تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

رواية خيوط الزمن

إضافة رد
 
أدوات الموضوع انواع عرض الموضوع
قديم 07-15-2011, 07:25 PM   #1 (permalink)
ملكة العجائب
رومانسي مبتديء
كلمتي صمتي
 
الصورة الرمزية ملكة العجائب
 

ADS
Angry رواية خيوط الزمن




بسم الله الرحمن الرحيم
هلا فيكم انا الحمدلله عدلت روايتي من جروح في ذاكرة الزمن الى خيوط الزمن.. ولكن غيرت القليل منها وان شاء الله مايكون عندكم مشكله

لكن هالمرة اريد تشجيع ف روايتي

وطبعآ ها لروايه بتكون عمانيه..
واتمنى انها راح تنال اعجابكم ..
واتمني يلي حاب ينقل روايتي اولا يطبع اسمي

وهو ( ظل الغروب)...

وعنوان روايتي الجديد هو( خيوط الزمن) ..
روايه حزينه وجريئه...

............................................
.............................................


بعد 5 اشهر من وفاة ام حسين:
العصر الساعه 5

ظل الغروب بدأ بالتوسع من جميع الأنحاء المكان والشمس على وشك المغيب ف هذا الوقت وف هذه الحاره .. ف بيت مترامي وقديم ، ويتميز بنوع من انواع البيوت العربيه القديمه.. وهم ميسوري الحال وراضين على عيشتهم ف هالبيت..

ف سطح البيت
عند زاويه من زوايا السطح زينب مندمجه مع الكتاب وهي جالسه ع الكرسي .. بلحظات جات عايشه لعندها من ثم جلست على مستواها وقامت تطالعها لحد زينب ما ترفع راسها..
زينب رفعت راسها باستغراب وبادلتها النظره : مالك كذا تشوفي عليي ؟
عايشه وهي تبتسم : ماشي .. يعني حرام اشوف عليك!!
زينب انتبهت لعايشه وسكرت الكتاب: لا ماحرام .. بس قولي مو بايه تشوفي كذا ..
عايشه وهي تأشر براسها للكتاب: مو تقري .. عن وش ذا الكتاب
زينب لفتت للكتاب: انت ماشفتي عنوانه ( بعدت يدها من الكتاب )
عايشه شافت للعنوان: اهااا كتاب لاتحزن تقري
زينب ابتسمت لها : واااجد حلو ذا الكتاب .. اتصدقي انصحك تقرييه
عايشه استنفرت: ما أحب اقرا ..
زينب استغربت: ليييش؟ بالعكس تكسبي معلومات , وعاد ها الكتاب يناسبك اكثر..
عايشه تضايقت: اقولك ما احب اقرا ما يعجبني .. قولي اقرا قصص وقصايد بس مثل هذيلي ابدآ ..
زينب بإ صرار: اوكي بس هالكتاب , بليييز عشاني اقريييه
عايشه تضايقت اكثر وتترجاها : فهميني زينب ما احب اقرا, حشى كم مره اقولك
زينب فقدت الأمل : كيفك , لكن نصيحة مني .. الله فرض علينا العلم , والرسول صلى الله عليه وسلم قال .. اطلبو العلم ولو بالصين..
عايشه ومازالت على كلمتها: عليه الصلاة والسلام .. خلصتي
زينب استاءت .. فجأه رفعت الكتاب بس ف هاللحظه طاحت منه صوره شمسيه صغيره , وعايشه على طول شافتها وخذتها ولكن ..
عايشه حزنت لما شافت الصوره : هذي امي .. صورة امي
زينب حزنت لها: الله يرحمها
عايشه باست الصوره بعمق وتشم ريحتها واحساس بالحنين لأمها : ياروحي يا امي , وينك تركتينا وينك .. يارب ارحمها ( فجأة انسالت دموعها )
زينب تضايقت وحزنت لحال عايشه وراحت تضمها : بس خلاص عيوش امي راحت وخلت ذكرياتها عندنا.. ونحن ماعلينا غير نصبر وندعيلها بالجنه ( وهي تمسح دموع عايشه)
عيوش حبيبتي خليك قويه ترا نحن ما بيدينا شي نسويه غير نذكرها بالخير وندعيلها فهميني..
عايشه وهي ضامه زينب ومنهاره صياح : امي .. حبيبتي ( فجأه ابتعدت عن حضن زينب)
وظهرت بعينها علامات الكره : هذا كله منهم .. همه السبب , همه اللي وصلونا بذي الحاله , لوماطاردينا او على الأقل طلعونا بكرامه ما كان صار لنا شي لحد
تو فهمتي زينب..
زينب ومواجهتنها نفس النظره وبضيق: كم مرة اقولك عايشه لا تلوميهم همه , همه ما سويوا شي الا علشان مصلحة ابوي , وانت عارفه انه ابوي هوه السبب وكذا هم اضطرو يطردوا ابوي من البيت وطبعا مساكين نحن الضحيه .. صدقيني ما همه السبب حرام تظلميهم
قاطعتها عايشه وتمسح دموعها بضيق : اذا همه السبب او نحن , انا اصلا من اول كارهتنهم مااحبهم .. طبعا انت عاجبنك يسوولك ذي الحركه .. يعني عادي يرموك بالشارع
زينب استغربت من كلام عايشه وماقدرت ترد عليها
ف هاللحظه جات طفلتين من بعيد يركضن ويتسابقن ..
رقيه وهي تسحب نور لورى : غييبي انا اقولهم انت ماتعرفي تتكلمي
نور وهي تسابقها وتجاريها : لالالا انا بأقول حال خالوه زينب ..
لما وصلن لعندهم , فجأه تكلمت رقيه بس منعتها نور، رقيه تعصبت ودفت نور وطيحتها ع الأرض .. زينب تعصبت من رقيه
زينب بعصبيه وماسكه نور وتهديها : رقيه انت مو فيك تدفيها كذا؟ ما خطأ.. هاذي صغيره
مو مثلك طولك وعرضك تعقلي شويه عاد انت بالصف الثالث ..
رقيه مررره مبوزه وعينها شرار لنور .. لأن نور لقت احد يدافع عنها
زينب وهي تحط نور بحضنها وتمسح على شعرها الصغير الاسود الناعم : ها نواره حبيبتي تعورتي ؟
نور وهي تسوي نفسها مرره متعوره : شويه بس يعورني
زينب عرفت و ابتسمت لها : يلا عاد عن الدلع .. قولي مو باايه جايه عندنا مسويات ذي الربشه؟
انطشت رقيه وتكلمت بسرعه : خالتي را.. ( قاطعتها زينب بعصبيه ) : رقيوووه احسلك طمي لسانك انا ما كلمتشك انتي انا كلمت نووور ..
نور وهي تمسح دموعها بدلع وتضحك بانتصار على شكل رقيه ..
رقيه مااستحملت من كثرة الغيظ لنوروتخصرت : انزييين شوفيها تضحك عليي ..
زينب طالعت لنور وسوت عمرها معصبه : نوووور
نورخافت : هااا انزين مااضحك شوفي ( حطت ايدها على فمها بقوه)
زينب وعايشه ضحكن على حركات نور ..
زينب بعدها تكلمت : يلا نواره تكلمي مو بايه تقولي ؟
نور ورافعه راسها لزينب وبصوت برييئ : خااالوه رايه جايه عندكم , وتباكن تنزلن عندها
زينب : خالتي رايه تبغانا !!
نور وحاطه ايدينها بفمها وتضحك وتغاير رقيه : ايييييوا
رقيه مايته غيظ لنور وما استحملت وراحت : انا احسلي رايحه عنكن .. ولا اجلس مع ذي الأشكال..
عايشه مسحت دموعها وتضحك : ما مثل شكلك نحن احلى منك بواااجد ومرتبين
رقيه من بعيد وتصرخ : انا احلى منكن
زينب / عايشه / ونور ... ضحكن على رقيه
بعد شوي زينب بعدت نور من فوقها واخذت الكتاب ومسكته بيدها اليسرى ..
زينب وهي تقوم : يلا عيوشه نروح تحت .. ( ومدت يدها اليمنى لعايشه)
عايشه ابتسمت لزينب بخجل ومدت يدها لها : يلا ( بعد ما وقفت عايشه تأملت الصوره للمره الأخيره)..
عايشه وبين نفسها : انا ما بخليهم يتهنون بحياتهم مثل ما هنونا ، انا بتعسهم ويندموا على اللي سووا فينا وراح ترتاحي ان شالله يا امي .. ( وباستها المره الثانيه بعمق ) انا مستحيل انساك بظل دايم بذكرك ( بعدها دخلت الصوره ف مخباها مالة دشداشتها الطويله ( الويل)
زينب لمحت لعايشه وحزنت لحالها وخافت على نواياها .. فجأه زينب حست احد يمسكها بيدها اليمنى .. زينب ابتسمت : نواره
نور وبدلع : يلا خالوووه نروح ننزل
زينب ومبتسمه : يلا ننزل ياالدلوعه..
نور ضحكت بدلع وفاتحه فمها لللآخر حتى بانت اسنانها كلهن .. وبعدها نزلن

..........................................
...................................

تعريف عائلة ابو حسين:

اسم الأب : سالم حمود ال .. ( قبل الحادثه) ثاني واحد من عائلة حمود واخبثهم .. عصبي .. متسلط .. مايحب اهله كلهم ولايثق فيهم لأنه يحتسب نفسه هو احسن منهم .. وخدع على ابوه وسرق كل اموال مصنعه وخسرهم خساره كبيره وابوه مارضى يسلمه لشرطه .. وقتل زوج اخته ولكن ماكان عندهم أدله عشان يثبت انه قاتل زوجها بالتالي ابوه حمود مااستحمل وطرده من بيتهم وكان ماوده يسوي هالشي بس اضطر لمصلحتهم وطبعآ صالح ماطلع كذا اخذ معا ه اولاده كلهم بالتالي زاد كرههم لعمانهم وطبعا صالح استعان ربيعه عشان يدورله بيت قبل لايطلع بفتره لحد ماحصلولهم بيت بالحاره الثانيه عن بيت ابوه .. وله اخوين واخت وحده .. اخوهم الأصغر ساكن بعيد عنهم ( ف نزوى)

الأم خديجه : وكانت تعاني من مرض وزاد حدة المرض وسبب في موتها لما ابنها حسين تعرض لها وهو سكران منذ 5 شهور ..
الأبناء :
اكبرهم : فاطمه ، وعمرها 28 ومتزوجه من الشرقيه ( ولاية إبرا) ..وعندها بينتين وللحين حامل بشهرها الثاني .. وتتميز بحسن النوايا , قصيره شوي , وشعرها اسود والكل يحبها ويعتمد عليها..
اسم زوجها: يونس , عمره 30 , اسمر، جسمه مليان بس مو كثير, عصبي ,, ومزاجي مهنته: جندي..
واما بناتها.. اكبرهم نور عمرها 5 سنوات وتدرس تمهيدي .. والثانيه حور عمرها 3 سنين

نرجع نكمل لعائلة ابوحسين..

حسين : عمره 25 ,, حنطي لكن صار اسمر بكثير بعد ماضيعوه اصدقاءه من يوم كان مراهق .. وصارت بشرته باهته من كثرة شرب الخمر واستعمال المخدرات .. والحين انسجن
وحكمت عليه 10 سنوات وذالك بتهمة التهريب المخدرات , والأعتداء على الناس وممتلكاتهم,, والأول والأخير امه توفت بسببه يوم كان راجع البيت وهو سكران ولأعتداء الضرب على ابوه لحد ماطاح ابوه بعدها اصاب بشلل كامل لمدى الحياه وانهيارعصبي وكانت هذي قصته ..



مريم: عمرها 24 سنه .. وهي الوحيده يلي تشتغل عندهم.. وتشتغل ف المكتب ( سكرتيره)
زينب: عمرها 21 سنه , ماجابت نسبه وجلست ف البيت ولا اشتغلت.. بس درست انجليزي لمدة 3 شهور وخلصت .. والحين جلست ف البيت مره ثانيه وزادت مسؤليتها ف البيت بعد ماراحت امهم وتراعي ابوها المقعد .. طيبه حبوبه رقيقه مبتسمه دائمآ ما تشل هم اوحقد لأحد بخاطرها وترمي كل همومها وماضيها وراها لأنها عارفه انها ما راح تستفيد منه بشي غير الهم والنكد .. شعرها اسود ناعم حريري وخفيف طوله لحد كتفها ونحيفه شويه يعني جسمها طالع عليها جمال , وما شالله عليها حلوه . بس هي للحين ماتعترف انها حلوه بالرغم الي يشوفها يستغرب من جمالها ماشاءلله جمالها جمال بدوي بالرغم انها حضريه ..

عايشه : عمرها 18 سنه , تدرس ف آخر سنه( ثالث ثانوي) ادبي .. شعرها مايل للبني شبه ناعم وطوله للكتف رول ولون عينها بنيه لكن جايه افتح , ماشالله عليها احلى وحده ف بيتهم .. عنيده وحساسه بمشاعرها، وتكره عمانها كثير وتحقد عليهم وأولهم عادل.. ولها معزه للأمها وتحبها كثير لكن قلبها طيب وراح تعرفوا بعدين.. وتتعرفوا اكثر عن شخصيتها
ناصر: عمره 16 سنه بالصف (اول ثانوي) .. وراح تتعرفو على شخصيته من خلال متابعتكم لروايه, لأنه راح يكون من المهمين ومن ابطالنا..
راشد : عمره 10 سنين بالصف( الخامس) ومو مع العادين يدرس .. يدرس ف مدرسة الفكر لأنه عقله مو متوازن ويصعب ينطق الكلمات بسهوله ولون عينه بنيه وساع ،وقصير، خجول
رقيه: آخر العنقود 8سنوات بالصف( الثالث) ومشاغبه لآخر درجه وعدوة بنت اختها ،لكن مو معنى انها تكرها يعني عدوتها وصديقتها نفس الوقت , تشبه اختها فاطمه ولون عينها مثل زينب وعليها غميزات ومره حلوه طالعه وشعرها ناعم مو كثير وطوله لحد الظهر..

ولهم خاله وحدة واسمها رايه والكل يحبها بالرغم انها متزوجه وماعندها اولاد للحين وهيه وزوجها راضين على قدرهم ..
..................................
....................................

بعد نص ساعه ... ف الحوش وهم مجتمعين و جالسين ع البساط ..
واللي كان موجود : ابوهم ( ابو حسين ) / فاطمه / مريم / عايشه / زينب / وخالتهم رايه ..
واما الصغار يلعبوا برا البيت واما ابوهم جالس عندهم وهو على حالته متشلل وما يقدر يتكلم كثير.. ونروح لعند الجمعه
خالتهم رايه كانت بتقوم .. فجأ ه تذكرت شي
الخاله رايه وهي تجلس : صح نسيت اخبركم ..
فاطمة مبتسمه : على وش تخبرينا خالتي ؟
الخاله رايه: تراكم بتزعلوا مني وانا ما ابغى اعتراض منكم لأني لازم ا روح وسامحوني ..
الكل مستغرب: وييين بتروحي ؟
الخاله انفزت وخافت و بعدها ضحكت على شكلها ..
فاطمه وتضحك على حركتهم : شويه شويه عاد على خالتي تراكم كليتوها مسكينه ..
مريم بإصرار : يالله خالووه قولي وين بتروحي ؟
الخاله رايه رجعت لطبيعتها وهي تعدل عبايتها مالة الراس : احم.. لازم اخبركم يا اولادي
عايشه ماصبرت : يلا قولي انزين ياربي ساعه لين تتكلمي
زينب ضربت عايشه على ركبتها: تقولي كذاك حال الخالتك تكلمي زييين ..
عايشه ضحكت ولا همها ذا الشي
الخاله رايه تتكلم : زوجي نقلو شغلته من هنا
فاطمه باستغراب : عجب وين نقلوه؟ واي منطقه؟ لا تقولي الباطنه او صلاله
الخاله رايه : لا باطنه ولا شرقيه ولاصلاله ولا ف عمان ..
والكل انصدم وفتحو عينهم للأخر: ويييييين؟؟
رايه تضحك على اشكالهم : قطر بروح ( وطالعت لأبو حسين) سمعت صالح انا بروح قطر مع زوجي لاتزعل .. (واما ابو حسين يهز راسه ومتمايل وما على بعضه و حزين من روحتها من عندهم لأن ابوهم اعتمد لخالتهم ف كل شي صارت هي امهم و مسؤوله عنهم وترعاهم بعد اللي صار له ولأمهم وكان يتمنى انها ماتروح بس هو ما يقدر يمنعها ويمنع زوجها من رزقه عشانهم وهي كانت مصره على قرارها بانها بتتركهم بلحظه )
زينب ومرره حزينه : ليييش خالتي تخلينا وحدنا انت تشوفي محد يهتم فينا ويرعانا غيرك..
الخاله رايه : وين راحت اختك مريم ولاتنسي عمانكم وعادل وين راحوا يا بنتي ؟
مريم تضايقت : هذيلي لا مسؤولين عنا ولا عندنا خبر خالتي لو سمحتي خليهم بعيد..
عايشه أيدت كلام مريم : ايوا صح نحن هذيلي ما محتاجين لهم .. وبصراحه انا غامضني هذا العادل كارهتنه كره ليش كذا يتدخل عندنا ع باله نحن محاتجين او فقرا ها ..
ومريم ايدت لعايشه : صح ليش ؟
الخاله رايه : استغفرالله .. استغفر الله من ذا الحقد
ف هاللحظه جلس عندهم ناصروماسك عصى طويله ورفيعه وهو يشوف على اشكالهم ومستغرب: مالكم معصبين .. كل وحده بازه بوززها !! دوووكم ..
فاطمه تعصبت : احسلك طم لسانك لا أقصه
ناصر ويستخف: والله!! .. تعالي انزين قصيه كان تروومي هااااا ( وطلع لسانه للأخر)
فاطمه انقرفت منه : افففف قلب وجهك عني ما فاضيه حال حركاتك الخايسه..
وف هاللحظه.. رقيه دخلت البيت وتسبقها نور ركض ووراهم تركض هالمره وحامله دبدوبها الأبيض وخدودها البنك وبسمتها البريئه حور الكتكوته ..
والمره الثانيه رقيه ما استحملت من نور وقامن يتضاربن ..
رقيه وهي تسحب نور بقوه : خلاااص انا اقولهم بسك عااد دووري ..
نور تعاندها : لالا انا اقولهم انا يحبوني انتي محد يحبك..
اما زينب مسكت راسها وصرخت: ياربيه .. رقيووه , نووور جلسن زييين بديتن عاد تضاربن
واما ناصر سوى شغلته راح على طول يضربهن بالعصى وحده وحده بقوه لحد ما صاحن
واولهم نور لأنها مااستحملت من الضرب وراحت لعند امها وتصيح بصوت عالي
نور وهي تصيح : ماااماااه شوفي خالي ناصر ضربني بقوه
فاطمه وهي تشوف لناصر بنظره .. خلت ناصر يبتعد عنهم اكثروهو ويضرب العصى على طول ساقه ومبتسم ابتسامة خوف ..
فاطمه وهي معصبه منه : ليش ضربتها كذاك تحسّب شويه
ناصر وهو يرفع حواجبه : كذاك بعدها شويه ..
فاطمه وهي تهدي بنتها : بس حبيبتي هذا خالك نصور ما في أدب
وبدا دلع نور وصاحت زياده ..
فاطمه علت صوتها: شوفها عاجبنك تصيح والكل يسمعها
ناصر ولا كأنه: عادي .. الأموور طيبه
فاطمه استاءت : استغفر الله منك
ف هاللحظه جا راشد ركض ويردد اسم.. وبثقل ينطقه : عااااا..ادل بااااغيييي يدددخل..
عايشه / مريم ضاق صدرهن من جية عادل لعندهم
عايشه وكارهه شوفة عادل: ياربيييه اكرهه ذا المخلوق
زينب : عايشه عيب تقولي كذا من ورااه ترا ما زين
عايشه باستهزاء : يعني باغتني اقول قدامه ترا عادي بسويها
زينب / فاطمه/ خالتهم .. تضايقن من كلام عايشه
الخاله رايه : عيب ..عيب عايشه تر الله بيحاسبك .. ( وبعدها التفتت لناصريلي واقف عند الباب) ناصر خلي يدخل .. يلا تغطين ,, لبسن لحفانكن .. (وبعدها كل وحده عدلت لحافها ) ..
عادل دخل ف هاللحظه وبانت له ملامح البسمه ولابس دشداشه لونها بحري مع كمه عمانيه منقشه باللون الأزرق و زادت من ملامح وسامته اكثر وطبعآ شعره محلق بخفيف ولحيته عريضه بشويه وخفيفه..
لكن عايشه ماقدرت تحتمل تجلس اكثر فقامت , وبعدها قامت وراها مريم .. طبعآ مرن من جنبه .. تلاشت بسمة عادل وعلى طول فهم السالفه و ا نحرج وضم كفه وبقوه من الضيق ..
عادل وبين نفسه : استغفر الله .. عاد كله ذا الحقد بسبتنا ..
بعد شوي انتبه لنفسه وراح لعندهم ..
واما ابوهم كان وده يلحق بناته ولايشوف عادل .. لكن ابو حسين يحب عادل اكثر من كل اولاد اخوانه لأنه هو الوحيد يلي يسأل عنهم ويزورهم بعد ما طلعو من بيتهم .. لكن بدا يكره شوفته خاصة ف حالة ووضعه الحين وما يتحمّل يكون ولد اخوه يحمل كل مسؤوليتهم عشانه بالرغم انه اصغر من اخوانه علي و عصام ..
عادل وملامح الأبتسامه على وجنتيه.. وراح لعند عمه صالح سلم عليه وباسه على راسه ..
عادل وهو يشوف لعمه : كيفك عمي تو بخير؟ ..
عمه وهو يتأمل لعادل وبحزن وضيق لحاله وانكر انه مو بخير وهز راسه بثقل بإ جابة انه بخير ..
الخالة رايه ومبتسمه: كيف حالك عادل وكيف حال اهلك بخيرين؟ ..
عادل لفت لها : الحمدلله كلهم بخيرين ويسلمو عليكم بعد
الخالة رايه : الله يسلّمهم بالخير.. وكيف حال جدك بعده مارجع من العلاج ..؟
عادل : لا بعده جدي علاجه شويه بيطول ومن الغير العمليات اللي بعدهم ما عملوله ..
الخالة رايه : يالله الحمدالله .. الله يشفيه ويرجعلكم بالسلامه
عادل : ان شالله ..
الخاله رايه وهي تعدّل عباتها : يلا حياكم انا بطلع عنكم .. بغيتو شي قبل لا اروح
فاطمه : نبغى سلامتك خالوه ..( فجأه ).. خالوه انزين ما خبرتينا متى بتسافرو ؟
الخالة رايه : كذا يعني قولي ذا السابوع
فاطمه : عيل خلاص نحن بنجي عندكم قبل لاتروحوا
الخاله رايه : زين زين .. تعالوا عشان تودعونا وعاد ساموحني اني بخليكم وحدكم
فاطمه ومتحسره: عادي ما مشكله .. نقدر ندبر امورنا وحدنا ..
الخاله رايه وهي حزينه : ان شالله يصير خير.. يلا بروح مع السلامه
الكل: مع السلامه ( وراحت)
بعدها فاطمه لفتت لعادل وشافته لازال واقف وابتسمت
فاطمه: كيفك عادل؟
عادل انتبه لها وابتسم :الحمدلله بخير
فاطمه: ليش واقف ! اجلس
عادل استحى لكنه جلس.. بعدها قامو يسولفون واهم هذي السوالف .. عادل ما وده يتكلم , لكن لازم يوصّل السلام لعندهم لعله في امل لحسين..
عادل بتردد: اا..
ناصر يضرب على ذراع عادل : أووووي يا ولد العم مالك ؟ كأنك طبقت
زينب تضحك على شكل عادل ..
فاطمه مستغربه : عادل تبغى تشرب؟ ..
عادل انحرج : ها .. لا لا انا ما اريد اشرب مشكوره لاتعبو حالكم .. بس انا ابغى اقولكم شي..
فاطمه ابتسمت وكانت بحضنها حور الكتكوته : تكلم انزين نحن نسمعك ..
عادل وهو خايف وبجرأه تكلم : اا .. ابغى اوصلكم سلام من عند ..!!
ناصر وهو مستغرب : من عند من؟ تكلم ..
عادل وبجرأه : من عند حسين ..
اما هم احتل الصمت مكانهم واصوات الأطفال تنسمع من برا ..
عادل وكمّل كلامه: هوه يسلم عليكم .. ويبغى (وبتردد) ويبغى انكم تسامحوه ( وناظر لعمه ) واهم شي انت يا عمي ويتمنى انك تسامحه ( بعدها نزل عينه للأرض)

ف هاللحظه الكل سكوت وكل واحد وشارد بتفكيره على الموقف يلي سواه حسين .. اما ابوهم دموعه انهالت من عينه وبحرقه تعتصر قلبه .. وف هاللحظه أذن المغرب والكل انتبه له وبعضهم ردوا وراه لحد ماخلص .. وبعدها عادل قام ..
عادل : يلا انا بستأذنكم
فاطمه بصوت خفيف : سلم على أهلك
عادل استاء من اشكالهم : ان شالله بيوصل .. يلا بروح مع السلامه (وراح يسلم على ابوحسين وناصر وبعدها طلع) .. وفاطمه بعدت حور من فوقها ومسكتها من يدها وقامت وبعدها راحت داخل .. وبعدها قام ناصر وعلى طول راح يرفع ابوه بمهل على الكرسي وتساعده معاه زينب .. وبعدها خذه للمسجد .. والأطفال كلهم ردوا البيت ومع عفستهم ..
مابقى ف الحوش غير زينب وكان تفكيرها كله لحسين وبين نفسها: حسين لو تعرف هاللغلطه كيف كثرها وش سوت لحالنا .. بس الله يسامحك على اللي سويته ..
بعدها انتبهت وشافت كلهم راحوا يصلوا .. وبعدها زينب تحركت من مكانها ودخلت ..

وكانت هاذي بداية الخيط والأحداث راح تستمر وتطّور مع مرور الزمن.. و هل يزداد الكره والحقد لعمانهم ام راح تنفتح صفحه جديده من حياتهم.. راح نشوف مع تسلسل الأحداث..




..................
......................


ملكة العجائب غير متصل   رد مع اقتباس
قديم 07-16-2011, 01:23 AM   #2 (permalink)
ملكة العجائب
رومانسي مبتديء
كلمتي صمتي
 
الصورة الرمزية ملكة العجائب
 
هالمره اريد تفاعل اكثر بروايتي
توقعاتكم... ارئكم ... تقييمكم
بدون ردودكم ما اقدر اكمل روياتي
ولكم باقة حبي وامتناني
ملكة العجائب غير متصل   رد مع اقتباس
قديم 07-16-2011, 05:58 AM   #3 (permalink)
لؤلؤة محيط
رومانسي مبتديء
ميمي
 
الصورة الرمزية لؤلؤة محيط
 
يالله حبيبتي كمليها


تحياتي
لؤلؤة محيط
لؤلؤة محيط غير متصل   رد مع اقتباس
قديم 07-18-2011, 11:49 PM   #4 (permalink)
ملكة العجائب
رومانسي مبتديء
كلمتي صمتي
 
الصورة الرمزية ملكة العجائب
 
Angry



تكملة البارات الأول..

........................................

ف اليوم الثاني .. السبت
ف المدرسه ( وقت الفسحه)

عايشه جالسه ف الفصل ما طلعت مع البنات برا , وكانت تفكر .. ف هاللحظه احد كان يقترب لعندها بخطوات ما تنسمع وما انتبهت لها عايشه ..
لمياء تقربت راسها ف أذن عايشه فجأه صرخت : عيووووش
عايشه انفزت وخافت ومسكت قلبها من صرختها ولفتت لورى : بسم الله الرحمن الرحيم .. لمياااااء خوفتيني .. (لمياء ماسكه بطنها ومايته ضحك على عايشه )
عايشه اتعصبت : هيوا.. هيوا ضحكي .. تراني اقولك سخيييفه وثاني شي ما يضحك ..
بعد شوي لمياء تعبت من الضحك : واااي واااي بطني , قلبي يعورني ياااالله ( واجهتها النظره وتأشر باصبعها ) شكلك يضحك وا... ( ماقدرت تكمل كلامها الا وضحكت )
اما عايشه مكتفه و ماعطتنها ظهرها ومعصبه حييل من حركتها..
لمياء لما خلصت من الضحك شويه ورجعت لطبيعتها : عيوووشه شوفي عليي؟
عايشه :...................
لمياء اقتربت لعندها وحطت ايدها على كتفها وماسكه ضحكتها : عيوش انا احبك ..
عايشه :.......................
لمياء تزيد من عصبية عايشه : فديتك , روحي انتي ..
عايشه معصبه ومالها نفس
لمياء : حطت راسها براس عايشه وعلت صوتها : انا احبك ... امووووت فيييك..
عايشه ما طاقت وبعدّت لمياء من فوق راسها وصرخت : هلاااااك صمختينا لميااااء.. تراهم سمعو ا كلهم وعرفوا انك تحبيني مو فيك ..
لمياء ف هاللحظه انفجرت ضحك عليها..
عايشه ما استحملت لأنها تضايقت وقامت من كرسيها وطلعت برا الصف , ولمياء طلعت وراها وتناديها : عيوووش, عيوووش والله ماكان قصدي وقفي..
وكل البنات يلي موجودات ف الصف يشوفن على حركات لمياء ومستغربات ..
عايشه وقفت على حافة الممر وسندت على جانب الجدار .. تقربت عندها لمياء وكاتمه ضحكتها ومسكت عايشه على كتفها ..
لمياء: عيوش والله انا آسفه انا ماتوقعت انه مايعجبك
عايشه :.................. ( انقهرت)
لمياء رجعت لطبيعتها : اكوول عيوشه
عايشه وهي ( مكتفه) ومالها نفس: قولي بسرعه خلصينا
لمياء : اليوم اشوفك متغيره ,, يعني غير ع الأيام اللي قبل , يعني مررره طفشانه ( وهي تقترب منها اكثر وواجهتها واتسمجت ( تلقفت) ).. خبريني وش تفكري ,قولي قولي احد خطبك وما بغيتيه..
عايشه تعصبت اكثر وطفشت منها: اوووه ومعاااش لمياء
لمياء اتستخف وقامت تدور: من جاي معاي ما اشوف حد وينه شفتيه عاي..
( قاطعتها عايشه): لمياااء بسك مصاخه خلااااص ..
ف هاللحظه جات عندهم وحده اسمها عبير: هااااي بنات كيفكن اخباركن
عايشه + لمياء : الحمدلله بخير
لكن عايشه نزلت عينها بضيق ..
عبير لمحتها : عايشه فيك شي
عايشه رفعت راسها واصطنعت الأبتسامه : لا مافيني شي ..
عبير : ليش جالسات هنا .. يلا خلا نمشي قبل لايرن جرس الفسحه
لمياء فرحت ، و لكن عايشه كان ماودها تروح بس غصبت نفسها (وراحن)
.......................................
.......................................

ف بيت ابو علي
ف الصاله
ام علي جالسه على الكنب وتطالع قناه دينيه .. ف هاللحظه ماليسيا ( الخدامه ) جات عندها
ماليسيا: ماما شمسه في هد يريدك برا
ام علي لفتت لها : انزين من؟
ماليسيا : مايرف ماما بس هوه تنين رجال وتنينه هرمه وبس ....
ام علي استغربت : رجالين وحرمتين .. (بعدها ام علي قامت وعطت الكنترول ماليسيا وراحت لعندهم ، لكن لما فتحت الباب انصدمت وفتحت عينها للآخر ..): من! ..
......................................

ف الشركه..
عند عصام وأيمن ( وكان استراحه يشربوا نسكفيه)
أيمن وهو يتمسخر: اقوول عصوم .. ترا هذا خبل ما يعرف شي واصلا لا توثق فيه ابدآ..
عصام وهو ماسك كوب الشاي: اعرفه مسوي عمره شاطر ومحد يقدر عليه ..ابوعقل
أيمن : بس انته خلي خليفوه يولي ف صوب ، انت اهم شي ركز ع شغلك.. ويلي تريده سويه وعادي حتى تخبر ابوه , قصدي المدير بكبره .. خلي خليفه شويه يرتجف من الخوف..
عصام يضحك : بس خليه الرجال ساعه ونحش عليه .. حرام تتكلم عنه واجد يمكن ما يعجبه ، ويمكن سبحان الله هوه شاطر ونحن ما عندنا خبر..
ايمن ويحرك يده بنفي : سير. سير شكلك تدافع عنه هذا النذل ..
عصام استاء من ايمن وحط الكوب ع الطاوله : يلا , قوم قوم شل عمرك .. قبل لايشوفنا خليفه ويعطينا كف كف..
ايمن قام ورافع حواجبه : يجرّب .. كان ما كسرت يدينه وماخليته يطب ذا المكان مره ثانيه ..
عصام تعصب: ايمن بسك تكلم عنه ترا عارفينك انك ما طيقه .. يلا خلا
ايمن سكت غصب: ابوي خلا توكلنا ..
..........................................


العصر.. ساعه4 ف بيت ( ابو علي) ..

جدهم ساكن عندهم واسمه حمود ولقبه (ابو سعيد) .. بس انا البيت سميته على اسم ولده سعيد
( ابو علي) .
ام علي وهي تدور: عبير .. عبيير هينك.. عبوره
عبير سمعتها وجالسه بغرفتها منسدحه على كرفايتها ومسرحه شعرها و تحل واجباتها
عبير جلست وعلت صوتها: ماااه انا هنا تعالي
ام علي دقت الباب وبعدها دخلت : انت هنا وأنا ساعه ادورك؟!
عبير تضحك : ماااه تعرفيني انا ما اطلع من غرفتي هذا الوقت، يعني وين بتحصليني بالله عليك
ام علي : انا مو دراني فيك وما احيدك كله تجلسي هنا غير يوم تذاكري..
عبير : هيوا صح انا اذاكر بغرفتي وبس..
ام علي : بسك عاد بغير السالفه , ابغاك تو تو تروحي بيت عمتك بشرى وتجيبي من عندهم كم غرض ، بسرعه قومي ..
عبير تدور عذر وتهز ع الكرفايه : ياربي ماااه ما اقدر تعبانه قولي حال عيسى تراه ولد ، وانا ما يصيرلي اطلع انا بنيه عاد كبرت ..
ام علي رفعت حواجبها : عااااد تو كبرتي! انا ما سمعت ذا الكلام غير تو .. يلا يلا ما ابغى اعذار وبسرعه قومي ترا العرب يبغيوا يروحوا ما يحرصوك انتي .. وثاني شي عيسى محد ف البيت انا وحدي باغتنه.. سوي قومي ترا الناس ما حد جالس عندهم
عبير: انزين ماه هذيلي متغدين عندنا صح؟
ام علي: هيوا متغدين عندنا.. انت مو باغتلهم ؟
عبير : ابا اعرف عنهم ..
ام علي : انزين بخبرك عنهم وبتشوفيهم لازم ، لكن اول روحي عند عمتك بس قوليلها الأغراض اللي باغتهم امي ، عاد وحدها تعرف ..
عبير وهي تربط شعرها: انزين ماه وين عجب ماليسيا ليش ما طرشتيها هيه ؟
ام علي : حبيبتي هذيك مطرشتنها المخبز ويبغالها لين ترجع , بسرعه قومي بسك اسأله اخرتي الناس ..
عبير راحت عند المرايا وتلبس لحافها مالة دشداشتها ( الويل) لونها احمر : انزين ان شالله ماماه انا كم ام عندي ف الدنيا ؟ ( لفتت لأمها وضحكت)..
ام علي كانت بتطلع : لا حوله ولاقوة الا بالله .. المهم روحي جيبي اللي قلتلك اياه وبسرعه ولاتتأخري تراني احرصك ..
عبير لما خلصت من لافه لحافها وبشكل منتظم وراقي ( ولفتت لأمها) : ماماه كيف لحافي مجلّب زين؟
ام علي ما مستحمله : زين .. زين بس يلا روحي انا بروح اشوف عصام اذا راجع من شغله ..
( امها راحت ونزلت تحت ف هاللحظه عصام دخل )
ام علي لما شافت عصام : عصام ..
عصام كان بيروح المجلس لكن لفت لأمه : نعم ماه
ام علي وتقرب لعند عصام : باغي تروح المجلس؟
عصام استغرب: هيوا ليش تسألي ؟!
ام علي : ترى ف الجلس حد ..
عصام : ومن؟!
ام علي وبخوف : انت ادخل وبتعرفهم ..
عصام استغرب اكثر: ومن ذيلي الناس
ام علي وقلبها مره متوتر وخايف : انت ادخل وشوفهم وبيصير خير
عصام لاحظ توترها: انزين مالك خيفانه
ام علي حاولت تهدي نفسها : لا انا لاخيفانه ولاشي تبغى تدخل؟ .. ترا عادل دخل عندهم وتعرّف عليهم باقي بس انته وخوله وعبير ..
عصام استعد لنفسه : يلا عيل خلا ندخل انا بكون وراك وانتي قدامي( ضحك)
ام علي تضحك : مو قالولك جايين يخطبوك ..
عصام وماسك ضحكته : يمكن يعجبوني ما تعرفي القدر..
ام علي تضحك ومصدقه : كان زين تزوج وتفكنا ، عاد تشيبنا من كثر مانقولكم تزوجوا انته وعادل..
عصام خاف ويحاول يتهرب : ها .. بس انا امزح امزح لاتصدقي اللي قلته نسييها السالفه احسن
ام علي خاب ظنها : استغفر الله منكم من اولاااد ، يلا ندخل
عصام وهو يرتب نفسه ويعدل مصرّه : يلا .. بسم الله ( بعدها دخلوا)
........................................


راح اعرفكم على عائلة ابو علي :

اولهم الجد اسمه حمود ( ابوسعيد) : وهذا الأسم مو غريب علينا .. بيكون ابو سالم ..وبشرى ,, وصالح .. شخصيته جاد فكل اموره يمتميز بقلب كبيروطيب وحنون على اولاده وما ينفذ شي لولاده الا ويحقق مطالبهم وعارف انها الصح .. واما يلي صار لسالفة ولده سالم ( ابو حسين) هوه ماطرده من بيتهم لآنه حاقد عليه اويكرهه.. لآ.. بس طلعه من بيتهم لأن عارف نواياه الشينه لولده وافعاله وما حب يدخله السجن وينزله من مستواهم .. فاضطر ف هالحاله يطلعه من بيتهم عشان يفكر باعماله يلي سواها لهم ويندم . لكن العكس يلي توقعه زاد كرهه لأهله وحدّت مشاكلهم اكثر بالتالي سالم قطع علاقته بينهم كان منذ أكثر من 7 سنوات وهم ما متواصلين معا بعض واللهم اولاده منهم متواصلين معهم ولكن نادرجدآ لأنه ابوهم منعهم من زيارتهم وقل اكثر وبالتالي انتقل الحقد للأولاد سالم .. ابو سعيد .. بيكون متقاعد وكان له اول مصنع كبير لكن بعد يلي سواه ولده سالم وطمع بالأموال خسروا مصنعهم بكبره ..لكن ابو سعيد ما شل همه بخسارة المصنع ..بس كان كل همه ولده لأنه ضاعت ثقته لولده واخلاقه انحرفت بسبب الطمع و الغيره والحقد بين اخوانه ..


ابوعلي ( سعيد) : ولد حمود ( الجد).. يتميز بالجديه والهمه العاليه ’ عصبي لكن يعصب على الشي يلي يستاهل وصح انه غلط.. لكن عصبيته ماتطغى على قلبه الحنون لولاده ويستجيب لطلبات اولاده ف الشي يلي ينفعهم ومحترم جدا لأبوه وله معزه فقلبه .. يشتغل ف الديوان بعد ماطلع من مصنع ابوه وخسارته .. وطبعآ الحين هوه بيكون ما موجود من شهر وماخذ اجازه طويله لحد ما يرجع من سفرة العلاج لأبوه المريض بالقلب وتنجح عمليته ..

أم علي( شمسه): طيبه و حنونه وتمتاز بصراحتها وعفويتها تحب اولادها بكثير وأولهم عصام،
ام علي لها ماضي مؤلم تتمنى انه مايرجع وتنساه ونفس الوقت تتمنى انها تشوفهم .. لكن القدر اجبرها تتحدا ماضيها وقسوته.. سنتعرف اكثرعن قصتها من خلال متابعتنا للروايه..

الأبناء:
علي( ابوإلياس): عمره 30 سنه , مدرس رياضيات ( معلم اول) , خلوق بمعنى الكلمه (مطوع) .. متواضع ف كل حركاته ابيض ونحيف متزوج ومو ساكن عندهم له بيت وحده ولأولاده .. اسم زوجته .. ( أبتسام) , عمرها 26 بيضا قلبها طيب وحنونه
الأبناء: الأول .. إلياس نسخه من امه مره ، عمره 6 سنوات.. الثاني : قيس ، ابيض عمره 4سنوات .. الثالث : قبس , عمره سنتين..

نرجع لعائلة ابو علي..

عصام: عمره 25 سنه .. مايل للبياض جسمه عادي , عينه وساع وعسليات.. مسوي لحيه عريضه شوي لكنها خفيفه , لكن محليه شكله مرره (وسيم) .. طيوب ، خلوق ، ويحب يتمسخر بس موكثير ،ولكن هوه فاهم وعاقل مو مثل صديقه ايمن .. ويشتغل ف شركه
( مهندس)..
عادل : عمره 24 سنه حنطي، وسيم مرره ومملوح ،جسمه رياضي , اطول من عصام بشويه.. عصبي ويحب يمازح مع اخوانه , وابدآ مايحب تنكسر كلمته يغار على خواته وبنات عمه سالم كثير.. مهنته شرطي ومسؤول عن السجون..
خوله: عمرها 22 سنه مايله للبياض عينها بنيات.. شعرها اسود ناعم رول طوله لحد اسفل ظهرها، حلوه مرره طيوبه ،تدرس بالجامعه السنه الأخيره تخصص (هندسة )..
عبير: عمرها 18 سنه ، تدرس ( بالثالث ثانوي) علمي.. مايله للبياض وشعرها اسود وناعم وخفيف وطوله لحد ظهرها ولون عينها بنيات ، حلوه مرره كيوته تنحب بسرعه .. ماتحب تكره احد لأن قلبها مره طيب .. كانت مره صديقة عايشه من يوم صغار الروح بالروح وتحب عايشه بقوه ، ولكن لما فرقهم القدر وطلعوا من بيتهم ، علاقتهن بدت تقل تدرجيآ لحد مااختفت ، ونستها عايشه .. ولكن عبير صداقتها لعايشها ما انكسرت ولااختفت وكانت وفيّه بصداقتها، وبمشاعرها العنقود عمره 12 سنه بالصف ( السادس).. ابو الشغب ، حنطي شعره ناعم ملتوي وطوله لحد رقبته ، مبستم دائمآ..
الخدامه ( ماليسيا): 30 سنه هنديه .. سمرا مبتسمه دايما وتنحب .. والله يعين بنواياها
..................................


تعريف عائلة ( ابوسيف)...
أبو سيف (صالح) الأخو الثالث والأصغر من عائلة حمود ..
طيب حنون على اولاده ودلوع بنته حنان وهو ساكن بعيد عن ابوه واخوانه من اول وسكن
ف( نزوى) .. مهنته ضابط مرتبه ثانيه ف العسكريه..
الأم : حميده... باين عليها ملامح الشباب وعصبيه بعض شي تشتغل ف الجمعيه
الأبناء..
حسن: 25 سنه .. اسمر وجسمه وسط وعصبي مرره وما يحب احد يوقف ع كلمته، وابوه جدآ معتمد عليه ويفهمه اكثر..مهنته( طيار عسكري)
حنان: آخر العنقود 22 سنه جمالها عادي جسمها مره حلو ولون عينها بنيه وشعرها اسود طويل كثيف لحد خصرها.. ومتواضعه بحركاتها ثرثاره بعض الشي
تدرس ف الجامعه مع خوله لكن تخصص( حاسوب)...

انتهت البارات الأولى
ملكة العجائب غير متصل   رد مع اقتباس
قديم 07-19-2011, 05:46 AM   #5 (permalink)
لؤلؤة محيط
رومانسي مبتديء
ميمي
 
الصورة الرمزية لؤلؤة محيط
 
مشكورة ملكة العجائب
وننتظر جديدك
على احر من الجمر


مع حبي
لؤلؤة محيط
لؤلؤة محيط غير متصل   رد مع اقتباس
قديم 07-20-2011, 01:23 AM   #6 (permalink)
hazarr dz
عضو موقوف
(Mentalité Par Facilité)
 
مشكورة ملكة العجائب
وننتظر جديدك
على احر من الجمر
hazarr dz غير متصل   رد مع اقتباس
قديم 08-14-2011, 05:34 PM   #7 (permalink)
{شدى الالحان}
عضو موقوف
 
مشكوووووور والله يعطيك الف عافيه
{شدى الالحان} غير متصل   رد مع اقتباس
قديم 09-04-2011, 03:39 PM   #8 (permalink)
said 12
رومانسي مجتهد
 
الصورة الرمزية said 12
 
أجمل من الجمال
أهنّئك على هذا الإبداع
تقبلي تحيتي
said 12 غير متصل   رد مع اقتباس
قديم 10-19-2011, 01:23 AM   #9 (permalink)
شذى الروح ..~
مشرفة متميزة سابقاً - أميرة الإبداع الثالثة
اللهم أهلك بشار وأعوانه
 
الصورة الرمزية شذى الروح ..~
 
تسلمين ملكة العجائب على الراوية

وفي انتظار التكملة

دمتِ بخيــر ...~
شذى الروح ..~ غير متصل   رد مع اقتباس
قديم 10-19-2011, 05:48 PM   #10 (permalink)
البرنسيسة سلمى
رومانسي مبتديء
 
رواية جميلة ومتناسقة
البرنسيسة سلمى غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 01:18 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103