تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات عامة > المنتدى العلمي - أبحاث علمية - بحوث علمية

المنتدى العلمي - أبحاث علمية - بحوث علمية تابع التقويم الدراسي 1436 وجميع مراحل الدراسة في السعودية منتدى العلوم و منتدى الرياضيات و منتدى لغتي و منتدى المواد الإسلامية والوصول السريع الى شبكة الرياضيات و موقع قياس و نظام نور ونماذج الاختبار التحصيلي ضمن نطاق المنتدى العلمي تطوير الذات

¨ (ا وشلون جبت هالمعلومه هذي ؟ هم قالوآ لي ..‎

إضافة رد
 
أدوات الموضوع انواع عرض الموضوع
قديم 12-08-2009, 03:22 AM   #1 (permalink)
ღ. moona .ღ
مشرفة متميزة سابقاً - ماسة المنتدى
 
الصورة الرمزية ღ. moona .ღ
 

ADS
¨ (ا وشلون جبت هالمعلومه هذي ؟ هم قالوآ لي ..‎




¨ (ا وشلون جبت هالمعلومه هذي ؟ هم قالوآ لي ..‎


¨ (ا وشلون جبت هالمعلومه هذي ؟ هم قالوآ لي ..‎





من اللي قالكـ هالشي ؟

- هاهـ , هم قالوا لي ..


طيب , وشلون جبت هالمعلومه هذي ؟

- وشلون ؟ ايه مدري بس يعني هم قالوا لي ..

على اي اساس استندت ؟

- على هذاكـ .. ياخي هم قالوا لي ..




¨ (ا وشلون جبت هالمعلومه هذي ؟ هم قالوآ لي ..‎




ياكثر مانسمع هالجمله .. او مثيلاتها ..


ياجماعه قبل كم يوم قريت شي خلاني اعيد التفكير مراراً وتكراراً في عدة مسائل ..

قريت معلومات الكل كان متيقن انها صحيحه .. وهي والله مادلت الصح ..

بعد ماقريتها .. جلست افكر .. غير هالمعلومات هذي ..

كم معلومه مغلوطه يتداولها الناس على انها معلومات صحيحه ؟

كثير .. كثير ..


بس قبل كل شي .. خلونا نستعرض على السريع بعض من هالمعلومات المغلوطه ../



¨ (ا وشلون جبت هالمعلومه هذي ؟ هم قالوآ لي ..‎



( سم العقرب .. طريق القبر .. )

يعتقد الكثيرين ان سم العقرب مايردهـ عن طريق القبر شي ..

يعني ان سم العقرب " مميت " .. وهذا اعتقاد خاطئ ..

حيث ان اقوى سم العقارب مايقتل ! ولكن قد يتسبب بموت

( الطفل الرضيع , كبير السن , مريض القلب ) إذا لم يتم علاجه ..

فإذا لدغتكـ عقرب لاسمح الله .. اعرف انكـ ماراح تموت بحول الله ..

روّق .. وهد اعصابكـ .. وانحر اقرب مركز صحي او مستشفى ..

- وعلى فكرهـ .. ترى العقرب كائن غبي , اي شي قدامه يحاول يلدغه ..

يعني لو يصدم بـ جدار .. حاول انه يلدغ الجدار .. جد والله ..

شي غبي ..




¨ (ا وشلون جبت هالمعلومه هذي ؟ هم قالوآ لي ..‎






( مشينا نهظّم ؟ ) ..

امر شائع عن اغلب الناس ..

بعد مايضرب لكـ وجبه دسمه .. يآخذ له واحد من ربعه ..

ويمترون المكان اللي هم فيه .. ويعدون الكيلوات ..

طيب ليش ؟ يقولكـ ( والله ودنا نهظّم الأكل اللي تو أكلنا ) ..

غلط !

الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي ..

فينصح بعد أكل وجبه دسمه .. انكـ تمدد رجيلاتكـ وتروق .. وتخلي الباقي على الجهاز الهظمي .. هو يعرف شغله ..

حتى ان العلماء يقولون ان ( الأسد ) بعد مايجرش احد الفرائس يتكّي تحت شجرهـ ويمدد .. ما شافوهـ يمتر المكان ومن كيلو لـ كيلو ..



¨ (ا وشلون جبت هالمعلومه هذي ؟ هم قالوآ لي ..‎



( لا تآكل حلو وآجد , يجيكـ السكّر )

فيه اعتقاد خاطئ .. بأن أكل السكريات هو اللي يجيب مرض السكر ..!

يعني لو أكلت سكر كثير تراكـ بتمرض بـ مرض السكر ..

وهو السبب الرئيسي ..

برضو غلط .. :/

مرض السكر سببه هو تلف في خلايا ( بيتا في البنكرياس ) ..

او عدم فعالية الأنسولين المفرز داخل جسم الإنسان ..

ولحدوث هالشي اسباب متعددهـ .. ولكـ ان تتخيل ان اكل السكريات ماينطوي تحت هالأسباب !




¨ (ا وشلون جبت هالمعلومه هذي ؟ هم قالوآ لي ..‎



( إلهم بس إلهم , اذا مانفعكـ ماضركـ ! )

وش اللي اذا مانفعني ماضرني .. ليش يعني وش السر في ( الاعشاب الطبيّه ) ..

الواحد يآكلها اذا تعب .. اما انها تنفعه او مستحيل تضرهـ ..!

المشكله ان هالشي متداول حتى في ( الصيدليات ) ..

الصيدلي المفروض عارف ودارس ..

ياجماعه .. بعض الأعشاب (( ســـــام )) .. !

وبعضها يسبب حساسيّه لناس معينه ..

الاعشاب " تحوي على مواد كيميائيه "

.. مثلها مثل بقيّة الأدويه , بس انها طبيعيه .. وماتم تحضيرها في المصنع !



¨ (ا وشلون جبت هالمعلومه هذي ؟ هم قالوآ لي ..‎




( قلبكـ .. في الشق الأيسر ) ..

من قال انه في الجهه اليسرى تماماً للإنسان ؟

القلب موجود ( بين الرئتين ) بالضبط .. لكنه يميل بشي بسيط للجههة اليسرى ..




¨ (ا وشلون جبت هالمعلومه هذي ؟ هم قالوآ لي ..‎





( طف المكيف الحار .. تبي تمرضني انت !؟ )

في (جونا الحالي) .. وضروسكـ تتصافق من قوة البرد ..

راكب سيارتكـ ومشغل المكيف على الحار .. تبي الدفاء ..

بعد ماتحس ان جسمكـ نشب في المرتبه من الحرارهـ .. وتفق كشركـ مستانس .. لأن وجهكـ بدأ يرجع طبيعي ويتحركـ ..

يركب معكـ واحد .. تبي توصله لـ مشوار .. اول مايركب يزأر بوجهكـ .. ياخي طف المكيف !

انا ابنزل بعد شوي لمكان بارد .. تبي تمرضني ..

من اللي قالكـ ؟

نظرياً .. كلامه غير صحيح ..! بس انه خايف على نفسه زيادهـ (بعذرهـ من هالبرد اللي يشق الوجه ) ..

يعني اذا كان الأمر (متتابع) ممكن .. كلامه صحيح ..

لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط !

- في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه ..

وتنزل للهواء الحار ..! طيب تعال انت ياللي ركبت قبل شوي .. ليش هنا ماسكرت المكيف ؟

موب برضو فيه إنتقال من درجة حرارهـ لـ درجة اخرى ؟

طيب ليش ماجاكـ شي ؟

علمياً .. ونظرياً .. هذا مجرد خوف لا أكثر .. وافتراضات مالها صحه ..

لكن .. هم ينصحون ( بتدفئة الجو العام ) , يعني المكان يكون دافئ ( السيارهـ ,

او الغرفه ) افضل من انه يكون بارد او

متعدل على حرارة الجو الطبيعيه .. الدفاء مامنه ضرر ابد ..

لكن البرودهـ تأثر على الشعب الهوائيه والجهاز التنفسي

ككل .. وتسبب الحمى ..

فيقولون .. لازم تدفئ المكان المحيط بكـ .. او إنكـ تلبس خلاقين وخاصه الصغار ..

علشان يكون محيط جسمكـ .. دافئ لـ درجة حرارهـ ثابته ..

- فالإنتقال من دفاء لـ برودهـ .. او العكس .. مامنه ضرر ..



¨ (ا وشلون جبت هالمعلومه هذي ؟ هم قالوآ لي ..‎




( غسل يديكـ بالصابون , عقّمها من الجراثيم ) ..

هذا الكلام موب زين ..

الصابون ( يُنظف ) فقط ولا يُعقم الجراثيم (مايقتلها) ..

فـ محتاجين لـ معقمات للجراثيم ..

نستعملها على الأقل ثلاث مرات في اليوم ..

عموماً فيه الحين انواع معينه من الصابون ( تنظف و تُعقم ) ..

مثل ( ديتول , لايف بوي ) .. وخصوصاً في الاستحمام ..

فيه صابون استحمام ديتول .. ممتاز .. شي يعني صدق زين ..

يالله هه ياديتول .. دعايه بـ بلاش ..



¨ (ا وشلون جبت هالمعلومه هذي ؟ هم قالوآ لي ..‎






( الأسد , ملكـ الغابه ) ..

لاعبين علينا ؟

المشكله حتى في المدارس يكررون هالكلام ..! الأسد ملكـ الغابه .. ملكـ الغابه ..

والله يا اني ضحكت لين تمزعت من القهر .. طول هالوقت لاعبين علينا !

الصدمه :

الأسد ماعمرهـ وطوط عند طريف الغابه !

ماعمرهـ طب شي اسمه غابه !!

الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..

الله لايوفق من كتب قصة الأسد هذاكـ المريض .. يوم يعالجه الثعلب ويصير صديقه ولا يآكله ..

طيب تدرون وش الصدمه الثانيه !

ان الاسد مايآكل الثعالب ! ههههههههههههههههههه





¨ (ا وشلون جبت هالمعلومه هذي ؟ هم قالوآ لي ..‎


( الحشرات , مالها دم ) ..

برضو خرابيط ..

الحشرات مثلها مثل غيرها في مملكة الحيوان ..

لها دم .. لكنه يختلف لونه ولزوجته عن باقي الحيوانات ..



¨ (ا وشلون جبت هالمعلومه هذي ؟ هم قالوآ لي ..‎






( إن كان حبيبكـ ثور , إلبس لوهـ أحمر )



الثور , مثله مثل باقي الحيوانات .. يشوف اللون الأحمر رمادي ..

انتحر ؟

حتى الأسبانيين .. مسوين فيها يعني اننا نعرف للثيران .. !

يمسكـ له طربال أحمر .. ويمرمرهـ على الثور ..

مسوي يعني انا جالس الحين اثير غريزته الحمراويه ..




¨ (ا وشلون جبت هالمعلومه هذي ؟ هم قالوآ لي ..‎




( افصل البطاريه عن اللاب اذا بتشتغل على الكهرب ) ..

ياكثر ما اسويها ..

وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..

كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..

فيه نوعين من البطاريات الشائعه ../

- بطاريه نيكل :

هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..

وبعدين وجودتها تتأثر اذا طولت مشبوكه في شاحن الكهرب ..

- بطاريه ليثيوم :

هذا النوع من البطاريات .. له عمر افتراضي .. من سنتين إلى ثلاث سنين ..

وهالنوع هذا .. خربان خربان بعد عمرها الافتراضي حتى لو ما استخدمتها ابد !

اشحنها على كيفكـ .. اشبكها وانت تشتغل .. ان بغيت وصلها بعداد الكهرب ..

هالنوع هذا ريحنا من سلبيات بطاريات الـ نيكل .. بس ان عمرهـ قصير ..

طيب .. تدرون ان اغلب البطاريات اللي نستخدمها في

( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..

ياحسافة ضيقة الصدر بس ..



¨ (ا وشلون جبت هالمعلومه هذي ؟ هم قالوآ لي ..‎




( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )

( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا , بعدين تموت ! )

غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..

- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..

وتقع في طرف الطيف المرئي بجانب اللون الأحمر ..

* اي جسم حار تنبعث منه الأشعه تحت الحمراء في مرحله من مراحل التسخين ..

* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..

* كاميرات الفيديو تنبعث منها الأشعه تحت الحمراء وخاصة في التصوير الليلي ..

( ليش ماقال وخري البطنه الكبيرهـ

؟ .. طيب ليش مستانس بخشة ولدهـ وهو خانق القطوهـ

وجالس يصورهـ بكاميرة الفيديو , رغم انه تبعث اشعه

حمراء ) ..

ليش بس الريموت المسكين هو اللي ينكرش ؟ علشان الريموت يتيم وماله احد ؟

* بعض الثعابين , تستخدم نفس التقنيّه ..

معليش يالريموت .. حقكـ علي




¨ (ا وشلون جبت هالمعلومه هذي ؟ هم قالوآ لي ..‎


( فأرة ليزر ) ..

الكل يعتقد ان الـ فأرة الكمبيوتر .. تعمل بأشعة الليزر ..

والله ماوراها ليزر ولا هم يحزنون ..

تراها تعمل ( بالضوء العادي ) ..

يعني مثل لمبة التريكـ ..


..



¨ (ا وشلون جبت هالمعلومه هذي ؟ هم قالوآ لي ..‎


سولفت كثير ؟

مدري احس اني اخذت راحتي بالحيل ..

بس اختم بشي صراحه مهم ..

إن العلم , والثقافه .. ماتطرق الابواب ..

من الواجب على كل شخص ..

تهمه الثقافه العامه او حتى الثقافه في أي مجال يهواهـ ..


البحث عنها دون ملل أول كلل ..

خلونا نحط حد لمثل هالإعتقادات الخاطئه ..

عن طريق البحث والتأكد عن أي معلومه توصلنا .. حتى ولو طغى عليها الدهر ..

وهالشي يكون تركيزهـ اكبر للمعلومات اللي توصل الصغار

( ابنكـ ’ اخوكـ ’ اختكـ , والمحيط اللي انت عايش فيه ويقع

تحت مسئوليتكـ ) .. ..



¨ (ا وشلون جبت هالمعلومه هذي ؟ هم قالوآ لي ..‎


سبحان الله وبحمدهـ .. سبحان الله العظيم ..

استغفر الله واتوب إليه .. ولا إله إلا الله ..




¨ (ا وشلون جبت هالمعلومه هذي ؟ هم قالوآ لي ..‎



التعديل الأخير تم بواسطة ღ. moona .ღ ; 12-08-2009 الساعة 03:34 AM
ღ. moona .ღ غير متصل   رد مع اقتباس
قديم 12-08-2009, 07:24 AM   #2 (permalink)
سعيد ملفي
كبار الشخصيات - درع الصحابة - سيف الاسلام
لا أحد يؤذينا سوى أنفسنا
 
الصورة الرمزية سعيد ملفي
بسم الله الرحمن الرحيم


اقتباس:
( مشينا نهظّم ؟ ) ..
أعتقد التدميغة والجهل من أساسه هي الشبعة
فالبطنة تذهب الفطنة
وتجعل الدم متمحور حول الماعدة لهضم ما جرى نسفه وتدميره من أطباق وتصبح الذاكرة بعد ذلك دون دماء وغير مهيئة للتفكير وإنما دورها أستقبال وأرسال فقط بدون تفكر وتأكد.


مع الخيل يا شقراء سمع القوم يقولون قال




تحيتي
سعيد ملفي غير متصل   رد مع اقتباس
قديم 12-08-2009, 08:42 AM   #3 (permalink)
~ نجوان ~
كبار الشخصيات - أميرة العطاء
سبحان الله و بحمده
 
الصورة الرمزية ~ نجوان ~
 
بعض المعلومات يا ماسة نعرفها و بعضها لا بس بجد الموضوع مليئ بمعلومات رائعة يا البى

الف شكر لتواجدك بالقسم
~ نجوان ~ غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
وشلون ما احكي وليد السلطان خواطر , عذب الكلام والخواطر 1 05-17-2009 07:30 PM
شفت وشلون خلق الله خاطــــــوف الشعر و همس القوافي 8 01-04-2009 08:12 PM
وشلون حال المملكة انا حضرت الشعر و همس القوافي 0 11-14-2008 08:13 PM
قلي وشلون ماغليك ....................؟؟!! جذآآآب القلوووب الشعر و همس القوافي 6 09-15-2007 04:03 AM
شوف وشلون شكل هالصخره . . . الفوتومان صور 2017 7 09-01-2004 01:03 AM

الساعة الآن 12:19 AM


Powered by vBulletin® Copyright ©2000 - 2020, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103