تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

سواليف أردنية من أرض النشامى الأبية

Like Tree1Likes

إضافة رد
 
أدوات الموضوع انواع عرض الموضوع
قديم 11-14-2017, 07:11 PM   #1 (permalink)
@@ السعيد @@
رومانسي شاعري
 
الصورة الرمزية @@ السعيد @@
سواليف أردنية من أرض النشامى الأبية




سواليف أردنية من أرض النشامى الأبية


من أرض الحب والسلام أرض النشامى والنشميات

حياكم الله فى سوالفنا الأردنية

ابتداء من عمان الى العقبة الى عجلون وجرش انتهاء بالسلط وزي وجلعد

زارتنا البركة

نورتونا ونورت ديارنا بوجودكم


توكلنا على الله


من فترة وعدت أمي الغالية اخذها تصلي فى المسجد الأقصى وللأسف لم أستطع الوفاء بوعدي بسبب صعوبة الحصول على فيزا لدخول الأراضي الفلسطينية المحتلة، مع أني كنت بحلم فى كل شارع فيها.

الحمد لله رب العالمين

فقررت أني اروح على الأردن وآخد بابا وماما فى جولات سياحية 100% خصوصا انه لما ننزل كل سنة على عمان بتكون زيارتنا أغلبها زيارة للأهل والأقارب وقليل منها سياحية فما بنعرف بلدنا كويس.

حجزت تذكرتي ليوم الجمعة 30 أغسطس 2013 عمان الشارقة عمان على طيران العربية الذى أحبه وأحترمه جدا بسعر 1600 درهم ومن ضمنهم وزن 30 كيلو على الطائرة و 7 كيلو باليد، وعلى أن تكون العودة يوم الجمعة 13 سبتمبر 2013.



الجمعة 30/8/2013


صحيت متأخرة جدا عن موعد الطائرة وركض ركض طلعت لدرجة اني ماشربت كاسة ماي، كان كل همي اني أوصل المطار والله يرضى عليه أبو معن طار بالسيارة الى مطار الشارقة، وكل هذا بسبب السهر. يلا معلش أنا سامحتني سواليف أردنية من أرض النشامى الأبية لأني وصلت الطيارة على آخر رمق المهم وصلت.

ومن فضل الله ماكان فيه كتير ناس على الطيارة فعلى طول أكلت سندويشة جبنة حلوم مع كاسة شاي وكان سعرها 25 درهم ونمت على طول وما حسيت الا باقي ساعة ونوصل الحمد لله.

وصلت على مطار الملكة علياء الدولي الجديد وماشاء الله المطار كبير وأحسن بكتير من القديم وعدد موظفي الجوازات كبير فبالتالي خلصت إجراءات الجوازات بسرعة ونزلت عند الشنط وأخدت شنطي محملة بالهدايا والرطب الاماراتي اللذيذ. طلعت على طول أخدت تاكسي للدوار السابع فى عمان وطبعا بيعطوك وصل بالسعر وكان 22 دينار (الدينار يساوي 5 درهم اماراتي تقريبا).

وصلت الدوار السابع بعد أقل من ساعة ولقيت مش بس أهلي بانتظاري لقيت


بسْمِ اللَّهِ الرَّحْمَنِ الرَّحِيمِ

{وَالتِّينِ وَالزَّيْتُونِ * وَطُورِ سِينِينَ * وَهَذَا الْبَلَدِ الْأَمِينِ * لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ }

صدق الله العظبم



سواليف أردنية من أرض النشامى الأبية



طبعا نسيت الدنيا وغصت فى صحن التين اللذيذ، أطعمنا الله واياكم من تين الفردوس الأعلى


كنت مبلغة ماما انها ممنوع تطبخ أي شىء خلال فترة تواجدي أبدا يعني بصراحة النية اني أدلل أهلي على الآخر. فرحنا تغدينا فى مطعم كرش وكوارع فى نهاية شارع شهداء الحرم الابراهيمي باتجاه شارع مكه فى الدوار السابع



سواليف أردنية من أرض النشامى الأبية


وطلبنا كرش وفوارغ وفتة لسانات ولحمة راس يعني من أولها تقيل فى تقيل




سواليف أردنية من أرض النشامى الأبية



سواليف أردنية من أرض النشامى الأبية



سواليف أردنية من أرض النشامى الأبية


سواليف أردنية من أرض النشامى الأبية


سواليف أردنية من أرض النشامى الأبية



سواليف أردنية من أرض النشامى الأبية


وسامحوني ما صورت الكرش والفتة ما كنت فاضية على الاطلاق لما وصلوا و طلع حسابنا 65 دينار. روحنا واحنا مو قادرين نفتح عيونا من كتر ما أكلنا.

على فكرة المطعم تملكه سيدة فاضلة ولما سألتها شو اجى على بالك تعملي مطعم كرش وفوارغ وكوارع قالتلي هاي الاكلة شبه اندثرت واختفت فحبيت أعيد احيائها. الله يرضى عليها لأنه الأكل كان رائع جدا وفى قمة النظافة.

يادوب ارتحنا شوي وبدأ هجوم التتار العائلي الرائع من قبل اخواني وعائلاتهم وقضينا وقت ولا أروع من هيك بفضل الله.



أشوفكم قريبا فى اليوم الثاني من رحلتي العائلية السياحية فى أرض النشامى



@@ السعيد @@ غير متصل   رد مع اقتباس
قديم 11-14-2017, 07:13 PM   #2 (permalink)
@@ السعيد @@
رومانسي شاعري
 
الصورة الرمزية @@ السعيد @@
السبت 31/8/2013



قمت من الصبح لقيت ماما عم تحضر الفطور وأهم شىء كان الجبنة النابلسية المقلية بزيت الزيتون مع كاسة الشاي بالميرميه






والمكدوس من تحت ايدين أعظم امرأة فى العالم أمي الغالية






وياعيني على الزيتون الأسود والله يا جماعة ما ببالغ أطيب زيتون أسود أكلته بعمري من تحت ايدين امي العظيمة





حمدنا الله على نعمه


ونزلت على طول عند ام بشار علشان أفصل ثوب تراثي للعيد لأني بحب ألبس يوم العيد ثوب من التراث الفلسطيني أوالاردني لاستقبال ضيوفنا.

اسمها فداء اسمير مصممة أزياء تراثية، شربت الصنعة من جدودها وورثت عنهم حب التراث وعشقت التطريز اليدوي منذ الطفولة. بدأت من 25 سنة وشوي شوي لغاية ما فتحت محلها تحت اسم ريزورا فى شارع شهداء الحرم الابراهيمي فى الدوار السابع. المفاجأة انهم ماشاء الله بيعيلوا ما يقارب ال 200 عائلة من طرازين وخياطين والحلو فى الموضوع أنه أغلبهم ستات بيوت.


خليني أفرجيكم شوي من شغلها





























ولمواكبة الموضة









وهدول شال عروس ومفرش ومخده لحفلة الحنة

















وصيتها على ثوب حلو وكلفني 400 دينار بس لسه ما خلص وبده على الأقل شهر ليخلص.


كنت مواعدة أخت أبو معن الكبيرة أروح أتغدى عندها وفرصة أشوف كل العيلة هناك. وكنت طالبة منها مقلوبة باتنجان لانها بتعملها كتير طيبه وفعلا لقيتها عاملة سفرة رائعة وانبسطت كتير معهم.

رجعت المساء وقعدت أنا وماما وبابا على البلكون وشربنا الشاي وتسلينا وصار بابا يغنيلي أغاني قديمة حلوة زي روحه الحلوة.


الأحد 1/9/2013



كنت متواعدة مع صديقاتي اللي عايشين فى الاردن نفطر مع بعض فى مطعم لانوازيت والموجود فى بداية شارع المطار ومقابل للسيفواي. وصلنا خلال أقل من 10 دقائق من الدوار السابع










قعدات داخلية وخارجية حلوة كتير بس تفاجأت انه ما فى ناس كتير أتاري اليوم أول يوم مدارس

















سولفنا وتحدثنا وضحكنا وتذكرنا أيام حلوة كتير قضيناها مع بعض وبالآخر أهم شىء أكلنا























وطبعا ما بيحلى الفطور الا مع كاسة الشاي






طلع حسابنا 22 دينار

كنت شايفه جمب مطعم كرش وكوارع مكاتب تأجير سيارات فخليت صاحبتي تنزلني هناك علشان أستأجر سيارة من اليوم لغاية الخميس وأرجع استأجر من الأحد للجمعه. وبالفعل نزلت عند أحدهم






استفسرت منهم عن الأسعار وعن الموديلات المتوفرة فطلع انه سياراتهم كلها موديلات حديثة وعندهم فان اذا كان عدد أفراد العائلة كبير وكمان ممكن استئجار السيارة مع السائق.

طلب الموظف حجز جواز سفري أو مبلغ 350 دينار لفتح كروكه (فى حال حدوث حادث لاقدر الله) وطلب ليسني الاماراتي او الاردني وهويتي الشخصية. ما رضيت ورفضت اني احجز جوازي تماما ولا حتى فتح الكروكه وقلتله انه ممكن تاخد رقم بطاقة الائتمان او صورة عن جواز السفر، وأنا بحكي اجى أبو وسام اللي طلع مدير المكتب وأيد كلامي الحمد لله. واتفقنا على سعر 30 دينار لسيارة هيونداي 2012 اتوماتيك 5 راكب.

مش هون القصة استنوا ... اعطيت الرجال الهوية ... وقعدت أدور ساعة على الليسن وين الليسن وين الليسن لالالالالا تذكرت انا لما سافرت على تركيا بشهر مايو شلت الليسن من المحفظة طبعا زعلت مني كتير وعصبت علي كتير واعتذرت منهم وقلتلهم اني رح ارجع ان شاء الله لما اجيب الرخصة.

مشيت للبيت وأنا أفكر ليش أنا شلت الليسن من المحفظة ايش هالحركة اللي ما الها طعم . اتصلت فى أبو معن فى الامارات وقلتله شو صار معي وهات يا أبو معن لاقي الليسن يا حرام هو وابني أحمد ساعة يدوروا لغاية ما لقوه. طيب لقيناه كيف بدنا نبعته؟ الله وكيلكم بطل حد مسافر على عمان فراح أحمد على أرامكس فطلبوا منه 180 درهم قلتله لالالالا تبعته فاستنى لتاني يوم لما راح أحمد على المكتب وبعته ب دولار واحد فقط عن طريق فيديكس.

لما وصلت على البيت حضرت فنجان القهوة وشربته أنا ومامتي على البلكونه والجو كان خيال الحمد لله عشان أعرف أروق شوي. واتفقنا انه نطلع على العقبة فى نهاية الاسبوع علشان نعطي فرصة لبنات خواتي يكونوا معنا بس للأسف بابا ما رح يقدر يكون معنا.

فتحت جريدة الوسيط وهي جريدة توزع مجانا على البيوت ولقيت فيها الكثير والكثير من العروض من الشركات السياحية سواء للرحلات الداخلية أو الرحلات الخارجية. اتفقنا انه نروح على العقبة لليلة واحدة ويومين وننزل بفندق موفنبيك تالا بيه لانه فى شهر نوفمبر 2012 نزلنا بفندق راديسون بلو تالا بيه وكان رائع جدا جدا جدا فقلنا نشوف شى تاني كنوع من التغيير والتعرف على الجديد.

اول خطوة كانت اني شيكت على الاسعار على بوكينغ لقيتها غالية قمت اتصلت بالفندق ولقيت الليلة لغرفة ثنائية مواجهة للبحر بسعر 170 دينار، فقلت خليني أشوف أسعار الشركات السياحية كيف.

اخترنا احدى الشركات واتصلت فيهم ولما لقيت أسعارهم مناسبة حجزت معهم غرفتين وحده ثنائية لاختي وبنتها ومواجهة للجبل بسعر 100 دينار والثانية ثلاثية لي ولوالدتي ولبنت اختي مواجهة للبحر بسعر 140 دينار ليوم الخميس 5/9/2013 اضافة الى 100 دينار مواصلات (20 دينار على الشخص) عمان العقبة عمان و طلبت مني مسؤولة الحجز أن أحضر لتأكيد الحجز ودفع المبلغ المستحق.

نزلت على الصويفيه على مقر المكتب ودفعت ورجعت ولما رجعت وألاقي عرباية الذرة الرائعة وطبعا صاحبتكم ما بقدر أقاوم الذرة المسلوقة أبدا















مش عارفه ليش دائما بلاقي الذرة أطيب وألذ لما أشتريها من العرباية
@@ السعيد @@ غير متصل   رد مع اقتباس
قديم 11-14-2017, 07:15 PM   #3 (permalink)
@@ السعيد @@
رومانسي شاعري
 
الصورة الرمزية @@ السعيد @@
على وقت العشاء اتصلت بالتاكسي المميز علشان يجي ياخدنا من البيت الى تاج مول فى عبدون، تأخر يمكن 10 دقائق بس مو مشكلة نزلت مع ماما وبابا وبنت اختي على تاج مول اللي بميزه رقي المحلات اللي فيه والمطاعم والكوفي شوبات كمان. حتلاحظوا اسم مطعم ليفانت Levant مطعم أرمني رائع جدا جدا بس هالمرة مارحته رحنا مكان ثاني.































قررنا نتعشى فى بي اف شانغز P.F. Changs الصيني

















طلع حسابنا 63 دينار. روحنا على طول أين أنت أيها السرير الجميل


الاثنين 2/9/2013


من الصبح اجت اختي ام يوسف وجايبه معها فطور من المعجنات اللذيذة جدا من عند روان كيك فى خلدا (عنده كيك رائع وآيس كريم ومعجنات وكله لذيذ وأسعاره معقول مقارنة بغيره) فطرنا وقعدنا نشرب فنجان القهوة اليومي على البلكونه، وماما كل شوي تسأل: شو أطبخلكم اليوم؟ وأنا أرد: ما بدنا اشي طبعا عشان ما بدي أتعبها

على الظهر اتصلت احدى صديقاتي بدها تيجي تسلم علي مع صديقة أخرى، طبعا رحبت وسهلت فيهم واجوا وقعدنا قعده رائعة جدا جدا لبعد العصر.
خلال فترة وجودهم طلبنا برغر من عند شيك اند بيك Shake and Bake وتغدينا مع بعض وانبسطنا كتير.

قبل المغرب بشوي نزلنا على سيتي مول فى شارع المدينة الطبية وهو من المولات الراقية جدا فى عمان، وبعد ما تسوقنا شوي قعدنا فى
















قعدنا بالجلسة الخارجية







على فكره بالمول في كارفور بس أنا ما بحب كارفور هناك ما بعرف ليش وبفضل مايلز Miles في مكه مول

الثلاثاء 3/9/2013


الساعة 8:45 صباحا رن جرس الباب والا شركة فيدكس على الباب

طرت من الفرحة لما استلمت الظرف وفيه ليسني وركض على مكتب التأجير


ما لقيت السيارة الهيونداي بس أخدت نيسان سني 2013 اتوماتيك بسعر 30 دينار لليوم ولما أخدتها لقيت فيها بنزين تقريبا الثلث وقالولي حلال عليك











أول شى عملته رحت طليت على أهل صديقة عمري عبير الله يرحمها ويغفر لها وتسامرنا أنا وامها وأبوها وشربت معهم القهوة، وبعدها رجعت على البيت وأخدت ماما على البيادر واشتريت زعتر وسماق وميرمية وفريكه الي وهدايا لاولادي وصاحباتي وركض على شركة النقل البري فى العبدلي ، شحنت شنطة كبيرة بسعر 35 دينار وعلى أساس توصل بعد 3 أيام وصلت بعد 12 يوم الحمد لله.

اقترحت ماما انه نروح ناكل مشاوي عند سكريه وللأسف ما لقيت موقف للسيارة وفجأة لقيت حالي بالبلد وشفت






من أقدم مطاعم عمان وعنده منسف ورقاب محشيه خطيرة جدا

بس برضه ما فى مواقف فقلت والله ما أروح أمي الا ماكله مشاوي اليوم. اتصلت باختي ام يوسف وطلبت منها تجيب بابا وتقابلنا عند







وبرضه مطعم قديم وموقعه بين الدوار السابع والدوار الثامن وفرعه الأول بالدوار الخامس







يلا تفضلوا معانا ماشاء الله لحومهم كلها بلدية
















زبائنهم من جنسيات عربية مختلفة وكمان غير عربية






وهاي قائمة المأكولات



















وهاي طلباتنا اللذيذة
































اللهم أدم علينا نعمك واحفظها من الزوال


رجعنا على البيت ريحنا وفى المساء رحنا قعدنا على مطل الجبيهة
المنظر كان رائع بس الجو كان برررررررررررد


معلش عم بصور من الجالاكسي فمو كتير مبين جمال المنظر

@@ السعيد @@ غير متصل   رد مع اقتباس
قديم 11-14-2017, 07:18 PM   #4 (permalink)
@@ السعيد @@
رومانسي شاعري
 
الصورة الرمزية @@ السعيد @@
يوم الأربعاء 4/9/2013


اليوم قررنا يكون راحة تامة فى البيت بس نزلت جبت معلاق (كبده وقلوب وملحقاته) من ملحمة الباير فى البيادر لانه عنده لحمة بلدية والحقيقة انه المعلاق طلع لذيذ جدا كالعادة. ولاني لازم احضر كم شغلة لاختي ام خالد رح تيجي يوم السبت الصبح عندها امتحان وتروح المغرب وجاي على بالها شيز كيك فبما انه رايحين العقبة بكره حضرت الشيز كيك اليوم.


الخميس 5/9/2013



كنا حاجزين قبل بيوم تاكسيين من التاكسي المميز يجوا ياخدونا الساعة 6 وثلث الصبح لأنه موعد الباص 6 ونص والتجمع فى الصويفيه عند مخبز السفراء، وفعلا 6 وربع رن التلفون انه التاكسيات فى الانتظار برا.

أنا وماما وأختي ام يوسف وبنات خواتي وللأسف بابا ما قدر يروح معنا يعني رحلة نسائية 100%، بتعرفوا أنا من زمان ما رحت رحلة نسائية لأنه دائما رحلاتي مع أبو معن حبيب قلبي ويلا خليني أعترفلكم اعتراف

مع كل سعادتي بين أهلي وأصحابي بس سعادتي كانت ناقصة رفيق الدرب أبو معن الله يرضى عليه ويعطيه حتى يرضيه


وصلنا على الصويفيه ولقينا الباص بستنى فاستأذنت علشان أجيب شوية معجنات من مخبز السفراء.
مخبز السفراء بيتميز بالخبز الطيب والكعك و خبز حمام (سمون) الطيبين جدا جدا والكعك بسمسم القدسي(سميت التركي) اللذيذ جدا


















والأهم أنه بيقدم منتجات صحية لمرضى التوحد وللناس اللي عندهم حساسية من الجلوتين













رجعت على الباص وعجبني اسم شركة الباصات (طبعا هذا مو اسم الشركة السياحية اللي طلعنا معها) :182fd25f9b06446ba41







وهاي أبو مالك سواق الباص الماهر جدا






أما هذا الشاب المهذب وصاحب المهنية العالية فهو ايهاب الدليل وقائد الرحلة







توكلنا على الله وتحرك الباص الساعة السابعة صباحا باتجاه العقبة من طريق المطار


تنبيهات وتحذيرات طول الطريق لاستخدام الغيار العكسي بدل من المكابح






بعد ساعة تقريبا مرينا على استراحة البتراء الرائعة وللأسف كانت مسكرة (مريت عليهم السنة الماضية وهي استراحة ومطعم نظيف جدا جدا) فنزلونا على استراحة ثانية وسوبرماركت للي يحب يشتري شىء أو ياكل لمدة ربع ساعة وللأسف نسيت أصور اسم الاستراحة






كملنا طريقنا واستأذنت من ايهاب اني أقعد مكانه عشان أعرف أصور براحتي والحقيقة أنه كان فى قمة الذوق وسمحلي أعمل اللي بدي ياه خصوصا لما عرف اني بدي أكتب تقرير عن الأردن. تفضلوا معنا شوفوا جمال خلق الله بين الصحراء والجبال الجميلة














اللوحات الارشادية طول الطريق للمدن والقرى اللي بنمر فيها







غريبه جدا جبال الشراه بتحس كأنها جبال والها خيال وهي جبال ووراها كمان جبال سبحان الله




















وهاي قربنا نوصل بعد ما مرينا من مفرق وادي رم

















وصلنا عند المركز الجمركي لأنه العقبة منطقة اقتصادية حرة فبالتالي يتم تفتيش الشنط




وصلنا بحمد الله ورعايته الساعة 12 ظهرا










لون التاكسيات أخضر بالعقبة مو أصفر مثل باقي المحافظات الأردنية






نزلنا أول مجموعة عند فندق دبل تري Double Tree by Hilton فقلت أصورلكم شوي فى الفندق


















وهون ايهاب بيتأكد انه الغرف جاهزة لاستقبال الضيوف






مقابل الفندق حدائق الحمامات التونسية











وهون نزلنا المجموعة الثانية على فندق موفنبيك المدينة












كملنا طريقنا الى تالا بيه مرورا بوسط المدينة وشاطىء الغندور










وصلنا على تالا بيه ونزلنا مجموعة على فندق راديسون بلو الرائع جدا (نزلت فيه السنة الماضية) وأنصحكم فيه لأنه فندق خمس نجوم راقي جدا سواء فى مستوى الخدمة أو مستوى النظافة.
























@@ السعيد @@ غير متصل   رد مع اقتباس
قديم 11-14-2017, 07:24 PM   #5 (permalink)
@@ السعيد @@
رومانسي شاعري
 
الصورة الرمزية @@ السعيد @@
وأخيرا وصلنا على فندق موفنبيك تالا بيه















وصلنا الساعة وحدة الظهر وللأسف دخول الغرف الساعة 3 فقعدنا فى اللوبي نستنى تجهيز غرفنا






الساعة 2:30 سلمونا الغرف ووصلنا أختي على غرفتها والحمد لله طلعت كتير حلوة ومطلة على برك السباحة مع أنه الحجز كان مطلة على الجبل









طلعنا على غرفتنا ويا للهول شو هذا الغرفة مش جاهزة ومع انه الغرفة لغير المدخنين لقيتها مليانة سجاير وريحتها سيئة مع أنها غرفة حلوة كتير كتير. وعينكم ما تشوف الا النور أعصابي صارت على جمر مو بس على نار

سكرت الغرفة ونزلت ماما عند اختي ورحت أشق عباب الريح الى مكتب الاستقبال . لقيته مليان ناس استأذنت منهم وكان واضح انه فيه دخان طالع من نفوخي وبصوت منخفض وبهدوء مصطنع قلت للموظف الغرفة مش جاهزة واحنا تعبانين جدا وخصوصا ماما. طلب مني الموظف الجلوس والانتظار لدقائق وبعد عدة دقائق رجع وبيعتذر عن الخطأ اللي حصل من قبل خدمة الغرف وعشان ما أزعل أعطونا جناح كبير بدلا عن الغرفة.

رجعت أخدت ماما ومشينا باتجاه السويت وامشي يا أم معن وامشي يا أم محمد لالالا لسه ما وصلنا امشي امشي امشي والا السويت بآآآآآآخر الفندق وبعيد جدا عن المصعد فعلشان ننزل أو نطلع اما نستخدم الدرج أو نمشي لغاية المصعد والحلين أسوأ من بعض بالنسبة لماما . أخيرا وصلنا السويت الكبير فيه سفرة وصالون وغرفة نوم وحمام ضيوف وحمام ماستر وبلكونتين





















وهذا المطل






لا أخفيكم سرا غير انه مكان السويت غير مناسب لوالدتي بس أنا كمان غم على قلبي لما دخلت ألوانه كئيبة والمطل صحيح على البحر بس ما حبيته أبدا.

رجعت على الريسبشن واعتذرت منه اني ما بقدر آخد السويت للأسباب اللي حكيتها وطلبت يرجعولي غرفتي الأولى بعد تنظيفها، وهذا ما حصل فعلا





الميني بار بدون مقابل فى فنادق تالا بيه و مساكين علشان يراضوني الميني بار عبوه عن بكرة أبيه وزادوا كميات المياه والشاي والقهوة والمناشف وتكرموا النعالات وكل شوي يتصلوا يتأكدوا انه أمورنا تمام وانه مرتاحين. طبعا عشان نستقر بالغرفة صارت الساعة 4 العصر.


























وهاي مطل غرفتنا شفتوا الفرق









ريحنا شوي وصلينا وقررنا ننزل نتمشي شوي عند البرك وبعدها نطلع بالباص Shuttle Bus على وسط البلد لأنه فى باص من موفنبيك تالا بيه الى موفنبيك المدينة والعكس كل ساعتين تقريبا.











فى عدة برك سباحة منها للكبار فقط ومنها للأطفال والعائلات وفيها زحليقه مائية حلوة وأحلى شى عندهم بركة جاكوزي مفتوحة حلوة كتير وسامحوني ما قدرت أصور أكتر لانه الوضع كان صعب صعب صعب





طلعنا بالباص ونزلنا فى وسط المدينة عند ساحة البلدية وقالنا السواق انه آخر باص الساعة 11 عند موفنبيك المدينة. تمشينا شوي ورحنا تعشينا في











كم طلع الحساب والله اني نسيت لالالا ام معن شكله فعلا الكبر عبر معلش سامحوني ختيرنا بس ما كان كتير يمكن 39 دينار


تمشينا شوي








لقينا محل ببيع قزايز الرمل الملون اللي بحبه كتير












روحنا مع باص الساعة 10 واحنا هلكانيين وتعبانين بس مبسوطين جدا من فضل الله علينا

اللهم اني أعوذ بك من زوال نعمتك وتحول عافيتك وفجاءة نقمتك وجميع سخطك


بس وصلنا صلينا وقعدنا على البلكونه شربنا شاي و كان المنظر رائع





الجمعه 6/9/2013


قمنا من الصبح على ضوء الشمس الرائع فى ثغر الأردن الباسم ونزلنا فطرنا فى مطعم
























هناك تنويع بالافطار جيد لابأس به ولكن لايرقى لمستوى فنادق الخمس نجوم

خلصنا افطارنا ونزلنا عند برك السباحة قعدنا فى الكوفي شوب جلسات حلوة ولطيفة والناس مبسوطين بس لفت نظري انه برك السباحة متوسخة بورق الشجر ومافى حد عم بينظفها.

رجعنا على غرفنا وكنت طالبة نأخر إجراءات الخروج للساعة 4 العصر وهيك صار وبدون مقابل كنوع من الترضية لنا (التكلفة 70 دولار) مش عارفين مساكين شو يعملوا عشان نرضى . الساعة 3 بعد الظهر كنا جاهزين لاجراءات الخروج، شكرناهم وودعناهم وطلعنا بالباص على موفنبيك المدينة علشان نحط شنطنا بالأمانات. طبعا مفروض باص العودة الى عمان يرجع ياخدنا من تالا بيه بس انا قلتله خلص احنا رح نكون فى المدينة وفعلا اتفقنا انه نتقابل عند مطعم علي بابا الساعة 6 مساء.








تركنا الشنط فى موفنبيك المدينة ونزلنا على شاطىء الغندور عشان نركب المركب الزجاجي Glass Boat، طلعنا بالمركب وطلب فى البداية 15 دينار لمدة ثلث ساعة وبعد التفاوض رضي ب 10 دنانير سقى الله على أيام زمان كانت الساعة بخمس دنانير

وهاي الابتسامة العقباوية الرائعة









مشي فينا علشان يفرجينا المرجان الجميل وللعلم ممنوع صيد المرجان حفاظا على البيئة، وفرجانا كمان الباخرة الغرقانة. والزلمة كتر خيره دللنا شوي واعطانا 10 دقايق زيادة عشان طلعت اصوله من نفس بلدنا.















وأكيد لاحظتوا فلسطين المحتلة على الشاطىء المقابل للعقبة




خلصنا جولتنا البحرية وأهم شىء أنه ماما كانت كتير مبسوطة

مشينا للشارع ورحنا نتغدى عند

















السمك شكله مغري جدا شو رايكم ناكل سمك




وأكيد كان القرار سمك سمك سمك









وما بنقدر نستغني عن المخلل



حمادة صاحب الابتسامة المصرية الرائعة الله يديمها عليه



الأكل كان ملوكي درجة أولى و لذيذ وطيب جدا جدا ماشاء الله

اجينا بدنا نغسل طلع الحمام (وانتوا بكرامة) فى الطابق العلوي وانتوا عارفين ماما ما بتقدر تطلع الدرج فقام حماده الله يرضى عليه باحضار ماء بالليمون والنعنع. ذكرني بمطعم ق فى اسكندرية والقاهرة



وأخيرا حبسنا بالشاي



عجبتني كتير هاي الخريطة بحطوها تحت الصحون



طلع حسابنا 80 دينار والله يستاهل أكتر

يدوب خلصنا والا باص الشركة السياحية بانتظارنا، طلعنا معه ونزلنا عند الشويخ مول للتسوق لمدة ساعة



وبقدرة قادر ماما اللي مو قادرة تمشي صارت قادرة ونص سبحان الله السوق بالنسبة للست إدمان لذيذ بغض النظر عن عمرها.
تحرك الباص بحدود الساعة 8 مساء ولما وصلنا منطقة الجمارك فتشوا الشنط علشان اللي معه شى خاضع للجمرك. خلصنا وتوكلنا على الله.

فى الباص تعرفت على صبايا رائعات وكانوا السبب الرئيسي اني أزور عجلون للمرة الثانية فى حياتي.

وصلنا عمان فى حدود الساعة الواحدة بعد منتصف الليل وكنا برضه حاجزين سيارتين تاكسي يجوا ياخدونا من الصويفية.

تصبحوا على خيررررررر
@@ السعيد @@ غير متصل   رد مع اقتباس
قديم 11-14-2017, 07:26 PM   #6 (permalink)
@@ السعيد @@
رومانسي شاعري
 
الصورة الرمزية @@ السعيد @@
وأخيرا وصلنا على فندق موفنبيك تالا بيه















وصلنا الساعة وحدة الظهر وللأسف دخول الغرف الساعة 3 فقعدنا فى اللوبي نستنى تجهيز غرفنا






الساعة 2:30 سلمونا الغرف ووصلنا أختي على غرفتها والحمد لله طلعت كتير حلوة ومطلة على برك السباحة مع أنه الحجز كان مطلة على الجبل









طلعنا على غرفتنا ويا للهول شو هذا الغرفة مش جاهزة ومع انه الغرفة لغير المدخنين لقيتها مليانة سجاير وريحتها سيئة مع أنها غرفة حلوة كتير كتير. وعينكم ما تشوف الا النور أعصابي صارت على جمر مو بس على نار

سكرت الغرفة ونزلت ماما عند اختي ورحت أشق عباب الريح الى مكتب الاستقبال . لقيته مليان ناس استأذنت منهم وكان واضح انه فيه دخان طالع من نفوخي وبصوت منخفض وبهدوء مصطنع قلت للموظف الغرفة مش جاهزة واحنا تعبانين جدا وخصوصا ماما. طلب مني الموظف الجلوس والانتظار لدقائق وبعد عدة دقائق رجع وبيعتذر عن الخطأ اللي حصل من قبل خدمة الغرف وعشان ما أزعل أعطونا جناح كبير بدلا عن الغرفة.

رجعت أخدت ماما ومشينا باتجاه السويت وامشي يا أم معن وامشي يا أم محمد لالالا لسه ما وصلنا امشي امشي امشي والا السويت بآآآآآآخر الفندق وبعيد جدا عن المصعد فعلشان ننزل أو نطلع اما نستخدم الدرج أو نمشي لغاية المصعد والحلين أسوأ من بعض بالنسبة لماما . أخيرا وصلنا السويت الكبير فيه سفرة وصالون وغرفة نوم وحمام ضيوف وحمام ماستر وبلكونتين





















وهذا المطل






لا أخفيكم سرا غير انه مكان السويت غير مناسب لوالدتي بس أنا كمان غم على قلبي لما دخلت ألوانه كئيبة والمطل صحيح على البحر بس ما حبيته أبدا.

رجعت على الريسبشن واعتذرت منه اني ما بقدر آخد السويت للأسباب اللي حكيتها وطلبت يرجعولي غرفتي الأولى بعد تنظيفها، وهذا ما حصل فعلا





الميني بار بدون مقابل فى فنادق تالا بيه و مساكين علشان يراضوني الميني بار عبوه عن بكرة أبيه وزادوا كميات المياه والشاي والقهوة والمناشف وتكرموا النعالات وكل شوي يتصلوا يتأكدوا انه أمورنا تمام وانه مرتاحين. طبعا عشان نستقر بالغرفة صارت الساعة 4 العصر.


























وهاي مطل غرفتنا شفتوا الفرق









ريحنا شوي وصلينا وقررنا ننزل نتمشي شوي عند البرك وبعدها نطلع بالباص Shuttle Bus على وسط البلد لأنه فى باص من موفنبيك تالا بيه الى موفنبيك المدينة والعكس كل ساعتين تقريبا.











فى عدة برك سباحة منها للكبار فقط ومنها للأطفال والعائلات وفيها زحليقه مائية حلوة وأحلى شى عندهم بركة جاكوزي مفتوحة حلوة كتير وسامحوني ما قدرت أصور أكتر لانه الوضع كان صعب صعب صعب





طلعنا بالباص ونزلنا فى وسط المدينة عند ساحة البلدية وقالنا السواق انه آخر باص الساعة 11 عند موفنبيك المدينة. تمشينا شوي ورحنا تعشينا في











كم طلع الحساب والله اني نسيت لالالا ام معن شكله فعلا الكبر عبر معلش سامحوني ختيرنا بس ما كان كتير يمكن 39 دينار


تمشينا شوي








لقينا محل ببيع قزايز الرمل الملون اللي بحبه كتير












روحنا مع باص الساعة 10 واحنا هلكانيين وتعبانين بس مبسوطين جدا من فضل الله علينا

اللهم اني أعوذ بك من زوال نعمتك وتحول عافيتك وفجاءة نقمتك وجميع سخطك


بس وصلنا صلينا وقعدنا على البلكونه شربنا شاي و كان المنظر رائع





الجمعه 6/9/2013


قمنا من الصبح على ضوء الشمس الرائع فى ثغر الأردن الباسم ونزلنا فطرنا فى مطعم
























هناك تنويع بالافطار جيد لابأس به ولكن لايرقى لمستوى فنادق الخمس نجوم

خلصنا افطارنا ونزلنا عند برك السباحة قعدنا فى الكوفي شوب جلسات حلوة ولطيفة والناس مبسوطين بس لفت نظري انه برك السباحة متوسخة بورق الشجر ومافى حد عم بينظفها.

رجعنا على غرفنا وكنت طالبة نأخر إجراءات الخروج للساعة 4 العصر وهيك صار وبدون مقابل كنوع من الترضية لنا (التكلفة 70 دولار) مش عارفين مساكين شو يعملوا عشان نرضى . الساعة 3 بعد الظهر كنا جاهزين لاجراءات الخروج، شكرناهم وودعناهم وطلعنا بالباص على موفنبيك المدينة علشان نحط شنطنا بالأمانات. طبعا مفروض باص العودة الى عمان يرجع ياخدنا من تالا بيه بس انا قلتله خلص احنا رح نكون فى المدينة وفعلا اتفقنا انه نتقابل عند مطعم علي بابا الساعة 6 مساء.








تركنا الشنط فى موفنبيك المدينة ونزلنا على شاطىء الغندور عشان نركب المركب الزجاجي Glass Boat، طلعنا بالمركب وطلب فى البداية 15 دينار لمدة ثلث ساعة وبعد التفاوض رضي ب 10 دنانير سقى الله على أيام زمان كانت الساعة بخمس دنانير

وهاي الابتسامة العقباوية الرائعة









مشي فينا علشان يفرجينا المرجان الجميل وللعلم ممنوع صيد المرجان حفاظا على البيئة، وفرجانا كمان الباخرة الغرقانة. والزلمة كتر خيره دللنا شوي واعطانا 10 دقايق زيادة عشان طلعت اصوله من نفس بلدنا.















وأكيد لاحظتوا فلسطين المحتلة على الشاطىء المقابل للعقبة




خلصنا جولتنا البحرية وأهم شىء أنه ماما كانت كتير مبسوطة

مشينا للشارع ورحنا نتغدى عند

















السمك شكله مغري جدا شو رايكم ناكل سمك




وأكيد كان القرار سمك سمك سمك









وما بنقدر نستغني عن المخلل



حمادة صاحب الابتسامة المصرية الرائعة الله يديمها عليه



الأكل كان ملوكي درجة أولى و لذيذ وطيب جدا جدا ماشاء الله

اجينا بدنا نغسل طلع الحمام (وانتوا بكرامة) فى الطابق العلوي وانتوا عارفين ماما ما بتقدر تطلع الدرج فقام حماده الله يرضى عليه باحضار ماء بالليمون والنعنع. ذكرني بمطعم ق فى اسكندرية والقاهرة



وأخيرا حبسنا بالشاي



عجبتني كتير هاي الخريطة بحطوها تحت الصحون



طلع حسابنا 80 دينار والله يستاهل أكتر

يدوب خلصنا والا باص الشركة السياحية بانتظارنا، طلعنا معه ونزلنا عند الشويخ مول للتسوق لمدة ساعة



وبقدرة قادر ماما اللي مو قادرة تمشي صارت قادرة ونص سبحان الله السوق بالنسبة للست إدمان لذيذ بغض النظر عن عمرها.
تحرك الباص بحدود الساعة 8 مساء ولما وصلنا منطقة الجمارك فتشوا الشنط علشان اللي معه شى خاضع للجمرك. خلصنا وتوكلنا على الله.

فى الباص تعرفت على صبايا رائعات وكانوا السبب الرئيسي اني أزور عجلون للمرة الثانية فى حياتي.

وصلنا عمان فى حدود الساعة الواحدة بعد منتصف الليل وكنا برضه حاجزين سيارتين تاكسي يجوا ياخدونا من الصويفية.

تصبحوا على خيررررررر
@@ السعيد @@ غير متصل   رد مع اقتباس
قديم 11-14-2017, 07:45 PM   #7 (permalink)
@@ السعيد @@
رومانسي شاعري
 
الصورة الرمزية @@ السعيد @@
السبت 7/9/2013

اليوم من أحلى الأيام لأنه اختي ام خالد جايه من الكويت ومع انها بتوصل الصبح ومروحه قبل المغرب بس كنا فرحانين كتير فيها وخصوصا انه صارلي أكتر من سنتين ما شفتها فكتير كنت فرحانه فيها . صحيت بكير كتير مع اني ميته من التعب وما نمت كويس بعد رحلة العقبة و نزلت على مطعم أبو جباره فى شارع مكه




]




وطلبت ساندويشات فلافل لأنه هذا الفرع ما ببيع الا سندويشات والحقيقة لفت نظري جدا مستوى النظافة العالية جدا جدا عداك عن السندويشات اللذيذة طبعا




]






فى عندهم فرع ثاني كبير ماشاء الله فى شارع المدينة المنورة وببيع حمص وفول وفلافل وسندويشات بس عشان ما تتفاجأوا أسعارهم غااااااليه بس الأكل لذيذ جدا فقلت أصورلكم ياه في المساء











وصلت حبيبة قلبي اختي وطبعا اجت اختي ام يوسف وفطرنا مع بعض وانبسطنا كتير كتير . نزلت ام خالد على امتحانها لانها بتدرس دبلوم عالي وانا وماما واختي قعدنا نحضر الغداء فماما عملت المقلوبة الرائعة جدا جدا ولعلمكم ماما عملت المقلوبة بناء على طلب اختي لانها بدها تاخد معها على الكويت لاولادها (سبحان الله دائما الاطفال بلاقوا أكل الجدة أطيب وألذ أكل)




وانا عملت شيز كيك الفراولة عشان عيون بابا حبيبي






و شيز كيفك الفستق اللي أول مرة بدوقوه من تحت ايدي






ولما رجعت ام خالد من الامتحان تغدينا وسولفنا وسولفنا وسولفنا سواليف سنتين مع انه دايما بنحكي مع بعض على سكايب وفايبر بس سبحان الله الرؤية الشخصية غير.

بعد السواليف رحنا على حلويات زلاطيمو اللي بشارع عبدالله غوشه فى الدوار السابع عشان بدها تاخد معها هدايا

















ودعنا ام خالد الغالية على قلبي جدا لاني بحس انها بنتي أكتر من اختي و ضلينا بالبيت ريحنا ونمنا بكير كتير من بعد تعب رحلة العقبة

يعني اليوم كان كله أهل وأكل
@@ السعيد @@ غير متصل   رد مع اقتباس
قديم 11-14-2017, 07:47 PM   #8 (permalink)
@@ السعيد @@
رومانسي شاعري
 
الصورة الرمزية @@ السعيد @@
الأحد 8/9/2013


اليوم عملت برنامج مختلف فيه شوية تسوق من نوع مختلف، صحيت من الصبح وفطرنا أنا وماما وبابا وطلعنا على المنطقة الصناعية فى صويلح وبابا يقلي يابا وين ما خدتيني وماما تحكي يما وين رايحين .

أتخيل أنه أغلبكم لاحظ اني من عشاق الفن بكافة أنواعه وبحب الحرف اليدوية والتراثية واللي بيدخل بيتنا بلاحظ هالشىء فعلا.

شوفوا وين أخدتهم




المحل عنده عدة أبواب فدخلنا من باب المعمل







نفسي أشتغل معه :182fd25f9b06446ba41 و مع اني متذوقة للفن ولكن للأسف لا أجيد أيا منه




وهذا الأخ رائد صاحب المحل




وهون النشميات الرائعات وهمه بيشتغلوا بايديهن ولما سألتهم طلع فى صبايا دارسين بمعهد السلط للحرف اليدوية وصبايا غيرهم مجرد هواية تحولت لمهنة رائعة ونادرة













ابداع لا محدود ما شاء الله














وهون بعض المنتجات النهائية واللي اشتريت منها طبعا جزء لابأس به يعني الله يستر أديش رح يطلع معي وزن زيادة










عملت لاولادي وأخواتي وأزواجهم كل واحد كوب باسمه والحمد لله انبسطوا عليهم كتير كتير (مش تفكروا هدول أكوابي)




وهذا من نصيب أمي الرائعة




والحمد لله بابا وماما كتير انبسطوا فى هذا المكان وخصوصا انهم أول مرة يشوفوا وطريقة تصنيع هالابداعات

واحنا مروحين شفت شيز كيك آنتي هنادي فى شارع المدينة الطبية وكنت كتير سمعت عن المحل انه عندهم شيز كيك يشبه تماما شيز كيك فاكتوري و صاحبة المشروع سيدة رائعة اسمها هنادي. فقلت لازم اجيب من عندهم ونزلت وماشاء الله لقيت عندهم 20 نوع شيز كيك







واشتريت كم قطعة وأسعارها معقولة مقارنة عنا فى الامارات لانه القطعة بين 15 و 20 درهم وعنا 35 درهم






كان أطيب وألذ وأخف من شيز كيك فاكتوري بمئات المرات

صار وقت الغداء فقلنا بدنا شى خفيف ورحنا على شاورما ريم فى شارع عبدالله غوشه وأخدنا شاورما لحمة :4f7c50bc2e7eee3c450والهم فرع ثاني فى جبل عمان الدوار الثاني.

رجعنا على البيت وريحنا وفى المساء كان الي لقاء مع صديقة من أغلى الصديقات اللي تعرفت عليها خلال فترة عملي فى الاردن وللحظ الجميل طلعت كمان جارتي وصرنا من أصدق الصديقات بفضل الله . تعودنا فى كل زيارة الي للاردن لازم نروح نفطر أو نتعشى مع بعض فى الشميساني عند




عندهم فرع تاني فى عبدون بس أنا بحب فرع الشميساني







هذا مش نفس زلاطيمو الي فى شارع عبدالله غوشه بس أعتقد انهم أولاد عم










طبعا أنا من عشاق هذا المكان الراقي بكل شىء وأهم شىء بالنسبة لي انه ما عندهم أراجيل (شيشة) ، فى قعدات داخلية شتوية وفى قعدات خارجية رائعة جدا جدا ومريحة وراقية










تعشينا عشاء خفيف ولذيذ جدا وحلينا بآيس كريم مش معقول







يارب تكتبلي فى كل سنة أروح على لا ميرابيل زلاطيمو وأقعد مع صديقتي الرائعة





@@ السعيد @@ غير متصل   رد مع اقتباس
قديم 11-14-2017, 07:50 PM   #9 (permalink)
@@ السعيد @@
رومانسي شاعري
 
الصورة الرمزية @@ السعيد @@
الاثنين 9/9/2013


من الصبح قمنا فطرنا وشربنا فنجان القهوة الصباحي على البلكون وقضيناها سوالف وشوي بكاء وشوي ضحك وشوي شكوى وبتعرفوا القصص العائلية . طبعا عم بحاول أعوض ماما وبابا لأني أغلب الوقت اليوم رح أقضيه من غيرهم من غير شر عنهم

كنت معزومة على الغداء عند صاحبتي دكتورة عيون رائعة جدا وزوجها اللي أخدت عنده دورات تدريبية فى فن الحياة واللي غيرت حياتي للأفضل والأجمل من فضل الله. وصلت عندهم ولقيت أحلى صبايا بانتظاري مريم وهاجر الله يحفظهم ويرضى عليهم وكمان صديقات رائعات لنا. ناس راقين ومثقفين كلهم ثقة بالله وقلوبهم مليانة حب وسلام ورضا كيف ممكن تكون القعدة معهم ولولا اني عندي ارتباطات أخرى فعلا ما بدي أروح
بس لحظه لحظه أنا ما قلتلكم شو اتغدينا

أحلى مسخن فلسطيني مع أحلى صحبة






اللهم لاتحرمني من الصحبة الصالحة أبدا ما أحييتني اللهم آمين

ودعتهم وأنا عندي أمل فى لقاء جديد يوما ما

تفتكروا رجعت على البيت على طول لأ طبعا طلعت على شارع المدينة المنورة باتجاه الجامعة الاردنية ورحت على




لوحات رائعة مصنعة من الأحجار من ديكورات المحل







قائمة أسعارهم




طلبت 4 قطع بالجبنة وطلبتها قطر خفيف ومقحمشه يعني Crispy لأنك بتقدر تختار نوع الحشوة جبنة أو فستق أو جوز وكمان كمية القطر وحجم التحمير






اشتريت عجينة كلاج من عندهم لانها مميزة جدا فقلت آخد وأعملها فى الامارات




رجعت على البيت وقعدت مع أهلي جلسة حلوة تحلينا فيها من كلاج عمر :b6c408e3fab0595d87e

بعد المغرب اجت بنت حماي (أخت أبو معن) وأخدتني على




وموقعه فى جبل عمان الدوار الأول فى شارع الرينبو




على فكره شارع الرينبو بيعملوا فيه كل نهاية اسبوع سوق جارا واللي فيه بيعرض المبدعين منتجاتهم يدوية الصنع

الكوفي شوب جميل وأنيق وألوانه مريحة للعين













لفت نظري لما فتحت قائمة الطعام انهم حاطين




والحقيقة أكلهم لذيذ جدا جدا







بحبك يا عمان يا عمان بحبك بنهارك بليلك بأهلك بحبك


حكيـــم likes this.
@@ السعيد @@ غير متصل   رد مع اقتباس
قديم 11-14-2017, 07:54 PM   #10 (permalink)
@@ السعيد @@
رومانسي شاعري
 
الصورة الرمزية @@ السعيد @@
الثلاثاء 10/9/2013



أصبحنا وأصبح الملك لله والحمد لله ولا اله الا الله والله أكبر



أنا: بابا شو رايك نطلع نفطر برا
بابا: لا يابا فش داعي خلص بنفطر بالبيت
أنا: لأ بدنا نطلع، أقلك بنطلع نتغدى
بابا: لليش هالمصاريف يابا خلص بناكل بالبيت (لليش هو مصطلح فلسطيني بمعني لماذا)
أنا: بابا تروح على مطعم بوابة جرش
بابا: ايه ... بوابة جرش ... طيب خلص اوكي


هيك صار بالزبط يا جماعة وبمجرد اني أخدت الموافقة على طول اتصلت باختي ام يوسف وقلتلها البسي وتعالي يلا بدنا نطش (نطش يعني نتفسح)


طلعنا من الدوار السابع باتجاه جرش






ومعلش ما في صور كتير للطريق لاني كنت أنا اللي بسوق فكنت كل ما بدي أصور شى أوقف على جنب وأصور











المطعم بعد جامعة فيلادلفيا وقبل جرش وهو وجهة سياحية بحد ذاته





أو ما تدخل بتلاقي مبنى المطعم الداخلي وكمان قاعة للأفراح والليالي الملاح






بس طبعا القعدات الخارجية أحلى وألطف


















وهيك كان مطل قعدتنا الرائع














تغدينا مقبلات ومشاوي كعادة هذا النوع من المطاعم مع انه بابا كان نفسه بكباب عراقي بس ما عندهم. قعدنا يمكن 3 ساعات وماحسينا بالوقت الحلو وصار لازم نروح










وصلنا اختي ورجعنا على البيت والا التلفون يرن أختي من الكويت

ام خالد: بدي أفهم ليش بابا وماما طالعين ونازلين معك مع انه كنا نترجاهم بالصيف يطلعوا معنا ما يقبلوا؟
أنا: مش عارفه والله بس أنا على طول ما بقولوا لأ معي
ام خالد: همه يعني بحبوك أكتر منا ولا خايفين منك تزعلي؟
أنا: أظني بحبوني أكتر منكم

عنجد اني مشاغبة صح



على المغرب اجت بنت اختي وعزمتني على حلويات حبيبة






موقعه فى شارع المدينة المنورة بالقرب من مطعم أبوجبارة

وهذا هو التدمير النفسي والعاطفي بعينه










أنواع مدمرة من الكنافة اللذيذة


















وهون كانت جلستنا






والبوظة كان طلب بنت اختي







مش تفكروا أنا كمان طلبت بوظه لالالالالا أنا قمت بالغوص فى صحن الكنافة الخشنة







روحنا وبنت اختي نامت عنا عشان بكره فى مشروع لطلعة غير شكل

@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
((صحيفة أردنية: قرعة آسيا أوقعت "النشامى" فى المجموعة الأسهل )) * حـــــازم * كورة عربية 2 03-28-2014 01:47 PM
أخطر أرجوحة على حافة جبال الاكوادور، أرجوحة نهاية العالم دمي وعشقي جزائري عجائب وغرائب 8 07-17-2013 03:45 AM
فخر اللبيب // م // بيااااان قصائد متحركة و منقوله 2 03-31-2013 10:21 PM
الى اهل الاردن النشامى الى متى؟؟؟؟؟؟؟؟؟؟؟؟؟؟؟ لولو ة محار فضائح ستار اكاديمي 11 Star Academy 40 05-16-2010 06:29 PM

الساعة الآن 10:38 AM


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103