سياحة اوروبا و فنادق اوروبا و عروض سفر اوروبا 7 11-03-2008 12:52 AM
الطريق إلى بتـ 1 ــايا من الألف الى الياء Pattaya دب بس سريع1 حجز فنادق و عروض سياحية و معلومات عامة 3 08-08-2007 11:12 PM

الساعة الآن 01:57 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103