تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات ادبيه وفكريه وثقافيه > خواطر , عذب الكلام والخواطر > خواطر منقوله

خواطر منقوله خواطر منقولة وليست من أنامل من نشرها

لحظة شهيق

Like Tree2Likes
  • 1 Post By hamadgbosh
  • 1 Post By بنت مصر1

إضافة رد
 
أدوات الموضوع انواع عرض الموضوع
قديم 07-14-2014, 10:12 PM   #1 (permalink)
hamadgbosh
أمير الرومانسية
المليونير @ المتشرد
 
الصورة الرمزية hamadgbosh
 

ADS
لحظة شهيق




:
لحظة شهيق
إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..
****
ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقه غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي وراصد ..
في اللاوعي سكون مواعيد ..
صحوة ... وحلمه... ولونه ..
وشاري يقينك في زندي ...
وسارق لحظة إني أفكر ..
المارق منك ... مارق منك ..
أو مت شهيد ...
****
ما تتضاري ورى الدعوات ... وما تتلبسي فرح الفات
يسكن فيك النغم الزايف ... ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..
****
قال الجدول :
طلوع النخلة مرور الريح واحد
لاكين الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..
****
قالت غيمة )غيمة لئيمة( :
أولاد الشارع فهرس لي كل المدن ..
التهرس جوفك بالأسمنت ..
قالت ريح :
شوف الناس قنديل ..
لو ما نور يحرق كوخ ... وباقي الحلة تنور ..
أو جبة جوخ أو ينزل بوخ ... يقول للنسمة الزايفة أقيفي ..
لو تتفرد ريح ... تتشرد ريح ... ريح الخوف ... لو تتفرد ريح
تبدأ تفرتق ضفائر المدن الكاذبة ... تعيد تسريحتك ..
*****
يوم سمايتك شكل قامتك ..
كيف تموتي وتحي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضو ..
يجرح جلد العتمة ..
لما الليل قربان فجرك ..
*****
يا بت يا نيل ... يا بت يا نيل ..
لو نامت قمحة على الأبيض ... تتشرد زيه ..
وزاد الأبيض في غية ..
ومدد رجلة اليسرى ..
ما كان الكسرة جاتك من بره .... صفرا ومنكسرة
****
زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...
****
قال الأبيض للأزرق :
يبقى ضد الانتباه ..
وضد تواريخ التمازج ..
بيني بينك ..
وده البشوفك في مراهقة الخرائط ..
وفينا من وجع المسافرين ..
واطه مالاقت هوية ..
*****
رد الأزرق :
مطر الحبش لو كان نبش ... جواك سقف
وهد حيلك في الدواخل ... وشد عصبك في المداخل
صوت مراكبي ويد بتسأل في القمح ..
وفينا من فرح المسافرين ..
قصة الشمس القضية ..
*****
يا أعشاب النيل الأبيض ..
ماتتضاري ورى الدعوات ..
أقرا تاريخك ... أخاف ..
أقرا تاريخي … أخاف ..
أسأل جبين الفجر ...
ألقى الفجر مطعون في القفا ..
هل سافرت في دمعك المحقون جفا ..
حبة غضب ..
ما شلنا جمرك وإنطفا ..
جوانا نارك والمطر ..
جايين بالكتابة ..
وضربة الناس المهابة ..
لو هز نخلك باشبزق ..
ما فارق التمر السبيط ..
وما سارو الطورية شك ..
إنو الأرض أنثي ... وبتحمل بالحلال
مين القال إنو المسافة ..
البينا بين الشمس طاقة ..
أو مياه النيل بتدخل ..
في عروق السنبلة ..
المسقية بي عرق ..
الجعانين والمساهرين بالبطاقة ..
****
أقرى تاريخي وأقيف ..
أقرا تاريخك وأقيف ..
جواك والزمن النضيف ..
جواي من جواك غضب ..
سلم مفاتيح السؤال ..
جيل الشمس موكب حريق ..
واقف على باب الدخول ..
بيناتو بينات الوصول ...
لحظة شهيق ... لحظة شهيق
‏: : : : : : : : : : : : : : : : :
اشعار عاطف خيري
‏_‏ _ _ _ _ _ _ _ _ _ _ _ :
التوقيع:
ودالجان


بنت مصر1 likes this.

hamadgbosh غير متصل   رد مع اقتباس
قديم 07-16-2014, 03:11 PM   #2 (permalink)
بنت مصر1
مشرف متميز سابقاً
فارسة من زمن الحلم الجميل
 
الصورة الرمزية بنت مصر1
حمد
راقنى مانقلته لنا
رائع اختيارك الراقى
كن بخير
hamadgbosh likes this.
بنت مصر1 غير متصل   رد مع اقتباس
قديم 07-17-2014, 04:05 AM   #3 (permalink)
hamadgbosh
أمير الرومانسية
المليونير @ المتشرد
 
الصورة الرمزية hamadgbosh
 
شكرا لمرورك الطيب الذي انعش صفحتي

ودالجان
hamadgbosh غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
وداعك لي هو آخر شهيق لقلبي جاأأأأوي منتدى يوتيوب - يو توب YouTube 0 05-14-2012 05:50 PM
لحظة ماقبل السقوط - لحظة الإنقاذ دموع الملائكة تطوير الذات - غير حياتك إلى الأفضل 6 07-07-2010 01:18 PM
لحظة خلــــــــ^_^ـــــــــلف لحظة فتى الخليج خواطر , عذب الكلام والخواطر 8 05-30-2007 11:53 AM
لحظة ماكلمته .. لحظة مآطاوعته ©~®§][©][الغــ.ــ.ــلا][©][§®~© تصاميم فوتوشوب , تصاميم فلاش , صور للتصاميم 20 11-19-2006 12:34 AM

الساعة الآن 08:45 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103