تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

روايه حققت امنيتي ولكن!! ... ( منقولة )

إضافة رد
 
أدوات الموضوع انواع عرض الموضوع
قديم 09-05-2009, 11:48 PM   #1 (permalink)
غريبهـ بدنياهآآ
رومانسي مبتديء
 
الصورة الرمزية غريبهـ بدنياهآآ
 

ADS
روايه حققت امنيتي ولكن!! ... ( منقولة )




مرررررررررحبا يا حلوين كيفكم انشاء الله بخير

حبيت انقلكم روايه كتبتها بنت خالتي ليار وانشاء الله تعجبكم بس الله الله بالردود



هااااي كيف الحااال؟؟

هذي اول روايه لي اتمنى من كل قلبي تعجبكم
وبالله اي احد يقراها يرد علي خلوني احس انه فيه احد معبرني


{ تحققت امنيتي ولكن !!}

للكاتبه {... لـيـــار...}

بسم الله الرحمن الرحيم

السلام عليكم ورحمة الله وبركاته

{الجزء الاول}

بصراحه حبيت اكتب لكم هذي الروايه اللي ابين فيها مشاعري ومشاعر صديقاتي وهذي الروايه نصف حقيقيه ونصف خياليه
وان شاء الله تعجبكم ؛)
افراد الروايه (كل افراد الروايه اعمارهم 17 سنه )

لـولـوه: انسانه طيبه ,فرفوشه,ماتحب الدراسه بس ودها تكون معلمه او شي بارز بالمجتمع, تحب صديقاتها لأبعد درجه, كل همها الفله واللعب والضحك..
مواصفاتها.تختوخه بس حلوه مره,طويله, شعرها لنص ظهرها..

ريا: انسانه طيووووبه,حبوبه,وحنووونه مره,مزاجيه,كسوووله
مواصفاتها:سمراء ,شعرها شكلاته وغجري , عيونها بنيه

افنان: عصبيه,تحب المقالب, كريمه,تتكلم كثير , فيلسوفه
مواصفاتها:قصيره,شعرها طويل,ملامحها بدوويه

بشاير: مزاجيه,غامضه بعض الاحيان,جديه,متمسكه بعدتها وتقاليدها,ماتخاف من شي ولا يهمها احد.
مواصفاتها:طويله,مليانه شوي,فمها كبير,شعرها ناعم وطويل

فطوم:مره كول,تحب الغرب وتقلدهم في حركاتها ولبسها وكلامها,تحب السيطره.
مواصفاتها:جسمها حلو,شعرها اسود ,حاطه بريسز(تقويم)عيونها سوده مررره.

خوله: دلوووعه,ونعوومه ,ومرره كيووووت.
مواصفاتها:شعرها قصيرويجنن,عيونها وااااسعه, عندها غمزات

هنا:مرجوجه,فلاويه,غامضه في حياتها الخاصه,تحب الاذيه
مواصفاتها:نحييييفه وطويييله ,شعرها طويل وناعم,كأنها عارضه ازياء.

هذولي السبعه بنات صاحبات وكل وحده لها حياتها الخاصه بس يجمعهم الحب والتضحيه والصداقه..
كالعاده رن جرس الفسحه ونزلوا مع بعض وراحوا لمكانهم المعتاد لقوا فيه بنات جالسين عصبوا مره منهم.
ريا: ماشاء الله خير جالسين مكاننا خلصت الاماكن؟؟
البنات يطالعون بأستغراب !!
بشاير: يلا يلا انتي واياها قوموا
وحده منهم ردت:لاياشيخه لايكون قاعده في بيت ابوك وانا ماادري؟؟
هنا:لاااااا! شيين وقوه عييين ..اقول قومي احسلك..
لولو:خلاص بنات حرام يحزنون..
فطوم:ايه خلاص يلا نروح مكان ثاني..
طالعت فيهم بشاير بنص عين:اقول انتي واياها لاتسون فيها حنونات..
لولو:موحنان بس عيب
ريا:والله العظيم لا اجلس هنا وبيقومون غصبآ عنهم..
قاموا البنات وحالتهم حاله
المهم جلسوا وهم ساكتين...
بشاير: شفيكم ساكتين؟؟
لولو:مافيه شيء
فطوم:بنات عندي فكره مره حلوه.
البنات :ايش قولي؟؟
فطوم:بصراحه انا ابغى اهرب من بيت اهلي !
لولو:حتى انا مرره نفسي اهرب من بيت اهلي!
هنابترجي: يلا يلا والله حتى انا طفشت من العيشه عند اهلي نفسي اعيش بحريه.
افنان:يلا حتى انا معكم اش وريا << مع الخيل يا شقره هع
خوله: معاكم قدام <<على بالي قويه هع هع
ريا: لا انا ابغى اجلس في بيت اهلي..
بشاير: الحمد لله والشكر ..تستهبلون انتو؟؟
فطوم:لاوالله انا انتكلم من جد
لولو تستهبل:هاه بشاير تجين معنا؟؟
بشاير: لاياشيخه !اولا قبل ماتهربون وين بتعيشون؟؟من وين بتاكلون؟ كيف بتلبسون؟؟ انتو على بالكم الشغله خذني جيتك؟؟
فطوم : عادي ندبر انفسنا ..
هنا: انا عن نفسي بسرق ذهب ماما كله وابيعه ..
لولو: وانا بصرق بطاقه الصراف حقت امي وابوي.. << يحزنووون روايه حققت امنيتي ولكن!! ... ( منقولة )
بشاير وريا ميتييييين ضحك عليهم
فطوم :اضحكوا لين تشبعون تحسبوني استهبل !!
ريا: فطوم حبيبتي..لاتحلمين كثير وقتحي عيونك شوي وشوفي مجتمعنا زيييين..
فطوم: انا ابغى اتمرد على مجتمعنا الرجعي الجاهل..
ريا:طيب تمردي ..وانتي يا ست لولو ليه تبغين تهربين؟؟
لولو:اممممم كذا طفشت من العيشه عند اهلي.. ابغى اصير حره بحياتي ماابغى احد يتدخل فيني..
ريا: اهاااا ,, وانتي هنو؟؟
هنا:آآآآآآآه بس شقوول؟؟
ريا:قولي ليه تبغين تهربين من بيت اهلك؟؟
هنا:كذا!!
ريا: شلون يعني كذا؟؟
هنا:ياحياتي الفكره من اول برأسي واذا لقيت من يساندني السؤال بيكون (ليه استنى ؟؟) ولين متى نفضل عايشين بقيود؟؟
بشاير باستهزاء: اقول لاتنسون تهزمونا على فلتكم هاه..
فطوم:راح نسوي اللي في بالنا وراح يكون عندنا فله وراح تشوفين بنفسك!!
رن الجرس وكل وحده راحت على فصلها ..
اليوم الثاني في بيت لولو..
ام لولو:لولو قومي بسرعه تأخرتي على المدرسه
لولو بتعب:اففف..خلاص طييب الحين قايمه..
راحوا المدرسه كالعاده وجات الفسحهه ونزلوا مكانهم ولقوا فه نفس البنات اللي كانوا قاعدين فيه امس..
بشاير:هيه انتوا زودتوها..
لولو:يلا يلا ورينا عرض اكتافك
البنت:اصلا من الاحترام ماتقومون احد جالس في مكانه.
لولو: اصلا من الاحترام ماتجلسون مكان مو مكانك.. صح ولا لا ياماما؟
البنت:اولاً هذي مدرسه الحكومه..ثانياً هذي ممو مدرستك..ثالثاًهذا مو مكانك
ماتوا ضحك البنات عليها
بشاير:اولاًوثانياًوثالثاً ..كلها نفس المعنى
هنا:اولاًقومي احسلك,,ثانياًيلا قومي ..ثالثاً متى بتقومين؟؟ >>تتريق عليها<<
البنت طالعت فيهم من فوق لتحت وقامت :اولاً انا مااحط عقلي بعقل ناس زيكم ........
قاطعتها هنا:وثانياً؟؟ وثالثاً؟؟
جلسوا البنات وهي مييييتين ضحك عليها..
لولو:بنات هاه اش صار على موضوعنا ؟؟
افنان:اي موضوع؟؟؟
لولو:موضوع الشرده!!
ريا:افيييين وبعدين؟؟اقول ريحوا واسريحوا
فطوم:والله محد ضربك على يدك وقلك تعالي معنا يا ست ريا!!
ريا:فطوم شفيك؟؟
فطوم:اش اللي شفيني ! انا بهرب يعني بهرب ماأستهبل..
بشاير:مدام الموضوع فيه جديه.. انا اقولكم من الحين انا ماني رايحه معاكم يا باتمانات..
لولو تستهبل:يؤيؤيؤ ليه ؟؟
بشاير:والله ياحبيبتي انا ابغى أتزوج وأربي أولادي وأكنس وأنظف..
خوله :طيب اش بتستفيدين؟؟
بشاير :حلوه هاذي اش بستفيد!! انتوا اللي اش بتستفيدون؟؟
فطوم:احنا بنأخذ حريتنا..
ريا:امحق حريه..اقول مالت عليكم..
لولو:طيب بما أننا أتفقنا مين بيهرب ومين بيقعد معناته راح يبقى السر بيننا الين نموت ok؟؟
بشاير:شوفوا بصراحه انا لو اغروني بالفلوس ماأضمن نفسي راح اعلم عليكم..
لولو:ياخاينه تبعين صديقاتك عشان كم فلس !!!!
بشاير:والله انتوا اللي بعتوا انفسكم ..مو انا اللي بعتكم..
فطوم:حبيبتي احنا مابعنا أنفسنا.. أحنا قاعدين ننفذ حق من حقوقنا..
بشاير:لاااا!! وان شاء الله أي مجتمع هذا اللي يقول لازم البنت تهرب من بيت اهلها وتعيش في الشوارع زي البسس وتنزل رأس ابوها للارض؟؟؟
فطوم:انا ماقلت بنزل رأس ابوي للارض..وبعدين كلكم تعرفون اني احب ابوي وهو مثلي الاعلى ..
ريا:ومدامك تحبين ابوك ليه بتشردين من البيت؟؟؟؟
فطوم:ابغى اتمرد على المجتمع..
لولو:خلاااااص قفلوا على الموضوع..
هنا:لامابنقفل ..انا بشرد يعني بشرد..
لولو دقت هنا واشرت لها بعدين نتكلم..
رن الجرس وطلعوا فصولهم..
وكالعاده كانوا متاخرين على حصه النحو ..
الابله :ليه متأخرين ؟؟
البنات ساكتين.....
الابله: أنا مااقصر معاكم ..45دقيقه لك انتي يا طالبة ..أنا ماأتاخر عن حصصي وانتوا بعد لازم ماتتاخرون ..يلا كل وحده مكانها ..اول واخر مره!!
لولو:الحمد لله انها جلستنا مالي خلق اتضارب معاها..
افنان:بالعكس انا مقهوره انا جلستنا ..كان نفسي اوقف عشان اجننها.
خوله: خلاص انتي اهجدي..
مر اليوم عليهم عادي.. وجاء نهايه الدوام وكل وحده راحت على بيتها ..
اليوم الثالث نفس الشيء مافيه جديد الا ان البنات اللي كانوا يقعدون مكانهم ماقعدوا فيه اليوم..
خوله:ايوه كذا تأدبوا..
لولو:فطوم هنا تعلوا أبغاكم شوي ..عن اذنكم بنات !!
فطوم:خير وش فيه؟؟
لولو بتنهد:مو احنا قلنا نبغاء نشرد من بيت اهلنا؟؟
فطوم وهنا :ايوه قلنا!!!
لولو:طيب شوفوا احنا راح نسكر على الموضوع قدام البنات OK؟؟
هنا:وليه نسكر عليه قدامهم؟؟
لولو: يا فالحه ماسمعتي بشلير امس وش قالت؟؟
هنا:الا سمعت بس مااتوقع تسويها...
فطوم:ايش اللي مخليلك واثقه كل هالثقه؟؟
هنا:لأننا صديقاتها ومستحيل تسوي شيء زي كذا!!
لولو:مافيه شيء في الدنيا اسمه مستحيل .. المهم الحين احنا نروح نجلس ومانجيب سيره الهروب سامعين؟؟
فطوم:طيب متى بنهرب؟؟؟
لولو:تسأليني؟؟ مو انتي قلتي لسواقكم يدور لنا غرفه نسكن فيها؟؟
فطوم:ايه قلتله امس واليوم الصباح قال انه لقاء وحده ....بس!!!
لولو وهنا بخوف :بس ايش؟؟
فطوم:اجارها بالشهر الفين..
لولو:نعم!! الفين ليه ياحسرتي وين ساكنين احنا..
فطوم:حسين (السواق) قال انه تكلم مع الهندي صاحب البيت وخلاه يسوي لنا خصم ..يعني صار الف وخمس ميه!!
لولو بأستهزاء:لا حرااام مره نزل السعر خليه يرفعه شوي!! تستهبلون انتو؟ من وين بنجيب كل شهر الف وخمس ميه؟؟ احنا لاقين نلبس عشان نلقى ندفع اجار؟؟
هنا:خلاص الشهر الاول علي الدفع..
لولو:والشهر اللبي بعده واللي بعده من ويين؟؟؟؟
فطوم: لولو شفيك؟ اذا ماتبغين لاتجين معنا..
لولو :لا ياشيخه!! أنا أول وحده أجية..بس لازم قبل مانهرب لازم كل شيء يكون جاهز..
فطوم:خلاص انا جبت لكم البيت..
هنا: وأنا بدفع حق الشهر الاول..
لولو:خلاص وانا اليوم بسرق بطاقه الصراف حقت امي وابوي..
فطوم:بس اخاف ماتزبط الشغله وبعدين ...... عارفين ايش يصير فينا ؟؟
هنا:انا برائي نقول للبنات احسن ..على الاقل نكون مجموعه مو ثلاثه!
لولو:لااااا أنتبهي لو قلتيلهم ماراح تزبط الشغله ابد ..
فطوم :على الاقل خوله وافنان بس..
لولو:مدري عنكم بس أهم شيء بشاير ماتعرف فاهمين؟؟
فطوم:اكييييد ماراح نقول لهاشيء..
راحوا جلسوا مع صديقاتهم..
ريا:لااااا شلون مافيه شيء وانتوا قاعدين لحالكم ربع ساعه لحالكم؟؟
هنا تصرف الموضوع:اقول بنات انا جوعاااانه بروح اشتري مين تبغاني اشتري لها؟؟
واخيرا مشت التصريفه عليهم..
فطوم تهمس في اذن لولو: بتقولين لأفنان؟؟
لولو:شرايك انتي؟؟
فطوم:انا اقول تقوليلها عشان نصير كثيرين..
لولو:طيب انا بقول لأفنان وانتي قولي لخوله!
فطوم بفرح:OK
لولو:امممم.. افنان تعالي شوي ابغاك بموضوع؟؟
فطوم:آآآآ..حتى أنا ابغى اكلم خوله ..
بشاير:خير ان شاء الله ؟؟ ترا زودتوها كل شوي ماخذين وحده؟؟
فطوم: عندنا موضوع.
بشاير:وايش الموضوع ان شاء الله؟؟
لولو:لو كنا نبغاك تعرفين كان ماقمنا..
بشاير:اهآآآآ ..معناته قاعدين تتكلمون عني؟؟
لولو:احنا صح نتكلم عنك !! بس بالخير..
بشاير:شلون بالخير؟؟
فطوم:يعني لازم تخريبن علينا؟؟ مسوين لك مفاجاءه .. قبل لا تسمع رد بشاير سحبت خوله وراحوا قالوا لهم كل شيء..
لولو:هاااه شرايكم؟؟
خوله:مدري بس خايفه!!
فطوم: خايفه من ايش ؟؟ككلنا بنكون مع بعض..
أفنان:بس ماتحسون انها مجازفه خطيره؟؟
لولو:خطيره مو خطيره احنا اخذنا قرارنا وراح يوم الخميس ..
خوله :لحظه !! طيب شلون وكيف ووين بنتقابل ؟؟
فطوم:انا بمر عليكم مع حسين واخذكم..
لولو:وانتي ايش يخليك واااثقه كل هالثقه بسواقكم؟؟
فطوم:لأني ماسكه عليه شيء ومستحيييل يرفض لي طلب ..واذا حاول يلعب بذيله راح يكمل طول عمره بالسجن..
هنا :وش ماسكه عليه؟؟
فطوم :مو لازم تعرفون ..اساسا موضوع تافهه مايستحق نفكر فيه..
لولو: انتي متاكده انه تافهه مانبغى نهرب وبعدين نتورط..
فطوم: وبعدين معاكم ؟؟ قلتلكم خلاص خلو الموضوع هذا علي ..بس اهم شيء تكونون واااثقين فيني؟!!
لولو:طبعا احنا واثقين فيك..لو مو واثقين ماكان خليناك تسوين كل هذا..
افنان:خلاص بنات تعالوا نروح قبل لا يحسون بشاير وريا باللي يصير..
وراحوا عندهم وكانه مافيه شيء ..خلص الدوام وكل وحده راحت بيتها تنفذ مهمتها من سرقه فلوس وذهب واكل وغيره
يوم الاربعاء..
في المدرسه فطوم داخله مبسوطه مره بما انو باقي على الهروب 24 ساعه بس..
فطوم:سلااااااااااااااااااام
لولو:وعليكم السلام ..خير شفيك مبسووطه؟؟
فطوم: شفيني يعني ؟؟ باقي 24 ساعه بس..
لولو:اوووووووص لا تفضحينا..
راحوا فصلهم .. لولو وخوله وافنان كانوا اليوم كله حزينات متضايين..
ريا:لولو شفيك؟؟
لولوتطالعها بنظره وداع لأن هذا اليوم بيكون اخر يوم تشوف فيه ريا:لالا مافيني شيء..
ريا:تخبين علي؟؟
لولو:ريا والله مافيه شيء واذا فيه بتعرفين قريب .. وجلست لولو تبكي..
ريا:لولو الله يخليك قوليلي شفيك؟؟
لولو تمسح دموعها:قلتلك بتعرفين قريب..
ريا بتنهد: والله مره ماني مرتاحه..
جات فطوم ركض واخذت لولو قبل لايزل لسانها وتقول لريا..
فطوم بعصبيه:شفيك انتي انجنيتي؟؟
لولو وهي تبكي: فطوم والله مااقدر امسك نفسي كل مااتذكر ان اليوم بيكون اخر يوم اشوف فيه اغلى الناس عندي تخنقني العبره..
فطوم : خلاص يا لولو كلنا متضايقين .. فتره وتعدي وبعدين راح نسوي اللي نبغى ..
لولو:تصدقين يافطوم اليوم وانا جايه للمدرسه أبوي قاعد يقول لي كلام مانه عارف اني بسوي شيء..
فطوم بخوف:وش قال؟؟
لولو:قعد يقولي انتبهي من صديقاتك وانتبهي على نفسك ولا تصيرين زي بنات هالايام ماعندهم ادب ولا تربيه ولاتنزلين رأس ابوك للأرض بأفعالك وكلام زي كذا..
فطوم: يوووه الله يستر ..
لولو بتنهد: خايفه بصير لأبوي شيء واندم طول عمري..
فطوم:يعني شلون بتغيرين رايك؟؟
لولو: مستحيل اغيره ..يلا خلينا نروح عند البنات ..
بشاير:ياهلا والله بأصحاب المفاجأت..
فطوم:شرايك المفاجأه قربت..
بشاير :متى يعني بالفسحه ولا نهايه الدوام؟؟
فطوم:لا بكره..
بشاير :بكره!! شلون؟؟
فطوم:كل شيء بوقته حلو..
هنا وافنان كانوا قاعدين لحالهم..
هنا:هاه افنان جاهزه؟؟
افنان بحزن:ايه جاهزه .....بس!!
هنا:بس ايش؟؟
افنان تبكي: خلاص ماابغى اروح معاكم..
هنا:نـــعـــم؟! على كيفك هو؟ بعد ماعرفتي الخظه اللي بيننا تقولين ماابغى اروح معاكم!!
فنان:هنا لاتخافي انا ماراح اعلم عليكم احد..
هنا بعصبيه:لااا هذا الموضوع ماينسكت عنه ..
وراحت تنادي فطوم ولولو وخوله ..
فطوم:خير شفيكم؟؟
هنا: الست هانم افنان غيرت رأيها ماتبغى تروح معنا..
لولو وفطوم وخوله:نــــــــــــــــــــــعــــــــــــــــم!!!
فنان: بنات افهموني والله مااقدر..
لولو:وليه ان شاء الله ماتقدرين؟؟
افنان:والله امس كله قاعده في حضن ماما وابكي ماني قادره اتكم من البكاء ..
خوله:وان شاء الله قلتي لها ؟؟
افنان: لاماقلت لها..
هنا:طيب هي ماسألتك؟؟
افنان :الا سألتني ..وقلت لها اني تضاربت مع وحده من صديقاتي ..
لولو:وصدقت؟؟؟
افنان:ايه صدقت..
فطوم:شوفي افنان..مو بس انتي اللي قعدتي تبكي على فراق اهلك كلنا بكينا بس مع ذلك ماغيرنا رأينا..
افنان: بس انا...........
قاطعتها هنا: خلاص قلنا بتجين يعني بتجين..
افنان: حبيبتي مو انتي اللي تتحكمين فيني ..
خوله:خلاص بنات هدواا..
فطوم:هاه افنان جايه؟؟
افنان بعد تفكير: آآآآيه
لولو بفرح:الحمد لله..
راحوا جلسوا مع بشاير وريا...
ريا:بنات شرايكم يوم السبت نجيب شمغ ((جمع شماغ )) ونستهبل؟؟
فطوم بارتباك:آآآ ماله داعي..
لولو :ايه ايه خلاص بنجيب..
لولو تهمس في اذن فطوم: شفيك انتي ؟؟تصرفي عادي كانه مافيه شيء
فطوم بتنهد: طيب..
لولو:الله يصبرني لين بكره
رن الجرس وراحوا فصولهم في نهايه قبل لولو لبيتها قعدت تسلم على ريا وبشاير وهي ميته من البكاء..
ريا بحنان:لولو شفيك؟؟ انتي اليوم منتي عاجبتني ..فيك شيء؟؟
لولوتمسح دموعها :لامافيه شيء يلا باي..
بشاير:مع السلامه اليوم ان شاء الله بدق عليك..
لولو:ريا بشاير سامحوني اذا غلطت عليكم في يوم من الايام وراحت قبل ماتسمع رد منهم..
بشاير :لاااااا لولو موطبيعيه وابصم بالمليون..
ريا:حتى انا ملاحظه هالشيء وكل ما اسألها تقول بتعرفين قريب..
بشاير:لحظه! لولو ماسلمت على البنات
ريا:كيف يعني؟؟
بشاير :يعني سلمت علي وعليك بس وماسلمت على باقي الشله..
ريا:يمكن نسيت..
بشاير:لا مانسيت ..لوكان اللي في بالي صح راح يندمون طوم عمرهم..
ريا:ايش اللي في بالك؟؟
بشاير:مافيه شيء خلاص يلا نروح ..
يوم الخميس في الصباح قامت مبسووطه وتستنا الليل يجي بفاارغ الصبر..
ام فطوم: خير فطوم شفيك قايمه بدري؟؟
فطوم كذا !! وبعدين مو بدري مره الساعه 8 ..
ام فطوم :طيب اجلسي افطري معي..
فطوم :شوي جايه!!
راحت فطوم غرفه امها وفتحت الشنطه حقت الذهب وسرقت كم قطعه منه .. واخذت خمسه الاف من فلوس ابوها..
وراحت فطر مع امها وابوها..
ام فطوم:فطوم اليوم انا راحيه زواج بنت الجيران شرايك تجين معي؟؟
فطوم بارتباك:لاماما مالي خلق تعبانه..
ام فطوم :طيب براحتك.
جات الساعه تسعه في اليل وراحت ام فطوم تلبس عشان الزواج..
ام فطوم تصارخ: فطوووووووووووووم!!
فطوم جات تركض:نعم ماما؟؟
ام فطوم : شفتي الطقم اللي اشتراه لي ابوك الاسبوع اللي راح؟؟
فطوم بخوف:لا ماشفته ..دوريه زين يمكن طايح من هنا ولا من هنا..
ام فطوم:عفست الغرفه فوق تحت ومالقيته..
فطوم :ليه ماما هو كم يجيب؟؟
ام فطوم:يمكن عشره الاف..
فطوم في نفسها:حلووو 15000الف تكفيني كم شهر..
ام فطوم :فطوم اسالي الشغاله يمكن شافته..
فطوم:خلاص ماما البسي غيره وانا ادوره واذا لقيته قلتلك..
ام فطوم بحسره:اوووف طيب امر لله..
لبست ولما جات تطلع ..فطوم حضنتها وقعدت تبكي..
ام فطوم باستغراب: فطوم شفيك؟؟
فطوم: بتوحشيني..
ام فطوم: ليه حبيبتي نا مو مطوله كلها ساعتين ولا ثلاثه بالكثير..
فطوم :حتى لو دقيقه.. انتي وانتي جنبي واحشتني ..
ام فطوم: ايش هالرومنسيه اللي نازله عليك اليوم؟؟
فطوم تطالع امها بنظره وداع:ماما خلاص روحي لاتتأخري..
ام فطوم :تبغين اجيب لك شيء قبل لا اجي؟؟
فطوم: لا ماابغى الا سلامتك..

{الجزء الثاني}
هل البنات فعلا بينفذون خطتهم ويشردون؟؟
واذا شردوا ايش بيكون مصيرهم؟؟
وكيف بتكون حياتهم؟؟



التعديل الأخير تم بواسطة سراب عشقي ; 09-08-2009 الساعة 05:28 AM
غريبهـ بدنياهآآ غير متصل   رد مع اقتباس
قديم 09-08-2009, 04:18 AM   #2 (permalink)
وتين السعوديه
رومانسي مجتهد
 
الصورة الرمزية وتين السعوديه
 
مشكوووووور والله يعطيك الف عافيه
وتين السعوديه غير متصل   رد مع اقتباس
قديم 02-09-2014, 04:35 AM   #3 (permalink)
Adnan0999
مشرف متميز سابقاً
 
الصورة الرمزية Adnan0999
 
الله يعطيك العافية على الموضوع ربي يسعدك
Adnan0999 غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
الــشاعر : ذيب الشمري ~~ دققت بالايام عابر سبيل " الشعر و همس القوافي 8 04-26-2009 03:14 PM
بسيمه الصفرا حققت المعادله . مزيد من التعري = التوب ون كتاكيتو بني رفوف المحفوظات 15 03-27-2009 11:58 PM
ماما ...........حققت امنيتها! rfm2m ستار اكاديمي 1 2 3 4 5 6 7 8 Star Academy 32 06-11-2007 03:56 AM
حققوا لي امنيتي مجنونة سيف خواطر , عذب الكلام والخواطر 0 07-15-2006 01:43 AM
امنيتي بالحياة انه الناس تترك الاحزان طلول المنتدى العام - نقاشات و حوارات جادة هادفة 15 02-20-2005 03:40 PM

الساعة الآن 06:51 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103