تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان



العودة   منتديات عالم الرومانسية > منتديات تعليمية Educational Forums > مشكلتي | أريد حلاً

مشكلتي | أريد حلاً

منتدى مشكلتي يعطيك مساحة بأن تطرح مشكلتك بسرية تامة ومن خلال عضوية خاصة يستخدمها الجميع في طرح مشاكلهم والأخرون يسعون جاهدين في حل مشكلتك , إفتح قلبك و شارك وأطرح مشكلتك من خلال العضوية المجانية أريد حلاً رقم الباسورد 123456


ايه الحل

Like Tree42Likes

إضافة رد
 
أدوات الموضوع انواع عرض الموضوع
قديم 08-15-2016, 02:11 AM   #1 (permalink)
~ نجوان ~
كبار الشخصيات - أميرة العطاء
سبحان الله و بحمده
 
الصورة الرمزية ~ نجوان ~
 

A 4 ايه الحل




بسم الله الرحمن الرحيم

مش عارفة يمكن مترددة بانى اكتب مشكلة خاصة بيا و محبتشى ادخل بالعضوية الخاصة بالقسم انا مش خايفة ولا متوترة من انى اعرض مشكلة لى او باسمى بقدر ما انى محتاجة اتعامل بوضوح و بصراحة اللى بحبهم اكتر ، التردد بس راجع لانى بكتب مشكلة بعد فترة طويلة بعدت فيها عن المنتدى

حسيت انى عايزة اشوف المنتدى وانا بتصفح بعض المواقع و المنتديات الاخرى و افتكرت مشكلتى

ندخل فى المشكلة

جواز تقليدى ، انسان مناسب جدا ، كان فوق الاختيارات اللى وضعتها و الشروط اللى اتمنى توافرها فى شريك الحياة ، بالمختصر عريس متوفر فيه الكثير من الايجابيات

طبعا كنت سعيدة جدا به رغم ان اخواته البنات عنده 4 و هو وحيد كانوا بيغيروا بشكل رهيب و كانوا بيضايقونى كتير و هو كل تفكيره اما اقوله على اللى بيحصل يقولى ( دى هيافة بنات ) ومش بيدخل

بقيت اتعامل فى اقل الحدود معاهم عشان اقلل الخلافات و ابعد نفسى عن الاحتكاكات

بدأ هو يكبر اوى فى الشغل بتاعه و يقضى فيه وقت طويل و يترك لى وقت كبير من الفراغ بعد وجود طفلين بدأت افكر بجدية فى العمل ، عمل مشروع لى يكون تجارى

بعد دراسة احوال السوق و عمل دراسة جدوى ، لاحظت ان شكى فيه مكنشى مجرد شك انا اتاكدت منه

غيور بشكل صعب انى اتقبله ، مش عايزنى اختلط باحد او اتعامل مع احد ، اما بدات افكر فى الشغل و بسال عن امور خاصة به لقيته بيقف بيراقب اى حد بيكلمنى سواء عامل او شاب فى الكلية او لسة متخرج انا اكبر منه اصلا و متزوجة و لدى اطفال و هو مش عارف يقدر كل دة بيفكر بس ان اللى بيكلمنى دة لازم حيضايقنى ، بيبقى عينى عليه و انا بسال على اى شئ و خايفة من غضبه و مش عارفة اتصرف ، الضغط عليا بقى كبير و المحاصرة بتزيد

مش فاهمة اصلا ليه كل خوفه او خنقته دى و كل اما اكلمه اقوله انت ايه اللى بيزعجك هل سلوكى هل انا عملت شئ خلاك تشك او تبقى غضبان ، بيقولى مفيش حاجة بس تقعدى فى البيت و طلباتك قوليلى عليها ، كلامه قليل و مش فاهمة حاجة

انا مخنوقة من انى مش عارفة اتصرف طول الوقت لو خرجنا ديما عينى عليه علشان اشوف لو انا غلطانة فى حاجة او هو زعل من حاجة

خلانى فى علاقتى به اعتمد عليه اعتماد كبير و انى معرفشى اروح او اجيب او اعمل الا اما اقوله ، فى الاول كنت مش فاهمة فبعمل اللى بيقوله و خلاص لكن مع الوقت بقى ( بيحاسبنى ) لو انا عملت شئ بدون الرجوع ليه

كان ديما بيشغلنى بامور حياتية عادية فى البيت علشان انسى موضوع انى استقل بنفسى عنه

اخر الخلافات ان بعد اتفاقى مع صاحب المحل للتعاقد بصعوبة بالغة اقنعته بانى عايزة يكون ليا مشروع ، بدأ تانى يتهرب و يعرض عليا فلوس كبيرة و هدايا علشان اتنازل عن الفكرة ( فكرة الشغل )

امس كنت بكلم شباب عايزين يشتغلوا فى المشروع وكنت قد قلت له انى بشوف الانسب للعمل فى المشروع لقيته فات عليا فى المكان اللى قلتله عليه و شافنى و انا بكلمهم و ظهرلى نفسه و اما جالى كنت انهيت كلامى مع العمال اضايق و قالى مش حتشتغلى تانى بعصبية شديدة جدا

بياخد باله من امور سطحية جدا يقعد يبص بغضب للناس و يبدأ ياخد مواقف منى و يقلل كلامه معايا و مش بيقول ليه اخد موقف

استحالة يكون غلطان مهما حاولت اقنعه هو شايف نفسه الوحيد اللى بيفكر صح و بيعمل الصح و انا لازم اسكت و اعرف ان كدة هو بيحمينى و بيخاف عليا

فكرته عن الزوجة انها تفضل فى المنزل تربى ابنائها و انها ضعيفة و محتاجة للحماية و انها تفضل مهتمية بنفسها ليه هو بس ، حتى لو قلتى له بهزار ان اهتمامك بنفسك لنفسك يتضايق و ياخد موقف

انا فى الاخر عايزة اقول بقيت مخنوقة جدا و كمان بخاف من اسلوبه ، هو مش بيضرب طبعا بس بينظر بنظرات حادة جدا و بيعاقبنى بانه بيمنع عنى مستلزمات ضرورية اكون محتاجها عشان اكلمه و اراضية و يعلمنى ان ابسط طلباتى مش حتتحقق الا من خلاله

انا عايزة اشتغل علشان اتحرر من الخنقة دى وهو رافض و بيوقفلى الموضوع ، و انا مصممة و هو كمان مصمم ( يا ترى ايه الحل )


~ نجوان ~ غير متصل   رد مع اقتباس
قديم 08-15-2016, 08:03 PM   #2 (permalink)
اصغر ملك
مـراقـب عـام - أمير المرح - مراقب مميز
سفير النوايا الحسنه
 
الصورة الرمزية اصغر ملك


.. اولا..اهلا بيكي مره تانية وكنت اتمنى تكون دخلتك..وانتي مرتاحة..
..انا اعرفك من زمان من خلال المنتدى...واعرف اخلاقك العالية..واسلوبك الجميل ..واعرف كمان انك..عندية..ولما تكوني عاوزه حاجة..بتصري عليها..طبعا كل ده من خلال مشاركاتك هنا..ومعرفش ان كان ده نفس اسلوبك وطريقة معاملتك مع اهل بيتك...
.. ارجع لمشكلتك...طبيعة المجتمع المصري خصوصا ان هناك فترة خطوبة..تطول بعض الاحيان..يكون الطرفين اخذوا وقت كافي بيدرسوا فيها طبائع بعض...معرفش..طول مدة الخطوبة معرفتيش انه غيور..من بعض المواقف معاك..؟؟
.. ومعرفتيش مثلا وانتي تتدردشي معاه..رأيه بعمل المرأة المتجوزه..او جسيتي نبضة في هذا الموضوع؟..الحاجتين دول هم اهم حاجتين بالموضوع كلة..او كل المشكلة...
..اذا ما كان هناك اتفاق شفهي بينك وبينة..على موضوع العمل..اذا احتجتي لذلك..حتى من باب قضاء الوقت وليس المال..يكون من حقة انه يرفض مادام مكفيكي..زي ما بتقولي..
.. من وجهة نظري ..هو مش رافض فكرة العمل..للعمل..لكن رافضها لانك هتختلطي بشباب وتحتكي بناس كتير..وهو واضح انه غيور..ومحبش كل شوية يقولك سيبي ده ومتروحيش لده..
..انا شايف كمان انك تتفقي معاه..على نقاط معينة..وتتدرجي معاه بالحلول الى ان تصلي معاه لحل وسط..فاذا كان كل مشكلتة اختلاطك بالشباب ..قولي له..هعمل مثل اكاونت..على الفيس او غيرة..واسوق اي شي ..بس علشان تشوفي ردة فعلة..فاذا شفتي معارضته..خفت..وقبل الفكرة..تشتغلي على الموضوع من هذي الناحية..وتحاولي تكيفي شغلك على هذا الاساس..الى ان تكبري شوي..بعدها هو بنسفة هيكون معاك..اهم شي يطمن اولا....
.. لكن ما انصحك بالمواجهة حاليا..ابدا..لانه هيكسب الجولة..
.. وخاصة اذا دخلتي اهلك او اهلة بالموضوع..الكل هيقولك..مادام يصرف عليك ومكفيكي مالك ومال البهدلة..وكلام كتير..نسمعة في مجتمعاتنا الشرقية..طبعا هو هتحجج بالعيال..وغيابك عنهم..اتمنى يكون كمان عندك رد مقنع له..
..وفي النهاية..اتمنى انك تطولي بالك للاخر..واذا كان كل المشكلة معاه بالشغل..ومفيش حاجة تانية بتتضايقي منها معاه..
.. وزي ماقلت واعيد..خديه عالناعم..وبلاش عناد..وكلميه ..بين وفترة والتانية..باوقات متباعدة..ودائما حسسيه..ان كلمته..هي اللي ماشية..وان جوزك..انا متاكد بعد فترة..هتلاقيه..هو اللي يسالك..على مشروعك او عملك...وربي يوفقك..ويهدي جوزك..
اصغر ملك غير متصل   رد مع اقتباس
قديم 08-15-2016, 10:00 PM   #3 (permalink)
Tatyana
مشرفة منتديات عالم حواء
تــراتيــــل مـخـمليـــه
 
الصورة الرمزية Tatyana
مسالورد ع الجميع

اهلين وسهلين باختنا الراقيه نجوان
بدايتا نورتي المنتدى ... وبخصوص موضوعك

برائي انو السيد زوجك كتير بيغار عليكي ( ويجوز فيه شويه حب التملك )

وانتي من حقك يكون عندك شغل مستقل وخاص فيكي بمجال انتي حاببتيه

وتقدري تبرعي وتبدعي فيه

بس حاولي تقنعي زوجك بدبلوماسيه
ماتفوتي معو باي مجادلات

ولحتى تتاكدي اذا هوى ضد انك تشتغلي بحجه عدم اختلاط مع الرجال؟!

ف هون اقترحيه عليه ... انك بدك تشتغلي بمجال نسائي

متل الكوافير او البوتيك او محل ديزاين فاشن !!

وشوفي شو ردة فعلو !!

اذا هلمرة وافق ،،، معناتو انو مش رافض مبدء عملك
وانما رافض شغلك بالمجال المختلط
( من باب خوفو وحرصو عليكي )

اما اذا اصر ع الرفض حتا بمجال نسائي ،،، ف هون بقا للاسف بيبرهن انو شخص شكاك وعندو حب تملك قوي !!

وربنا يوفقك اختي ويسهل امورك

ونشالله تلاقي الموافقه والدعم من زوجك ....
Tatyana غير متصل   رد مع اقتباس
قديم 08-16-2016, 02:15 AM   #4 (permalink)
نسمة بيلسان
أمير الرومانسية
.........................
 
الصورة الرمزية نسمة بيلسان
اهلا بك اختي

اتفق مع ما جاء في رد تاتيانا والفكرة التي طرحتها وانصحك اهم شئ الديبلوماسية في التعامل مع زوجك حاولي تفاهمي معه على حل وسط ودائما خلي مصلحة البيت ومصلحة ابنائك فوق كل اعتبار طبعا من حقك ان يكون عندك شغل خاص بك ولكن حاولي تاخدي بعين الاعتبار كل الاطراف وبالتوفيق ليك ان شاء الله .
نسمة بيلسان غير متصل   رد مع اقتباس
قديم 08-16-2016, 03:40 AM   #5 (permalink)
~ نجوان ~
كبار الشخصيات - أميرة العطاء
سبحان الله و بحمده
 
الصورة الرمزية ~ نجوان ~
 
مساء الفل على عيونكم جميعا

انا متضايقة خالص دلوقتى مش عارفة حجمع الكلام ازاى

انا بعد اما كتبت الموضوع هنا و قفلت و نمت الصبح اتكلمت معاة لانى حسيت انى اما فرغت الضيق فى الكتابة ارتحت و حبيت اننا نتفاهم فصحيتو علشان نتكلم و حاولت بدبلوماسية زى مبتقولوا انى اخلية يرضى و يوافق و قالى حروح المكتب و خلاص اساعدك فى اللى انتى عيزاة ، رجع رافض للفكرة تانى و انه كلم المحامى اللى حيعمل العقد و قالوا ان فيه مخاطرة و كلام ورغى ...... ، قلتله مش احنا اتفقنا قالى دة اللى عندى

بعدها بشوية رجع اتكلم و حاول يوضح فكرته ، قالى انتى معندكيش خبرة مع الناس و لو عايزة تبدأى مشروع خليكى فى البيت و ان حق من حقوقه الاساسية انه يخاف عليا و يخلينى اكون ديما فى البيت ، بيقولى بحافظ عليكى ، كلام مستفز من دة كتير

انا عارفة كويس انه بيبقى سعيد كاى راجل شرقى اما بيبقى قافل على مراته و اما يتصل بيها يلاقيها فى البيت و اما يرجع يلاقيها قاعدة منتظراة علشان تكلمه ، كل دة بيخلينى اعند و اصمم ( افتكرت كلام اصغر ملك اما بيقولى انى عنيدة ههههه)

انا مش عايزة يكون فيه خلاف ولا بحب النكد فى البيت بس الاسلوب دة مش حلو ابدا

وعشان ارد على كلامكم ححاول الخص الاستفسارات و التعليقات فى كلامى

فترة الخطوبة مكنتش اعرف انه كان بيغير اوى بالشكل دة لان الغيرة بترجمها وقتها انها حب و خوف ، اما بيرفض انى اضع كحل او يعلق على لبس ليا كان بيقولها بطريقة فيها رقة و غير مباشرة يعنى مثلا بلاش اللبس الفلانى عشان ملفت او كلام من دة فكنت مش بتعمق اوى فى التفكير و باخد بكلامه

هو قليل الكلام جدا يعنى ممكن انا اقعد اتكلم وهو يرد بجملة و بعدين طول الوقت يقولى اختصرى و انا بحب اتكلم ( منتهى الرخامة هههه)

ممكن يكون طبعا بيحب التملك و دى صفة مصاحبة للغيرة الشديدة و يمكن انى علشان مش بحب النكد او مكنشى عندى الخبرة الكافية لانى افكر كتير فى انى احلله و كنت بوافقه فى كل الامور دة خلانى سلبية ، مش عارفة احكم بدقة يمكن انا اقدر احلل مواقف الناس و اكتبلهم ردود على مشاكلهم لكن فى مشكلة ليا ممكن مفكرشى بعقلى بنفس الشكل

انا عايزة افهمه انى محتاجة اتعامل مع الناس و ان هو يساندنى ميبقاش خشن معايا كدة عمتا ححاول انى معمقشى الخلاف مع انى مخنوقة و متنرفزة جدا من اسلوبه و طريقته

حبيت بس افضفض شوية و متشكرة اوى انكم اشتراكتم فى الحوار
~ نجوان ~ غير متصل   رد مع اقتباس
قديم 08-16-2016, 05:01 PM   #6 (permalink)
...Tell him
مراقبة عامة - أميرة المنتدى - مراقبة متميزة - الاول في مسابقة الجمال والاناقة - كاتب مبدع للقصة القصيرة
اللهمَّ لك الحمد حتى ترضى
 
الصورة الرمزية ...Tell him


السلام عليكم ورحمة الله وبركاته


مساء الخير نجوان،

كثير من الفتيات في فترة التعارف و الخطبة يفرحون بغيرة الرجل و تحكمه فيهم ، و يظنون أن هذا حب.
و هذا أكبر خطأ تقع فيه الفتيات.

أكيد الغيرة جميلة لكن لما تنقلب لتحكم و تسلط و محاصرة و ممنوعات.
هنا يجب الإنتباه و تشغيل الدماغ بدل من العواطف.
الإنسان يتزوج ليرتاح و يعيش ليس ليحاصر و يعاقب.


الآن ما حصل قد حصل . لقد تزوجتي.
زوجك عنده النزعة التحكمية مفرطة.
خائف جدا من استقلاليتك.

اقتباس:
يعرض عليا فلوس كبيرة و هدايا علشان اتنازل عن الفكرة ( فكرة الشغل )
مستعد يشتري اتكاليتك بالمال لكي يظل هو في مصدر القوة.




اقتباس:
* غيور بشكل صعب انى اتقبله ،
* مش عايزنى اختلط باحد او اتعامل مع احد ،
* بيقف بيراقب اى حد بيكلمنى
* الضغط عليا بقى كبير و المحاصرة بتزيد
* بيقولى تقعدى فى البيت
* خلانى اعتمد عليه اعتماد كبير و انى معرفشى اروح او اجيب او اعمل الا اما اقوله ،
* بقى ( بيحاسبنى ) لو انا عملت شئ بدون الرجوع ليه
* ديما بيشغلنى بامور حياتية عادية فى البيت علشان انسى موضوع انى استقل بنفسى عنه
زوجك يتعامل معك بأسلوب التلاعب التحكمي النفسي.







اقتباس:
* خايفة من غضبه و مش عارفة اتصرف ،
* قالى مش حتشتغلى بعصبية شديدة جدا
* بخاف من اسلوبه ،
* بينظر بنظرات حادة جدا
فهو يتبع معك سياسة الترهيب لتظلين دائما خائفة مرعوبة منه ,تتمنين فقط رضاه. بذلك يضمن تبعيتك .
و تظلين مشغولة فقط في التفكير في إرضاءه.







اقتباس:
* بيعاقبنى بانه بيمنع عنى مستلزمات ضرورية اكون محتاجها عشان اكلمه و اراضية.
يتعامل معك بأسلوب الإبتزاز و العقاب.







اقتباس:
* خلانى اعتمد عليه اعتماد كبير و انى معرفشى اروح او اجيب او اعمل الا اما اقوله ،
* استحالة يكون غلطان مهما حاولت اقنعه
* شايف نفسه الوحيد اللى بيفكر صح و بيعمل الصح
* انا لازم اسكت
* فكرته عن الزوجة انها ضعيفة و انها تفضل مهتمية بنفسها ليه هو بس
* يعلمنى ان ابسط طلباتى مش حتتحقق الا من خلاله
ممكن جدا يكون زوجك نرجيسي.



.
.

زوجك للأسف يفتقد للثقة الكاملة بنفسه و يعوضها باستعراض التحكم و السيطرة .
ليظهر بمظهر القوي اللذي لا ينقصه شيء.

كذلك احتمال كبير أنه لديه شك داخل نفسه أنه مثلا ينقصه شيء معين و أنه يمكن لا تحبينه و أنك لستِ معجبة كليا به كرجل.
لذلك يخاف أن تلتقي برجل أخر يلفت إنتباهك . و هذا يمكن يفسر إصراره أن لا تقابلي أحد غيره.







اقتباس:
قالى حروح المكتب و خلاص اساعدك فى اللى انتى عيزاة ، رجع رافض للفكرة تانى قلتله مش احنا اتفقنا قالى دة اللى عندى

كونه يعطيك الموافقة قبل الذهاب لعمله و عندما يرجع ينقلب و يرفض.
إذن هناك أشياء تدور في دماغه .
يمكن لأنه يشتغل مع سيدات و فتيات و يرى أن الإعجاب سهل يتولد بين زملاء العمل سواء من طرفه أو طرفهم.
فيتخوف أن يحصل معك نفس الشيء.
فيقرر أن يرفض .







اقتباس:
بياخد باله من امور سطحية جدا
يقعد يبص بغضب للناس
يقلل كلامه معايا
كلامه قليل و مش فاهمة حاجة
هو قليل الكلام جدا
يمكن يكون عنده أحد أنواع التوحد. لذلك لا يطيق التغيير في أسلوب حياته.
لازم الأسلوب يبقى هو هو يوميا.
لذلك فهو يرى مسألة خروجك للعمل ضربة قاضية لأسلوب حياته اللذي تعود عليه.

.
.

في نظري،

ملحوظة:
وجهة نظري هذه اللتي سأعطيها مبنية على معطيات متعلقة بظروف المجتمع اللذي تعيشين فيه
و ليس لها علاقة برأيي الشخصي إطلاقا.


سأحاول أن أعطيك بعض النقط يمكن تساعدك في حالتك.


اشتغلي و كثفي من إظهار حبك و حنانك له لكي يحس بأن مشروعك لن يبعدك عنه.
و بيني له أنه الكل في الكل و أنه و لا رجل ثاني ممكن يملئ قلبك غيره.
لو أحس أنه لا زال مهم عندك و أنه الحاكم الناهي رغم اهتمامك بمشروعك سيلين حتما .


اتفقي معه على أنك تبتدئي المشروع و يكون هو مستشارك الأول.
ناقشيه في دراسة الجدول و خذي رأيه في كل حيتيات المشروع .

و اتفقي معه على حل وسط:
أنه يعطيك مهلة مثلا 6 شهور لو حصل تقصير من ناحيتك ,لديه الحق أن يطلب منك التوقف.

هذه فقط حيلة منك تجعله يحس أن القرار الأخير له هو كونه يعشق التحكم.
لكن الهذف الأساسي أن تبتدئي في مشروعك و تحققي ما تريدينه.
و تخرجي شيئا فشيئا من قبضة سلطته. الأمر لازم يجي تدريجيا.

هي فقط الخطوة الأولى صعبة عليه: خطوة أنه يفتح لك الباب لتتنفسي ,
و يطلق الحبل اللذي يمسكه بقوة شيئا ما .
استمري في محاولتك.

مادام أنه يقبل ثم يرفض إذن هناك أمل كبير أنه يقبل.
لأنه لم يرفض نهائيا.

فهو الآن يختبر مدى أهميته عندك.
لو أهملتيه و أخذتي موقف سيرفض نهائيا لأنه سيفهم أن المشروع في المرتبة 1.
لذلك اشتغلي على العكس.
لو تأكد له أنه الكل في الكل و أن مشروعك في المرتبة الثانية سيوافق.


الله يعينك على التعايش مع شخصية زوجك .
و يرزقك الصبر و السكينة.

موفقة

التعديل الأخير تم بواسطة ...Tell him ; 08-16-2016 الساعة 05:10 PM
...Tell him غير متصل   رد مع اقتباس
قديم 08-16-2016, 09:43 PM   #7 (permalink)
~ نجوان ~
كبار الشخصيات - أميرة العطاء
سبحان الله و بحمده
 
الصورة الرمزية ~ نجوان ~
 
يسعدلى مساكى امينة

متستغربيش انا دخلت موضوع تقريبا فى القهوة واخدت بالى

حقولك حاجة توضحلك اكتر تصرفاته و تفكيره عشان غالبا قلبى وجعنى شوية عليه هههههه

بصى هو ضابط شرطة و كان معاة ماجستير اما ارتبطنا وبعد الجواز قدم على الدكتوراة واخدها ، دراسته فى كلية الحقوق اللى انا متخرجة منها مكنشى بيداكر كتير بس تفوق فيها رغم صعوبة مهنته والمدة اللى بيقضيها فيها

كان من فترة سنتين بيشتغل فى مباحث الانترنت ، طبعا هو قليل الكلام عن مهتنه بس اوقات يقولى انا انهاردة جالى فلان او فلانة ( حد مشهور سواء فنان او سياسى او مديعة او غيرهم )

كان بيقولى تتخيلى فلان اللى الناس فكراة ايه طلع شاد و فلانة اللى مش عارفة ايه بتخون جوزها و كلام و اشخاص صعب انك تتوقعى فيهم الكلام دة

عمله وقتها كان عبارة عن اى تهديدات بتيجى لاى حد عن طريق الانترنت او ابتزاز عاطفى او مالى بيجيبوا الشخص وحتى لو كان فين او حتى لو فرمت الجهاز بيعرفوا يجيبوا كل اللى كان عليه ، كان بيقعد يقولى اغلبية اللى بتشوفيهم محترمين و اغلبية الستات اما بيعملوا علاقات او بيعرضوا نفسهم علينا ، اى واحدة بتفتكر اما الضابط بيروح يعمل كمين لواحد كان بيخدعها و يضربه و يجره على البوكس انه بيعمل دة عشانها مش عشان مهنته

كان بيقولى مفيش ستات دلوقتى نضيفة انا بشوف بعينى و سهل جدا الواحد يعمل علاقة ، على العكس عارف انى من سماتى انى مش بعرف غير اخاف على نفسى و فى حالى و بتكسف معنديش روح الاندفاع المطلق ولا من النوع الجامح و متعملتش مع الناس كتير وعندى نية صافية ، فكرته عنى انى علشان انا مختلفة عن النوعية اللى شافها فهو يمكن خايف اتغير او مش عارفة بيحمنى بزيادة ليه

طبيعة عمله او يمكن سمات شخصيته بتحب السيطرة و التحكم و قليل الكلام بيبقى مركز فى كلامى و يلقط انا عايزة اقول ايه و هو بيعمل حاجة تانية و يوقف كلامى و يقولى اللى كنت عايزة احكية بيقوله فى كلمتين كملخص علشان ينتهى

اللى بيعجبنى فيه انه بيصلى و يصوم و ليه تقوس كدة بيقعد يقرأ ورد يومى و يسبح كتير و اما بنروح لاى مكان مش بيستخدم سلطته ولا بيعرف حد عنه اى شئ بيتعامل كانه موظف حكومى عادى جدا مع ان غيره بيبانوا بس من مشيتهم

انا عارفة كلامك طبعا انى لو عندت معاة هو اللى حيرغمنى على اللى عايزه بس هو بيدفعنى للتصادم و العند ، و عارفة ان باللين حقدر اقنعه ، انا ححاول اعمل دة عشان مضيعشى امور حلوة موجودة

تسلميلى و الف شكر





~ نجوان ~ غير متصل   رد مع اقتباس
قديم 08-16-2016, 10:59 PM   #8 (permalink)
...Tell him
مراقبة عامة - أميرة المنتدى - مراقبة متميزة - الاول في مسابقة الجمال والاناقة - كاتب مبدع للقصة القصيرة
اللهمَّ لك الحمد حتى ترضى
 
الصورة الرمزية ...Tell him

أهلا نجوان,

كنتِ قلتي من الأول زوجك ضابط في الشرطة.

صعب جدا العناد مع عقلية من يشتغل في الأمن. أعرف هذا جيد جدا جدا .

كل اللي يشتغل في الأمن يصبح أسلوبه للأسف ناشف مع الوقت.
طبيعة العمل تؤثر عليهم.

و يظننون أنهم يعرفون الصح أكثر من أي أحد لذلك لا يسمعون إلا آرائهم.

كذلك إحساسهم العالي بالمسؤولية يدفعهم لحماية ذويهم بطريقة مبالغ فيها .
كل شغلهم أوامر .

طبيعة شغل زوجك تجعله في توتر دائم و يقظة.
يشك في أي شيء و أي أحد.

إنسي العناد و الإصطدام معه نهائيا.
لن تستفيذي منه شيء.

زوجك يحتاج للراحة و الهدوء في البيت.
يظن لو اشتغلتِ ستنشغلين عنه .
هو يريدك كما أنتِ زوجته اللتي تزوجها قبل سنوات.
هذا يشعره بنوع من الراحة لا يريد افتقادها.


أهم شيء أنك ذكرتي محاسن زوجك رغم خنقتك.
هذا شيء إيجابي .

لا أعتقد أن زوجك سيوافق أن تشتغلي . لكن حاولي.


موفقة




اقتباس:
متستغربيش انا دخلت موضوع تقريبا فى القهوة واخدت بالى
لم أفهم قصدك. ممكن توضحي لي؟

التعديل الأخير تم بواسطة ...Tell him ; 08-19-2016 الساعة 09:54 AM سبب آخر: تم حذف بعض المعلومات الشخصية ( التوضيحية ) المشابهة لحالتها بعدما تم التأكد من قراءة صاحبة الموضوع لها و فهمها.
...Tell him غير متصل   رد مع اقتباس
قديم 08-17-2016, 11:57 PM   #9 (permalink)
~ نجوان ~
كبار الشخصيات - أميرة العطاء
سبحان الله و بحمده
 
الصورة الرمزية ~ نجوان ~
 
انا ممكن اكون عنيدة بعض الاوقات و ممكن اكون جارحة او عصبية احيانا اخرى بس مش مع اللى ليهم معزة بقلبى ،

ايوة زعلانة و مش مرتاحة بس مش عايزة اصطدم معه و اكون ند ليه ( يا كلمتى او يا كلمته ) ، مش حستفيد شئ

فكرت امس و انا بعض الشئ هادية و توصلت االى انى متسرعشى و انى أأجل الفكرة لبعض الوقت وفى اوقات اخرى قد يكون لى كلام معه بطريقة اهدى

دة الحل اللى عندى الان

الجملة اللى ما فهمتيها من كلامى كنت اقصد بها انى ناديتك باسمك لانى دخلت القهوة و قرات موضوع هناك ما و رايت البعض يناديكى باسمك

امينة انا متشكرة اوى كلامك و كلام بقية الاعضاء خلانى افكر ببعض الهدوء
~ نجوان ~ غير متصل   رد مع اقتباس
قديم 08-18-2016, 02:48 PM   #10 (permalink)
فيرتيجو
مشرف منتدى الرجل العصري و الجسور والنكت
الدنيا كلها شبابيك
 
الصورة الرمزية فيرتيجو
اهلا اخت نجوان....
صراحه بعد ماعرفت انو ضابط شرطه الفكره اتغيرت بالنسبالى ....
لسبب ان ظباط الشرطه من يعد الثانويه لكليه الشرطه وهو تقريبا بينعزل عن الناس وبيبقى كل تفكيرو منصب فى شغلو والتربيه العسكريه بتكون صارمه بعض الشى لانو بيتعلم تطبيق القانون ولا يأخذ بالعواطف..
حضرتك قولتى انو اشتغل فتره فى (مباحث الانترنيت ) وخطى تحت الوظيفه دى مليون خط لانو تعامل مع اشكال وشاف بلاوى فمن الضرورى والطبيعى انو يكون بيغير عليكى او بالاحرى خايف عليكى لان اللى بيشوفو محدش بيشوفو غيرهم وبيشوف استغفر الله العظيم بلاوى فبيشوف انك غير مؤهله انك تتعاملى مع الناس لان بطبيعه شغلو يوميا بيتعامل مع مجرمين فخايف عليكى يمكن انتى بتفسرى انها غيره زياده ولا تطاق ولكن هو بيصلى وعارف ربنا وكمان عمرو مجرحك ولا مد ايدو عليكى يعنى حافظك وصاينك ...
طبيعه شغلوا يا اختى مخلياه كده هذا ليس دفاع عنو ولكن انا بتكلم عن حاله واحده .
صح استنى وكل شئ راح يبقى تمام بس بالهدوء ولا تعندى اختى العند بطبيعتو بيجيب نتيجه عكسيه للطرفين ...
وكمان عشان خاطر ولادك اللى حياتهم ومستقبلهم المفروض اننا نفكر فيهم اكتر ما بنفكر فنفسنا ...
هذا من رأيي الشخصى الذى لاقيمه له على الاطلاق ليس حب تملك ولا شك هو خايف عليكى وعلى ولادو...
ربنا يسعدكم يارب ان شاء الله
...Tell him likes this.
فيرتيجو غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اكتشف شخصيتك هل انت خفيف الدم ام ثقيل الدم؟ mirihan قهوة عالم الرومانسية 33 11-07-2015 11:30 PM
تقنية فحص الدم الشامل - فحص الدم و كيفيته - Complete Blood Count, CBC دموع الملائكة الصحة والطب البديل | حميات غذائية 1 11-17-2010 01:13 AM
هل انت خفيف الدم ام ثقيل الدم؟؟جاوب حتى تعرف بحبك دوما أشدو قهوة عالم الرومانسية 78 07-01-2009 03:27 AM

الساعة الآن 06:54 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103