تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصة العيون السود من تأليف دينا الشال

إضافة رد
 
أدوات الموضوع انواع عرض الموضوع
قديم 01-10-2011, 08:51 PM   #1 (permalink)
مانجر ديناالشال
رومانسي مبتديء
 

ADS
35 قصة العيون السود من تأليف دينا الشال




أولا بمسي على كل أعضاء المنتدى واحد واحد
ثانيا بما ان دي أول مشاركة ليا في المنتدى فأحب اعرفك بنفسي
انا شهرزاد البزنس مانجر للكاتبة دينا الشال
طب حد هيسألني مين هي دينا الشال هقولكم هعرفكم عليها من خلال كتاباتها واللي يسعدني اني أنقلها لكم هنا في المنتدى الرائع دا
مش هطول عليكم.. ولا هرغي كتير وهكتبلكم أول حلقة من قصة العيون السود تأليف دينا الشال
يارب تعجبكم
ورجاء كتابة اسم الكاتب دينا الشال عند النقل لعدم التعرض للمسائلة القانونية


الحلقة الأولى


1
2
3
4
5
6
7

سبعة

عدد العرسان اللي اتقدمولي لغاية دلوقتي

كتير بالنسبة لبنت لسة مكملتش 17 سنة

17 سنة يعني يادوب خارجة من امتحانات الثانوية العامة

ب 83%

و 7 عرسان

وطبعا ولا حالة حب واحدة

حب فين ..!

مفيش وقت عشان أفكر في الكلام الهايف دا .. فيه مذاكرة .. ودروس.. واحلام يقظة

اه احلام يقظة

ذي كل البنات مريت بمرحلة المراهقة بس

بطريقة مختلفة

مفيش ابن جيران.. وإن كان موجود

ولا فيه ابن بنت خالة عمة خال بابا

ولا حتى زميل في المدرس واحد .. واحد يوحد ربنا

وازاي اصلا؟؟

إذا كان ال3 مدارس اللي دخلتهم مفيش ولا واحدة فيهم مشتركة

كلهم بنات x بنات

ولا واحدة مشتركة ! قصة العيون السود من تأليف دينا الشال

ماما .. مامتي

ديما كانت تقولي

" بنت يا سلمى أوعي تتكلمي مع أي شاب أو زميل ليكي

( هما فين يا حسرة )

حتى لو كان في الدرس

( آه قوللي كدا قصدها على الواد علي )

سمعتك هتبقى على كل لسان والبنت سمعة "


وأنا ذي الشطورة الامورة كنت بسمع كلامها

وكنت كمان بخاف على سمعتي جدا

و ( علي ) الولد الوحيييد اللي كان معانا في درس الفرنساوي بين خمستااااااشر بنت

مكنتش بعبره!

ولا بنظرة حتى

ومش في بالي اصصصلا

وكنت ديما أضحك على كلام البنات زمايلي في الدرس

" الواد علي بصلي .. بصلي .. يا حلولي "

وترد التانية

" انتي حولة!! بيبص عليا أنا.. أنا مش انتي يا حولة "

كنت اضحك أنا في سري هو اللي احول يا هايفة انتي وهية.. دا بيبص على السبورة

واضحك اكتر على هيافة البنات اللي كانوا في الفصل بتاعي

وكل واحدة فيهم نازلة تسبيل في مدرس التربية القومية



والله البنات دي تافهة

أنا بقى كان كل عريش يتشقدملي أول عليه دا فتى أحلامي

وف جلسة التعارف اكتشف الكارثة

يع


مقرف أوي

بيحط صوباعه في مناخيره

اييييه دا؟؟؟
يع
عوق

يااا مقرف

في بوقك ياجايف

وطبعا ردي
لأة لأة لأة


اللي بعده

" مفيش جامعة .. مفيش شغل .. مفيش أروح لماما .. مفيش خروجات ولا فسح .. مفيش .. "
وكان ردي
مفيش جواز



عاهات
__________
التالت بقى كان أمووور أوي
ولطيف أوي
وفشار أوي أوي أوي
كان ناوي يجيب الخاتم الألماظ اللي كان خاطب بيه بنت عمه قبلي عشان يخطبني بيه وطبعا بابا قاله معندناش بنات يتخطبوا أقل من خاتم ماس وعشان بابا كان عارف انه مثقف أوي وان حضرة العريس المبجل مش عارف الفرق بين الالماظ والماس هو الطاء والسين قاله كدا

ــــــــــــــــــ
الرابع بقى كان أهبل وأهطل أصلي يعني سيبكوا منه

وهكذا اللي بعده واللي بعده.. لغاية ما قابلت محمد

محمد قريب جوز خالتي

كنت لسة في سنة أولى تجارة

فرحانة بنفسي وبذكائي اللي اتفوقت بيه على الكل

وعلى محمد دا اللي أكبر مني بسنتين في اختبار للذكاء

اتحداني وأنا كسبت التحدي

وطبعا ذي أي شاب كرامته نقحت عليه

وحاول يتقرب مني

بس انت بقى تبقى بتحلم لو كلمتك حتى يا محمد

ومن سكات بصيتله بصة انتصار بطرف عيني ( والله لفرسه أكتر )قصة العيون السود من تأليف دينا الشال


وبابتسامة خبيثة

اخدت شنطتي وسلمت على خالتي وروحت بيتنا

دخلت أوضتي

وشغلت الكاسيت وأنا بقرأ رواية من روايات عبير الرومانسية




مانجر ديناالشال غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
العيون السود شلون املها * سحر ذوبني غزلها*بووسة من خدك حبيبي" قصة شاب صغير"+علاج مقدام النت المنتدى العام - نقاشات و حوارات جادة هادفة 2 04-13-2009 10:42 PM
العيون السود بن حازم العوفي الشعر و همس القوافي 2 07-04-2006 01:21 AM
قصة دينا الجميلة>>تأليف صرقوووع صرقع قصص وحكايات عربية وشعبية وعالمية 6 04-10-2005 02:53 PM

الساعة الآن 07:57 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103