تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

حوار بينى و بين نفسي فى التاكسي

موضوع مغلق
 
أدوات الموضوع انواع عرض الموضوع
قديم 03-25-2010, 11:16 PM   #1 (permalink)
sarah911
أمير الرومانسية
 
الصورة الرمزية sarah911
 

ADS
حوار بينى و بين نفسي فى التاكسي




ليه جالى احساس بالاكتئاب فجاة؟؟لا مش فجاة و لاحاجة هو كان موجود بس مستخبي فى الاعماق الداخليه طيب اللى طلعه دلوقتى بس ايه اللى حصل ؟؟؟ مش فاكرة ان حاجة حصلت ايه يا بنت ايه يا بنت مش فاكرةحاجة كل اللى انا فاكراه ان انا كنت راكبة تاكسي و مرة واحده حسيت انى مخنوقة و عايزة اعيط يمكن من ريحة السجاير اللى كان السواق مالى بيها العربية اكيد لا لانى متعوده على الريحة دى و بصراحة لما بدخل تاكسي و مش بشم ريحة سجاير بقلق بحس ان فى حاجة مش مظبوطة .
لسه معرفتش انا اكتئبت ليه مرة واحده ؟؟؟و مش بس اكتئبت ده انا حسيت احساس غريب حسيت ان حياتى كلها مرت قدام عيني كانها...... لا مش شريط سينما ياريييتتت ده انا حسيت ان انا عاملة زى البتاعة دى اللى الملاكمين بيتدربوا عليها عارفينها؟؟؟مش فاكرة اسمها ايه و حياتى مش بس بتمر قدام عينى لا دي حياتى هى الملاكم اللي بيضرب فى البتاعة دى(نفسي اعرف اسمها) و قعدت افتكر فى حاجات كئيبة و مواقف حزينة حصلتلى و ناس سخيفة مروا عليا فى مختلف مراحلى العمرية(و ما اكثرهم) و الاكتئاب تحول لاحساس فظيع ان انا فاشلة اه انا فاشلة و مقدرش انكر ده,, لا مش فاشلة اه صحيح انا فى شخصيتى جوانب فاشلة لكن مينفش التعميم و اقول على نفسي فاشلة مانا ياما نجحت فى حاجات كتير و فجاة ابتدي جوايا صراع داخلى و حوار عقيم عارفة بدايته بس و لامرة حاولت الاقيله نهاية .
و الحوار ده كان عباره عن نفسي بتكلم نفسي اه متستغربوش ماهو كل واحد فينا عنده نفسين واحده بتطبطب و واحدة بتبهدلك و بتشتمك و ساعات كمان بتديلك بالقفاه لو لزم الامر و احيانا بتلومك باسلوب كله تشفى عارفين دول عاملين كده زي الام و الاب ,الام فى معظم الحالات بتطبطب و تدلع و الاب بيغسلك لما تعمل حاجة غلط دول بالظبط زى ال 2 نفسي اللى عندي المهم ال 2 بداوا الحوار و للامانه نفسي الطيبة متكلمتش غير 3 او 4 كلمات و التانية قامت بالواجب و مبطلتش رغى الحوار كان بيقول:
نفسي الطيبة: متقوليش على نفسك فاشلة مش معنى انك فشلتى فى شغلك يبقى انتى فاشله فى حاجات تانيه انتى مش فاشلة فيها بالعكس ناجحة جدا.
نفسي الرذله:و الله!!!زي ايه طيب الحاجات اللى انا(ناجحة فيها)؟؟؟
نفسي الطيبة بعد طول تفكير:زى زى زى العلاقات الشخصية و الحياة العا ,العاط,العاطفية.
نفسي الرذله:ههههههههههههههههه(ضحكة شريرة ساخرة)عاطفية مين و الناس نايمين ده انتى اكبر فاشله فى الحاجات دي اساليني انا
و هنا توقفت نفسي الطيبة عن الكلام و بدات الرذله فى رمى الالغام.
سيبتى شغلك لانك فاشلة و مقدرتيش تتحملى الضغوط و النفسنة و تدخل كل من هب و دب فى حياتك و ناس كتير اقل كفاءة منك يا عبيطة(ده نفسي الرذلة بتقولى) وصلوا لمراكز اعلي منك و خدوا مكانك اللى كان المفروض يكون مكانك و بالنسبة بقى لحياتى العاطفيه يييييييييياه مقولكوش ياما دقت على الراس طبول لا الحقيقة مش طبول بس ده طبول و رق و صاجات كمان !
قابلت ناس غلط فى اوقات صح و ناس صح فى اوقات غلط و ناس مش ناس (الحقيقة لسه مش عارفة اقدر اصنفهم تحت اي خانه) و ارتبطت بناس عن عدم اقتناع و ناس اقتنعت بيهم و مرة واحده لقتنى بقول مين دول؟؟؟؟ انا زى قولت اه و ناس ارتبطت بيهم على سبيل المجاملة اه و الله عارفين انتوا لما حد يعزم عليك بسندويتش و انت مش جعان او نفسك تاكل بيتزا مش سندويتش بس مقدرتش تقول لا لانك بصيت فى عين الشخص اللي بيعزم عليك و فكرت انك لو قولت لا حتزعله بس مش مهم انت بقى يجيلك تلبك معوى و لا مغص و لا متقدرش تكمل بقية السندويتش المهم الاستاذ اللى عزمك ده مينجرحش فى مشاعيروه.
و بيقولك السعيد فى الحب تعيس فى اللعب انا بلا فخر تعيسة فى الاتنين على اساس ان الشغل ده هو اللعب يعنى فى الحياة الرائعة اللى احنا عايشين فيها,
اذا" انا فا شلة لا ده انا مش بس فاشلة ده انا فاشلة فشل ذريع
و هنا صحيت نفسي الطيبة من النوم و قالت كلام(مش مقنع خالص)و هى يا عينى بتحاول تلم بقية اشلائى:
كل واحد بيبقى عنده حاجة مميز فى ,,,اي حاجة,, مش معقول فى حد فاشل 100% اكيد فى حاجةمميزه فيكى..
حاجة مميزة فيا انا؟؟؟؟؟صح عندك حق يا نفسي يا طيبة يا مقطقطة انتى,انا بموت فيكى يا رافعة من روحى المعنويه,يا اطيب نفس فى الدنيا,يا...,بس ياتري ايه الحاجة دي ؟يعنى انا مميزه فى ايه ؟طريقة كلامى؟لا معتقدش محدش غلط مرة و قالى كده؟يمكن انا مثلا شاطرة فى شغل البيت؟؟حنشتغل بعض؟عادى يعنى ما كل البنات شاطرين فى الحاجات دى او على الاقل ممكن يتعلموا طيبببببببببببببب انا شاطرة فى ايه؟؟؟؟؟؟؟؟؟؟؟؟؟انا مميزة فى ايه؟؟؟؟؟؟؟؟؟؟؟؟؟ياريتك يا نفسي يا طيبة ماتكلمتى ده انا مطلعتش فاشلة و بس ده فى مصيبة اكبر كمان ان انا بفرض ان عندي حاجة مميزةكمان مش عارفة ايه الحاجة دى ,,,ايه ده؟؟ ده انا كمان ممكن اموت قبل مكتشف ايه الحاجة دي ؟ياتري ايه الحاجة دي و ياتري لو عرفتها كان فى حاجةفى حياتى حتتغير؟؟؟ و ياتري و ياتري ؟؟؟؟؟؟؟؟؟؟؟؟؟؟؟؟
انا فاشلة!!!!!!!
و هنا خلاص نفسي و نفسي سكتوا مش علشان الحوار خلص لا علشان الحوار مالوش نهايه و كمان فى صوت تالت طلع مرة واحدة و قاللى حتنزلى هنا و لا فين يا انسه؟....


sarah911 غير متصل  
قديم 03-26-2010, 12:47 AM   #2 (permalink)
koko239
رومانسي مبتديء
 
حلوه اوى اوى اوى اوى اوى اوى القصه الصغيره دى
والله اكنك بتكلمى عنى فعلا الواحد مقسوم نصين ومش عارف اى واحد صح وايه النص المفروض يعيش بيه


شكرا على القصه الجميله
koko239 غير متصل  
قديم 03-26-2010, 12:59 AM   #3 (permalink)
شــــاعر حــنون
أمير الرومانسية
.{ رجل لا يتكرر }.
 
الصورة الرمزية شــــاعر حــنون
 
يعطيك العافيه على الحوار الشيق

ولايحرمنا من جديدك المميز

تحيـــــــــــاتي
شــــاعر حــنون غير متصل  
قديم 03-26-2010, 01:11 AM   #4 (permalink)
sarah911
أمير الرومانسية
 
الصورة الرمزية sarah911
 
ميرسي شاعر و الله فرحت لما لقيت حد قرا موضوعى و كتب رد, كلك ذوق
sarah911 غير متصل  
قديم 03-26-2010, 01:13 AM   #5 (permalink)
sarah911
أمير الرومانسية
 
الصورة الرمزية sarah911
 
ميرسي كوكو كلك ذوق و يارب تكون عجبتك القصة
sarah911 غير متصل  
قديم 03-26-2010, 02:55 AM   #6 (permalink)
عزيز 2010
رومانسي مبتديء
 
الصورة الرمزية عزيز 2010
 
إرسال رسالة عبر Skype إلى عزيز 2010
شكرا

تملك قلما سيالا تحسد عليه
عزيز 2010 غير متصل  
قديم 03-26-2010, 03:03 AM   #7 (permalink)
sarah911
أمير الرومانسية
 
الصورة الرمزية sarah911
 
اقتباس:
المشاركة الأصلية كتبت بواسطة عزيز 2010
تملك قلما سيالا تحسد عليه


شكرا" عزيز بجد انت شجعتنى برايك ده ميرسي على المرور
sarah911 غير متصل  
قديم 03-26-2010, 05:25 AM   #8 (permalink)
mido star
رومانسي مجتهد
 
الصورة الرمزية mido star
 
شكرااااااااااااااااااااااا
mido star غير متصل  
قديم 03-26-2010, 09:04 PM   #9 (permalink)
sarah911
أمير الرومانسية
 
الصورة الرمزية sarah911
 
العفو يا ميدو ميرسي على المرور
sarah911 غير متصل  
قديم 03-27-2010, 07:20 AM   #10 (permalink)
essamabessamab
رومانسي مجتهد
 
حوار جميل و سلس
و ما تسيبيش نفسك لنفسك الشريرة
و كمان ما تجريش أوي ورا نفسك الطيبة
و خليك معاهم الاتنين، أصله ما لكيش غنى عنهم الاتنين

مشكورة على الحوار الجميل
essamabessamab غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
حوار بيني وبين قلبي عاشق الرمال خواطر , عذب الكلام والخواطر 5 02-12-2009 09:11 PM
حوار بينى ونفسى..........! $ فــارسـ بــلا جــواد $ خواطر , عذب الكلام والخواطر 1 12-02-2007 01:09 PM
حوار بينى انا ومدام رولا..........................حصريا للرومانسيه! دكتور وسيم ستار اكاديمي 1 2 3 4 5 6 7 8 Star Academy 33 02-25-2007 10:59 AM
حوار بيني وبين ........؟؟؟ <أوراق الرحيل> خواطر , عذب الكلام والخواطر 9 05-16-2006 05:12 PM
(حوار بيني وبين الابتسامة والقلب) ملكة الاطلس خواطر , عذب الكلام والخواطر 13 05-13-2006 05:51 AM

الساعة الآن 08:38 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103