تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

سحرني حلاها و قلبي هواها و ابتلى ( الكويت 2015 )

إضافة رد
 
أدوات الموضوع انواع عرض الموضوع
قديم 12-24-2017, 06:45 PM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
سحرني حلاها و قلبي هواها و ابتلى ( الكويت 2015 )





السلام عليكم و رحمة الله و بركاته

رجعتلكم في تقرير جديد لهذي البلاد اللي اصبحنا ما نستغنى عن زيارتها و نشتاق لها وااااااايد و لاجوائها الرائعه

رحلتنا كانت من تاريخ 19 / 12 / 2015 الى 25 / 12 / 2015

التخطيط بدأ من الصيف لكن وقت السفر خليت كل شيء على حاله و قلت بنعيش اليوم بيومه

بدون جدول و لا قوانين و لا التزامات

و السبب عندي طفل رضيع اقل من سنه و ما كنت عارفه كيف بيكون وضعي وياه

و رحلتنا للاستجمام و الخروج عن الروتين اليومي من غير زيارة للمزارات و المتاحف لاني زرتها قبل

قبل ما ابدأ التقرير حبيت اشكر من ساعدني بالرد على الاستفسارات و اخص بالشكر ام حسين توبليرون

و اختي ابرار كويتية متنقله لاني لعوزتهم من الاستفسارارت في الواتس اب قبل السفر و بعده

و للامانه ما قصروا يزاهم الله خير

سفرتنا عن طريق البر

يوم السفر كنت ناوية اطلع قبلها بيومين و نريح في قطر لكن للاسف زوجي مشغول جدا ويا الدوام

و هذا الشيء ما حسبت حسابه لانه المفروض احجز من تاريخ 20 اللي هو الاحد لكن الحمدلله طلعنا السبت

انطلقنا الساعه 7 الصبح و اول شيء نعبي البترول و هاي الصوره للي دايم يسألون عن اسعار البترول و انواعهم

سحرني حلاها و قلبي هواها و ابتلى ( الكويت 2015 )


و مرينا مطعم غنتوت خذنا سندويشات و شاي حليب و نسيت اصور لكن هاي صوره قديمه


سحرني حلاها و قلبي هواها و ابتلى ( الكويت 2015 )

الجو بارد و درجة الحرارة كانت


سحرني حلاها و قلبي هواها و ابتلى ( الكويت 2015 )


وصلنا الحدود منفذ الغويفات الساعة 11 و نص و كان زحمه يا دونيا زحمة


سحرني حلاها و قلبي هواها و ابتلى ( الكويت 2015 )


خذنا تقريبا ساعة لين خلصنا الاجراءات الناس كلها طالعه اجازة


مرينا على اول محطة سحاب بعد المنافذ و خذنا صحن بخاري دجاج من مطعمنا المفضل و هاي صورة قديمة


سحرني حلاها و قلبي هواها و ابتلى ( الكويت 2015 )


و كل ما تعمقنا في الربع الخالي زادت البروده توقفنا كم مرة للصلاه و التزود بالبنزين

و هاي اللوحه زادت من الحماس

سحرني حلاها و قلبي هواها و ابتلى ( الكويت 2015 )


وصلنا الحدود الساعة 7 تقريبا بتوقيت الكويت و نفس الشيء زحمه سحرني حلاها و قلبي هواها و ابتلى ( الكويت 2015 )

كنا حاجزين بفندق آدامز ببنيد القار و الفندق جديد ما صار له سنه

وصلنا المنطقة و وقفنا عند مطعم و مشويات الغدير و خذنا سندويشات شاورما

و فلافل و بصراحة الشاوارما لذيييييييييييييييييذه جدا جدا عمري ما كلت بلذتها


سحرني حلاها و قلبي هواها و ابتلى ( الكويت 2015 )


المفروض نوصل و على طول عشانا يكون في مقهى الشميمري لكن كنا تعبانين و قلنا ناخذ سندويشات و كان اختيار موفق للمطعم

الفندق يقع على شارع الخليج العربي و اطلالته حلوة غرفتنا في الطابق السادس


سحرني حلاها و قلبي هواها و ابتلى ( الكويت 2015 )

و هاي شقتنا

سحرني حلاها و قلبي هواها و ابتلى ( الكويت 2015 )


اول ما ندخل باب المطبخ على اليمين و عقبه الحمام


سحرني حلاها و قلبي هواها و ابتلى ( الكويت 2015 )


سحرني حلاها و قلبي هواها و ابتلى ( الكويت 2015 )


حمام الصاله

سحرني حلاها و قلبي هواها و ابتلى ( الكويت 2015 )


الصاله


سحرني حلاها و قلبي هواها و ابتلى ( الكويت 2015 )


سحرني حلاها و قلبي هواها و ابتلى ( الكويت 2015 )


سحرني حلاها و قلبي هواها و ابتلى ( الكويت 2015 )





التعديل الأخير تم بواسطة @@ السعيد @@ ; 12-24-2017 الساعة 06:49 PM
@@ السعيد @@ غير متصل   رد مع اقتباس
قديم 12-24-2017, 06:51 PM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@
كرسي كبير ينفع لولدي ينام عليه





تلفزيون الصالة





غرفة النوم








التسريحه




احلى شيء عيبني وجود ساتر على الدرايش نفس اللي نشوفها في الفلل الكويتيه

ما يحتاج نفتح و نسكر الستاره

الابجوره ديزاينها حلو





تكرمون حمام الغرفة














مستلزمات الحمام و تتغير كل يوم





و هاي المنظره مهمة قبل الطلعة





الكبت





طاولة الكوي و الكواية





ادوات المطبخ


هذه الصورة تم تصغيرها . الحجم الافتراضي لها هو 888x600.


هذه الصورة تم تصغيرها . الحجم الافتراضي لها هو 888x600.


سعر الشقة للمده كلها 306 دينار كويتي و اخر التقرير بحط السعر بالدرهم

طلبنا فراش زياده لولدي الصغير قالوا ما عندنا بس بعدين يابولنا مرتبة و لحافات و سرير للبيبي


و بكذا خلص يومنا و اشوفكم في ثاني يوم في الكويت

دمتم بخير


@@ السعيد @@ غير متصل   رد مع اقتباس
قديم 12-24-2017, 06:55 PM   #3 (permalink)
@@ السعيد @@
أمير الرومانسية
 
الصورة الرمزية @@ السعيد @@
20 / 12 / 2015

الاحد

ثاني يوم في الكويت

طبعا حجزنا مع ريوق بس احنا نحب نجرب مطاعم الكويت اللذيذه

قمنا الصبح و الاجواء كانت خياليه

و هذا جزء من حصن صغير و اكيد له ماضي يا ليت اللي يعرف يفيدنا و شوفوا على يمينه

المبنى الابيض فندقنا

هذه الصورة تم تصغيرها . الحجم الافتراضي لها هو 888x600.


متجهين الى سوق المباركية


هذه الصورة تم تصغيرها . الحجم الافتراضي لها هو 888x600.


و هاي الابراج على يسار فندقنا نطلع على الشارع الرئيسي و نرجع يوتيرن و يسمونه فوق تحت

و الابراج تكون على اليمين


هذه الصورة تم تصغيرها . الحجم الافتراضي لها هو 888x600.


هذه الصورة تم تصغيرها . الحجم الافتراضي لها هو 888x600.


وصلنا السوق اقل من 10 دقايق


هذه الصورة تم تصغيرها . الحجم الافتراضي لها هو 888x600.


نزلنا من السياره و مشينا شوي و زوجي دايما يقول انا ما ابرد و اتحمل كل درجات الحراره

و الجاكيت مب راضي يلبسه يخليه في السياره لكن قبل ما ندخل جهة المطاعم قال برجع السياره

البس الجاكيت لانه الجو كان بااااااارد لكن هذا هو المطلوب

هذه الصورة تم تصغيرها . الحجم الافتراضي لها هو 888x600.

خذت كم صوره

هذه الصورة تم تصغيرها . الحجم الافتراضي لها هو 888x600.


هذه الصورة تم تصغيرها . الحجم الافتراضي لها هو 888x600.


المطاعم


هذه الصورة تم تصغيرها . الحجم الافتراضي لها هو 888x600.



@@ السعيد @@ غير متصل   رد مع اقتباس
قديم 12-24-2017, 07:17 PM   #4 (permalink)
@@ السعيد @@
أمير الرومانسية
 
الصورة الرمزية @@ السعيد @@
الالعاب كانوا يسوون لها صيانه و الصوره اللي فوق هاي الالعاب جهة المسجد


اخترنا مطعم دلق سهيل اللي متعودين عليه





طلبنا صحنين شكشوكة طبق خاص اللي تشوفونه وياه جبن و مربى و زيتون و زعتر

و شاي حليب و صحن حمص و فول اسمه قدسيه ما ادري مسبحه

الخبز حااااااااااار و توه طالع من الفرن





جبد مشوي ( كبده )





الحمدلله خلصنا و انطلقنا داخل السوق للتسوق








و هذا المكان توني اشوفه كله تفصيل عبايات و عداله خياطين الاثواب الرجاليه و لازم كل مره نفصل





سرداب و نزلت اشوف اللي عندهم














و هني لازم نفصل كم حصير و فصلت احجام كبيره و اشتريت جاهز





و احلى شيء المواعين ما نشبع منهم





و هذا محل العصير لازم زوجي كل مره ياخذ عصير قصب السكر





سوق الحريم و يفتح العصر





طلعنا من السوق و قلت بمر سوق العربيد اللي يتكلمون عنه الحريم في كل مكان

توجهنا للسوق و ما عرفنا مكانه و سألنا و دلونا عليه




بس المكان مسكر يفتح العصر و ما عرفت وين الخياييط و رجعنا الشقه نريح




المغرب توجهنا لاسواق السلطان عندهم منتجات حلوه و غريبه علينا








اي شيء تبغونه تلقونه عندهم








احب اشوفهم و اصورهم بس من غير ما آكلهم





و بعدها توجهنا لمكاننا المفضل مقهى الشميمري





كابينة الدفع تطلب اللي تبغيه و تدفع و يعطونك مثل عملات و بعدين تتوجه للفرن و تاخذ طلبك














و هني يسوي خبز رقاق











طبعا الجو واااااااااااااااااايد بارد ما قدرنا نيلس برع دخلنا في الغرفة الزجاجيه مسكره و فيها عوايل

ما قدرت اصورها

و هذا غدانا و عشانا


شيش طاووق





كباب لحم





رقاق بالزعتر يمي





و لازم غوري شاي يدفينا





المكان مسكر و يحطون طاولات و كراسي عشان الاكل لكن في ناس الله يسامحهم

عندهم عيالهم يلعبون بالكوره و مسووين ازعاج فضيع و عادي ما يسكتون عيالهم نفس الحاله في الطياره

انا ما احب هالتصرفات في اماكن برع للالعاب و المساحه كبيره لكن البرود و ما يسوي


خلصنا و توجهنا للالعاب مع انه الجو ما يحتمل لكن العيال الا يلعبون











يلسنا شوي و قلنا نشرب شيء يدفينا





و هاي شاشه كبيره في الساحه الخارجية





طلبنا كرك شاي حليب بس طعمه مب حلو





و رجعنا الفندق و ما شاء الله عليه فندقنا كل ما ندخل و نطلع نشوف ربعنا توهم واصلين

كان احتلال اماراتي في الفندق طول فترة اقامتنا

خلص اليوم الثاني و نشوفكم في اليوم الثالث الاجمل


@@ السعيد @@ غير متصل   رد مع اقتباس
قديم 12-24-2017, 07:19 PM   #5 (permalink)
@@ السعيد @@
أمير الرومانسية
 
الصورة الرمزية @@ السعيد @@
اليوم الثالث

الاثنين

21 / 12 / 2015



احلى الايام عندي و راح تعرفون ليش

اول شيء درجة الحرارة





اليوم قلنا بنتريق في الافنيوز





درنا و درنا و درنا و ادور مكان تراثي و كله زحمة و اخيرا شفنا





كاشونة البيت مطعم غني عن التعريف و عضواتنا ما قصروا قبل عطونا نبذه عنه

هو الوحيد ما عليه زحمه لانه موقعه شوي داخل

المنيو











طلبنا ريوق المعاريس




عبارة عن بيض و طماط ( شكشوكة ) لبنه بالنعناع و لبنه بالزيت و الزيتون و الزعتر

قيمر مع عسل ( قشطه ) نخي بالطحينه ( حمص ) سمبوسة جبن حمسة جبد ( كبده )

ريوق متكامل و طلبنا بلاليط ( شعيرية ) ملفوفه بالبيض




حليب بالزعفران








و هذا حلو مع الحليب لذييذ




كان في ناس و يوم مشوا صورت المكان





ديكورات المطعم








يلستنا الحلوة اخترناها قديمة








صندوق الفاتوره





الفاتوره وياها حلاوة بنكهة النعناع لذيذة وكانت 13.600 دينار





تمشينا و تسوقنا




@@ السعيد @@ غير متصل   رد مع اقتباس
قديم 12-24-2017, 07:22 PM   #6 (permalink)
@@ السعيد @@
أمير الرومانسية
 
الصورة الرمزية @@ السعيد @@
بعدها توجهنا الى مطعم بيت ديكسون موقعه خلف المارينا و فريج صويلح

ماقدرت اصور الواجهه نشوف داخل المطعم










الضيافه و نسينا ناكلها





نشوف المنيو





































طلبنا مجبوس دياي و برياني دياي و سلطة فتوش








عصير ليمون بالنعناع و فيمتو مثلج





بصراحه الاكل ما عيبنا فريج صويلح احلى منه بوايد لكن ناس مدحولنا المطعم و قلنا نجربه

الديكورات عجيبه و روووووعه











دكاكين اول







كابينات








المطعم كان مزحوم و فيه شباب و عوايل وايد ما قدرت اصوره كله

و هاي الجهة فيها خيمة و عريش و متيمعين فيها شباب




خلصنا و توجهنا للفندق نريح و نصلي
@@ السعيد @@ غير متصل   رد مع اقتباس
قديم 12-25-2017, 11:00 AM   #7 (permalink)
@@ السعيد @@
أمير الرومانسية
 
الصورة الرمزية @@ السعيد @@
رجعنا الفندق و عطيت ولدي الكيمره و قلتله صورلي اللوبي لاني ما حصلت فرصة

اصوره دايم مزحوم



السيكيوريتي ما شاء الله عليه دايم مبتسم




مكان البوفيه







حمامات

















قاعة البوفيه








الطاولات





الاستقبال








بعد الراحه توجهنا لاسواق السالميه ( المعلم )

تمشينا على السريع و ما عيبني شيء و بعدها كان اللقاء المميز و احلى ما في اليوم

لقائي ويا ام حسين اول الحضور و كويتية متنقلة و نمارق

توجهنا لمول 360 و اول ما دخلت كلمت ام حسين و كانت جريبه من الباب

و مشيت وياها ندور مطعم و وقع الاختيار على مطعم صباح و مساء لبناني



دخلنا و اخترنا اخر طاولة في المطعم و قعدنا نشوف المنيو




الكراسي وايد حلوة بس ما عندي صوره واضحة




نفتح المنيو و نشوف




























الضيافة





المخلل و الزيتون من الضيافه و صبرنا لين يوصلون الخوات و طلبنا تبوله





متبل باذنجان




لوبيا بزيت اول مره اذوقها لذيييييييييييذه و صحن حمص





كبه





كبة بطاط و ورق عنب





حمسة بطاط و حمسة جبد





فتة باذنجان مقبولة بس مطعم ليلى يسويها احلى





عصير طبقات




2 ليمون بالنعناع





و هذا اعتقد عصير جزر





و هاي لافته كبيره في المول




بصراحه الاكل لذييييييييييييييييييييييييذ فوق ما تتصورون

و كان اختيار موفق و اذا زرت الكويت مره ثانية برجع و بجربه

انتهى اللقاء و ما حسينا بالوقت و عسا قعدتكم تنعاد و استانست وياكم وايد

و مشكورين وايد على الهدية و يزاكم الله خير

طبعا انا اول وحده مشيت لانه الصغير مأذي ابوه

و طبعا محد يتحمل العيال كثر الام

هاي الصوره الوحيده اللي صورتها للمول




و طلعنا من المول و مرينا المطعم المفضل لزوجي





و خلص يومنا الجميل

القاكم في اليوم الرابع
@@ السعيد @@ غير متصل   رد مع اقتباس
قديم 12-25-2017, 11:03 AM   #8 (permalink)
@@ السعيد @@
أمير الرومانسية
 
الصورة الرمزية @@ السعيد @@
اليوم الرابع

الثلاثاء

22 / 12 / 2015

اليوم كان جميل من بدايته و شوفوا درجة الحرارة و احنا تونا الصبح الساعة 10





و هاي قالوصتنا في الحفظ و الصون من اول ما وصلنا و هم موقفينها ورا مكتب المدير





اليوم قررنا نتريق في مطعم بزة جريب من الفندق على شارع الخليج العربي

و عداله فندق بس نسيته يمكن شيراتون افيدوني يا خبراء





بسم الله ندخل














فيه جلسات فوق و تحت و العيال حبوا ييلسون فوق مع انه تحت احلى





هذا ورانا






اليلسة حلوة على الشارع بس كانوا شباب قاعدين





الديكور عجيب





نفس الغواري اللي عندي فيهم ازرق





المنيو








الصور بروحها تشهي











@@ السعيد @@ غير متصل   رد مع اقتباس
قديم 12-25-2017, 11:05 AM   #9 (permalink)
@@ السعيد @@
أمير الرومانسية
 
الصورة الرمزية @@ السعيد @@
نكمل المنيو








كل صوره و عدالها الكتابة























عاد ما يحتاي تفكرون وايد قبل ما تسيرون المطعم شوفوا تقريري و اختاروا شو تبون


























وصلت الطلبات و طلبنا ريوق البيت العود و يشمل


قرص بيض بالخبز و بلاليط





حمص و لبنه و جبنة فيتا و هردة ( طحينه )





فول و فلافل










قيمر مع عسل





غوري شاي حليب





و هذا اول ما نركب الدرج





@@ السعيد @@ غير متصل   رد مع اقتباس
قديم 12-25-2017, 11:07 AM   #10 (permalink)
@@ السعيد @@
أمير الرومانسية
 
الصورة الرمزية @@ السعيد @@
الحمدلله خلصنا من الريوق و شبعنا و زياده بس نسيت اسجل الفاتورة


بعدها قمنا ندور اماكن المخيمات و مشينا بعيد صوب المطار و كنا نبغي نغسل السياره

لاني كنت كارهتنا من الوساخه و الغبار و الصابون و كل ما مرينا محطة يشوفونها يقولون ما عندنا

مكينة الغسيل البريشر و يبغيلها غسيل بالبخار


و هاي صورة عيبتني في احد الفرجان





وصلنا لمخيمات الشرطة و قالوا بس الويكند يفتحون و المخيم الثاني شلوه من فتره





و رجعنا بخيبة امل
كنت ادور على محل عندي في الانستجرام موجود في منطقة الري و صلنا المنطقة و شفنا سوق الفقع








انا مب من محبين الفقع ما اشترينا بس تمشينا و انتقلنا الى مجمع الري

و شفت هالمحل نفسه ام حسين حطت صورته في تقريرها





وايد اشياء عيبتني بس ما ينفع اشتريها الا اذا بشحنها


و بعدها قعدنا ندور على وكالة سيارات تويوتا لانه لازم نغير الزيت و نسوي تشييكات على السياره

و درنا كم مكان ما عندهم خدمة السيارات الخارجية و اخيرا حصلنا محطة غسيل وقعدنا فيها يمكن ساعة

و هاي الحلوة يغسلونها





اخيرا تنظفت و بعد الغسيل حصلنا شركة ناصر الساير و هذيل كلهم ورا الافنيوز


دخلنا في المكتب و عندهم استراحة و تلفزيون و قعدنا اكثر من ساعة يابولي تركش كوفي






و هذيل عيالي استلموا الكيمره و قعدوا يصورون







يمكن فوق 50 صورة و كلها للسيارات و تعبنا و يعنا و عصافير بطنا بتصوصوا

و زوجي يقول تحملوا اهم شيء السيارة يشيكون عليها و تكون بخير و تردنا البلاد


خلصنا على العصر و على طول سرنا مجمع الصالحية و هاي مقبره ورا المجمع من صوب المصلى












@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الاتحاد الآسيوي يوافق على مشاركة الكويت والقادسية في دوري أبطال 2015 إندماج الأرواح كورة عربية 1 11-18-2014 12:14 PM
قلبي تولع في هواها من سنين ........م دموع الورد ,,~ قصائد متحركة و منقوله 0 03-18-2013 01:20 AM
~~سحرني حلاها...!ْْ~~ روانة صالون عالم حواء الرومانسية 6 01-02-2013 12:36 AM
سحرني حلاها و قلبي هواها و ابتلى ! نورررااا صالون عالم حواء الرومانسية 3 10-27-2012 05:38 PM
قلبي الكويت ونبضي الشيخ جابر فيصل المريسي الشعر و همس القوافي 1 01-20-2006 09:49 AM

الساعة الآن 08:53 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103