تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

اذا قصدك تهين اسمي عشان تشمت العذال حشى لاانت ولاغيرك ولاعشره من اشكالك ( منقولة)

إضافة رد
 
أدوات الموضوع انواع عرض الموضوع
قديم 10-03-2009, 01:32 AM   #1 (permalink)
امير العشاقق
رومانسي مبتديء
 

ADS
اذا قصدك تهين اسمي عشان تشمت العذال حشى لاانت ولاغيرك ولاعشره من اشكالك ( منقولة)




بسم الله الرحمن الرحيم
السلام عليكم ورحمة الله وبركاته
امابعد...
روآآآيه اذا قصدك تهين اسمي عشان تشمت العذال حشى لاانت ولا غيرك ولاعشره من اشكالك ..,
الروايه الثاني لصديقي من بعد درب المحبه
روآآآيه سعوديه كلمآآتها حسساويه



طبعآآآ الروايه مرره حلوه
واللي مايعجبهم ان يكون عائلات كثير
هم خمس عائلات
بس انا اششهد انها مره حلوه
مو عششان صديقي كاتب
يعني الحق ينقآآآل
وبشششوف تفاعلكم مع الروايه واذا عجبتكم راح انزل لكم الاجزاء
كل يومين او كل 3 ايام
عشان هيك اقول لكم
انها تجنن


مقــدمة الروآآآيه


لو كان العمر لحظات فأي لحظه تختار؟
اذا كان العمر عبارة عن لحظات... قم باختيار اللحظة التي تناسبك



لحظة الفــرح
ما أبهظ ثمن الفرح في هذا الزمان .. وما أروع لحظاته إنها كالغيث تنزل على صحراء أعماقنا العطشى فتزهر
كل المساحات القاحلة بنا .. إنها تلوننا .. تغسلنا .. ترممنا تبدلنا ... تحولنا إلى كائنات أُخرى... كائنات تملك
قدرة الطيران فنحلق بأجنحة الفرح إلى مدن طال انتظارنا واشتياقنا لها


لحظة الحــزن
الحزن.... ذلك الشعور المؤلم .. وذلك الشعور المؤذي وذلك الشعور المقيم فينا إقامة دائمة .. فلا نغادره.. ولا يغادرنا
يأخذنا معه إلى حيث لا نريد .. فنتجول في مدن ذكرياتنا الحزينة ونزور شواطئ انكساراتنا ... ونغفو.. نحلم بلحظة
أمل تسرقنا من حزننا الذي لا ينسانا .. ومن قلوبنا التي لا تنساه


لحظة الحــب
معظمنا يملك قدرة الحب ... لكن قلّة منا فقط يملكون قدرة الحفاظ على هذا الحب ... فالحب ككل الكائنات الأُخرى
يحتاج إلى دفء وضوء وأمان .. لكي ينمو نموه الطبيعي فلكي يبقى الحب في داخلك، فلابد أن تهيئ له البيئة
الصالحة ولابد أن تتعامل مع الحب كما تتعامل مع كل شيء حولك يشعر ويحس ويتنفس.. فلا تظلم الحب.. لكي لا
يظلمك الحب
إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد.. لا تحزن على الأمس فهو لن يعود
ولا تأسف على اليوم .. فهو راحل
واحلم بشمس مضيئه في غد جميل




في بيت متواضع جدا وصغير متكون من غرفيتن وصاله ومطبخ ومجلس ودورة مياه(تكرمون) حالتهم الماديه جدا صعبه
وعدد الاشخاص اللي ساكنين في هالبيت 11شخص!!!!! وبنتعرف عليهم واحد واحد
يتكون من اب وام و6بنات و3 اولاد بنتعرف عليهم
جاسم:الاب متقاعد وعنده تاكسي وعصبي ودائما يضرب في زوجته وعياله بسبب وبدون سبب بعدين نعرف ليش دائما يضربهم عمره44سنه
شريفه:طيوبه وحنونه على عياله والسبب اللي مصبرها على زوجها عيالها وتحب عيالها موت (مافي ام ماتحب عيالها)عمرها39سنه
البنت الكبيره مشاعل:طيوبه وحبوبه عمرها 22سنه خلصت ثانوي وجلست في المطبخ خخخ تعشق شي اسمه طباخ دائما في المطبخ بيضه شعرها اسود
ريتاج:حلوه وطيوبه عمرها19خلصت ثانوي بنسبه 96% وطموحها تكمل بس ابوها رفض لانه قبلوها خارج الاحساء وبما انها شاطره متكفله بتدريس اخوانها جميله جمال رباني وبشرتها بيضه وصافيه وفيها غمازة على خدها الأيمن محليتها أكثر وشفايفها وردية وخدودهـآ حمرـآ وجسمهـآ جنـآن شفـآيفـهـآ توتي صغيره وعيونهـآ عسسليه وآسعه وذبـآحه وشعرها الحريري البني الفاتح طويل لين خصرها فيه لمعه جسم عارضات الازياءلا طويله ولا قصيره وسط
اريج:عمرها18تدرس في ثالث ثانوي حلوه وشعرها اسود لنص ظهرها وبيضه وعيونها سوداء
منار ومنال :تــؤام بس غير متشابه وعمرهم 17 سنه وماخذين الحياه كلها طنازه ويدرسون في ثاني ثانوي منار حلم حياتها الزواج خخ منال بشرتها بيضه ومنار برونزيه
محمد:عمره 16سنه في اول ثانوي حلمه يخلص عشان يساعد ابوه في المصروف
احمد:عمره 15سنه في ثالث متوسط وكل دواره في الشارع
ابرار:عمرها 13سنه
علي:عمره 9سنوات دلوع امه
في غرفة البنات(البنات في غرفه والاولاد في المجلس)
جلست ريتاج طالعت في الغرفه مافيها احدشافت الساعه 9صباحآآ
ريتاج بحزن:كلهم في المدرسه الا انا واكيد شعوله في المطبخ
قامت ريتاج وعدلت شعرها ورتبت الغرفه وراحت المطبخ
دخلت ريتاج ومشاعل كاالعاده تشتغل في المطبخ
ريتاج بدون احم ولا دستور:تمنيت اني راسبه عشان بس اظل في المدرسه
مشاعل:هههه شنو لك بعوار الراس الناس تكره الدراسه وانتي تحبينها وبعدين ماتدرين يمكن الله يهدي ابوي وتقدمين السنه الجايه اوراقك وتدخلين الجامعه اللي تبينها
ريتاج:متسحيل مافي امل
مشاعل:لا المفروض تقولين ان شاءالله ومافي شي بعيد عن الله
ريتاج:والنعم بالله الله كريم
مشاعل:ايوه خلك كذ متفائله تفائلو بالخير تجدوه
ريتاج:الا صج وين امي
مشاعل:جالسه تفطر بالحوش روحي فطري معاها
ريتاج: اوكي
راحت ريتاج عند امها
ريتاج:صباح الخير يا اغلى ام
شريفه ام محمد:صباح النور ياحبيبتي
ريتاج:وين الوالد عنك
ام محمد:هاذي هو من يطلع يوصل خواتك مايرجع الا الظهر يروح يترزق الله
ريتاج:عدل اجل شنو مجلسك في الحوش
ام محمد:اغير جو يابنيتي
ريتاج:الظاهر امي الحبيبه زهقانه
ام محمد:الحمد الله على كل حال
ريتاج:خلني اقوم اتابع التلفزيون لو الحين ابوي موافق اني ادرس كان انا الحين في الجامعه بس الحمد الله
وراحت ريتاج نزلت دمعه من ام محمد على حال بنتها
الظهر وقت رجوع العيال من المدراس
في الصاله جالسه ام محمد تقطع بطيخ وريتاج جالسه جنبها
دخلت ابرار رمت شنطتها
ابرار:اففففف زهق مانبي مدرسه
ام محمد: وعليكم السلام بعد سلام المدارس غير شكله
ريتاج:ههههههههههه
واشوي الايدخلون الاولاد
محمد احمد:السلام
ام محمد ريتاج:وعليكم السلام
ام محمد:علاوي حبيبي تعال
وراح لحضن امه
واشوي ويدخلون
اريج ومنار ومنال:السلام
ام محمد ريتاج:وعليكم السلام
منال:جوعاااااااااانه الف بسرعه حطو الغدى
ام محمد:روحو بدلو على مايجي ابوكم الا الغدى جاهز
منار:السالفه فيها الوالد العزيز يعني بنتغدى العصر
البنات:ههههههههههههه
الا بدخلت ابوهم البنات راحو غرفتهم حتى ريتاج
في غرفة البنات
ريتاج:تعالو بس قولو لي شنو سويتو في المدرسه
منال:رتوج انتي فاضيه حدك احنا جوعانين وتعبانين بنتغدى وبننام
منار:ويعني شنو تبينه يصير في المدرسه زواج اكيد دراسه واختبارات وخرابيط
البنات:هههههههه
ريتاج:مالت عليكم اكلتوني بقشوري حتى الواحد مايشتهي يسالكم تعالي اروج قولي لي شنو صار
الا بدخلة مشاعل
مشاعل:بنات غدى
منار:خيتو الله والغدى مفطح
مشاعل:اقول حمدي ربك وقومي اكلي
منار:الحمد الله
اريج:انزين مافيه امكانيه نتغدى براحتنه
ريتاج:احد ماسكك
اريج:وين ناخذ راحتنه مع ابوكم واحنا ناكل نرتجف
البنات:هههههههههههههه
مشاعل:بلا كثرة حكي ويالله قومو تغدو
على الغدى
سفره على الارض ومتزاحمين اشوي 11 شخص
الكل ساكت
بومحمد: ها يااولادشلون الدراسه
محمد احمد:زينه
منار بصوت ماتسمعه الا منال:يعني بس يسال عن اولاده واحنا بطقاق
منال:هههههههههه
بومحمد بشبه عصبيه:اشفيك ضحكينه معاك
منال ارتبكت:لالا مافيني شي بس تذكرت نكته
بومحمد:ماتذكرتيها الا على الاكل
ام محمد:خلها ماعليك منها وتغدى
بومحمد:وين الواحد يتغدى عدل وهالوجيه قباله
وقام غرفته
منار:احنا اللي ميتين عليك
البنات:هههههههههه
الا بصوت الجرس
منار:يؤؤؤ خطاب جاين الحين ما بعد نقوم من الغدى
مشاعل:وانتي هاذي اللي هامك قوم علاوي افتح الباب
راح علاوي جنب امه يدلع
ام محمد:لا يطلع علاوي تصيبه ضربت شمس
ريتاج:الحين بس بيطلع على الباب بتصيبه ضربت شمس اقول احمدوه قوم افتح
وقام احمد
منار:بقوم اتجهز واعدل روحي عشان تخطبني انا
البنات ههههههههههه
......:السلام عليكم
الكل:وعليكم السلام
ام محمد:هلا يمه تفضلي
قام الكل يحب راس جدته
منار:وي هاذي انتي ياجدتي عبالنا خطاطيب
الجده:مالت عليك مادري مين اللي امه داعي عليه يجي يخطبك
الكل:ههههههههه
الجده:انا تغديت وقلت خلني اجي اشرب الشاي معاكم
ام محمد:حياك الله يايمه في اي وقت
الجده:اشوف وجهك منور مافيه ازرق واحمر شكله من زمان ماضربك
ام محمد:اي اهو اليومين الله هاديه
الجده :جعل ان شاء الله دوم
ام محمد:الحمد الله على كل حال
الجده:والله لو بيتي كبير كان خليتك تجين بيتي ولا تعيشين هالمذله
ام محمد:خليني جنب عيالي
الجده:انتي بعد الله يهديك من تزوجتي كل سنه تحملين لمن سطرتيهم تسعه لو الحين عندك اربع لو خمسه كان اخذتك بيتي اهو ينجلع يدور له وحده يضربها
ام محمد:سكتي يمه لا يسمعك ترى البيت مو من كبره
منار:جدتي واحنا شفينا فينا الخير والبركه
الجده:مالت ماحد فيكم عدل الا مشاعل وريتاج
ريتاج: احم احم
اريج:اي هين جدتي عندها الناس الزنين اللي يشتغلون في البيت
منال: حتى احنا نشتغل الدراسه اكبر شغل
الجده:انتو ماتدخلون المطبخ الا في رمضان
منار:اقول بنات احنا تعبانين قومو ننام لا تطلع الشيب فينا جدتنا المصون
الكل:هههههههههه
راحو البنات غرفتهم
الجده:ذي مادري على مين طالعه لسانها طويل يبي له قص
ام محمد:هههههه
الجده:انتي بعد يابنتي لو جايبه لك اخو او اخت بس الله ماكتب جبتك وتوفى ابوك ولا كان الحين سكنتي عند اخوك او اختك احسن لك من العيشه مع هذا اللي العيشه معاه تقصر العمر وتتطلقين
ام محمد:الحمد الله على كل حال وين اتطلق يمه بعد هالعمر
الجده: الله يوفق هالبنات وان شاء الله الله يرزقهم بالازواج الصالحه يارب ياحبيبي
ام محمد: الله يسمع منك
في حي من ارقى الاحياء وفي قصر من ارقى القصور
نتعرف على العائله اللي تسكن في هالقصر
الاب عبدالعزيز عصبي جدا وعياله يخافون منه ولا يرفضون له طلب واذا يضحك يوم يسون حفله خخخ وله هيبه اذا دخل محل الكل يوقف له صاحب شركة مقاولات وشركة سيارات وعنده عمارات ومعروف في السعوديه كلها والخليج عمره 57سنه واكثر واحد يحبه من عياله الوليد لانه الكبير واول فرحته ولان اول ماتزوج ماجاب عيال الا بعد خمس سنين
الام لطيفه طيبه وحنونه بس مغروره اشوي دائما تحب تتفاخر وتحب لعيالها افضل الاشياء وعيالها اي شي يبونه من ابوهم يجون حق امهم يطلبونه منها وعمرها48سنه بس متشببه اي الخير واجد خخخخ
الوليد:انسان طيوب وحبوب بس مغرور مره وعمره 30سنه يدرس طب في لندن باقي له شهر وويخلص ويرجع السعوديه وجميل جدا وطويل وعريض وجسمه رياضي وخشمة سلة سيف والسكسوكه محليته بزياده يجنن ويخقق عيونه نـآعسسه حلو بالحيل وسيم شعره أسود وطويل وعيونه بنية ورموشه كثيفه وعنده غمازتين شكله جنان لما يضحك والبنات خاقات عليه
طلال:عمره27سنه وخاطب بنت عمه جيهان بس موراضي يتزوج الحين ماسك معرض من معارض ابوه بشرته برونزيه عيونه ناعسة وحلوة شعره بني كثيف
مرام:عمرها25سنه طيوبه وحبوبه وعكس امها متواضعه خلصت الجامعه وجلست في البيت ماعليها قاصر شعرها اسود يوصل لتحت كتفها قاصته مدرج وصابغته خصل اشقر
فارس:عمره 22سنه ويدرس وصايع ومايع وابوه مايدري عنه لو يدري عنه كان يذبحه وكل بره مع ربعه وكل سفر
صمود:عمرها20سنه طيبوبه طويلة لسان اشوي تحب السوق كل يومين ثلاثه راحت السوق تدرس في الجامعه تخصص هندسه ديكور سنه ثانيه شعـرهـآ أسود بخصـل خفيف أحمـر فرـآوله قصيـر لكتفهـآ
دانه:اخر العنقود عمرها19سنه مغروره حيييييييييييل والكل مو عاجبها والكل عندها اقل منها في المستوى تدرس في الجامعه تخصص انجليزي شعرها لونه بني قاصته الشلال ويوصل لنص ظهرها بشرتها بيضه
ام الوليد جالسه في الصاله الكبيره جدا
دخلت صمود
صمود:السلام
ام الوليد:وعليكم السلام من وين جايه
صمود:طلعت من الجامعه ورحت مع صديقاتي العثيم تغدينا وتسوقنا
ام الوليد:يؤؤؤ ابي اسبوع يمر ما تروحين السوق
صمود: تبيني اموت
ام الوليد:ههه اقول خفي رجولك لا اعلم ابوك
صمود:يؤؤؤ هاذي عندك دانوه ماتجلس في البيت وفروس وطلول بس انا يعني
ام الوليد:خلاص طلعي غرفتك ذلفي اكلتيني بقشوري
صمود صعدت غرفتها الا بنزلت طلال
طلال:هلا يامو
ام الوليد: هلابيك وين على الله
طلال:وين ياحبيبتي اكيد المعرض
ام الوليد:انزين متى بتفرحني يا وليدي
طلال:يمه كم مره اقولك بعدين
ام الوليد:الى متى يعني؟؟
طلال:خطبه وخطبت خلاص وانا قايلكم بخطب ومتى ماقلت بتزوج جيت لكم وقلت لكم لاتخافين
ام الوليد:انزين اخاف البنت تزهق او شي
طلال:احنا قلنا لهم واهم موافقين لاتكبرين السالفه يمه
ام الوليد:لا بس يا وليدي ابي افرح بعيالي ماعرست لاولد ولا بنت
طلال:عندك الوليد بس يرجع خطبي له ويالله يمه تاخرت بايو
ام الوليد:باي الله يحفظك
نزلت مرام
مرام:هلا الوالده جالسه لحالها
ام الوليد:اي جالسه جنب هالتلفاز دانوه نايمه وطلول في المعرض وصمود توها جاي من بيتها الثاني وفروس هايت
مرام:ههههه انا بجلس جنبك ويالله سولفي يايمه
ام الوليد:والله يابنتي ودي ازوج هالعيال بس يجي الوليد بخطب له
مرام:حاطه عينك على احد
ام الوليد:كلمته انا قلت له قولي مين تبي اروح اخطبها لك قال لمن اجي
مرام:هو يقول مايبي من العائله
ام الوليد:احسن كفايه اخوك بياخذ بنت عمك خلنا نتغير وانا الصراحه مالي خلق عليهم بس ابوك
مرام:واشفيهم بنات عمي الف واحد يتمناهم وكفايه انهم من عائلتنا
ام الوليد:الاقارب عقارب
الا بدخلة ابو الوليد
وقفت ام الوليد ومرام
ابو الوليد:السلام عليكم
ام الوليد راحت له تركض:هلا وعليكم السلام
مرام راحت حبت راس ابوها
ام الوليد:وينك ماجيت تتغدى
ابو الوليد:عندي شغل
ام الوليد:الله يوفقك يانظر عيني
ابوالوليد وزجته راحو غرفتهم وحتى مرام راحت غرفتها
في فيلا كبيره بس مو اكبر من قصر ابوالوليد
وفيه عائله تتكون ...
الام حصه:ام راشد اخت بو الوليد مره طيبه جدا تحب عيالها وعيال اخوها وحنووووونه ارمله من خمس سنوات وعمرها 49سنه
راشد:عمره 26سنه يشتغل في شركة خاله ابو الوليد
سلوى:عمرها24سنه متزوجه من خالد ولد خالها وتمووووت فيه وحتى هو وهي حامل في الشهر الثامن اول طفل لهم
سهى:عمرها20سنه تدرس في الجامعه نفس تخصص صمود وصديقتها شعرها يوصل لنصر ظهرها وصابغته هايلات بني وعليه اشقر محليها اكثر مع بشرتها البيضه وعيونها البنية طيووبة
ام راشد جالسه مع عيالها
ام راشد:ها سلوى شلونك اليوم
سلوى بتعب:يمه كل يوم اتعب اكثر دايم احس اني بولد
ام راشد:هههه لازم البكر يتعب اكثر
سهى:عاد ان شاء الله تطلع حلوه على خالتها
راشد:اذا طلعت عليك بتبرى منها
سهى:لا والله اش شايفني
سلوى:شدراكم انها بنت يمكن ولد
سهى:عاد بنت او ولد اهم شي تطلع علي
الكل:هههههههههه
ام راشد:شخبار مرت خالك
سلوى:بخير
راشد:وخلود
سلوى:طيب
ام راشد:ليش ما تجلسين عندنا لين تولدين
سلوى:قلت حق خالد بس مارضى
ام راشد:تبيني اكلمه
سلوى:لالا مايحتاج بس النفاس بصير عندكم
ام راشد:على راحتك
وفي فيلا عبدالرحمن
الاب عبدالرحمن:ابوخالداخو بو الوليد وحصه عنده خير من الله وعنده شركه طيب وحنون على عياله عمره54سنه
الام مريم:مره طيوبه وتحب زوجها وعيالها واي شي تطلب من زوجها ينفذه عمرها47سنه
خالد:عمره 31سنه متزوج سلوى ويموت فيها ومستانس انه بيجي له طفل ويشتغل في شركة ابوه
فهد:عمره29سنه اعزب وصديق الوليد يشتغل في شركة ابوه
حلا:عمرها25سنه متزوجه من سعود ولد عمها راضي عندها بنتين ايلان عمرها 4سنوات ووتين عمرها سنتين
جيهان:عمرها23سنه خطيبت طلال وتموت فيه وشعرها قاصتة الفراولة محليها بالحيل مع لونه الاسود والخصل الثلجيه وعيونها الواسعه ولونها الأسود وبشرتها البرونزيه
بشار:عمره 22سنه كل مع فارس وسسيم مغازلجي شعره اسود سوآد الليل ودايم سبـآيكي بشرته بيضه
لجين:عمرها20سنه وكله في السوق مع صمود وتموت في شي اسمه الوليد بس مايدري عن هواء دارها بس صمود تدري حلوه شوي شعرها بني يوصل لنص ظهرها عيونه بنيه بشرتها برونزيه
في غرفة جيهان
طقت الباب لجين ودخلت
لجين:ممكن ادخل
جيهان:دخلتي وخلصتي
لجين:ها جالس تفكرين في طلول
جيهان:احترمي نفسك اسمه الاستاذ طلال
لجين:اوووووه قمنا ندافع
جيهان:ههههههه
لجين:الا بسالك ماحددو للحين متى الملكه والزواج
جيهان بتحطيم:لالا
لجين:الله يعينك شكلهم مطولين لهم سنه من خطبوك و للحين ماتكلمو
جيهان:على ما سمعت لم يرجع الوليد بيزوجونه وبعدين انا مع حبيبي طلال
لجين انتي مع حبيبك طلال وانا مع حبيبي الوليد:اهااا من الحين حبيبك
جيهان:اكيد زوجي لازم يصير حبيبي
لجين:عليك بالعافيه وعقبالي
جيهان:ههههههههه الله كريم
وفي فيلا اخرى واخر عائله في قصتنا
فيلا راضي
الاب راضي:بوسعود اخو عبدالعزيز وعبدالرحمن وحصه رجل طيب ومثل اخوانه عنده شركه عمره 53سنه
الام نوريه طيبه بس كل مشاكل مع زوجت ولدها سعود عمرها47سنه
سعود:عمره 31 سنه متزوج حلا بنت عمه عبد الرحمن وعرفناكم على بناته صديق خالد ويشتغل في شركة ابوه
حمد:عمره 29سنه اعزب دكتور واهو والوليدوفهد ربع
هيثم:عمره26سنه يشتغل في شركة ابوه
تميم:عمره24سنه مايبي يشتغل ابوه كل يحن عليه يجي يشتغل وكل في النادي
سلافه:عمرها21سنه تحب الوليدونفس الشي مايدري عن هواء دارها عيونها سود شعرها لنص كتفها أشقر
سندس:عمرها19سنه صديقة دانه ونفس الشي دلوعه ومغروره حلوه وشعرها لونه كستنائي وبشرتها سمره
رنيم:عمرها 18سنه في ثالث ثانوي شعرها شلال بني غامج وحلوة مملوحة غامضه
ام سعود:حلا حلوه حلوه وصمخ
حلا:هلا خالتي شفيك
ام سعود:اخذي بناتك شقتك ازعجونا ولا تنزلينهم
حلا:الله على الجده الحنون هاذي حفيداتك وتتضايقين منهم
ام سعود:اي حفيداتي احبهم بس مايزجعوني بعد ياريت اولاد بنات يام البنات
حلا:وشفيهم البنات على ما اعتقد ان عمي يوم جبتي تميم عزم يتزوج عليك بس عشان البنات بس بسرعه تلاحقتي عمرك وجبتي بنت عدل ولالا
ام سعود:بعد طلع لك لسان ياحلوه اي طلعتي على حقيقتك
حلا:الساكت عن الحق شيطان ايلان وتين يالله تعالو فوق
ام سعود:هين ارويك لمن يجي سعود
حلا:اعلى مافي خيلك اركبيه
وصعدت غرفتها
وهذي شخصيات قصتنا من الجزء الجاي راح تبتدي الاحداث
انتهى الجزء



التعديل الأخير تم بواسطة سراب عشقي ; 11-26-2009 الساعة 01:18 AM
امير العشاقق غير متصل   رد مع اقتباس
قديم 10-04-2009, 05:20 PM   #2 (permalink)
امير العشاقق
رومانسي مبتديء
 
حرااااااااااااااااااااااااااااااااام عليكم 26 مشاهده ولا واحد فيكم رد
على الاقل رد اوردين يحمسني اذا مارديتو ماراح انزل جزء
امير العشاقق غير متصل   رد مع اقتباس
قديم 10-05-2009, 08:40 PM   #3 (permalink)
._.•°ღ حكآية آحسآآس ღ°•._.
أمير الرومانسية
サラ
 
الصورة الرمزية ._.•°ღ حكآية آحسآآس ღ°•._.
 

آمير العشآق

الروآية روووووعة وآلآحدآث مشوقة
آستمتعتـ وآنآ آقرآ ..
تمنيتـ البآرتـ مآ خلص ^_^
<- ننتظر بآقيـ الروآية خيووو *_^
._.•°ღ حكآية آحسآآس ღ°•._. غير متصل   رد مع اقتباس
قديم 10-05-2009, 11:26 PM   #4 (permalink)
امير العشاقق
رومانسي مبتديء
 
هاذي من ذوقك ولعيونك بنزل جزء ثاني
امير العشاقق غير متصل   رد مع اقتباس
قديم 10-05-2009, 11:30 PM   #5 (permalink)
امير العشاقق
رومانسي مبتديء
 
الجـــــــــــــــــــــــــــــــــــــــــــــــ ـــــــــــــــــزء الثـــــــــــــــــــــــــــــــــــــــــــــــ ـــــــــــانــــــــــــــــــــــــــــــي
اليوم اللي بعده في شركة عبدالعزيز ابو الوليد في مكتب فخم مكتب ابو الوليد
ابوالوليد:هلا بيك شخبارك؟؟
الوليد:بخير الله يسلمك يبه انتو شخباركم
ابو الوليد:بخير يابوك هامتى بتجي؟؟
الوليد:اسبوعين بالكثير ماراح اطول
ابوالوليد:اي بترجع لنا بالشهاده الكبيره وبترفع راسنا وبنفرح فيك
الوليد:الله كريم يالله يبه لازم اسكر الحين
ابو الوليد:حياك الله ياالوليد
الوليد:الله يحيك يبه
انتهت المكالمه
ابوالوليد:اممممم من زمان ماشفت اخواني خلني ادق عليهم واعزمهم على العشى
ابوالوليد:السلام عليكم
بوخالد:وعليكم السلام هلا بالاخو
ابوالوليد:شخباركم وينكم ماتسالون ماكنه عندكم اخوان
بوخالد:بخير الله يسلمك بس مشاغل امر يا اخوي
ابوالوليد:لا بس من زمان ماجتمعنا قلت خلني اعزمكم على عشى الليله
بوخالد:ماتقصر خلاص الليله احنا عندكم
ابوالوليد:حياكم الله
بوالوليد دق على اخته ام راشد واخوه بوسعود ودق على زوجته قالها تتجهز
في احد القهاوي الشعبيه
بوخليل:شفيك يا بو محمد
بومحمد:والله هاليومين افكر في اخواني
بوخليل:اخوانك؟؟؟؟؟؟؟؟؟
بومحمد:اي اشفيك
بوخليل:انت عندك اخوان؟؟؟؟
بومحمد:اي عندي اخوان
بوخليل:احنا جيرانك من 15سنه ماشفناك زرتهم ولازاروك
بومحمد:اوه هاذي سالفه طويله
بوخليل:اي قلها احنا ماورانا شي
بومحمد:السالفه ومافيها الله يطول بعمرك قبل 23سنه
يوم من الايام وسنه من السنين جيت لبوي
جاسم(بومحمد):يبه ابي اتزوج
الوالد:هاذي الساعه المباركه
الوالده:هاتبيني ادور لك
جاسم:لا يمه في وحده في بالي
الوالد:ها من تبي بنت عمك ولا اخت زوجة اخوك عبدالعزيز
جاسم:لا يبه ابي بنت الفراش اللي يشتغل عندنا
الوالد:شنووووووووووووووووووووووووووووووووووووووووو وووووو انا تبيني احط يدي في يد فراش صج ماتستحي على وجهك
جاسم:انا بتزوجها واللي فيها فيها وهاذي انتو تسمعون
الوالد:اطلع بره ياجليل الحيه اطلع بره تزوج لا انت ولدي ولا اعرفك والوررث ماراح تشوف منه شي
بومحمد:اي واقولك يابو خليل كنت طايش ورحت تزوجت ورحت بودي زوجتي لهم بس ارفضو امي عندها عادي بس ابوي اخواني يحاولون يشوفوني بس ابوي يمنعهم وبعد عشر سنوات توفت امي رحت العزا وطردني ابوي وبعدها بخمس سنوات توفى ابوي قلت الحين بترجع العلاقه مع اخواني بس خيبو املي وطردوني ومنعوني من الورث اخوي عبدالعزيز محمد ال.......
وقف بوخليل:ابوالوليد اخوووووووووووووووووووووووووووووووووووك
بومحمد:هههه اي اهو اخوي ولد امي وابوي بس شف الفرق هو وين وانا وين
بوخليل:اجل انت من العمام
بومحمد:هههه المفروض بس الحين انا متحسف قد شعر راسي اني تزوجت اهي صج مو مقصره ام محمد بس غضبت والدي والحين كل اطلع ضيقتي فيها وفي بناتها
بوخليل:اثر طلعت لك سالفه ومن العمام واحنا ماندري انزين ليش ماتروح لهم ثانيه
بومحمد:وكرامتي رحت لهم اكثر من مره وطردوني بس عندي اخت حنونه اهي اكثر وحده تحبني مادري الحين شلون عايشه وشخبارها
بوخليل:الله يعينك
بومحمد:لا خلاص تعاودت 23 سنه بدوونهم الله يسامحهم ويحللهم
بوخليل:الله يعينك ويالله نقوم الحين بياذن المغرب قوم المسجد
وراحو المسجد
في الليل الكل موجود بيت بو الوليد
عند البنات في الصاله الثانيه
دانه:يؤؤؤ شنو مجلسك معاهم قومي نروح غرفتي
سندس:لا خلينا معاهم من زمان مااجتمعنا
دانه:عاد من زين سوالفهم
سندس:اي والله قومي
وراحو غرفة دانه
رنيم في نفسها خلني اقوم اروح معاهم عمري من عمرهم
وراحت رنيم غرفة دانه
دانه:خييير نعم شفيك امري
رنيم:ههه شفيك بجلس معاكم
دانه:ههههه لااسمحي لي ضفي وجهك برا الغرفه انا مو اي احد يدخل غرفتي
رنيم دمعت عيونها
سندس:اي صج احنا مو من عمرك روحي جلسي معاهم
رنيم طلعت وهي تبكي
عند البنات
مرام:تصدقون يا بنات صمودوه قامت تجهز من الحين لي عرس طلال اللي مايندرى متى
البنات:ههههههههههههه
سهى:صمود شدعوه
صمود:يؤؤؤؤ عادي يعني شنو فيها ابي افرح بعرس اخوي وبنت عمي العزيزه جيهانوه
جيهان استحت
لجين:اذا العروس بذات نفسها للحين ماجهزت شي وانتي اخت المعرس جهزتي
صمود:انا كل ما طلعت موضه اشتري واذا تحدد العرس بلبس اخر موضه نزلت
سلافه:الا اهو صج متى بيتزوج؟؟
صمود:وي يوميا احن عليه انا وامي يتزوج نبي نفرح نبي نستانس ونرقص وكل شي نسويه بس موراضي يقول لين يتزوج الوليد
طبعا ثنتين دق قلبهم لطاري الوليد عرفتوهم سلافه ولجين
لجين:ان شاء الله يعرس الوليد قريب عشان تتزوج اختي
صمود تساسر لجين:تبين تتزوج اختك ولا انتي تتزوجين
لجين:ههههههههه
عند الحريم
ام راشد:ها يا ام الوليد متى بيجي حبيبي الوليد؟؟
ام الوليدفي نفسها الحين صار حبيبك تبي تلصقها في بنتها اكيد:كم اسبوع ان شاء الله واهو جاي
ام خالد:ان شاء الله يجي وتفرحين فيه
ام الوليد:ان شاء الله افرح فيه وفي اخوه وغمزت لــــ ام خالد
ام خالد ارتاحت:الله كريم
ام راشد:عاد بس يجي الوليد زوجيه ترى صار كبير
ام الوليد من طرف خشمها:الرجال مايعيبه شي والوليد الف وحده تتمناه واذا على الكبر هاذي فهد وحمد من عمره
ام سعود:وي كل يوم احن على هالحمد بس موراضي
ام خالد:وفهود يقول ماراح يتزوج الا لمن يتزوج حمد والوليد
ام راشد:عزت الله مافرحت بعيال اخوي
ام الوليدمن طرف خشمها:زوجي ولدك
ام راشد:انا وليدي وعيال اخواني كلهم عندي واحد كلهم عيالي يعني
في الزاويه
سلوى:ها شلونك مع خالتك
حلا:والله هاذي انا كل هواش معاها
سلوى:بس جنبنا طيبه حييل
حلا:اي حتى معاي بعض الاوقات مافيه احسن منها وبعض الساعات الله لا يوريك
سلوى:الله يصلحكم
حلا:وانتي شخبار امي معاك
سلوى:خالتي ما في اطيب منها
جات لهم مرام
مرام:شخباركم
حلا:هلا والله تعالي حبيبتي
مرام:هلا بيك ها سلوى شخبار دبتك خخخ
سلوى:ههههه هاذي هي متعبتني مطلعه روحي
مرام:الله يساعدك
عند الرجال
بوخالد:ها يادكتور شلون العياده معاك
حمد:والله متعبتني بس الحمد الله
بوسعود:تزوج يابوك وترتاح
حمد:لا تونا خلنا نتمتع بالشباب
بوخالد:الشيب تارس راسك وتقول شباب
الكل:ههههههههههه
بوالوليد:فارس ناد عمتك من زمان ماشفناها
فارس:ان شاء الله يبه
راح فارس داخل القصر
فارس:ياولد
ام راشد:ادخل يمه
دخل فارس وحب عمته ام راشد على راسها وسلم على امه
فارس:شخباركم يا ام خالد وام سعود
ام خالد وام سعود:بخير
فارس:عمتي يبيك ابوي
ام راشد:ان شاء الله مافيه احد غريب
فارس:لا كلهم حلال
بيطلع فارس الا شاف مرام اخته ونادهـا
مرام :نعم
فارس:وين البنات ما اشوفهم
مرام ضربته :اقول استح على وجهك ورح المجلس احسن لك
وراح المجلس مع عمته
بوالوليد:هلا والله بام راشد
ام راشد:هلا بيك يا اخوي
بوخالد وبوسعود حبو راسها مع العلم انها اصغر منهم بس من حبهم لها
بو الوليد:ها شخبارك ياخيتي عسى بس مو قاصرك شي
ام راشد:لا الحمد الله خيرك سابق ياخوي
راشد:لا بعد هاليومين كله مستانسه بيجي لها اول حفيد
بو الوليد با استغرب:بيجيك حفييييييد
ام راشد:اي ياخوي عقبالك
بو الوليد:الله كريم الحين سلوى قربت تولد؟؟
ام راشد:اي الشهر الجاي
بوالوليد:الايام تركض ياخيتي وكله من عمرنا
ام راشد:اي والله يالله حسن الخاتمه وفي نفسها قالت ويجمع شملنا
قام طلال راح داخل
عند البنات
سهى:صمود عفيه عليك قومي جيبي لابتوبك
صمود:قومي انتي روحي
سهى:وينه
صمود:في غرفتي
سهى:يؤؤ وين عباتي
صمود:روحي مافيه احد كلهم في المجلس
سهى راحت تركض لغرفتة صمود الاتضرب بالهشي الطويل رفعت راسها طلالالالالالالالالالالالال
راحت تركض غرفة صمود
طلال:مين هالقمر امممم شلون اعرفها الحين
عند سهى
سهى:الله يرجك ياصمود وتقولين مافي احد اممم هذا كانه طلال خطيب جيهان الله يوفقهم
طلال قال للخدامه تنادي صمود
صمود:نعم خيو
طلال:روحي غرفتك شكلهم الاطفال يلعبون فيها سمعت ازعاج فيها
صمود:ههههه لاهاذي سهى
طلال:سهههههههى؟؟
صمود:اي اشفيك
طلال:لا ولا شي
راح طلال عند الرجال
طلال في نفسه سهى صارت بالحلاوه هاذي اي حلاوه الا قمر ماراح افرط فيك ياحلوه
بشار:النسيب من مساعه نكلمك شفيك سرحان
طلال بجديه:لا سرحان ولا شي وبعدين اي نسيب انا ماوقعت على ورقة الزواج يعني للحين ماصرت نسيبك اذا وقعت يصير خير
الشباب عبالهم يمزح:هههههههههههههههههههههههههه
في بيت بومحمد في غرفة البنات
منال:اليوم الاربعاءوكلن طالع
منار:اي انا صديقتي كل اربعاء وخميس يتجمعون بيت اهلهم واحنا في هالبيت محبوسين ماعندنا احد نزوره
اريج:وصديقتي تقول بيتهم الاربعاء والخميس كله فاضي كلهم يطلعون
ابرار:ابونا مقطوع من شجره وامي لا اخو ولا اخت ما عندها الا هالام
ريتاج:انزين كل هاالياس على وجيهكم لييييش خلنا نقوم نسوي اي شي عشان نستانس
منار:وين تبينا نروح الملاهي اللي فوق السطح ولا الحديقه اللي في غرفة امي ولا المجمع اللي في المطبخ ولا البر اللي في الحوش
الكل:ههههههههههه
ريتاج:جبتيها قومو نفرش لنا فرشه ونجلس في الحوش ونحط الحب والشاي ونسولف ونلعب وكل شي نسويه خلنا نستانس
قامو البنات وطلعو الحوش الا الاولاد يلعبون كوره
منار:بسسسسسسسسس لقيتها نلعب كوره
البنات:ههههههههه
منار:شفيكم من جد
منال:اي والله
مشاعل:انا وحده موافقه
ريتاج:يالله اجل شو ورانا
اريج :بما انكم مشاعل وريتاج الكبار اهم يقسمون الفريقين
محمد:لالالا مشاعل ووريتاج واريج ومنار ومنال كلكم في فريق وانا واحمدوه وعلاوي وابرار وبنفوز عليكم
ريتاج:اوكي بنشوف العبره في النهايه
منار:مين الحارس
مشاعل:انا
ريتاج:انتبهي عاد نبي نفوز
منار:لحظه بشررررررررررط
الكل:شنووووو
منار:الفريق اللي يفوز يطلب اي طلب من الفريق الثاني لمدة يومين
الكل:ههههههههههه موافقين
وابتد اللعب والكل متحمس
ريتاج تحاور وتعديهم وتسجل هدف
البنات:هيييييييييييييييي كللللللللللوووووش
وتحمس محمد وحاورمنال وبعدها حاور ريتاج وبيحاور منار بس رفسته في بطنه
الكل:هههههههههههههههههههههههههههههههههههه
محمد:ايي كرت احمر بره
منار ببرائه:وي ما اقصد
الكل:هههههههههه
منار:خلاص فاول بس ما اطلع
محمد رفع لي احمد واحمد باالراس سجل هدف
الاولاد:قوووووووووووول
الا بدخلت ابوهم الكل راح يركض دخلو بغمضت عين كلهم صارو بغرفة البنات
بومحمد:وجع يوجعكم حسبي الله عليكم
ام محمد:شفيك يابومحمد
بومحمد بصراخ:عيالك اللي مايستحون قالبين البيت فوق تحت
ام محمد:خلهم يستانسون يلعبون اي انت مو راضي تطلعهم ولا مخليهم يستانسون بعد ارحم من في الارض يرحمك من في السماء
بومحمد عطه ام محمد كف وقام فيها ضرب
عند البنات
ريتاج تبكي:يؤؤؤؤؤ احنا نلعب ونستانس وامي تنضرب على حسابنا
منال تبكي:ليش احنا بالذات كذا ابونا مايحبنا وكله يضربنا وبيتنا شبر في شبر
مشاعل ودمعتها على خدها:قولي الحمد الله على كل حال
اريج وتبكي:حتى يوم لعبنا واستانسنا ما اكتملت فرحتنا
مشاعل: قولو الحمد الله وهذا اللي الله كاتبه لنا والله مايسوي شي عبث لازم فيه حكمه
الكل:الحمد الله
وطلع ابو محمد من البيت وراحو البنات حق امهم ودو لها كمادات
منار:حسبي الله عليه اللي مايخاف الله
مشاعل:لاتقولين كذا مهم يكون هذا ابوك
منال:الله والابو
ام محمد بتعب:بنات بس عاد
البنات:ان شاء الله يمه
في الشارع
بومحمد:هابو فيصل وينك مابينت اليوم
(بوفصيل جار بومحمد وسائق تاكسي ايضا)
بوفيصل:اليوم طحت على رزقه الحمد الله
بومحمد:عاد وين عشان اللي ارزقك يرزقنا
بوفيصل:المطار تخيل يابومحمد في يوم واحد حصلت الف
بومحمد:ماشاءالله اليوم بالف يعني شهر30الف
بوفيصل:لا على حسب بس مااقدر اروح كل يوم
بومحمد:ليش؟
بوفيصل:لانه شوفت عينك من 7الصبح الى الحين 12الليل وجسمي تعبان حيييييييل ماتسوى علي
بومحمد:عدل
بوفيصل:الرزاق في السماء
بومحمد:اي والله
انتهى هذا اليوم وانتهى الجزء معاه
تتوقعون بومحمد يفكر ان يروح لخوانها بعد ماقال له بوخليل ؟؟؟؟
امير العشاقق غير متصل   رد مع اقتباس
قديم 10-05-2009, 11:31 PM   #6 (permalink)
امير العشاقق
رومانسي مبتديء
 
اذا شفت ردوود بنزل جزء واذا ماشفت ماراح انزل
والي يدخل ويقراء ولايكتب رد في ذمته
امير العشاقق غير متصل   رد مع اقتباس
قديم 10-06-2009, 02:22 AM   #7 (permalink)
مخققتهم كلهم
رومانسي مبتديء
 
روايه روعه دليل على روعة كاتبها وصديقه
انتظر الباارت الجاااي
لاتطول علينا
تقبل مروري
مخققتهم
مخققتهم كلهم غير متصل   رد مع اقتباس
قديم 10-06-2009, 11:58 AM   #8 (permalink)
._.•°ღ حكآية آحسآآس ღ°•._.
أمير الرومانسية
サラ
 
الصورة الرمزية ._.•°ღ حكآية آحسآآس ღ°•._.
 

تسلم خيووو ع البآرتـ ^_^

مررررررررة حلووو ^_^

<-- تنظر بآقيـ الاجزآء ^_^
._.•°ღ حكآية آحسآآس ღ°•._. غير متصل   رد مع اقتباس
قديم 10-06-2009, 03:31 PM   #9 (permalink)
امير العشاقق
رومانسي مبتديء
 
الجـــــــــــــــــــــــــــــــــــــــــــــــ ـــــزء الــــــــــثــــــــــــــــــــــــــــــــــالـ ـــــث
فــــــــــي يـــــــــــوم جـــــــــديـــــــــــد
طلال راح لي امه
في غرفة الطعام
طلال:صباح الخير يمه
ام الوليد:من وين طالعه الشمس اليوم
طلال:ليش يمه ؟؟؟
ام الوليد:طلول جالس مبكر
طلال:ههههههه لانه مانمت
ام الوليد:ليش شفيك يمه؟؟؟
طلال:في موضوع افكر فيه البارحه ولا نمت
ام الوليد:يالله قول شنو موضوعك
طلال:يمه مادري شنو اقول وشنو اخلي ومن وين ابتدي
ام الوليد:قول يمه اللي في خاطرك
طلال:يمه ما ابي جيهااااااااااااان
ام الوليد وقفت:شنووووووووووو؟؟؟؟
طلال:اللي سمعتي
ام الوليد:ليشششش عاد؟؟؟
طلال: بس
ام الوليد:لا لازم فيه سبب
طلال:انا بقولك الصراحه انا شفت سهى بالغلط وصراحه عجبتني
ام الوليد:يعني تبي تخطب سهى
طلال:لا عاد مو الحين اذا قلنا لبيت عمي وهدا الموضوع اشوي نخطب سهى
ام الوليد:يعني تدري انك بتسوي مشكله واحتمال يتزاعلون ابوك وعمك
طلال:لا عمي يحترم ابوي كثييير ولا اتوقع بيزعل
ام الوليد:انا اذا علي عادي بس على ابوك
طلال:يمه عاد كلميه
ام الوليد:انا ما اقدر اكلمه تبي روح انت كلمه
طلال:وين اهو ؟؟؟
ام الوليد:فطر وراح يبدل ملابسه وبيروح الشركه
طلال:اجل بكلمه الحين لانه مروق اما اذا جاء من الشغل ما اقدر اكلمه
ام الوليد:روح هاذي صوته نزل
راح طلال يركض لابوه وحب راسه
طلال:صباح الخير يبه
بوالوليد:صباح النور يابوك
طلال:بكلمك في موضوع يبه
بوالوليد:امم الموضوع ما يتأجل؟؟؟
طلال:تقدر تقول يبه
بوالوليد:اوكي خلنا نروح المكتب
ودخلو مكتب بوالوليد
بوالوليد:ها قول امر
طلال منزل راسه: يبه وسكت
بوالوليد:قول تكلم
طلال:يبه انت ماتحب تغصبني على شي عدل ولالا
بوالوليد:اكيييد انا عيالي ما احب اغصبهم على شي مايبونه قول اللي عندك من الاخر
طلال منزل راسه:يبه ابي افصخ خطوبتي
بوالوليدبصراخ:شنووووووووووووووووو تقول؟؟؟ لعب اطفال اهو يبه اخطب لي وبعد سنه تقول ماتبيها استح على وجهك
طلال بخوف:بس يبه انت قلت ماتحب تغصب عيالك
بوالوليد:بس ياجليل الحيه ماجيت وقلت لك اخطب جيهان غصب عليك انت جيتني وبعدين تقول ماتبيها شنو تبيني اقول حق اخوي
طلال:يبه مدام احنا على البر نفترق احسن من نطلق
بوالوليد:وليش اصلا تفترقون استح على وجهك انزين قولي سبب الفصخ
طلال في نفسه يؤؤؤؤ شقول حق ابوي اففف اي لقيتها:يبه احس من كلام خواتي عنها ان مانصلح حق بعض
بوالوليد:تحكم على البنت من كلام انت ماعاشرتها
طلال:يبه انا من اول مومقتنع فيها
بوالوليد:الله يفشلك تبي تفشلني تخيل ان واحد يعطيك هديه وبعدين تروح ترميها في وجهه شنو بتكون ردت فعله بيستانس؟؟؟ اكيد بيزعل وحتى لو يحبني ويحترمني يمكن مايبين لي بيحط في خاطره هذا اخوي اخوي تفهم هذا يوم رحت خطبتها قالي البنت بنتك على كيفك انت اللي قرر والحين تبيني اقوله ما ابي بنتك شنو تتوقع بيرد علي انا اللي قاهرني ان ما ابي بنت اخوي تتعذب معاك بس ما اقدر اقول لخوي ما ابي بنتك ما اقدر ازعل اخوي عشان تصرف طفل من ولدي
وطلع من البيت
جات ام الوليد
ام الوليد:ها شصار؟؟؟
طلال بتحطيم:مادري قام يصارخ علي
ام الوليد:شلون يعني بيكلم عمك ولا شلون؟؟؟
طلال:يمه مافهمت منه شي عطاني محاظره وطلع مافهمت منه شئ ياريتني ماكلمته
ام الوليد:الله يعينك ياوليدي
طلال:اوكي اخليك يامو بروح انام مانمت البارحه
وراح طلال غرفته
ام الوليد:لو قايل مايبي جيهان ويبي وحده من بنات اختي كان زين بس ماسوه شي مايبي جيهانوه وبياخذ بنت حصيص
في بيت ابو سعود
ام سعود:اقول يابوسعود شكلها بنت اخوك مافي اولاد
بوسعود:الله يهديك يا ام سعود توها الحين اهي ماجابت 9بنات توها بنتين
ام سعود:هاذي انت تسمع ان جابت البنت الثالثه بزوج ولدي
بو سعود:الله يهديك مستعجله على احفادك عندك حمد وهيثم زوجيهم ويترسون لك البيت اولاد وبعدين شفيهم البنات البنت رحمه والولد نعمه
ام سعود:لالا انا ابي ولد من ولدي الكبير ولد الكبير معزته غير
ابو سعود:اقول خلني اروح الشركه
الا جاء حمدوسلافه
حمد:هلا يمه شفيكم تصارخون
ام سعود:ابي اشوف ولد ولدي قبل ما اموت
حمد:عقب عمر طويل
ام سعود:اقول ترى صديقكم الوليد بس يجي بتزوجه امه
سلافه فرحت وارتبكت:وماقالو مين العروسه
ام سعود:عاد لطوف ماتقول بس عمك عبدالعزيز ما اتوقع يخلي ولده ياخذ وحده من برا العائله
حمد:لا عمي عنده ديمقراطيه
ام سعود:لالالالا بتشوفون ان شاء لله يصير من نصيبك ياسلافه
سلافه في نفسها الله كريم
حمد:ليش بالذات سلافه
ام سعود:اهي انسب وحده له لانه اكبر وحده من بنات العائله من اللي ماتزوجو جيهان بس اكبر منها وهاذي هي محجوزه لطلال
حمد:الله يكتب اللي فيه الخير
سلافه سرحانه بالزواج صدقت عمرها
في مكتب بوالوليد
بوالوليد:اممممممم الله يفشلك ياطلول شنو اسوي الحين
بوالوليد ناده السكرتير
السكرتير:هلا والله طال عمرك
بوالوليد:هلا بيك ناد لي راشد
وجاء راشد
راشد:هلا طال عمرك
بو الوليد:امم ابيك بموضوع شخصي
راشد:امر انا تحت امرك
بوالوليد:انت ماتبي تتزوج
راشد استغرب وفتح عيونه:ههه الله كريم
بوالوليد:انزين شرايك اخطب لك اذا ماتبي تتزوج الحين تزوج بعدين
راشد:بس انا مو مستعجل واذا يونسك هالشي خلاص اخلي امي تدور لي عروس
بوالوليد:عروستك عندي
راشد استغرب اكثر:ومين اهي؟؟؟
بوالوليد:امم جيهاااان بنت خالك عبدالعزيز
راشد فتح عيونه مو فاهم:جيهاااااااااااااااااان؟؟؟؟؟
بوالوليد:اي
راشد:بس جيهان
قاطعه بوالوليد:ادري بتقول مخطوبه طلال يبي يفسخ الخطوبه وانا ما اقدر ازعل اخوي شف اذا تبيها تتزوجها وتحافظ عليها وتصونها مو تتزوج عشان انا قلت لك تزوجها وابي هالموضوع ماحد يدري فيه حتى جيهان
راشد:ان شاء الله يا خالي بس شنو بنقول لخالي عبدالعزيز
بوالوليد: خل كل شي علي
بعدها بنص ساعه في شركة بوخالد
السكرتير:عمي بوالوليد بره يبي يدخل
بوخالد بعصبيه:شنوووو عمك بوالوليد اذا جاء تخليه يدخل على طول بدون استذان حتى لو عندي اجتماع فاهم يالله روح خله يدخل
السكرتير:حاظر طال عمرك
دخل بو الوليد ودخلت هيبته معاه
بوالوليد:السلام عليكم
بوخالد مستغرب من الزياره المفاجأه:وعليكم السلام هلا بيك تفضل
بوالوليد:انا جايك بموضوع خاص
بوخالد:تفضل ياخوي قل اللي في خاطرك
بوالوليد:الصراحه ياخوي خجلان منك
بوخالد:افااااا قول اللي عندك لو تبي عيوني اعطيك اياها انت اخوي وعضيدي وعزوتي
بوالوليد:الموضوع ومافيه ان توني عارف بالصدفه ان راشد يبي جيهان
بو خالد استغرب وفتح عيونه
بوالوليد يكمل:وتدري ياخوي راشد يتيم و ولد اختنا الوحيده وولدها الوحيد ولا حبيت اكسر بخاطره والله وصى بالايتام وعشان كذ انا جايك افصخ خطوبة طلال واخطبها لراشد
بوخالد انصدم مو عارف شنو يقول
بوالوليد:ها شقلت
بوخالد:انزين تكسر بخاطر ولدك؟؟؟
بوالوليد:لالا لاتخاف تعرفني انا فهمت الولد ولا بيحقد لا عليك ولا على راشد بالعكس تزيد محبتهم وبعدين راشد يتيم
بوخالد:خلاص اللي تشوفه ياخوي
وبعدها ودع بوالوليد اخوه
العصر بيت بوالوليد
دخل بوالوليد والكل موجود بالصاله
بوالوليد:السلام
الكل وقف:وعليكم السلام
بوالوليد بعصبيه وبدون مايطالع فيهم:طلول
طلال بخوف:هلا يبه
بوالوليد بعصبيه اكثر:موضوعك انحل خلاص فصخنا خطوبتك بس مو عشان سواد عيونك عشان بنت اخوي ماتتعذب معاك ها استانست الحين الله لايوفقك
وراح غرفته
راحت ام الوليد وراه
ام الوليد:ماتدري يمكن خيره ليش معصب
بوالوليد:من تصرف ولدك الطفولي اجل انا اخر عمري اكذب على اخوي بس انا ماكذبت عشانه عشان بنت اخوي سود الله وجهه
ام الوليد:كل واحد ماياخذ الا نصيبه
بوالوليد:بس شوفي اذا يبي يخطب يخطب ويملك لا يقول يخطب وبعدين يملك لالالا تبين يسوي لي سالفته مره ثانيه
ام الوليد:ماعليك منه هاتبي احط غدا لك
بوالوليد:ما ابي سد نفسي الله يسد نفسه
ام الوليد:اذكر الله وتعوذ من الشيطان
بوالوليد:الف من ذكره طلعي بس خلني انام
وطلعت من غرفتها وهو نام
في الصاله
مرام:شنو الكلام اللي سمعنا
طلال: اي صج شفيكم
صمود:بس جيهان ماتستاهل
طلال:خلاص سكرو الموضوع
دانه:عادي شفيها الرجال غير رايه
طلال:انتي اللي فاهمتني اوكي باي بروح المعرض
وطلع الى المعرض
في بيت بوخالد
بوخالد قال حق ام خالد السالفه
ام خالد:شنوووو وبعد اذا راشد يبيها خلاص طلال جا قبله من سبق لبق
بوخالد:المهم انتهى الموضوع ابيك الحين تقولين حق جيهان
ام خالد:مسكينه بنيتي متعلقه في طلال
بوخالد:مابااليد حيله
ام خالد:بروح اقول لبنتي
ام خالد في غرفة جيهان وقالت لها السالفه
جيهان والدموع في خدها:شنو هالخرابيط مخطوبه سنه وحبيته وتعلقت فيه وبالاخير يبي يضحي عشان اليتيم
ام خالد:شنسوي بس احسن يابنتي افترقتو الحين احسن من انكم تتطلقون
جيهان:بس انا رسمت حياتي ان طلال اهو زوجي
ام خالد:بس راشد يحبك طلال يمكن خطبك بس كذا اما راشد يحبك
جيهان:سوو اللي تبونه
ام خالد:يعني موافقه على راشد
جيهان وهي تبكي هزت راسه بايه
ام خالد:الله يوفقك يابنيتي
وطلعت ام خالد وجيهان غطت وجها بالمخد وبكت
في بيت ام راشد
راشد:يمه بقولك سالفه ولا تقاطعيني
ام راشد:ان شاء الله
راشد:يمه ترى انا كنت احب جيهان وبعد ما انخطبت خلاص بديت انساها وبالصدفه عرف خالي عبدالعزيز وقالي خلاص بخطبها لك وفهم ولده اني انا احق ابها وولده مازعل لانه مايحب جيهان خاطبها بس لانه بنت عمه وخالي عبد العزيز قال بيخطبه لي
ام راشدمستغربه:السالفه تحط العقل بالكف
راشد:هذي اللي صار وتوه من اشوي متصل خالي بوخالد وقالو موافقين
ام راشد:انزين وتبي تتزوج الحين
راشد:لا نصبر شهر اوشهرين
ام راشد:ما عندي شي اقوله لك غير الله يوفقكم
بعد المغرب كل العائله درت كل واحد يقول لثاني
في بيت بومحمد
بعد ماخلصو عشاهم البنات راحو غرفتهم
اريج:اليوم بعد مثل امس زهق
منال:احنا الاربعاء والخميس عطلتنا المفروض نستانس فيها واحنا نزهق اكثر
ريتاج:عاد البارحه لعبنا كوره وفي الاخير انضربت امي اليوم شنو بتسون بعد
منار:امممم لقيتها
البنات:شنوووووو
منار:نسوي زواج
البنات:هههههههههههه
منار:شفيكم ما امزح ناخذ وحده منا ونعدل شعرها ونحط لها مكياج عشان نطير الزهق
منال:من وين المكياج
منار:مكياج امي عاد احنا مو عرس صج على خفيف
مشاعل:صج فكره ترى
رتياج:عاد مين العروس خخخخ
منار:انتي
ريتاج:انااا؟؟
اريج: اي صج انتي
منال:اجل يالله نبتدي
منار: انا ومنال نعدل شعرها ومشاعل واريج عليكم المكياج
ابرار:واناا
منار:انتي المعرس
البنات:ههههههههههههههههههه
وابتدو يعدلون في ريتاج خربطو فيها وطلعت حلوه هي بدون مكياج حلوه ويوم حطت المكياج صارت احلى بكثير
مشاعل:يالله الحين شوفي روحك في المرايه
ريتاج شافت نفسها واستغربت:وااااااااااااااااااااااو هاذي انا
البنات:هههههههههههههه
اريج:صرتي قمر
منار ومنال:كلللللللللللللللللللللللللوووووش
الا بدخلة امهم
ام محمد :شفيكم عندكم ع... سكتت بعد ما انتبهت لريتاج
ام محمد مندهشه وريتاج استحت
ام محمد:حسبي الله على ابليسكم شمسوين في اختكم
منار: ههههه من الزهق يمه
ام محمد طلعت من غرفة البنات
ام محمد في نفسها ان شاء الله اشوفك عروس عن حق وحقيقه ريتاج قمر بس الناس معميه عيونهم
ريتاج:بروح اغسل لا يشوفني ابوي
وطلعت من الغرفه الا بدخلة ابوها
بو محمد استغرب من هالبنت وبعد ما دقق عرف والله طلعت بنتي قمر وانا مادري عطاها ابتسامه ودخل غرفته
ريتاج استغربت راحت غسلت وجهها وراحت لخواتها وقالت لهم اللي صار
في غرقة بومحمد
بومحمد:شفتي بنتك شنو مسويه في نفسها
ام محمد:اي والله طالعه قمر 14 يابخت اللي بياخذها
بومحمد:وينه ياحظي في ناس عندهم 10 بنات ويتزوجون وحده وراء الثانيه وانا باب بيتي للحين ماانطق ما اقول الا مالت على وجهك وعلى الساعه اللي تزوجتك فيها واذا طق بابي جاء واحد مو زين واكثرهم لريتاج بس هاذي انتي تسمعين اي احد يجي يخطب نوافق واذا مو زين يصير زين بعد الزواج
ام محمد:الزواج قسمه ونصيب واللي مكتوب لهم بياخذونه والله ما ينسى عبيده
بومحمد:اقول قلبي وجهك ابي انام
عند البنات
منار:حلفي ان ابتسم في وجهك
ريتاج:والله ههههه
منال:كان صورتيه
مشاعل:شدعوه ابوي اول مره يبتسم
ريتاج:انا شفته واستعديت للطق بس الحمد الله بدال الضرب ابتسم
البنات:ههههههههه
في بيت بوخالد
في جناح خالد
خالد:يالله يا سلوى متى بيشرف ولي العهد
سلوى:يؤؤؤ اشفيك مستعجل بيجي وبتزهق من كثر البكي
خالد:لا هذا عبدالرحمن خالد مايبكي رجال
سلوى:ههههههههههههه شدعوه
خالد:اجل شلون
سلوى:تصدق جيهان كاسره خاطري
خالد:اي والله بس الله عوضها واخوك مايعيبه شي
سلوى:بس ولا مره قالي رشود ان يحب جيهان
خالد:اكييييد ماراح يقولك لاتنسين احنا في مجتمع محافظ مو حلو يجي يقولك احب فلانه
سلوى:معاك حق خلوووود
خالد:خلوووود في عينك
سلوى:مو بس في عيني في قلبي بعدد
خالد:يالبي قلبك
سلوى انحرجت:يالله بقوم انام
خالد:يالله
في غرفة جيهان
جيهان:كل ليله اذا بنام افكر في طلال وشلون بيصير زواجنا وشلون بنعيش واخرتها مايبيني
لجين:بس جاء لك اللي احسن وطلع رشود يحبك واحنا ماندري
جيهان غصب ضحكة على طريقة اختها
جيهان:بس صعب اتعلق بشخص وبالاخير يقلون لي بتاخذين واحد غيره صعبه
لجين:حمدي ربك وقولي الحمد الله على كل حال ونامي الليله وفكري برشود
جيهان:رشود اصغر عيالك
لجين:امممم هاذي انتي تموتين فيه
جيهان:لابد ارضخ للامر الواقع وبعدين راشد ما ينعاب ومثل ماقلتي احسن شي في الموضوع انه يحبني
لجين:بس شلون درى عمي عبدالعزيز ان راشد يحبك تتوقعين راشد من حبه لك تجرأ وصارح عمي
جيهان:مادري كل شي جايز او يمكن سمعه يتكلم مع احد وسمعهم بالصدفه
لجين: اهم شي ان الله يوفقكم ويرزقكم بالذريه الصالحه
جيهان:قمتي تتكلمين كلام كبار
لجين:اي انا حكيمه ههه
جيهان:اقول ياحكيمه قومي قلبي وجهك بنام
لجين:سيووو يالدبه
وجيهان من التعب حطت راسها ونامت
انتهى الجزء
تتوقعون جيهان بتنسى طلال وبتحب راشد؟؟









امير العشاقق غير متصل   رد مع اقتباس
قديم 10-07-2009, 09:41 AM   #10 (permalink)
._.•°ღ حكآية آحسآآس ღ°•._.
أمير الرومانسية
サラ
 
الصورة الرمزية ._.•°ღ حكآية آحسآآس ღ°•._.
 

آمير العشآق

يسسلمووووو آلآيآديـ ع البآرتـ ^_^

حلووووو مرررررررة

آتوقع الوليد مآيبغى سلآفة ^_^

<- ننتظر بآقيـ آلآحدآثـ *_^
._.•°ღ حكآية آحسآآس ღ°•._. غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية انت لي كامله من البدايه إلى النهايه رواية بغاية الروعة ( منقولة ) يوبنكا روايات كاملة طويلة ممتعة للقراءة 314 11-29-2016 12:41 AM
رواية صدفة <<<< رواية روعة لا تفوتكم ( منقولة ) يكفي جراح روايات كاملة طويلة ممتعة للقراءة 217 02-09-2014 01:54 PM
الحلقة الاولي من رواية الدلائل الحائرة رواية مستوحاة من ستار اكاديمي صااافي الاصلية ستار اكاديمي 1 2 3 4 5 6 7 8 Star Academy 46 06-12-2007 04:34 PM
إذا قصدك تعذبني قصر ليلتي رفوف المحفوظات 0 05-22-2007 10:48 PM
ترى لا انت ولا غيرك --- ولا عشرة من اشكالك monster الشعر و همس القوافي 14 09-05-2004 03:01 AM

الساعة الآن 01:17 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103