تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصـة ضد الظروف .. متجـددة ..

إضافة رد
 
أدوات الموضوع انواع عرض الموضوع
قديم 09-10-2011, 01:04 AM   #1 (permalink)
Al-Xeer
أمير الرومانسية
 
الصورة الرمزية Al-Xeer
 

ADS
إرسال رسالة عبر Yahoo إلى Al-Xeer
قصـة ضد الظروف .. متجـددة ..




قصـة ضـد الظـروف ,, الحلقـة الأولـى .. [1]



by Ahmed Xeer on Friday, September 9, 2011 at 1:50am


مســاء الفـل ,,

قصـة ضـد الـظروف .. الحلقـة الأولـى ..

" رومـانـسى ,, كوميـدى ,, اجتمـاعـى ,, تراجيـدى "

أغنيـة القصــة :

غمضت عينى ومشيت فى سكة من غير ما أشوف ..
وأنا من البداية عارف إنى همشى ضد الظروف ..

بس إتواعدنا .. نتحدى أى
حاجة تقابلنا ,, كل إلى جاى ,,
بأى فيه ما بينا ,, دلوقتى كلمـة ,,
فوق أى ظرف

والوقت خدنا ,, وجرالنا إيه ,,
تهنا وتعبنا ,, ونسينا ليه ,,
كل إلى قولنـا ,, بأى جوه منـا ,,
حيرة وضعـف ,,

أوقات بنبقى عارفين مفيش حل إلا بعـد ..
يصعب علينا فراقنـا فنكمـل بعنــد ,,

للتحمــيل ..
http://www.multiupload.com/1KEINPTKBP

.................................................. .....

>

قالهـا نور ,, لـسواق الميكروبـاص ,, وهـو رايح الكليـة مـع أحمـد و محمـود .. فـرد عليـه الراجـل وقـال :

طب تمام ,, إطلعوا يا برنـس ,, فاضل 3 أماكن بالظبط أهـو ..

طلـعوا التلاتـة الميكـروبـاص .. وركـب نـور مـع أحمـد جـنـب السـواق ,, أمـا محمـود فركـب جنـب سـت كبيـرة وراهـم ..

كانـت سابـع مـرة تقريبـآ يـروحوا الكليـة ,, فى أول سنـة دراسيـة ليهم فيهـا ..

أحمـد ومحمـود كانوا طلبـة فى الكليـة نفسهـا " كليـة تجـارة " أمـا نـور فكـان طالـب فى كليـة تانيـة ,, وبدأ يـروح معاهـم الكليـة ,, لإنه كسـل يروح كليته لوحـده كل يوم .. وفضـل إن هـو يروح مـع صحـابـه كتسليـة و ..

ومفيـش خمـس دقـايـق ,, ووصـل التلاتـة الكليـة .. دخلوا ,, قعـدوا يتفرجـوا على إلى رايـح وإلى جـاى .. قبـل ما يقـول محمـود :

بصـراحـة الكليـة النهـردة مولعــة ..

نـور :

آه والله ,, الواحد الشيطـان وزه ,, تلت أربـع مرات .. يروح يظبـط ..

أحمـد :
تلت أربـع مرات بس ؟؟ أنا كل ما بنــت بتعـدى الشيطـان بيوزنى يا بـاشـا ..

نـور وهـو بيضحـك :

لأ ,, أصل أنا شيطانى مؤدب شويـة ..

محمـود :

شيطانك مؤدب ؟؟ واحد على وش إرتبـاط ,, وبيفكـر يـروح يظبط تلت أربع بنات تانيين .. وشيطانـه مؤدب ..

نـور :

ياعم وهـو خلاص ,, أنا قولتلك إنى بحـب أمنية ,, وبسهر ليالى أفكـر فيـهـا

محمـود :

لا بس البت حلوة وشكلهـا عاجباك .. وقريبة منك ..

نور :
يا سلام .. وهو مفيش يعنى إلا أمنية إلى قريبـة منى .. ما كل واحد فينا يعـرف كذا بنت ,, إخوات وصحاب وخلاص ..

أحمـد :

أمال سمعت إنك فى آخر مكالمـة قولتلها ,,إنك حاسس نحيتها إحساس ,, بس مستنى تتأكد منـه قبل ما تصارحها بيه ..

إحمـر وش نـور وقال :

إيه ده .. مين إلى قالك ؟؟

إبتسم أحمد بخبث وقال :


العصفورة ,,

نور :

طب على فكرة بأى ,, والله مش حاسس نحيتها أى حاجـة .. بس أنا لقيت يوميها الـ ...

سكــت نور فجـأة ,, وبرق بعينيه وهو بيبـص فى إتجـاه معين ..

أحمـد :
الـ إيه يا إبنى ؟؟

قالها و بـص بتلقـائيـة يشوف نور بيبص على إيه .. قبل ما يبـرق هو كمان ويقـول :

مزة أوى البت دى ..

قـال الجملـة دى .. وإتفاجىء بـ نور بيبصله بعصبيـة ويقول :

متقولش عليها كـده

أحمـد بدهشة :

مقولش عليها إيه ؟!

نور :
مزة إيه وقـرف إيه ..

قالها وفضل يبـص للبنت بإنبهـار .. ويقـول وكإنه بيكلـم نفسـه :

إيه ده .. إيه البراءة دى .. شوف نظرتها بريئـة إزاى .. ضحكتها جميلـة إزاى ,, دى بنوتـة ,, بنوتة زى القمر

محمـود :

هتروح تظبط يعنى ؟

بص نور لمحمود ,, وبان عليه إنه بيفكـر وبعدين قـال :

لأ .. مش مرة واحـدة كـده ..

محمـود :

أيوووه .. هتكش بأى .. وتخاف وتتكسف

نور :
أخاف إيه ياعم مش الفكره ..

محمود :

أمال إيه الفكرة ..

نور :

الفكرة إن بنت زى دى ,, هيبأى فيه كتير بيحاولوا يروحو يكلموهـا .. وأنا محبش أحط نفسى فى مقارنه مع حد ..

أحمد :
بس صعب أساسآ أى إنسان فى الدنيا ميبقاش حواليه أكتر من حد .. إنت كده معندكش ثقة فى نفسك

نور :

بالعكس ,, أنا كده بعزز نفسى .. وبعدين فيه ظروف ساعات بتسمح للناس انها تقرب من بعضها .. بدل ما نروح ونحط نفسنا فى موضع اختيار .. بينا وبين حد تانى ..

محمود :

أنا عارف إسمها على فكرة ..

نور :
عرفته منين ؟؟

محمود :

مش تسأل هو إيه الأول ؟!

نور :

إسمها إيه ؟

محمود :

إسمها أروى

نور :
أروى .. أممممم .. نور وأروى .. لايقين على عض والله

ضحك احمد ومحمود ,, فتابع نور وقال :

بس مش دلوقتى ..

أحمد :

أمال إمتى يا كبير ؟؟

نور :

سيبها بظروفهـا ..

قالهـا ,, وقام التلاته يتمشوا بره الكلية ..

وعـدى اليوم ..
.................................................. ...........................

بعـد 3 سنــين ..

>

قالهــا نور لكمــال بعـد مـا كتـب جزء جـديد ,, فى أغنيـة جـديدة بيـألفهـا ..

نور كان غـاوى تأليـف ,, وأحمد كان غاوى غنـا ,, وكمـال كان غاوى عـزف ,, أمـا محمـود ,, فكـان غاوى يشجعهـم ..

من بعـد الموقف إلى عـدى ,, فات 3 سنين عليهم فى الكليـة ,, وبقــوا فى سنـى رابعـة ..

كــل واحـد منهـم قابل كتيـر فى حياتـه ..

نور إرتبـط مـرة واحـدة ,, ومكملـش فى إرتباطـه ,, ومن أيامها مقضيهـا نظرات ,, شويـة مع دى ,, وشويـة مـع دى ,, بس من غير ما تدخل قلبـة بنت و تتتمكـن منـه ,,

وأحمـد قضاهـا بالطول وبالعـرض .. إرتبـط كتير .. بس محبش إلا واحـدة بس ,, إينـاس ,, والمشكلـة إنهم سابوا بعض فى مـرة ,, ومعرفوش يرجعـوا من وقتهـا ,, والمشكلـة الأكبر إن كل واحد فيهم حياته واقفة على التانى .. بس لحد اليوم ده ,, فيه حاجة بتمنعهم يرجعـوا ..

أمـا محمـود . فمر بحالات اعجاب عاديـة ,, وبعدين ارتبـط ,, ومن أكتـر من سنتين وهو مرتبط بنفس البنـت .. ملك .. أوقات كتير بيمروا بمشاكل .. وأوقات كتيـر بيتخانقوا ويرجعوا يتصالحوا .. بس الأكيد إنهم بيحبوا بعـض ,, وإن مع الوقت حبهم بأى أقوى من ظروف كتيــر ..

أمــا كمـال ,, فتقريبـآ مش عارف هو عاوز إيه ,, مقررش فى مره يرتبط بجد ,, ولما يقرر يرتبط بيخاف يظلم البنت معاه ,, بس الأكيد إنه عايز يرتبط ... عايز يحب ويتحب .. إمتى ده هيحصل ,, هو نفسه مش عارف

المهم

نرجـع لنور وكمـال .. كمال راح قـال ونور :

سمعنى يا معلم ..

نور :
وبسـأل نفسـى ع الـوردة إلى فـ كتـابـو ,, يا ترى فى مكانهـا ولا فـى ورد تانـى جالـو ,, ولـو فى مكانهـا لسه بيتجى لى بالـو .. ولا خلاص بأى فى وادى وأنـا وادى .. هــا إيه رأيك ؟

كمـال :

تحفــة ,, تحفـة بجد ,, كده الأغنية كلها على بعضها بقت تحفـة ,,

نور :

بجد ياض ..

كمال :
آه وربنا ياعم ,, انت عارف انى مش بجامل وإن ..

قالهـا وسكـت فجـأة وهو بيبص على حاجـة ورا نور ..

نـور :

وإن إيه ؟!

كمـال :

مش دى أروى .. البنت إلى كانت عجباك من 3 سنين تقريبـآ ..

سمـع نـور الإسـم ,, فبص وراه بسرعـه ,,

وشافهـا !
كان مشفهاش خالص تقريبآ من حوالى سنتين ,,

وكان نسى الموضوع كله ,

أو هو من الأول أصـلآ مكنش حاطط الموضوع فى بالـه ..

و بابتسامـة قـال نور :

يـــااااه ,, أروى .. فينها من زمـان دى

كمـال :

أمورة البت دى ..

بصلـه نـور بنفس الإبتسامـة وقـال :

أيوه ,, أمورة ,, بس عارف إيه أحلى حاجـة فيهـا ؟؟

كمـال :

إيه ؟

نور :
بريئة كـده ,, وضحكتها شبه الملايكـة ,, وتحس إنها حنينة ,, ومستحيل تجرح حـد ..

كمال :

يا حبيبـى ..

نور :

إحـم .. يخرب بيت كـده ,, هههه ,, إيه إلى بقولـه ده ..

كمال :
رومانسى رومانسى يعنى

نور :

أى حـد فينا بيبأى رومانسى لما يحـب ,,

كمال :

يعنى إنت بتحبهـا ؟؟

نور :
أكيد لأ ..

وبعدين بصلهـا كتيـر قبل ما يكمـل :

بس كفايـة إنى منستهاش ,, وإنها بتيجى على بالى بقالها 3 سنين ..

كمـال :

طب ما تحـاول توصلها ده ..

نـور :
عـارف ,, محمـود قالى الكلمـة دى أول مره أشوفها من 3 سنين ,, وقولتله ,, ساعات الظروف بتسمـح لوحدهـا ,, للناس انها تقرب من بعـض ,,

كمـال :

طب والظروف هتسمح دلوقتى إزاى ..

نـور :

البنت إلى ماشية معاها ..

كمال :
مالهـا ..

نور :

صاحبتى ..

كمـال :

آه فهمــت ..

نـور :
عسل أوى أروى دى ..

كمـال بضحك :

آه بصراحه جامده ..

نور بعصبية وهزار :

هروح مناولك فى وشك ..

كمـال :

وعلى إيه ياعم ,, الطيب أحسن

نور :

أيون كـده ..
ورجـع تانى يبـص لأروى وقـال :

أمـا نشوف الأيام مخبيـة إيـه ..

وعـدى اليـوم ..

.................................................. ...............

بعـد 3 شهـور ..

قعـد نور على السريـر فى أوضـته ,, ومســك الموبايل فى إيده ,, وفضـل يستنى إتصـال أروى ..

طـول الفترة إلى فاتت كان كل يوم بيقرب منهـا أكتـر .. وإتعـرفـوا على بعض عن طريق النـت ,, و فى البدايـة عن طريق صاحبة مشتركـة بتجمـع بينهم ,,

والنهـردة كانت أول مرة يبتفقوا فيهـا إنهم يتكلمـوا على الموبـايل ,, ويسمعـوا صـوت بعـض ,,

ويتكلمـوا ,,

وبالتـالى يقربـوا لبعـض أكتـر ..

و ..
ورن موبايـلـه ..

وظهـر رقمهـا ,,

ودق قلـب نـور بسرعـة وهو بياخد نفس قبل ما يفتـح ويقول :

آلـو ..

وبسرعة قرب دق قلـب أروى وقـالت بكسـوف وصو مبحوح :

آلو
نـور :

أيــون ,, أيــون ..

ضحكـت أروى وقالت بنفس صوتهـا المبحوح :

أيوون أيون ..

نـور :
صوتك حلو فكرة

أروى وهى بتضحك :

إحم ,, طب إيه يعنى

نور :

دى شهادة حق بس ..

أروى :
أنـا عنـدى برد على فكرة ,, وهو إلى مخلى صوتى مبحوح كـده ..

نـور :

صوتك حلو أوى كـده ,, ياريت يفضل عندك برد على طول

أروى :

إيه ؟

نور :
أ ,, أب .. أصـ .. متاخديش فى بالك ,,

ضحكـت أروى أوى فقـال نـور :

صوتى حلو ,, بس مكسوفة تقولى مش كـده

أروى بضحك هيستيرى :

إيه ده بس

نور :

يابنتى إنتى ليه محسسانى إنك بتكلمى محمد هنيدى ..

أروى :

إنت عمال تضحكنى

نور :
هو أنا كلامى ده بيضحكـك .. ده انتى عسل على كـده

ضحكـت أورى وسكتت ,,

وإتكلـم نـور

فضلوا يدردشـوا كتيـر

يتعرفوا على بعض أكتـر

هو يسألها بتحبى مين من المطربين ,,

وهو تكرر السؤال وتسأله بيحب مين من المطربات

نور :

أنا بحب تامر حسنى جدآ

أروى :

وأنا بكرهه ..

نور :
إحم ,, بتكرهى مين ؟

أروى :

تامر حسنى ؟

نور :

ومين قال تامر حسنى ,, أنا بقول تامر عاشور ,, إنما تامر حسنى ده أنا مش بطيقه أسـاسآ .

ضحكـت أروى وقـالـت :

يا سـلام ..

نور :

لا بصراحـة بحب صوتـة وإحساسه ,, وبحبه كشخصيـة ..

أروى :

لأ ,, أنا بحسه ممثل أوى ..

نور :
يعنى انتى هتتجوزيه ,, أهم حاجه ان صوتة حلو

أروى :

أيوه هو صوتـه حلو ..

نور :

وعشان كده انا بحبه

أروى :
بس أنا برده مش بحبه

نور :

طب بتحبى مين من المطربات ؟

أروى :

إليسا أول حاجة

نور :
سبحان الله ,, وربنا كنت ناوى أغيظك ,, بس الإسم ده خلى الكلمة تطلع لوحدهـا ,, مش بطيقهـا

أروى :

حد ميحبش إليسـا

نور :

العبـد لله ..

أروى :
طب أنا عايزاك تغنى ..

نور :

مين ؟؟

أروى :

عايزاك تغنى ,,

نور :
لأ إنتى فهمتى الموضوع غلط ,, إلى بيغنى أحمد صاحبى ,, أنا بكتـب ,, وساعات الوحى ينزل وألحن , لكن أغنى دى ,, هبأى بغشك ,, وغحنا على اول الطريق يابنتى وبنقول يا هادى ..

أروى وهى بتضحك :

ماهو انت هتغنى يعنى هتغنى ..

نور :

طب بصى ,, إنتى حرة إنتى إلى مصرة تزعجى نفسك ,, المهم إنه على شرط ,, إنتى هتغنى بعد ما أغنى ..

أروى :

لا لا لا

نور :
لا لا لا إيه ,, انا عارف ان صوتك حلو وبتغنى ,, متمثليش بأى

أروى :

ماهو مينفعش والله

نور :

وإيه إلى منفعوش

أروى :
منا قولتلك عندى بـرد ,, طب والله انتى تغنى النهردة وأول ما أخف أنا هغنى

نور :

أممممممم ,, ده وعـد ؟

أروى :

وعـد

نور :
طب مـدام كـه بـأى ,, تحبى أغنيلك إيه ؟؟

أروى :

أى حاجة تحبهـا ..

نور :

لأ إختارى أغنية إنتى بتحبيهـا ..

أروى :
أممم ,, أنا بحب أغنية تامر بتاعة أنا جنبك يعنى متخافيش

نـور :

آها أغنية حلوة ,, شوفتى تامر بأى بينفـع إزاى

أروى :

بحب أغانية بس

نور :
المهم بتحبيها أوى يعنى

أروى :

جدآ

نور :

طيب ,, إسمعـى يا سـتـى .. إحـم

ليـه بيقـولوا الحـب قسيـة ,, ليه بيقـولوا شجـن ودمـوع ,,
أول حب يمـر عليـا ,, قـادلى الدنيـا فرح وشمـوع ,,

إفـرح وإملى الدنيا أغانى ,, لا أنا ولا إنتا حنعشـق تانى ..
وأول مـره ,, أول مره ..!

أروى :

إنت كـده مبتعرفش تغنى ؟

نور :
إحم ,, فكرتك هتعلقى على إنى إشتغتلك ..

أروى :

صوتك حلو أوى

نور :

طب صوتك حلو ,, وهعديها وهقول البرد مأثر ,, لكن حلو أوى دى ,, يبأى إنتى بترديلى الإشتغالة

أروى :
لأ عايزاك تعرف حاجـة ,, أنا على فكرة مش بجامل ,,

نور :

يا ستى أنا خسـران حاجـة ,, أ÷م حاجة فكرة ان صوتى حلو دى ,, تبأى بينى وبينك إنتى بس

أورى ضحكت وقالـت :

إزاى يعنى ؟؟

نور :

أنا هفهمك ,,
وكملوا المكالمـة ,,

وعـدى اليـوم ..

.................................................. ........................

وبعـد إسبوعيـن ,, أو بمعنـى أدق ,, دلوقتـى ,, حاليآ فى الوقــت إلى بتدور فيه قصتنـا ..

قعـد نـور مع أحمـد ,, فى كافيه ,, على البحـر ,, يوم شم النسيـم ..

وبعـد ما خلـص الشـاى ,, بص أحمد لنـور وقالـه :

مالك ,,

إنتفض جسـم نور ,, وكإنه إتفاجىء من السؤال ورد :

مالى ؟

أحمد :

فيك إيه .. شكلك متضايق

نور :
لا أبدآ مفيش حاجـة ..

بص أحمد لنور شوية كده ,, وبعدين بص بعيد ,, قبل ما يرجع يبصله تانى ويسـأله :

عامل إيه مع أروى ؟؟

رفـع نور عينيه وبصله وهو بيقـول :

مش عارف يا أحمد والله ,, البنت زى العسل ,, فهمانى وانا فاهمهـا ,, إتعودت عليها وإتعودت عليا بسرعة مكنتش أتخيلهـا ,, ومريحانى

أحمد :

أمال فين المشكلـة ؟؟

نور :
إنى حبيتهـا .. بس لسه مقولتلهاش ده

أحمـد :

وهى دى مشكلـة ؟؟

نور :

لأ مش مشكلـة ,, إنت عارف إنى من زمان ,, نفسى بنت تخلينى أوصل معاها للإحساس ده ,, وهى قدرت تعمل كـده

أحمد :

يابنى متحيرش أمى معاك ,, أمال إيه إلى مضايقك ..

نور :
بعتتلى رسالتين من شوية ,, بتقولى إنها خايفه من إلى جاى ,, وإن إيه الداعى نكمل دلوقتى ,, ونعلق نفسنا بعض ,, ومنبقاش لبعض فى الآخر

أحمد :

وإنت قولتلها إيه ..

نور :

إتضايقت طبعـآ ,, بس بعت قولتلها ,, أنا مش هضغط عليكى فى حاجة زى كـده ,, لو تحبى نبعـد من دلوقتى ,, وشايفه إن ده هيكون أريح بالنسبة ليكى ,, أنا مش هقولك حاجة

أحمد :
طيب تمام ,, إفهم هى بتقول كده ليه الأول ,, وبعـد ما تفهم ,, تعامل مع الموقف

نور :

ماهو ده إلى أنا ناوى أعملـه ..

قالها وبص حواليـه ,, وبعدين قال لأحمد :

يلا نروح

أحمـد :

تعـالى يـلا ..
راحوا دفعـوا الحساب ,, ومشيوا يتكلموا شويـة ,, قبل ما كل واحد فيهم يروح لبيتـه ,,

وفى الطريق و نور ماشى ,, جاتله رسـاله ,, فتحهـا بسرعـه ,, لقى إسم أروى ولقى مكتوب فيهـا ..

على فكرة انا بقول كده علشانك انت كمان .. ذنبك إيه تتعلق بيا وتتعب فى الآخر

وبتلقائية كتب أنور رسالة يرد عليها

أنا أعرف إن الحب بيقوى ,, و مدام الإتنين متمسكين ببعض ,, مستحيل حاجة تقف فى طريقهم ,, بس أنا بتكلم فى الموضوعو ده عن نفسى ,, لو إنتى شايفة ان ممكن تواجهنا ظروف أقوى منك .. وخايفة نتعب فى الآخر .. أنا مش حقدر أضغط عليكى ,, و أتعبك وأتعب نفسى فى المستقبل

بعت الرسالة ,, ومشى شوية كمان ,, لقى رسالة تانية جيالـه ,, فتحها لقاها برده من أروى .. ومكتوب فيها

أنا كل إلى مر عليا فى حياتى قبل كده .. خلانى أخاف من كل حاجة جايـة ..

كلمـة أخاف إلى قاتلهـا أروى جوه الرسالـة ,, خلـت نور قلبـه يوجعـه ,, ويحس إنه متضايـق ,, ويبعت وهو بيكتب الحروف على الموبايل بعصبيـة ..

طب ممكن تستنى ,, أنا عشر دقايق وهبأى فى البيـت ,, أول ما هول هغير هدومى وهكلمك ,, بس ليا عندك طلـب

بعت الرسالة على كده ,, وجاله الرد

اوك .. طلب إيه ؟
رد هو فى رسالة تانيـة :

متقوليش كلمة أخاف دى تانى ,, طول منا معاكى .. ومترديش دلوقتى على حاجـة أنا تقريبآ وصلـت ,, خمس دقايق وهكلمك ,, وأنا إلى هقولك كل حاجة ,, قبل ما تقولى أى حاجة ..

وفعلآ ,, قبل ما الخمس دقايق يعدوا ,, كان نور قاعـد على السريـر .. وقافل باب أوضته عليـه .. وبيتصل بيهـا ..

وأول ما ردت وسمـع صوتهـا ,, قالها :

أول حاجـة ياريت متتكلميش ,, غير لما أخلص كلامى ,, عايزك تسمعينى ومترديش غير فى الآر ,, ممكن ؟؟

أروى بصوت خافت :

ممكـن ..

وبدأ نور الكلام ..

وهنعرف كلنـا ,, قال إيه لأروى ,,

بس الحلقـة الجايـة

.................................................. ..

خلصــت الحلقــة الأولى ,,

إستنوا الحلقـة التانيـة بأى ,, وأنا أكيد مستنى آرائكم ..

باى باى



التعديل الأخير تم بواسطة شذى الروح ..~ ; 09-13-2011 الساعة 12:38 AM
Al-Xeer غير متصل   رد مع اقتباس
قديم 09-10-2011, 05:16 AM   #2 (permalink)
فلي صوفيا
رومانسي فعال
سأبحر ..في عالم ..الهدوء!
 
الصورة الرمزية فلي صوفيا
 
القصه جميله ....بأنتظار التكمله..........
فلي صوفيا غير متصل   رد مع اقتباس
قديم 09-13-2011, 12:51 AM   #3 (permalink)
شذى الروح ..~
مشرفة متميزة سابقاً - أميرة الإبداع الثالثة
اللهم أهلك بشار وأعوانه
 
الصورة الرمزية شذى الروح ..~
 
قصة رائعه استمتعت وانا اقراءها

وتحمست مع قصة نور و أروى وعلى الكلام اللي بيقوله لها

في انتظار الحلقة الثانية بفــارغ الصبر

دمت بخيــر ..~
شذى الروح ..~ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
قصـة حب.. فاتنـة القلوب قصص وحكايات عربية وشعبية وعالمية 46 06-02-2010 12:06 PM
تعرف قصـة 240 feras-460 مواضيع اسلامية - الشريعة و الحياه 2 06-03-2009 02:54 AM
قصـة حـب .. إنترنتية جـداً الحياة مبدأ قصص وحكايات عربية وشعبية وعالمية 5 04-06-2007 11:07 PM

الساعة الآن 12:55 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103