تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

روايه الشر ياعمري خطاك من تأليفي رووووووووووووووووووووووووووووووومنسيه

إضافة رد
 
أدوات الموضوع انواع عرض الموضوع
قديم 11-27-2010, 01:34 AM   #1 (permalink)
إنسانه مثل غيري
رومانسي مبتديء
 

ADS
35 روايه الشر ياعمري خطاك من تأليفي رووووووووووووووووووووووووووووووومنسيه




هــــــــــــــآآآآآي ...كييييفكـــم..؟؟ روايه الشر ياعمري خطاك من تأليفي رووووووووووووووووووووووووووووووومنسيه

حآآآبه انززلكم أوول روااايه من كتابتي طبعا هي بسيطه وع قد الحال

بس ان شالله انها تنال لو جزء من اعجاابكم وهي راح تكووون شوويا مختلفه عن الروايات الي تقرأووها لعده اسباب

1-انها باللهجه الجداويه

2-تتكلم عن الطبقه المتوسطه وليس عن الطبقه الغنيه جداا في المجتمع

3-تناقش بعض مشاكل البنت السعوديه في المجتمع

ووطبعا دا كلوو ماحيبين من اول بارت لكن حيبان في اجزاء الروايه القادمه

واتمنى انكم تنتقدوني بالشي الي يفييدني لأني اول مره اكتب وبصراحه ماعرف في دا المجال الشي الكتير

تحـــــــــــــيــــتي :إنسانه مثـــل غيري :d



إنسانه مثل غيري غير متصل   رد مع اقتباس
قديم 11-27-2010, 01:37 AM   #2 (permalink)
إنسانه مثل غيري
رومانسي مبتديء
 


<
<
<
صحيت مفجوعه على صوت الارتطام والبواري طيييط طيييط وافتكرت انها في السياره ورايحه لأتعس مكان في الحياه ~المدرسه~ تلفتت بخوف حولينها سألت السواق اش في اشبك واقف ردد لها السواق بكلام بنقالي مافهمت نصو بس عرفت انهم صاقعين في سياره بس ماتوقعت انو في شاب مصدوم من السياره الي جنبهم تلفتت من الشباك وتلاقي الشاب متمدد ع الارض شكله يتلوى من الالم وحطت يدينها على راسها تقول :كييييييف النااس موو منتبهيينله جالسين يتفاهمو ع السيارات والولد بيموت
<
<
<
<
<
<
<
<
<
<
<
<
<
<
بعض ابطال روايتنا:
لوجيـــــــــــــــــن:ب3ثنوي بنت طيووبه وحبــــووووبه لأبعد حد بس شخصيتها متقلبه بين إنها هااادئه وخجوله بين انها ررررجه وتحب الوناسه والفله والضحك وعاد الدراسه بوادي وهي بواااااادي هي البنت الوحيده بين اخوواانها وهادا الشي مخلي كل تركيز اهلها واخوانها عليها فين تروح وفين تجي وحتى جلستها ع النت مو مخلينها بحالها مع انهم مدلعييينها اخر دلع ويحبوها وكل شي..
رهــــــــــــف وريهـام: بنات جيران لوجين وصديقاتها في المدرسه وبسنها وكأنهم مع لوجين اخووووات وكأنها توأمهم الثالث هههه وطبعا كل وحده شخصيتها مختللللفه عن الثانيه رح نعرفها مع احداث القصه
نكمل قصتنا<<<
نزلت لوجين من السياره زي المجنووونه تبغا تلحق الولد لايمووت ودموعها تسابق خطواتها ونادت السواق بأعلى ماعندها وماهمها الا انها تنــــــــــــــــقذه خلت السواق يشيله وهي ساعدته وحطوه في سيارتهم في المرتبه الخلفيه بجنب لوجين وهي تطالع فيه وتدمع اول مره يصير لها موقف زي كدا انها تشوف احد بين الحياه والموت ومحتاج مساعدتها وجالسه تقول للسوواق الله يخليك اسسرع الوللللد بيمــــووووت
<
<
<
<
وصلت سياره لوجين وباشروهم الممرضين والدكاتره يشوف واش الحاله وحطوه على السرير ودخلوه ع العمليات ولوجين جالسه تدعي الله يقومه لأهله بالسلامه وتبكي وموحاسه بشي غير كدا نسيت مدرستها ونسيت انو عندها دوام بس قررت ماتروح الدوام وتجلس الين نهايه الدوام وبعدها ترجع للبيت واتفقت مع السواق انه يقول لأهلها انه حاطها في المدرسه وإنو مايقول ولا شي عن الي صار معاهم وهو وافق ورجع للبيت
<
<
<
<
في المدرسه وبالتحديد في فصل 3 علمي ....
رهف تدق ريهام مالي سرحانه وتتأمل في وجه الأبله لأنها مو فاهمه ولا حرف بالتأكيد:هيه إنتي فينها الهبله هادي غايبه اليوم
ريهام:ماعرف تلاقيها سهرانه كـ العاده ع المنتدى ولا الافلام حقتها ونامت وطبعا اهلها ماصحوها لانو اهم شي راحه الدلوعه ....
....ماخلصت اخر كلمه ريهام الا وحست بالمسطره تصقع الطاوله حقها وعرفت انو جا قدرها رفعت راسها
وتلاقي الابله مبتسسسسسمه ابتسامه هبل ..
الابله: انتو يالاخوات ماتشوفو بعض في البيت...؟؟؟؟
رفعوو وجيههم رهف وريهام مستفهمين اشبها تقول كدا
الابله بعصبيييييه:لأنوو موو معقول هالي يصير من يوم تجو للمدرسه ماتوقفو حكي ماكأنكم جاييين من بيت واحد
رهف وريهام الي دوبهم استوعبو كلام الابله: هـآآهـ ايه صح هههههههه
الأبله وكأنو دوبها انتبهت للطاوله الثالثه الملزقه فيهم:وتوأمكم الثالث فينها
رهف: دوريها امكن في الدرج حق الطاوله
ريهام:لالالالا كدابه ياأبله لاتصدقينها والله والله كدابه انا شايفه رهف امسسس بعيني وهي ترتب الجدول حطت لجووون في المقلميه حتى فكي وشوفي لو منتي مصدقه ..ومدت لها المقلميه عشان تفتحها
رجعت الابله على ورا وسوت انها تدعي اشوووف فيكم يووووم هببلتووووووبي وطالعت فيهم انا من دحييين بنجحكم انتو الثلاث واسويلكم حفله تخرج عشان الترم الثاني مااعاااد اشووووف رقعه وجه وحده فيكم
رهف بصوت واطي:سويها ولك مني بوسه
ريهام سمعتها وماتت ضحك وهي اذا ضحكت ماتعرف تمسك نفسها يعني فضيييييييحه:هههههههههههههاااههههههههههههههههههاااا
الأبله عارفه لو جلست تراددهم بالحكي بيجلسو للحصه السابعه ف طنشتهم ومشيت وتركتهم
<
<
<
<
<
في جامعه الملك عبدالعزيز بجده....قسم الاولاد..
جالسين افللل شله بالجامعه وكلهم مكدشين<<بعدين بنعرف سبب هادا الكدش وتكاثره في الشله هادي بالذات
محمد:فييينووو الدلخ هادا يعني معقووووله راحت عليه نومه وجووالوو مقفل كماان طب انا كيف اوصل له واصحيه
فيصل: لا تخاف 5 دقايق وتلاقي كدشو يغرز في وجهك وبعدين باقي وقت ع المحاضره
محمد:اوووكي شغلك عندي يا....<<مو لازم تعرفو اسمه دحين هههههه
<
<
<
<
في مكان تاني مزدحم ناس رايحه وناس جايه وناس تلاقي دموعهم على خدهم وغيرهم تلاقيه فرحانين
كانت لجين جالسه تستنى الولد الي ماتعرف من فين طلعلها خايفه عليه وبنفس الوقت خايفه على نفسها لو صار له شي لاسمح الله هي الي بتروح فيها اكيد الشرطه بيسألوها ويحققوو معاها وهي ماتعرف شي عن الحادث لانها كانت نايمه وماشافت أي شي صار ..تسندت على ورا وجلست تدعي ربها من قلب انو الولد يكون بخير وانها تطلع من الموضوع هادا وتنحت شويا وافتكرت حاجه وضربت راسها
لجين في نفسها:اهللللـــــــــــــــه فين اهله...؟؟ انا كيف اوصلهم ولا اقلهم وانا ماعرف شي ولاحتى عندي جواله اقدر اطلع منه رقم احد يعرفه طب والحلل مايصير الولد يسوي حادث واهله مو دارييين ..وكملت ببكي يااالله هاادا حمل تاني وجا على كتفي كييف اوصل لأهله كيييف اقلهم وجلست تبكي والي زاد بكااهاا لما افتكرت اهلها هي إيششش بيسسوو لو عرفوو إنها في مستشفى ولوحدها ومنقذه ولد غريب وغايبه عن المدرسه وهم مايدرو عن ولا حاجه
لووجــــين بصوت خلت الي في الممر حولها يسمعوها: آآآآهـ يآآآآآآآرب
<
<
<

<
تــــآآبع
إنسانه مثل غيري غير متصل   رد مع اقتباس
قديم 11-27-2010, 01:39 AM   #3 (permalink)
إنسانه مثل غيري
رومانسي مبتديء
 
<
<
<
في مدرسه التواائم الثلاث ..الفسحه..
رهف:رهووومتي
ريهام:هههه اش عندو حبيبي يدلعني
رهف:حبك قرد احول ..انتي قردتي الكبيره آآآآ.....قصدي اختي الكبيره هههه ولازم ادلعك ادا مادلعتك انتي ادلع مين
ريهام فتحت عيونها ع الاخر وفكت فمها وتنحت:اختك الكبيره في وججججهككككككك كلها 5دقايق فرق بيننا وخليتني الكبيره ..اجل لو فرق بيننا سنه اش حتناديني ..طنط جملات مثلا؟؟؟
رهف:هههههههه اسكتي لاحد يدري دحين انك طنط جملات ونتورط فيكي
....رشت ريهام شويا من المويا الي قاعده تشربها على رهف وجلسو يضحكو وكملووو السوالف والضحك مع البنات الي جالسين في الشله معاهم.

وحده من بنات الشله:بناااااااااااااااااات اش راايكم ع التلوت نرووح الشلال كلنا ييووم الحريم مرره طفشش
البنااات:ياااااااارييييت والله طفششش خلاص ان شالله اووووكي
ريهام بصوت واطي لرهف:يالله والله نفسي لجون تجي معانا تتوقعي اهلها يرضوو هادي المره ..يعني حرام كدا كل ماتبغى تجي لازم امها تجي معاها واحيانا امها تكون مشغوله وماتقدر
رهف:ايه والله يعني احنا دحين امكن تجمعنا في الشلال حووول الـ9مرات وهي ماجات الا مرتين
ريهام:إن شالله دي المره اهلها يوافقو انها تجي
رهف:إن شالله
<
<
<
<
في المستشفى...
صحت لوجين من غفوتها او الي توهم نفسها انها غفت عشان تهرب من الوقت الثقيل الي يمر عليها على احد يدق كتفها
الممرضه سعوديه :ياأخت مو إنتي الي جايه مع الولد الي جانا الصباح في حادث ..؟؟
لجين ابتسمت بتعب وخوف وقلق :إيوا انا
الممرضه:طب ممكن تكلمي الدكتور عشان هو يبغاكي
لوجين :اوكي
ومشت لجوون ورا الممرضه لعند الدكتور وهي قلبها يدق من الخوف وتدعي انو الولد بخير
وصلت للدكتور طالع فيها الدكتور قالها ممكن اعرف قرابتك له
لجين بخوووووف:أأ ماعرف
الدكتور:ماااتعرررررررررررررفي..؟؟
لجين:أأقصصدي إني ماأعرفه بس انا انقذتو من الطريق
الدكتور :اهـا..طيب واهله ليه ماخبرتيهم ولا اشوف احد هنا غيرك
حكت له لجين القص هوانها كانت رايحه للمدرسه وشافته في الطريق وانها كانت نايمه وماشافت الحادث والخ...
الدكتور:اهاا طب انا مضطر اخد بياناتك عشان لو صار أي جديد اقدر اوصل لك
لجين قالتلو كل شي عنها ورقم جوالها وسكنها
الدكتور :تقدري تفضلي ياأخت لجين دحين وانا حكلم الشرطه وادا حصل أي جديد بتكوني في الصوره
لجين:امشي كداا...؟؟؟ طب انا ابغا اتطمن ع الولد واش صار فيه
الدكتور:الولد الحمدلله بخير ..وهو دحين اثار البنج بس منزلينه تحت غرفه عاديه ولقينا رقم لأهله
لجين ابتسمت براحه انها طلعت من مشكله كيف تدور لأهله وتخبرهم:اوكي دكتور ممكن تدلني لغرفته بس بشوفه وامشي
الدكتور:في غرفه 222
لجين:شكرا...الله يعطيك العافيه<<وطلعت جرري حتى قبل لاتسمع رده
ووصلت للغرفه فتحت باب الغرفه بهدووووء ودخلت و
و
و
تجمددددت مكانها هي ماتدري خوف ولا فيها ضحك ولا فجعه ولاايش صار لها من المنظر الي شافته ميلت راسها تطالع في الولد وتبتسم
لجين في نفسها: نفسسسي اعرف رده فعله اول مايقوم ويلاقي شكلو كدا هههههه ونااااااسسسه
...قربت منه وجالسه تطالع فيه ..صح ان وجهه مو باين مره لأنه فيه شاش وعليه شوي كدمات وشعره
شعره ..هو الشي الي ضحكت عليه لجين لأنه هو من شله الجامعه المكدشه وطبعا كان في جروح في راسه من الحادث
وعشان يقدرو يخيطوها لازم يشيلو الشعر فصاير بنصين نص كدش والنص الثاني شعر منتف وطالع شكله مره يضحك وغريب
<<وقصه الكد ش الي ماحبيت احكيها في البدايه هو إن الشله كان عندهم تنافس الي يكدش شعره ويطوله اكتر شي.. له من كل فرد بالشله 500ريال فعشان كدا كل الشله مكدشين واشكالهم مرره غلط ههههه
نرررجع للجين والولد المصدوم..
جلست لجين جنبه ع الكرسي وهي تفكر بصوت وتكلم نفسها لأنها متطمنه انو محد سامعها والولد نايم
لجين:طيب انا دحين كيف حرجع البيت وانا لسى ماخلص الدوام وقايله للسواق لاتجيني الا الساعه 1
ودحين 11 يعني لو رجعت البيت دحين فيها ع الاقل 1000 سؤوال من ماما وبابا ولؤي
ولفت وجهها تطالع في الولد وابتسمت وهي تقول في نفسها ماااكنووو يشبه إللي في بالي..؟؟إلا والله في شبه ههههههه
ميييين هادا الي في باال لجين وهي مشبهة الولد عليه.....؟؟؟؟؟
إنسانه مثل غيري غير متصل   رد مع اقتباس
قديم 11-27-2010, 02:26 AM   #4 (permalink)
إنسانه مثل غيري
رومانسي مبتديء
 
<
<
<
في الجامعه....
محمد:فصفص شووفه الين دحين ماجا وجوالو مقفل نفسي اعرف اش فيه بدت الافكار تودي وتجيب ترى
فيصل:حتى انا والله ماقد سواها وهو عارف انو محاضره اليوم مهمه وإنو الدكتور هادا مايسامح لوإيش ..الله يستر
محمد:انا إن شالله اول مايخلص الدوام بحرك على بيتهم واشوف قصته
فيصل:وانا معاك
<
<
<
عند لجين والولد..
قامت لجين من كرسيها وتبغى تدخل الحمام..اعزكم الله..
وفكت طرحتها وفكت بكل المدرسه والحوسه الي هي مسويتها اليوم بالذات عشان تفجع فيها ريهام ورهووف لأنها موعدتهم توريهم احلى تسريحه للمدرسه وطبعا هي قاصده تستهبل عليهم
وجلست تناثر في شعرها الكيرلي الشبه مبلول لانها متحممه دوبها في الصباح كل هادا ولجين ماعندها أي علم
إنو في عيون صحت وجالسه تراقبها وتبتسم إبتسامه الم مع عدم وعي تام بسبب البنج
وبعد خرووجها من الحمام شافت الولد نايم<<طبعا هي مادرت عنه إنه نص نايم لإنه تقريبا فاق الا شوي وإنه شافها قبل شويا ..طالعت في سااعتها لقتها بتقرب ع 12 وقالت في نفسها اووووه اكيد دحين اهله درو وجايين خليني اخرج قبل لاأحد يشووفني وسين وجيم...خرجت لجين وجلست تستنى سواقها في الكافيه حق المستشفى وتشوف الرايح والجاي
في نفس المستشفى لكن في مكان ثاني بعيد عن لجين...
إنفتح باب غرفه الولد بإندفاع ودخلت امه وهي تبكي وابوه بعد مامرو ع الدكتور وعرفو انو بخير الحمدلله ومافيه الا شي خفيف
صحصح الولد على صوتهم
الام ببكي وخوف:سلامتك ياقلبي اش الي صار فيك ومين الي سوا فيك كدا
الاب يطالع الام بحده:خلاص هدي حرام عليكي الولد تعبان وانتي داخله تسوي مناحه ولف جهة ولده بإبتسامه كيفك
إن شالله احسن..؟؟
ولدهم :الحمدلله ب خ ي ر سكت لحظه وعيونه تتفحص المكان كأنه يدور شي وقال
:فيـنها ..؟؟
امه وابوه مع بعض بإستغراب وبنفس السرعه:إيــــــش هي اللي فينهـا..؟؟
ولدهم:آآ...
وماكمل جملته إلا ويسمع صوت رفسه باب قويه والباب ينفتح
ويدخل واحد
:بأعلى صوت يقلد صوت طرزان آآآإإإإآآآآآإإإإويضرب على صدره فيييينهم هدولا الي كسرو اخوويا الصغير فينهم
ودخل باس جبينه وطالع فيه بأسى ممزوج بهبل مييين زعل عادل حبيبي ميين صدمه بالسياره ااه بسس لو اشوفهم لأأأأأازعل منهم ولا اكلمهم 3 ايام ههههه
عادل وهو منسدح ويضحك بخفيف من الالم :هههه مكسريني وحالتي حاله واخرتها 3 ايام هادا الي طلع معاك يعني؟؟
عمر:ها تبغاها اسبوع يعني؟؟ ووووولا يهمك اسبوووع كامل ماكلمهم بس انت لاتزعل ههههه
ابو عمر:اهجد ياولد منتا شايف اخوك كيف تعبان وانت مسوي قلق للمستشفى كلها ..ووبعدين اخواتكم مو لازم يعرفو انو حادث ومن دا الكلام بس قولو انو مضاربه في الجامعه
ام عمر:ان شاالله
عادل:ابويا كلمتهم وسألتهم متى حطلع..؟؟
ابو عمر:ايوا يقول بعد يوم يومين تقدر تطلع بس انو الجبس وكدا يعني يبغالك راحه في البيت
عمربهبل ويطالع في ابوه وعادل:شوف شوف والله مالي دخل هو ينسد ح وانا بنسدح معاه بصراحه انا تعبان لتعبه ماني مداوم في المحل ياأبويا اعذرني
ابو عمر:اجل يلا قوم دحين روحله مايصير اتنيننا سايبينه وطالعين
عمرفتح عيونو ع الاخر:يعني اقلك برتاح معاه الين يخف ..تقلي قوم دحين ..وسوى نفسو زعلان
ابو عمر بعصبيه مصطنعه مع ضحك:اقلك قوووووووووووووم
عمر:طاااااااايب ماااشي تبغوو شيي..؟؟
الكل:لا سلامتك
مشى عمر ورمى لعادل بووسه في الهوا وهو يقوول ماعاش من يعور حبيبي ازاعله اسبووووووع
ضحك الكل من قلب ع هباله عمر الي احيانا تطلع بس مايكووون وقتها ابددداا
<
<
<
إنسانه مثل غيري غير متصل   رد مع اقتباس
قديم 11-27-2010, 09:32 AM   #5 (permalink)
samooorah
رومانسي مجتهد
 
الصورة الرمزية samooorah
 
الرورايه مررا نايس تسلم يدك
بس ممكن تكمليها بسرررعه اتحمستت
samooorah غير متصل   رد مع اقتباس
قديم 11-28-2010, 09:32 AM   #6 (permalink)
إنسانه مثل غيري
رومانسي مبتديء
 
<
<
<
الساعه 1 ونص ظهرا
...جا سواق لجين واخدها ورجعها البيت وكأنها كانت مداومه عادي في المدرسه..ورجعوو ريهام ورهف لبيتهم
وراحو يجروو الاتنين ع التلفون مين تدق اول على لجين وتعرف اشبها غايبه
وصلت رهف ودقت على جوال لجين
ردت بتعبت:هلا حياتو
رهف:حياااتوو في عينك يالدبا طب مادام انك صاحيه ليه ماجيتي المدرسه هاااه
لجين:والله مكسسسره وتعبانه
رهف والي حست انو من جد لجين تعبانه:وي وي سلامات بس حبيت اتصل اتطمن عليكي
لجين:الله يسلمك ..اا رهووف
رهف:هلا
لجين:تقدرو تجو عندي اليوم..وكملت بصوت فيه بكي ..ابغاكم في موضوع ضروري
رهف بخووف :لجييين اش فيكيي لاتخوفيني كدااا
لجين تطمنها :لا مافي شي صار اليوم وبقوله وبس..انا دحين بنام ولما اقوم ياتجوو ياأجيكم
رهف:اوووووكي قلبوشتي انتي احبك
لجين:هههه اموت فيكي..باي
رهف :باي
تلفتو ريهام ورهف ولقو نفسهم لوحدهم في البيت ومحد في
بعد دقايق رن التلفون وكانت امهم
ريهام:الو ... هلا ماما انتو فين..؟؟...إيششش؟ ..وليه اش فيكم....ههههههه اهاا اوووكي ...اوووكي...بااي
رهف سمعت الحوار الي دار وحست انو فيه شي:اشبهم..؟؟
ريهام:مافيهم شي بس عادل مسوي كلاي ومتفقع من اصحابه ههههه
رهف :يعني هم دحين في المستشفى؟
ريهام :يسس
رهف:احسسن يستاهل هادي اخره الشجاع هالي مالها داعي..انا برووح اناام مكسسسره عشان يمديني المغرب اشوف لجون
ريهام:مييي تووو بس انا بموت جووع باكل لي شي وبجي الحقك
نزلت ريهام المطبخ تسويلها اكل وطالعت من الشباك شافت في الحووش الخلفي السوواق ومعاه واحد جالس يسولف معاه
ريهام خافت:يالله مين هادا شكلو موغريب اش جايبه للسواق ويتكلم معاه الله يسستر خليني اطلع واقفل غرفتنا وانام بدل الرعب هادا
في الحووش...
فيصل:اووووه يالله طيب تعرف أي مستشفى
السواق:لا مادري ممكن هادا امر أرف انتا سوي جوال مأ هو=امكن عمر عارف انت سوي جوال مع هو
فيصل :اووووكي شوووكرن صديق ...وخرج لمحمد بسرعه واتصلو على عمر ووصفلهم المستشفى وراحووله
<
<
<
<
بعد المغرب راحو رهف وريهام عند عادل في المستشفى وتطمنو عليه وبعدها رجعو لبيت لجين الي هو لاصق بجنب بيتهم ومايفصلهم الا جدار..وحكت لهم لجين كل شي صار من يوم ماخرجت من البيت الين رجعت وهي تدمع كل مافتكرت اصعب لحظات مرت عليها.....
ريهام:اووووووووم الوناااسه ياشيييخ ...والله انك نذله كل المغامرات هادي تصير ولا تفتكرينا فيها
رهف:من جد والله احس انو فلم هندي ياشيخه ...بس معقوله الولد ماصحي الين دحين
لجين :والله مدري عنه انا خرجت قبل لا أهله يجي مابغى احد يشك او يسوي لي شي ولا يكلم اهلي واروح في ستين داهيه...
سكتو شويا ...
لجين:هههههههههههههه
ريهام ورهف:لاااااااااااااااا اختنا انهبلت
لجين:ههههههههه لا مانهبلت بس افتكرت شكلو كان مره يضحك ..واحلى مافي الموضوع انه يشبهكم شويا كدا احس فيه لمحه منكم
ريهام:يالله كل هادا صار فيكي من الشوق يعني عشان ماشفتينا يوم قمتي تشوفينا في وجوه الناس
رهف:ايوووا مره شوووفتي كييف ههههه
رييهـام سررحت شوي وبعدين قالت:بنــــــااات فاتكم ..وحكتهم ع اللي شافته لما كانت في المطبخ
رهف:مين هادا تعرفي مواصفاته..؟
ريهام :ايوا امم كدا اسمراني ومسوي سكسوكه وشعره كدش ونحييف مره
رهف:اهاااا ويلبس نظاره صح..؟؟
ريهام :ايييوواا اشش دراكي
رهف\ ايوا اظنه هادا فيصل صاحب عادل
ريهام بإبتسسامه \يالبــــــــــى
رهف ضربت راسها\اصصصص لو يسمعك عدوول يدفنك حيه
لجين \هههههههههه احسن لو يدفنك معاها وارتاح انا
وبدت مضاربه لعب بين التوائم الثلاث
<
<
عـــــــآآآآآدل....
منسدح يفكر ياربي انا متأكد انوو كانت في بنت كييييف اختفت ....؟؟ معقووول كنت احلم.؟لا بس انا متأكد والله متأكد وكماان ملامحها مو غريبه كني شايفها..وبعدين ابتسم لما افتكرها وهي تكلم نفسها وهو يسمعها
وناام عاادل وتفكيييره مشغوووول بالبنت الي شافها ومتمني يشوفها مره تانيه عشان ع الاقل يعرف مين هي ...
<
<
مررر اليوووم الاول صعععب على بعض الابطال وعاادي على غيرهم ومؤؤلم عند احدهم ياترى هل بيعرفو لجين وعادل بعضهم.ولا كدش عادل والكدمات الي تقريبا اخفى هويته عن لجين بينهى الموضوع عند هادا الحد....
<
إنسانه مثل غيري غير متصل   رد مع اقتباس
قديم 11-28-2010, 09:34 AM   #7 (permalink)
إنسانه مثل غيري
رومانسي مبتديء
 
البـــــــــــــــــــــــــــــــآرت الثـــــــــــــــــــآنـــــــي

<
<
<
اليووم التـآني في المدرسه...
رهف:لولوو ترووحي بعد بكرا الشلال معانا
لجين :ااه والله نفسسي اروح بس تعرفي الهيئه الي عندي مـأروح لوحدي ولازم امي مرافق او وحده من بنات خالاتي الكبار وووو إلخخخ....
ريهام بحيره:طيب يالجين إنتي اهلك شايفين عليكي شي ولا مسويه حاجه انتي...؟؟؟
لجييـن بصدمه.وزعل.: رهوووووم اش تقووولي انتي احنا متربيين مع بعض عمرك شفتي شي عليا..؟؟ عمرك حتى بس بس سسسمعتيني اكلم ولد او سويت حاجه غلط...؟؟
ريهام بتأسف:لا ياقلبي والله مو قصدي بس يعني ليه اهلك حاطين الحراسه هادي وإنتي بريئه
لجوون بنبره استهزااء:يخــاااافوووو علـــــييا
ريهام: بس هادا مو خوف وبعدين الكبت يولد الانفجار وانتي بنت وحيده بين اخوانك وجالسه في البيت لحالك
لجوون :اسسسكتي بسس حزنتيني على نفسي ماتستحي...والله لو موو إنتوو بجنب بيتي واهلي مخليني اجي عندكم كل كم يوم كاان مداني مدري اش صار فيا....ومسسسكت خد كل وحده فيها وباسته....الله يخليكم ليا ولا يحرمني منكم يااااررررب
<
<
لجووون جالسه تضحك وتسولف ومادرت عن هوى اللي شاغل تفكيره فيها وبكل لحظه كانت فيها عنده بالمستشفى
دخل عنده الدكتوورجالس يكشف عليه وقطع تفكيره وصمته ....وقبل لايخرج الدكتور
عادل\دكتوور دكتووور
الدكتور\هلا امر...
عادل\ انا مين جابني هنا وقت الحادث
الدكتوور ابتسم وحس انه يسأل عن لجين\هههه عجبتك..؟؟
عادل بعدم فهم \نعم..؟؟ اش اللي عجبتني
الدكتور\اهاا اجل شكلك ماكنت واعي ...هادا الله يسسلمك في بنت جابتك مع سسوواقها وماطلعت من المستشفى الا لما تطمنت على حالتك
عادل\اهااا شكرا ماقصرت ...وبدا يفكر في نفسه يعني من جد كان في بنت هنا وكمان هي اللي انقذتني الله يخليها لأهلها..ااخ طب انا كيف اووصل لها نفسي اشكرها والله إنها بنت حلال لو وحده تانيه كان سابتني مرمي ومشيت ..وكمل يفككككر بالبنت الغريبه هادي اللي ظهرت فجأه واختفت فجأه كنها سبايدر مان ههههه
...نهآيه الدوام...
لجين اليوم هاديه كغير عادتها ومتنحه..
رهف:لولو بااي السواق جا تبغي شي
لجين وهي متنحه \ها لالا سلامتكم
ريهام\الله يسلمك خلاص كلمي اهلك ع التلوت اووكي
لجين وهي متنحه وتطالع في اللاشيء \خير ان شاالله
طلعوو التوأم وبقت لجين مشغول بالها وعلى فجـأه رفعت يدينها وتقول\ يسسس
<
<
<
في سياره لجين..
لجين تجس نبض السواق\محمد إنت قلت لبابا شي عن الولد الي وديناه مستشفى امس.؟
محمد السواق\لا مافي كلام بأدين ممكن هادا مسؤوليه .
لجين تبغى تخوفو اكتر\ايوا لا تــقـلو شي بعدين ممكن يسويلك مشكله
محمد\ان شااءالله
لجين \طيب انت تعرف أي مستشفى؟؟
محمد\ايوا هادا قريب هينا شارئ تاني
لجين\اووكي وديني للمستشفى واستناني بس 10دقايق عشان انا اجيب حاجه من دكتور
محمد \لكن هادا بابا ممكن كلام ليه تأخير
لجين\قول انت تستناني عند المدرسه وانا ماخرجت لسى
محمد \اوكي
<
<
في بيت ابو عمر...
رهف\ريهام ماتحسي لجين اليوم مو طبيعيه
ريهام\ لايكوون عشان ولد امس
رهف\لالالا ماتوقع لجين فيييين والحركات هادي فين انا اتوقع عندها شي في البيت مشكله او حاجه
ريهام\مدري والله...
دخل عمر عليهم...
عمر \سسلام
التوأم\وااااعلييييكم السسسسسسسلام
رهف\امي لسى عند عادل..؟؟
عمر\لا وانا جاي جبتها معايا لانو دحين بيروحوله اصحابه محمد وفيصل
ريهام فتحت فمها وعيونها وتطالع في عمر\اهاا قولتلي
رهف انتبهت على حاله ريهام الي اتغيرت \هههههههههههههه ررورو اشبك
ريهام انتبهت على نفسها وخافت عمر يكون انتبه\والله فيا النوووووووووم
عمر مانتبه وجالس يطالع الجريده الي في يده\طيب روحي نامي مين حالف عليكي تجلسي
ريهام بزعل\محد اصلا انا طالعه انام ...وخرجت من الغرفه
نزل عمر الجريده وطالع في رهف\دحين البقره هادي اش كبرها متى بتبطل الدلع الماصخ حقها
رهف\هههههههههههه مدري بس احس يبغالها تكسير راس
عمر رفع حاجب\اثنينكم يبغالكم تكسير راس حتى توأمكم الثالث(يقصد لجين)
رهف خافت يكون سامع شي عن لجين والولد\لالا انا مالي دخل طلعني برا الموضووع..وقاامت بسسرعه لحقت اختها قبل لا يفضحها ارتباكها
<
<
وصلت لجين المستشفى ..طالعت في ساعتها وقالت كل اللي عندي 10 دقايق مابغا اضيع ولا ثانيه
مشيت بأقصى سرعتها لغرفه الدكتور ولقت الممرضه الي امس شافتها .
لجين\ السلام عليكم
الممرضه \وعليكم السلام هلا
لجين \انا اللي جيت امس مع ولد في حادث بس حابه اتطمن على حالته
الممرضه\ايوا هو فاق وحالته مستقره بس رجله مجبره وجات تبغا تكملها كل شي
قاطعتها لجين\ايوا ايوا انا شفتو امس وعارفه اش فيه بس ابغا اعرف كيف حالته اليوم
الممرضه\تقدري تتفضلي عنده
لجين\اوكي شكرا
مشت لجين لغرفه عادل وفتحت الباب بهدوووء الا وتسمع اصوات كم شاب...
محمد\تلعب علينا انت ...امس جيناك وكنت بنص وعي وكل شويا تنام وحالتك حاله كيف شفتها بالله
فيصل\مدري عنه شكله يحلم ولا ضرب سلك في عقله هههه
عادل عصب لانه محد مصدقه\اوكي مو لازم احد يصدق بس انا ان شالله بحصلها
وقفت لجين عند الباب منققهرره\يووووووه يعني عنده اهله مااحقدر اخش واتطمن عليه...بس مادام انه في اصوات كلام معناه انه فاق وتحسن...وابتسمت وهي تقول الله يقوومه بالسلامه
جات لجين بتمشي الا وتسمع صوت باب ينقفل وراها وقفت مكانها برعب وهي تقول في نفسها ..انكشفت انكشفت
لفت لجين تشووف مين الي طلع من عند عادل الا وشافت باب تاني غير غرفه عادل هو الي يتسكر
تنهدت بإرتياح\ااه الحمدلله ...دحين لازم اروح اسأل عن اسمه واعرفه..
وصلت مكتب الاستقبال تسأل عن اسمه واللي جالسه ع المكتب تأخرها وترد على تلفون وشويا تجيها ملفات وتحطها
ناظرت لجين ساعتها بتوتر وفتحت عيونها ع الاخر\إيـــــــــــــــــــــــــــش....
تركت الاستقبال وراحت تركض الين سيارتهم وهي تقول في نفسها\انا قلت 10 دقايق ودحين لي نص ساعه ااه يااويلي ضااع مستقبلي ..اش اقول لأهلي مافي أي سبب يأخرني الوقت هادا كله في المدرسه ركبت السياره
وهي تدور عذر لأهلها..
<

التعديل الأخير تم بواسطة إنسانه مثل غيري ; 11-28-2010 الساعة 10:21 AM
إنسانه مثل غيري غير متصل   رد مع اقتباس
قديم 11-28-2010, 09:36 AM   #8 (permalink)
إنسانه مثل غيري
رومانسي مبتديء
 
<
<
دخلت لجين البيت وهي قلبها في رجليها....
لؤي بعصبيه خفيفه\انتي فينك حرام عليكي السواق يستناكي نص ساعه
لجين انفجعت\يستناني فيييين..؟؟
لؤي \عند المدرسه...انا داق عليه مرتين لما شفتك اتاخرتي وهو يقولي ماخرجت لسى
لجين بإرتياح انه ماعرف\اهاا ..اأأيووا عشان هادا عبايتي ضاعت وجلست ادورلها ولا اخرج بدون عبايه يعني
لؤي\المره الجايه انتبهي لأغراضك ولاتخليه يستنا كتير حرام عليكي هادا بشر
لجين\طيـب....ومشت لغرفتها
<
<
بعد العشا...في بيت ابو عمر
أم عمر...تكلم تلفون..\.........ان شاالله ان شالله ربي يكتب الي فيه الخير....حياكم الله..مع السلامه
رهف وريهام جالسين وسامعين بس مو فاهمين شي
رهف\ماما اش في
ريهام\والله احسسسسس الموضوع فيه كلللووووش ..ورفعت حاجبها
امهم\لامافيه كلوولووش ولا شي بس انقلعو انتي وياها على غرفتكم
ريهام بخيبه امل\طاايب
<
<
بعد مروور يوومين ..عند رجعه لجين من المدرسه ....في السياره رن جوال محمد السواق
محمد\ايوا خلاص انا جيب هي دحين في....امم ممكن باقي 10 دقيقه....اوكي ...وقفل الجوال
لجين\مين كان يكلمك ..؟؟
محمد\مدام
لجين\واش قالت..؟؟
محمد\هادا قول جيب لوجين وبأدين في مشوار ضاروووري هق هي
لجين حست بتحطيم ودموعها على وشك النزول ااه يعني ماحقدر اروح اشوفه ولا حتى اعرف مين هو\اوكي ع البيت...
<
<
دخل الدكتور عند عادل وهو منسدح بس كان يصلي بعد ماخلص...
الدكتور\كيييفك ابوو الشباب..؟؟
عادل\الحمدلله ..احسن
الدكتور\انت خلاص تقدر ترجع البيت لو تبغى بس باقي شي بسيط ...يعني ع المغرب إن شالله تقدر تخرج..
عادل فقد الامل ان البنت تجي \اوووكي ....وفجأه جات في باله فكره ...دكتوووور
الدكتور\هلا
عادل ماعرف كيف يفتح الموضوع\أأ مم ...البنت اللي جابتني هنا تعرف أي شي عنها او عندك معلومات عنها..لأني بصراحه ابغا اشكرها؟؟
الدكتــوور\إلا عندي كل معلوماتها كاتبها في ورقه عشان لو احتجناها
عادل بفررررحه الكووون كله\من جدد..طب تقدر تعطيني هي ..؟؟
الدكتور\اووكي ..ماطلبت شي دحين اجيب الورقه
عادل\شكرااا مااقصرت والله...
رجع الدكتور بعد 5 دقايق
عادل\ ها جبت الورقه..؟؟
الدكتــوور\بصرااحـه....
إنسانه مثل غيري غير متصل   رد مع اقتباس
قديم 11-28-2010, 09:44 AM   #9 (permalink)
إنسانه مثل غيري
رومانسي مبتديء
 
<
<
رجعت لجين البيت وهي متنكده وحالتها حاله ودقت على رهف...
لجين بزعل\الوو
رهف\حي الله الصوت المنكد
لجين \اسكتي لاتزوديها خلاص احس اني ببكي
رهف خافت\وي وي ليه طيب صاير شي عندكم في البيت..؟
لجين\لا ماصار شي ...وحكتلها ع اللي صار..
رهف\إنتي متأكده انك صاحيه..؟؟
لجين بدت تبكي\رهف انتي ماعشتي الموقف اللي انا عشته ..انا بس ابغا اشوفه واتطمن عليه..وابغا اعرف مين هو..انا ماقلت اني احبه ولا بتزوجه
رهف\عارفه يالجين والله عارفه..بس تخيلي لما تروحيله اش حيقول عنك هادي وحده سايبه 24ساعه جايتني المستشفى..ولا تخيلي احد في المستشفى شافك ويعرفك داك الوقت اش بتبرري لأهلك وجودك هاا..؟؟
لجين\خلاااص لاتزوديها عليا الله يخليكي اصلا ماعاد بروحله ولا ابغا اعرف مين ..طابت نفسي
رهف\ايوا خلاص...الا ماقلتلك بات مان اليوم راجع
لجين \ههههه مين باتمان..؟
رهف\ههههه قصدي عادل اخويا اتضارب مع اصحابه وكسروه وخش المستشفى....هو انا ماقلتلك..؟؟
لجين\والله مدري امكن قلتيلي ونسيت
رهف\ايوا انتي خليكي في اللي شاغل بالك وانسي الدنيا
لجين\ رهووووف خلاص
رهف\اووكي ..انا بقفل تبي شي.؟
لجين\لاسلامتك ...بااي
رهف\بــآآي
<
<
<
الدكتوور:بصرااحه ياأخ عاادل مدري اش اقلك بس انا دورت ع الرقم ومالقيته
عادل فتح عيونه ع الاخر\إيش ..كيف مالقيته
الدكتور\والله انا كنت حاطه ع مكتبي ودحين دورت ونثرت الاوراق كلها بس هادي الورقه مختفيه ...حتى تحت المكتب مافي
عادل بخيبه امل كبييره\اووكي دكتوور شكرااا ...سوري تعبتك معايا
الدكتوور \العفوو ماسويت شي..واكررلك اسفي اني مالقيت الرقم..
<
<
بعد المغرب رهف وريهام ومعاهم الخدامه اللي تبخر البيت والي ترتبه واللي ترتب غرفه عادل..
ريهام\تصدقيين وحششني الدب
رهف\حتى انا احس له جوو
خشت شغالتهم عرض\ايوا والله أدل مافي بيت موهلو=عادل مافي بيت مو حلو
لفت ريهام وجهها بسرعه واعطت الشغاله نظره بمعنى اش دخلك\ايوا صح
وماتت رهف ضحك ع الاتنين...
خشت امهم عليهم وهم يرتبوو\يلا خلاص مابقى شي ويوصــل
ريهام\يسسس اصلا ماباقي الا جهة المكتب ارتبها وخلاص
ورهف من تحت السرير\انا نفسي اعرف عادل اش بينه وبين دولابه..كل ملابسه هنا نفسي اشوف حتى شراب في الدولاب ...
امها انفجعت\بسم الله هادا صوت رهف فينها..؟؟
ريهام ماتت ضحك\هنا هنا..وأشرت على تحت السرير
امها\هههههه الله يرج ابليسك اطلعي لايطيح السرير عليكي
رهف من تحت السرير\هااا ...لااا كلوا لا انه يطيح عليا برووح فييها انا بالذات اني نحيفه لو إني البقره اللي قدامك هادي كان ممكن اتحمل
ريهام فتحت عيونها\اقول احترمي نفسك لا أجي انطنط في السرير واساويكي بالارض
رهف\لااااااااااااا اسفه
امهم\بنات اليوم بيجو اصحاب عادل معاه من المستشفى يعني رتبو كويس
رهف\يسسس ...يعني نقدر ننادي لجين عندنا ونجلس في غرفتنا..؟؟
ريهام فرحت اكيد فيصل جاي\يس يس بليييز مامييي ..وتحرك رموشها بسرعه قلك بتدلع
امهم\لا طبعا ماينفع البيت مليان شباب ..إنتو دقو عليها وروحولها لو تقدر
التوأم\اووكي بنشووف
<
<
<
في المستشفى خلاص بعد ماوقعو على ورقه الخروج..ويدفو عادل بالعربيه عشان رجله..
عادل بكآبه\فصوول ماعاد بشوفها ميت قهررر ااهـ
محمد\ياخي عاادي بعدين في مليون بنت اش معنى هي يعني
فيصل\من جد صح كلام محمد..لنفرض وحده ساعدتك خلاص جزاها الله خير اش تبغابها جالس تدور لها كأنك ايش
عادل\خلاص اووص صجيتو راسي يلا دفني وانت ساكت
فيصل\اصبر يادلخ نستنى ابوك وعمر يجو من الصيدليه بياخدو مسكنات وكدا
عادل\اووكي
جاعمر وابوه من الصيدليه وركبو السياره وراحو ع البيت بعد مادخلوه غرفته وابوه راح يرتاح..
عمر\انا بروح اقول لأمي والبنات انك جيت عشان لايدخلو هنا
عادل \اووكي
<
<
<
عند ريهام ورهف بعد ماخلصو ترتيب وكل وحده تحممت ولبست
رهف تلعب بجوالها\ ها رهوم كلمتي لولو
ريهام تنشف شعرها بالاستشوار\ايوا وقالت تعالو أي وقت ...بس انا عندي واجب الرياضيات ماحليته حليتيه..؟؟
رهف\ايووا وانا من متى اخلي واجب..؟؟بس معطيتنا هو طووووويل الله يقلعها كنها تنتقم
ريهام\هههههه طب خلاص انا بحله لانو مافيا حيل افكر
رهف\اللي يسمعك يقول كنك تحلي واجباتك ..كلها تاخديها مني بعد ماحل
ريهام\ههههه طيب عادي انتي اختي الصغيره ولازم تساعديني هههه....
رهف\اقول اخلصي ...اسمعي انا رايحتلها دحين وانتي بعد ماتخلصي شغلك تعالي
ريهام\اووووكي ..بس لاتحشوو استنوني بجي احش معاكم
رهف\ههههه اووكي
<
<
<
إنسانه مثل غيري غير متصل   رد مع اقتباس
قديم 11-28-2010, 11:08 AM   #10 (permalink)
إنسانه مثل غيري
رومانسي مبتديء
 
[
<
<

في بيت ابو لؤي كانو متجمعين بجلسه عائليه االا لجين كانت مع رهف في غرفتها
لؤي\ابويا عارف عادل ولد جييرانا..؟؟
ابوه\ ايوا ليه خير اش فيه..؟؟
لؤي\له كم يوم في المستشفى واليوم طلعوه
ابوه\ وي وي ليه اشبه سلامات
لؤي \لا بس متضارب مع شله شباب وفيه كدمات خفيفه
ابوه \ايوا هادي المضاربات ونتايجها...رحت تزوره ياولدي..؟؟
لؤي \ انا كنت بمر عليه اليوم في المستشفى بس مادام انه طلع بروحله البيت
ابوه \ مااشي..وسلملي عليه
لؤي \إن شاالله يووصل....يلا انا ماشي
امه \ على فين ياولدي اجلس نشوفك
ابوه\ سيبي الولد على راحته
لؤي \هههههه لا عادي ....انا بمر على عادل وبعدين بطلع مع مهند صاحبي..تبغوو شي
امه \ لاسلامتك ياولدي انتبه على نفسك
لؤي \ الله يسلمك ...يلا مع السلامه
امه وابوه\ مع السلامه
<
<
<
في بيت ابو عمر كانت ريهام مخلصه ودقت ع السوواق عشان يوصلها ..مع انه الجدار لاصق جنب الجدار ..بس اهل لجين واهل التوأم محرصين عليهم انهم مايخرجون من البيت لوحدهم لوإيش ماصار.. نزلت ريهام من الباب الخلفي للحووش لإنه تخااف لو خرجت من قدام يكون في احد اصحاب فيصل في طريقها..وقبل ماتطلع من الباب شافت
شبشبين "وإنتو بكرامه"رجاليه مختلفه عن حق اخوانها وابوها قامت فسخت اللي هي لابسته ولبست واحد فيهم
وتكلم نفسها\ الله اش هادا كله ماشالله رجل بني ادم ولا بطريق هادا ههههه..وتلعب فيه خطوه قدام وخطوه ورا
وتكمل تكلم نفسها \ ياربي حق مين هادا ...اوووه صح صح هم دخلو عادل من الباب اللي ورا يعني اكيد حق واحد من اصحابه ....وطالعت في ساعتها ..ااووبس تأخرت بتهزأ...ولبست صندلها وخرجت...
كل هادا كان في شخص يراقب وساكت جالس يشوف البنت تلعب بشبشبه وتطيره وترجعه وهو مو قادر يقلها اتركيه وخاف يتكلم تنفجع البنت وتطيح خصوصا انها لابسه شي كبير انتظرها الين خرجت ..وبعدها تنهد بإرتياح
فيصل في نفسه \ هههههه والله شكلها مره طيوبه وعلى نياتها وفله بس هادي لو تنحف شويا تطلع قمرر يالبى القمر اللي زي كدا ياشيخ...وبعدين ضرب راسه بخفه هيه عيب اخت صاحبك مايصير تقول كدا ماترضى لو هو قال عن اختك كدا صح ولالا..؟؟..قام قال بصوت مسموع صح وضحك وقال\عدتني الخبله ههههه
فووق عند عادل ومحمد دخل عليهم لؤي دووبه واصل
لؤووي \ سسسلامات سسسلامات اشبو طرزان زمانه
عادل يسوي مستحي\ احم الله يسلممك بس للتصحييح هادا حادث مو مضاربه..
لؤي \بس انا جاييني الخبر من لجين انها مضاربه
عادل\ ايوا ابويا قال لتوأم المرح انه مضاربه وشكلهم نقلولها الخبر كدا
لؤي \ ههههه اهاا والتفت يشوف محمد ..اهلييين ابووو حمييد
محمد \ لا بدري كان ماسلمت لاني كنبه انا هنا مو انسان
لؤي\ ههههه بسسم الله اكلتني طيب شوي شوي ...اصلا انا زعلان منك طلعه المزرعه اللي قبل اسبوعين ماجين
محمد\ والله كنت مشغول الين راسي مع اهلي ...انتو سوو طلعه تانيه وانا اول واحد إن شالله
لؤي \ إن شااءالله
<
<
بين سوالف البنات دق جوال لجين....
لجين \الوو....هلا دارين....اووووووبس نسسسسيت الموضوووع والله.....ههههههه لا ريهام ورهف عندي ماظنتي جايين .....اووكي خلاص ان شالله مره تاانيه ..بااي .وقفلت
ريهام \ اش في اشبها دارين واش اللي نسيتيه..؟؟
لجين \ لا بس قالتلي فينكم نستناكم
رهف \ يستنونا فين..؟
لجين \ في الشلال
رهف وريهام مع بعض وبنفس السرعه ضربو روسهم بيدهم\ اووووه صحح نسسسيت الموضوع والله
لجين \ حتى انا والله ماكلمت اهلي ولا شي ...يلا خيرها في غيرها
<
<
<
في البحر حيث ماكانو لؤي ومهند....
مهند \ عيب عليك البنت كبر عيالك وانت تقول كدا...
لؤي \ مهي كبر عيالي ولا شي ..كل اللي بيننا فرق 5 او 6 سنوات ...وبعدين من يوم انا صغير احبها وكبرت وكبر حبها معايا وعمرها ماراحت لحظه عن بالي
مهند \ طيب واش اللي خلاك ماتخطبها إلين دحين..؟؟
لؤي \ خايف
مهند \ إش اللي يخوف في الموضوع ..انا اعرف انو ابوها راجل طيب وكل الناس تمدح فيه
لؤي \ عارف
مهند وبدأ يتنرفز \ هيييه انت لاتعطيني كلمه كلمه قلي اش الموضوع وريحني ترى ضغطي سته الاف بسببك
لؤي وخلاص فيه البكي \خايف لاترفضني او يرفضوني اهلها وتصير مشاكل بين العائلتين او حساسيات والخوف الاكبر انو اكلم امي تخطبها وماترضى ..ساعتها والله اموت يامهند تفهم يعني إيش اموووت.. ونززلت دمعته
مهند \والله فاهمك ... وكلامك صح بس لو تحبها من جد ضحي يالؤي لمتى بتجلس على دي الحاله ..شوف لك كم سنه تحبها وكل مانتقابل تفتحلي نفس الموضوع واقلك روح اخطبها وترفض ..
لؤي \ خير ان شالله ..الله يقدم اللي فيه الخير
<
<
<
بعد اسبوع في بيت ابو عمر كانت جالسه العائله وكأنو الاب عنده موضوع مهم...
الاب \ يابناتي إنتو دحين كبرتو وفي سن انك متفتحو بيوت صح ولالا
ريهام ورهف \ ايوا صح
الام \ مادام انه صح بقلكم دا الشي..في ناس كلموني وبيخطبو عندنا
ريهام وقف قلبها لأنها هي الكبيره صح الفرق 5 دقايق بس برضو تعتبر اكبر\طييب..؟؟
الاب \ياريهام داري انك انتي الكبيره بس هادا العريس بالذات مناسب لرهف
رهف فتحت عيونها ع الاخر \إش معنى..؟؟
ابوها \ لإنو دا الشاب على بدايه السنه الجايه حيروح يكمل الماجستير امريكا وانا عارف انو انتي تبغي تكملي الجامعه هناك ..واهله قالو ماعندهم مشاكل انك تروحي تدرسي معاه
رهف بفرحه \ من جددد..؟؟
ابوها \ايوا ..بتكون مصاريف الدراسه عليا بس اهم شي وجود محرم معاكي
ريهام براااحه انو الموضوع مايخصها \رهف يلا وافقي وبعدين شكلهم ناس كشخه واغنيا وشكلهم حبوبين يعني انو مو دايما الواحد يرضى زوجته او بنته او احد يدرس برا
رهف بتفكير \ايوا صح ...
ابوها \عندك يومين فكري براحتك وتعالي قولي رأيك..
رهف \ خير ان شالله
ريهام طالعت في امها وكأنها افتكرت شي \ مااماا يعني هدااك اليووم لما قلتلك انو في ناس اتصلو يخطبو كان من جد هاا
امها \ههههه ماشاالله عليكي ايوا من جد بس محلاني اقلكم وانا لسى ماشاورت اابوكم....وبعدين خلو الموضوع سري الين مايتم كل شي الموضوع مايطلع برا البيت حتتى لو كانت لجين
ريهام ورهف \ اووكي
وردت رهف على ابوها بعد يومين بالموافقه ...
<
<

التعديل الأخير تم بواسطة إنسانه مثل غيري ; 11-28-2010 الساعة 11:10 AM
إنسانه مثل غيري غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
تصدقي ياعمري eabulawi خواطر , عذب الكلام والخواطر 4 12-06-2009 09:01 PM
ياعمري علي عمري انا عالم حواء الرومانسية 3 04-04-2007 05:37 PM
مســـاء حــزيــن ياعمري ...!! غلبني الشوق خواطر , عذب الكلام والخواطر 8 03-11-2007 04:38 PM
روايه فرقة زيكو (من تأليفي) سوسيتا قصص وحكايات عربية وشعبية وعالمية 1 11-25-2004 04:17 PM
ياعمري هذا يكفيني دايـ.الشوووق.ـم خواطر , عذب الكلام والخواطر 2 03-09-2004 01:02 AM

الساعة الآن 02:10 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103