تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان



العودة   منتديات عالم الرومانسية > منتديات عامة > منتديات اسلامية > حملات المقاطعة العربية الإسلامية

حملات المقاطعة العربية الإسلامية هنا تجد جميع حملات المقاطعة التي يقوم بها الشارع العربي إتجاه أعداء الإسلام

الاقصى هيتهد

إضافة رد
 
أدوات الموضوع انواع عرض الموضوع
قديم 10-08-2009, 09:30 PM   #1 (permalink)
ONE ROSE
رومانسي مبتديء
 

الاقصى هيتهد





http://www.islamonline.net/servlet/S...ws%2FNWALayout
اقرى ده وكل المواضيع المتعلقه بيه على اقل من مهلك وبالله عليك اقراه وركز وافهم اوى

ولو ش عاوز تقرى ده اقرى ده
http://www.aljazeera.net/NR/exeres/7...4541563152.htm

وبعد ماتقراه اقرى بقى اللى انا كاتبه واللى انا كاتبه ده شات بينى وبين واحد صاحبى ناقله كوبى وباست
انا اللى بالاحمر :بيقولوا ورايا فى التلفزيون انهم هيهدوا الاقصى خلاص رسمى
صاحبى اللى بالاسود:اشطه يا ماو
خبر كول
.................................................. .........
: خبر كوول ايه يا .... انت
يا عم للبيت رب يحميه
): انت بقيت تقرب لعمرو الكافر
فكك
: للبيت رب يحميه وفيه مليار ونص سيس فاقدين الرجوله وممكن كمان الذكوره
ايوه ماهو عشان كده للبيت رب يحميه
عشان احنا سيس ولا مؤاخذه
ماهو علشان احنا سيس حاجه من اتين
: ياما ربنا هيبيدنا ويسنبدل خيرنا علشان مدافعناش عن الاقصى
او ياما مش هيحمى الاقصى لان ده فرض علينا واحنا نخينا فيه
يا عم بيت ربنا ما يتهدش
فاشل كيك يعني انهم يعرفو
: ماهو هيتهد على ايد السفيانى
سفياني مين يا اهبل
التاني ذو السويقتين
وحيهد الكعبه
ومعتقدش ان ربنا هيرسل عليهم طيرا ابابيل واحنا موجودين ومبنعملش حاجه
يابني مش حيهدوه اصلا
كان النبي قال
افكس بقي
اهو هو ده يعنى بيت ربنا الكعبه نفسه هيتهد
حيتهد بعد ما المسلمين يموتول كلهم يا متخلف
يموتوا*
: ماهو اصلا مكنش المسجد الاقصى اتبنى اصلا بشكله الحالى ايام النبى
كان حيقول برضه
ماشى ماهو دلؤت تقريبا مفيش مسلمين
da*
يعنى اللى بيتقال ورايا دلؤت ان فيه ناس سموا نفسهم المرابطين وربطوا نفسهم فى الجامع واعتصموا فيه دول اللى ربنا ممكن يحميهم
خلاص اشطه
بس لو مشيوا او حصلهم حاجه يبقى مفيش مسلمين بجد
يعني احنا المطلوب مننا ايه اصلا
نسافر فلسطين عشان ترتاح يعني

المطلوب مننا اننا نبقى مسلمين بجد
ولا فكك من كلام الشعارات ده
مش لايق عليك اصلا
شعارات ايه يا ض
ايوه عايز ايه يعني
هو مش اللى بيحصل ده بذنب المليار ونص واحد اللى مسلمين بالبطاقه وبس وكل دماغهم حريم وكليبات و الى اخره
يعني لا طايلين جواز ولا حته فرجه
ننتحر يعني
ادعى بس ربنا يحفظ مسجده ولا يؤاخذنا بما فعل السفهاء مننا
بس كده
ماهو حيحفظه كده كده
البقين اللي انت قلتهم او من عيرهم
ماهو ده الفرق بيننا احنا جيل السيس وجيل المسلمين اللى فتحوا القدس وحافظوا عالاقصى
طيب يا عم الجامد ناوي تعمل ايه بقي عشان المسجد الاقصي ما يتهدش؟
ماهو ممكن يحفظهم وياخدنا احنا او لما السيس يبقوا هم الاغلبيه يهد الاقصى بذنبهم
: لان ربنا قال قاعده انه بيدافع عن الذين امنوا
فلازم يكون فيه الذين امنوا اصلا
يا عم انا سالتك سؤال محدد
daمش انت عاملي فيها بطل ... قول بقي حتعمل ايه
وهحاول على قد ماقدر ابقى راجل واغض بصرى واحافظ على فرض ربنا وادعى ربنا انه يحفظ بيته
وانت كده بقيت زي المسلمين الاوائل
: وهحاول انى اكون مسلم فى كل احوالى على قد ماقدر
ولا كده حميت المسجد الاقصي؟
لا ماهو خد بالك
المسلمين الاوائل مبقوش كده مره واحده
انت عارف احوالهم فى الجاهليه
طب مانت اتولدت مسلم
متحولوش فجاه للصحابه والمسلمين الاوائل فدى بدايه
هم ما اتولدوش مسلمين
يعني شوف انت خدت وقت اد ايه
ماشى بس انا دلؤت على جاهليه
انت ادري
فلما اعوز اتحول مسلم بجد مقفش اخد بالتدريج
: فعلى الاقل مقعش فى حرام علشان اقدر ابتدى اعلى فى الحلال
ايوه يعني مال المسجد الاقصي ومال الفطش اللي انت عمال تقوله
اولا انا مبقلش فطش
لا بتقول فطش
انا بقول اللى ربنا قالهولى
عمال تجعجع وما بتعملش حاجه
ان البلاء بييجى بالذنوب
: فلو عاوزين نرفع البلاء يبقى نبعد عن الذنوب
: فانا على نفسى
نفسى دى اللى عليا فيها انى ابقى مسلم فى مكانى
مسلم دى ليها واجبات كتير من امر بالمعروف ونهى عن منكر والى اخره
بس اوله انى ابعد عن الحرام واحافظ على الفروض
ماحدش قالك ما تحافظش
فيه دشليار واحد زيك
لا بس الصيع اللى مبيحافظوش اكتر
وانت اش عرفك
: والدشليار دول كل واحد فيهم بيتدروش ومالوش دعوه باللى حواليه وماشى جنب الحيط
علشان اقدر اعمل حاجه مينفعش ابقى كمكده
بالبلاء اللى احنا فيه
برضه عمال تجعجع
مانا قلتلك البلاء ده بالذنوب
مبجعجعش انا حددتتلك خطوات عملى
ابعد عن الذنوب الاساسيه فى حياتى
احافظ عالفروض
افيد غيرى
وكده المسجد الاقصي مش حيتهد؟
امر بالمعروف وانهى عن المنكر واقول لغيرى ان اللى احنا فيه بسبب الذنوب
حتى لو اتهد هكون قدمت عذرى لربنا لما يقولى انت عملت اللى عليك علشان ميتهدش
اشطه ربنا يوفقك
ويوفقنا كلنا يارب
عيل شلل وخنيق
ليه يعم
انت شفتنى قفلتها على نفسى بالضبه والمفتاح
انا كل اللى قلته لحد دلؤت هحافظ عالفروض
يا عم ما تحافظ
حد قالك لا
امال ايه الشلل فى كده
شلل محسسني ان الدنيا تهدت
: لا المسجد الاقصى بس هو اللى هيتهد
طب ميت جنيه مني لو اتهد
وميه منك لو ما اتهدش
اشطه؟
يعم انت هتراهن
انا اكره انه ميتهدش
مانا قلتلك مشكلتى انه لو متهدش ربنا هيسئلنى انا حفظت مسجدى انت عملت ايه
يابني ماهو كده كده مش حيتهد
عامل حوار ليه؟
: طيب بحفظ ربنا لكن هل انا عملت اللى عليا ده الحوار
يا عم ما تعمل وتنجزنا خانقنى انا ليه؟
: ياله مانا قلتلك جزء من اللى عليا انى اكلم اللى اعرفهم واقلهم الحوار ده
الف مبروك بالرفاء والبنين



ONE ROSE غير متصل   رد مع اقتباس
قديم 10-08-2009, 09:30 PM   #2 (permalink)
ONE ROSE
رومانسي مبتديء
 
هو غالبا اللى بقوله قريب من اللى قالته همسه
انا هنا بتكلم عن قاعده ربانيه بتقول ما وقع بلاء الا بذنب وما رفع بلاء الا بتوبه
فدى اول حاجه ممكن نعملها للاقصى اننا نحاول نعيش حياة المسلم اللى يرضهالها ربنا سبحانه وتعالى
فلو عيشناها يبقى كده عملنا اول خطوه لنصرة الاقصى

تانى خطوه هى الدعاء
وبرضه الرسول علمنا ان الدعاء مخ العباده
وبرضه بتكلم فى قاعده ربانيه بتقول ان دعوة العبد المؤمن ليس بينها وبين الله حجاب
واصلا العبد لما يتوجه الى الله ومصدق ان دعوته ممكن تفرق فى حاجه او ممكن تكون سبب فى حماية الاقصى ده اللى مطلوب علشان دعوته تستجاب
ليه؟
لانه بكده يبقى وثق ان له رب كريم يجيب الدعاء وهو قادر على كل شىء ولا يعجزه عصابة يهود
فده هو الكافى علشان ربنا يستجيبله

تالت خطوه هى معرفة القضيه وتعريف الناس بيها
فانت لو قعدت تتعلم عن قضية فلسطن ككل من اول محاولة تيودور هرتزل مؤسس الحركه الصهيونيه عرض الرشوه على السلطان عبد الحميد الثانى رحمه الله مقابل انه يمنحهم ارض فلسطين ورفض السلطان رحمه الله وقوله لهم فيما معناه على جثتى
مرورا بوعد بلفور والثوره الفلسطينيه سنة 1936 ثم قرار تقسيم فلسطين نص لليهودونص للعرب ثم حرب 48 ثم التشريد وطرد الفلسطينين من ارضهم ثم العدوان الثلاثى م النكسه ثم حريق المسجد الاقصى وقتل المصلين فيه ثم انطلاق الثوره الفلسطينيه التانيه ثم ايلول الاسود وطرد الفلسطينن للمره التانيه من الاردن ثم رحيلهم على لبنان ثم حرب 73 اللى بنعيش ذكراها العطره دلؤت
ثم السلام او قل الاستسلام وتحييد مصر وابعادها عن سساحة الصراع مع العدو الصهيونى ثم الانتقال للاجهاز على الثوره الفلسطينيه فى لبنان واجتياح الجيش الاسرائيلى لبيروت وبقت بيروت هى اول عاصمه عربيه تحتلها اسرائيل ومصر بعد ماتدفت فى السلام بقت عايشه فى دور عبده العبيط هى وكل العرب اللى جعجعوا ضدها لما قبلت بالسلام
ثم طرد الفلسطينين مره تالته من بيروت للجنوب اللبنانى والمخيمات ثم قمة الماساه بدبح الفلسطينين فى المخيمات واللى حصل فى صبرا وشاتيلا نموذج على كده ثم دبحهم مره تانيه بالحصار فى المخيمات لدرجة انهم اضطروا ياكلوا جثث اللى بيموتوا منهم لانهم مكنوش بيلاقوا لقمة عيش حاف
م الطرد مره رابعه على تونس
م تاسيس حركة حماس وانطلاق النتفاضه الفلسطينيه الاولى
واللى احمد لله فضلت مستمره قرب ال10 سنين ثم انطلاق الانتفاضه الفلسطينيه التانيه سنة 2000 ثم استشهاد الشيخ احمد ياسين والدكتور الرنتيسى ثم وصول حماس للسلطه وتشكيلهم الحكومه ثم انسحاب اسرائيل من غزه ثم انفصال غزه عن الضفه ثم حصار غزه واللى لعبت فيه مصر الدور الرئيسى ثم اخيرا الحرب على غزه

كل اللى انا قلته ده تاريخ طوييييييييييل اوى من الصراع ومكتوب بالدم واعتقد ان غالبية اللى بيقروا كلامى دلؤت ميعرفوش عنه الكتير
محتاجين نعرفه ونعرف وصلنا لكده ازاى ونعرف الناس بيه
ولما يسئلونا طب نقدر نعمل ايه نقلهم تقدروا تعيشوا حياة المسسلم اللى يرضهالكم ربكم وتدعوا وتقاطعوا وتعرفوا غيركم بالقضيه وهكذا

اللى انا بتكلم عنه دلؤت قاله اللى رفعوا السلاح فى و الحكومه عندنا لما كانوا بيقولوا تحرير القدس لا يتم الا بتحرير القاهره
انا مع الجمله دى تماما
بس بختلف مع طريقة التنفيذ
تحرير القاهره ميكنش برفع السلاح والارهاب
انما تحريرها من التخلف والجهل والمرض والسرقه والرذله والفحش والغثائيه ( جاى من قول الرسول : ولكن كثير كغثاء السيل )
والغوغائه والعشوائيه اللى بقت شعار ومنهج حياة المصريين لدرجة انهم وصلوا لمرحله مش عارفيين يرفعوا الزباله من الشوارع

تحرير من كبوة التخلف العلمى والتكنلوجى والتبعيه الاقتصاديه وشحت المعونه من امركا اللى مكتفينا بيها من رقبتنا
وغيره وغيره وغيره
ده كله مش هيتم الا بتبديل منهج العوائيه بمنهج لا اله الا الله فى حياة كل واحد فينا
انا الطريق اللى بدعوكم ليه لتحرير القدس وحماية المسجد الاقصى فكرته بسيطه واللى قالها كان الشيخ الشعراوى رحمه الله
وهى ان لو كل واحد فى مكانه بقى المهندس المسلم والدكتور المسلم وحتى سواق التاكس المسلم
ده بشكل طبيعى هيفرزلنا بعد كده وزير الصناعه المسلم ووزير الاقتصاد المسلم والبيزنس مان المسلم وو بعد حين

طريق طويل اينعم بس بعد تاريخ طويل جربنا فيه كل طرق التغيير من الثورات للحروب الشوارع للاغتيالات لغيره هو ده الطريق الامثل


منقول
ONE ROSE غير متصل   رد مع اقتباس
قديم 10-09-2009, 11:55 AM   #3 (permalink)
عاشق زعيم
رومانسي مجتهد
 
الصورة الرمزية عاشق زعيم
 
لــبــى قـــلــبـــك
عاشق زعيم غير متصل   رد مع اقتباس
قديم 10-21-2009, 05:30 AM   #4 (permalink)
روانة
مشرف متميز سابقاً
غريبة من دون الناس
 
الصورة الرمزية روانة
ربي يعطيك العافية وماننحرم من جديدك كل الود
روانة غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الاقصى العين تدمع1988 قصائد متحركة و منقوله 2 10-04-2009 03:25 PM
صور للمسجد الاقصى 1 سوسو60 صور 2017 3 05-28-2006 12:16 PM
هل تريد الصلاة في المسجد الاقصى؟ ادخل وشاهد المسجد الاقصى من الداخل سوسو60 يوتيوب - أناشيد - خطب - محاضرات - كتب - قرآن كريم 1 05-12-2006 01:25 AM
الاقصى في خطر خالد جمعه المنتدى العام - نقاشات و حوارات جادة هادفة 3 02-21-2006 07:34 PM

الساعة الآن 08:46 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103