تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات ساخنة > صور 2017

صور 2017 منتدى الصور والتعليقات من اجمل المنتديات حيث هناك صور 2017 من حول العالم يتم وضعها من قبل الاعضاء تستحق الإعجاب شاهد أجمل الصور في العالم

لا صـرت بـالـصـمـان والـقـيـظ حـاديـك..!!

موضوع مغلق
 
أدوات الموضوع انواع عرض الموضوع
قديم 01-01-2005, 10:47 AM   #1 (permalink)
أبـوعبدالله
أمير الرومانسية
 
الصورة الرمزية أبـوعبدالله
 

ADS
لا صـرت بـالـصـمـان والـقـيـظ حـاديـك..!!




[CENTER]
§¤°~®~°¤§السلام عليكم ورحمة الله وبركاته§¤°~®~°¤§

اليوم جايب لكم صور غير شكل !!
صور لطلعة لي أنا والشباب إلى الصمان
في تاريخ 28 / 12/ 1424 هــ
بس كانت رحلة ولا في الأحلام
والله ما تمنيت إلا أني قاشكم كلكم معاي بالوانيت !!!

§¤°~®~°¤§برايفت للي ما يعرفون الصمّان §¤°~®~°¤§
الصمّان يا طويلين الأعمار واحدة من الرياض الموجودة عندنا
ماتبعد إلا ثلاث ساعات فقط عن مدينة الرياض
والصمان يقع في الجزء الشرقي من المملكة العربية السعودية
فيها قيعان واسعة وخباري تنبت السدر عذية ورياض معشبة
وإذا أخصبت الصمان ربعت العرب كلهم !!
وذكروها الشعراء كثير بالقصايد ..!
ويعتبر الصمان من أكبر و أوسع اراضي البادية في الجزيرة العربية
وهو المكان المفضل لرعي الابل و الاغنام عند أهل البادية
و يعتبر المقصد الأول لهواة القنص والصيد ...!
السنة اللي فاتت نزلت أمطار على الصمان
ساعدت على تميز ربيع هذاك العام
مقارنة بهالعام ===> أشوى إني ما رحت اجل !!
وكنت موجود في الصمان مع الربع
وصوّرنا المناظر الخلابة هناك
وقلت أعرضها لكم عشان تشوفونها !!

بس والله كانت رحله محفوفة بالمخاطر ====> متاثر في البرامج العلميه !!
وكانت الوحوش الضاريه تحيط بنا من كل مكان !!
و حتى مصاصي الدماء ..!!
ولكن الحمد الله جت بافي وأنقذتنا..!!

قال الشاعر :
لاصرت بالصمان والقيظ حـاديك = أيــة حسين الدل ولا المطيـــــه
لا صرت بأيام الرخاء وعند أهـــاليك = حبـة حسين الدل تسوى المطيه

أبو عبدالله يقول :
لاصرت بالصمان و القيض حاديك = خلك عنك الببسي و أشرب ميرندا
ولا صرت بأيام الرخاء وبين اهاليك = شرب البيبسي يسوى شرب الميرندا
==========> وش يقرب لك الجميح !!

يالله نبدأ بسم الله

لا صـرت بـالـصـمـان والـقـيـظ حـاديـك..!!
ما شاء الله تبارك الله!!
طبيعة تجنن !!
والله ما كنّك إلا في باريس !!!

لا صـرت بـالـصـمـان والـقـيـظ حـاديـك..!!
تحت هالشجرة
قيّلنا أنا والربع ..!!

لا صـرت بـالـصـمـان والـقـيـظ حـاديـك..!!
وهذا محلنا اللي خيّمنا فيه ..!!
ترى أنا مالي ولا سيارة فيهم
الهمر حقي خليته في الرياض
خفت عليه ينعدم ..!!

لا صـرت بـالـصـمـان والـقـيـظ حـاديـك..!!
من جمال هذي الصورة
اكتفي بالسكوت و التأمل ..!!

لا صـرت بـالـصـمـان والـقـيـظ حـاديـك..!!
هذا منظر لروضة الصمّان من بعيد..!!

لا صـرت بـالـصـمـان والـقـيـظ حـاديـك..!!
هنا أنا كنت منسدح
وجنبي ترمس شاهي بنعناع .. يحبّه قلبك..!!

لا صـرت بـالـصـمـان والـقـيـظ حـاديـك..!!
الواحد قاطع له 300 كم مزفلت
و 60 كم جلد
وآخرتها جالسين هنا ..!!
يقولون نبي نوضح عشان الصورة تطلع حلوة !!


لا صـرت بـالـصـمـان والـقـيـظ حـاديـك..!!
هذولا الشباب متسدحين
على بالهم جزر الكاريبي !!
لا تدورون تراني منب معهم
كنت أطبخ الغداء !!

لا صـرت بـالـصـمـان والـقـيـظ حـاديـك..!!
قسماً بالله جنّة الله في أرضه ..!!

لا صـرت بـالـصـمـان والـقـيـظ حـاديـك..!!
والله العظيم لو أني ما جلست على الربيع وشفته بنفسي
كان ماصدقت أن فيه أماكن حلوة في السعودية مثل كذا !!

لا صـرت بـالـصـمـان والـقـيـظ حـاديـك..!!
ما شاء الله تبارك الله
شوفة هالربيع وهالخضرة
ترد الروح ..!

لا صـرت بـالـصـمـان والـقـيـظ حـاديـك..!!
والله الواحد ودّه يا خذ فراشه
وينبطح على هالخضرة ..!!!
ويقولون السياحة الخارجيّة أحسن
يا شيـــــــــــــــخ رووووح!!


وعلى فكرة
ترى يقولون إن الصمان الحين عليها مطر طيب عسى الله يتبعه بالخير ..!!
وأنا أقول لا يفوتكم ..!!
بس لا تنسون تدعون لي !!

أخوكم
أبوعبدالله

لا صـرت بـالـصـمـان والـقـيـظ حـاديـك..!![/align]



أبـوعبدالله غير متصل  
قديم 01-01-2005, 11:04 AM   #2 (permalink)
بياع الورود
رومانسي نشيط
 
الصورة الرمزية بياع الورود
 
الله يعطيك العافيه يا ابو عبدالله على هذي الصوررررررررررررررررررر
بصراحه جت الصووور في وقتهاااااااا
مااحلى الكشته معاك ياابو عبدالله
بس ليش ماوسعتكم الارض علشااااااااااان تجلسون فوق السيااااااااااااره

مشكوووووووور على هذي الصور
بياع الورود غير متصل  
قديم 01-01-2005, 11:29 AM   #3 (permalink)
إندماج الأرواح
مـراقـب عـــام - ساهر الليل - مراقب مميز
 
الصورة الرمزية إندماج الأرواح



ههههههههههههههههههههههههههههه
إندماج الأرواح غير متصل  
قديم 01-01-2005, 12:06 PM   #4 (permalink)
 
الصورة الرمزية «°•.¸إبداع الذات¸.•°»
 
يعطيك العافية ابو عبدالله

مشكور
«°•.¸إبداع الذات¸.•°» غير متصل  
قديم 01-01-2005, 12:33 PM   #5 (permalink)
°ღ قــلْــبّ نــآزْف ღ°
أمير الرومانسية
وَش عطَوك آلي مَفضلهم علي
 
الصورة الرمزية °ღ قــلْــبّ نــآزْف ღ°
 
رووووووووووووعة

ابداع اخوي ابو عبد الله


بس ياخي حرام عليك كنت اخذتنا معاك والله فله من جد


ياخي الي يشوف الصور يتمنى يكون معاكم


بس ما عليه تعوضنا انت صح <=== واثق خخخخخخ

تحياتي لك ابو عبد الله
°ღ قــلْــبّ نــآزْف ღ° غير متصل  
قديم 01-01-2005, 12:46 PM   #6 (permalink)
أميرة الشوق
رومانسي مرح
 
[CENTER]ومين ما يعرف الصمان؟؟!!

سبحان الله صور مرة تجنن
بالفعل مثل ماقلت جنة الله في ارضه






مشكوووووور اخوي على الصور
تحياتي لكـ
[/align]
أميرة الشوق غير متصل  
قديم 01-01-2005, 01:40 PM   #7 (permalink)
الحروف الهجائية
أمير الرومانسية
 
الصورة الرمزية الحروف الهجائية
 
رووووووووووووعة

تصدق كل اهلي

راحوا لها الا انا

ولا قالوا لي انها حلوة كذا

مشكوووووووووووووووووور اخوي
الحروف الهجائية غير متصل  
قديم 01-01-2005, 04:30 PM   #8 (permalink)
coolwave_33
رومانسي مرح
 
الصورة الرمزية coolwave_33
 
إرسال رسالة عبر Yahoo إلى coolwave_33
مشكور علي الصور الرائعة
يعطيك العافية
coolwave_33 غير متصل  
قديم 01-01-2005, 10:55 PM   #9 (permalink)
سهـر الليالي
كبار الشخصيات - جوهرة المنتدى
 
الصورة الرمزية سهـر الليالي
مشكور
خذنا معاك المرة الجاية
سهـر الليالي غير متصل  
قديم 01-02-2005, 12:43 AM   #10 (permalink)
دابيييل
رومانسي رائع
 
الصورة الرمزية دابيييل
 
ابو عبدالله تروح ولا تعزمنا

مشكووووور علي الصور الروعه



تحياتي لك
دابيييل غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 03:01 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103