تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > سياحية - سياحة وسفر > رحلات سياحية و حجز فنادق و عروض سياحية > سياحة اسيا و فنادق اسيا و عروض سفر اسيا

سياحة اسيا و فنادق اسيا و عروض سفر اسيا سياحة اسيا و فنادق اسيا و عروض سفر اسيا

رحلة سريعة وخفيفة بس والله مريحه الامارات

إضافة رد
 
أدوات الموضوع انواع عرض الموضوع
قديم 11-07-2017, 07:52 PM   #1 (permalink)
@@ السعيد @@
أمير الرومانسية
 
الصورة الرمزية @@ السعيد @@
رحلة سريعة وخفيفة بس والله مريحه الامارات




اولا كل عام وانتو بخير بمناسبة عيد الأضحى المبارك
ثانيا انا بصراحة ماكنت ناوية اكتب عن هالرحلة السريعة .. بس من الفضى هاليومين قلت خلني اكتب عنها .. والتمس منكم العذر لأي نقص او قصور ممكن تشوفونه في التقرير الخفيف ان شاء الله ..

والحين خلونا ندخل بالموضوع << جاهزة ماشالله

قبل عيد الأضحى بكم يوم كان عندنا اجازة اليوم الوطني لدولة الإمارات وطبعا انتو عارفين ايام التدريس تحمل من الهموم ماتحمل .. بصراحة كنا انا والمعلمات نعاني من ضغط نفسي شديد في المدرسة بسبب المشاكل مع الادارة ..
وقدر الله انه الاجازة تبع اليوم الوطني تندمج مع اجازة عيد الاضحى وتكون طويلة نوعا ما .. يعني اكثر من عشرة ايام ..
قبل الاجازة بيومين كنت افكر وين ممكن ألاقي مكان ارتاح فيه وانسى كل المشاكل اللي نمر فيها واسترخي شوي واكون بعيدة عن كل مايشوش مزاجي ..

وبالطبع فكرت في المنطقة الشرقية وبالأخص منطقة دبا الفجيرة اللي فيها فنادق وشاليهات عالمية ..

بس الهم الوحيد كان منو بيكون معاي هناك.. فاتصلت باخوي وكان في الدوام طبعا .. وخبرته اني تعبانه نفسيا وابغي اغير جو وسألته اذا يقدر ياخذ اجازه من الدوام ونطلع مع بعض ..
وسبحان الله صدفة طلع اخوي ماخذ اجازه بالفعل واجازته راح تبدأ مع اجازة اليوم الوطني .. فرحت وايد وقعدت ادور بالنت على الفنادق والشاليهات .. وحجزت عن طريق الانترنت في فندق جال الفجيرة..

الغرفة الوحدة الديلوكس مع الضرائب = 1240 درهم ..
اخذنا ثلاث غرف ..غرفة لي .. غرفة لأخوي .. وغرفة ثالثة حق ولد اختي وزوجته ..<< عزمتهم ويانا بالغصب

طبعا لما اتصلت في ولد اختي كان في الدوام ( في بوظبي )وطبعا كان عندهم طوارئ وماعنده اجازه الا يومين بس وقالي انه راح يواصل الين الفجر وراح ينزل راس الخيمة على طول وانه راح يوصل راس الخيمة تقريبا الساعة 6 الصبح ...فاتفقت وياه ان لما يوصل راس الخيمة ينام الين الساعة 12 الظهر وبعدين نطلع ..

قدر الله في هذيك الليلة واهي ليلة 3 ديسمبر ان تنزل امطار ماشالله تبارك الرحمن امطار غزيرة.. عشان جيه تأخر ولد اختي في الطريق وهو راجع من بوظبي .. ولما وصل راس الخيمة تذكر بعض الشغلات اللي لازم يسويها .. وتخيلوا متى وصل البيت عشان ينام .. طبعا وصل الساعة 10 الصبح .. يعني ساعتين قبل موعدنا ..

المهم دقيت له تيلفون وصحى من النوم وتجهز اهو وزوجته وركبنا كلنا في سيارة وحدة..
انطلقنا الساعة 1 الظهر .. من راس الخيمة متوجهين الى دبا الفجيرة ..



طبعا اللي رايحين معاي مايعرفون فندق جال الفجيرة .. وقاعدين تعليقات في السيارة .. (( اكيد حاجزة لنا في فندق بو نجمتين .. واللي يقول اكيد ارخص فندق في الفجيرة .. وهات ياضحك ))
وانا عاد واثقة ان الفندق راح يعجبهم فما كنت مهتمة بتعليقاتهم وكنت اضحك معاهم << وحشر مع الناس عيد ..


الجو يومها كان اكثر من راااااااائع .. غيوم وبراد ونفات مطر ..





لما وصلنا الفندق عيبهم وايد واستانسوا عليه .. وهذي بعض الصور للفندق من الانترنت وبعضها من تصويري الشخصي ..


رحلة سريعة وخفيفة بس والله مريحه الامارات


رحلة سريعة وخفيفة بس والله مريحه الامارات
الكرسي اللي عليه دائرة حمرا هو بالضبط المكان اللي قعدنا فيه عشان نتعشى بالليل ..





رحلة سريعة وخفيفة بس والله مريحه الامارات






رحلة سريعة وخفيفة بس والله مريحه الامارات
غرفتي .. ولا تستغربون من وجود سريرين .. لان اخوي طلب غرفتين بينهم باب فكانت غرفته بو سريرمزدوج وعلى حظي غرفة بو سريرين ..



رحلة سريعة وخفيفة بس والله مريحه الامارات
وهالصورة من بلوكونة غرفتي << خربت علي النخلة الله يهداها خخخخ



رحلة سريعة وخفيفة بس والله مريحه الامارات



طبعا ماارتحنا على طول طلعنا ندور مطعم النوخذه الموجود في الفندق عشان نتغدى بس الوقت كان متأخر تقريبا 3 ونص او قريب ال 4 عشان جيه المطعم طلع مسكر ..




وبالرغم من وجود مطاعم ثانية بس فضلنا نتغدى برع .. وياريت اللي جرا ماكان خخخخخخخ .. لان قعدنا ندور ونحوس في دبا وخور فكان عشان نلاقي مطعم عدل مالقينا .. ويمكن لقلة خبرتنا في هالأماكن فما عرفنا وين نتغدى وبأي مطعم .. المهم لما وصلنا خور فكان وبالتحديد منطقة الكونيش كنا ميتيين يوع خلاص الساعة قاربت على 5 واحنا ماتغدينا وماكان فينا صبر .. شفنا مطعم اعتقد كان اسمه بارس واعتقد ايراني بس انا مارضيت انزل لان شفت سيارات وايد جنبه قلت يمكن زحمه وانا اكره الزحمة.. وبعده بأمتار قليلة لقينا مطعم اسمه تاج خور فكان واستقرينا عليه وهو مطعم مأكولاته هنديه.. وللاسف بصراحة ماعجبني اكله ابداااااااااا ..


بعدين طلعنا تمشينا في الفجيرة وشفنا مسيرة كبيرة في الشارع بمناسبة اليوم الوطني لدولة الإمارات وبصراحة الشباب مب مقصرين مسوين ربشه وحركات استهبال بس رهيبة الصراحة يعني مثلا لابسين اقنعة ويرقصون في الشارع واللي راسمين على ويهم ومن هالحركات اللي تقريبا تصير في المسيرات عموما .. وكان الشارع تقريبا واقف بسبب المسيرة ..الأمر اللي خلانا نجاوز السيارات بطريقتنا الخاصة خخخخخخخخ << اهل راس الخيمة مايتوبون عن حركاتهم..

بعدين قعدنا ندور على مركز تجاري << مدام السالفة فيها حريم يعني لازم يكون فيه وقت للتسوق لووووووووول
لكن للاسف الفجيرة مافيها حتى الآن اي مركز تجاري كبير .. المراكز التجارية لاتتعدى ان تكون متاجر عادية كمركز اللولو مثلا ..

فاخذنا ندور وندور وندور الين لقينا مركز صغير جدا فيه بعض المحلات مثل محل اريج ومحل الساعات ريفولي .. نزلنا تمشينا فيه دقائق محدودة لانه مره صغير وطلعنا على طول .
طبعا قررنا نرجع للفندق ونتعشى هناك لان الساعة صارت 8

حبينا نتعشى على إطلالة البحر .. فجلسنا في الشرفة اللي وريتكم صورتها قبل ..
وهذي صورة العشا صورتها بالموبايل لان كاميرتي كانت في الغرفة ..


رحلة سريعة وخفيفة بس والله مريحه الامارات


تعشينا وبعدها قعدنا نتمشى في الفندق من ناحية البحر وكان فيه احواض سباحة متعددة للصغار والكباروبعض الالعاب المائية وجلسات رائعة جدا ..

اعذروني التصوير بالموبايل ..

رحلة سريعة وخفيفة بس والله مريحه الامارات


رحلة سريعة وخفيفة بس والله مريحه الامارات



وبعد ماتعشينا وقضينا وقت ممتع في السوالف مع بعض توجه كل واحد لغرفته ونام ..


الصبح قمنا تريقنا في الطابق الاول في مطعم
Breeze وبالتأكيد طبعا الفطور كان عبارة عن بوفيه ..





بعد الفطور تمشينا عالبحر وركبنا القوارب البلاستيكية اللي تتحرك بواسطة الدواسات..


رحلة سريعة وخفيفة بس والله مريحه الامارات
هالصورة التقطتها واحنا على القارب ..



ولما صارت الساعة 12 الظهر لمينا اغراضنا وسوينا شيك أوت وبصراحة كنا مستانسين وايد وودنا نقعد اكثر بس للاسف ولد اختي ماعنده اجازه ولازم يرجع ..

رجعنا راس الخيمة بس وين سرنا ؟؟

راح اخبركم بالجزء الثاني من الرحلة ان شاء الله ..



@@ السعيد @@ غير متصل   رد مع اقتباس
قديم 11-08-2017, 12:07 PM   #2 (permalink)
@@ السعيد @@
أمير الرومانسية
 
الصورة الرمزية @@ السعيد @@
الجزء الثاني من الرحلة

بعد ماطلعنا من دبا الفجيرة وبالتحديد من فندق جال الفجيرة .. قعدنا نفكر واحنا في السيارة وين ممكن نتغدى .. انا اقترحت عليهم في البداية انا نتغدى في فندق خت في راس الخيمة بس بصراحة ماكان عندي خلفية عن المطاعم في فندق خت عشان جيه غيرنا راينا واخترنا مطعم القيصر الموجود في كورنيش القواسم ..


بصراحة أكل القيصر كان لذيذ ...

طلعنا من القيصر واقترحت عليهم قبل مانرجع البيت ناخذ لفة على شاليهات معيريض وبالتحديد منتجع world wide resort التابع لفنادق الهيلتون ..

طبعا قبل ماندخل بالسيارة الى داخل المنتجع سألنا ضابط الحركة عن سبب الزيارة فقلنا له نبغي نتغدى في المطعم الموجود في داخل المنتجع طبعا احنا طبعا متغدين وخالصين بس علثه عشان ندخل المنتجع ..



وهذي الصور حصرية فقط لمنتدى زاد المسافر ...













































هذا المطعم .. وله واجهة بحرية جميلة ..



الواجهة البحرية للمطعم





وبعد هاللفة اللي استمتعنا فيها .. طلعنا على طول وسرنا البيت لان كل واحد كان عنده شغل لازم يقضيه ..

والسلام ختام ..

ارجو انكم استمتعتم معاي بهالرحلة البسيطة .. والسموحة عالقصور ..
@@ السعيد @@ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
كفتة التونة.. وجبة سريعة وخفيفة نفرتارى. مطبخ عالم حواء الرومانسية 0 11-17-2012 03:24 PM
مهاجم منتخب الامارات ذياب عوانه ينـتقل الى رحمة الله إندماج الأرواح كورة عربية 14 09-29-2011 03:18 AM
والله قوية منك يا رمضان ....على رحمة ادخلو!!!!! 3ahoudaa فضائح ستار اكاديمي 11 Star Academy 24 03-23-2010 08:12 AM
الحق ما تلحق اكلة سريعة وخفيفة yesrooon مطبخ عالم حواء الرومانسية 0 09-15-2009 02:04 PM

الساعة الآن 05:30 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103