تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة عالمية منقولة تستحق القراءة

روايات كاملة عالمية منقولة تستحق القراءة اجمل الروايات العالمية تصفحها بسهولة وتمتع بقراءتها حيث نقدم لك الجديد أول بأول

حكايتي مع زوجي والعفريت .. مأسآه اعيشها كل لحظه

Like Tree8Likes

إضافة رد
 
أدوات الموضوع انواع عرض الموضوع
قديم 05-17-2012, 08:31 PM   #1 (permalink)
عاشق الجنة.
مشرف متميز سابقاً
حكايتي مع زوجي والعفريت .. مأسآه اعيشها كل لحظه




حكايتي مع زوجي والعفريت .. مأسآه اعيشها كل لحظه

هذه الحكايه حقيقيه وحصلت احداثها فعلا لانسانه تعيش مأساه واسمحوا لي اني احكي لكم حكايتها مع زوجها والعفريت علي لسانها هي ونشوف الاحداث المؤلمه اللي اتعرضت لها
تبدا الحكايه بكلامها عن نفسها ...
حكايتي مع زوجي والعفريت .. مأسآه اعيشها كل لحظه
أنا متزوجة من 9 سنوات جامعية ومعايا دراسات عليا
انا اللي بيقولو عليها السندريلا الجمال والرشاقة والشياكة واللطف
والعياذ بالله من كلمة انا او مدح نفسي بس والله كان رأي الكل في كده
بس مفيش بخت
مفيش حد من المنطقة او معارفنا الا واتقدم لي وكنت برفض لمجرد الرفض
حتى المعيدين بالكلية وبعض اقارب الدكاترة لكن بلا موافقة لو سألتوني ليه ما اعرفش
لدرجة ان ماما وعمتي الكبيرة ايقنو ان عليا عفريت مانع جوازي
المهم بعد ما خلصت البكلوريوس ابتديت الدراسات العليا تمهيدا للماجيستير
اختي الكبرى تزوجت عن قصة حب عنيفة من شاب من اسرة طيبة جدا ونعرفهم وكان والد هذا الشاب زي ابونا بعد وفاة بابا (الله يرحمه)
واثناء تحضيري للتمهيدي رجع من السفر اخو زوج اختي
شاب طيب الخلق محبوب حتى من الحصى اللي بيمشي عليه ( على رأي كل الناس) ما يترك فرض بالمسجد مهذب خلوق حنون لأبعد الحدود
وأنا كنت على علم بهذه الصفات كلها
حكايتي مع زوجي والعفريت .. مأسآه اعيشها كل لحظه
وكنت لا أنكر اعجابي بهذه الصفات وهذا الأخ فوجئ بحجابي ( كنت الأول غير محجبة) فأبدى اعجابه بي وفجأة تقدم لي وعايز يتزوجني
والنصيب لما بييجي فقلت أيوة الكل استغرب معقولة (معاه دبلوم صنايع)
وأنا على (أعتاب الماجيستير)
بس والله ما همني ولا شيئ
كان عندنا مشاكل كتير وحادث لأخي (التؤام) صار بعدها مقعد على كرسي متحرك
كنت تعبت من كتر المشاكل والمآسي خصوصا بعد مرض امي قلت مفيش غير الملتزم الحنون ده هو اللي يستاهلني ووافقت واتخطبنا
واول مرة قعدنا فيها مع بعض قال انا عاوز اتجوزك قلت موافقة
قالي من اللحظة دي انت مراتي ومسئولة مني
اتخطبنا سنة كان هو مسافر فيها الكويت
قضيناها مكالمات ونت وجوابات وشرائط كلها حب وغرام وهيام وعشق
اعترف لي انه كان بيحبني من زمان بس مخبي لإحساسه اني ممكن ارفضه
وعدت السنة ورجع واتجوزنا
حكايتي مع زوجي والعفريت .. مأسآه اعيشها كل لحظه
بدأيظهر عدم الاهتمام من الفرح كل شئ عنده ( مش مهم يلا اي حاجة)
حتى ليلة العمر يلا اي شيء وسايب كل شئ لأخوه الكبير
واحب اقولكم ان اسوأ شئ في حياتي هو فرحي والأستوديو اللي اتصورت فيه
( انا قطعت كل صور فرحي) وما عزمتش حد على فرحي ( حاجة تكسف)
المهم عشنا سوا شهرين وبعدها سافر زوجي
في الشهرين دول كنت بشوف زوجي ساعة النوم بس
تقريباطول اليوم عند اهله( والده ووالدته ساكنين في مكان بعيد عنا )
وانا ساكنة في شقة وفي الشقة اللي فوقي اخوه الكبير وزوجته اللي هي اختي
واخوه الصغير متزوج في الدور اللي بعدهم من صديقة مقربة لي يعني كل ستات البيت كويسين مع بعض
حكايتي مع زوجي والعفريت .. مأسآه اعيشها كل لحظه
زوجي يصحى من النوم وانا لسه نايمة يلبس ويروح يفطر ويقضي طول اليوم عند اهله ويرجع بالليل يخبط على الباب وهو بره يقولي العشا جاهز أقوله بس هسخنه حالا يقولي طب انا فوق عند اخويا لغاية ما تجهزي السفرة وبس يرجع نتعشى ننام و............هاهاها فهمتو طبعا وبس .
وعلي الحال دا انا عشت 3 سنوات في مصر وزوجي يأتي اجازة شهر كل سنة
في الوقت ده كنت حملت وانجبت بنتي الكبرى ونور عيني
الأولى ( ****)
واستمر زوجي على نفس الحال ما اشوفه ولا اعرف عن احواله الا الحب والغرام وكلام العشق في الجوابات واقول لنفسي كل الحب ده ولما ييجي تكون هي دي المعاملة
دا غير اني استحملت جفا اهلهولا كان حد فيهم بيزورني ولا يعرف عني حاجة
مع ان اخوه الكبير في نفس البيت معايا
بس في منتهى القسوة وسلاطة اللسان
وعدم الاهتمام
ولما يوصل جوزي الاقي الزيارات والهدايا والحب من كل ناحية
طبعا من اهله لأبنهم
حكايتي مع زوجي والعفريت .. مأسآه اعيشها كل لحظه
كل ده وانا مصورة لأهلي واصحابي اني عايشة قصةحب خيالية
لدرجة ان اختي الصغيرة كانت تتمنى زوج مثل زوجي من كتر كلامي الرائع عنه
لغاية ما جه يوم طلعت كل الجوابات والشرائط اللي بالمئات لقيتها كلها كلام حب ينفع اتنين حبيبة مش اتنين متجوزين
وساعتها اتأكدت اني خرجت من جوازي بس بطفلة بدون زوج
حتى اخباره اعرفها من اهله
اتصلت بيه وقلت له انا عاوزة اسافر لك او انت تييجي
ما ينفعش ييجي فا اتفقنا على اني اسافربس بعد ما اخد كام كورس مع التمهيدي عشان اعرف اشتغل هناك
وحصل واخدت وجه يوم السفر
حكايتي مع زوجي والعفريت .. مأسآه اعيشها كل لحظه
ما كنتش بفكر في اهلي ولا بلدي اللي هسيبهم ولا امي المريضة واخويا المقعد مش شايفة غير اني حياتي الزوجية اخيرا هتبدأ
وسافرت (عاوزة اقولكم ان معظم اقارب زوجي معاه بالكويت اخ واخت واولادها وعمه واولاد عمه) يعني بصراحة انا اللي في مصر في غربة
المهم اني سافرت له الكويت
و طبعا انا سافرت معتقدة ان كل الحب هيطلع لأن اهله ( ابوه وامه) مش هناك
كنت بشتغل وارجع من شغلي الساعة 2 اجيب بنتي من الحضانة
وارجع جوزي يرجع الساعة 4يتغدىوينام ويفضل نايم لغاية تاني يوم الصبح الساعة ستة صباحا يصحى يروح الشغل
والله دا اللي كان بيحصل
برضه ما اعرفش عنه حاجة احاول معاه بكل طريقة
اكتب جوابات واحطها في جيبه تحت المخدة
جالي اكتئاب وبنتي من قلة الكلام جات لها حالة لجلجة وفقدت النطق لفترة
بنتي بقت تدخل غرفة النوم على ابوها وهو نايم تقولي ماما هو مين ده؟
وقلت لنفسي واضح انه انكتب عليا اكلم نفسي في مصر وهنا في الكويت كمان
الشئ الوحيد اللي ممكن يسهر له هو لما يكون في ماتش كورة
او بيكلم اخواته على النت
حكايتي مع زوجي والعفريت .. مأسآه اعيشها كل لحظه
عمره ما استأذن من شغله ولا غاب لا في مرضه او مرضي حتي ولو بنته بتموت
لو خرجنا الاقي غضب ربنا على وشه ونتخانق ونرجع من على الباب
لما كنت امشي في الشارع لوحدي الاقي نفسي ملفتة وكل الناس بتبص عليا بقيت اشك في نفسي هو شكلي غير مشرف
الحمد لله رشيقة انيقة جميلة محجبة ومحترمة في ايه بس يبعده عني ...؟؟
وفي يوم كنا عند ابن خالته دخلت بهدوء ادخل مشروب( لأن زوجته كانت والدة) وضهرهم ليا قاعدين فاتحين ايميل جوزي على النت ولاحظت من بعيد اسم واحدة مكتوب بالعربي وبعدين خرجت
واحنا في السيارة راجعين سألته (حبيبي ايه الايميل بالعربي اللي عندك)
فرمل السيارة فجأة وقالي ( صاحبتي عاوزة حاجة ؟؟؟)
قلت له ولا شئ
رجعنا البيت اتعشينا وانا ساكتة ونمنا وانا ساكتة لغاية تاني يوم رجعنا من الشغل فقالي انت ازاي تسمحي لنفسك تدخلي فجأة عليا انا وصاحبي وايه يعني لما يكون لي صاحبة
قلت له ( احنا هنتخانق على دخولي عليك ولا على صاحبتك)؟؟؟
و بعد ما شدينا شوية مع بعض قلت له دا انا قربت انسى صوتك من قلة الكلام معاك سايبني انا وبنتك وبترغي مع واحدة كلبة
وهنااااااااااااااااااااااااااااا
حكايتي مع زوجي والعفريت .. مأسآه اعيشها كل لحظه
انفجر جوزي انتي ازاي تقولي كده دي محترمة واحسن منك
ونزل على وشي لأول مرة في حياتي قلمممممممممممممممم
صعقت وبنتي وقعت مغمي عليها
انتو عارفين اكتر حاجة ضايقتني اني حسيت اني انضربت من غريب مش من جوزي لأن كنت نسيت يعني ايه زوج اصلا


حكايتي مع زوجي والعفريت .. مأسآه اعيشها كل لحظه

~انتظروا الجزء الثاني ان شاء الله


عاشق الجنة. غير متصل   رد مع اقتباس
قديم 05-19-2012, 01:36 PM   #2 (permalink)
سكارلت
رومانسي مبتديء
اميرة الحب
 
الصورة الرمزية سكارلت
 
إرسال رسالة عبر Yahoo إلى سكارلت
حلو استمر شدني العنوان
للقراءة وحاسة انها حلوة التكملة
بليز ما تطول علينا
سكارلت غير متصل   رد مع اقتباس
قديم 05-19-2012, 01:51 PM   #3 (permalink)
نفرتارى.
أمير الرومانسية - ماسة المنتدى
الضربه جتلك من الوطن
 
الصورة الرمزية نفرتارى.
 
حلوة جدا جدا

بليز ما تغيب علينا كتير

قصة مشوقة وحلوة
نفرتارى. غير متصل   رد مع اقتباس
قديم 05-19-2012, 05:55 PM   #4 (permalink)
عاشق الجنة.
مشرف متميز سابقاً
سكارلت

نفرتارى.


ان شاء الله نكملها
عاشق الجنة. غير متصل   رد مع اقتباس
قديم 05-19-2012, 06:09 PM   #5 (permalink)
عاشق الجنة.
مشرف متميز سابقاً


الجزء التاني

--.--



هروح فين جوازي وبنتي على اقامته وماليش حد في الغربة سكت وبعدها بفترة اتصالحنا
ولما نزلنا اول اجازة بعد فترة قضيناها في مصر اكتشفت ان كل اهله بيعاملوني وحش جدااسوا من الأول وبالصدفة البحتة اكتشفت ان كل اسرار حياتي وعلاقتنا الزوجية بتفاصيلها
بل في مواقف بتحصل عادية وهو بيفسر ها بطريقة غريبة يتنحكي لأهله وحماتي لسانها الفالت ممكن يودي اي بيت في ستين داهية لدرجة ان ابوه اللي كنت بعتبره العاقل الوحيد جه يعاتبني اني مش مريحة ابنه في البيت عشان كده ابنه بيبص بره
( قصده على موضوع النت)

كنت حامل في بنتي الوسطى وفي اخر شهر في الحمل انتقلت من عملي لعمل اخر وبعد الولادة مباشرة استلمت عملي في وزارة التربية في مدرسة صعبة جدا كل شئ عاوزينه حالا كل شئ كن فيكون مفيش لي عذر اني جديدة ولا لسه والدة بنتي من اسبوعين ولا شئ
كنت باخد 4 لفت نظر في يوم واحد مش ملاحقة على الشغل والبيت والأولاد ( وكنت عملت حادثة اتحركت فيها الفقرة الأولى اللي في رقبتي وممنوعة من أي اجهاد)
ضغط ضغط وفي غربة وماليش حد غير ربي حبيبي
وجوزي على اهماله
بعد 3 اسابيع من الولادة انقطع الدم وجوزي طلبني ( طبعا فاهمين) المهم حسيت اني تعبانة ومش قادرة اكمل فقلت له تعبانة
كان لسه في خياطة جوة وهو مش عاوز يفهم وهكذا تاني يوم
المهم لقيت جوزي بيبص لي نظرات غريبة وبيبص حواليهقلت له في ايه قالي انت مش طبيعيةقلت له تعبانة لسه والدة عادي وحاولت افهمه
بس هو خلاص جوزي طقت فكرة في دماغه ان مراتي رفضاني عشان عليها عفريت
لو اتقلبت وانا نايمة الاقيه ينط من السرير في ايه ويجري يشغل كل الأجهزة اللي في البيت قرآن بصوت عالي جدا
يا حبيبي انا بس مضغوطة في البيت والشغل اتكلم معايا شاركني صحتي بتضعف وانت التخاريف دي في دماغك ساعدني لو اتاخرت في الحمام الاقيه يكسر الباب عليا ويدخل

ممنوع تمسكي كوب زجاج لتأذي نفسك او حد من البنات
يكلم صحباتي في الشغل خدو قبالكم منها اصلها مش طبيعية
بنتي الرضيعة مغلباني في النوم على ما خلص شغلي ويلا هنام الساعة 1 أو 2 صباح يكون هو شبع نوم وصحيلي عشان يحط سماعات القرآن على ودني اقوله حرام عليك عاوزة انام تعبانة يقولي شوفي رافضة تسمعي القرآن هو اللي عليك كافر
طب هو بيحبك وبينام معاك معاك ومش عاوزك تنامي معايا
لما جابلي انهيار عصبي و فضلت على الحال ده وانا بعاني في البيت والشغل وامي اللي ليا من الدنيا مش عاوزة اشيلها همي كفاية كفاية عليا هم اخويا ولو شكيت احنا بينا نسب تاني اخوه واختي مش عاوزة اشيل ذنبهم
لما اعصابي تعبت قلت له انت عاوز ايه طب انا عليا عفريت والمطلوب هتتحملني وتخليه في ميزان حسناتك ولا تطلقني قالي تتعالجي ( ازاي) نجيب واحد في البيت يقرالك قرآن

قلت طب هتقوله الأعراض اللي عندي ايه اني مش عاوزة انام معاك تفاصيل حياتنا في السرير هتطلعها برة ؟؟؟؟؟ ورفضتفوجئت بيه جايب واحد في البيت وقاعد بالصالة وانا جوة بغرفتي وبيقولي اطلعي ولما رفضت جرجرني من ايديا وهدوميوسحبني بالتلطيش والعافية لغاية برة عنده وفوجئت بيه متصل بواحد صاحبه جارنا ييجي ياخد بناتي وجه هو ومراته ولقيت نفسي في موقف الاهانة ده قدام الجيران والشيخ المزعوم اللي بدا يقرا قران وماسك عصايا ويضربني على رجلي ويتفل في زجاجة زيت زيتون ويكبوها على راسي وجسمي موقف كله اهانة والله
ويا رب تسامحني اني بجد كرهت كل شئ حولي حتى القرأن اللي سمعته منهم
وبعدها شالني وانا منهارة دخلني غرفتي وقفل عليا بالمفتاح ما اعرف شئ عن حد ولا بناتي
على فكرة يا جماعة كتير منكم هيفكر اني استسلمت من بعد جوزي عني في الأول والله ما في شئ ما عملته وكل الحب والحنان والتغيير حتى بوس الرجلين بالمعنى الحقيقي عملته لغاية ما جالنا موضوع العفريت هو اللي حطم اعصابي

وبعد الموقف اللي فات انفجرت وقلت له حرام عليك ليه الفضايح طلقني وقعد يتأسف ويبوس راسي ومعلش وحقك عليا المهم اتصالحنا وانا جوايا جرح كبير من ناحيته
وبعد فترة رجع لنفس احواله المعفرتة نظراته يتعمد يعمل حاجات ويقول انا اللي عملتها وناسية يشتري حاجات ويقول انا اللي شريتها بس ناسية( عارفين محمود ياسين في فيلم اين عقلي مع سعاد حسني) والله ما ببالغ بس والعياذ بالله ما في خيانة
وقالي انت لسه مش طبيعية نتطلع عمرة وهناك لقيته طالع العمرة تقريبا عشان كل ما يعدي على شيخ او مفتي يسأله عن حالتي لما والله شككني بنفسي وعيالي اعصابهم تعبت
رجعنا من العمرة وفي يوم راجعين من برة لقيته مش في طريق البيت سألته رايح فين قال ( مشوار) ووصلنا لمكان قلت له فين ده قالي هنروح لشيخ قلت له تاني حرام عليك انا تعبت بس والله ولا كانه سامعني نزلني من السيارة ضرب وشد وبهدلة بالشارع لغاية سيادة الشيخ فوق وهو بيزقني حجابي فك مني وعبايتي زر واحد منها انفتح لقيته بيصرخ وبيقولي وعاوزة تقلعي هدومك في الشارع
ووصلني فوق كأني كلب ساحبه والشيخ ده كل اللي بيعمله انه ضغط على اوردة رقابتي بصوابعه فبيمنع الأكسجين عن المخ فا أحس بالاختناق واحساس الغرق وهو يقوله شوف يا اخي الجني وانا اصرخ واقوله حرام عليك طبعا جوزي مش فاهم اللي بيعمله بس انا دارسة وعارفة( انا خريجة علوم قسم كيمياء وحيوان)ووبعدين ييجي دور الضرب على رجلي بالعصا عشان عفريتي يخرج من رجلي وبعدين يكتفوني ويديني كبسولة غصب عني

رجعت البيت شبه جثة الكبسولة بتسبب اسهال وقئ شديد ومغص مرعب يخليني اصرخ بالحمام ( والبيه جوزي فاكر اني بطلع العفريت)
شفتوا اللي حصلي المهم بعد ما فقت شوية خدت بناتي وسبت البيت وقعدت عند صاحبتي فترة ورجع يتأسف لي تاني ورجعنا وبعدها بفترة جه الكابوس اخوه الكبير المقرف اللي هو جوز اختي جوزي عمله كرت زيارة عشان يقدم على شغل هنا وجه وقعد معانا واعوذ بالله وطبعا جوزي تقرير حياتنا كله اتقدم له وكان واضح في تصرفاته بيعاملني على اني واحدة مجنونة وملبوسة وغير مسئولة عن تصرفاتها حتى انه بقى يرفض الأكل معانا ( الأكل اللي بعمله ( أحسن ريح)ونزلنا مصر في اجازة وكنت حامل في الشهر الخامس تاني يوم وصلنا تعبت ورحت للدكتور قالي ان الجنين مات اجهضت تاني يوم وصلت مصروبعدها وانا لسه في النفاس
فوجئت بيه بيقولي ان فيه ضيوف جايين وودي البنات عند امك لأنهم اشقياء وفعلا وصل البيت 3 رجالة وقدمت الشاي وخرجت للصالة وبعدها ذهبت لأمي التي تسكن على بعد شارع مني فوجئت بيه ورايا ومصر اني ارجع معاه بحجة لو الضيوف احتاجو شيئ ومع اصراره شكيت الناس دول جايين ليه فسألته والحيت وكنا قربنا من البيت قالي انهم جايين ليا يقرو لي قرأن

ساعتها دارت بيا الأرض قلت له تاني مش كفاية فضايح بالكويت جاي هنا كمان ولقيت نفس الرد الخناق والتلطيش والشد والضرب والاهانة وسحبني لغاية الشقة ودخلت لقيت بس واحد منهم واتنين مستنيني في اوضة النوم وابتدي نفس الكلام مراتي بتنفر مني ومش عاوزاني وتصرفاتها غريبة
انفجرت فيه قلت له بنفر ايه يا حيوان انا اجهضت من تاني يوم جيت ولغاية دلوقت نفساء يعني ما حصلش بيني وبينك حاجة هنا وجات لي حالة هياج فضلت الطش واضرب فيهم وفيه لغاية ما خرجتهم من البيت ودخلت الحمام وخرجت لقيت امي موجودة جريت عليها زي اللي كان غرقان ولقى طوق نجاة بس فوجئت بصدمة عمري انها بتعاملني ببرود وانا في حضنها كان على لساني كلمة واحدة ربنا ينتقم منك( قصدي جوزي) وهي تقولي حرام ليه تدعي على جوزك وبعد كده اكتشف ان جوزي حاكي لأهلي واخواتي كل حاجة مفهمهم اني عليا عفريت وملبوسة واني بتصرف تصرفات مش مفهومة

وبعد كده بنساها ومأكد عليهم ان ما حدش يجيب لي سيرة لأني ناسية كل الكلام ده ولو اتحكى قدامي اعصابي هتتعب وانه مضحي وعايش معايا عشان بيحبني
وان تصرفاتي وصلت لأني بقلع هدومي بالشارع وبقعد بقميص النوم في البلكونة وبتوه بسيارتي ومش ببقى عارفة رجعت البيت ازاي وبرمي ذهبي وذهب بناتي بالزبالة وبتهم الخدامة بالسرقة
كل ده اكتشفته تباعا ما بقتش عارفة ارد ازاي احاربه هو لولا اقنع اهلي ان كل ده كذب انا غلطانة اني كتمت من الأول ورسمت له صورة عظيمة قدام اهلي اهم صدقوه وكذبوني تعبت الكلام ده من سنتين
دلوقتي عندي طفل كمان عمره سنة
والله اني ما كدبت بحرف والله العظيم اللي حصل اكتر من كده كتير وياما استحملت منه وقلت عشان ولادي لما يكبروا ما حدش فيهم يلومني ويقولي ليه بعدتينا عن بابا برغم كل ده عيال متعلقين بيه جدا
الطلاق انا طلبته الف مرة لما ارجع مصر هعيش فين ومنين انا مش موظفة بمصر ولا هو يعني ادخلي في حبال المحاكم

ولو فضلت بالكويت انا اقامتي تبع الوزارة لكن ولادي اقامتهم تبعه هو هيلغيها ومش هطولهم وانا ماليش دخل غير شغلي هنا
جوزي بعد كل ده مصر انا عمل كده وضغط عليا لمصلحتي
وبيحاول يقرب مني
بعد ايه انا بقيت بقايا واحدة ست والله عيشتي معاه كلها كراهية وكرهت انزل مصر مش عاوزة اشوف لا أهله ولا أهلي ولا أي حدمش بخرج من بيتي غير للشغل وبس وغير كده عايشة حياتي كلها الوم في نفسي انا ازاي اتحملت كل ده حتى الصبر مش عارفة اعمله بس بلوم نفسي ليه استحملت عشان ولادي طب وانا في الحالة المزرية دي هنفع ولادي
عمري 31 سنة وبقى شكلي كإن عمري 70 والله تعبت اعمل ايه مخي هينفجر من لوم نفسي
دلوقت هو ساكت عني خالص وبيحاول يتودد لي وانا بتحين كل فرصة عشان اتخانق معاه وتكون اخر مرة عشان اطلب الطلاق واصمم عليه
بقينا في حرب كل واحد متربص للتاني
تعبببااااااااااااااااااااااااااااانة والله موت
هي دي حكايتي
بس اعمل ايه ؟
نصيبي كده

اشكركم لانكم سمعتوني



اتمنى ان تكون القصة قد اعجبتكم والى قصة اخرى احلى ان شاء الله


عاشق الجنة. غير متصل   رد مع اقتباس
قديم 05-26-2012, 12:13 AM   #6 (permalink)
aseel86
رومانسي مجتهد
لوعة قلب
 
حسبي الله ونعم الوكيل
ربنا لا يبتلينا بهيك شي ويكون بعونها صاحبة القصة

مشكور اخي
aseel86 غير متصل   رد مع اقتباس
قديم 05-26-2012, 01:50 AM   #7 (permalink)
عاشق الجنة.
مشرف متميز سابقاً
عاشق الجنة. غير متصل   رد مع اقتباس
قديم 06-15-2012, 03:35 PM   #8 (permalink)
indoo
رومانسي مبتديء
 
شكراااااااا لك
indoo غير متصل   رد مع اقتباس
قديم 06-15-2012, 06:00 PM   #9 (permalink)
عاشق الجنة.
مشرف متميز سابقاً
عاشق الجنة. غير متصل   رد مع اقتباس
قديم 06-16-2012, 02:00 PM   #10 (permalink)
mjoda cool
رومانسي مبتديء
 
الصورة الرمزية mjoda cool
 
يعطيك العافية قصة حلوة
mjoda cool غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
مسجات وداع-وأبتدت لحظه جفا وانتهت لحظه وصال mms + sms ♥(。ṀṜ.ĄβỡỠỡĐЎ。)♥ رسائل , مسجات , برودكاست , SMS 0 02-18-2010 01:13 PM
صديق زوجي يغتصبني بدعوة زوجي وعلم اهلي basemelshame قصص وحكايات عربية وشعبية وعالمية 11 12-08-2008 01:19 AM
صديق زوجي يغتصبني بدعوه من زوجي وعلم اهلي و . . . ملكة الرومانسية قصص وحكايات عربية وشعبية وعالمية 4 11-22-2004 05:29 PM
صديق زوجي يغتصبني بدعوه من زوجي وعلم اهلي و . . . cuteangel16 قصص وحكايات عربية وشعبية وعالمية 14 09-11-2004 08:24 PM
الغربه التي اعيشها في فنلندا Aالمهاجر الشعر و همس القوافي 9 09-07-2004 04:09 PM

الساعة الآن 07:50 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103