تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

روايتي الاولى:حضنتها بين ضلوعي وهمست بأذنها أحبك

إضافة رد
 
أدوات الموضوع انواع عرض الموضوع
قديم 10-05-2012, 05:48 PM   #1 (permalink)
ورد عمر
رومانسي مبتديء
زهور ذابلة
 

ADS
إرسال رسالة عبر Yahoo إلى ورد عمر
Question روايتي الاولى:حضنتها بين ضلوعي وهمست بأذنها أحبك




""البارت الاول""
روايتي الاولى:حضنتها بين ضلوعي وهمست بأذنها أحبك

أعزائي اصدقائي في المنتدى .....
أضع بين أيديكم روايتي الاولى ( حضنتها بين ضلوعي ... وهمست بأذنها "أحبك")
وأتمنى أن تنال اعجابكم وأن تكون بالمستوى الذي تتمنونه وقبل أن أبدأ بها أحب ان أقول كلمة صغيرة
(ما أجمل أن يكون للإنسان حبيب ولكن الأجمل أن يكون موجودا عند الحاجة اليه )
قصتي التي أكتبها الآن هي قصة حقيقية حصلت لإحدى صديقاتي المقربات مع تغيير بسيط في الاماكن وأسماء الشخصيات ولكن ذلك لا ينفى حقيقتها .
أتمنى منكم المشاركة وابداء اراءكم فيها...
مع خالص حبي ........................ زهور ذابلة


كان جالس مع والدته في حديقة قصرهم الفخم المصمم على الطريقة البريطانية القديمة الذي يوحي لمن يراه بذوق رفيع يضع يده على خده بملل وانتظار .......مر اسبوعان ولا زالت على نفس الحالة لا يعرف ماذا يفعل.... احضر لها افضل الاطباء ولكن لا يستطيع ان يفعل اي شيء لأنها لا زالت في غيبوبة


عمر ال.... مليونير سعودي31 سنة دكتوراة في ادارة الاعمال من جامعة اكسفورد متزوج من فتاة بريطانية من اصول لبنانية تعرف عليها ووقع في حبها عندما كان يلقي احدى المحاضرات المفتوحة في الجامعة لم ينجب اي اطفال استنادا لرغبة زوجته...... يدير مجموعة من الشركات في بريطانيا والسعودية رزين ويراعي الله في تصرفاته (طويل ذو بشرة حنطية وشعر اسود كثيف عريض وصاحب جسم رياضي ويهتم بنفسه كثيرا جدي دائما ويضحك بالغصب متواضع ويحب عمل الخير يتنقل كثيرا بين لندن والرياض لقضاء اعماله)


نرجع.........
مضى يوم اخر وهو ما يعرف ايش يسوي حس بالذنب مرة عالبنت اللي اذاها من غير ما يقصد نزل في الصباح من جناحه الى الصالة عشان يتناول فطوره وشاهد اخته جالسة تنتظرة عالطاولة

عمر: صباح الخير
ندى: صباح الفل والعسل والنرجس والورد وكل شي حلو
عمر :كل هذا لي ....اش عندك اليوم اخلصي من الاخر
ندى: حرام عليك .....والله ما في شي بس لأني اشوفك زعلان ومهموم حبييت اغير مودك شوي
عمر :الا وين الوالدة
ندى:طلعت من الصباح تقول عندها شوية شغل بتخلصه وبتيجي على طوول......
صحيح عمر وش صار عالبنت اللي في المستشفى ان شالله زينة
عمر وكل ما يتذكر اللي صار يحس نفسه مجرم صار يكرة نفسه بسبة اللي صار
هييييييييييييييييييييي ابو الشباب وين سرحت

صحى على صوت اختة اللي جالسة وحاسة بهم اخوها بس ما تدري ايش تسوي وياه
ترك فطوره وطلع من القصر والنكد راكبه هاذي حاله من يوم ما صار الحادث ........

في اطراف لندن بمستشفى خاصة....... فتحت عيناها ببطئ وبثقل شديد لتدخل الشمس الى عيناها الواسعتين حاولت الكلام ولكنها تحس بجفاف شديد في حلقها
في هذه الاثناء دخلت الممرضة لترى الفتاة قد فتحت عيناها وذهبت مسرعة لكي تنادي الطبيب المشرف عليها

دخل الطبيب السعودي الاصل الى الغرفة وقام بالكشف عليها ليتأكد من سلامتها تماما وذهب مسرعا الى خارج الغرفة حمل هاتفه واتصل على صديق عمره عمر

عمر اللي كان مشغول وحايس بالاوراق اللي قدامه شاف جواله يضوي وانتبه على اسم الدكتور سامي رجف قلبه من تفكيره وسمى بالله ورد عالتلفون
واجااااااااااااه صوت سامي من الجوال يبشره بأنه البنت فاقت من الغيبوبة وهي الحين صاحية ووضعها تمام ما يدري ايش يسوي اكتفى بقوله الحمد لله ..........وانا الحين جاي سكر من سامي على طووول ورن جواله مره ثانية ....رفعه ولقاه رقم امه
سلم عليها وقال لها ان البنية صحت وبيروح لها المستشفى لكن امه اصرت انه يروح لها لانها تبيه بموضوع ضروري........ لانه عمره ما رفض طلب لوالدته واللي صارت عنده كل شي بعد ما توفى ابوه اضطر انه يكنسل روحة المستشفى ويروح يشوف والدته نزل من الشركة ووصل للبوابة الرئيسية واستقل سيارته المايباخ وراح لامه (طبعا هو من يوم الحادث وهو ما يحب يستخدم سواقين لانه اللي صار مو شوية ويسوق بنفسه كان حل افضل بالنسبه له) وصل للقصر وفتح له الحارس باب السيارة ونزل ......دخل داخل ولقى امه قاعدة تستناه بالصالة الرئيسية اللي في وسط القصر .....سلم ع راسها وجلس قبالها وسألها وش فيكي يالغاية

حصة:انا اللي ايش فيني اسأل زوجتك وهي تقلك
عمر :يمى ايش صار؟؟ تكلمي وما يصير خاطرك الا طيب
تكلمت امه وقالت: ياولدي والله انا ما بي الا اني اشوفك مرتاح مع زوجتك واشوف عيالك قبل ما اموت ......قاطعها بعيد الشر عنك يالغالية انا عنك ان شالله

كملت كلامها: ..لا يا ولدي كل واحد منا له عمر مكتوب وانا ما اضمن اذا عشت السنة اعيش الجاية وانا يا ابني كبرت وودي اشوف عيالك يمى .انا دايم اقول خلهم براحتهم بس خلاص طب عمرك ال31 وانت لا خلف ولاتلف هاو يمى ما ودك تصير ابو ......ام عمر كملت كلامها وهي ما تدري انها ضربت على وتر حساس في حياة ابنها البكر ما يدري ايش يقولها ما يدري شلون يقولها عن اللي داخله ما يبي احد يحس باللي قاعد يصير لانه من طبعه انه كتوم وما يحب احد يمسك عليه وحدة
كمل عمر وامه سوالف وهم قاعدين يتكلمون رن جواله برقم سامي :الو
هلا سامي اخبارك
اخباري ..... وين اللي بيقول مسافة الطريق اكون عندك شايفك سحبت علي وقعدت وانا من صباح الله مسنتر بالمشفى انتظرك
ايه والله بس صار شوية ظروف ورجعت للبيت .الا وش صار عالبنية ؟
ايه انا كلمتك عشانها عملنالها تحاليل وطلعت فاقدة للذاكرة المسكينة
عمر بصدمة :وش قلت فاقدة للذاكرة ؟؟؟؟

الظاهر الضربة جت قوية عالدماغ وضربت منطقة المخ عندها وبعد الاسئلة والاستجوابات عرفت انها تذكر الارقام ..الحروف ...تذكر اشياء وايد بس ما تذكر الاشخاص يعني ما تعرف منو اهي ومنو اهلها ووين هي ما تعرف شي ومن صحت وهي تسأل وينها في وايش جابها للمشفى الظاهر اننا بنتعب معها مرة

عمر:يعني واللي صار معها دائم ولا مؤقت يعني ما تدري متى بترد لها ذاكرتها؟

سامي : لا لان هذي الحالة بالتحديد تبي مساعدة من المريض نفسه لازم يحاول يتذكر اي شي يمكن ترجع لها في اي وقت ويمكن ما ترجع لها ابد .......ادعيلها يمكن ربك يفرج عنها ويشافيها
سكر عمر من سامي وحط يدينه على راسه بتعب وامه تسأله شفيك يمى عسى ما شر ؟
عمر بتعب واضح:يمى البنية اللي سويت لها الحادث فقدت الذاكرة


نزلت ندى من الدرج وهي متأثرة بسبة اللي صار، اخوها بطبعه حنون وما يحب يأذي نملة شلون البشر
عمر :ما ادري شلون اعوضها عن اللي سويته فيها وبأهلها المسكينة شلون بتعيش هذي الضعيفة الحين والمشكلة ما ندري اذا عندها احد هني ولا لا وما نعرف عنها شي اهلها طلعوا متفحمين من السيارة وهي لقوها تحت المنحدرالظاهر انها نطت قبل الانفجار ما يصير
سمعوا صوت ندى من نص الدرج : بسيطة جيبها تعيش معانا وكأنها وحدة منا وبكذا بتظل تحت عينك وما تخاف عليها
تدخلت امها : انتي مجنونه تبين وحدة غريبة تيجي وتسكن معانا هنيه اش تبين الناس يقولون عنا
ندى: يمى البنية ما لها احد هني مثل ما قال عمر وبعدين هاذي فاقدة الذاكرة تعرفين شنو يعني :::يعني ما تقدر تعيش لوحدها تبي ناس حولها يكونون موجودين معها اذا صار لها شي
عمر لمعت براسه فكرة اختة وقال بنفسه والله اجيبها........... ليه لا وبعدين هذا اقل شي ممكن اسويه عشان اعوضها عن اللي صار.......حمل نفسه وقام بيطلع للمستشفى
ندى:عمر خذني معاك ابي اروح اشوفها
عمر: وانتي من وين تعرفينها عشان تقولين بشوفها
ندى:تكفففففففففففففى عموري خلني اروح والله ودي وبعدين لازم اعرف البنت اللي بتعيش عندنا هني
عمر: ومنو قالك انها بتعيش عندنا انا ما بعد وافقت
ندى :يالله تكفى ودني .......اسمع بقولك شي انا بروح اجيب عبايتي واجي لا تخليني
ضحك عمر على اسلوب اخته اللي عمرها ما تغيره نزلوا من القصر وركبوا السيارة وانطلقوا للمستشفى اول ما وصلوا دخلوا لغرفة البنت...............



توقعاتكم أعزائي...........
من هاي البنت؟؟؟؟؟؟؟؟؟؟؟؟
وكيف رح تكون علاقتها مع حصة والدة عمر وندى اخته؟؟؟؟؟؟؟؟؟؟؟
زوجة عمر اللي ما ذكرنا عنها الا تفاصيل بسيطة ايش تتوقعون شخصيتها؟؟؟؟؟؟؟؟
ردودكم تهمني ،واذا لم تعجبكم الرواية لن أكملها



ورد عمر غير متصل   رد مع اقتباس
قديم 10-05-2012, 05:52 PM   #2 (permalink)
ورد عمر
رومانسي مبتديء
زهور ذابلة
 
إرسال رسالة عبر Yahoo إلى ورد عمر



كنت جالسة ومو قادرة أفكر بعد ما قال الطبيب اني فاقدة الذاكرة ما كنت ادري وش اسوي احاول اني اذكر اي شي بس موب قادرة حسيت بصداع ،وفجأة سمعت صوت الباب يندق اخذت الشيلة اللي عطتني الممرضة وحطيتها على راسي ....... اكيد الدكتور او الممرضة لكني اتفاجأت لما شفت بنت تقريبا بنفس عمري وخلفها رجال طويل ما اعرفهم فكرت شوية قلت يمكن احد من هلي ابتسمت عالفكرة وحسيت بالامل يرجعلي مرة ثانية .....

عمر............دخلنا انا وندى للغرفة اول ما دخلنا حسيت بشي غريب ناظرت البنت شفتها ابتسمت .....رحمتها حسيت بانكسارها وحزنها وضياعها ......الانسان لما يكون تعبان يبان من عيونه وهذي البنت عيونها كاشفتها لما ابتسمت لفت لي ندى وسألتني وش فيها تتبسم
وانا اش دراني الحين بنجلس ونشوف .......بس اللي استغربت منه انه لما دخلنا الغرفة كانت مغطية شعرها ......الظاهر انها ما تحب تكشف لاي احد
ندى :أول ما دخلوا للغرفة نظرت للبنت وشفتها بحالة صعبة وجهها كله جروح ورضوض ورجلها مكسورة وغير الضمادة اللي على راسها وحالتها تقطع القلب وحاولت أتماسك خوف تنزل من عيني دمعة ........وسلمت عليها وبستها من خدها وعمر سلم عليها من بعيد جلسنا شوية وتكلمت البنت : لو سمحتوا ممكن اسألكم سؤال ؟؟؟
ابتسمت ندى وقالت لها تفضلي اسألي
البنت: انتوا ايش تقربولي؟؟؟؟؟؟
عمر........صدمة ما كان متوقعها ما كان متوقعها يا ربيي وش السواة الحين تظن انا نقربها .....اخ بس لو تدري باللي صار وش بيصير لها ارحمني يا رب
من غير مقدمات تكلمت ندى :حنا نصير عيال خالتك انا ندى وهذا اخوي الكبير عمر
البنت : وانا وش جابني هني ؟اقصد ليش دخلت المستشفى ؟
عمر بارتباك وتوتر وخوف من ردة فعلها :اسمعي انا بقولك كل شي بس ابيكي تتماسكي ........وتكوني قوية

حسيت بخوف كبير لما سمعته يقولي اتماسك حسيت انه في شي كايد حاولت ابين اني طبيعية استعذت بالله في سري وانتظرته يتكلم ...........
عمر(آآآآآآه)وش أقول الحين يا رب تصبرني : ناظرتها وبين انها خايفة علشان كذا راح اختصر اللي صار ذاك اليوم قد ما اقدر
انتي الحين لكي هني حوالي اسبوعين ونص صارلك حادث انتي وهلك على طريق......
وهلك ......الله يرحمهم .........ماتوا في الحادث .....انفجرت فيهم السيارة والظاهر انك نطيتي منها قبل ما تنفجر
انا كنت انتظره يتكلم ويا ريته ما تكلم ولا قال شي ما قدرت استوعب كلامه حسيت خنجر يطعني بصدري .....شهقت ......حسيت بروحي بتطلع مني كتمت شهقتي .....على قد ما اقدر كمل كلامه واتمنيت اني مت بوقتها ولا عشت بهالعذاب (ما لي حد .....هلي ماتوا ،آآآآآآآآآآآآآآآآخ ويا ريت أذكرهم بس ماتوا)
ماتوا ماتوا ......نزلت دموعي بسرعة وصرخت صرخة ما ادري شلون طلعت وما حسيت بشي بعدها
عمر "قلت لها اللي صار وموب كله صحيح ......يمكن لو قلت لها التفاصيل تموت ع طول وانا اتكلم شفتها تشهق وتبكي وفجأة صرخت صرخة ...صرخة كلها الم وويل ما وعيت الا عالطبيب يدخل ومعه الممرضات اعطوها ابرة مهدئ ونامت على طوووول "
حملت نفسي وطلعت مع ندى خارج
ندى: اشفيك انت جيت تكحلها عميتها .....البنت تعبانة وتوها البارحة صاحية وتقولها اهلك تفحموا .....ما عندك قلب .....ما عندك اسلوب ....افرض البنية صار لها شي الحين شلون بتسامح نفسك
خلاص عاد لا تزيدينها علي وبعدين حنا ما نعرفها شلون تقولي لها حنا عيال خالتك هااااا
ندى: والله من جدك انت عيل وش تبيني اقولها ما نعرفك رحمتها المسكينة كانت متأملة مرة وما حبيت اكسر خاطرها على ولا شي
عمر:على ولا شي وش فيكي جنيتي انتي حتى لوجبناها عندنا تعيش معنا شلون بنجيب لها عايلة وقرايب انتي تظني ان هذا شي سهل انا اصلا غلطان لاني جبتك وياي
ندى: لا تخاف انا بضبط كل شي بس ادعي انها تقوم بالسلامة

مر اليوم بسلام والبنت صحت وكل شي كان تمام والدكتور خلاها اسبوعين في المشفى لين يجبر كسرها ويتطمنون عليها وبعدين يخرجها
مر الاسبوعين وندى ما تفارقها كل يوم عندها في المستشفى لين تعودت عليها بس كانت محرجة تسأل ندى عن أهلها أو أي عن أي شي يتعلق فيها ...........لين
في الأسبوع الثالث جات ندى عشان تاخذها للقصر واول ما دخلت شافتها على حالها الدمعة بعينها وخاطرها مكسور ونظرة الحزن باينة بعيونها
جلست ندى معها تقولها انها بتعيش معهم في بيتهم وما تدري شلون تبدى
البنت:سمعت صوت الباب يندق حطيت الطرحة ع شعري دخلت ندى شفتها ونزلت عيني للأرض على طول ما بيها تشوف دموعي صحيح انا ما اذكرها او ما عرفها بس ما اسمح اني يبان ضعفي قدام احد
الدكتور قاللي البارحة انو بيكتبلي خروج بس ما ادري وين بيتنا فيه وما اعرف وين برووح حسسيت فيها لما جلست بالكرسي اللي جنب السرير وحسيت ان عندها كلام ومترددة
ندى:بعد تفكير طويل واخيرا لقيت البداية الحمد لله يا رب :سمعت الدكتور بيكتبلك خروج اليوم صحححح
ندى:كانت بتتكلم بس قاطعتها وكملت انا ادري ان اللي صار مو شوية وادري انك بعد تعبانة حيل علشان كذا قررت انك تعيشين معانا في بيتنا ها وش قولك
تفاجأت من اللي قاعدة تقوله سبحان الله كأنها قاعدة ف قلبي ما ادري وشو ارد عليها بس لازم اسألها: بس انا ما عندي بيت هني ؟
ارتبكت بس ما بينتلها :هو بصراحة انا ما اعرف لان علاقتنا فيكم ما كانت ذاك الزود لدرجة اني ما اعرف عنكم شي بالتفصيل يعني ما كنتوا تخالطوا احد ولا تقعدون مع قرايبكم يعني ما ادري وش أقولك ما اعرف عنكم الا اشياء بسيطة
يعني تعرفين ايش اسمي ؟؟؟؟؟
ندى بارتباك وهي ما تدري وش تقول :انا اطلع من سؤال وادخل في اللي بعده والظاهر ان مواهبي بالكذب ظهرت الحين وبانت ع الساحة "خخخخخخخخخخخخ
ندى ولمعة نصر في عينها وكأنها لقت الجواب جات عينها على باقة الورد الموجودة عالمنضدة جنبها وكانت اول شي يخطر ف بالها وقالت لها : ورد انتي اسمك ورد
طبعا ما ادري شلون صرت كذا يا رب تسامحني عالكذب اللي قلته اليوم بس والله مضطرة يعني وش بقول للبنية بنت خالتي وما اعرف اسمك
البنت:ورد يااااااااااااي ما كنت متوقعة ان اسمي حلو كذا يعني انا قلت شي زي سحر سمر فاتن وداد بس ما فكرت بورد صدق يجنن الله يرحمهم هلي ذوقهم حلو مررررة الظاهر انهم كانوا يحبون الورد اااااااااااااااخ عليهم الله يرحمهم ما ادري شسوي بحياتي من دونهم

في مكان ثاني في لندن كان جالس في مكتبه داخل الجناح وحايس بالاوراق قدامه سمع صوت الباب ينفتح رفع راسه وشاف زوجته تبتسم له
دخلت مايا المكتب وجلست على ايد الكرسي اللي جالس عليه وميلت راسها عليه وقالت : عموري بدي اطلب منك طلب وبلييز بليز تسمعني
بدي سافر انا ورفيقتي ع لبنان بدي شوف امي وبيي ......زمان كتييير ما شفتن مايا بمياعة:
وطبعا لانه يحبها وما يقدر يرد لها اي طلب وافق وسفرتها بتكون بعد اسبوع
الساعه دقت ثمان وفي هالوقت يكون عشاء العايلة عمر ووالدته وزوجتة جالسين على طاولة العشاء ......في هذه الاثناء دخلت ندى ومعها ورد واول ما دخلوا سمت بالله وقالت : السلام عليكم
الكل :هلا والله وعليكم السلام
ورد:دخلت داخل وندى تجرني من يدي ابي ومابي خايفة ومحتارة ما ادري شسوي المهم دخلت ندى قبلي وسلمت شفت وحدة كبيرة بالسن ووحدة يطلع عمرها بأخر العشرين ومعهم الرجال اللي جاني المشفى وش اسمه ........يا ربي ...ايه تذكرت عمر ......المهم سحبتني ندى و طلعتني للدور اللي فوق مشينا شوي فتحت ندى واحد من الابواب كان باب كبير دخلنا داخل انذهلت باللي شفته .....كان عبارة عن جناح كبيير مررررة غرفة نوم باللون البيج والاورانج وجلسة صغيرة و اوفيس على جنب وغير الفرش اللي يخقق واااو جد روعة ما ادري وش جاني كانت عندي رغبة كبيرة ارمي نفسي عالسرير شكله مرة مريح وناعم مسكت نفسي والتفت لندى بحيرة.........
ندى:هذا جناحك بتقعدي فيه يعني هو موذاك الزود بس باليومين اللي فاتوا حاولت اصلح فيه قد ما اقدر الحين بتركك ترتاحين وبخليهم يجيبوا العشا هني اوكي..
هزيت راسي لندى وابتسمت لها وشكرتها
نزلت ندى وتركتني وانا طبعا ما صدقت خبر رحت على طول ورميت نفسي عالسرير يالله كاني تعبانة وبعدين هذا السرير يخلي الواحد ينام غصب حملت نفسي ورحت الحمام أكرمكم الله كان على جنب عند الجلسة دخلت تروشت لبست الروب وطلعت تذكرت اني ما عندي ملابس ما عرفت وش أسوي بس .......شف هبلي الحين وراي ما فتحت الدولاب ...رحت فتحت الدولاب وانصدمت لما شفت اللي داخله لبس يجنن كل شي بيجامات بناطيل كنزات تيورات كل شي يخطر بالبال اخذت بيجامة زرقا فاتح ربع كم مع بنطلون برمودا ولبستها نشفت شعري بالسشوار اللي لقيته عالتسريحة ورميت نفسي عالسرير وما ادري وين راحت الدنيا فيني
"عند ندى"

ندى:دخلتها جناحها ورحت جناحي غيرت ملابسي ونزلت تحت اشوفهم لقيتهم مخلصين عشا وجالسين عمر يتكلم مع زوجته وامي تفرفر بالتلفزيون اول ما نزلت الدرج قعدت جنب امي وما ادري وش اقولها .يعني موب عارفة شلون ابدى معها الموضوع
ندى:يمى
حصة هي ما زالت تفرر بالريموت وبدون ما تناضر بنتها:هلا
ندى:يمى بكلمك بموضوع وابي تسمعيني للاخر زين
حصة:زين تكلمي اش عندك
يمى شفتي البنية اللي قبل شوي
ايه وش فيها؟؟ حصة لفت لبنتها باستغراب:
يمى.......... احنا قلنالها انا نصير عيال خالتها ندى بخوف من ردة فعل امها:
حصة بصدمة :وش خالتها وش عياله منو انتو
انا وعمر ......عمر رفع راسه منصدم بس ما تكلم لان ندى اشرتله يسكت ندى:
وكملت .......يمى البنية مالها احد وعمر السبب انو راحوا منها اهلها علشان كذا اذا شفتيها قولي لها انك خالتها وانك انتي وامها ما كنتوا تكلمون بعض كثير ما ادري اخرطي عليها ...... وبعدين ترى انا قلتلها ان اسمها ورد يعني ديرو بالكم لا تغلطون معها
حصة بعصبية:انتي متى بتكبرين وبتصيرين عاقلة شلون تبيني اكذب عالبنت واقول لها اني خالتها يعني اذا انا خالتها لزوم خالك ابو مازن يكون خالها بعد
ندى اللي ما انتبهت لها النقطة جات ببالها فكرة :يمى قولي لها انك خالتها بالرضاعة يعني خالي موب شرط يكون خالها
عمر بضحكة:هههههههههه والله ما انتي هينة يا نديو اجل خالتها بالرضاعة يعني حنا عيال خالتها بالرضاعة والله الرضاعة طلع لها فايدة
حصة: سمعي بقولك شي انا اساسا ما بطول هني يعني كلها اسبوعين وارد الرياض بشوف اخوانك ما اقدر اتركهم بروحهم هناك
ندى بصوت واطي:احسن بعد
حصة:وش قلتي؟
ندى بارتباك :اقول اللي تشوفينه يمى
عمر :اخذ زوجته وطلعوا جناحهم وندى راحت جناحها وحصة جلست شوية وراحت تنام



اراءكم وتوقعاتكم أعزائي
موعدنا الخميس القادم ان شاء الله
ورد عمر غير متصل   رد مع اقتباس
قديم 10-06-2012, 12:04 AM   #3 (permalink)
♦♦ ياسمينة ♦♦
ماسة المنتدى
آتية من الزمن الجميل
 
الصورة الرمزية ♦♦ ياسمينة ♦♦
 
رواية ممتعة وشيقة

ان شاء الله تكون نهايتها مفرحة

في انتظار البقية

تحياتي لك
♦♦ ياسمينة ♦♦ غير متصل   رد مع اقتباس
قديم 10-06-2012, 09:41 PM   #4 (permalink)
سارا55
مشرفة متميزة سابقاً - أميرة الخواطر
زمن الصمت العالي
 
الصورة الرمزية سارا55
 
اهلا وسهلا نورتي يا غلا
وسوف يتم تثبيت القصة مع كل الشكر وان شاء الله تكون منتظمة في انزال الاجزاء
لي عودة
سارا55 غير متصل   رد مع اقتباس
قديم 10-13-2012, 12:14 PM   #5 (permalink)
ورد عمر
رومانسي مبتديء
زهور ذابلة
 
إرسال رسالة عبر Yahoo إلى ورد عمر
اعذروني للتأخير لكن كان عندي ظروف قاهرة وان شاء الله رح أعوضكم عن تأخيري بالأيام الجاية

صحيت من النوم الساعة عشرة وقمت تروشت وصليت الفجر اللي راح علي (يا رب تسامحني) وفتحت الدولاب ووقفت اختار شي ألبسه وكل الملابس ألوان فاتحة وصارخة وأنا ما أبي شي ملون لأن جرحي للحين ما برى من حزني على اهلي وحاسة بضيق في صدري ،كنت أتمنى أتذكر أي شي عنهم ،آآآآآآآآآآآآآآآآآآآآآآآآآآآآآآآآآآآآآآآه تعبت والله تعبت يا رب تصبرني يا رب ما لي غيرك

قطع تفكيرها صوت تخبيط مزعج عالباب ،فزت من مكانها وركضت للباب وفتحته
ندى تخبط على الباب:ورررررررررد قومي يالدبة وررررررررد يللا قومي

ورد بضحكة وهي تفتح الباب:أنا الدبة ؟؟؟؟؟؟

ندى بغمزة :خخخخخخخخخخخخ آه انتي ،كل هاذا نوم ؟؟ حشى صرتي دب

ورد :هههههههههههه اذا أنا دب أجل انتي وشو؟؟؟؟؟

ندى بغرور :أنا القمر ،أنا النجوم ،أنا الشمس ..أنا........
ورد تضحك بصوت عالي :ههههههههههههههههههههههه حشى انتي مجرة موب آدمية


ندى تغير الموضوع :أقول يا الدبة للحين ما بدلتي ملابسك ؟؟؟
ورد:كنت عند الدولاب بختار شي ألبسه واحترت ما أدري وش ألبس ؟؟؟؟؟


ندى بلقافة:أجل دخلي انا اختارلك على ذوقي خخخخخخخ
ورد: من زين ذوقك انتي عاد ....مالت عليكي وعلى ذوقك
ندى بنظرة تخوف :هيييييييييييييييييييي انتي ايش فيكي؟؟ ترى اسحبك من شعرك الحين واوريكي شغلك يا الدبة

ورد تضحك بهستيريا :ههههههههههههههههههههههههههههه المجنونة صدقت ..ما اقول الا يخلف على امن جابتك .......وسحبتها من ايدها وخذتها للدولاب حتى تساعدها باختيار لبسها

ندى تطلع ملابس من الدولاب وترمي عالسرير بسرعة .......طلعت حوالي عشر لبسات مختلفة وحطتهم ......لفت علي وقالت::يللا قومي قيسي ابيكي تجربيهم كلهم
ورد فاتحة فمها عالاخر وتناظر الحوسة اللي صارت :هييييي انتي وش كل ذا ..؟ تبيني اقيس كل ذولا والله لو تطلع براسك نخلة الحين ما قستهم ........وبعدين وش هالألوان احمر واصفر وازرق وفوشي ......انا ما البس ذي الالوان شوفي شي لونه اسود انا ما البس ذا

ندى :عز الله توفقنا ........انتي كم عمرك خالتي ......خخخخخخخخخخخ.......تبين اسود ...؟؟ ما في
ورد بحزن .:ندوش حياتي والله انا ما ابي اكسر بخاطرك ،بالعكس انا احب ذي الالوان بس تدرين هلي ماتوا من مدة قصيرة ومالي قلب البس هالالوان الحين

ندى: تدرين شنو خطرت ببالي فكرة خطيييييييرة مرة الحين بتلبسين بدون تفكير ........بدأت ندى تطلع كل الملابس السودا من الدولاب وترميها على الطرف الثاني من السرير واول ما خلصت ........مدت يدينها وشالتهم مرة وحدة ......وركضضضضضضضض برا الجناح

ورد للحين مو مستوعبة اللي صار واول ما حست ركضضضضضضضضضضض وراها وصرااخ نديوووو هاتي ملابسي ابيهم ...اقول هاتيهم احسن ما يجيكي طراااق
طبعا ندى من استغفلت ورد وشالت الملابس خذتها اتوستراد على جناحها وبدون مقدمات قفلت الباب بالمفتاح .

ورد بصرااااااااااااخ وهي تخبط على جناح ندى:نديووووووووووو افتحي الباب ولا بكسره الحين
ندى وهي تضحك:ما أبي أفتح يالدبة وضفي وجهك وروحي لبسي طالعة بروب الحمام مالت عليكي خخخخخخخخخخخخخخ

ورد استوعبت منظرها وهي طالعة تراكض بروب الحمام وما كأن أحد في القصر وصار وجهها أحمر وحست بالفشلة وخافت حد يشوفها ورجعت ركض لجناحها ،دخلت وسكرت الباب بسرعة وخذت نفس طويل ودارت بنظرهاعلى الملابس ما كان في حل الا تلبس منهم وبالآخر اختارت بنطلون جينز أزرق فاتح وبلوزة صوف توصل لين الركبة لونها كحلي وتحجبت بحجاب أزرق فاتح ولبست شوز ناعم مرة لونه كحلي وتعطرت بعطر خفيف ريحته روعة بس خفيفة ،ما كانت تبي تلفت أحد ريحة عطرها وخاصة عمر لأنو ما هو من محارمها ،ما كانت تحتاج اي نوع من انواع الزينة جمالها طبيعي مرة،نظرت نظرة أخيرة على نفسها وشعرت بالرضى وخاصة بعد اختفاء الخدوش والرضوض اللي صارت لها بسبة الحادث .

ورد...... فتاة جميلة جدا انثوتها صارخة وملفتة عمرها 22 سنة طولها 168 سم ووزنها 56 كغم عيونها عسلية فاتحة وشعرها ناعم بتموجات تضيف له السحر لونه بني وطوله لين نص ظهرها،رموشها طويلة وكثيفة، أما شفايفها فمليانة شوي وأنفها صغير وناعم ورغم قوامها الممشوق الا أن خدودها مليانة وتكسبها جمال طاغي ،انثى بمعنى الكلمة رقيقة وهادئة ولا تتخلى عن شطانتها احيانا لكنها تأسر الجميع بطيبتها .......(صديقتي سألوني أنا عنها خخخخخ)
تحركت ورد لباب الجناح وفتحته وراحت لندى وخبطت على باب جناحها

ندى:مييييييييييين؟؟؟؟؟؟؟

ورد: انا الدبة خخخخخخخخخخخخ

ندى بهبال:يمه وش جاية تبين؟؟؟؟؟؟؟؟؟؟
ورد بنعومة:ندوش حياتي فتحي الباب أنا جاهزة ،أبي أنزل أسلم على خالتي ،الساعة الحين 10:40
ندى فتحت الباب وهي خايفة من ورد بعد المقلب اللي عملته فيها

ندى ناظرت ورد بانبهار :وش هالجمال ؟؟؟وش هالكشخة ما شاء الله عيني عليكي باردة حق منو هالزين؟؟؟؟

ورد بخجل:مممممممممم ولا زين ولا شي هاذا اللي غصبتيني ألبسه ،هههههههههههههههه نسيتيني صباح الخير

ندى :يوووووووه صباح الورد يا الدبة
ورد بتساؤل ممزوج بالخجل: الا وين خالتي .؟؟ انا كنت ابغى .........

ندى :هههههههههههه تبغين وش يالمؤدبة؟؟؟؟؟؟؟؟؟؟؟
ورد حمرت من الخجل :ولا شي

ندى:أجل خلنا ننزل نشوف وش يسوون
ندى مسكت يد ورد وسحبتها وراها ونزلو درج القصر الى الصالة

وصلت ندى الصالة وهي تسحب ورد وما كان أحد موجود غير حصة(ام عمر) ،جالسة تشوف تلفزيون كالعادة وما انتبهت لندى وورد لما دخلوا

ندى وهي تقترب من امها وتبوس راسها:صباح الخير يا عسل
حصة تنظر لبنتها وهي رافعة حاجب وبابتسامة خفيفة :انتي متى بتعقلين ؟؟؟اللي يشوف تصرفاتك يقول بزر مالت عليكي من بين البنات

ندى:هههههههههههههههه ،بكرة لما ترجعين السعودية بتفقدين البزر على قولتك
ندى بهبل:اقول يمه متى بتزوجيني يمكن اركد

حصة بعصبية مصطنعة :ووجع تقولينها في وجهي يا قليلة الادب
حصة انتبهت لورد :....................

ورد لا حظت نظراتها وتكلمت بخجل:صباح الخير خالتي
حصة بنظرة متفحصة :هلا يا بنيتي ،شلون صرتي اليوم؟ان شاء الله ارتحتي في نومتك

ورد وهي تقترب وتبوس راس حصة:تسلمين خالتي الحمد لله ارتحت حيل،والله ما ادري كيف اشكركم على وقفتكم معي (نزلت دمعة من عينها ومسحتها بسرعة خافت تحسسهم)

حصة انتبهت لورد وحز في بالها وضع هالبنت:ورد تعالي يا بنتي جنبي هني
ورد بابتسامة وهي تشوف الطيبة واضحة في وجه حصة وارتاحت لها حيل راحت وجلست عندها:تامرين امر

حصة في بالها (ما شاء الله وش هالزين والادب والله البنت شكلها طيبة):اقول يا بنتي اذا نقص عليكي شي انا موجودة ما يردك الا لسانك وانا بمقام امك الله يرحمها

ورد نزلت عينها للارض وحاولت تتماسك خافت تبكي :تسلمين خالتي ما تقصرين ،لولا رحمة ربنا ووجودكم يمي ما ادري وش حالتي الحين

حصة:حنا ما سوينا شي يا بنتي هاذا واجبنا
ندى وهي مسوية نفسها متأثرة بكلامهم:اهئ اهئ وانا نسيتوني ،له يا حصة انا ماني بنتك؟؟اهئ اهئ

حصة وهي تحاول ما تضحك :حصة في عينك يالملقوفة ،في وحدة عاقلة تكلم امها كذا؟؟

ندى:اجل ليش تدلعين ورد وانا لأ؟؟؟؟؟؟؟؟
حصة:هههههههه تغارين منها ؟

ندى وهي تناظر ورد وعاملة حالها منقهرة:اي يا حليلها ،مالت علي مالي حظ
ورد:ههههههههههههههههههه ،ليش هالكلام ندى؟؟

ندى:وتضحكين يالدبة بعد ما اخذتي مكاني عند حصوووووه
حصة بعصبية:نديووووووه ووجع وصمخ يا ام لسان،قومي ضفي وجهك من هني

ندى وهي تلعب بأعصاب حصة وتمتص غضبها بسرعة وتقوم تبوس راسها وتسحب ورد من ايدها :تمونين يا عسل

حصة:ايه ضحكي علي بكلمتين
ندى تغير الموضوع: أقول يمه فطرتي؟؟

حصة: ايه ،انتي تدرين افطر مع اخوك عمر من بدري
ندى:اجل انا وورد رايحين المطبخ نشوف الشغالة تجهز لنا الفطور ،تامرين على شي

حصة: لا يا بنيتي بس خلهم يجهزون الغدا بدري عشان اخوك راجع يتغدى هني
ندى:من عنوني يمه

دخلت ندى وورد المطبخ ،طبعا تكلمت ندى مع الشغالة

Nada:good morning

Jolya:good morning

Nada:bring our breakfast to the garden, but don't be late,ok???

Jolyaf course ,do you need anything else??

Nada:no ,thanks

Nada thinkingh yes,make the launch early
Jolyak

طلعوا ندى وورد الحديقة وكان الجو روعة وجت جوليا بالفطور وافطروا وأخذت ندى ورد تبي تخليها تشوف كل شي في القصر (طبعا القصر كبير مرة صالة تتكون من عدة جلسات ومطبخ في الطابق الارضي و غرف النوم في الطابق العلوي وحديقة واسعة ومزروعة على النظام البريطاني )


بعد العصر جلسوا مع حصة يشوفون الاخبار ،كانت مايا راجعة من برا كالعادة بملابسها الفاضحة كانت ترتدي تنورة لونها أصفر لين ركبتها وبوت لنص الساق لونه ابيض وتوب ابيض وفاردة شعرها الاسود اللي يوصل لين كتوفها ،صح هي جميلة بس لبسها مكشوف حيل

وعمر ما يقول لها لا لأن هذا اسلوبها من لما تعرف عليها وحبها.

دخلت مايا وبنظرة جانبية فيها كبرياء:هاي عمتو،كيفكن ؟؟

حصة :الحمد لله،أشوفك رادة بدري؟

مايا بقرف:اوووف ،ما في شغل كتير حبيت ارجع ارتاح شوي ،عندي سهرة مع صحابي المساء.
حصة تقول وبكل وقاحة مع صحابي وما ردت حصة عليها ورجعت بنظرها لندى وورد
مايا نظرت لورد باحتقار وصعدت الدرج لجناحها

حصة (أم عمر تناظر ساعتها):أقول يمه ندى قولي للخدامات يصبوا الغدا أخوك عمر الحين يجي
ندى وهي تقوم:تامرين أمر يمه

حصة تطالع ورد:ها يا بنيتي ان شاء الله مرتاحة؟

ورد باحراج:اي والله خالتي احسكم أهلي ومرتاحة حيل وأحس ندى أكثر من أخت لي
حصة:ان شاء الله دوم وانتي مكانتك من مكانة ندى عندي.

عمر دخل من بوابة القصر الالكترونية ونزل من سيارته ودخل الصالة شاف أمه تكلم وحدة وما انتبه مين تكون

عمر نزل عينه للارض :السلام عليكم يالغالية

حصة:وعليكم السلام ورحمة الله وبركاته هلا بوليدي،شلونك يمه؟
عمر وما رفع عينه ما يدري مين هالبنت:الحمد لله بخير

حصة انتبهت لعمر منزل عينه للارض:أقول يمه ما في حد غريب هاذي ورد بنت خالتك

عمر رفع عينه وناظر بأمه وما نظر لورد ودخل باس راس أمه :كيفك يا ورد؟
ورد بإحراج :الحمد لله ،كيفك أخوي؟

عمر ناظر ورد وانصطدم من جمالها وما قدر يشيل عينه عنها وانتبه لأمه اللي تناظره وانحرج وتكلم:الحمد لله دام الكل بخير أنا بخير

عمر:أقول يمه أنا عندي شغل حيل ،صبواالغدا بتغدى وبطلع مكتبي اشتغل
حصة:دقايق ويكون كل شي جاهز

عمر راح جناحه يتدوش ويغير ملابسه وشاف مايا متسدحة عالسرير:مايا حبيبتي انتي نايمة؟
مايا:مممممم عمر انت هون؟

بدي نام شوي عندي سهرة الليلة حبيت خبرك

عمر وهو متضايق من تصرفات مايا لكن يحبها وما يقدر يمنعها من شي:ما تبين تتغدين؟
مايا:مرسي حبيبي،مو جوعانة

عمر :على راحتك ،دخل الحمام أكرمكم الله وتدوش وطلع بروب الحمام ،لبس بنطلون جينز أسود وتيشرت أبيض اديداس وحرك شعره بأصابعه بسرعة بس طلع شكله روعة

(عمر شاب وسيم جدا ،طويل طوله 185 سم عضلاته صدره بارزة و عامل لحيته ديرتي ،أسمر بس سماره يخقق،أنيق ويهتم بمظهره ،لبق جدا في التعامل ولكنه جاد في تصرفاته)

نزل عمر للصالة وكانوا ينتظرونه عالسفرة

ورد بس شافته نازل خجلت وجت بتقوم لكن حصة سحبتها جنبها:وش فيكي يمه؟

ورد بخجل :ما أبي أتغدى ما لي نفس
حصة فهمت عليها:أقول يا بنيتي عمر ما هو بغريب ،وبعدين اهو مثل أخوكي

ورد تفشلت لان حصة فهمتها وانحرجت ورجعت مكانها تتغدى معهم
عمر بعد ما سمى بدى يتغدى ورفع عينه لأمه:أقول يالغالية ،تراني حجزتلك تذكرة للسعودية بعد أسبوع
حصة :على خير ان شاء الله

عمر وجت عينه على ورد اللي جالسة جنب أمه وهو ما يدري في شي يجذبه لها يمكن انو هو سبب عذابها ،ضميره يأنبه يلوم نفسه عاللي صار بس يبقى قضاء وقدر وحنا ما نقدر نغيره
عمر نزل عينه وكمل أكله وتركهم وطلع مكتبه يكمل شغله

اراءكم وتوقعاتكم أعزائي
كيف ستكون علاقة مايا بورد؟؟؟
ماذا سيحدث لورد عندما تعود حصة للسعودية؟؟؟؟؟
انتظرونا في البارت القادم
دمتم في أمان الله //////// زهور ذابلة
ورد عمر غير متصل   رد مع اقتباس
قديم 10-13-2012, 12:18 PM   #6 (permalink)
ورد عمر
رومانسي مبتديء
زهور ذابلة
 
إرسال رسالة عبر Yahoo إلى ورد عمر
اقتباس:
المشاركة الأصلية كتبت بواسطة سارا55 مشاهدة المشاركة
اهلا وسهلا نورتي يا غلا
وسوف يتم تثبيت القصة مع كل الشكر وان شاء الله تكون منتظمة في انزال الاجزاء
لي عودة
ب
وجودك يا قلبي
ان شاءالله بحاول اني ما اتأخر
مع حبببببببببببببببي
ورد عمر غير متصل   رد مع اقتباس
قديم 10-13-2012, 12:23 PM   #7 (permalink)
ورد عمر
رومانسي مبتديء
زهور ذابلة
 
إرسال رسالة عبر Yahoo إلى ورد عمر
اقتباس:
المشاركة الأصلية كتبت بواسطة ♦♦ ياسمينة ♦♦ مشاهدة المشاركة
رواية ممتعة وشيقة

ان شاء الله تكون نهايتها مفرحة

في انتظار البقية

تحياتي لك
يا قلبي انتي
تسلميييييييييييييين عالرد
وتابعيني وان شاء الله تكون نهايتها مفرحة
مع حبببببببببببببببببببي بانتظار ردودك الحلوة دايما
ورد عمر غير متصل   رد مع اقتباس
قديم 10-21-2012, 02:17 PM   #8 (permalink)
ورد عمر
رومانسي مبتديء
زهور ذابلة
 
إرسال رسالة عبر Yahoo إلى ورد عمر
البارت الثالث
الساعة 11 ......ورد وندى جالسات يتفرجون عالمجلة ويضحكون
عالموديلات الغريبة والعارضات وفالينها ضحك ووناسة
اما عمر للحين جالس بمكتبه يكمل شغله اللي الظاهر انه ما يخلص
ام عمر جالسة في الحديقة تكمل شغل الجمعية الخيرية اللي بتفتتحها اول ما ترجع الرياض
وخطر ع بالها تكلم اولادها تخبرهم بموعد رحلتها .....رفعت جوالها ودقت رقم مشاري واستنت الرد ......بعد شوي جاها صوته
مشاري :هلا والله وغلا بأحلى حصة في الكون فديتك بقلبي وعقلي وكياني و......
قاطعته حصة: بسم الله عليك يمه .....انت ما تجوز عن حركاتك ذي والله اللي يسمعك يقول الولد يكلم المحبوبة
مشاري :لا يمه أي محبوبة وانتي موجودة ،انتي محبوبتي ..الا اقول يمه والله اشتقنالك حيل متى بتردين؟؟؟؟؟
حصة: والله انك ابن حلال يا ولدي انا اتصلت الحين لاني برد الاسبوع الجاي وابيك تجي تاخذني من المطار
مشاري: كولولولولولولولولولوليش واخيرا .......ما بغيتي ايه هذا الكلام السنع .....واخيرا حبيبتي حصيص بترد ....يا لبى قلبها مشتاق لها موووووووت
حصة بعصبية مصطنعة وهي ميته من الداخل ع كلام ولدها وهباله: ولد ...انت ما تستحي على نفسك .....ما عندك حشيمة امك وتقولي حصيص لعنبو ابليسك قليل الحيا
مشاري يحاول يكسر خاطرها عليه : ايه انتي ما تحبيني .....تحبي سليطين ابو راس (وهو يتصنع الصياح) اهئ اهئ اهئ
حصة: اقول عن الهذرة الزايدة .....وروح قول حق اخوك ابيه يجي وياك زين
مشاري: زين يالغالية تامرين شي ثاني
حصة: لا سلامتك يا وليدي سلم لي على اخوك وخواتك ويوم ارد اجمعهم في القصر ابي اشوفهم كلهم
مرت الساعات وعمر جالس في مكتبه يشوف شغله،ناظر الساعة وكانت 11:30 مساء واستغرب لأن مايا ما رجعت للحين ،ترك شغله في المكتب وراح للجناح غير ملابسه ولبس بيجاما سوداء من اديداس تذكر انو في شوية أوراق ما خلصها ،جلس في مكتبه اللي في الجناح يكمل شغله.

بعد ساعة تقريبا انفتحت بوابة القصر الالكترونية ودخلت سيارة شيفروليه سوداء باحة القصر ونزلت مايا من السيارة ونزل صديقها جون لف لجهتها ومسكها من ايدها وحضنها وطبع بوسة على خدها وتركهاوهو يقول :
Good night honey (love you)
مايا ما انتبهت للعيون اللي تراقبها وبعد ما ودعت جون دخلت القصر وطلعت حصة في وجهها
حصة ونار شابة بصدرها وما تدري وش تقول :بدري يا حرم وليدي كان كملتي للصبح
مايا وكأنها ما سمعت شي ما ردت وكملت للجناح:......................
حصة من القهر :يا قليلة الادب انتي ما تستحين ،ما كأنو انتي متزوجة وفي بيت محترم
مايا بعصبية:انتي شو دخلك ،روحي نامي يا خرفانة
حصة وهي تروح ناحية مايا وتحاول تمسك نفسها لا تضربها:الحق مو عليكي الحق على وليدي اللي تزوج وحدة ما هي متربية
مايا:مراباية غصب عنكن وما بطلعلك تحكي معي هيك ومين انتي شو مفكرة حالك؟؟؟؟؟
عمر اللي سمع صراخهم ونزل بسرعة يشوف وش اللي صار
عمر :يمه وش صاير ؟شفيكم ليه اصواتكم طالعة؟؟؟؟؟؟؟
حصة بعصبية:اسأل مرتك وش مسوية قليلة الحيا
عمر وهو مستغرب كلام أمه ويناظر مايا:مايا وش صاير وش مسوية؟؟؟

مايا وهي تتصنع الزعل وتعمل نفسها مظلومة وبنظرة استعطاف لعمر وهي تبكي:ما عملت شي حبيبي ما بعرف شو صاير لإمك؟؟؟؟؟؟؟؟
عمر وزاد استغرابه يبي يفهم الموضوع:يمه شفيكي عليها؟؟غلطت معاكي بشي؟؟؟؟؟
حصة وتبي تاكل مايا بنظراتها:هاذا البيت مالي قعدة فيه ومن بكرة برد لديرتي

عمر وهو يروح لحصة ويبوس ايدها:يمه اهدي وقولي وش فيه وما يصير خاطرك الا طيب

حصة وهي خايفة من ردة فعل عمر: زوجتك المصون رادة بعد نص الليل مع واحد غريب ولا ويسلم عليها بعد (ما حبت تكمل واختصرت الكلام خافت تزيد المشكلة ،ما حبت تكون سبب خراب بيت ولدها عمر)

عمر ما تفاجئ من كلام أمه لانو هاي طبيعة حياة مايا حتى قبل يتزوجها :الحين كل هالمشكلة عشان كذا؟؟؟

حصة وهي مستغربة من عمر انو ما عصب ولا شي:ايه وذي ما تعتبرها مشكلة
عمر يناظر مايا :سبقيني فوق
مايا بدلع :أمرك حبيبي
حصة وهي منقهرة من برود اعصاب عمر :أنا ما لي مكان هني ،أنا رادة باكر وهاذ آخر كلام عندي
عمر:ليه يالغالية ؟؟ترى البيت بدونك ما يسوى .
حصة :اذا تبيني ارتاح خليني أرد ديرتي أبرك لي
عمر ياخذ نفس طويل :اللي تبينه يصير وبكرة بغير الحجز لأقرب رحلة بس يمكن ما تكون باكر
حصة :المهم أبي ارد باقرب رحلة ما يهمني متى
عمر :تامرين بش ثاني يمه ؟
حصة :لا يا وليدي روح ارتاح

عمر يبوس راسها وايدها :تصبحين على خير يالغالية،،،،،،،وطلع لجناحه
حصة تفكر وهي مهمومة بعد اللي صار :الله يكون بعونك يا وليدي على هالحية
طلعت حصة جناحها توضت وصلت قيام وقرأت سور يس والملك والاذكار ونامت
أما عمر اللي طلع جناحه وما شاف مايا وعرف انها بالحمام أكرمكم الله تتدوش ،طلعت من الحمام وعمر جالس على طرف السرير
عمر وعيونه عليها وبعتاب :انتي كيف تردين مع واحدغريب،انتي الحين متزوجة ما عدتي مثل قبل تطلعين وتردين على كيفك وأنا تهمني سمعتي يا مدام
مايا وهي طالعة بروب الحمام مشت عند عمر بمياصة وهي تسوي نفسها تبكي :أنا بشو غلطت ؟؟؟كل هايدا عشان سهرت مع صحابي ؟؟
عمر بعصبية:خفيفيها سهراتك يا محترمة...... ،ما هي ضرورية كل يوم والثاني طالعة تسهري ترى مليت من العيشة كذا اففففففففف
قام من السرير متضايق وراح للمكتب ولع الليت وجلس بهم عالكرسي وسرح بأفكاره وصار يتذكر اول مرة شاف فيها زوجته ......ذكريات تمر عليه يحبها .....يحبها مرة .....بس ما يدري شلون يغير اطباعها .....وبالرغم انه يحبها لكن للحين رافض فكرة انو يجيب منها عيال بس مفهم الكل انها هي ما تبي ...استمر على هالحال وما يدري كم مر وقت بس كأنه غفاله شوي عالمكتب وهو مايدري (الظاهر كذا)
ندى وورد جالسين ومو حاسين بالصوت اللي برا
ندى جالسة معي على سريري وتسولف عن عمانها وعيالهم وبناتهم فديتها تعودت عليها مرة ما اتخيل انو يمر علي يوم من غير ما اشوفها الساعة صارت تقريبا وحدة ونص وندى للحين جالسة تهذر قامت بالغصب لان عندها جامعة وما تقدر تتأخر اكثر من كذا ::::طلعت من عندي وتميت لحالي وقفت جنب الشباك لقيت الجو بارد شوي لبست جاكيت البيجامة ونزلت وانا متأكدة ان ما في احد صاحي الحين ........انا طبعا اول مرة انزل تحت علشان كذا كنت خايفة اضيع بالممرات حفظت الطريق زين وانا ماشية نزلت من الدرج وصلت لصالة فخمة مرة تجنن ما عرفت شلون بطلع برا كان في بابين واحد كبيير وواحد صغير قلت اكيد الكبير بيطلع برا فتحته لقيته يفتح على صالة ثانية ومعها سفرة سكرته ورجعت للصغير فتحته لقيته عبارة عن غرفة مكتب شيك مرة سكرتها ورجعت للباب الكبير دخلت ولقيت اربع ابواب ما دريت اي واحد فيهم يودي خارج فتحت واحد وطلع يودي على مجلس واسع . ....يا ربييييي كم مجلس عندهم ذولا سكرته رجعت فتحت اللي جنبه ......وي اخيرا ما بغيت الاقي الحديقة طلعت وانا مبسوطة مرة الجو يهبل وما في احد اخذت راحتي عالاخر وصرت اتمشى شفت نور مولع مشيت ناحيته كانت الجهة الثانية من القصر جد ذوووق اللي مصممه جامع فيه الفخامة القديمة مع الديكورات الحديثة رووعة جنان .......لقيت جلسة صغيرة قلت بريح رجولي شوي وبستمتع بالهوا البارد المنعش اللي ينسي الواحد همه
عمر: قمت عن المكتب كانت الساعة تقريبا 2 كنت نعسان وما ناظرتها كويس رحت للثلاجة الصغيرة اللي في الاوفيس طلعت قنينة موية وقعدت اشرب شفت الشباك فاتح ويدخل الهوا البارد منه رحت بسكره شفت ما ادري يمكن توهمت ان في وحدة في الحديقة فتحت عيوني زين وركزت نظراتي عاللي قاعدة بالجلسة تحت يمكن ندى بس لاااا ندى شعرها قصير وهاذي شعرها طويل يا ربيييي منو هاذي ....شهقت معقولة جنية......بسم الله علي ...اش فيني ما في جن يقعد بالاضاءة طب منو هاذي ....ما دريت عن نفسي الا وانا ماخذ لي جاكيته من الدولاب ونازل ركض عن الدرج بشوف منو هاذي قبل لا تختفي طلعت ولفيت مكان ما شفتها ناظرت من بعيد شفت وحدة لابسة بيجامة وردية قطن ولابسة فوقيها جاكيت فوشي دافي شعرها اسود وطويل لفتني شي فيها ...........كانت سرحانة ناظرت عيونها حسيت بشي غريب نفس الاحساس اللي حسيته يوم رحت لذيك البنت في المشفى .....ايه صح ...... صدق اني غبي هاذي نفس البنية بس اول كانت مغطية شعرها كانت رافعة عيونها لفوق وما ادري حسيت انها تبكي ما قدرت اقرب خفت تشوفني (استغفر الله العظيم شفييني اطالع البنية كذا،يا رب سامحني ) حملت رجولي ودخلت داخل طلعت جناحي وحطيت راسي بنام بس ما عرفت قمت توضيت وصليت ركعتين لله تعالى وجلست قرأت سورة الفتح وبعدها حطيت راسي ونمت

ورد:كنت جالسة في الحديقة والهوا البارد يلسع خدودي بكيت على هلي وعلى نفسي وعلى كل شي .......دعيت الله يفرج لي همي ويرجعلي ذاكرتي ....يمكن الواحد يتمنى مرات انه يعيش من غير ماضي بس الحياة ما تنفع من غير ذكريات .......حسيت اني شفت ظل شي ....خفت لا يكون في جني ....تعوذت بالله من الشيطان وحملت نفسي ومن مطرح ما جيت رجعت

عمر صحى من نومه الساع عشرة:يوووووووووووووووه تأخرت
طالع بجنبه شاف مايا نايمة راح الحمام أكرمكم الله وتروش وطلع بروب الحمام وراح لغرفة الملابس ولبس بدلة سموكن ورتب شعره ورجعه لورا وتعطر من عطره المفضل شانيل وشكله طلع يخقق.
راح لمكتبه وأخد شوية أوراق وطلع من الجناح
حصة صاحية من بدري وجالسة في الصالة وطلبت من الشغالات يجهزوا الفطور
عمر شافها وهو نازل وراحة عندها وباس راسها:صباح الخير يالغالية
حصة :صباح الخير يا ولدي ،انتبهت ان عمر مستعجل
وعمر وهو عاقد حواجبه ويناظر الاوراق اللي بيدينه :أنا طالع الحين ،تبين شي يمه؟؟
حصة :شفيك يمه خليك تريق وبعدها روح ما يجوز تطلع على لحم بطنك كذا
عمر :تأخرت يالغالية بروح عندي شغل
حصة:الله معك يا ولدي
الساعة 10:30 نزلت ندى بسرعة وكانت لابسة بنطلون جينز سكيني اسود وبلوزة لونها اخضر زيتي توصل لين تحت الركبة بشوي وشيلة بيضاء فيها ورود بالاخضر الزيتي وشنتة سوداء من برادا وشوز أبيض من قوتشي
ندى وهي تعدل نفسها:صباح الخير يمه
حصة:هلا ببنيتي،أشوفك طالعة؟
ندى وهي تبوس راس امها:ايه يمه نسيتي انو عندي دوام اليوم وكلها شهرين وبفتك من الدراسة،يا زين جلسة البيت وناسة

حصة :طيب فطري وبعدها روحي
ندي:لا يمه بتأخر وبعدين ما أخلص من مناقر الدكاترة ،لا تخافين بتريق بالجامعة (ندى تدرس في جامعة كمبردج غرافيك ديزاين وهاذا آخر كورس لها وتتخرج)
:الله يهدي بالكم يا عيالي ويوفقكم.

تتململ في السرير من التعب ،فتحت عيونها وناظرت الساعة جنبها شافتها 12:20:يووووووووه كل هاذا نوم وش بيقولون عني الحين ؟نايمة لهالحزة

ورد تحركت بسرعة من سريرها ودخلت الحمام تروشت ونشفت شعرها ولبست فستان وردي طويل بدون أكمام ناعم مرررة بخصره ورده بيضاء ولبست شوز ابيض من برادا وتركت شعرها مفرود براحته على ظهرها،حطت بلاشر وردي وكحلة خفيفة لكنها أظهرت جمال عيونها اللوزية الواسعة وحطت قلوس وردي بلمعة من لوريال باريس طلع شكلها جنان مزيج بين الانوثة والبراءة (ورد متطمنة انو في هاذا الوقت ما يكون في البيت الا حصة وندى اليوم في الجامعة وعمر يروح شركته من بدري وما يرد الا الساعة أربعة عشان كذا اخذت راحتها في اللبس)
نزلت الصالة وشافت حصة جالسة تقلب في مجلات عن أحدث صرعات الازياء (حصة مرررة طيبةوبالرغم من عمرها اللي تعدى ال48 لكن تحب الازياء وتحب تهتم بشكلها واناقتها وتخاف انو وزنها يزيد عشان كذا تلاقونها كل فترة رايحة مركز لياقة)

راحت ورد عندها وباست راسها :صباح الخير خالتي

حصة وهي تناظر ورد باعجب(ما شاء الله هالبنت عليها ذوق والا جمالها طبيعي يهبل ):صباح النور هلا يمه ،جلسي جنبي يمه ،ما شاء الله يا بنيتي وش هالزين ؟؟؟؟؟

ورد جلست جنب حصة ومنزلة عيونها للأرض من الخجل :ها............
حصة وهي ترفع التلفون وتدق على المطبخ:
Hessa:jolya??
Jolya:yes, madam
Hessa: make breakfast for ward ,and bring it here quickly
Jolya k madam, anything else??
Hessa:no,thanks
وسكرت السماعة :الحين تتريقين وبعدها نطلع الحديقة نجلس شوي ترا اليوم الجو حلو
ورد: على أمرك خالتي

في مكان آخر في لندن جالس في مكتب الاجتماعات يناظر بعض الاوراق ويناقش مدراء الاقسام في الشركة في بعض الصفقات.

فجأة ترك اللي بيده وناظر في تلفونه اللي يرن وشاف رقم غريب رفع التلفون لاذنه وجاوب بكل جدية وثقة
Omar: hello
…………:hello, Mr Omar Al……..??
Omar: yes,who are you??
…………:I'm officer………… from London police station ,I want to talk with you about the accident If you have atime??
Omar: ok ,I will be there

عمر سكر التلفون وأجل الاجتماع ليوم ثاني وطلع من الشركة بسرعة وركب سيارته المايباخ وراح للشرطة
نرجع للقصر:

أصوات ضحك عالية صادرة من الحديقة الامامية للقصر

ورد وحصة جالسات على النجيل وقالبينها ضحك ووناسة وحولهم حوسة (عصير وفصفص وشبوس و....) ورد اللي استغربت حيل من حصة وحبتها مرررة ،كانت أول مرة تعرف هالجانب ما توقعت انها فلة كذا وتحب النكت والضحك ودمها خفيف لأبعد حد
حصة وورد قرروا ان كل وحدة تقول نكتة واصوات ضحكهم كل مالها تعلا

جا دور ورد :مرة واحد شاف الفنان رابح صقر وسأله :انت رابح صقر ؟ف رد عليه وقله ايه انا رابح صقر ..........جا المحشش وقاله طب وين الصقر اللي ربحته (خخخخخخخخ بايخة ادري بس ما لقيت غيرها)
جاهم صوتها :ها ها ها ها بايخة ،ما بتعرفي تنكتي ،بدي اعرف شو هالشي اللي عم يخليكوا تضحكوا
حصة ناظرتها من فوق لتحت :انتي وش دخلك ياللي ما تستحين على وجهك ،جاية تخربين وناستي بعد؟؟؟؟؟؟؟
حصة تكمل :أقول ضفي وجهك من هني ،وروحي لبسي عدل ،لبسك ذا تلبسينه في غرفتك ،صدق منتي متربية (طبعا مايا كانت لابسة قميص نوم قصييير مررة يوصل لنص فخوذها وعاري الصدر والظهر يعني كأنها موب لابسة شي )
ورد اللي حمرت من منظر مايا بهاللبس :هدي خالتي ما عليكي منها
مايا بقهر :مين ضايل الا بنت الشوارع تتدخل فيني
ورد سمعت الجملة وحست بدموعها بتنزل الحين نزلت راسها .......ورفعته مرة ثانية عالصوت اللي سمعته
شفيكم أصواتكم طالعة لآخر الشارع ؟؟؟؟؟؟
عمر يكمل :مايا احترمي نفسك ،ورد بنت ناس غصب عنك ،انقلعي فوق
ورد اللي انتبهت لنفسها بهاللبس قامت تركض لجناحها وحز ببالها كلام مايا
عمر اللي تو انتبه اتعلقت عيونه بالطيف الوردي اللي مر من قدامه (اشفيك فوق لنفسك .......استغفر الله العظيم يا رب ......اشفيني بس صاير اقز البنية .....يا رب تسامحني والله غصب عني )
مايا تناظر عمر ودموعها نزلت من كلامه:عمر انت بتئول هايدا الكلام الي؟؟
عمر بعصبية:ايه ويالله تحركي من هني
مايا طلعت تركض للجناح وهي تبكي وتتوعد ورد:بتشوفي يا بنت الشوارع ازا ما ربيتك ،والله رح تندمي
ورد جالسة في غرفتها :استغفر الله العظيم ،يا رب تسامحني والله موب قصدي ،هو اللي راجع بدري اليوم وعدين انا اشدراني انه بيدخل كذا من غير ما يطلع صوت يا ربييييي فشلة
وتذكرت كلام مايا ونزلت دموعها من غير ما تحس :أنا بنت شوارع؟؟؟؟؟يا رب صبرني ،يا رب أتذكر كل شي والله تعبت والله بموت من القهر .......وينك يمه .....يممممممممممه تعالي ابيكي جنبي ......يمه هاذي تقول عني بنت شوارع ما يصير ....صحححححح زاد بكاها وكان نفسها امها تكون معها صدق انتوا ما تدرون شلون الواحد يحس لما ينهان في بيت احد غريب .......ما تدرون اش يعني الواحد يفقد كل شي بلمح البصر....... .حتى ولو مجرد ذكرى بسيطة عن الناس اللي تحبهم وما تلاقي .......... غفت ورد وهي تبكي ودموعها عخدها ما كانت تعرف شنو الدنيا مخبيتلها اللي كانت تبيه انها ما تكون وحيدة بسسسسسسس

جاء وقت الغدا الجو مشحون ومتوتر وندى داخلة الصالة وما تدري عن اللي صار بغيابها عمر نزل وهو لابس قميص اسود وبنطلون قماش اسود ورامي الجاكيت ع كتفه باهمال التم الجميع ع طاولة الغداء ما عدا ورد ومايا اللي لين الحين زعلانه من عمر وما تبي تكلمه لانه هاوشها قدام اهله
حصة بقلق: يمة ندى ما شفتي ورد الحين
ندى :الا يمه مريت جناحها بس كانت نايمة بملابسها ومو متغطية بعد ايه يمه صح والظاهر انها كانت تبكي لان وجهها ومناخيرها حمر
الا صحيح اش صاير لكم كأنه صاير شي
عمر يحوس من ساعة بصحنه ومو ماكل شي وجالس يفكر بالكلام اللي قاله له الضابط اليوم .....معقولة .....يطلع اهو ....ما كنت متوقع ......مسك راسة بيده بألم كان يبي يصرخ انا اش سويت ...خذا كاسة الماي شرب منها رشفة صغيرة وحمل جاكيته وطلع برا القصر
ما حد يدري باللي صاير معه
بس ايش تتوقعون ؟؟؟؟؟؟؟؟؟
وش قال الضابط لعمر ؟؟؟ووش كان يبي منه؟؟؟
وورد هل ممكن انها تتخطى مايا وتصرفاتها ولا؟؟؟؟؟
ابي ردودكم وتوقعاتكم للبارت الجاي
دمتم بأمان الله
ورد عمر غير متصل   رد مع اقتباس
قديم 10-30-2012, 09:39 AM   #9 (permalink)
البدوية فقط
رومانسي مبتديء
 
يسلمووووووو ويعطيك العافيه
البدوية فقط غير متصل   رد مع اقتباس
قديم 10-30-2012, 09:41 AM   #10 (permalink)
البدوية فقط
رومانسي مبتديء
 
شكرررررررررررررررررررررررررررررررررررررررررررررررر ررررررررررررررررررررررررررررررا
البدوية فقط غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
روايتي الاولى : الم لاصارو احبابك صنم أريد اهواك روايات كاملة طويلة ممتعة للقراءة 12 02-10-2014 01:24 AM
روايتي الاولى\حبك في قلبي حتى لو مادريت عن هوى داري عنادي ذابحهم روايات كاملة طويلة ممتعة للقراءة 10 02-10-2014 01:22 AM
روايتي الاولى)ضمني حييل رومانسيه حييل روايات كاملة طويلة ممتعة للقراءة 32 02-09-2014 11:54 PM
روايتي الاولى \ نوف الاميرة رودي روايات كاملة طويلة ممتعة للقراءة 14 02-09-2014 05:05 AM
روايتي الاولى / لقاء في السراب معشوقه بلا قلب روايات كاملة طويلة ممتعة للقراءة 34 02-09-2014 04:13 AM

الساعة الآن 01:07 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103