تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان



العودة   منتديات عالم الرومانسية > منتديات عامة > منتديات اسلامية > يوتيوب - أناشيد - خطب - محاضرات - كتب - قرآن كريم

يوتيوب - أناشيد - خطب - محاضرات - كتب - قرآن كريم خطب اسلامية وتفسير لمعاني القران الكريم مع روابط للإستماع الى القران الكريم ومحاضرات توعوية اسلامية مع اضافة مكتبة اسلامية للكتب الاسلامية

حملة مين السبب "متجدد إن شاء الله"

إضافة رد
 
أدوات الموضوع انواع عرض الموضوع
قديم 03-10-2011, 01:40 AM   #1 (permalink)
manhagmuslim
رومانسي مبتديء
 

حملة مين السبب "متجدد إن شاء الله"




السلام عليكم و رحمة الله و بركاته

مر بنا ظروف قاسية من خوف و جوع و موت المئات و جرح الالاف و كل التخريب و المصايب اللى حصلت.


و سواء رحل مبارك أو لم يرحل لازم نأخذ درس مما حدث!!!


هل ممكن نكون احنا السبب فى اللى حصل؟؟؟؟

فكَر لحظة قبل ما تجاوب ....

ما نزل بلاء الا بذنب و ما رفع الا بتوبة

مش عايزين نبقى زى العراق و لبنان و لازم نأخذ عبرة

و ده كان شىء بسيط من قدرة الله و لو استمرينا فى البعد عن الدين هنبقى من الهالكين
نسأل الله العافية

قال الله:"و ما أصابكم من مصيبة فبما كسبت أيديكم و يعفو عن كثير": الشورى 30
و قال عز جل:"ظهر الفساد فى البر و البحر بما كسبت أيدى الناس": الروم41

هذه حملة

لنرجع الى الله بالتوبة الصادقة لنمحو الذنوب

و نقرب من ربنا لنفوز بالدنيا و الآخرة

كل مرة هنقول حاجة احنا مقصرين فيها و ازاى نعالجها
خلينا كلنا يد واحدة عشان ربنا يرضى عنا.

عايزين مشاركتكم معنا و أى حد عنده اقتراحات يرسل لي


manhagmuslim غير متصل   رد مع اقتباس
قديم 03-10-2011, 12:58 PM   #2 (permalink)
manhagmuslim
رومانسي مبتديء
 
حملة مين السبب "الصلاة1"

بداية حملتنا هتكون مع الصلاة إن شاء الله تعالى عشان هى أهم شىء ممكن نبدأ به
حالك ايه مع الصلاة؟؟؟ بتصلى و لا..........؟؟؟؟
سواء بتصلى أو لا...
لازم نصلى و نعرف بنصلى ليه؟؟
انت عارف ايه منزلة الصلاة فى ديننا؟؟
الصلاة الفريضة الوحيدة اللى فرضت فى السماء ليلة الاسراء و المعراج
و هى اخر وصية وصى النبى بها
قال تعالى"إن الصلاة كانت على المؤمنين كتابا موقوتا"
بل و ذكرت الصلاة فى القرآن أكتر من 200 مرة
قال النبى: بنى الاسلام على خمس منها الصلاة
يعنى الاسلام بيت عاموده الصلاة
الدنيا كلها هموم مذاكرة و شغل و مستقبل و عيال و فلوس و........
لما الهموم تكتر عليك بتعمل ايه؟؟ أليس لك فى النبى قدوة حسنة
النبى كان اذا حزبه أمر فزع الى الصلاة يعنى لما كانت الهموم بتكتر عليه يصلى
و كان يقول "أرحنا بها يا بلال" و احنا بنقول أرحنا منها
جرَب تصلى و تركع و تسجد و تدعى و قول لى شعورك ايه!!!
أنت عارف ايه فضل الصلاة؟
مفيش حد فينا معندوش ذنوب ده مش كلامى ده كلام النبى
و كل همنا لازم يكون ان ربنا يغفر لنا
النبى قال"الصلوات الخمس و الجمعة الى الجمعة و رمضان الى رمضان كفارة لما بينهن إذا اجتنبت الكبائر"
كفاية نصلى عشان ربنا بيحب الصلاة......
لو بتحب حد أوى و طلب منك حاجة هتعمل ايه؟؟؟
طب بتحب ربنا؟؟ أحب الأعمال إلى الله الصلاة على وقتها
يبقى هنصلى و لا ....... 
التغيير الحقيقى لازم يكون فى علاقتك مع ربنا و الصلاة علاقة لازم نصلحها
manhagmuslim غير متصل   رد مع اقتباس
قديم 03-11-2011, 05:51 PM   #3 (permalink)
manhagmuslim
رومانسي مبتديء
 
حملة مين السبب "الصلاة2"

السلام عليكم و رحمة الله و بركاته
أخبار الصلاة معاك ايه؟أنا متأكد أنها اتحسنت فى الكام يوم اللى فاتوا...
موضوع اليوم عن الصلاة أيضا ليه؟؟ لأنها أهم ركن بعد الشهادتين فى الدين.
تخيل لو واحد بيدلَك على كنز كل يوم هتعمل معاه ايه؟؟أنا هرشدك على خمس كنوز كل يوم
عارف فين؟؟؟
فى المسجد اللى احنا بنعدِى عليه كل يوم و مش بنفكر أن ربنا بينادى علينا "حى على الصلاة" و احنا مكبًرين دماغنا.
طب لو واحد حبيبك طلب منك حاجة 5 مرات كل يوم هتعمل ايه؟
ما بالك بالله عز و جل.
النبى لم يرخص للأعمى أن يصلى فى بيته، طب انت عُذرك ايه و انت بكامل صحتك؟؟؟
لو قلت لك روح المكان الفلانى 5 خمس مرات فى اليوم و تأخذ 1000 جنيه هتعمل ايه؟؟
طب لو ربنا بيقولك تعالى صلِى فى المسجد و أغفر لك!!!
لو قلت لك على شغلانة فيها فلوس أكتر هتعمل ايه؟؟
ده الفرق بين الصلاة فى المسجد و البيت
انت عارف ثواب الصلاة فى المسجد ايه؟؟؟ قال النبى:"صلاة الجماعة أفضل من الصلاة الفذ بسبع و عشرين درجة"
ليه بنزهد فى ما عند ربنا و عايزين فلووووووووووووووووووس كتير.
و الله أنا نفسى ندخل الجنة كلنا مع بعض و نفسى ربنا يرضى عنا.
و تذكر أن أى فلوس أو رزق تتحرم منه بيكون بسبب ذنوبك.

انتظروا حملة فريضتى أولا و فيها تفاصيل كتيرة عن الصلاة
manhagmuslim غير متصل   رد مع اقتباس
قديم 03-12-2011, 06:35 AM   #4 (permalink)
manhagmuslim
رومانسي مبتديء
 
حملة مين السبب"حسن الخلق"

السلام عليكم و رحمة الله و بركاته
صلينا صح؟؟؟ طب ايه ثمرات الصلاة؟؟
من أهم ثمرات الصلاة حسن الخلق.
هل نحن نتصف بحسن الخلق؟؟ هل احنا بنطبق أخلاق الاسلام فعلا؟؟
للأسف احنا لما بننزل الشارع بنشوف حاجات تكسف مش ممكن يتسكت عليها
مشفتش واحد بيكسر على واحد بالعربية...مشفتش شباب بيعاكس بنات...
مشفتش الناس بقت عصبية ازاى...كل واحد أصبح همه نفسه و بس
ده احنا بنسمع كم شتائم رهيب كل ما بنمشى فى الشارع
هل هذا من الاسلام فى شىء؟؟ لا و الله
كان النبى نموذجا فى حسن الخلق...طب متيجى نقتدى بالنبى اللى عاش و ضحى عشان احنا نبقى مسلمين و ينقذنا من النار
كان النبى يعطف على الصغير و يوقر الكبير و يساعد الناس فى همومهم
و كان يقول:"ليس منا من لم يرحم صغيرنا و يوقر كبيرنا"
بل أتعلم أن النبى يحب حسن الخلق...بل إن حسن الخلق سبب للقرب من النبى يوم القيامة
تخيل لو حافظت على الفرائض و التزمت بحسن الخلق هتكون قريب من النبى
قال النبى:"إن من أحبكم إلى و أقربكم منى مجلسا يوم القيامة أحاسنكم أخلاقا"
يبقى الصلاة هي اللى هتساعد على تحسين أخلاقنا
manhagmuslim غير متصل   رد مع اقتباس
قديم 03-12-2011, 05:44 PM   #5 (permalink)
manhagmuslim
رومانسي مبتديء
 
حملة مين السبب"الكذب"

السلام عليكم و رحمة الله و بركاته
إخوانى فى الله
من ثمرات الصلاة الصح الصدق و عدم الكذب
حبيبى هأسألك سؤال بس ترد عليه بحق...
كام مرة كذبت فى حياتك؟؟
أنا عمرى ما كذبت
طب استنَى بس...
أولا:ما هو الكذب؟؟
الكذب هو إخبارك بشىء عكس الواقع مع معرفتك أنه بخلاف الواقع...
فى حاجات كتيرة أحنا بنكذب فيها و احنا مش عارفين
ساعات كتيرة حد يسألك انت فين و تكون متأخر عن المعاد فتقول "أنا وصلت" و انت لسه فى الطريق...
هو ده مش إخبار بغير الواقع
ساعات حد يقولَك انت كنت فين تقول له مسافر
ده مش إخبار بغير الواقع
و أحيانا مديرك يسألك عملت العمل الفلانى تقول عملته و انت معملتوش..
هتقولى دى كدبة بيضاء
طيب لو اكتشف أنك كذبت هتبقى برده بيضاء؟؟
و بعدين انت خايف من البشر و مش خايف من ربنا؟؟
قال تعالى:"يا أيها الذين ءامنوا اتقوا الله و كونوا مع الصادقين"
و قال النبى:" - إن الصدق يهدي إلى البر ، وإن البر يهدي إلى الجنة ، وإن الرجل ليصدق حتى يكون صديقا ، وإن الكذب يهدي إلى الفجور ، وإن الفجور يهدي إلى النار ، وإن الرجل ليكذب ، حتى يكتب عند الله كذابا .
طب هتقول أنا بس بهزَر و بضحك مع أصحابى
أقول لك مينفعش فقد توعد النبى الذين يكذبون ليضحكوا الناس
بل و انظر إلى هذا الحديث:" أنا زعيم بيت في ربض الجنة لمن ترك المراء و إن كان محقا ، و بيت في وسط الجنة لمن ترك الكذب و إن كان مازحا ، و بيت في أعلى الجنة لمن حسن خلقه
عايزين نطهر ألسنتنا من الكذب و ندخل جنة ربنا.
manhagmuslim غير متصل   رد مع اقتباس
قديم 03-13-2011, 09:31 PM   #6 (permalink)
ديما دودو
رومانسي نشيط
 
الصورة الرمزية ديما دودو
 
جزاك ربي خيراً وبارك فيك
ديما دودو غير متصل   رد مع اقتباس
قديم 03-14-2011, 01:42 AM   #7 (permalink)
manhagmuslim
رومانسي مبتديء
 
حملة مين السبب"الغيبة"

السلام عليكم ورحمة الله و بركاته
ممكن اسألك سؤال و ترد عليه
احنا ليه بنغتاب بعض؟
ما الغيبة؟
قال النبى" أتدرون ما الغيبة ؟ ذكرك أخاك بما يكره ، إن كان فيه ما تقول فقد اغتبته ، و إن لم يكن فيه فقد بهته"
أنا بشوف ان من أسباب الغيبة الحسد و الغيرة و عدم رؤية عيوب نفسك و الفراغ
لو كل واحد فينا انشغل بعيوبه اعتقد ان مفيش حد هيغتاب التاني
الغيبة غير انها حرام في الدين فليست من أخلاق النبلاء فتخيل واحد يكون مش موجود او يعطيك ظهره و انت تتكلم من وراه أليست هذه خيانة.
ايه اللى انت استفدته لما اغتبت؟
لو حاجة مش عاجباك في شخص روح و قل له على عيبه عشان يتخلص منه فكونك مش قادر تواجهه يبقى انت فيك خصلة جبن أو خيانة و كلاهما غلط و اعرف انك زي ما هتغتاب الناس الناس ىهتغتابك فالجزاء من جنس العمل
طيب تحب حد يتكلم عليك؟ ليه بتنتكلم على الناس؟
لازم تحب لأخيك ما تحب لنفسك
قال النبي:" لا يؤمن أحدكم حتى يحب لأخيه ما يحب لنفسه"
و بعدين انت يعني انسان كامل و مش عندك عيوب؟
الأفضل تنشغل بعيوبك احسن من الانشغال بعيوب الاخرين.
لو انا قلت لك كُل من لحم الميت ده...ممكن تاكل و لا هتقرف؟؟ طيب ماهي دي الغيبة

قال الله: " ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"
تدبر لماذا قرن الله بين الميت و الشخص الذي اغتبته ؟
لأن الاثنين مش قادرين يردوا عن نفسهم الغيبة فكلامك فى أخيك الغائب عنك زى كلامك فى الميت
وأخيرا اعرف أن الغيبة مش بتكون باللسان بس و لكن بالنظرة و الضحكة........... فلو كان شخص واقف و عمل حاجة و أنت نظرت لصاحبك نظرة تدل على استهزائك بهذا الشخص فهذا من الغيبة المحرمة
حبيبى من أخطر الذنوب اللى بتكون فى حق الغير فلازم نتوب منها بالكف عنها و العزم على عدم العودة و الندم على ما فعلته و هذه شروط التوبة من أى ذنب لكن لازم تضيف عليها أنك تستغفر للشخص اللى انت اغتبته و كمان تقول له عشان يسامحك فى الدنيا قبل ما تموت و الفرصة تروح.
manhagmuslim غير متصل   رد مع اقتباس
قديم 03-15-2011, 05:05 PM   #8 (permalink)
manhagmuslim
رومانسي مبتديء
 
حملة مين السبب"النميمة"

السلام عليكم و رحمة الله و بركاته
موضوعنا اليوم عن النميمة و لم أجد أفضل من هذه القصة التى ساقها

الشيخ محمد العريفى حفظه الله


يقول الشيخ:
في يوم من الأيام ألقيتُ محاضرة في أحد السجون.. جُمع لي السجناء في المسجد الكبير قرابة 500 أو الألف سجين ..
انتهيت من المحاضرة.. أول ما انتهيت قال لي أحد الأخوة الذين كانوا مرافقين معي وهو مشرف على بعض المحاضرات في السجن، قال: يا شيخ هنا الجناح الخاص بأصحاب القضايا الكبيرة والجناح الانفرادي لم يحضروا معك المحاضرة فليتك أن تمر بهم وتلقي عليهم كلمة وتجيب على أسئلتهم إن كان عندهم أسئلة.. قلت: حسناً..
أقبلنا فإذا مجموعة كل واحد في زنزانة خاصة به.. مررنا بهم.. ألقيت عليهم كلمة يسيرة ثم أجبت على أسئلتهم .. مررت في أثناء ذلك بزنزانة فيها شاب عمره تقريبا 23 سنة أو في الخامسة والعشرين سنة تقريبا كان جالساً هادئاً في زنزانته، مررت به وسلمت عليه كان هادئاً لطيفاً ثم تجاوزته، سألت صاحبي قلت: ما قضيته؟! يعني هو عليه سرقات أم مضاربة مع أحد أو أدت إلى قتل ذلك الشخص مثلاً ما قضيته؟!

قال: هذا الشاب يا شيخ عليه جريمة قتل لزوجته..
قلت: قتل لزوجته! ما هو السبب؟!
قال: هل تصدق أنهما ما مضى على زواجهما إلا قرابة ثلاثة أشهر وقتلها
قلت كيف قتلها أعوذ بالله يعني كمثل وجدها على فعل معين أو محرم أو فاحشة أو وجدها مع رجل مع أنه لا يجوز أنه يعاملها بالقتل بمثل هذه المواقف لكن أحيانا أن بعض الناس يثور ويتهور ويضربها بشيء فتموت بسببه

قال: لا، ذبحها بالسكين
إنا إليه راجعون.. كيف؟!
قال: هذا تزوج وسكن مع زوجته على أحسن حال.. حقد عليه مجموعة من الناس ربما بينه وبينهم مشاكل في القديم أو أنهم كانوا يريدون أن يتزوجوا هذه الفتاة، المقصود أنهم حقدوا عليه فأقبل إليه أحدهم فقال له: يا فلان
قال الشاب: ما تريد؟
قال: أنت اشتريت سيارة خضراء بدل سيارتك؟ وذكر له أحد أنواع السيارات
الشاب: لا ، أنا والله ما اشتريت، أنا سيارتي السوداء التي معي تعرفونها
قال: والله ما أدري لكن أنا أمس الضحى وأنت في العمل خرجت في حاجة ومررت أمام بيتك ورأيت سيارة خضراء واقفة عند الباب فخرجت امرأة من بيتك وركبت معه وبعد ساعتين رجعت إلى البيت، أنت عندك يمكن في البيت أحد يمكن...
قال الشاب: لا والله ما فيه إلا زوجتي حتى ما عندي خادمة ولا عندي أحد
قال: ما أدري إن شاء الله ما تكون زوجتك.. ومضى..

بعدها بيومين الرجل بدأ يشك يسأل زوجته: فيه أحد جاء ، فيه أحد ذهب..

بعدها بيومين، ثلاثة، أقبل إليه رجل آخر قد اتفق مع الأول فقال له: يا فلان
قال نعم
قال: أنت غيرت سيارتك، اشتريت سيارة بيضاء؟
قال: لا والله هذه سيارتي تحت واقفة
قال: والله ما أدري بس أنا أيضا أمس العصر يبدو إنك ما كنت في البيت، فيه سيارة بيضاء وقفت عند الباب وأقبلت امرأة وركبت معها وذهبت.
جعلوا الرجل ينتفض ..

ثم جاءوا إليه في اليوم الثالث وزادوا عليه الكلام..

جاءوا إليه في اليوم الرابع ..

- أنظر كيف الألسنة تحدث من عقوق وقطيعة –

فلا زالوا به حتى تخاصم مع زوجته وأكثر عليها الكلام وهي صرفت عليه قالت: كيف تتهمني في عرضي، قال نعم أتهمك اعترفي، ما أعترف..... كثر الكلام فذهبت إلى بيت أهلها..

لبثت عند أهلها أياما فلم يرضهم ذلك!

أقبلوا إليه قالوا: يا أخي ترى السيارات نفسها الآن تقف عند بيت أهلها، بكرى البنت تحمل وبعدين تقول هذا ولدك. أنت لست رجلا أنت ما عندك مروءة أنت تلعب بعقلك الفتاة والله لو كنت رجل لو أنك.... الخ.............. فلم يزالوا يعينون الشيطان عليه بالوساوس حتى تغلب عليه الشيطان في ليلة من الليالي فخرج من بيته ومضى إلى بيت أهلها وقفز من فوق السور ودخل إلى البيت والكل النائم، مضى إلى المطبخ وأخذ سكيناً ثم مضى إلى غرفتها ودخلها بهدوء وإذا الفتاة نائمة في أمان الله قد نامت على بطنها في أمان الله على فراشها فأقبل من خلف رقبتها وأبعد شعرها قليلا وذبح حتى قطع أوداجها.. انتفضت قليلا وماتت.. مسح السكين بثيابه وتركها وذهب إلى الشرطة وقال أنا قتلت فلانة! أدري أني سأتعب لو هربت وسوف ألاحق في كل مكان من الآن أنا قتلتها لكن بردت ما في قلبي! ..
وحكم عليه بالقصاص.. النفس بالنفس..

شاب يا جماعة لو ترونه يعني من أحسن الشباب خلقة وأقواهم بدنا لكن بكثرة ما وقع من ألسنة أولئك الظلمة الفجرة
أنظر كيف تحولت الأمور، قد هُتكت بها أعراض وهدمت بيوت بسبب ما يخرج من هذا اللسان
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )

وهؤلاء الظلمة غير أنهم اكتسبوا اثما عظيما اثم الغيبة والنميمة فإنهم أيضا فرقوا بين زوجين وهناك حديث لرسول الله صلى الله عليه وسلم يقرر أن من فرق بين زوجين لا ينظر الله إليه يوم القيامة. وكذلك قذفوا المسلمة المحصنة بالزنا والعياذ بالله من ذلك
-- قذف المحصنات من كبائر الذنوب --
فتدبروا يا أولى الألباب
manhagmuslim غير متصل   رد مع اقتباس
قديم 03-16-2011, 06:36 AM   #9 (permalink)
manhagmuslim
رومانسي مبتديء
 
حملة "مين السبب" إتقان العمل

السلام عليكم و رحمة الله و بركاته

هل تتقن عملك؟؟؟
يعنى ايه؟؟؟
يعنى هل تذهب لعملك فى مواعيده و تؤدى عملك بدقة و نظام
ولا بتكسِل و تقول يعنى هو حد شايفنى!!!
حبيبى
لو عرفت أن مديرك فى الشغل مراقبك طوال النهار هتعمل ايه؟؟
أعتقد أن شغلك هييقى ميه ميه
صح؟؟
مش دى أمانة لازم تقوم بها
قال النبى:" لا إيمان لمن لا أمانه له، ولا دين لمن لا عهد له”

طيب تخيل أن ربنا مراقبك 24 ساعة فى اليوم
هتعمل ايه؟؟
قال تعالى:" ما يلفظ من قول إلا لديه رقيب عتيد"
لو عرفنا أن احنا بنعامل ربنا فى كل شىء مش بنعامل البشر
أعتقد أن الموضوع هيفرق كتير
و بعدين انت اتفقت مع صاحب الشغل على كلام معين
يبقى لازم تنفذ
قال النبى:" المسلمون على شروطهم "
هتقول لى طب ما كل الناس بتعمل كده
ليه بتبص للناس خلٍى قدوتك الرسول و الصحابه
حبيبى
فى نوع ثانى من الاتقان فى العمل احنا مش بنبص له
و هو اتقان العبادات
يعنى لما تصلى هل بتصلى بهدوء و سكينة؟
و لا................
و الله لو عملنا بإتقان هنساهم فى رفعة ديننا و بلدنا
و كمان هتبقى بتعمل حاجة ربنا بيحبها
قال انبى:" إن الله تعالى يحب إذا عمل أحدكم عملا أن يتقنه"[/b]
manhagmuslim غير متصل   رد مع اقتباس
قديم 03-18-2011, 12:28 AM   #10 (permalink)
manhagmuslim
رومانسي مبتديء
 
حملة مين السبب"التدخين1"

السلام عليكم و رحمة الله و بركاته
ممكن أسألك سؤال؟؟
اتفضل
ايه اللي فى إيدك ده؟؟
دى ..........سيجارة أصل الواحد مهموم و بيرفًه عن نفسه
طب هى السيجارة بترفًه عنك؟؟
قبل ما تجاوب...هل جرًبت تلجأ لربنا و تدعوه أنه يفك كربك؟؟
ربنا أعلم واحد بك و بهمومك
قال تعالى:"ألا يعلم من خلق و هو اللطيف الخبير"
و بعدين لو قلت لك احرق العشرين جنيه دى هتقول علىً ايه؟؟
مجنون صح؟
طب ايه الفرق أنك تحرق فلوس أو تحرق سيجارة؟؟
هل السجائر لها فائدة؟ لا والله
و بعدين بترفَه عن نفسك بحاجة حرام تغضب ربنا؟؟
حرام...مش للدرجة دى. دى بس مكروهة
أولا هى حرام لأسباب عديدة.. مش خبيثة تبقى حرام
قال تعالى:" و يحل لهم الطيبات و يحرِم عليهم الخبائث"
و بعدين تخيل لو فى مليون مسلم بيدخن كل يوم مش ده يتسبب فى غضب ربنا
و لما ربنا يغضب الرزق يقل و المصائب تزيد و الأمن يفقد و تحصل زلازل
و الناس تصاب بالهم و الحزن

و سبب تانى أنها حرام

مش صحتك دى أمانة؟؟ طب العلم أثبت أن السجائرمن أخطر أسباب القلب و الضغط و السكر و الربو و السرطان
و قال النبى:"لا ضرر و لا ضرار"
و لو مش مصدقنى زور مستشفى و شوف بعينك...
لا أصل أنا بشربها بالفلتر
طب حط منديل على الفلتر و شوف لون المنديل هيبقى ايه؟؟

و بعدين سأفترض جدلا أنها مكروهة...
ترضى تعمل حاجة أبوك أو أمك أو زوجتك بتكرهها
فما بالك بربنا
قال تعالى:" ما لكم لا ترجون لله وقارا"
أقولك معلومة خطيرة...هل تعلم أن السجائر اللى فى أمريكا أقل فى المواد المسرطنة من السجائر اللى بيصدروها لنا
يعنى ايه؟ يعنى عايزين يدمروا شبابنا
سبب آخر: الإسراف
قال تعالى:" إن الله لا يحب المسرفين"
تخيل انت بتصرف كام جنيه فى الشهر على السجائر؟
قول 3 جنيه فى اليوم يعنى 90 جنيه فى الشهر
طب مش بيتك و أولادك أولى بالفلوس دى
و كمان لسه الفلوس اللى هنصرفها على العلاج من السجائر
و فى أسباب تانية كتير بس كفايه كده
طب هل السيجارة رجولة؟؟؟ لا و الله ده سفه
عمرك شفت عاقل بيحرق فلوس
حبيبى السجائر حرام و فيها تضييع للفلوس و اقتصاد بلادنا محتاج كل جنيه
خليك راجل و سيب السيجارة و افتكر أن التدخين ضار جدا بالصحة.
manhagmuslim غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
مميز :اسمه مكتوب على خده "صوره" لاتخرج بدون كتابة """سبحان الله""" Commandos عجائب وغرائب 50 05-17-2009 11:22 PM
"الاتصالات السعودية": حملة "استمتع بلا حدود" عبر برنامج قطاف تستمر حتى شهر سبتمبر شقيق القمر اخبار التقنية والتكنولوجيا 0 08-26-2008 06:47 PM
أدفع مليون اذا لم تصاب "بالجنون" صورة غريبة " أتحدى عيونك ما تحول "@ امير البلاد صور 2017 8 06-14-2006 10:02 PM

الساعة الآن 05:54 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103