تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

~*¤ô§ô¤*~ عَاشِقَة الرِِِِّجاّلْ ~*¤ô§ô¤*~ بقلمي ولهجتي المغربية ج\ 1.2.3

إضافة رد
 
أدوات الموضوع انواع عرض الموضوع
قديم 09-17-2013, 02:28 PM   #1 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 

ADS
~*¤ô§ô¤*~ عَاشِقَة الرِِِِّجاّلْ ~*¤ô§ô¤*~ بقلمي ولهجتي المغربية ج\ 1.2.3




رواية نسجت خيوطها من خيالي
لكن تعاليمها حقيقية
1رواية لي أتمنى أن تروقكم
__________________
بطلة القصة أمال = الزين اللي كان فأمال مكان تافشي وحدة من بنات جيلها الطولة والتجريدة والعينين عسليين والشعر قهوي رطب ولاطاي واعرة بلا لكسوة اللي كانت كاتلبس غير لاموض كانت هابلة على آخر الصيحات ومتبعا الممثلين الامريكين شنو كايلبسو وتحاول تقلدهوم ,ومين الام ديالها كانت كاتمشي بزاف لأوربا وامريكا على حساب الخدمة كانت تسهل عليها التقضية وتجيبلها معاها اللي بغات,
أمال كانت عايشة معا ماماها الاب ديالهم هجر الام ديالها مين كانت أمال عندها 5 سنين ومعمرها نسات النهار اللي بغا يمشي ويخليهم وكيف كانت ماماها تترجا فيه باش يبقى وهو دفعها على الارض وخرج من الدار من تما ما شافتو ولا شافها حتى تصاورو حرقتهوم الام ديالها مالحرقة والحزن ,وامال مين شايفة ماماها حساسة بزاف من هاد الموضوع مكاتجبدولهاش كاع نهائيا رغم أنها بغات تعرف اش وقع تاخلا باها يهجرهوم ويخليهوم بديك الطريقة..
الأم نجاة= كانت عندها واحد الشركة ديال العطور ورتاتها على الاب ديالها وكانت متعاقدة معا الجانب الأوروبي الشي اللي كان يخليها تضطر تسافر وتخلي أمال بوحدها معا الخدامة ديالها الدادة كريمة اللي كانت تعتابر أمال بحال بنتها ماشي بحال بنت مولات الشي
وحتى أمال ماللي حلت عينيها لقات كريمة فوجهها وتعلقت بيها بزاف
أمال كانت عندها السنة اللي قبل الباك يعني السيس وكانت عندها صاحبتها سميتها وفاء ديما كانوا معا بعضياتهم صباح وعشية
مكايتفارقوش هاديك وفاء تاهي كانت زينة شعرها كان مايل للحمورية وعينيها كانوو سودين وتاهي كانت جايبة راسها فالكسوة كان عندها خوها سميتوو ياسين خدام فالشركة ديال أم أمال بعدا و كان يمووت على امال اللي معمرها عتابراتو كتر من خوها وشحال من مرة شرحتهالو لكن هو كان عندو امل ان امال تبغيه شي نهار وعمرو مايئس
أمال ووفاء كانت عندهوم حصة ديال الفلسفة وماجاش الاستاذ
وفاء: أش غادي نديرو هاوا مجاش الاستاذ عاوتاني اليوم
أمال:-شنو رأيك نمشيو للكافي اللي مجيت الحديقة العامة اللي ديما كانمشيولو
وفاء:-آه علاش لا يالله بعدا نشوفو تايلا كاين تما شي مهند ولا إيزيل
أمال:-(وهي كتضحك)وايلي مهند ولا إيزيل هنا وفالمغرب...لالالا منضنش
وفاء:- تي غازيدي وش عرفك يقدر يكونو هما بشحمهوم ولحمهوم يستناونا باش يعرضو علينا لشي قهيوة
أمال:-وناري اختي بغيتي سمر وعايشة يجيو يقجونا نعلي الشيطان مخصنا صداع,..هههه
مشاو البنات الطريق كاملة وهوما يضحكو على هاد الموضوع وحدة تجبد منا ولوخرا منا
وصلو للكافي وجلسو فواحد الطابلة شوية وهو يجي عندهم النادل
النادل:-آش حب الخاطر أآنسات واش كيما العادة
أمال:-واه ا نبيل كيما العادة
جبدت أمال من صاكها المراية وبقات كتصاوب فلكلوس ديالها (ملمع الشفاه)
ووفاء دارت مجيت النافذة وهو يبالها واحد خينا داخل هو وصاحبووو واعرين بالزين
وفاء (تحاول تضرب رجل امال باش تشوفهوم لكن أمال كانت غارقة فالمراية حتى ضربتها وفاء لرجلها بجهد
وامال تخلعت وغوتت )
دارو شافو فيها دوك الجوج ولاد قبل مايجلسوأونفاص ليهم يعني أمامهم تما امال وجهها حمار بزااف
وبغات تخنق وفاء اللي حطاتها فداك الموقف
أمال:- (وهي تحاول تضحك باش متبينش الغضب ديالها)واش حماقيتي تاشفتي هادو داخلين ودرتيلي هاكدك
وفاء:-وانا واش عرفني باللي غادي تغوتي وعييت نهزز فيك نتي اللي بقيتي حالة فمك فالمراية
ومزية غوتّي بعدا نتابهولنااا ههه..
أمال:-(شافت فيها شوفة شريرة وصاطت) اللهم طولك يا روووووح
جابلهوم نبيل آش طلبو وبداو كيشربو
وفاء :-مصباح وحنا كاعدين هنا وتكولي شي حد تلفت لينا حاطين راسهوم فداك الجورنال ماللي دخلو كيبالي
خاطيهوم مساكين
أمال:اللي يسمعك تكولي خاطيهوم يكول راحنا نختاطفو الرجال أراه نتي اللي مسكينة بحال هادو خصهوم تكويلهم القلب وتمشي ونتي كاتضحكي
وفاء:-ناري اختي شحال كتحقدي عليهم لوكان غير مكاتموتيش عليهم وماتقدريش تعيشي بلا بيهم نكولو
مسكين جواد مول شركة التيليفونات باقي مكمل 40 ماللي تفارقتو وباغي يوليلك
أمال:- (وهي كارهة هاد الحديث) ياربي واش كاين شي واحد يقول 40 على علاقة انتهت
إمتا غاتأنقي فتفكيرك وناري عليك دبا غاكوليلي
واش جاب جواد الهدرة خليني نسايه عليا صفحة وانطوت
وفاء:- متخلينيش نفكرك بشحال من واحد كلتي عليه صفحة وانطوت إمتا غاديري عقلك وتشدي فواحد ولد الناس
وتبتي لرض...؟؟
أمال: - ماما راها معايا تي سكتي متخليش زعابيب ابشير تخرج عليك راكي عارفة كيطيرلي المعزة ..
وفاء سكتت حيت أمال ايلا تعصبت تحرق الاخضر واليابس اللي قدامها
أمال:- خليني دبا نبلاني و نخطط لمهند وايزيل اللي راهم أونفاص لينا كيندير نوقعهوم فالشبكة..مممممم
فعلا امال بزينها وذكاءها اللي كانت تنيش عليه كانت تحظى بيه ومعمرها خطات شي هدف ختاريت هاد اللفظ حيت سجلت بزاف ديال الاهداف وعمر شي حد قدر يطيحها فشباكووو إلا تالمبعد واتعرفوو...
أمال عيات تفكر تفكر تاطاحت عليها واحد الفكرة جهنمية ودارت عند وفاء وهي كتضحك ضحكة ماكرة
وفاء:- أبردي باينة لقيتي شي حل خطير راني نعرف ديك الضحكة والحل باينة مغانكون غي انا ضحيتو اللي غانديرو
نعرفك نعرفك..
أمال:- (وهي تضحك ضحكة شريرة) وناري شحال كاتعجبيني مين كتفهميني
وفاء:-شتي قولتهالك لالالا امال مموافقاش ديريلي بحال المرة اللي فاتت مشيتي وخليتيني
لالالا وتقولي مندير والو نتي اليوم اللي غا ديري يالله
كاع هادشي كالتو وامال غير كاتشوف فيها بلاما تهدر
أمال:- احم احم (بصيغة التهديد)
وفاء:-( وهي مرتبكة )ولكن واعديني متمشيش وتخليني ياكي واعديني غاندير داكشي غير بدلي ديك الشوفة راك جمدتي ليا الما فالركابي صافي قبلنا أبردي
أمال:- يا روح امال وعد منمشيش ونخليك غانمشيو بجوجنا صافي
ويالله نوضي تي نوضي باراكا مالخوف راه فايتة درتيها


يتبع....



الكونتيسة لينا غير متصل   رد مع اقتباس
قديم 09-17-2013, 02:29 PM   #2 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء 2

وفاء:- آه درتها ولكن هاديك راها كانت بصاح ياك طاحتلي لاطونسيون(الضغط)

وطحت سخفت أما دبا باغاني نمثل باللي انا سخفانة وانا معمرني جربتها

أمال:- سمعيني نتي غادي ديري راسك سخفتي وديري موتا حمار وانا راني حداك متخمي تافشي حاجة

وفاء:-نتي مكاتشبعيش وانا اللي حمقة دايرة فيك راسي

أمال:- وفهمي راه مغا يصرا والو غير انا وراني معاك وحداك نتي غاطيحي لرض واللي باقي عليا أنا

وفاء:- علاش ديما ديريني فوجه المدفع ياكي رضيتيني كبش الفداء ديالك

أمال:- أويلي على كبش الفداء جابتلي العيد الكبير يجري تي نوضي راهم يمشيو وتما يا ويلك مني يالله أوفائتي يالله سمعي الهضرة

وفاء:- أنا مكانش اللي يخوفني قد ديك وفائتي كايجيو موراها غير المصائب صافي هاني ماشية وبدلي ديك الشوفة ابردي كاديري بحال استاذ الرياضيات مين يجي شي حد معطل

أمال:- هه أموت فيكي أنا يالله سير بون كوراج

وفاء مالقات مادير تحطت أمام الأمر الواقع ناضت ومشات تالفين جالسين دوك الولاد وطاحت حداهم وناضت امال كاتجري عندها بواحد الخوف مصطنع

أمال:- وفاء حبيبتي مالكي اش وقعلك

جاو دوك الجوج ولاد هزوها وحطوها فوق م الكرسي ونبيل مشا يجيب كاس دالماء

وامال جبدت لبارفان ديالها من الصاك او والو البنت مبغاتش تفيق

كالهوم داك الولد نديوها للطبيب ونشوفو مالها

أمال:-(وهي متفاجئة) شنو طبيب علالالالاش

الولد: باش نطمنو عليها متقلقيش ميكون غير الخير

أمال :- (وهي منزلة جوج دمعات ديال التماسيح طبعا) اه يالله ناخدوها راني خايفة عليها

طلعت امال معا دوك الجوج ولاد فاللوطو وهي جلست فالخلف ووفاء مسندة عليها

وبقا هداك اللي كايصوك غير كيشوف فامال من لمرايا ديال اللوطو

وامال حاولت تخبي ضحكة ديال الانتصار باش ميعيقش اما الولد التاني ماللي ركبوو وهو ضاير يشوف فوفاء واللي كايبان انهم بجوج طاحو فالشبكة والبنات فازوا بالتحدي

المهم امال نغزت يد وفاء باش تفيق وداكشي اللي دارت وفاء بدات كتفيق بشوية وهي تحل عينيها

أمال:- وفاء وفاء كتسمعيني

وفاء:- (بتثاقل) مم امال فين حنا وشنو وقع ..

امال :- راكي سخفتي ومعرفناش مالك وهاد الولاد الله يكتر خيرهم قالولي ناخدوك للطبيب

وراحنا ماشيين عندو دبا

وفاء:- طبيب .؟؟؟ لا لا مايحتاجش راني مزيانة دبا

الولد:- ايلا راكي حاسة براسك ماشي مزيانة نمشيو للطبيب مكان تاشي مشكل

أمال:- ا...أ كايبالي راها ولات مزيانة ميشقاش شكرا ليكم بزاف الله يعطيكم الخير

وفاء:-( شافت فالساعة) مشا الحال خصنا نمشيو دبا تعطلنا

أمال :- آه نمشيو شكرا ليكم بزاااف

الولد اللي كان يصوك:- نقدر نوصلكوم ايلا بغيتو تالباب الدار

الولد لاخور :- آه نوصلوكوم كترة ايلا كنتي اختي مقادراش تمشاي

أمال:- (شافت وفاء داخت فكلام الولد) لالا نتمشاو احسن باش يضرب فيها لهوا وتفيق وتصحصح معايا شوية لهلا يخطيك اخوياا شنو سمي...

الولد:- اه تلهينا معا الاخت ومتعرفناش انا يوسف وهادا خويا (اللي كايصوك) أمين

أمال:- تشرفنا بيكم أنا امال وهادي صاحبتي وفاء حنا تقريبا بحال الخواتات

يوسف:- كايبان من خوفك عليها

نزلت أمال ووفاء ماللوطو ونزلو تالولاد معاهم

أمين :- ممكن دقيقة اآنسة امال

امال :- (بحالي متفاجئة) أه ممكن تفضل

امين:-فنهاية الاسبوع عندنا حفلة عيد ميلاد دايرينها لختي الصغيرة وتمنيتك تحضري نتي

وصديقتك طبعا..

أمال:- أ..أأ معرفتش شنو ..

أمين:- هادا الكارط ديالي فيه نمرتي نتمنى تتصلي بيا ونجي ناخدك وتاكدي غانكون فرحان ايلا جيتي

أمال :-مم مخليتلي مانقول يكون الخير نشالله أوكي خليتلك الراحة بسلامة عليك بسلامة اخويا يوسف

يوسف :- بسلامة امال اوو بسلامة وفاء تهلاي فراسك بزاف نشوفك من بعد

وفاء :- نشالله بسلامة عليكم

مشا امين وخوه ومشاو البنات فطريقهوم لدارهوم ونفاجرو ضربة وحدة بضحك

من هادشي كامل اللي وقع

أمال:-وناري عليك كتعرفي تمثلي راكي ضايعة هنا فالمغرب خصك نتي تمشي لهوليوود

وفاءء:- أنا ولا نتي راه نتي اللي خص يعطيوك الاوسكار صباح وعشيا على الافكار الجهنمية اللي كتختارعيهوم معرفت مين كاتجيبيهوم

امال:- المهم اللي بغيناه وصلنالووو ههههههه

وصلو البنات لديورهوم وهوما فرحانين بهاد الانجاز العظيم اللي داروه اليوم

وامال من طبعها كادير اللي كالها راسها بلاما تفكر فوالو ومضرب حساب تالحاجة

أما وفاء مسكينة فامال هي اللي مسيرالها حياتها حيت وفاء مسالمة بزاف ونقدرو نكولو ساذجة احيانا لوكان ماكانت امال فحياتها لوكان راه ضحك عليها شي واحد هي فيساع كتيق

لكن الفنانة الأولى فالتمثيل ابدا مايديرها بيها حد ..



يتبع...
الكونتيسة لينا غير متصل   رد مع اقتباس
قديم 09-17-2013, 02:31 PM   #3 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء 3

وصلت أمال لدارهم ولقات كريمة موجدالها الغدا وكتستناها

كريمة:-أمال فينك أبنتي تعطلتي وتخلعت عليك

أمال:- سلام ادادة (سلمت عليها من وجهها) متقلقيش كنت أنا وأمال فدارهوم مقريناش حصة وبقينا تما (ناري عالكدوووب)

كريمة:-آه طمنتيني ,وراه ماماك تاصلت

أمال:-بصااح وشنو قالت إمتا غاتجي.؟؟

كريمة:غاتجي نهار السبت ولا الاحد

أمال: (مخلوعة)السبت و الاحد؟؟؟ تتت على زهر

كريمة :-سمو كاتكولي مبغيتيش ماماك تجي متوحشتيهاش ولا؟؟؟

أمال:- لالا توحشتها وبغيتها تجي أمم هانا فبيتي تاتوجدي لغدا وعيطيلي

مشات أمال وهي كتفكر فنهار السبت اللي غاتجي ماماها وداك النهار هو نفسو نهار عيد ميلاد أخت امين ويوسف

ويلا جات ماماها اكيد مغاتخليهاش تمشي خصوصا من بعد هاد الغيبة كلها شي شهر متشاوفوش وتمنات لوكان تجي الاحد ماشي السبت

المهم فات داك النهار وامال غير كتفكر فحل واللي مخافيش عليها أنها ديما كتسلك راسها ودير اللي بغات وخا تكدب ستين كدبة فمرة وحدة المهم عندها تحقق مرادها,

فات الأسبوع فيساع وجا النهار اللي قبل مالحفلة وكانت وفاء فدار امال

دخلو لبيتهم من بعد مامشات كريمة للسوق

وفاء:وراه فاتت سيمانة ومخليتينيش نتصل بيوسف ونتي متصلتيش بأمين غايكولك غير مبغاوش يجيو ولا معجبناهمش

أمال:-يابنتي اتقلي شوية ..حنا راحنا فبالهم وهما دبا متحرقين شوق باش يعرفو فين حنا او واش غانجيو ولالا

وفاء:-ونتي باش عرفتيها يقدرو يكونو نساونا

أمال:- يا بنيتي واش عمر شي وحدة دخل للائحة امال ونساها راه انا اللي كنتحكم فكلشي

وفاء:-ناري اختي بعد المرات كتخوفيني بهاد الثقة الزائدة اللي فيك وزايدون انا

مفهمتش علاش مخلتينيش نتصل من هادي شحال ونتي كدلك ضربناها بتمييكة بجوجنا

أمال:-افففف أنا شي نهار غاتجيبيلي الجلطة بالغباء اللي فيك يا البنت هانتي غاتشوفي مين نتصل كيف غايدير امين غايكون ملهوف باش يعرف علاش متصلناش من مدة

وفاء:- وبعدا كلتي لماماك على الحفلة ولا مكلتيلهاش ..؟؟

أمال:-وفاء حبيبتي مطلعيليش القردة للراس يرحم والديك ماشي وقت ماما هي حالها ساهل

هانا دبا غانتصل سكتي

هزت امال تيليفونا وتصلت بنمرة امين وعيطت مكايجاوبش

وتصلت بنمرة لوخرا اللي فالكارط نفسووو

بنت ردت:-ألو السلام عليكم

أمال:- أ ...سلام كاين امين..؟؟

البنت:-أ.. لا هو دبا مشغول بزاف عندو اجتماع شكون نكولو

أمال:-شكون نتي بعدا اللي كاتسولي؟؟؟

البنت :-أنا السكرتيرة ديالو الآلآ شنو بغيتي نكولو فاش يسالي

امال:-ماتكوليلو والو ...(وقطعت التيليفون أمال)

وفاء:-مالك سمو كاين وشكون هادي..؟؟

أمال:-سكرتيرة البيه (بسخرية غاضبة)

وفاء :-شنو ..؟؟

امال:-سكرتيرة ديالو هي اللي جاوبتني قاتلك عندو اجتماع

وفاء:-ايوااا ومالك قطعتي عليها وتعصبتي

وفاء بحالي ضربت امال بصقلة بهاد السؤال واه علاش نزعجت وقطعت عليها التيليفون بديك الطريقة

لكن امال بسرعة مسحت الافكار من بالها ورجعت هزت التيليفون

وفاء:-بشكون غاتتصلي عاوتاني؟؟؟

امال:-ألو سمحيليا عفاك تيليفون قطع امتا غايكمل الاجتماع ديالو؟؟

السكرتيرة:- يالله بداو فيه يعني منا ل جوج سوايع

امال:- أوو جوج سوايع وسيري كوليلو امال بغات تهدر معاك

السكرتيرة :- منقدرش السي امين ميبغي تاشي حد يزعجو مين يكون مشغول

امال(بنبرة غضب): انا قتلك سيري قوليلو امال كتتصل

السكرتيرة:- الآلآ فهميني راه منقدرش ايلا درت هاكدة غايزعف علي فسمحيلي

امال:- سيري احسنلك وقوليلو امال لأنك ايلا مقلتيهالوش غانخليه يطردك

السكرتيرة :-شنو كاتكولي ألالا هادشي ماشي معقول

فجأة خرج أمين من اجتماعو باش يطلب من السكرتيرة شي وراق وهو يلقاها مضاربة فالتيليفون

أمين:-نوال ..مالك شنو كاين؟؟

نوال:-معرفت واحد البنت كتزعف عليا بغات تهدر معاك بزز مخليتهاش كتلها نتا مشغول وهي مصرة باش تهدر معاك

أمين:-وشكون هيا هادي..؟؟

نوال:-معرفت سميتها امال

أمين:-(بلهفة) أمال!!! وعلاش مفوتيليش التيليفووون لعندي

نوال:-لكن نتا قتلي...

أمين:- هاتي التيليفون ...ألو ألو أمال.. ألووو ..قطعت

افف على زهر كيداير

نوال:-سمحلي مقصدتش نن..

أمين(بزعاف):-صافي دبا كملنا هاتيلي هاد الملف ويلا رجعت تاصلت أوياكِ ومتفوتيليش الاتصال

نوال مسكينة معرفت راسها باش تبلات طاحت بين البينين اما آمال فكانت ميتة بضحك ووفاء مسكينة

غير كاتشوف فيها ومفاهما والو

وفاء:- هالعار ماتقوليلي مالك كتضحكي سمو وقع...؟؟؟

أمال:-هاديك السكرتيرة مسكينة خدات تبهديلة من عند امين هههههه

وفاء:-كفاااش؟؟؟

أمال:-سمعتو كايزعف عليها مين ماخداتلوش التيليفون حيت انا اللي متصلة

ومين جا يهدر معايا قطعت انا الخط..ههه

وفاء(فلحظة سذاجة ومفاهمة والو):-قطعتي !!!وعلالالالاش..؟؟

----موسيقى الغبااااااء----

أمال:- (بدلت الضحكة بشوفة كحلة فوفاااء) حممممم يا رب ارحمني برحمتك ياااااااااارب

وفاء(عاقت باللي دعوة متعجبش):- هه نمشي ندير كاكاو لختي ونجي وخااا هه هانا جاية

سالا الاجتماع ديال امين وبقا هاز التيليفون ديالو كل مرة كيقلب فيه واش تاصلت او لالا وهو يكولو يوسف

يوسف:- أفف خلي داك التيليفون راك دوختني بهز حط دبا تتصل

أمين:- نخاف تكون زعفت من تصرف نوال

يوسف:- سيمانة هادي متصلت لاهيا لا وفاء ونهار تاصلو شوف شنو وقع

امين :- الغبية ديال نوال ومدير

يوسف:- وتانتا هي مسيكنة دارت اللي عليها ومنظلموش الناس

أمين (بصوت يائس):-تانا مكلت والو اسيدي ..وو

هاوا التيليفون كايصوني نمرة غريبة ...ألووو

أمال(واثقة من راسها):- ألو آ السي أمين ولينا منقدروش نوصلولك خص يمكن تاناخدو موعد عاد ايلا وصلنا التور

أمين:سمحيليا بزاف كنت فاجتماع وطفيت التيليفون وراكي عارفة الاجتماع مخاصش المقاطعة

امال:- هي انا دبا قاطعتك آه اوكي سمحلي على الازعاج(وهي تتبسم بمكر)

أمين : (ريقو نشف)لالالالالا لا متفهمينيش غلط انا راني بهدلت ديك السكرتيرة على قبلك مين ماجابتليش التيليفوون

يوسف:-سولهوم واش غايجيووو وكيراها وفاء

امين:- شتتت ...تسنيت اتصالك بزاااااف ومتصلتيش اآمال

امال :-وهاني تصلت دبا

امين:- هه مرحباا مم سمو درنا فغدا

امال :اا بصراحة سمو غانكولك كنا دايرين نجيو لكن للأسف..م

وفاء:- لالا مديريش هاكدة امال...

امال(غطات التيليفون بيدها):- شتت سكتي راني عارفة اش كندير

امين(مخلوووع)-:لا متكوليليش مغاتجيوش وانا ويوسف راحنا نستناو غير امتا نشوفوكم

امال:- الظروف ومادير سمحولينا بزااااف

امين: تت يوووه دوماج

امال(وهي كتضحك):- مم شكلك خديت خلعة مرتبة هههه

امين:-افف منك أ أمال حشومة عليك طيرتيها مني خلعة هي نتوما جايين

امال: اكيد غانجيو

امين :-اكي ديري معايا فين نجي ناخدكوم نتي ووفاء




امال:- نن بلاش تجي نتا صيفط غير شي حد يجي ياخودنا

امين:-لا انا نجيبكوم

امال :- وغدا غاتكون مشغول صيفط شي حد ياخودنا وريه المكان وصافي

امين:- وخا الالا بصاح انا اللي نوصلكوم فالاخير اوكي

امال:- ماشي اسيدي ما يكون غير خاطرك

امين:-ههه غانصيفطلكوم الشيفور ديا اشركة اهاه فرحتيني بزااااف شكرا ليك تهلاي فراسك تانتشاوفو

امال :-باي سلم على يوسف..(قطعت التيليفون)

وفاء:- هاا شنوو؟؟

امال:-شنو ايه سمعتي كلشي بودنيك

وفاء:- وماماك كيغانديرولهاا انا دارنا كتلهوم غانجي نبات معاك اصلا ماما مغاتكونش معروضة عند خالتي هي وبابا غايكون غير ياسين

امال :- وتايصبح ويفتح ماما جاية الاحد وانا نتصل بيها نكولها بايتة عندك وصافي

يالله نمشيو دبا نتفرجو شي فيلم فال مبس 2 بيلاما جات دادة كريمة ديرنا شي حاجة ناكلوها

يتبع.....
الكونتيسة لينا غير متصل   رد مع اقتباس
قديم 09-17-2013, 05:32 PM   #4 (permalink)
جنات
مشرف متميز سابقاً - - مشرفة متميزة سابقاً - ماسة المنتدى
 
الصورة الرمزية جنات
تبارك الله عليك اختي
قصو زوينة بزاف باقي ماكملتها ان شاء الله
ارجع اكملها
يعطيك الف عافية ولا تحرمنا من قصصك المشوقة
جنات غير متصل   رد مع اقتباس
قديم 09-20-2013, 12:15 PM   #5 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
اقتباس:
المشاركة الأصلية كتبت بواسطة ~جنى~ مشاهدة المشاركة
تبارك الله عليك اختي
قصو زوينة بزاف باقي ماكملتها ان شاء الله
ارجع اكملها
يعطيك الف عافية ولا تحرمنا من قصصك المشوقة
شكرا لك جنى اتمنى ان تعجبك حتى نهاية
ربي يخليك
الكونتيسة لينا غير متصل   رد مع اقتباس
قديم 09-20-2013, 12:18 PM   #6 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء 4
امال باتت تفكر فشي كدبة تكولها لماماها فنفس الوقت
كانت كتخمم آش غتلبس وكيغايكون الجو فالحفلة
واكثر حاجة فكرت فيها هي امين وكيغايدير يستقبلها
هي وصاحبتها وفاء بقات هاكدة فكرة تجي وفكرة تمشي
تاداتها عينها ونعست .
الام ديال امال كان مقرر تجي نهار الاحد الصباح وتما تافقت امال ووفاء
باش يباتو تما فالدار وكريمة ساهل حالها باش يقنعوها بشي كدبة لكن كاع داكشي اللي بناو تهدم فداك الصباح
والشي اللي متوقعاتوش امال انها تفيق على وجه كاتعرفو مزياااان ,,
دخلت نجاة لبيت بنتها امال وجلست حداها فالناموسية
وبقات كتلعبلها فشعرها وامال ماجايبة لدنيا خبار مسكينة كانت كتحلم بشي فارس احلام كيداعب شعرها
حتى سمعت صوت ماشي هو صوت المحبوب اللي كان فالمنام
امال(مخلوعة):-ماما..؟؟؟ جيتي دبا... علاش؟؟؟ كنتي غاتجي غدا ماشي اليوم..
نجاة:-وايلي هادا هو استقبالك ليا وانا اللي قلت غاتفرحي
امال:-لالا ماما هه توحشتك بزاف بزااااف (عنقتها وباستها)
لكن كلتينا غاتجي غدا وو
نجاة:- وشنووو..؟؟؟
امال :- صافي صافي تالبلاتي ونكولك اجي جبتيلي الشي اللي وصيتك عليه
نجاة:-وانا نقدر نرفضلك طلب اكيد جبتو لبنتي حبيبتي هو انا ليا حد غيرك يا حلوة انتي
امال:- ياااااي نموت فيك يا احلى ماماين فالعالم كلووو هههه
ومشكلة هادي مدربتليها امال حساب كيغادير تفلت منها حيت كانت ناوية تخرج من الدار قبل ماتجي
وتتصل من دار وفاء وتكولها انها مريضة وهي بايتة معاها لكن
دبا وحلة كبيرة,
هزت تيليفونها وعيطت لوفاء حكاتلها الجديد اللي وقع الشي اللي خلا وفاء
ولاول مرة طيح عليها فكرة
وفاء:- هاني جاية صبري وغانلقالك حل
أمال:- (باستغراب حيت عارفة وفاء عمرو ماتجيب شي حل بحال حلولها)
كفاش نتي عندك حل؟؟؟
وفاء:- اه انا , دبا تشوفي هانا جاية عندك للدار وخا
لبست وفاء ومشات جرية لدار امال اللي كانت كتستنا فكرة وفاء باش تضحك عليها ايلا كانت فاشلة كيما افكارها لوخرين
وصلت وفاء ولقات امال كتستناها فالباب باش تعرف الفكرة لكن وفاء مبغاتش تهدر كاتلها خلي تاتسمعي نتي وماماك امال كانت غاتبزز عليها وهي تجي ماماها نجاة اللي ستقبلت وفاء بحفاوة ودخلتها للدار ومشات لعند كريمة باش توجدلهوم شي حاجة
امال :- تي كولي شنو هي الفكرة راها تكون فالصو وضيعيلنا الخرجة بيها
وفاء(كتتبسم ابتسامة انتصار):- نن لالا منكولش باش مضيعيليش الفيلم
امال:- هاكدة ياكي وخا ايلا بقات فيك هاوجهي
نجاة:- بنتي وفاء تفضلي هالكادو ديالك
وفاء:- مم خالتي نجاة ديما كريمة معايا وفوقما سافرتي
كاتجيبيلي كادو لهلا يخطيك علينا اخالتي
نجاة: ومتشكرينيش راك بحال بنتي زعما هه كوليلي كيف راها ماماك مزيانة..؟؟
وفاء(شافت فالارض ودارت راسها زعفانة): - شنو غانكولك اخالتي غير خليها على الله وصافي
نجاة(مخلوعة):- ياك لاباس
امال (طلعت حاجب ونزلت لاخور وبقات تستنا باش غاتنطق وفاء)
وفاء:-بصراحة جدة راها عيانة شوية ومشات تقابلها اليوم
وانا عندي حفاضة مقدرتش نمشي معاها
وخصني نقابل خويا ياسين كذلك
نجاة:- اه ومايكون عندها باس ..
وفاء:- جيت نطلبك اخالتي واحد الطلب ومترضيهليش فوجهي
امال(فرشت الفيلم وغلب عليها الضحك)
نجاة:- الله ياودي مرحباا كولي اش عندك
وفاء:- راني عارفة نتي عاد جيتي من السفر وباقي مشبعتي من امال لكن ايلا وافقتي تخليها تجي تبات معايا اليوم
باش نحفضو انا وياها وباش تبقى معايا تونسني حيت ياسين يتعطل معا صحابو
وانا نخاف بوحدي
نجاة(مترددة وشافت فامال اللي نزلت عينيها لرض ببراءة تكولو ملاك اخوتي هه)
مم شنو بانلك اامال
أمال:- ا.. واللي بغيتيه اماما نديرووه وانا مادا بيا نبقا معاك لكن كيما شفتي ضرف ديال صاحبتي أولى ولالا؟؟
نجاة:- وخا ابنيتي معليش انا راني هنا ندوزو اليوم انا وكريمة معا شي مسلسل هه
وفاء:- شكرا اخالتي بزاااف لهلا يخطيك
امال باست ماماها بفرحة ومشات لبيتها هي ووفاء
امال:- وفاء وختي كيبالي نعتزل التمثيل وراك طلعتي محترفة
وفاء :- ايوا شفتي كتلك غانسلكك وهانا درتها
امال:- طلعتي عفريتة وماشي ساهلة
وفاء:- هه من عندكم نتعلم
امال :- يااااي انا فرحانة غانمشيو الحفلة لكن بقاتلنا مشكلة فين غانباتو
وفاء:- فدارنا ..
امال:- كيفاش فداركوم ...؟؟وياسين؟؟؟
وفاء:- مالو هو اصلا مكايدخل تال 3 للدار نهار السبت حيت يوم اجازتو ويقصر فدار عمر صاحبو وحنا نكونو جينا ورحنا فسابع نومة
امال :- اه اوكي هي دبا نوجدو كسوتنا باش نلبسو عند مريم اللي
غاتصاولنا شعرنا فصالون الحلاقة ديالها مم
وفاء:- آه يا عيني غانشوف يوسف
امال:- تي شدي لرض شتك طبيتي ووقعتي على شوشتك
وفاء:- نكدب عليك ايلا كتلك مدخليش لمزاجي .. ونتي بعدا مدخلكش امين لمزاجك..؟؟
امال:- هه حمقة والله نوضي خليني نشوف اش نلبس
كيما عادتها امال مين تتحرج فشي سؤال ولا متلقالوش جواب كتهرب منو حيت اصلا مكاتبغيش تواجه راسها فنلقاوها تتصرف باللي كالها قلبها وعقلها بلاما
ترجع تتحاسب مع نفسها ولا مرة

يتبع....
الكونتيسة لينا غير متصل   رد مع اقتباس
قديم 09-20-2013, 12:19 PM   #7 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء 5
المهم في اليوم التالي خدات امال كسوتها من دارهوم وواحد الكادو خداتو لخت امين,
وودعت ماماها ومشات لدار وفاء اللي كانت كاتستناها مشاو بجوجهوم عند مريم صاحبتهوم الكوافيرة
ديما كاتصاوبلهوم اللي بغاو, وناري كيف جاو يحمقو بالزين دارتلهوم ميكاب(ماكياج)
خفيف وأتيرون يعني جذاب بزاف ورقيق
امال لبست لباس حمر قصير شوية وجاي على لاطاي ديالها ,

ومعاه صباط كحل طالو وصاك صغيرفيه بريون حمر
وشعرها دارتو مموج وفواحد الجنب شداتو بمساك مرصع وكيلمع

وفوق ماللباس كانت لابسة فورير منمر زادها زين على زين ,

اما ختنا وفاء فلبست لباس تاهيا قصير شوية لونو بنفسجي غامق وصباط بنفسجي تاهو

وصاك صغير اسود وكيلمع وشعرها طلعاتو لفوق بواحد الشكل جميل ومتناسق ,

وتاهي كانت لابسة فورير اسود فوق ماللباس حيت الجو كايكون
بارد شوية فالليل وكذلك باش يكونو فكامل أناقتهوم,
المهم خرجو من عند مريم ولقاو الشيفور ديال امين كيستناهم باللوطو ركبو فيها ومشاو..
وفاء(مين قربو يوصلو):- أف قلبي كيضرب
امال:- نكدب عليك ايلا كتلك تانا ممرتبكاش
وفاء:- الله يخرج هاد الليلة على خير
امال:- تت غاتخرج على خير نشالله ومغا يوقع والو غانستمتعو بالحفلة ونرجعو فورا للدار بحالي ماصرا والو
وفاء:- مم نتمنى ...وااااااااو هادي هي الفيلا اللي ساكنين فيها
امال:- ناري شحال ناس هنا كاتبالي الدعوة روعة لداخل ياااااااااااااااي ههه
نزلت أمال ووفاء وهما متحمسات للحفلة الأكثر جمالا على اللي كانو يتخيلوووه

كانت حفلة صاخبة والناس فيها غير اللي فالمستوى وباين عليهم شخصيات ,

أما خواتاتنا وقفو عند الباب عطاو للخدامة - لي مونطو- دياولهوم
وفاء:- واناري على حفلة كيدايرة والناس معرفت مين جايين
امال:- تي مالك تخلعتي راه بحالهوم بحالنا ليه مالنا تاحنا جايبين راسنا وحسن منهم عاد
وفاء:- وي عندك الصح يالله ندخلوو
امال:- هه يالله
دخلو البنات لفين كاين الاحتفال ومكانش فالمدعوين اللي مدارش شاف فيهم حيت كانو فعلا كايحمقووو
وصلو عند واحد الطابلة صغيرة ووقفو..

يتبع...
الكونتيسة لينا غير متصل   رد مع اقتباس
قديم 09-20-2013, 12:20 PM   #8 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء 6

أمال:- فيناهوما امين ويوسف مكايبالي حد فيهم..؟؟
وفاء:- واه مكايبانوش عييت نشوف بعيني مكاينينش
النادل: تفضلوا العصير
امال:- أه شكرا ليك
وفاء:- شكرا
من بعيد جاي امين هو ويوسف كانو لابسين بجوجهوم كوستيمات

امين كوستيم رمادي وقمجة تحتو كحلة ولكرافاطا رمادية
أما يوسف كان لابس كوستيم كحل وقمجة تحتو كحلة وكرافاطا رمادية

كان شكلهوم يهبل ومن اروع مايكون تاجهو ناحية امال ووفاء

اللي نبهر شي بشي
وفاء:- امال شديني قلبي غادي يسكت
امال:- اويلي شدي راسك راكي ديرينا شي فضيحة هنا
وفاء:- وناري شحال جا زين يوسف اتكولي ممتل تركي ناري ناري نارييييييي
امال(قرصتها فيدها وهي كتصطنع الضحكة باش ميشوفوهاش) وا فيقي ماتبهدليناش
امين: وااااااااااااو واو واو واااااااااو أبهرتيني فعلا اآمال بون سوار يا أحلى فتاة فالدنيا كلها
(باسلها يديها بطريقة جنتل بزااف) م
امال(مرتبكة بزاااف):- أ .. لباس عليك
امين :- مين جيتي نتي عاد وليت لباس أأ سمحيلي اختي وفاء مسلمتش عليك

سحرتني صاحبتك هه كيدايرة لاباس؟؟؟
وفاء: وي مزيانة شكرا ليك أ.. فينو يوسف كان جاي معاك وفجأة اختفى وسط الناس
يوسف(خرج من موراها):- هانا الزينة ديالي وراك حمقتيني ومشيت شربت كاس دالماء

باش منسخفش ههه
اهلا آنسة أمال نتمنى تكون عاجباكم السهرة
امال:- رائعة بكل المقاييس ا تفضلو هادا كادو ديالي انا ووفاء معرفناش

ختكم شحال فعمرها لذلك حتارينا وجبنا هدية تناسب كلشي
امين: وجودكم معانا أحلى هدية بالنسبة لينا
امال:- شكرا ليك
يوسف:- تفضلوا معانا
وفاء:-فين نتفضلو معاكم؟؟
امال:- فين غاتاخدونا..؟
امين:- أجيو وغاتعرفو يالله
امين ويوسف خداو امال ووفاء معاهم واستقرو عند واحد راجل وسيدة وبنت صغيرة يكون فعمرها 10 سنين
امين:- ماما ..بابا بغيت نعرفكوم برفيقتي امال
يوسف:- وأنا برفيقتي وفاء
امال(محرجة بزاف من هاد الموقف اللي ستغربت انها حست بالاحراج اللي عمر عرفاتو كيداير أما وفاء كانت صافي شوية وغاتسخف مهاد الشي كلوو)
أم امين : - مم مرحبا بيكم ابناتي تبارك الله عليكم زوينات بزاااف
(شافت فولادها شوفة ماكرة يعني عرفتو تختارو )
امال:- شكرا ليك وعيد ميلاد سعيد للآنسة الصغيرة ه
أب أمين ويوسف(معاجبوش لحال هدر غير بسيف):- شرفتونا بحضوركم

أ.. سناء أجي أبنتي هنا حدانا وجيبي معاك ختك عبير

-سناء هادي واحد الشاطا ماطا منها بنت عم الولاد واب امين بغا يزوجهالو وعبير بغا يزوجها ليوسف وهنا بان الفيلم علاش باهم معجبوش الحال--

سناء(جاية وواضح من الشوفة ديالها فامال انها كاتبغي امين بزااف وكتغير عليه)

مم امين يا امين شفتك رميت الصنارة
امال( شافت ففوفاء وطلعلها فورا الخز)
امين:- (خنزر فسناء باش تديها فراسها وتجاهلها كاع) يالله غانخليوكم دبا
سناء:- مم تفضلوووا نتلاقاو نتلاقاووو هههه (كتضحك بالغيظ ومشات فين كانت واقفة وبقات حاضياهوم بعينيها اللي غاياكلو امال )
الأب السي مصطفى(لأمهم مدام سهام) :- أف أنا هاد ولادك غادي يهبلووني

سهام:- علا مالهوم آش دارو مساكين؟؟؟

مصطفى:- وباقا كتسوليني,, جايبلي جوج بنات معرفت مانا طسيلة لقاوهم فيها

سهام:- وناري عليك ابحالي خطبوهم وقريبة العرس راك سمعتهوم آش كالو غير رفيقاتهم

مصطفى:- واه اليوم رفيقات غدا حبيبات اللي موراه خطيبات ومن بعدو زوجات يجيو يجلسو على قلبك هنا

سهام(وهي كتضحك):- الله يعطيك ماتاكل ضحكتني اسي مصطفى وصافي باراكا منهدرو فالموضوع حيت ممنوش يالله نمشيو عند عائلة السي الإبراهيمي يالله جاو

وأجي وفرد داك الوجه شوية أووو راه محتفلين زعما

مصطفى(دار ضحكة غريبة ):- هانا هاااااااانا هاوجهي فردتوو ليك

سهام:- خهههه الله يستر وصافي عليك نتا..هه



يتبع...
الكونتيسة لينا غير متصل   رد مع اقتباس
قديم 09-20-2013, 12:24 PM   #9 (permalink)
الكونتيسة لينا
رومانسي مجتهد
نسرينا
 
الصورة الرمزية الكونتيسة لينا
 
الجزء7



ابتعد يوسف بوفاء وكذلك مشا امين وامال مجيت لابيسين (بركة الماء)

اللي كان خاوي شوية مفيهش الناس

امين:-قبل ماتسوليني راه مابيني وبينها والو هاديك بنت عمي

امال:- وعلاش راك تشرحلي عادي..

امين تفاجئ من ردة فعل امال عكسها تماما حيت كان بركان هائج

فداخلها غير عرفت داريه ببتسامتها المصطنعة باش ميلاحضش امين ذلك

امين(وهو يحاول يبدل الموضوع)

:-حكيلي شوية على راسك بغيت نتعرف عليك مزيان

امال خرجت نفس طويل وحاولت تنسى اللي وقع معا سناء

حيت هي عمر سمحت لشي حد يطيح من قيمتها ولا يحط عليها العين

بلاما تردهالو ,لكنها ابتسمت ابتسامة خبيثة مغزاها أنها مغاتكونش

هادي اخر مرة تتلاقا معا سناء وغايجي نهار وتردهالها الصاع صاعين,

المهم حكاتلو كلشي على حياتها وهو كذلك وخداو راحتهوم فالحديث

اللي مكانش فيه المبالغة والتصنع من قبل امال حيت ديما

كادّخل سيناريوهات مكاينينش فحياتها نهائيا مين كتعرف بشي واحد

وهادا الشي اللي ستغرباتو هي لكنها مفكرتش بزاف فالامر

دارت اللي حست بيه كيريحها

فجأة جا النادل وقاطعهوم:- سمحلي اسي امين لكن العائلة

كايقلبو عليك باش يقطعو لاطارط

امين:- هه نسينا راسنا يالله نمشيووو تفضلي

من بعد ماقطعو لاطارط امين شاف فامال واحد الشوفة حنينة بزاف

وامال تاهيا بادلاتو بيها ولأول مرة تحس بسعادة لأنها مكاتفوتش وقت

كيما كانت كادير ديما وتصطنع,,

لا اليوم هي فرحانة بصاح بالوقت اللي كادوزو ,

دارو موسيقى هادئة على أنغام سيلينديون ودعا امين امال باش ترقص معاه

وعتارضات فالاول بحجة انها مكاتعرفش

لكن هو ماسمعلهاش كاع شدها من يديها ودخلو وسط القاعة

وبقاو يرقصو بشكل زوين بزااااف وكلشي بقاو يشووفو فيهم وفاء عينيها دمعو كاع

وشافها يوسف ودعاها تاهو للرقص وهاكدة تاعمرت القاعة بالناس

وامال وامين ماجايبين للدنيا خبار غارقين في ديك الرقصة

أمين:- عرفتي اول مرة شفتك فيها وخا من مدة قصيرة منسيتكش

ولا لحظة ودخلتي لقبي ومبقيتيش خرجتي منو

امال:- (حست بشوية تأنيب ضمير اللي معرفاتو مين جا تاهو) أ.. مم الجو زوين اليوم

امين:- هه أكبر مراوغة فالدنيا هي نتي مين ما جيتلك كاتهربي

امال:- إذن ماتجيني تامجيهة

امين:- لكني بغيت نفهمك

امال:- مع الوقت

امين:- يعني مغاتكونش هادي آخر مرة نشوفك فيها

وأصلا مغانسمحلكش تبعدي مني

امال: - دبا نشوفو

امين :- تيقي بيا راه ماللي شفتك وحياتي تقلبت 180 درجة

عرفتي دبا آش كيبالي نمشي نشكر صاحبتك أنها سخفت داك النهار

امال:- (مستغربة) وعلاش؟؟؟

امين:- داك النهار كانت عندنا صفقة كاتبين عليها فالجورنال

علاش منتبهناش ليكم لكن قلبي كان كاينغزني وكان جاييني احساس غريب وقتها

ووقع اللي وقع لوفاء وتما شفتك نتي منتابهتيش من خوفك على صاحبتك

انما راه كنت مسحور بيك

امال:- مم خصنا نمشيو تعطلنا...

امين:-كلت شي حاجة غلط ,

أ سمحيلي ايلا زعجتك عارف راسي كنهدر بزاف

امال:- لالا متكولش هاكدة ستمتعت بوجودي معاك اليوم شكرا اللي دعيتني

لهاد الحفلة

امين حس بان امال بغات تهرب ديك الساعة باي شكل من الاشكال

فمالقا مايدير باش يخليها تبقى ولو شوية

مشات كتقلب هي وياه على وفاء اللي كانت معا يوسف فاللوطو ديالو

يوسف:- وهي هادي حكايتي كلها ألآلآ دبا عرفتك وعرفتيني مزيان

ومغانكرش انني رتاحيتلك وبزااف

وفاء:- أ.. تانا رتاحيتلك مم

يوسف:- منقدرش نتصور حياتي بلابيك صافي وليتي جزء منها أنا قبلك مكنتش عايش

وفاء(حشمانة):- مم راك تحرجني بكلامك..

يوسف:- راني نكول اللي كاتشوفو عيني وو.. آه هيا جات امال وامين

وفاء(فاقت من بحر الهوى اللي كانت غارقة فيه) :- أهاه يالله نزلوو

امال(لوفاء بنبرة حازمة):- نمشيو راه مشا الحال

وفاء(مرتبكة):- آه وخا ..نمشي نجيب -لي مونطو- ونجي

يوسف:- غانجي معاك

أمين(مرتبك):- أمال مفهمتش علاش نزعجتي من كلامي

لكن إيلا كانت شي حاجة فحياتك نقدر نتفهم

امال:- حاجة أشمن حاجة؟؟؟ مكان والو فحياتي

امين:- مثلا ايلا كنتِ كاتبغي شي واحد ولا...

أمال:- بلاما تكمل

امين:- وخا مغانضغطش عليك لكن تيقي بيا

راه والله اليوم أنا أسعد واحد فالدنيا كلها

امال:- والحمد الله اللي عرفت نخليك سعيد اليوم

امين:- علاش نتي ماشي سعيدة معايا..؟؟

امال:- أ .. هاهي جات وفاء شكون غايوصلنا فيكم

(امين شاف فيها بيأس لكنو ولا لطبيعتو وكال فخاطرو نصبر عليها)

يوسف:- بجوجنا انا غانا خد وفاء وامين غاياخدك

وفاء:- والحفلة باقا بادية غاتخليوها وتاخدونا

امين:- نن نتوما أولى من 100 حفلة أجي معايا أ آمال

يتبع....
الكونتيسة لينا غير متصل   رد مع اقتباس
قديم 09-21-2013, 03:02 PM   #10 (permalink)
دمي وعشقي جزائري
مراقبة عامة
سنفديك بالروح ياجزائر
 
الصورة الرمزية دمي وعشقي جزائري
حبيتها اكثر لانها باللهجة العامية المغربية
قريت شوية منها
بصح كاين شوية كلمات مفهمتهومش
ياسيدي خلي منها نقرا الرواية ومنها نتعلم شوية المغربية
مع انها قريبة لللهجة الجزائرية
راح نرجع ان شاء الله ونقراها كاملة
بصح يا اختي غير كمليها اوك
دمي وعشقي جزائري غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
السفارة المغربية في السعودية في خدمة إبن المستشار الملكي و العائلة المغربية المحتجزة عاشق الجنة. اخبار 24 ساعة - سبق عاجل من أنحاء العالم 5 03-23-2012 12:49 PM
الماء والخضرة الخصيبة في بني ملال المغربية !! - السياحة المغربية دموع الملائكة سياحة افريقيا و فنادق افريقيا و عروض سفر افريقيا 8 05-22-2010 03:10 AM
منطقة تافيلالت المغربية - السياحة المغربية محلاها دموع الملائكة سياحة افريقيا و فنادق افريقيا و عروض سفر افريقيا 2 02-12-2010 07:12 PM
وفاة المطربة المغربية رجاء بلمليح اليوم بمستشفى الشيخ زايد بالعاصمة المغربية الرباط Meddur اخبار 24 ساعة - سبق عاجل من أنحاء العالم 2 09-03-2007 02:29 PM
المفاوضات المغربية مع جبهة البوليساريو بخصوص الصحراء المغربية.. miss leila10 اخبار 24 ساعة - سبق عاجل من أنحاء العالم 3 07-05-2007 01:13 PM

الساعة الآن 01:09 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103