تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصة حقيقية مستشفى عرقة المسكون بالجن بالرياض

إضافة رد
 
أدوات الموضوع انواع عرض الموضوع
قديم 04-27-2014, 07:19 PM   #1 (permalink)
mohamadamin
رومانسي شاعري
 

ADS
قصة حقيقية مستشفى عرقة المسكون بالجن بالرياض





بسم الله الرحمن الرحيم

السلام عليكم ورحمة الله وبركاته




قصة شباب قاموا بزيارة لمستشفى عرقة المهجور



من باب الأثارة و والفضول بعد ان سمعوا عن قصة الجن بداخل المستشفى !!


اترككم مع احداث القصة على لسان احد الشباب ذكرها و تناقلتها بعض المواقع:






يقول الشاب :

سمعنا ان فيه مستشفى في عرقه مهجور ويقولون العيال انه مهجور من حرب الخليج جوه اخواننا الكويتين وجلسو فيه وبعدها معد احد دخله
ويقولون فيه جن انا بس سمعت جن قلت له جاينه جاينه


مالكم بالطويله قلنا طيب تدله قال ايه قلنا خلاص تمام بكره نبي نروح له العصريه قالو الشباب تم
المهم على كلامنا تجمعنا العصريه ورحنا له
المستشفى كبير وفيه سكن اكبر منه مافيه ومهجور
من برى شكله احسن من مستشفى الشميسي
المهم قعدنا نحوس عليه من برى طبعا بالسياره مالقينا مدخل له
المهم قرنا ان احنا نقز فوق السور طبعاً السور شوي عالي ومافيه صعوبه
لبقت السياره ونزلنا العيال في البدايه مسوين احنا ال محنب خايفين من احد لكن من دخلنا ضاعت علومهم
المهم نقزنا وضبطنا امورنا جينا ل باب مكسور نصه دخلنا معه
والمكان من داخل مغبر عليه اكوام تراب
المهم دخلنا والله بدا الظلام يجي طبعا مو الوقت لا المكان مظلم وموحش
دخلنا وكل واحد فاتح جواله وينور به طريقه
المهم قعدنا نحوس ونفرفر يمنتن ويسره طبعا هالحتسي كله بالدور الاول
المهم دخلنا الكافيتيريا وكان فيه درايش ومنور المكان
المصيبه اننا لقينا جريده الرياضيه محطوطه على وحده من من الطاولات ومفتوحه قرينا التاريخ لقيناه مايتعدى الثلاث اشهر
المهم سمعنا صوت قوي في الدور الثاني العيال خافو وكل واحد صفقته ام الركب
وماتشوفون الا نعال تتطاير في السماء من النحشه
المهم طلعنا واحنا نشاهق من الخوف
ويوم طلعنا قابنا سيكورتي قال لنا : وش جابكم هنا بهالوقت .؟؟
قلنا لا والله بس واحد من العيال يقول ان هنا جن وحبينا نشوف قال اها
روحو ولعد اشوفكم هنا مرتن ثانيه قلنا ايه طيب


بس الي لاحظنا عليه اننا نذب ذبات نبي نلطف الجو هو مايضحك ولا يغير نظراته
المهم طلعنا وتونا جاين بنركب السياره جت ورانا كامري شرطه سريه قال كل واحد اثباته عطيناه اثباتاتنا
قال وش جايبكم قدام هالمستشفى قلنا له الي قلناه للسيكورت
قلنا له بس السيكورتي واحنا داخلين ما قال لنا شي
قال اي سيكورتي .؟
قلنا السيكورتي الي هنا
قال والله مافيه سيكورتي هنا من 9 سنين
احنا تغيرت وجيهنا
اجل وشذا اللي كلمنا !!


وركبنا السياره ومشينا
قلت لهم داخله داخله الله لايعوق بشر بس مهوب معكم يا الزلايب <<< طالعن منها الاخو
الا ان كان بتجون معي قالو تمام بس نبي نصير مجموعه مو تسذا ملحطين


الجزء الثاني
والعودة مرة أخرى إلى المستشفى



المهم جينا مره ثانيه وكان عددنا حول ال 18 شخص <<<<< جمعنا كل الي نعرفهم
معنا كشافات عشان الليل ..
المهم وصلنا للمستشفى الساعه 2 ونص الليل <<< يقالك بنخربها
رحنا للموقع نفسه الي كنا فيه امس لقينا البوابه الي كانت مسكره صارت مفتوحه قلنا زين محنب ناقزين ولا شي ج< هذا الي هامكم يا مال الي منيب قايل
ورحنا للبا نفسه لقينا الباب كله مكسور امس كان نصه لا الحين كله مكسور
وقايلين العيال ان الدور الارضي والاول مافيه شي يخوف يقولون الادوار الي بعدها وثلاجه الموتى هي الي عليها الكلام
المهم واحد من الي جبناهم قد مره داخل المستشفى وشوي يعرف الي فيه
قلنا له وين ثلاجه الموتى
بقول لكم الوصف اول ما تدخل تمشي سيده بعدها تروح يسار تسيد شوي تروح يمين تجيك الثلاجه ب وجهك <<< ومن قالك انهم بيدخلونه
المهم ماعلينا
رحنا ل ثلاجه الموتى
والله على ما اقوله شهيد فيه دريشه على الباب طليت انا واحد من اخوياي لقينا منور شوي وفيه ظل على الجدار ناس يمشون كثيرين وربي كثيرين
انا وخوي ماصفقتنا ام الركب الا صفقتنا ام النخاع الشوكي المهم قلت للعيال قالو خلاص بنروح وبنشوف وش شفتو
راحو وشافو ومالقو شي بس نور ابيض المهم قالو الله يقلعكم هبلوتنا واخر شي مافيه احد


قالو خلاص بنرقى للدور الي بعده قلنا لا محنب جاين بنجلس هنا قالو طيب بكيفكم

قلنا هاه لا خلاص بنجي بنجي ماينمزح معكم انتو قالو خلاص طيب امشو ولا يكثر وجلست اتحلطم <<< يقالك معصب <<< يا حبني لي اذا عصبت
المهم رقينا للدور الي بعده ومالقينا فيه شي يجذب او يخوف
ورقينا الدور الثالث قالو الشباب احس ان شكلنا غلط خلنا نروح نرقى للدور الي بعده واذا لقينا شي شيات عطنياكم رنه <<< على طريقه الافلام يقالك
قلنا اوكي المهم فتشنا كل شي ما لقينا شي المهم رحنا للدور الرابع والخامس والسادس كلها مافيها نور ومافيه شي
المهم وصلنا للدور السابع لقينا الباب حقه مقفول بس واضح ان لو تهف الباب طاح


المهم وجينا بنوخره طاح وانكسر والله الدور منور كلله شي غريب وفيه اثار رجول كأنها من شوي ماره المهم رحنا ودخلنا غرفه العمليات و ورب الي خلقكم اننا لقينا شاهي يطلع منه بخار يعني توهم مسوينه
احنا طارت عيوننا
جلسنا ننادي يمكن يصير فيه احد ولاش
قلنا يمكن نصير متوهمين درنا في هالدور كله المهم ثنين من اخويانا قالو والله انكم موسوسين احنا بنرقى الدور الي بعده وانتو دورو يا سبايك
المهم هم رقو واحنا قاعدين ندور
ما وعينا الا نسمع صراخ اخويانا الثنين
وركضنا للدرج بنشوف وش فيهم شطفونا داعسين نازلين ل تحت والله وكلنا نلحقهم واحد من العيال يقراء ايه الكرسي
قعدنا نلحقهم طولنا واحنا نركض وراهم الين طلعنا
واحنا موب تعبانين الا متقطعين من التعب المهم وقفناهم قلنا وش فيكم يا مال الوجع خرعتونا واحد منهم طاقته ام الركب وساكت ما يتكلم رحنا للثاني قلنا وش فيك يالله بل يالله تكلم
المهم قال والله وبالله واقسم بالله اني صادق على كل كلمه اقولها قلنا عارفين بس قل
قال واحنا تونا داخلين الدور الثامن كان مظلم المهم وتعمقنا شوي بالدور فجاه دخلنا غرفه فيها ثلاثه ماشفنا الاظلال او لابسين شين اسود بس والله مافهمنا عليه من كلامه قاعد يتأتئ <<<< حاولو تقرونها
المهم يقول ركضو وسحبو يد خوي الي الحين ما يتكلم انا مسكت به وبعد جهد جهيد فكيته منهم وصلنا للدرج وقمنا نصارخ وعاد بعدها شفتونا
المهم قالو واحد من العيال يمكن انهم حراميه ولا شي ويوم شافوهم قمطو قلنا خلاص نجي كلنا ونشوف قالو الثنين والله مانروح لو على قص رقبتنا
وثلاثه بعد قالو كذا وركبو السياره
احنا رقينا للدور الثامن وتونا واصلين له الا والله العظيم تطلعنا ثلاثه قطاوه سود وتشطفنا رايحتن للسطح واحنا والله جلسنا يمكن ربع دقيقه طاقتنا ام الركب فيها
بعدها ما تشوف الا قوه ركض صرنا ما شاء الله غزلان المهم طلعنا وشفنا الدور الثامن يولع ويطفي قلنا لا ما بدهاش ارفع ثوبك يا ولد <<< تسذب كان لابس جينز وتيشيرت
ونفرك ذيك الفركه الي مابعدها
ولاعد عتبنا عليه مره ثانيه
بس الشي الغريب ان فيه اجهزه جديده مرره بكراتينها
وبعد ماسويت بحث يقولون انه انه مبني من عام 1400 في عهد الملك خالد الله يرحمه
وصدق خوي انهم جو فيه الكويتين ومن بعدها انهجر المستشفى
بس والله شي يقهر اجهزه من اعلى المستويات << متعوب عليها
واشياء من جد سابقه عصرها
وان شاء الله الصور تثبت كلامي

قصة حقيقية مستشفى عرقة المسكون بالجن بالرياض

قصة حقيقية مستشفى عرقة المسكون بالجن بالرياض

قصة حقيقية مستشفى عرقة المسكون بالجن بالرياض

قصة حقيقية مستشفى عرقة المسكون بالجن بالرياض


وهنا مقطعين فيديو للصور والاشياء اللي شافوها الشباب اثناء تجولهم بالمستشفى


http://youtu.be/X0ByP-NNOPo

http://youtu.be/l7N4Lg52sLg


mohamadamin غير متصل   رد مع اقتباس
قديم 04-28-2014, 10:21 AM   #2 (permalink)
عربـــــي
أمير الرومانسية
 
الصورة الرمزية عربـــــي
 
إرسال رسالة عبر Skype إلى عربـــــي
شكرا كتير على الموضوع
بانتظار جديدك دوما
تقبل مرروي
تحياات
عربي
عربـــــي غير متصل   رد مع اقتباس
قديم 04-28-2014, 07:40 PM   #3 (permalink)
ريــــــــمآآآس
عضو موقوف
الله يشفيك ياجنى
 
مجهود جميل
وطرح اجمل
تسلم الايادي على هيكـ موضوع
وربي يعطيكـ الف عافيه
ما ننحرم من جديدكـ ي رب
وبانتضار كل جديد لكـ وبكل شوق ..
ريــــــــمآآآس غير متصل   رد مع اقتباس
قديم 05-02-2014, 10:21 PM   #4 (permalink)
Odada
رومانسي مبتديء
 
يعطيك الف عافيه
Odada غير متصل   رد مع اقتباس
قديم 05-12-2014, 05:47 PM   #5 (permalink)
فري لانسر
رومانسي مبتديء
 
طرح مميز جداً
فري لانسر غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
بالصورة – القبض على 4 لصوص حاولوا سرقة مستشفى عرقة Adnan0999 اخبار 24 ساعة - سبق عاجل من أنحاء العالم 4 07-05-2013 08:30 AM
مشاهد وصور لموسم صيد الجن في مستشفى عرقة عاشق الجنة. اخبار 24 ساعة - سبق عاجل من أنحاء العالم 8 06-02-2012 09:23 AM
كاركاتير جني مستشفى عرقة مع داود الشريان .جوري. صور 2017 4 05-25-2012 08:16 PM
مستشفى عرقة ‘‘ ومطاردة الجن ŚŬĹŤǍЙ عجائب وغرائب 6 05-24-2012 02:24 AM
بالصور.. الأمن يمنع متتبعي شائعة الجن من دخول مستشفى عرقة بالرياض وجدنا اخبار 24 ساعة - سبق عاجل من أنحاء العالم 2 05-22-2012 08:10 AM

الساعة الآن 10:55 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103