تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

العيون اللي تحبّنا .. نبكّيـها ( الحلقة الثانيه )

إضافة رد
 
أدوات الموضوع انواع عرض الموضوع
قديم 12-03-2010, 05:35 AM   #1 (permalink)
سـامـحيـني
رومانسي مبتديء
 

ADS
35 العيون اللي تحبّنا .. نبكّيـها ( الحلقة الثانيه )




عنوان هذي الحلقه ( حامد وجامعة قهر )
مثل ما ذكرنا في الحلقة الاولى ان حامد قرر يرتاح كورس واحد وانتهي فيه المطاف انه مريّح سنتين والسبب بتعرفونه في هالحلقه ..

طبعا حامد يدرس في كلية الهندسه قسم كهرباء وبعد ما ارتاح الكورس الاول سجل في الكورس اللي بعده واخذ ماده كالكولاس 2 عند دكتور معقّد جدا ..

واليكم ما حدث في هذا الكورس وفي محاضرة الكالكولاس :


حامد كان غايب يوم قبلها ودخل القاعه وجلس اخر واحد << مكانه المعتاد ومتاثر من ايام المدرسه الاخ ، والدكتور دخل وشرح اول مساله ورفع طالب يده واليكم ما حدث :

الطالب : دكتور لو سمحت ممكن تعيد هالنقطه لاني ما فهمتها ، وياليت لو تشرح شوي بالعربي ؟؟ << بكل ادب

الدكتور : اذا ما تعرف اللغه الانجليزيه وما تفهم ، معناته انك ما تستحق تجلس في الكرسي اللي انت جالس عليه الحين ، ولا تستحق انك تكون طالب في هالجامعه ، وبكره لو رحت كالكولاس 3 وشافك الدكتور ما تعرف انجلش ولا المصطلحات الحسابيه بالانجلش وش راح يقول عني ؟؟؟

نسيت اقول لكم نقطه ان هالدكتور في حياته العامه يتكلم انجليزي وما يحب شي اسمه لغه عربيه مع انه خليجي ، وزوجته امريكيه وللاسف طلقته ...

المهم : حامد تغير لونه من رد الدكتور ، وعالاقل يرد باحترام مع الطالب بدون ما يهينه .. فقــرّر حامد <<< الله واكبر يا خالد بن الوليد وش بيسوي حامد يعني ،، بيقوم يفقع وجه الدكتور مثلا ؟؟ خخخخ ... لا طبعا ما توصل لهالدرجه هههه

المهم : انه رفع يده وقال :

حامد : دكتور ، لو سمحت ممكن تعيد نفس النقطه لاني انا ما فهمتها بعد ، << عشان رفيقه .. (( والله وكبرت في عيني يا حامد ) المهم .. ثاني شي انت اهم اولويّاتك انك تفهمنا رياضيات مب اتدرسنا لغة انجليزيه ، الانجلش لها دكاتره مختصين ، ثالثا ياليت لو ترفع صوتك لاني انا ورى ما اسمع وشكرا <<< وش هالادب يا حامد .. وللعلم حامد ساله بالانجلش ولكن الدكتور ارتفع ضغطه وشوفوا وش رده :
الدكتور : اول شي انا بروفوسور مب دكتور ، ثاني شي اذا ما فهمت ارجع لكالكولاس 1 ، ثالث شي انا مريض ماقدر ارفع صوتي تعال قدام

حامد : اها اوكي يا جرذي السلاحف >_<
بعد دقيقه ..

حامد : دكتور !! <<< يعاند ما يبي يقول له بروفسور للحين في راسه حب ما انطحن .. المهم
الدكتور : <<< وده يرد بـ وجع لكن ما يعرفها بالانجليزي هههه ،، قال : نعم

حامد : بروح الحمام <<<< ههههههه قديمه يعني دوّرني اذا رجعت .. وطلع
وراح يبي يحذف الماده قالوا له لازم تحذف الكورس كامل وهو عنده قناعة تامه مستحيل ينجح عند هالدكتور وبينصك انذار ثاني بحكم انه عند اول ...

الكورس الثالث :

من قرادة هالبني ادم ان هالدكتور المعقد طارح الماده لمجموعتين ومافيه غيرهم ومافيه الا هو يدرس جعله المرض واضطر اخونا يسجل عنده .. بس قرر انه يشد حيله ويعدي ..

وبالفعل شد حيله ودرس وما تاخر ابد عن وقت المحاضره وقدم الامتحان الاول واخذ 27 من 30 وهالعلامه من الصعب جدا ان حد يجيبها عند هالمشعوذ ..

المهم حامد في يوم من الايام تاخر عن المحاضره 7 دقايق تقريبا ودخل القاعه وسلّم .. والدكتور نقز له مثل الجربووع وقعد يهاوشه ويقول له لا تسلم بالانجليزي .. طبعا حامد من الخربطه ما فهم هالمشعوذ وش يقول فقال للطلاب شالسالفه قالوا له يقول لك لا تسلم +_+

حامد طالع في الدكتور وقال :

حامد : دكتور الله يجزاك خير كله ثانيتين انا اسلم انت ترد والطلاب يردون ، انت تاخذ اجر وانا اخذ اجر والطلاب ياخذون اجر ليش انت مزعّل نفسك ؟؟ << والله معاه حق حامد ... المهم

الدكتور : انت قاطعتني .. <<< >_< كذااااااااااب كان للحين يشبك اللاب توب عالداتا شوو وما بدا
حامد : دكتور انا اهلي مربيني عدل ولو شفتك تتكلم وتشرح كنت بدخل وبقعد مكاني بدون ما تحس فيني حتى .

الدكتور : بكل نفسيه قال طيب روح اقعد مكانك << ودي ارميه من فوق السطح هالمشعوذ .. المهم
حامد : وهو داخل قعد يتحلطم ويقول ... انت للحين مثل ما انت ما تغيرت معقد ..
الدكتور اسمعه بس ما فهم فـ ناداه وقال له ..

الدكتور : شقلت .؟؟ << وتكلم بالعربي ،، كبير يا حامد والله وجبرته يتكلم عربي ، احنا خفنا انه نساها

حامد : ما قلت شي .


الدكتور : لا قلت ، ولو تشوف ان رجل مكتمل في الرجوله واهلك ربوك عالشجاعه والجراه ، عيد الكلام اللي قلته ؟ <<
لاحظوا اسلوبه لاني نسيت اقول لكم ان هالدكتور كان شوي مايع عليه حركات بناتيه ، رجل مكتمل ههه وين قاعدين .. المهم

حامد : قلت انت مثل ما انت للحين ما تغيرت .. << اخص يالجبان وين كلمة " معقد " هههه

الدكتور : انت طالب وقح وهذا يدل على تربيتك في منزلك .. *_* << كلام كبير ،،

حامد : دكتور انا هلي علموني ان معنى الوقاحه انك تامر بالمنكر وتنهى عن المعروف <<<< كبيررر يا حامد ، يقصد موضوع السلام ,,, وراح قعد مكانه ..

طبعا الدكتور ما بلعها وقال للطلاب كلمهم واسمعي يا جاره ..

الدكتور : ابي اذكركم بشي واحد ، انه انا الوحيد المسؤول عن الدرجات والنجاح والرسوب ومحد يقدر ينجح احد انا مرسبه والعكس صحيح ..

حامد : دكتور لو احنا بننجح ؟؟ بننجح لان احنا نستاهل النجاح ، بننجح بتعبنا ومجهودنا ومحد له منّـة او فضل علينا خصوصا اذا كان الدكتور في وادي والماده في وادي ، واهم شي ان الدكتور يبقى متذكر انه موظف وفيه ناس فوقه نقدر نوصل لهم ونشتكي لهم ..


الدكتور : لو الشكوى تفيد كان طيّروا نص الدكاتره من زمان ،، بس الجامعه تبي مثلي واشكالي و قوم اطلع برى

تتوقعون حامد وش سوى بعد هالكلمه ؟؟

حامد طلّع سلاحه اللي معاه وشاله بيده اليمين وطلع برى القاعه هههه اقصد سلاحه العلم .. وش بيسوي يعني ..

المهم حامد راح عن دكتور الفيزياء <<< معقد ثاني ، المهم يبي يساله عن درس ما فهمه ، بعدين قال له ان دكتور الكالكولاس قال ان الجامعه تبي مثله واشكاله وش يقصد ؟؟؟

دكتور االفيزياء : ايييي تقصد الدكتور الفلاني ، هذا اصلا معقد ..

حامد : في راسه يقول ، الله واكبر عاد انت اللي كلش ، النطيحه والمترديه

دكتور الفيزياء : قصده ان الجامعه ما تبي كل الصف ياخذون a ، يعني واحد او اثنين وبالكثير ثلاثه يجيبون أ ، واربعه ب + واربعه ب ، والباقين يتوزعون على باقي الدرجات

حامد بعد هالكلام اللي سمعه راح حذف الماده والكورس كامل لانه ما يجوز ينزل عن 9 ساعات وهو مسجل 11 ساعه ولو حذف الماده يعني بيحذف 3 ساعات وبيصير المجموع 8 ،، فـ لازم يحذف الكورس ودفع غرامه 6 الاف ريال

وان شاءالله نستكمل معاكم باقي القصه لاحقا .. وهالشي يعتمد على ردودكم او بشوف مكان ثاني اكتب فيه عالاقل اللي فيه يقدرون التعب .. وانتظروا الحلقه الثالثه وموضوع ومواقف مضحكه


سـامـحيـني غير متصل   رد مع اقتباس
قديم 12-03-2010, 05:46 AM   #2 (permalink)
( سمــا )
رومانسي مجتهد
(( عزيزة نفس ))
 
الصورة الرمزية ( سمــا )
 
متابعه

عوافي سامحييني
( سمــا ) غير متصل   رد مع اقتباس
قديم 12-03-2010, 03:36 PM   #3 (permalink)
خادمةالقران
رومانسي مجتهد
 
يعطيك العافية
خادمةالقران غير متصل   رد مع اقتباس
قديم 12-04-2010, 02:21 PM   #4 (permalink)
ابو مروان7
رومانسي مبتديء
 
مشكووووووور وسلمت اناملك
ابو مروان7 غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
العيون اللي تحبّنا .. نبكّيـها ( الحلقة الاولى ) سـامـحيـني قصص وحكايات عربية وشعبية وعالمية 4 12-03-2010 03:38 PM
العيون اللي ... بي حنين الشعر و همس القوافي 19 10-19-2009 10:03 AM
بليييز ابي اسم كريم اواي شي للهالات اللي تحت العيون غادةالكاميليا26 رفوف المحفوظات 12 02-23-2009 01:13 AM
باركوا ل مشاكس الاصلي على اللفيه التانيه والنجمه التانيه مبروووووووووووووك فرحة ما تمت جسور المودة الرومانسية 35 06-16-2007 03:56 AM

الساعة الآن 12:31 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103