تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

صيف لبنان 2010

إضافة رد
 
أدوات الموضوع انواع عرض الموضوع
قديم 11-11-2017, 11:46 AM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
صيف لبنان 2010






المقدمة




بسم الله الرحمن الرحيم


عدنا والعود أحمد ^_^


استحملونــــــــــا شووووي احب أكتب بالتفصيل <<<< لا اسمع حد يتأفف صيف لبنان 20105:


والصور في الحلقات موجوده ولاتوجد صور في المقدمة





............


حبيت أشكر كل اللي ساعدوني علشان تطلع السفرة الى لبنان بصوره حلوه


وكل الشكر لمشرفنا تركي على المساعده الى آخر لحظه ...


فاعتبروا هالتقرير كرد جميل لهذا المنتدى الرائع اللي استفدت منه وايد وايد وايد





......


تاريخ السفر :1-8-2010 الساعه السادسة والنصف مساء بتوقيت الامارات


الى 5-8-2010 الساعه العاشرة مساء بتوقيت لبنان.


عدد المسافرين :5 أشخاص كبار (أخوه) .......(2 رجال +3 حريم )


والسفره بدون أطفال وبدون شيابنا أبويه وامايه ^_^


.........





الميزانية :لم تكن في الحسبان مسبقا لأن السفره وليدة اللحظه بس الحمد الله الخير موجود والتفصيل قادم في الفقرات القادمة


التخطيط للسفر: تم الاتفاق على السفر قبل الرحله بأسبوع وتم التاكيد على السفر قبل الرحلة بـــ3 أيام : ( فقط


الأسباب : تأكيد الاجازة من العمل بالنسبة لأخوي وأختي الممولين الرسمين للرحله ^_^


أما البقية نحن فكنا في أتم الاستعداد فاجازة الجامعات والكليات الى ما بعد العيد......


.........





اختيار الدولة :الحيرة كانت ما بين لبنان وتركيا وماليزيا


ماليزيا :المسافة طويله والمدة قصيرة ويحتاج بزنس كلاس ومادام السفر وليدة الصيف فأسعار البزنس نار..


تركيا :الوصول الى طرابزون وازنجول يحتاج طيران ثاني يعني حوسه والمده قصيرة فالجماعه ما تشجعوا ابــدا انهم يوصولون عقب مره طيران حتى لو كان لساعه وحده


لبنان: طبعا تفضيلها على باقي الدول العربية للسياحه فكانت اقتراح الجميع مع الاتفاق


.................



الطيران الناقل :هنيه اتيي الحوسه اللي استوت لنا خخخ



في بداية الاقتراح شفت من موقع طيران الاتحاد السعر 1350 درهم شي حلوووو بصراحه


وشفت طيران العربية 900 وشووووي قلنا الاسعار تبشر بخير خخخخ


شفت طيران الامارات الوقت اللي انريده ماشي حجز لنا الخمسه قلنا خلاص خيره


شفت طيران فلاي دبي الف تقريبا وشووي قلنا بعد زين


هالشوووفه فقط لمعرفة الأسعار


ماحجزت لأن ما تأكدت السفره بعد بسبب اجازة العمل لاخواني كما ذكرت مسبقا




الموهيم بعد الاطلاع على الاسعار حطينا ميزاينة للتذاكر :7000 درهم



ويوم تاكدت الاجازه قلنا بنحجز خخخخخخ هنيه الطامه العوده


العربية استوت ب 1900 درهم يعني زادت الف درهم........ ول في خلال ثلاث ايام


قلنا دام العربية اسعارها نار وشرات الاتحاد نحجز ع الاتحاد رحنا نبى نحجز صارت 2700 وشووووي درهم : (
ل وووووووو ل



ثلاث ايااااااااااام تسوي شغل بصراحه ما توقعت ابدا ابدا في فتره قصيرة الاسعار تولع


قلنا شو الراي الحييييييين


قال اخووووي :نتوكل على أي طيران دامنا معزمين تكنسيل الرحله والاحباط مرفوض


فديت خشمه بوسعيد حمااااااااااسي خخخخ


ورحنا مكتب نتعامل وياه يدور لنا



وحصل على فلاي دبي 1400 درهم قلنا حلووووو بسرعه احجز لا يطيرن الكراااااااااسي وخذ عموووولة المكتب 500 درهم





وبما أن كل شي بسرعه نشووووف السعر مناسب


يعني :7000 درهم طلع شرات الميزاينه المقترحه اول مره ^_^








صيف لبنان 2010


.........





الزبدة:حجز التذاكر قبلها بفتره أفضل بكثييييييير ومن كثر حماسي سألت اللي في المكتب قلت له اذا ابى احجز الى المانيا ع الاتحاد درجة البزنس عائلة للصيف الياي متى الوقت المناسب قال تعالوووو شهر خمسه وبعطيكم اسعار حلوووه


واخوي يطالعني من الحين تفكرين بتذاكرالصيف الياي خخخخخخخخ قلت بعد هالحوسه أكيييييد





......


توزيع الميزانية: قريت وقريت وقريت ومعظم التقارير والمواضيع احبطتني من حيث الاسعار انه لبنان غاليه على شيء مايسوووى


معقوووووووووله!!!!!!!!!!!!!!




الموهيم




قلنا نتوكل وبدينا التوزيع وطبعا ذا كله من تخطيطي : (


السكن في فندق البرنسيسه 4* لمدة أربع ليالي مع الافطار=4* $440 =1760 $



خذنا النت لمدة يومين كاملين = 20 $



المصروف اليومي 400$=4*400 =1600 $



تأجير سيارة فان 2004 لخمسة أشخاص بدون المحروقات ^_^"البنزبن" لمدة أربع أيام


=130 *4 =520$



البنزين لمدة أربع أيام = 150$



التوصيل لأول مره من المطار الى فندق البرنسيسه أثناء القدوم= 50$


المشتريات = 1500 $



المجموع = 5600 $ = 21212 درهم


التذاكر=7000 درهم



المجموع الكلي في حدود = 28000 درهم





..........


الجدول السياحي المتبع في الرحله


صيف لبنان 2010







سوف يقسم التقرير على حسب الأيام



اليوم الأول



اليوم الثاني



اليوم الثالث



اليوم الرابع



@@ السعيد @@ غير متصل   رد مع اقتباس
قديم 11-11-2017, 11:52 AM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@
الحلقة الأولى



وصولنا الى مطار رفيق الحريري "بيروت" الساعه 9:15 مساء يوم الأحد


وطبعا قبلها داقين تيلفون للفندق نبي سياره لــ 5 أشخاص وطلع علينا بـــ 50 $




وصلنا الفندق في الليل وبصراحه طول الدرب انا زايغه من السواقه حشى تحس السياره اللي عدالك بتعدمك ومع التعود في الايام اليايه طبيت الخووووف : (


الموهيم وصلنا وعطيناهم ورقة الحجز اللي طرشوها لنا


كان حجزنا مباشرة من موقعهم وبدون ما ندفع ولا درهم مقدما






عكس موقع كنت بتعامل ويااه وسعره ارخص يمكن بـ 180 درهم عن الاجمالي


قالوا بيجمدون الحساب في الفيزا لاربع ليالي ومن هالسوالف قبل وصولنا


قلت انا مب مجربتهم مافيني اجازف ففضلت التعامل ويا الفندق مباشرة




وطبعا في هالليله ما سوينا شيء الا طلبنا عشاء من كنتاكي


ما طول علينا عشر دقايق وهووو واصل


وعقب العشاء دخلنا انا واختي الماستر روم


واختي الثانيه واخووووي الغرفة بوسريرين


والاكسترا موجود مابين الصاله والغرفتين لابوسعيد


الموهيم دخلنا نحن الاربع الغرف نرقد






بقى واحد الا وهو بوسعيد حارسنا الأمين خخخخخ "لوجود سريره بين الغرف"


وينه!4:


طبعا نزل مطعم أكرم اللي جدامنا




وطلب شيشه "الله يفكه من شرها يارب "


وعصير وكان حسابه 10 $ >>>>أكيد سألته خخخ والا كيف بعرف





لأنه رد الساعه 12 وشووي وانا بعدني مب راقده تعرفون يبالي وقت لين اتعود ع المكان









.........


الجزء الأول



بالنسبة للفندق "البرنسيسة"








الموقع : جونيه


خوفني منها هالمنطقة كثير بسبب وجود المراقص بس طول فترة وجودنا مع حسيتبها ولا كانت قريبه من الفندق ومكان الفندق هادي الا ليلة الأحد كان مجابل الفندق مطعم أكرم والأغاني شغاله

بس باجي الأيام ما سمعنا شيء








الايجابيات



نظيف وخدماتهم سريعه وممتازه والتنظيف كل يوم والتعامل راقي وعدم وجود مرقص وهــــادي بشكل عام ويصلح للعوائل




السلبيات



وجود بـــار تحت في صالة الاستقبال واظني موجود في كل فنادقهم
واللفت صغير ..







تم حجز سويت غرفتين وصاله مع سرير اضافي وبلكونه مطله على الجبل وافطار في الطابق الثامن




السيارة المرافقة لنا هناك مع السائق بيير







الاستقبال









الطابق الثامن
الفندق مفتوح مب مكيف ودزاينه حلووو







هذا رقم غرفتنا ندش باسم الله ^_^




هنيه الصاله وفيها TV وبلكونه صغيره وطاوله طعام وماكينة للكوفي وماي ونسكافيه







نسيت اصور الماستر روم على العموم الغرف مب كبيرة صغيره نوعا ما

والسويت مب وايد كبير صغير نوعا ما يعني مب شرات الشقة


بس صورت البلكونه الرئيسية اللي في الماستر روم












اطلالة البلكونه حلوه بصراحه ومريحه






وفي السويت حمامين واحد في الماستر روم والثاني في الغرفة الثانية





الحمام " أعزكم الله"








الان نبدأ بالجزء الثاني من الحلقة الأولى

قمنا على الساعه خمس تقريبا وصلينا الفير وردينا رقدنا الساعه 7 ونص تقريبا

بدأنا ناخذ دوووش وتجهزنا ونزلنا للفطور على الساعه 9 تقريبا وما كان زحمه الحمد الله وتريقنا براحتنا
كان بوفيه صغير بس يفي بالغرض

للأسف دايمـــــــا أنسى التصوير وقت الأكل يوم أخلص اتذكر اني ماصورت خخخخخ بالله عليكم من يلومني هههههههههههه

الموهيم هذا فطونا أول يوم وتكرر باجي الايام




جان اخوووي يغرد بكارثه على الصبح ويقول انه السواق اللي كان متفق وياه في الامارات
باجر تتوفر السيارة ارمادا 2008 مب اليووووووووم

أم الوضيحي:والحين يا أخي العزيز شو السواه ورد على السواق اللي قال بكرا خلاص مانباه خخخخخ <<<عفناه

بوسعيد راعي الحلول يرد علي والا اخوي الثاني ماله خص كل شي يبيه على الجاهز هههههه
:مب مشكله نشوووف الفندق اذا بيوفر لنا سياره ونتفق وياهم الموهيم بعد مرور الوقت والبحث عن السيارة البديله وصلت الساعه 12 الظهر

بصراحه تعكر مزاجي نحن لازم نظهر 10 الصبح بس قلنا نمشيها عنبوووه لازم الجدول يمشي على الدقه خخخخخخخخخ

ركبنا السيارة وكان الشوفير محترم بصراحه خذنا لمكتب وكالة الفا وخذنا بطاقتين الوحده بــ 25 $ باسم أخواني الاثنينه

بعدين كملنا دربنا لمغارة جعيتا وكان اليوم في رطوبه وحار نسبيا درجة الحراره اظني 30

وطبعا ونحن في الدرب نتشاور نروح بالقطار والا التلفريك

وبما أن اختي تخااااااااف جدا جدا المرتفعات يالله يالله تركب الطياره خخخخخخخ كل مره نسافر تسوي فيلم رعب

واحتراما لرأي الجميع ركبنا القطار وانحرمنا من متعة التلفريك حكم القوي خخخخ

نبدأ الصور لمغارة جعيتا من برا لأن داخل ممنوع التصوير

كان بامكانا نصوووووور لأن أخوي دخل بتيلفونه خخخخخ بدون مايدري

انه حطينا تيلفوناتنا والكاميرا في صندوق وعطونا المفتاح ما ادريبه وين سارح

وبعدين المكان كان مزحووووووووووم ومقرف من الحر


الموووووووهيم دخلنا المغارة العليا

اخوي الصغير : شو نشووووف عاااااااد

ام الوضيحي باستغرااااااب :كل هذااااااااااا وما تشووووف شيء ههههههه

وعاد الولد تم يتمصخر مب عايبنه المكان اونه

وكل مره ينط يغايض الأجانب اللي هناك وياشر :MY SISTER LOOK ITS VERY BEAUTIFUL


يوم طلعنا قال: يا سبحان الله على هالمكان
بصراحه الطبيعه اللي برا حلووووه خلونا ويا الصووووور الحين



















عقب ماظهرنا من المغارة العليا خذنا ايسكريم ويلسنا نبرد على عمرنا في الكراسي اللي مجابله المحلات اللي هناك

ويوم يى القطار نشينا وركبنا ويوم وصلنا تحت الا أخوووووووي الصغير اللي يتمصخر تذكروووووونه هوووو نفسه 5: قال نسيت تيلفوني في الكرااااااااااااااسي


بو سعيد :لا تقوووووووووووول الحين اكيد ما بتحصله

أخوي الصغير مصر : برد بالقطار بروح اشوووفه

نحن نقووووله خلااااااص عوضك على الله وهو اصر يرد مره ثانيه هو واختي وطبعا دور



دور



بدون فايده


يوم رد أخوي ونحن نواسيه انه برايه يولي اصلاااا البلاك بيري بيقطعون الخدمه هالفتره خخخخخ <<< نحاول نطلعه من غصته

تكلم السواق وقال : الحين بتكره لبنـــــــــان توه أول يوم وانسررررررررررق تيلفونك ليش ما اتريووو على الاقل لين قبل ما تطلع بيوم خخخخخخخخخخ


:3:




تابعوني مع الجزء الثاني من الحلقة الأولى متحف المشاهير ومطعم مانويلا
@@ السعيد @@ غير متصل   رد مع اقتباس
قديم 11-11-2017, 11:57 AM   #3 (permalink)
@@ السعيد @@
أمير الرومانسية
 
الصورة الرمزية @@ السعيد @@
قبل ما أبدأ الجزء الثاني
مجموع تذاكر الدخول الى جعيتا خمس اشخاص= 60$


الجزء الثاني

الحين نبدأ متحف المشاهير وطبعا رحنا له عقب ما ظهرنا من مغارة جعيتا

تذاكر الدخول لخمسة أشخاص:40 $

بصراحه حلوووووو ومسلي انتوا في الصور تشوفون بس الشخصيات
هناك تغني وتتكلم

تونسنا فيه وخاصة أخوي الصغير من دشه نسى تيلفونه ههههههههههههه اونه عيبه خخخ

صورت تقريبا كل الشخصيات بس بصراحه ما اروم احملهن كلهن بحط نماذج بسيطه
....

تدخلون وبتحصلون وحده لبيع التذاكر ثم التوجه للطابق الأول مع وحده ترافقكم للتعريف والشرح وبعدها الرجوع للطابق اللي فيه التذاكر
وأخر شي طابق أرضي ومنه الخرووج ويوجد محل لبيع التذكارات
وبعد الخروج منه
محل لبيع المواد الغذائية والايسكريم


نبدأ


الشيخ زايد والشيخ جابر الله يرحمهم



الملك فهد الله يرحمه والملك عبدالله الله يحفظه


أم كلثوم وبتغرد لكم




الصحاف

هنيه أخووووي يقول منو هذا
قلت له ما تذكره يوم حرب العراق اللي يقول العلوج والعلوج خخخخخ
واتذكره خخ






أمتن رجل في العالم كان وزنه 450 كجم وتوفى




أقصر رجل في العالم هندي وتزوج وحده طبيعيه وأنجب أولاد أصحاء




أطول رجل في العالم



وووووووووووو



يكفي الى هنـــــــــــا

بصراحه حلوووو ونفس ما ذكرت سابقا مسلي يستحق الزيارة






الموهيم بعد ماخلصنا من المتحف


الكل يلتفت صوووبي :أم الوضيحي وين المحطه الثانية

طبعا الغداء

:انزين وين الغداء خخخخخ

أم الوضيحي :اشرايكم نجرب مانويلااا يمدحونه جماعة المنتدى

وفي خاطري اقول يا رب يطلع اوكيه عاد مب من اول يوم أكل مب شي خخخ
الموهيم

وصلنا الشوفير لمانويلاااا

وطبعا عزمه بوسعيد على الغدا وماطاع قال لا والله نحن اتفقنا بس البنزبن عليكم
قاله :يا ريال
الموهيم خخخخخ ما طاع يدش ويانا


طبعا وأكيد اني ما صورت خخخ الا عقب ما خمينا الأكل والله والله انسى من اشوف الأكل

طلبنا صحنين مشاوي كبار
وكبه على عددنا
وصحن عرايش
و2 حمص بالصنوبر
وطبعا خبز
وصحن فتوش لاربعة اشخاص
وعصير ليمون
عصير برتقال
3 بيبسي

طلع الحساب 70 $
من غير الاكراميااات :3: للي واقف فوق راسنا يخدمنا واللي ياب لنا الفاتوره خخخ

بس ضيافتهم عقب الغدا حلوه خلونا ويا الصور الحين









المطعم الاكل فيه والضيافه =10/10

بس المؤذي فيه وفي كل المطااااااااااعم ريحه الدخاااااااااااااان

التعكوووووير وايد

نحن يلسنا داخل لان برااااااا كان حر


وبجذيه خلص يومنا على الساعه 7 المساء

وطبعا طلبنا العشاء من مطعم أكرم ويابه لنا للسويت

وهو عبارة عن ساندويجات حلوم ولبنه وفاهيتا اظني الحساب
طلع 25$

وكان لذيذ .....
وشرينا للثلاجه كوافي ومن هالسوالف وماي زياده ومشروبات غازيه من البقاله اللي مجابله الفندق


مصروفنا لليوم الأول اقل عن المحدد 400 $

فضفنا الباجي على مصروف اليوم الثاني

وطبعا نحن ما طلعنا الا



بوسعيد

قالي انه راح مقهى مراكش الللي في جونيه هو وربعه اللي كانوا يايين من الامارات




وطبعا سألته علشان خاطركم خخخخخخخخخخ

قالي حجز طاوله ويا واحد شيشه و 2 ريد بول 190 $

...................


هنيه عندي ملاحظه

اللي يقول لبنان غاليه للعائلات اقوله لا مستواها زين

لان العائلات مالها حايه للسهر في المقااهي وهالسوالف في الليل
والغلا يكمن فيهن على ما قالي أخوي بالأسعار

.....

صرفنا يوم نطلع من العين لدبي للتمشي يوم وحده اكثر
يكون في حدود 1500 درهم فبالتالي بعد اول يوم زال خوف انه الاسعار في العالي بصراحه خخخ

واتريونــــــــا


باجر في الليل مع الحلقة الثانية



وتصبحون على خير
@@ السعيد @@ غير متصل   رد مع اقتباس
قديم 11-11-2017, 12:02 PM   #4 (permalink)
@@ السعيد @@
أمير الرومانسية
 
الصورة الرمزية @@ السعيد @@
مقتطفات في الكواليس من الحلقة الأولى ^_^

1
...
أول ما ركبنا الطياره ويلسنا أماكنــــا الأمور طيبه
خاصه مابين كل اثنين كرسي
الطياره مب مليانه
وبعد ما طــارت الطيـــــاره وبدوا طبعا يبيعون المواد الغذائية
عينكم ما تشووووف الا النور
كل اللي حولنــــا من جنسية البلد اللي مسافرين لها والكل طلبهم كان نبيذ
دوووخوا العربان خخخخ
والضحك اشتــــــل عندهم والريحه استغفر الله
وأختي اللي تموت خوف من الطيران معصبه وخايفه وتقول:استغفر الله
ربنا لا تؤاخذنا بما فعل السفهاء منا
<<<حليلها خايفة اطيح الطياره

ما ادري متى طيرانا بيتقي ربه في اللي يبيعه...



2
...
أخوي اللي غاب تيلفونه عقب ما خلصنا أكل وسلمنا الفاتورة وبوسعيد عطاهم الاكراميات
ابتسموا واضح انهم راضين الجماعه قاصر يوصلونـــا لحد باب المطعم
الموهيم
واحد منهم يقول : عيدوهـــا نحن في خدمتكم <<<والله مب حبا فينا خخخخ
أخوي مغتص من تيلفونه خخخخ يرمس بلهجتنا المحلية علشان ما يفهموله : ان شاء الله هيه عيبنك البهانس من وصلنا وانتوا تشخلونا يزاكم الله خير ..
وهم ولادارين عن اللي يقوله
ويردوا عليه :تسلم تسلم >>>خخخ
ونحن فطسنا من الضحك
...


ومنكم العذر والسموحه^_^


.................................................. ........


باسم الله نبدأ الحلقة الثانيه

طبعا قمنا وقت صلاة الفير والبركة في أختي يزاها الله خير

أنا اضبط التيلفون ومافيش فايده خخخ النوم ثقيل بعيد الشر عنكم

وردينا نرقد مره ثانية

ونشينا على الساعه 8 وبعد الشووور نزلنا نتريق

وكان نفس ريوووق أمس والمشكله ما اغير خياراتي <<<من تعلق على الشيء خلاص خخخ

وبعد ما خلصنا يلسنا في اللوبي نتريـــــا الشوفير
متفقين وياه على الساعه 10 يكون موجود

ووصل 10 وعشر دقايق <<<<مشكلتي دقيقه في المواعيد خخخخخ

قلنا البداية نروووح جبيل

القلعه
السوق الجديم
ومطعم لوكانده اذا يى وقت الغداء
وبما انه 12 ونص خلصنا القلعه والسوق الجديم وما حسينــــــا بيووووووع


شوووو الحل انكمل المشوار
ونشطب لوكانده من القائمة بمطعم آخر

الجزء الأول


نبدأ بالقلعه

انا قاريه انه الرسوم 6000 ليره وشفته في اللوحه
عند مكتب قص التذاكر
فقلت نحن خمسه يعني 30000 ليره=20$

ويوم يينا نقص التذاكر قالنا العدد
قلنا له خمسه قال :20000 ليره
يعني الرسوم للشخص الواحد :4000 ليره

قلنا خير وبركه

وهذي صورة التذكرة من جدام وورى






القلعه والمكان بشكل عاااااااااااام وايد عيبني روعه والجووووو نقي جدا خالي من الدخان خخخخخ


بدينـــــا أنا وأخواني بالقلعه من الخارج بعدين الداخل خخخ عكس الناس ل وووو ل


هنيه طبعا قابلنا ناس معارف كانوا سابقينا على لبنان بيوووووم
واستانسنا بالتمشي وياهم في القلعه والسوووق الجديم

...
واقولهم نلتقي الصيف الياي 2011 ان شاء الله بس مب البلاد اللي تبون تقنعونـــــا نسيرها : ( خخخ
خلاص البلاد العربية X
غيروووووا ونحن بنقنعكم قريبا ان شاء الله هههههههه



نبدأ بالصور وان شاء الله تعيبكم
...

جدار القلعه من الخارج








....
تحسونها لوحه فنيه والا هذا احساسي انا بس





هالمنظر رهيب يا سبحان الله والجووو هنيه كان وايد حلوووو









هنيه المدرج

واسمحولي ما حصلت صوره له خاليه من الاهل

فاضطرينا نغطي بالغطاء الأسود علشان تشوفون المكان















هذا واضح انه بيوتهم زمن اول : (



نفسه البيت من فوق القلعه





هذا الشق موجود فووووق بعد



وانا نازله من فوووووق
بصراحه المنظر هناك يرد الرووووووح



من داخل القلعه
طاوله ممكن اطلعين كيف تكتبين اسمج بالفينيقي
فيه اثار جرار
ورسوماااات لآثار جديمة

وقبر فـــ غرفه مظلمه خخخ وفيه تلفزيون وكنبات ما ادري اذا اللي شفته جيه صدق والا لا

هههههه>>>>الموهيم هنيه انا شردت ما صورت شي خخخخخخ


















تابعوني مع الجزء الثاني من الحلقة الثانيه
الروشه
مطعم البلد في السوليدير
@@ السعيد @@ غير متصل   رد مع اقتباس
قديم 11-11-2017, 12:07 PM   #5 (permalink)
@@ السعيد @@
أمير الرومانسية
 
الصورة الرمزية @@ السعيد @@
الجزء الثاني من الحلقة الثانية




السوق الجديم في جبيل حلووو وبسيط


خذنا منه ايسكريم مب مذكره سعره بالضبط



اظني الواحد 8$ اذا مب غلطانه أو أكثر بشوووي


ومب وايد حلوووو بس كنا مستحرين فكلناه خخخخخخخ



وشرينا ماي من اللي عداله ما ادري بسعره





الموهيم تمشينا خذنا فوووط فلورا وألعاب لعيال اخووويه




وصورت جمن صوووره



تابعونا








محل يبيع ألعاب






هذا الكراسي جدام محل الايسكريم يلسنا فيهن عقب تعب المشي في القلعه









هنيه محل الايسكريم









هذا ايسكريمي ما عيبني وبدلت ويا اختي خخخخخخ


وكلت مالها وهيه ودرت هذا ما عيبها




وعقب ما تمشينا شفنا السااعه



حصلناها تقريبا 12 وشيء بدري على الغدا ومب يوعانين وااااايد



نبى نحرق الريوق بعدنا



قلنا خلااااص نطلع من جبيل




وعوضنا مره ثانيه بالنسبه لمطعم لوكانده كان خاطري اسيرله



<<<<تقولي اختي لا اتحطينه في خاطرج بنرد له يوم ثاني



انااقولها : لا خلاااص



اللي راح ما يرد <<<خخخخ ما تبى تخرب الجدول اللي مسوتنه ههههههه



وتحركنا صووووب صخرة الروشه


...



تبووون الصدق


وانا في بالي افكر

شووو نشوووف فيهـــــــا العروسه


خخخخخخ



الا صخره



بس طلعت شي رووووووعه وممتع للنظر بصراااااااااحه

وعروسه مزيونه الكل يطالعها من جمالها



وشوووفوا الصور










المكان اللي حولها




بعد ما استمتعنا بهالشووووفه وتصوووورنا عدالها


قلنا للشوفير نبى مطعم عبد الوهاب في الأشرفيه

قال: لازم حجز لهالمطعم

قلت في خااااااااطري كيف ما انتبهت هالشيء وانا اقرأ عنه

قال بوديكم مطعم ثاني اشرايكم اقترح انا

قلنا له استريح ولا تفكر وسير مطعم البلد في السوليدير

قال ما شاء الله حتى المطاعم مجهزينها خخخخخخخ

الموهيم

نبدأ الصور















هذا هوووو مطعم البلد



طبعا ما صورت الا عقب ما كلت




الحساب كان =123 $

تقريبا نفس طلب مطعم مانوووويلاااا مع شوووية تغيييرات وزياده خخ

بس بشكل عام ما عيبني الأكل فيه مب لذيذ

حتى أخواني قالوا مانويلا ألذ

اعطيه 8/10



السوليدير بس حبينــــــا نشوفه

تعرفون يقولون اللي ايي لبنان ما يزور السوليدير ما جنه زار لبنان خخ



بتقولوووون حلاته في الليل بالزحمه


وبرد اقوووووووول نحن من عشااااق الهدوء وابدا ابدا ابدا ما انحب الزحمه

تعرفون اتعمدت اصر على السوليدير في فترة الظهيره الى العصر

احس اخواني بيكرهون المكان لو رحناه في الليل


طبعا على الساعه 5 العصر وصلنا الفندق

وصلينا الظهر والعصر جمع وقصـــر






مقتطف من الحلقة الثانية




وطبعا وصلنا مسج من برق الامارات عن القصف في الجنوب

وبدا الخوف يدب في قلوبنـــــــــــا

خفنا امايه وابويه يستعلمون عن الخبر ويتمون يحاتوووون


واختي كانت مصره نرد البلاد وخاصه طيارتنا ورى باجر في الليل تشووووفه بعيد


وبوسعيد يقووووول ياجماعه استهدوا بالله يومين وبنرد وان شاء الله ما في اي اشكاليه


بس ما في فايده : (


أخوووي الثاني قال بدق للسفاره ونشوووف شو يقولون


وفعلااا دقينا وطمنونا قالوا لين يومين ماشي خووووف وهم يتواصلوا ويا السفير

وخذوا ارقام العائلات الاماراتية المتواجده في لبنااااان


وأختي مصره ترد


قال اخووووي اوكي

وطلعوا أخواني ويا الشوفير يشوفون مكااااااااااااااتب طيران وطبعا كلها مسكره على الساعه 7

وراحواااااا المطار وقالوا انه طيران فلاي دبي والاتحاد والامارات الساعه 2

يفتحووووووووون


وانا بدوري يلست ادووووور في النت

فلاااي دبي 4/8 العووووووووده فل
طيران الامارات ما كان يطلع لي طيران عوده في 4/8

طيران الاتحاااااااد ماشي على السياحيه شواغر والعوده على البزنس فقط

بحدود 24000 درهم يعني ثلاث اضعاف تذاكرنا

بوسعيد حليله يقوووول السالفه ماتسوى الا يوم وحده ما فرقت :3:


قالت اختي :لا ترزى ونص ونبى نرد البلاد


تواصلنا ويا العايله اللي نعرفهم لانها كانت نفس طيارتهم وقالوا هم حصلوا حجز العوده على السياحيه لشخص واحد فقط والباجي منهم فيرست كلاس


الموهيم بدينا نبى نحجز على الموقع وادخل لخمس اشخااااااص

يوم يبدأ الحجز يطلع مسج في الصفحه انه يجب التواااااصل مع اقرب مكتب للتأكدد من وجود شاغر

والحل

بوسعيد :ياجماعة الخير رقدوا اليوووووم وباجر بنشووووف مكاتب حتى لو ما حصلنا عوده على الامارات

بنرد لاي دوله خليجيه وينقعد فيها يومين وعقبها بنرد البلاد


والحل ارضى الجميع :3:

وبجذيه خلص يومنــا

وبالنسبه للعشاء طلبنا من مطعم اكرم اللي مجابلنا

سندويجااااااات فاهيتا وعصااااااير


وهالليله بخمستنا رقدنا


حتى بوسعيد

ما ظهر يسهر هههههه




أخييييييييييييييييرا




اهداء لكم ع المتابعة ولسفارتنا الحبيبة في لبنان


كان في تواصل بينا وبينهم في حدود خمس مكالمات وهم يطمنونا في اخر يومين لنا في لبنان



@@ السعيد @@ غير متصل   رد مع اقتباس
قديم 11-11-2017, 12:12 PM   #6 (permalink)
@@ السعيد @@
أمير الرومانسية
 
الصورة الرمزية @@ السعيد @@

نبذأ باسم الله

الحلقة الثالثه


نشينا الصبح

ونفس روتين اليوم الماضي لحد الساعه 10

يانا الشووووفير

وبدا يقنعنا انه يووووم واحد باجي لكم وما يسوى عليكم تقطعووونه


ومن هالكلام ونحن أمورنا هدت بعد ما رمسنا امايه والاهل في التيلفوووون


قلنا نكمل يومنــــــــا نفس الجدول ونعين من الله خير

مشوارنا اليوم

قصر موسى معماري
متحف بيت الدين
ومناك خذنا الدرب الى بحمدون وتغدينا في مطعم جنه

بحط لكم صوووور الطريق بصراااااااااحه بيت الدين مناظرها حلووه

وحصلنا زحمة درب بس ما ادري ما تمللنا خخخخخ يالسين نسولف وانطالع السيارات
و نموت من الفرحه

لو شفنا سياره برقم إحدى الدول الخليجيه او رقم بوظبي فديتها




عدا الوقت والطريق بصراااااحه حلوووو وحولك الجبال والخضاااااار

شوفوا الصور


الجزء الأول











هنيه وقفوا محطة البترول يعبوووون بترول واخواني سارووووا السوبرماركت اللي في الصوره يشتروووون شيبس وكاكاووو كان فخاطر اختي ..:3: تتحلى على الصبح




هنيه وصلنـــــــــا
البيوت في هالمنطقه حلوووووه







وعقبها نزلنا الشوفير عند سوووق شعبي صغير

شفناه ما تشرينـــا منه شيء

وصووورنا في الساحه المجابلتنه وهناك

في الساحه نفس منبع الماي يشربوووون منه وهوووو بارد
ومسجد بعد موووجود

وهالصوره الوحيده فيه خاليه من الاهل


وعقبها رحنا قصر موسى معماري

رسوم الدخول = 50000 ليره تقريبا 33 $ اذا ما اني غلطانه

الموهيم قصر حلوووو ويسوووى
وذكي بسالفته بالباب الصغير علشان ينحني استاذه وحبيبته اللي ما بغته لأنه فقير
..
وممكن تشتروون اول ما ادشون
سيدي عن القصر =10$
وخذنا واحد وللحين ما شفته
وبعد يبيعون مسابيح مسك اظني بــ 8$ ونحن ما شرينا منهن
ويراوونكم كتاب عن قصره ويخبرونكم سالفته

طبعــــــــا القصه معروفه وبصراحه ما فيني أكتبهـــا خخخخ

هذي صوره يوم كنا عند البوابه


وهذي اظني صورة موسى معلقه في اليدار




مسوي مجسم عن سالفته ويا الاستاذ















وقبل ما نطلع من القصر

ريال كبير يتم يدق ويغني ويشربكم قهوووووه حلوه او مره الا تبونه
شي حلوووو

وفي وعئ تحطوووون فيه اللي مقدر له

القصر من برا هذا مجابلنه عقب ما طلعنا


وهذا العنب بعد ما طلعنا موجود وااااااااو

بس ما انطاله بعييييييييييد
والا خذت منه عن خاطري خخخخخ



وبعد عند الباب يووم تطلعوووون

بتحصلوووون وحده من الدجالات اللي يقرن مال المحار وهالسوالف اووووونه


نحن طبيناها ما وقفن وهيه تزقر اونه تعالو بقرأ لكم خخخخخ

واحنا عمك اصمخ

وهذا قصر موسى ونحن رايحين عنه من ورى











تابعونـــــــــــا في الجزء الثاني من الحلقة الثالثة
@@ السعيد @@ غير متصل   رد مع اقتباس
قديم 11-11-2017, 12:28 PM   #7 (permalink)
@@ السعيد @@
أمير الرومانسية
 
الصورة الرمزية @@ السعيد @@
الجزء الثاني من الحلقة الثالثه



بيت الدين
ومطعم جنه بحمدوووون


اليوم من أحلى الأيام من حيث الجووو ومناظر الدرب
أكيد أحلى من جووو جونيه وبيرووووت

متحف بيت الدين

أسعار الدخول لخمسة اشخاص = 25000 ليره

المتحف ما عيبني : (

بس دامنا زرنا قصر موسى معماري قلنا ليش لا

هذا الصور اللي صورتهن فيه










هنيه صوب الحمامات التركيه







بعد ما خلصنا منه


قالنا السائق بتغدوووون وين


واقترح هو: شرايكم بوديكم مطعم في الباروك
عقب نمشي لبحمدون

بس ام الوضيحي اذكرت مطعم جنه في بحمدوووووون اللي يمدحونه الأعضاء


قلت لااا خخخ
نروح نتغدا في بحمدوووون

وصلنا بحمدون والجو حلوووووو


استانسنا وايد

المطعم كان مب مزحووووووم

وهادي ومكشوووف والهوا اللي يهب علينا روعه


وأكله لذيذ حلووووو بعد

اعطيه 10/10

من حيث الموقع الرهيب والاطلاله الحلوووووه والأكل


وكان فيه خيارين

الخيااااااار الأول :
على حسب عرضهم اللي هوووو

ينزلون قائمه من المقبلات والأجبان والمشاوي والفواكه على حسب الفرد

كان سعر الفرد = 40 $

لخمسة أشخاص =200 $

الخيار الثاني:
وكان ممكن نختار ا من المنيوووووو

بس مع اتفاق اليميع
انه ينزل لنا على حسب العرض ندري بيكون اغلى قلنا ما فينا نفكر شو نطلب
وشفنا قائمة العرض وعيبتنا ونزله لنا


اذكرت مووووقف نحن كلنا ما ناكل لحم ني خخخ ولامرتديلا ومن هالسوالف

يانا الجرسون يتخبرنا اذا نأكل
الجرسوووون :والله فرش
قاله بوسعيد مبتسم:لا ما يبووووون........ ما يأكلونه
رد الثاني اخوي الثاني محتر اونه ليش ما شمل عمره في الموضوع :هيه نحن ما ناكله حطه له هههههههه
<<<<
خخخخ سوالف يهال

صد الجرسون على بوسعيد :بدك
بوسعيد يطالع اخوي ونحن مبتسمين :لا



^_^


الموهيم


هذي الاطلاله مش واضحه بس طلعت هالورود الصغيره























يتبع بعد شوووي الحلقه الاخيره



خفيفية وقصيره
@@ السعيد @@ غير متصل   رد مع اقتباس
قديم 11-11-2017, 12:32 PM   #8 (permalink)
@@ السعيد @@
أمير الرومانسية
 
الصورة الرمزية @@ السعيد @@
اليوم الأخير


نفس الرووووتين


بس هالمره ظهرنا من الفندق السااااااعه 12:30

وسوووووووووينا شيك اوووووت وسلمنا الفلووووس نفس السعر المذكور مسبق
لأن الفندق اول ما وصلنا اول ليله بس راويناهم ورقة تاكيد الحجز ودخلنا هذا نظاااااامهم

.........
قلنا نحن فلوووس النسكافيه والماي اللي كل يوم يتجدد أكيييييييييد بينحسب
وفلوووس غسيل و كوي قميص اخووووي
بس طلع كل شيء من السعر المذكور مسبقا

وبصرااااااااااحه معامله رااااقيه جدا

لأن ربعنا اللي كانوا في نفس الفتره ويانا في لبنان سكنوا في كروان بلازا

قالوا تم يدبلهم وحط عليهم حطه يوم سوووا الشك اوت فووووق السعر المذكورمسبقا ^_^



وانا في السياره اطالعت اخواني :شراااايكم بالفندق خلال هالاربع ايااااااام <<<<متفيجه الحين خخخخخخ

الكل قال :مريح وممتاز وبيكون اختيارنا لو يبنا لبنان وما سكنا في الجباااااااال ^_^


قلت :الحمد الله

بصراااحه كنت خايفه وايد وانا اقرر الفندق انه يكوووووون سيء وما يرتاحوووون فيه

اعرفهم مزااااااااجهم قفل مب اي شيء يعيبهم خخخخخخخخ

طلعنا قلنا للسايق نروووح اول شيء

ابى محل علشان اشتري ميموري كارد للكاميراااا

عندي 2 جيجا وفل

ويمكن بعد ابي اصووور
خطفنا محل في جووونيه وخذ لي اخوووووي 8 جيجا بـ 30$

بعدين

رحنا صووووووب

برمانه نتغدا في مطعم منير

منها نشووووف برمااااااانه ومنها نزور المطعم اللي شفت وايد مواضيع يمدحونه

وعقب نروح ABC لشراء الأغراض والهدايا

وبعدها سي سويت هوووو اقترحه على طريجنا للمطار
والا نحن كنا بنشتري من المطار
بس قلنا ما بنكسر بخاطره دوم يقترح ونخالفه خخخخخخخخخخخ


مطعم منير

المعامله جيده
دزاينه حلوووو وايد
حصلنا طاوله بس مو على طرف
كان مزحوووووووووم

واكله مب حلووووووووووووو ابدا ابدا ابدا


استغربت انه الكثيرين يمدحونه


أسوء مطعم من حيث الأكل جربته خخخ


كان سعر الحسااااب = 140 $



هالصوووور اللي خذتها

المدخل اللي على اليسار





اليح (البطخ) مسوي منظر فرش خخخخ في المطعم



هذا غدانا







وطلعنا منه عقب رحنا ABC مول

حلووووو وكان مسوين تنزيلاااااااااااااات روعه

شرينا اغراضنا والهدايا


وشنطه زياده طبعااااا لان شناطنا الخمسه ما تكفي هههههههههه



وعقبها رحنا سي سووووويت وشرينا

8 كيلوووو بقلاوه مشكل وبسبوسه

الكيلووو الواحد = 28000 ليره

ويبيعون فيه ايسكريم رهيب خذت انا واحد واختي وااااحد ما اعرفه بجم


الموهيم


رحنا المطاااااار الساعه 7 وشيء لأن طيارتنا الساعه 10
وحصلناااااااااااه زحمه زحمه زحمه
ونسيت اقولكم تذاكرنا غااابت ودقينا قبلها بيوم لمكتب فلاي دبي وعطانا رقم الحجز وخلاص


طابورين المدخلين طوووووووووال


تبووون الصدق مالنا خلق نصف : (

وهناك بفلوسك تمشي امورك دخلنا خلال عشر دقايق
والسوووق الحره ماشي حالها


خذنا منها علب لبنه وزعتر من غوذيز لاتفوتنا لبنة لبناااااااااااان >>>وطلعت مب حلوه لبنة أم أحمد اللي تسويها في العين احلى بواااااايد ههههههههههه

ما اذكر بجم شرينا منه



والطياااااااره في العودة كانت زحمه

بصراااحه في العوده كنا تعبااااااااااااانين من الخاطر من بعد اللف من الظهر وعقبها لعوزت السفر

وصح في الطياااره قلنا دامه مافي سوووق حره في ترمنل 2 في العوده

قلنا خل نشتري من سوق الحره في الطيااااااره



خخخخ
حرررررررررررررررررررررررررررررررررريم

ههههههههههه

خذنا 2 طقم سوع رجالي ونسائي
وعطر ون مليون
وطقم اكسسوار
وسي دي الفريج حق بنات اخوي خخخخخخخخخ

وما اذكر جم دفعوا

كنت بس اختار خخخخخخخخخخخ :3:

اول ما وصلنا متنا من الفرحه طبعااااا لان ردينا البلاد

وأكثر
يوم حصلنا عند باب الباص "ماشي خرطوووووم ترمينال 2 اقتصادي الطيران " خخخخخخ

ناس استقبلونا خذوا الجوازات وختمووووها من داخل

لا مرينا على تشيك جوزارت ولا جمارك سيده لباب الخروج من المطاااار

بس هنيه مب بفلووووسك ههههههههههه

هنيه شووو يسومونها و............. خخخخخخخخ








والسموووحه منكم

اذا طولنـــــــــــــا



واخيرا اكتمل التقرير


خلاصة الميزانية

السكن في فندق البرنسيسه 4* لمدة أربع ليالي مع الافطار=4* $440 =1760 $

خذنا النت لمدة يومين كاملين = 20 $

المصروف اليومي 400$=4*400 =1600 $

تأجير سيارة فان 2004 لخمسة أشخاص بدون المحروقات ^_^"البنزبن" لمدة أربع أيام

=130 *4 =520$

البنزين لمدة أربع أيام = 150$

التوصيل لأول مره من المطار الى فندق البرنسيسه أثناء القدوم= 50$

المشتريات = 1500 $

المجموع = 5600 $ = 21212 درهم

التذاكر=7000 درهم

المجموع الكلي المصروف في حدود = 28000 درهم


اضافة تذكرتها

..........

الاحتياط اللي ويانا كاش = 800 $<<<<


خلص في السوق الحره في الطياره خخخخخ

وفي التشطبيات ومن هالسوااالف ما اذكر على اخر يووووم


.......
الاحتياط في الفيزا كارد= 15000 درهم


ما استخدمناهن
@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
السفارة السعودية في لبنان تدعو مواطنيها لمغادرة لبنان وتوخي الحذر Adnan0999 اخبار 24 ساعة - سبق عاجل من أنحاء العالم 0 11-23-2013 05:32 AM
صور محمد رمضان من حفلة عيد ميلاد زياد شاهين 24/7/2010+ صور طاهرة عند وصولها لبنان هاشمية فضائح ستار اكاديمي 11 Star Academy 43 07-27-2010 10:23 AM
حصرياً:ريم: لا يستحق لبنان ان نهجره..شيماء:سنعود لنعمر لبنان..وجدي:لبنان فوق كل تحدي ~GiiGii~ ستار اكاديمي 1 2 3 4 5 6 7 8 Star Academy 11 09-04-2006 01:14 AM
لبنان حبيب العمر - أغنية نانسي!!!! و هي تبكي ع لبنان بالصورة!!!! @قطر الندى@ فضائح الفنانين والمشاهير 16 07-24-2006 11:31 PM

الساعة الآن 01:13 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103