تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

البحث عن الحب

موضوع مغلق
 
أدوات الموضوع انواع عرض الموضوع
قديم 09-04-2009, 02:51 PM   #1 (permalink)
خديجه بنت حجاب
رومانسي مبتديء
 

ADS
البحث عن الحب




--------------------------------------------------------------------------------

(الجزء الأول )
عبدالعزيز:يا اخي تعبت اليوم حر ما اقدر اركض اكثر...
خالد:يلا ما بقى شي
عبدالعزيز:اووف وش ذا الزحمه الي هناك
خالد:اكيد انها نقطه تفتيش
عبدالعزيز:لا شكله حادث ...انا برووح اشوف
خالد:عزيز وش تروح من جدك مالك ومالهم يا اخي
عبدالعزيز قطع الشارع وراح لموقع الحادث قرب قام يناظر السيارة ويشوف لوحه السيارة عبدالعزيز صرخ خااااااالد هذي سيارة فهد فهد اخوي صح صح خالد يلا امشي بسرعه نروح للمستشفى ركضوا خالد وعبدالعزيز وقطعوا الشارع عشان يروحون لسيارة خالد
عبدالعزيز: بسرعه يا خالد بسرعه وصلوا المستشفى نزل عبدالعزيز يركض وخالد راح يوقف السيارة شاف عبدالعزيز الدكتور طالع من غرفه
عبدالعزيز: لو سمحت دكتور بسألك عن حادث سيارة أخوي كان معهم ؟
الدكتور:وانا شعرفني باخوك...ادخل هذي الغرفه شف في واحد منهم اخوك
عبدالعزيز دخل الغرفه ولقى سريرين واحد فيه اخوه والثاني بدر صديق فهد سأل الدكتور شلونه طيب ليش انتم تاركينه كذا ؟؟؟؟؟
الدكتور:للاسف توفوا الله يصبر عليكم مصيبتكم...
عبدالعزيز:اييييييييييييش مااات
عبدالعزيز طااح على الارض وقعد على ركبه وقام يصيح جا خالد عبدالعزيز شفيك ؟فهد شفيه ؟صار له شي؟عبدالعزيز رفع راسه وناظر خالد ...مات فهد مات يا خالد مات اخووي مات شلون بقول لامي وابوي وخطيبته نزل خالد لعبدالعزيز وخمه وعبدالعزيز كان يصيح من قلبه
عبدالعزيز:انا ما رااح اطلع من هنا بقعد عند اخووي بمووت معاه ياليتني انا موو هو فهد بيزوج بعد ثلاث اسابيع ما تهنى بحياته
خالد:استغفر يا رجال هذي الدنيا وكلنا بنموت ما يجوز تقول كذا هذا يومه..
عبدالعزيز وهو يصرخ هذاا اخوي اخوي يا ناس
خالد حط يده على كتف عبدالعزيز هدي على نفسك وانا اخوك..اكتفى عبدالعزيز انه يناظر خالد..
بعد ربع ساعه جا ابو بدر بدر وحيد امه وابوه وهم طبعا ما درا ان بدر توفى بالحادث كان يركض الى ما شاف عبدالعزيز وخالد....
ابو بدر:وين ولدي فيه شي يا عبدالعزيزوشفيكم وشصار فهد كان معه طيببين انشالله
عبدالعزيز ناظر خالد وناظر ابوبدر
ابو بدر مسك راسه لا تقولها لاتقولها لا لا ولدي ما مات انا لله وانا لله راجعون لا حول ولاقوة الا بالله مسكه خالد وقعده على كرسي ارتاح يا عم خالد كان محتار يهدي مين والا مين...
خالد:يلا عبدالعزيز يلا نروح للبيت قعدتنا مالها اي فايدة خالد التفت لابو بدر يلا يا عم اوصلك للبيت
ابو بدر:روح يا ولدي جزاك الله خير انا ارجع....
خالد حب على راس ابو بدر وراح مسك عبدالعزيز وطلعوا من المستشفى ... عند الباب جاهم عبدالرحمن صديق بدر وفهد..عبدالرحمن كان يتنفس بسرعه لانه كان يركض عبدالرحمن:ها بشر شلونهم الحين؟؟؟
عبدالعزيز:وش بشر وش اقول..عبدالرحمن صبخ سيارته باقوى ما عنده انا قلتلهم قلتلهم لاتروحون ماله داعي هم الي اصروا وقام يصبخ ويصبخ الى ما يده حمرت مسكه عزيز هدي نفسك يا رجال عبدالرحمن:وش اهدي اخواني راحوو وتقولي هدي انا من لي غيرهم ها مين لي غيرهم..؟ركض عبدالرحمن لجوا المستشفى وترك عزيز وخالد..
وصلوا البيت....
عبدالعزيز:انا ما ابي انزل مااقدر ماني عارف كيف اقول لاهلي ما اقدر ما اقدر
خالد نزل من السيارة وراح لباب عبدالعزيز وفتح الباب..خالد:عبدالعزيز انزل لازم تدخل على اهلك
نزل عبدالعزيز ودخل البيت هو من دخل الصاله ما قدر يمسك نفسه
ابو عبدالعزيز وامه واخته نورة انفجعوا لما شافوه عبدالعزيز شفيك ليش كذا وجهك شصايرلك عزيز ساكت ابو عبد العزيز مسك عزيز من كتفه وهزه وشفيك يا ولدي عبدالعزيز نزل راسه:فهد يبه فهد صار له حادث سيارة و..و..
ابو عبدالعزيز:بس بس لا تكمل انا لله وانا اليه راجعون..... وطاح عبدالعزيز على ابوه وخمه ارتفعت اصوات الصياح.....
***********************
بالصالة دينا ومها سلوى يتفرجون على التلفزيون..رن التيلفون ردت سلوى الووالطرف الثاني كان صالح أخو سلوى
صالح:دريتي يا سلوى؟
سلوى استغربت من السؤال وشفيه صالح خوفتني
صالح:فهد ولد منيرة عطاك عمره بحادث سيارة
سلوى قامت تصيح انا لله وانا لله راجعون لا حول والا قوة الا بالله
دينا تناظر امها مين يمه مين الي مات؟؟؟؟؟؟؟؟؟؟
سلوى:فهد ولد خالتك
ارتفعت اصواات صياحهم طلعت دالياتركض من غرفتها شفيكم يمه دينا شفيه؟؟؟
دينا:فهد فهد............
داليا:شفييييييه؟؟
سلوى:عطاك عمره يمه..داليا صرخت لا لا لا مستحيل تكذبون تكذبون لا يمه لا ارتمت على حضن امها وقامت تصيح رفعت راسها بروح للمستشفى يمه بروح وقامت تركض لغرفتها ولبست عبايتها.
سلوى:دايا اصبري يمه نروح بيت خالتك..داليا طاحت على ركبها وقامت تصيح ملكتها بع ثلاثه أسابيع هي وفهد
***********************
مرت أيام العزا الكل كان تعبان داليا حابسه نفسها بالغرفة واعتذرت الترم هذا من الجامعة لظروفها النفسية...
عبدالعزيز بغرفه أخوه وكان يتفرج على الصور دخلت عليه اختة نوره..
نورة:عبدالعزيز لازم تشوف نفسك لك شهر وانت على هالحال...
عبدالعزيز كانت حالته حاله عوارضه طالعه ووجه اصفر ونفسيته تعبانه من توفى فهد...
عبدالعزيز:انشاالله انشالله
نورة:تكفى يا اخوي لازم تساعد امي وابووي مو تزيدهم ترا الي احنا فيه مو سهل..
عبدالعزيز:قلتلك ان شاالله
اليوم اول يوم رمضان والكل كان مجتمع ببيت صالح الا داليا..
*****************
عائله صالح:زوجته الجوهرة عياله ماجد متزوج لمى وعايشين حياتهم,تركي باول جامعه هندسه وفيصل بثالث ثانوي
سلوى: داليا بثاني جامعه ادارة اعمال ودينا بثالث ثانوي أدبي وفواز بأول ثانوي ودانه بثالث متوسط.سلوى انفصلت من زوجها من السنين...
منيرة وزوجها عبدالرحمن عيالهم:فهد يشتغل مع ابوه وعبدالعزيز يدرس بجامعه البترول
ونورة بثاني جمعه علوم طبيه.
...................................
دينا:يمه لازم نسافر بالاجازة نغير جو لداليا..
سلوى:انشالله بس انا والله ما ابي اسافر برمضان صيام وصلاة وانا رايحه اتمشى لا والله
دينا:بليلة العيد نسافر والاجازة مو طويله كلها اسبوع..
سلوى:وين نروح؟؟ما نبي شي بعيد يا بيروت والا مصر
دينا:لا تكفين مو مصر مو حلوة بيروت
سلوى:والله الي تبون اسالي اخوانك..
دينا طيب بس ترا لازم نحجز من الحين تعرفين يمه زحمه
سلوى:انشالله يصير خير...
دينا:فواااز السيكل حقك خرباان؟
فواز:لييش؟وش تبين فيه؟
دينا:اشتهيت العب..طفشانه
فواز:قام يضحك على اخته الطوول طول نخله والعقل عقل سخله
دينا:وش دخلك بعديين انت طولي
فواز:لا مو على الطول بس انتي مسويه نفسك كبيرة
دينا:طيب طيب خربان والا لا؟؟لا تقعد تستهبل
فواز:تسكتيين..اول شي قولي عمي فواز
دينا:طيييييييييب شكراا عرفت انه مو خربان ونزلت تحت وهي تركض والشوشه منتفشه ولابسه بجامتها...
سلوى بيتها جنب بيت اخوها صالح وبينهم باب بالحوش....
نهايه الجزء..
مين بتلقى دينا اذا طلعت براا تلعب؟؟؟
وش بيصير على داليا بتتحسن او بتسؤ حالتها؟؟
انتظر ردكم واتمنى انها تعجبكم...


خديجه بنت حجاب غير متصل  
قديم 09-04-2009, 02:52 PM   #2 (permalink)
خديجه بنت حجاب
رومانسي مبتديء
 
--------------------------------------------------------------------------------

(الجزء الثاني)
نرجع لدينا الي راحت تلعب بالسيكل.......ركبت دينا السيكل بعد محاولات لان السيكل كبير وقمت تدور بالحوش متشققه وقاعده تتفن وما عليها من أحد وكانت طايرة وما قدرت تمسك توازنها ودخلت على الزرع وطاحت على وجههاوتجرحت يدها من الورد...ديناخنقتها العبرة ..لا عادت من سيكل..كل من فواز وقامت تخربط حكي..رفعت نفسها وتلتفت على ورا الا تلقى تركي ميـــــــــت ضحك عليهااا طااح عل الارض من كثر الضحك..
دينا:أعتقد مافي شي يضحك بدال ما تقولي بسم الله عليك عسا ما تعورتي تقعد تضحك؟؟
تركي ما قدر يتكلم من كثر الضحك وكان كلامه مقطع معليـش..معليـش بس الطيحه ما تتحمل اني أقعد أسمي علييك ويكمل ضحكه انتي لو تشوفين شكلك يا ليت معاي كاميرا أصورك يا سلام تحفه..
دينا:انا ُمضحكه عندك يا تركي؟؟
تركي:لا لستي ُمضحكه ويضحك زياده عليها
دينا:ما قلت ُمضحكه قلت مضحكه..الا ويجي فيصل يناظر دينا مستغرب من شكلها
تركي:فاااتك يا فيصل نص عمرك
فيصل:الله نص عمري شدعوة!
تركي:الله لو شفت طيحه دينا
فيصل يضحك اييه واله فاتني..قلي قلي وهو يناظر دينا يبي يقهرها بتفصيل(فيصل يموت ويرفع ظغط دينا)
دينا تنرفزت من تركي وفيصل..
دينا:طيب يا تركي أنا أوريك انت وأخوك..
تركي:لا دينا والله آسف لا تزعلين
دينا مشت وتركتهم..دخلت البيت وهي معصبه وتلقا فواز..
فواز:مالك الا خمس دقايق أمداك؟!
دينا:مالك شغل
فواز:آووووووف ليش يدك مجرحه؟؟؟!طحتي لا يكون بس خربتي سيكلي توني شاريه
دينا:هذا الي همك بعدين من زينه..
فواز:والله انك هبله وين طحتي؟
دينا:ما راح أقولك روح وانت ودوره ..رقت دينا فوق وتلقا امها
دينا:يممممممممه ساعديني
سلوى اخترعت وشفيك؟؟
دينا:طحت من السيكل وتجرحت يدي
سلوى:بسم الله عليك هذا الرجه أحد يلعب بلسيكل وهو ما يعرف خطر يا بينيتي ناس تكسروا
دينا:يمه الله يعافيك
دانه:سيكل مين؟؟
دينا:سيكل عمي شرايك يعيني سيكل مين!!
دانه:الله حق فواز تركبينه كبير مو حق آدميين حق بعارين
.........................................
طلع فواز يدور سيكله وشاف تركي وفيصل
فواز:الله يقطع ابيلسها شسووت بسيكيلي؟؟؟؟حرام عليها توني شاريه
تركي:فاااتك لو شفت طيحتها تموت ضحك
فواز:تساتهل..دينا تطل عليهم من الشباك وبصوت عالي شلقفك انت يا راس السوسه تقول لفواز يا حبك للحكي
تركي:من قال انك راس السوسه ها ها من قال ظالمينك(تركي بيرفع ظغطها)
دينا:شرايك تنشره بالجرايد وتقول(دينا طاحت من السيكل)
تركي وهو يضحك والله فكرة يا دينا وتصيرين مشهورة كل من شافك يقوا انتي دينا الي طحتي من السيكل نبي توقيعك بليز...
دانه:دينا عيب تقولين كذا لتركي
دينا:يا زينك ساكته
........................
نورة:يمه كلمت جدتي تقول بكرة لازم تجون عندي تفطرون
منيرة:والله يا نورة مالي خلق روحي انتي واخوك وابوك انا ما احب الطلعات
نورة:يمه لازم عيب جدتي كم مرة تقولنا وما تروحين وتعرفينها تاخذ على خاطرها..دخل عبدالعزيز عليهم
نورة:جابك الله
عزيز: ليـــــش؟؟؟
نورة: بكرة جدتي تبينا نجي عندها نفطر
عبدالعزيز: انشاالله
منيرة:وين أبوك؟؟
عبدالعزيز: مدري انا توني جاي
نورة؟أكيد عند عمي...
عبدالعزيز: يمه أنا انشاالله بعد بكرة بروح مكه أخذ عمرة
منيرة:ورا ما قلتلي؟
عبدالعزيز:هذاني اقولك
منيرة:أنا ودي اروح من زمان ما اخذت عمرة
عبدالعزيز:توكلنا
نورة:وانا بعد بروح
عبدالعزيز: يمه قولي لابوي كلها يوم وبنرجع ما راح يتضرر الشغل
منيرة:انشالله يوافق
عبدالعزيز:الا يمه شلون خالاتي؟؟
منيرة:طيبين خالتك سلوى الاسبوع الجاي بتروح بيروت يغيرون جو لداليا..
عبدالعزيز:شلونها الحين داليا؟؟
نورة:مسكينه حالتها حاله ونفسيتها تعبانه
عبدالعزيز:الله يعين
.................................................. .
لمى:ماااجد شرايك نسافر؟
ماجد كان يقرا الجريده ولا نزلها..ويكلمها من رورا الجريد ولييش انشالله؟؟
لمى:نغير جو...ولو سمحت نزل الجريده وانت تكلمني
ماجد:ماله داعي
لمى:كيفك لا تنزلها بس تقدير لي انك تكلمني وجها لوجه
ماجد:ماله داعي نسافر مو ماله داعي انزل الجريد..
لمى:أجل بسافر مع أهلي
نزل ماجد الجريده بقوة قولي كذا من زمان ماله داعي لف ودوارن
لمى:ما لفيت ولا درت انا عرضت نسافر انا وياك وانت رفضت بعدين قلتلك اني بسافر مع اهلي
ماجد:انتي عارفه اني بقول لا لانك تعرفين ان الشغل الى راااسي
لمى:طييب شقلت؟
ماجد: لمى حبيبتي انتي الصيف كله ما قعدتي هنا وبعدين الاجازة ما تسوى اسبوع باجازة الحج نسافر
لمى: كل الناس تسافر باجازة رمضان والحج والصيف وغير الايام الاسبوع
ماجد:عندك سالفه زينه قوليها ما عندك قل خيرا او اصمت
لمى:اوووووف منك ورمت المخده وقامت من الصاله
(لمى وحيده امها ومدلعه وما تعودت احد يقولها لا وغير هذا شايفه نفسها)
اماماجد رجال شغل وما عنده وقت كل وقته شغل...تزوجزا قبل سنه ماجد شاف لمى عند داليا, لمى كانت من صديقات داليا بس الحين فكت العلاقه بينهم والمفروض انها تزيد...
...........................................
بالصاله تركي وفيصل وامهم يسولفون
فيصل: يمه ليش عائلتنا شويه وش تعتقدين السبب؟؟؟؟
تركي:لهدرجه انت فاضي قلت الاسئله عندك والسواليف!!
فيصل:أنااا قلت يمه أعتقد ما قلت يمه تركي!
الجوهرة:اسالهم..
فيصل:ميين اسأل؟؟
الجوهرة:الي اكتشفوا العائله قلهم وراكم شوووين؟
فيصل يضحك لا يمه أنا اقصد عائلتنا الصغيرة المكونه منك ومن الوالد الله يطول بعمر وماجد وزوجته واخوي المصون وانا طبعاا
الجوهرة:ربي ما عطانا الا انتم خير وبركه الحمدالله
فيصل:بس انتي تبين بنت
تركي:أحد شكالك وقالك نبي بنت؟
الجوهرة:يوم الله ما رزقني ببنيه قلت انشالله تجيني مرت ولدي حليله تصير مثل بنتي لكن ربي عطاني وحده قشراا
تركي يضحك زوجتي انشالله بتشيلك شيل وتقولين اشوا ان ما جاني بنت
فيصل بصوت عالي جتني فكرررررة رهيبه نتبنى لنا بنت
الجوهرة تناظر ولدها وهي معقده حواجبها الله لا يهبلنا..
فيصل: لييش يمه بالعكس اجرر
الجوهرة: ما قلت شي بس بعد هالعمر بعدين انا ما فيني اربي تحسب التربيه سهله يا ولدي
فيصل: خلاص انا اتبانها وانتي تصيرين جدتهاا
(فيصل ماخذ الموضوع هبال وامه صدقت)
تركي:فيصل شرايك تطلع معنا احسسن ما تقعد تلعب براس امي وتهبلبها
فيصل:ويين بتروحون وانت ومين؟؟
تركي: انا ومحمد بنروح نتعشى
فيصل:طيب يلا الحين عشر ونص يلا يمدينا عشان الصلاه
تركي:اوكي يلا اجهز
فيصل:يمه بددك شي؟؟
الجوهرة:لا والله ما احب اكل المطاعم مدري شلون تشتهون..
فيصل:يمه لا تقعدين بلحالك روحي بيت عمتي
الجوهرة:ايه ناويه...
تركي: فيصل ما جهزت ؟محمد تحت يلا بسرعه
فيصل:لا خلاص ما راح اروح واحد من العيال تو كلمني وبنطلع انا وياه
تركي:اهاا طيب ..يمه يلا مع السلامه
..................
بالسيارة...
محمد رن جواله رنه وقفل ..
تركي:متى بتترك هالحركات؟
محمد بغباء:اي حركات!!
تركي:يرن جوالك رنه ويقل عشرطعش مررة
محمد:اييه هذي امي يا حليلها تستهبل
تركي:لا والله..محمد بال هبال عالاقل برمضان بطل هالحركات يمكن ربي يهديك..
محمد:أنا مو قاعد أسوي شي غلط ولا اني اشهر ببنات الناس على العكس انصحهم واعقلهم وبعدين العلاقه ما تتعدى الصداقه وانا ما قد قلت لوحده اني احبك والا وعدتها بالزواج..
تركي:لا زين مشالله تعقلهم وتنصحهم والله فيك الخير..بس انا رااي انك تعقل نفسك اول بعدين عقل بنات الناس
محمد:أنا الحمدالله عاقل وطبيعي مثلي مثل العيال الباقين استهبال وبس
تركي:طبيعي؟؟ويعيدها باستحقار طبيعي؟؟!!
محمد:أجل تبيني اصير مثلك احب بنت عمتي وهي ما جابت خبري
تركي:من قال انها ما جابت خبري ..بعدين انا ما ابي قصه حب وخرابيط مهما كان هذي بنت عمتي ولازم احافظ عليها مو اقعد اكلمها ليل نهار بعدين اناا
محمد:انت وشو ها؟؟بتتزوجها ويضحك ضحكه استهزاء
تركي:ايه بتزوجها انا مو ناقصني شي صح اني لسا ادرس..بس اقدر اتزوج انا ربي معطيني خير الحمدالله واقدر اتزوج اربعه بعد.
محمد:تحسب الزواج لعبه يا شيخ رووح
تركي:محمد اكرهاتكلم معاك بالمواضيع هذي انت انسان سطحي وما اقدر اتناقش معاك
محمد:ما علينا يا ابو صالح...دخلنا التحليه وش تبي مطعم؟؟
تركي:زيت زعتر
محمد:لا ما ابيه شي ثاني
تركي:ارجع لتخصصي نروح فدركرز
محمد:اوكي
................
عبدالعزيز:نووورة يلا الساعه خمس الا ربع متى يمدينا نوصل
نورة:يلا يلا جيت ..ابوي وينه؟
عبدالعزيز::يستناك..راح من زمان
نورة:طيب يلا اركب السيارة.
عبدالعزيز:لي ربع ساعه منطق اكره ما علي اقعد استنى احد قالولك سواق
نورة:طيب جيت جيت اووف بس
(عبدالعزيز شخصيه هاديه وحكيه قليل مع اهله وفيه غرور شوي ...كان طويل وعريض وحنطي لا اسمر ولا ابيض بس كان يميل للبياض اكثر وملامحه كانت حلوة)
نروة:السلام عليكم..
عبدالرحمن وامه.وعليكم السلام
ام عبدالرحمن.لا سلام في حضرة طعام هاك تمرة
نورة:عاد يمه ابحب راسك
عبدالرحمن:وين عزيز؟؟
عزيز كان توه داخل السلام عليكم وسلم على جدته
................................
داليا:يمه شفيه اكل؟
دينا قامت من مكانها الي تبين اطلبي وتمني
داليا:ابي ساندويتش على ذوقك
دينا:من عيوني ...دانه فواز وراي على المطبخ
نزلوا كلهم للمطبخ عشان يسونل لداليا عشا
دينا:فواز الله يعافيك لا تمسك شي تحوس علينا المطبخ انت بس جهز السفرة وطلع الصحون وحطها على الطاوله
فواز:طيب
دينا:وانتي دانه قطعي الطماطم والخس
دانه:ما اعرف بقول لشغاله
دينا:ما نبي شغل شغالات معنا بس احسن قوليلها مو تقعدين تحوسين بالاكل بعدين تعلمي الحياه تجارب
دخل عليهم تركي وقاام يضحك
تركي:بدكون مساعده؟؟ها لا تستحي بنت عمي
دينا:شكرا بس نبيك تسكت
تركي:انشالله عمتي تامري امر
اتسند تركي على الباب ورفع رجل ونزل الثانيه..يناظر دينا وهي تشتغل
دينا:لو سمحت تركي ما احب احد ينارني ونا اسوي شي
تركي:يعني اسكر عيوني!!
دينا:اييه يا ليت يكون احسن
تركي ابتسم نص ابتسامه وتبيني ما احبها يا محمد مجنون لو ما احبها
طلعوا دانه وفواز وراهم دينا حط عبدالعزيز يده عى الباب ممنوع
ديناناظرت تركي وهي مستغربه ومبتسمه خير انشالله
تركي:زعلتي مني عشان ذاك اليوم؟؟
دينا:لا ما زعلت عاادي اصلا نسيت
تركي:اييه زين اجل عطيني ساندويتش
دينا قامت تضحك مو لوجه الله تتاسف
تركي:الدنيا مصالح
دينا:تعال معنا
تركي:لا ما احب اعكر جلستكم العائليه
دينا:لا والله اخلاق وادب ولد خالي طلع لك صحن من الدولاب
جاب تركي الصحن وحطت له دينا ثنتيت ومشت... رجعت دينا شوي ايه صح رجع الصحناذا خلصت
تركي:لا ما رااح ارجعه باكله
دينا مشت وتركتك وهو راح للبيت الا بوجهه فيصل
فيصل:الله ابي مررة جوعان
تركي:من بيت عمتي
الجوهرة:ما تستحي يا تركي تاخذ منهم اكل وتجيبه هنا
تركي:عاادي يمه ما فيها شي
الجوهرة:مليانين اكل كل يوم الطباخ يطبخ وما احد ياكل والله حرام..سبحان الله ينفق الشي
تركي:اسف يمه
فيصل دخل بيت عمته.....السلام هلا والله بعيال عمتي
فيصل:وعليكم كمل يا اخي سلامك
داليا:حياك فيصل اقعد معنا
فيصل:مادريت انكم تاكلون..
دينا:اقوووول بس اقعد للا تقعد تتميلح جانا تركي الثاني
فيصل يضحك..والله انك فاهمتني يا بنت عمتي

نهاية الجزء...
أتمنى تعجبكم..وأناا بانتظار ردودكم
خديجه بنت حجاب غير متصل  
قديم 09-04-2009, 02:53 PM   #3 (permalink)
خديجه بنت حجاب
رومانسي مبتديء
 
--------------------------------------------------------------------------------

(الجزء الثالث)
ماجد:لمى حبيبتي أنا رايح أصلي..ولو سمحتي أبي ارجع والسحور جاهز مو مثل أمس..
لمى كانت قاعده على السرير ومعطيه ماجد ظهرها..انشالله تامرأمر..
ماجد:ليش كذا معصبه وتردين من طرف خشمك أنا ما قلت شي يستدعي انك تعصبين..بعدين الي يشوفك يقوول مسكينه زوجها كارفها وانها الي تطبخ
لمى لفت على ماجد..انت تعرف أنا ليش معصبه
ماجد:مثل الاطفال يا لمى..أنا مرات اشك اني متزوج طفله مو متزوج وحده عمرها عشرين
لمى:لا تتأخر على الصلاة..
ماجد مشى وتركها وكان معصب منهاا..لمى طبعا ولاكنها سمعت شي قفلت الانوار ونامت..
...................................
دخلت دينا على داليا بغرفتها..
دينا:داليا..داليا
داليا كانت مسندحه على السرير ومعطيه دينا ظهرها..
دينا:داليا نايمه؟؟
داليا رفعت نفسها وعيونها حمرة ومتنفخه من كثر الصياح.
دينا:لا لا لييييش تصيحن ؟؟
داليا:يعني ما تدرين ليش..أصيح على عمري أصيح على حبي اللي راح يوم مات فهد
دينا:لا يا داليا حنا ما صدقنا تتتحسنين تقومين ترجعين مثل أوووول
داليا وهي تصيح..أنا كل يوم أزيد يا دينا ما ني قادرة انسى اللي صار مأقدر يا دينا ماأقدر..
دينا:هذي الدنيا يا داليا..كلنا بنمووت كل من عليها فان..
داليا:يا ليتني تزوجته يا دينا..عالاقل أعيش معاه..يا ليتني سمعت كلامه وقدمنا زواجنا..بس أنا الحمارة والغبيه
دينا:داليا وشذا الكلام..هذا الي ربي كاتبه
داليا:يليتني حامل والا عندي ولد عالاقل يبقى لي شي منه..ولد يشيل اسمه..يا ليت يا دينا ياليت..
دينا ما قدرت انها تسووي شي الا انها تضم اختها وتهديها..
دينا:يلا عاد يكفي صيااح..ترا خالتي سلطانه جت من جده وهي تحت وخالتي الجوهرة بعد عندنا..
داليا:وخالتي منيرة ونورة وينهم؟؟
دينا:راحو مكه قبل امس واليوم رجعوو ويمكن يجون مدري عنهم
داليا:طيب دينا انتي اسبقيني على تحت انا الحين جايه
نزلت دينا تحت وسلمت عليهم..

سلوى.وين داليا؟
دينا:الحين جايه يمه
سلطانه:متى انشالله مسافرين؟؟
سلوى:بعد يومين انشاالله يوم الخميس
سلطانه:يا حسافتكم والله
سلطانه:دينا فين ريم؟؟
دينا وتخرهاا ضحك الله يخسك يا خالتي تحكين حجازي
سلطانه:من عاشر قوما اربعين يوما صار منهم
دينا:ما ادري ما شفتها الخايسه ولا سلمت علي لا تكوون بس تحكي حجازي ؟؟
سلطانه:ايييييييه الي يشوفها ذي يقوول عايشه لها سنين بجده..ولا بمكه بعد
دينا:موو صاحيه انتو كل ما رحتو ديرة قلبتو على حكيهم...
....................................
دخل فوازالصاله الي قاعدين فيها ريم ودانه
فواز أول ما دخل...بسم الله الرحمن الرحيم شجابك انتي عندناا الواحد اذا بغى يجي يكلم يقوول لناس قبل بفترة ممو يطب عليهم..
ريم:نعم نعم..انتا الي شجابك..
فواز:والله ماني عارف؟لا يكون بس انا داخل بيتكم بالغلط وانا ماادري يا حبيه قلبي؟؟
دانه:فواز عيـــــــــــــــيب
فواز:اييووووووه صح صح عيب عمتي ريم هادي..لا يكون بس رااح تنامي عندنا؟؟
ريم:اييووه عندك مانع قاعده على قلبك
فواز:اييوووه قاعده على قلبي..أول حاجه انت انسانه مزعجه لاخر درجه وكل سنه نقوول انشالله انها بتعقل لكن تزيدي وتاني حاجه...انتي ذا جيتي خربتي اختي..
دانه:فواااااااااااز
ريم:يا مصلي..بعدين كلها يومين وانتوو مسافرين وما يمديني اخرب اختك
فواز:ايووه يا امي الشره موو عليك الشرره على الي يقعد معكم
ريم.وعععععععععععع من زينك لا تكفى اقعد اقعد الله يخليك بعدين اتكلم زي النااس(فواز كاان يحكي حجازي بس ما يعرف قفاام يخبص بالحكي)
.............................................
دخل ماجد البيت..وما لقى احدد بالصاله
ودخل الغرفه وفتح الانوار
لمى:ماااااااااجد سكر الانواار
ماجد:اووه آسف حبيبتي..
طلع ماجد من الغرفه وراح غرفه الطعام وما لقى شي وراح المطبخ ومالقىشي قفلت معاااااه وارتفع ظغطه دخل الغرفه وفتح الانوار
لمى: عيوني..
ماجد:وين السحور؟؟؟
لمى:يوووه نسيت
ماجد ما سك اعصابه نسيتي...شلون نسيتي؟؟؟ها شلوون احد ينسى شي زي كذا؟؟
لمى:راحت علي نومه
مااجد:كل يوووووم الواحد ينسى مستحييييييل يا لمى انا مو غبي عندك ولا بزر مصختيهااااااا يا لمى وهالحركااااات مو في بيتي اعتقد قلتلك مليووون مرررة في بيت اهليك ادلعي وتمخطرري على كيفك
لمى:كنت اكلم..وبعدين نمت شسووي يعني اذبح نفسي..بعديين ما صاار شي افتح الثلاجه وطلع لك اكل
ماجد:لمى تحسبيين السالفه سالفه اكل ..ابددددا انتي انسانه ترفعين الظغط بكل المقايس الظاهر اهلك ما علمووك الاحترام
لمى:لاتجيب اهلي على لسانك لوو سمحت
مااجد:لوو سمحتي انتي كل هذاااا عشااااان تسافرين..سافرري بس يكوون بعلمك لا ترجعين على بيتي ارجعي على بيت اهلك
لمى:قد هالكلمه يا مااجد؟؟؟
ماجد:لا والله خفت يمه شبتسويين بطقيني والا بتقولين لبابا يجي يضربني ؟؟
لمى سكتت ولا ردت...........
ماجد:يلا رددي ورينا شبتسووين انا الصرااحه خفت
لمى:انا مالي نقااش معاك انت انسان سخيييف ....ومشت لمى ومسكها ماجد من يدها وشدهاا
ماجد:لما اكلمك ترديين فاهمه..
لمى وهي تصيح اتركني مااجد حررام عليك
ماجد حس انه ظاغط عليهاا.وفك يده اخذ نفس طوويل..وطلع من الغرفه وراح قعد بالصاله ولمى كانت بالغرفه على نفس واحد صياااااح..
راح ماجد المسجد يصلي الفجر ولمى على حالتها ورجع وهي للحين تصيح
ماجد حط يده على راسهاا لمى حبيبتي نامي بكررة ربي يحلهاا وانا بغى انااام لو سمحتي بدوون صيااح
لمى:بصيييح وما رااح اخلييك تناام...شعنددك
مااجد قاام يضحك فعلا طفله..ضربني وبكى سبقني واشتكى الي يشووفك الحين يقوول ذي مسكينه زوجها مسطرها ومجننها ومسووي فيها بلاووي الدنيا..ما دروووا انك مجننتني جبتلي الظغط يا لمى
لمى:بطلع من الغرفه وانت ناام نووم العواافي
ماجد:يكوون احسسسن الله يعافييك
...................................
دينا وداليا بالغرفه..دينا ترتب شنطتها وداليا قداام المرايه
داليا:مالي خلق هالسفررة ابددددا
دينا:لييش بالعكس تغير جوو
داليا:الله يعافيك شتغيرر
دينا: لوو تروحين ويين تغير جو..
داليا:بيرروت كلها خليجيين .يلا وكل وااحد يستعررض الي عنده
دينا:استعرضي معهم...بعديين برمضاان اقل زحمه اكيييد
داليا:حتى زحمممهوبعدين مالي خلق البنااات الي هنااك ومصالتهم
دينا:شعليييك منهم.....لا تقعدين معهم ..اقوول داليا شفتي هذا البالطوو..؟
داليا:مررة حلوو
دخلت عليهم دانه باقووى ما عندها وتصببخ بالباب صبخه..
دينا:الوااحد يطق الباب قبل ما يدخل
دانه:سوري بس جيت بقوولكم انو فيصل وتركي بيرحوون بيروت
دينا:سووو يعني وش المطلووب نسووي ؟
داليا:من قالك؟؟
دانه:سرر المهنه موو كل شي ينقاال بس هم بيرحون الخميس بس مو نفس رحلتنا
داليا:داانه رتبتي شنطتك؟؟
دانه:لا لســــا مالي خلق..
داليا:لا دانه بلا عجزز روحي رتبيها
دانه:بكرررة
دينا:رتبيها اليوم وسكريها بكررة احنا رحلتنا الظهرر يعني يالله يمديك يا ماما....
داليا:لا دينا ترا رحلتنا تاخرت لساعه سبعه
دينا:لييييييش؟
داليا:احسن يا شيخه نرووح واحنا صايمين تعب
..............................................
ومن الطرف الثاني..تركي وفيصل بالصاله
تركي:كيف تتوقع الجوو هناك؟؟
فيصل:أكييد بررد
تركي:لا ما احسسه بررد يعني برييد
فيصل:اجل لييش تسال؟؟
تركي:اتاكد...
فيصل:بس خذ شتووي
تركي:اييه بس باخذ صيفي اكثرر
فيصل:محمد متى بيسافر؟؟
تركي:اليوم الساعه 4..الحيين الساعه كم؟؟
فيصل:الحين اربع وربع..ليش ما وديته المطاار غريبه بالعااده توديه
تركي:مالي خلق...
فيصل:شفييك تركي كنه ما ودك ترووح؟؟
تركي:ايه والله مالي خلق اروح
فيصل:لييش؟؟
تركي:بسس كذاا بدوون سبب
فيصل:طيب طيب اذا ما تبي نكنسلها
تركي رمى المخده على اخووه يا مثاالي يا قنووع يعني عاادي عنددك؟؟
فيصل:اييه عاادي
تركي:خلاص انا اروح وانت اقعد
فيصل:لا والله حلووة..اصلا خلاص ما يمدي
تركي:لايمدي نكنسله الحين اكلم قاسم اقول كنسل
فيصل:اقوول بس لايكثر انت وقااسم
رن جواال فيصل وكانت اغنيه..بعد ما قفل فيصل.
تركي:فيصل غيير الاغنيه استغفرر الله احنا برمضاان
فيصل:شفرق رمضان وغير رمضان؟؟
تركي:برمضاان الشياطين مربطه يعني خف ذنوب موو تقعد تقوول الشيطاان يوسوس فيني هذا انت الي قاعد تسمع يعني ما في احد يوسوس
فيصل:الا فيه شياطين الانسس
تركي رمى المخده على اخوه استغفر يا اخي
فيصل:هي انت لا تقعد ترمي مخادك علي كسرت راسي
تركي:كسررررررت رااسك والله من النصب يا اخي والله لو اني رامي مخده حديد مو ريش
تركي:يلا بسس رتب شنطتك احسن لك انا..
مااجد:انا اقوول تقراا قرآن احسسن لك
تركي:وعليكم السلام والاسلام
ماجد:السلام عليكم..شخباار اخواني؟
تركي:اخوانك طيبين..
ماجد:وين امي؟
فيصل:فووق
تركي:مااجد لاتروح لها الحيين هي تقرا
ماجد:اهااا
قعد ماجد مع اخوانه بس باله موو معهم ابدددا
فيصل:ماجد شخبار الشغل؟؟وشخبار المدام؟ ويضحكوون تركي وفيصل
فيصل:مااجد هيي احاكيك
مااجد:هاا معاك..شكنت تقوول؟؟ ليش تضحكوون؟؟
فيصل:اقوول شخباار المدام؟؟ويضحكون تركي وفيصل مررة ثانيه من قلبهم
ماجد:انا اقوول لو تقرون قرآن احسن لك انت واخووك من هالكلام..لكم سااعه قرق من جيت من اربع ونص والحين خمسه الا ربع..
تركي:الله واكبرر عليك يا الهواال لنا ساعه
تركي:فيصل جيب لي قرآن معاك
فيصل:طيب
تركي التفت على ماجد..
تركي:شفيك مااجد اليوم موو على بعضك؟؟
ماجد تنهد..لا ابد يا اخووي الشغل يهد الحيل
تركي:اتمنى انه الشغل مو شي ثاني.انا اعرفك زيين..
ماجد:الا تعاال شخبار دينا ويغمزز له
تركي:الله يفضحك ورا ما تسكت احسسن ابووي جاا
صالح:هلا بولدي الغالي
تركي:الله يسلمك يبه..
صالح:من قاله انك انت؟
تركي:شكرا على التفشيله..بعدين ولددك الكبير قباال وجهك اربعه وعشرين ساعه بالشركه
فيصل:هااك تركي
تركي:سااعه والله لو انك راايح تطبعه بمطبعه الملك فهد..
الجوهرة:يلا ياابوو ماجد بقى خمس دقايق على الآذان
فيصل:يبه لو انك ابوو فيصل احلى من ابو ماجد
صالح:ادع..ادع ربك يهجدك ويسهل عليك اختباراتك
فيصل:انت ورا ما تدعيلي انت ابووي
صالح:فيصل (قالها بصوت اضخم شووي من صوته وبشده )
فيصل:نعم (رد عليه بنفس الطريقه)
صالح:اذن يا ولدي افطررر
سكت فيصل شووي وبعد ما رجعووا لسواليفهم
فيصل:يبه انت لييش تحب النظام؟؟هل لانك عسكرري سابقاا؟؟
تركي:رجعنا للاسئله البايخه الي مدرري من وين تجيبها
فيصل:لا صددق تحب النووم بدري تحب النظام ويا ويل الي يتاخر بوقت الغدا الا اذا كاان عنده ظررف ولا زم عذر طبي ويا ويل الي يسهر...مابقى الا تقرع لنا ونصير بعسكريه صددق
ماجد:يلا بسس لا تكثر حكي اقاام..
ماجد:مع السلامه يمه انا راجع البيت على طوول
الجوهرة:ورااك اقعد كمل اكلك من زممان ما جيتنا
ماجد:مررة ثانيه
فيصل:قضى رمضاان تسكت امي
ويسحب ماجد اخووه ويرحوون المسجد
دخل ماجد بيته...
ماجد:هلا حبيبتي انتي هنا احسبك عند اهلك
لمى:انتظرك..
ماجد:رحت عند اهلي افطر
لمى:ليش ما كلمت ما عندك جوال؟؟
ماجد:معليش آآآآسف حقك علي
لمى:انت تنسى عاادي وأنا اذا نسيت ترتكب فيني جريمه
ماجد:لمى انتي ما نستي انتي تناسيتي..وبعدين انتهت السالفه..مالي خلق وجعع رااس الله يرحم والديك
لمى ارتفع صوتها..ايه طبعا انتهت السالفه عنددك ولكن شي صاار عالاقل كلمه اعتذار
ماجد:حلوووووووة هذي يا لمى اعتذرر ليش وش سويت انا عشاان اعتذر الحين انتي تغلطين وانا اعتذرر
لمى:انت جرحتني يا ماجد بكلامك تبي تطلقني وترسلني بيت اهلي يلا طلق
ماجد:لمى شذا الكلام ؟؟
لمى:هذا كلامك والا انت نسيت اييه طبعاا نسيت رميت الكلمه مثل السلام عليكم وما رايت مشاعر الي قادمك ولا حمارة عندك..
ماجد:تكرمين يا لمى..ممكن نتكلم بهدؤ..والله يا لمى مرضتيني حرراام الي تسوينه من مشكله لمشكله ترا هذا يحط حواجز بينا واحنا الي بنتعب..انا يوم فكرت اتزوجك تخيلت حياة سعيده مو نكد وهوااش وصرااخ وصيااح والله لو احنا وشوو..سنه يا لمى متزوجين ونتهاوش كل يووم واليوم الي ما نتهاوش مع بعض نكون زعلانين
لمى:اررجع للاسبااب وانت تعرف
ماجد:نرجع لييش لا انتي الاسبااب هذي كلها..
لمى ناظررت مااجد.اكرهك يا مااجد اكرهك
ماجد:لمى بدوون زعل انتي الي طلبتي اني اقولها وارجع لها
لمى:الحين اناالاسباب وانت يا حياتي الي طايح بالمشاكل ..ماجد انت انسان تحب تكبرر السالفه وما عندي غيرر هالكلام وما ابي اسمع شي منك..
دانه:احس اني بستفررغ وراسي يعورني...
فواز:وانتي هذي حالتك كل ما سافرنا..أكيد معاك دوار بحر
دينا:شدوار بحرر انت احنا بطيارة مو سفينه
فواز:طيب شفرق طياره والا سفينه الدوار واحد والدوخه وحده و..كل الاعراض متشابه بس اختلاف المركبه
دينا:الله يعافيك اسكتت
طلعت دانه العده جايبه معها شنطه كلها حلوياات وشبساات
دينا:واله لو اننا رايحين امريكاا كلها ساعتين..
دانه:والله عااد كيفي..لو انشالله بروح الخرج بالطيارة باخذ معااي وما احدد قالك كلي معااي
فوااز:يا غبيه الخرج ما فيها مطار..
دانه:الا فيها مطاار حنا ماخذينه بالجغرافيا..
فواز:لا احدد يسمعك بسس فشلتينا شووفي الرجاال قاعد يضحك عليك يقوول وشذا البنت الهلبه..الخرج بالرياض يعني ماله داعي كثرة المطارات..يسوون جامعات احسسن
دانه:الا انا متاكده..ولا تصدق
فواز بيسكتها:ايييه صحح فيها مطاار نسيت انا لخبطت بينها وبين الدرعيه.السموحه يااختي شككت بكلامك
داانه:لا عاادي بس لا تتحدى مررة ثانيه..
دينا:دانه عطيني شي.
دانه: موو ما تبين
دينا: ما قلت ما ابي قلت انك مكثررة يعني موؤنه شهر...
دينا ودانه وفواز قاعدين سياحي الي تكون المقاعد خمسه وكان جنبهم واحد وزوجته..دينا على الطرف وبعدي فواز بعدين دانه بعدين الرجال بعدين زوجته..
اما داليا وسلوى قاعدين درجه اولى..
دانه التفتت على الي جنبها..تبوون؟؟
الرجال:لا شكرا..دانه بغباء:لا عااد لاتستحوون
هم قامواا يضحكون عليها
الجال:اوكي عطينا..
دانه:شتحبوون
الرجال:على ذوقك..الي يجي منك
دانه عطتهم شبسات وحلويات وعلووك..
الرجال:شكرررررا بس هذا كثير
فواز خش معهم بالسالفه ترا اختي كريمه فيها من كرم ابن جرير
الرجال:قصدك حاتم الطائي
فواز تفشل..ايه ايه هوو بالظبط..بس ترا حتى ابن جرير معرووف انه كريم
دانه:صررف صررف
الرجال انبسط عليهم وقاام سواليف وحكي الى ما وصلوا..
فواز:دينا دينا دينا وصمخ
دينا:نعم كذااا الوااحد يقووم
فواز:وصلنا يلا قومي
وصلوا فندق انتركونتينتال فينسيا...
داليا:اوووووووف وش ذا الزحمه؟
دينا:ماعندك سالفه هذي زحمه!
داليا:لا اقصد في سعودين
دينا:أكيــــــــــــــد.
داليا:بس كثييييييييييير
دينا:السعودين خاصه والخليجين عامه منتشرين بكل كان يعني وراك وراك..
راحوو لغرفهم دينا وداليا بغرفه وسلوى ودانه بغرفه وفواز بغرفه..
داليا:دينا افتحي الباب
دينا وقت عند الباب ميين؟؟
فواز:السعلووو
دينا:يا خف دمي..
فواز:تراا بكررررررة العيد وكل عاام وانت سعيديين(ومن العايدين ومن الفايزين انشالله)
داليا:وانت بخير ..مين قالك؟؟
دينا:انا ما اصدقك السنه الي فاتت كذبت علين وطلع نوو عيد
فواز:لا والله هالمررة جدد ماأكذب..فيصل تووه مكلمني
دينا:وين يسكنون؟؟
فيصل:معنا بنفس الاوتيل
دينا:اهاا
فيصل:ابي اروح السوليدير..
دينا:بكررة انشالله الحين ما يمدي
فواز:طيب انا بروح عند تركي ما نزل السوليدير..بيباااااااي
دخلت دينا على امها كاان بينهم باب
دينا:كل عاام وانتم بخير وصحه وسلامه
دانه:بكررررة عيد؟؟
دينا:اييه
دانه:لاااااااااااااااااااااااااااااااما احب يوم العيد يجيب لي الكآبه
سلوى:استغفرري يا بنت..الا وين فواز
دينا:رااح عند ترركي
دانه:انا ميته جوووووووع..امشواا ننزل نتعشى تحت...
دينا:لا والله مالي خلق..اطلبي من الغرفه
دانه:سخيفه
دينا:لا لا لاااااااااا داليا دخلت الشمس بعيوني حراااااام عليك أبي انام
داليا:الحين الساعه وحدده يلا قومي..يا حبك لنووم..تدرين كم ساعه نايمه..3..4..5..6
ديناسااعه اوفر عليك عدد انا لازم انام 12 ساعه باليووم
داليا:ديناااااااااااا شفررق ساعه ما رااح تموتيين انشالله..انتي نص يومك نايمه والنص الثاني فيك النووم
دينا:اقووووووول بس وين امي؟
داليا:بغرفتها..
الساعه 4 العصر نزلو لسوليدير..التجمع العالمي لسعودين والخليجيين...
نهايه الجزء.....أتمنى انه يعجبكم الجزء
خديجه بنت حجاب غير متصل  
قديم 09-04-2009, 02:55 PM   #4 (permalink)
خديجه بنت حجاب
رومانسي مبتديء
 
--------------------------------------------------------------------------------

(الجزء الرابع)
الساعه اربع العصر دخلت منير ة على غرفه عبدالعزيز عشان تصحيه من النوم وفتحت الستاير والانوار وقفلت المكيف وسحبت الغطا من عبدالعزيز..
عبدالعزيز كان نومه ثقيل ومع كل الي سوته امه ولاجاب خبرها..,منيرة كانت تهز عبدالعزيز عشان يقوم:عزيز عزيز يلا قم يا وليدي الساعه اربع العصر
عبدالعزيزومو قادر يفتح عيونه:يممممممه,والله مانمت زين خليني شووي بس
منيرة:قم عيد امك واختك اليوم عيد,انت رحت صليت ورجعت نمت لا افطرت معنا ولا شفناك
عبدالعزيز:طيب يمه قمت قمت,وهو يتثاوب,كل عام وانتي بخير يا احلى ام بالدنيا
منيرة تناظر ولدها وتضحك:وانت بخير
عبدالعزيز:وين نوير؟؟
منيرة:نايمه..
عبدالعزيز وهو يقلد صوت ابوه:احد ينام يوم العيد,انا اذكر يوم العيد الناس تجتمع ويعايدون بعض
منيرة:لا زين قل لنفسك,عالاقل نورة احسن منك قامت الصبح معنا وعايدتنا ورجعت الظهر تنام.
عبدالعزيز قام من السرير وقام يسوي حركات رياضيه
منيرة:هوو وشتسوي انت؟؟
عبدالعزيز وهو يضحك على امه:لازم اسوي حركات رياضيه عشان الجسم يتنشط
طلعت منيرة من غرفه عبدالعزيز وراحت غرفه نورة,وعبدالعزيز اخذ له شاور وحلق ولبس ثوب وشماغ ووطلع لاهله بالصاله,قامت نورة لاخوها عشان تعايده وحب على راسها.
عبدالعزيز:وين ابوي؟؟
منيرة:عند جدتك توه رايح ويقول لا يتاخرعزيز الحين يجي.
عبدالعزيز:ايه انشالله الحين بروح ,بتجون معاي؟؟
منيره:الا الا استنى يا وليدي كلنا بنروح,عيب ما نروح
عبدالعزيز:طيب,بسرعه والا تعالو مع السواق
منيرة:لا لا جاهزين.
نورة:ربع ساعه بس
عبدالعزيز وهو يناظر الساعه:طيب يلا روحي بسرعه
نورة قامت بسرعه لغرفتها عشان تلبس وتتظبط.
رن جوال عبدالعزيز,مسك عزيز الجوال يشوف مين الي يدق وكان الي يدق عليه ماجد.
عبدالعزيز:هلا والله ابو فيصل عاش من شاف اسمك بجوالي
ماجد:ماني ابوو احد انا,كل عام وانت بخير
عبدالعزيز:وانت بخير,شخبارك؟شلونك؟من زمان عنك يا رجال.
ماجد:اييه والله من زمان,انا اخباري..وسكت ماجد وتنهد ماشي الحال,انت شخبارك؟ وابوك شلونه؟
عبدالعزيز:الحمدالله طيبين.
ماجد:عندك شي اليوم؟؟يا اخي من زمان ماشفناك
عبدالعزيز:لا الحين بروح بيت جدتي وبعدها بروح بيت خالي الي هو ابوك وهناك في خالتي سلطانه بسلم عليهم.
ماجد:اهااا طيب تجي بيتي؟
عبدالعزيز:اوكي انا على الساعه تسع بكون عندك
ماجد:حلوو,انتظررك
عبدالعزيز:والا شرايك نتواعد ببيت خالي ,انت رحت لهم؟
ماجد:انا توي طالع من عندهم,تعال بس بيتي
عبدالعزيز:خلاص,نشوفك مع السلامه
ماجد:فمان الله.
عبدالعزيز كان حاط يده على رجله ويدينه متشابكه مع بعض وكان منحني شوي,يتذكر فهد اخوه ويتذكر هذيك الايام,سحب القلم الي كان بجيبه واخذ يقلبه ويتذكر لما فهد جاب له القلم هديه,تنهد عبدالعزيز تنهيده طويله شايل فيها كل هموم قلبه,قال بصوت مسموع شوي الله يرحمك,نورة الي كانت واقفه تشوف اخوها وعرفت الي كان يفكر فيه,نزلت دمعه من نورة وعبدالعزيز رفع راسه وشاف نورة واستغرب انها تصيح,قام عبدالعزيز من الكنبه وراح لنورة ولف يده على كتفها.
عبدالعزيز:نورة شفيك وانا اخوك؟
نورة زاد صياحها:عزيز انا مو متخيله العيد بدون فهد,انا مو متخيله الدنيا كلها بدون فهد,صورته كل شوي تجي ببالي وكنه جاي يعايدني ,نورة زاد صياحها
عبدالعزيز سكت شوي:تشكين لي يانورة,وانااشكي لمين,كلنا ضعنا من بعد فهد.
نورة:يا ليت ترجع ذيك الايام ,واعوض كل الايام الي مع فهد ومااتهاوش معاه,كان دايما يزعل مني
عبدالعزيز:نورة خلاص حبيبتي,هدي الحين تجي امي وتشوفنا كذا وتعفين انتي امي ما يحتاج
نورة:رفعت راسها ومسحت دموعها:ايه صح امي مو ناقصه
منيرة جت وشافت عيالها بذا الحال..واستغربت من عيالها منيرة وهي معقده حواجبها:شفيكم؟؟
عبدالعزيز:ابد يمه ما فينا شي..
منيرة تناظر نورة والي باين عليها اثار الصياح:شفيك نورة؟؟ وتلتفت لعزيز,قايل لها شي عزيز؟
عبدالعزيز حب يلطف الجو:اييه طبعا هذي بنتك وحبيبتك لازم تخافين عليها وانا ياحياتي مو مهم,يمه اسمحيلي بنتك دلوعه قلتها يلا بسرعه وقعدت اهاوشها وزعلت ولا بعد بغت تصيح
منيرة كشت من كلام عزيز شقصده انها هي حبيبتي وهو لا يعني اني افرق بينهم وكل هذي الاسئله
تدور ببال منيرة,عبدالعزيز بدال ما يهدي الوضع زاد الطين بله..
منيرة مشت وقالت يلا تاخرنا ولا ردت على عزيز..
.............................
ماجد بالسيارة وكان موقف عند الاشارة ومسك جواله وكلم على لمى لانه اليوم ما شافها ابد الا الصباح..كلم بس ما رد احد وبعد خمس دقايق كلم وبرضو ما يرد احد ,خاف ماجد مو عادتها لمى ماترد,وبعدين امس ما تهاوشنا عشان ماترد,وقامت الافكار توديه وتجيبه.وصل البيت ورجع كلم وبعد محاولتين ردت..
ماجد:هلا حبيبتي..
لمى:هلا..
ماجد:وينك ما تردين كلمت كم مرة ومارديتي..خوفتيني عليك.
لمى وكان ردها بارد:ايه الجوال كان بعيد
ماجد:انتبهي مرة ثانيه وخليه جنبك.
لمى:طيب
ماجد:رحتي لبيت أهلي؟؟
لمى:لاما رحت
ماجد:لييييييييش؟؟
لمى:اروح بلحالي
ماجد:بياكلونك هناك روحي سلمي عليهم واطلعي..
لمى:اذا تبيني اروح انت تعال ودني عندهم مو اروح بلحالي هذا بيت اهلك
ماجد:انا رحت بس انتي كنتي بيت خالتك,والا تبيني اقعد استنى حضرتك الى ماتخلصين!
لمى:اووووف منك يا ماجد تحب تسوي من الحبه قبه خلاص الحين اروح اهم شي ترتاح
ماجد:شاطرة اتني,بس لاتتأخرين.
لمى:انشالله..
ماجد:يلا مع السلامه
لمى:بااي
.................................................. ......
نرجع لبيروت واهلها..
فواز:يلا يمه جا السواق.
سلوى:ما بغا يجي بيقعد ياخرنا كذا كل يوم..
فواز:لا يقول بس اليوم عشان عيد
دينا توشوش لداليا:شفيك؟ليش كذا معصبه؟!
داليا:بسس كذا مزاااااااج عندك شي؟؟
دينا:لا ما عندي شي,سورري
ركبو السيارة فواز قدام ودانه وداليا وسلوى ورا,والسيارة كانت صغيرة وما كفت لدينا انها تركب معهم.
دينا:وانا وين اركب انشالله؟
سلوى:تعالي يكفي نتزاحم شوي..
دينا:لا والله نتزاحم , يممه صغيرة السيارة..
داليا:دينا يلا بلا عنااد ما راح يضر
دينا:وين اركب يعني؟؟ما يكفي..
دانه:قلتلكم ماله داعي سواق داليا تسوق فينا مثل الصيف الي فات وهي معها رخصه
داليا:ما ادل نسيت..بعدين انا مو كل يوم بنزل..
فواز:خلاص دينا تعالي قدام وانا انزل اروح مع فيصل وتركي..
وبوقتها نزلوا تركي وفيصل
تركي:هلا هلا والله بعمتي,كل عام وانتي بخير
سلوى:وانت بخير..
تركي:كل عام وانتم بخير دانه وداليا..
داليا ودانه:وانت بخير
تركي التفت على دينا:كل عام وانتي بالف خير..
دينا:وانت بخير
تركي:مشالله متحجبه دينا شي حلوو والله.
دينا هي معصبه وتركي يزودها:من زمان انا محجبه
تركي:اممممم,والله حركات دينا...
فيصل:هلا هلا والله ببنت عمتي ..شخبارك؟
دينا:الحمدالله ,انت شخبارك؟
فيصل:تمام.
دينا:ياهوو يا فيصل وش هالكشخه؟وتغمز له
فيصل وجهه حمر مع انه يدري انها تستهبل:من ذوقك يا بنت عمتي
دينا سحبت نظارة فيصل:مررة حلووة معليش اخذ نظارتك وتاخذ نظارتي؟؟
فيصل:شووي شوي علي,واخذ نظارتها وقام يناظرها..
دينا:وش قلت؟؟
فيصل:ما تغلى عليك
دينا:شكرررا ,طيب شرايك حلوة علي؟؟
فيصل:تجنن.
دينا تلتفت على تركي:شرايك تركي؟؟
تركي:حلوة(تركي عصب من دينا وفيصل) عمتي فمان الله,يلا فيصل امشي
فيصل:اييه صح دينا ذكريني بوديك المحل الي قلتلك عليه,متى ما فضيتي قوليلي
دينا:اوكي,بااي
فواز:فيصل بجي معكم السيارة ما تكفي.
فيصل:حياك
ركبو فيصل وتركي وفواز السيارة وكانت رينج روفر ابيض,تركي كان يسوق وجنبه فيصل وورا فواز,تركي كان مسرع بالسيارة مررة.
فيصل:شوي شوي تركي
تركي ما رد عليه,ووقفوا عند الاشارة وتركي كان حاط يده على الدركسون ويهز يده وكان متوتر مررة
فيصل:تركي شفيك؟؟؟
تركي:انت اخر من يتكلم اسككككت..لو سمحت
فيصل:قسم بالله فيك شي مو طبيعي وش سويت لك انا
تركي:بتسكت والا شلون؟؟
فيصل:لاشلون
تركي:انزل من السيارة
فيصل:لا لا بسكت
فواز:انا الي بنزل والله وش جابني معكم.
رفع تركي على صوت المسجل ,السيارة قامت تهز من كثر الصوت مو عالي
فيصل:قصر تركي
تركي ماكان يسمع شي وهذي حركته اذا بغا يسكت احد يعلي على المسجل,وصلو
تركي نزل وراح عند اخوياه,وفيصل وفواز مع بعض..
فواز: شفيه تركي؟؟
فيصل وهو يضحك:علمي علمك,فيصل حس ان كل الي يسوي تركي عشان دينا وهو شاك من زمان انه تركي يحب دينا,فيصل يكلم نفسه:معقول..لا لا مستحيل
فواز يناظر فيصل وستغرب:وشو الي معقول؟
فيصل:امش بس ولاتكثر اسئله..
فواز:وين العيال قاعدين؟؟
فيصل:ستاربكس
فواز:انوااع الخرشه هناك..
........................
داليا:دينا كلمتي البنات؟؟
دينا:اييه كلمتهم وبنتواعد عند الساعه وبعدين بنروح للقهوة
داليا:اي قهوة؟؟
دينا:قراند كافيه..
داليا:طيب ترا انا بروح مع امي..
دينا:ليييييش؟؟
داليا:مالي خلق هبالهم..
دينا:كيفك,يمه انا بروح الحين عند البنات..طيب
سلوى:وش بناته لا مافي روحات
دينا:يممممممممممممه مو هذا اتفاقنا انا قايلتلك بروح معهم
سلوى بعد تفكير:مين البنات طيب؟؟
دينا:يمه انا كم مررة باليوم اقولك؟؟سارة ونورة والعنود ومدري بعد مين فيه بس هذولا صديقاتي..
سلوى:طيب ,واذا رحتي كلميني ولا تروحون اماكن فيها شباب.
دينا:انشالله يمه..بعدين يمه كل الاماكن فيها شباب يعني نروح عزله ما فيها ناس!!
داليا:دينا يازينك ساكته..
دانه:دينا بروح معاك معليش؟
دينا:طيب ,بس بدون بثارة واستهبال
دانه:طيب...
دانه ودينا راحو مع بعض ,وسلوى وداليا مع بعض
دانه:هناك البنات
دينا:ويين؟
دانه:هناااك بلا غباء دينا
دينا:ويين,اييه اييه شفتهم..مشتاقتلهم مررة,قربوا دينا ودانه عند البنات..
دينا:اهلييييييييين ويخموون بعض وسووا حفله
دينا:مرررة مشتاقه لكم يا حبيلكم.
سارة:والي يشتاق يجي موو بس شاطر بالكلام
دينا:ويين اجي وش يجيبني جده؟
نورة:عند خالتك مو تقولين في وحده من خالاتك هناك
دينا:ما علينا المهم اني شفتكم,الا صدق وين العنود؟؟
سارة:الحين بتجي توها مكلمتني
نورة:انتي تشوفين العنود بالرياض صح؟
دينا:لا بس مرة جتنا المدرسه
سارة:اييه صح اذكر قلتيلنا,الا ويين داليا؟؟
دينا:مع امي
نورة:شلونها الحين انشالله انها احسسن؟
دينا:لا الحمدالله احسن بكثير
نورة:الحمدالله
دينا:بنات العنود تاخرت شرايكم احنا نروح للقهوة وبعدين هي تجينا هناك
سارة:خلاص اوكي.مشينا
نورة:اكييد العنود بتجيب معها بنات يععع مالي خلقهم
سارة:الا والله نبغى بنات اجل بس احنا بسم الله بلحالنا
وصلوا البنات للقهوة..
دينا:لا بنات ماابي هنا.
نورة:ليش؟
دينا:ولد خالتي هنا وماابي اصير قدامه
سارة:شعليك منهم!بتقعدين معهم انتي
نورة:عطيه ظهرك
دينا:بس حتى
نورة:خلاص يا بنتي اخذنا طاوله
دينا:يا شينكم,ترفعون الظغط
الطاولة كانت 12 كرسي قعدت دينا وجنبها نورة وقدامهم دانه وسارة..
سارة:وش ذا المماليح الي قدامنا مشالله مرة حلووين والمشكله كلهم ما في احد شين.
نورة:ابي التفت
دينا:نورة اعقلي ما احب الي يقعدون يتلفتون
نورة:الا الا بشووف ,وقامت نورة وقعدت جنب سارة ودانه
نورة:دينا اي واحد ولد خالك؟
دينا:وانا وش يعرفني ما اشوفهم
دانه:الي لابس اسود قدامنا على طول.
نورة:هذا ولد خالك مشالله مملوح ما عنده اخت اتمصلح معها
دينا:وععع ما عندك سالفه نورة مو حلوو
سارة:الا والله حلو.
نورة:دينا وش الحلو بنظرك؟؟
دانه:جت العنود..
قامت دينا ولفت عشان تسلم على العنود والي معها وجت وعينها بعين تركي,تركي على طول لف وصد عنها..قعدوا البنات وسوالف وضحك وهبال...
دانه:دينا مو هذي سمر الي واقفه هناك؟
دينا:اييه والله سمر,ما قالتلي انها بتجي
وقامت دينا عشان تروح تسلم عليها...
دينا:اهلين وسهليين
سمر:هلا والله,شخبارك؟
دينا:الحمدالله,انتي شخبارك,وش مسويه؟
سمر:بخير الله يسلمك وقموا يسولفون وسالفه ورا سالفه
.........................
محمد:والله البنات كل وحده احلى من الثانيه..بس عاد وش يعرفني عليهم كلهم.
تركي:محمد انا مااحب اتكلم بذي الاشيا ومااحب اتكلم على بنات الناس,انت ترضى ان احد يتكلم عن خواتك؟؟
محمد سكت ومارد عليه,تركي ..تركي شفها هناك
تركي:مين؟
محمد:سمر
تركي:مين سمر؟!
محمد:هذي سمر الي اقولك عنها تصير اخت بدر,وهي تكلم ولد عمي وانا شفتها بباريس بالصيف وبعد مارجعت دقت علي وانا الى الحين معها.
تركي عصب:انت قليل ادب يا محمد,انا ماارضى لبدر انك تكلم اخته,انت تخونه كذا ,خاف ربك,واستر على البنت,تركي التفت على ورا وشاف دينا واقفه تكلم وحده والبنت كانت سمر,تركي بسرعه لف على محمد :الي واقفه هناك؟؟؟
محمد:ايه
تركي بدون مايحس بالي يسويه مسك جوال محمد ومده له:كلمها الحين وبسرعه
محمد:ليش؟؟
تركي:بسررعه وبدون اسئلة ,تركي ساكت وكان يهز رجله..وعينه على محمد ودينا,يوم شاف سمر رفعت جوالها, قام من كرسيه مشى بهدؤ وقرب من دينا اكثر وكان جنبها وكان يمشي ويتكلم:دينا ادخلي هذا المحل,دينا استغربت من تركي,دخلت دينا المحل وكانت تناظر تركي وهي مستغربه,مسك تركي يدها وكان شاد على يدها وقربها ..
دينا تناظر تركي ومستغربه من تصرفه:تركي شفيك؟؟
تركي : دينا هذي البنت ماتكلمينها فاهمه ما تكلمينها..ولسانك ما يجي على لسانها
دينا تناظر يد تركي الي كانت ماسكه فيها :اترك يدي تركي
تركي سحب يده بسرعه:آسف
ديناعلت صوتها على تركي:الا بكلمها ,بعدين من متى وانت تامرني وتنهاني ابوي وانا مادري تقولي مع مين امشي ومع مين ماامشي!!!!
تركي يحاول يهدي الوضع وبهدؤ:انا اخاف عليك يا دينا واخاف على سمعتك,والبنت هذي مو كويسه
دينا:لا والله وانت شدراك؟؟
تركي:شوفي دينا, واحد من اخوياي يكلمها وهو يقولي انها..الله يستر عليها
دينا:اذا تركت صديقك الي يكلمها انا اتركها ومشت وتركته,تركي وقف بمكانه ماهو عارف وش يسوي,جاعنده صاحب المحل الي يبيع
الرجال:ما تعتل هم كل النسوان هيك.
تركي وهو مال خلق يرد عليه:ايه صح..
جا محمد عند تركي وطبعا عرف السالفه وعرف ان هذي البنت هي دينا من تصرف تركي بس محمد سوا نفسه ما يعرف شي..
محمد:تركي.
تركي لف عليه وكان يناظره نظرات وكنه هو المذنب ولا رد عليه..
محمد:شفيك؟؟
تركي:ولا شي,انت شايف فيني شي!!
محمد:طيب آسف,يلا امشي نروح لشباب,مشى تركي مع محمد وقعدوا..
.....................................
نورة:العنود,امانه شرايك بالي لابس اسود الي توه جلس
العنود:انتي بعد عاجبك؟؟
نورة:ليش مين بعد؟
العنود:تو وحده من البنات تقولي شوفيه
نورة:حزري مين هذا؟؟
العنود:ميين,اخووووووووووك؟؟
نورة:لا وش اخوي,هذا يصير ولد خال مدري خاله دينا
العنود:احلفي
نورة:اكذذب يعني
العنود على طوول لفت على دينا:دينااااااااا
دينا:نعم
العنود:هذا ولد خالك الحلوو
دينا عصبت من العنود ونورة :ايه ولد خالي
العنود:هذااااا تركي
دينا:ايه هذا تركي
العنود:دينا معليش بس من جدد حلوو وكل البنات يقولون كذا,هو كان بنفس مدرستك صح؟
دينا وابرد ما عندها:ايه
العنود:طيب صح في واحد ثاني كبرك؟؟
دينا:اييه
العنود:بس يقولون ان تركي احلى من اخوه
دينا ابتسمت لعنود وهزت راسها
العنود:دينا شكلك زعلتي!!
دينا:لا عادي ما زعلت,ولفت دينا على سارة وقامت تسولف
نورة:شكلها زعلت
العنود:وليش تزعل وش قلنا احنا؟؟
نورة:بالغنا شوي ,ماله داعي.
العنود:امممم,مدري احس عادي
.........................
فيصل جا عند تركي وكان جايب معاه العود تركي كان يدق عود وفنان بعد
فيصل:تركي واحد من العيال يبيك تدق عود
تركي:لا مالي خلق
فيصل:عشان وليد هو طلب
تركي:لا لا ماابي
وليد:تركي يلا عااد طلبتك
تركي:اوكي,عشانك بس,انا بروح اصلي اول العشا
فيصل:طيب يلا نستناك..
..............................
وصل عبدالعزيز بيت ماجد...,عبدالعزيز كلم على ماجد عشان يفتح له الباب
ماجد:هلا هلا عزيز حياك
عبدالعزيز:هلا والله
ماجد:شخبارك؟
عبدالعزيز:تمام انت شخبارك؟
ماجد:اخباري ما تسر وانا اخوك
عبدالعزيز:افاااا,انا حااس ان اوضاعك هالايام مظطربه
ماجد:اقعد اقعد وتجيك السالفه لا تستعجل
عبدالعزيز:وهذي قعده..
ماجد:انا افكر بالطلاق
عبدالعزيز:نعم, طلاق؟!
ماجد:اييه طلاق,انا ابي انفصل عن لمى
عبدالعزيز:ماااااجد الزواج مو لعبه ولا سيارة تبدلها اذا ما عجبتك
ماجد:انا ما قات هالكلمه الا وانا وازنها بعقلي مليون مررة,عزيز انت ما تعرف وش الي يصير بيني وبين لمى جابتلي المرض.
عبدالعزيز:انت الي اختارتها بنفسك ومااحد جبرك على الزواج,وكنت بذاك الوقت طاير فيها طيرة
ماجد:ما عرفتها.
عبدالعزيز:لا عرفتها وعرفتها زين بعد بس قلت يمكن اقدر اغيرها
ماجد:عبدالعزيز انا حبيتها واحبها وبحبها طول عمري,لكن هي.. انا تعبان تعبان يا عبدالعزيز.
عبدالعزيز:ماجد لازم ترجع لنفسك قبل ما تسوي اي شي ترا هذا طلاق ان ابغض الحلال عند الله الطلاق ..
ماجد:وش الحل بنظرك؟,تخيل يا عبدالعزيز صار الهواش شي يومي وعلى اتفه الاسباب,
انا ما تعودت هذي الحياة,انا اشوف امي وابوي والله اني ادعي ربي اني اصير مثلهم,انا اسمع ان الهواش مع زوجتك ملح الحياة,ويضحك...
عبدالعزيز:ماجد ترا طبيعي الخلافات بين الزوجين الي ما لهم فترة متزوجين.
ماجد:لا لا مو طبيعي,يعني انت الحين تبي تقنعني ان كل الي يتزوجون يتزوجون وحده مثل زوجتي المصون,انا اتوقع لو كلهم يتزوجون بنات زي اطباع لمى كان ما شفت احد متزوج كل واحد مطلق زوجته.
عبدالعزيز:تبالغ يا ماجد
ماجد:عبدالعزيز لو اني ابالغ كان من اول ما تزوجت قعدت اشكي انا صبرت وصبرت لكن لكل انسان صبر وانا نفذ صبري.
عبدالعزيز:حاول تغيرها يا ماجد اذا انت تحبها وهي تحبك اكيد بتقدر تغيرها.
ماجد:حاولت يا عزيز لكن هي اطباعها كذا انا من اول ما تزوجتها وتحس ان راسها مليان بتجارب ناس ثانين,وانا اتوقع السبب الاول اهلها لو انها كانت تشوف امها تحترم ابوها وتحط له قدر وتحبه صدقني ما راح تكون كذا ابدا.
عبدالعزيز:طيب شرايك تكلم امها؟
ماجد يضحك:اكلم امها,ويين يارجال امها اشد منها وبتكون بصف بنتها.
عبدالعزيز:طيب ابوها,اخوها,احد قريب منها.
ماجد:ابوها مو فاضي كل شوي متزوج ومطلق واخوانها مراهقين مايدرون وين الله حاطهم,بعدين انا ما ابي ادخل طرف بينا,والمشكله يا عزيز انه مو مشكله وتقدر تحلها المشكله هي فيها,هي كلها المشكله ما اقدر احلها.
عبدالعزيز:فكر قبل تتخذ اي قرار يا ماجد..
ماجد:صدقني قراري صحيح,انا مابيها تصير ام عيالي
عبدالعزيز:مااااجد كلامك يخوف,وش ما تبيها تصير ام عيالك!!
ماجد:هي تبي تحمل بس انا رااااااافض,وانا مستغرب انها تبي تحمل,انا متاكد ان امها وراها ,المهم عبدالعزيز ما علينا,انت شخبارك؟؟وكيف الجامعه؟؟
عبدالعزيز:الحمدالله,الجامعه انشالله ما بقى الا ها السنه وارتاح
ماجد:بتكمل برا دراستك؟؟
عبدالعزيز:لا ابدا ما فكرت الحين,اصلا ما اقدر اخلي اهلي تعرف صعبه.
ماجد:اييه صح,بتشتغل مع ابوك؟
عبدالعزيز:ماادري,افكر شغلين انا ابي اعتمد على نفسي,وابي اساعد ابوي وانا اصلا الحين اشتغل معاه,السفر والشغل الي بالشرقيه انا الي ماسكه والحمدالله عندي خبرة بالشغل,انت كيف الشغل معاك؟
ماجد:الحمدالله,متعب شووي.
عبدالعزيز:اكيد مافيه شغل بدون تعب...
بعد ساعه..دخلت لمى البيت..
لمى:ماجد في احد؟؟
ماجد:ايه ايه في عبدالعزيز.
لمى دخلت ولازم تمر بالصاله عشان تروح غرفتها..
لمى:هلا والله عبدالعزيز
عبدالعزيز:هلا والله كل عام وانتي بخير
لمى:وانت بخير
لمى راحت لغرفتها
ماجد:عن اذنك شوي عزيز
عزيز:اكيد خذ راحتك
ماجد:لمى رحتي عند اهلي؟
لمى:لا ما رحت
ماجد:اهاااا ,وطلع ماجد من الغرفه وراح لصاله
ماجد:عبدالعزيز شرايك نطلع؟
عبدالعزيز:اوكي,يلا مشينا
طلعوا ماجد وعزيز بسيارة عبدالعزيز,ولمى مستغربه من ماجد لانه ماقالها شي..
............................
نرجع لبيروت ولتركي ودينا...محمد:يلا وين اخوك؟
فيصل:يتغلى علينا
وليد:الولد راح يصلي والحين بيجي لا تستعجلون
محمد:طيب هو قالك انه بيدق ؟؟
فيصل:ايه ايه
محمد:مزاجه اليوم متعكر
فيصل:هذا تركي من عرفته اكبر انسان مزاجي
محمد:اسكت بس لايسمعك..
جا تركي:هلا
محمد:تقبل الله
فيصل:وين مصاريه!!
تركي ماكان طايق فيصل ومحمد ابددا للي صار اليوم.
وليد:يلا ابو عبدالعزيز سمعنا
تركي:انت اطلب وانا اغني..
وليد:الي تبي
تركي:اوكي,ومسك العود ودق دقه خفيفه الى ما يمسك اللحن,الشباب سكتوا وكانت عيونهم على تركي وينتظرونه يبدا,والبنات بعد وكل الي كان بنفس هالمكان,تركي بدا يدق ويدندن ورفع صوته عشان يسمعون وعيونه كانت عل العود ولا رفعها وبدا يغني(انت غير الناس عندي ,انت عندي شي كبير,كيف اصبر وانا شايف ناس من حولك كثير,وأنا أحبك واقولها لك كلمه خليها في بالك,انا ماني اي عاشق انا لما اعشق اغير والله لما اعشق أغير,من عيون الناس والله اغار يا عمري عليك مااتطمن وانسى خوفي الاوايديني بايديك,بس تحمل كل جنوني لانك أغلى من عيوني,لو تدور ما تلاقي منهو غيري يموت فيك)
محمد حس بتركي وان الاغنيه غناها قاصد دينا وكانت عيونه على دينا,تجمعوا الشباب على الطاوله الي كان فيها تركي,ويوم خلص قامو يصفقون البنات والعيال,تركي ارتبك لان الانظار موجهه له
واحد من العيال:وحده ثانيه والله انك فنان,طلبتك وحده ثانيه
تركي يضحك ويكلم وليد:شايفيني مغني
وليد: والله ولك معجبين,يلا بس غني شي ثاني
تركي:لا خلاص.
محمد قرب لتركي وماكان احد يسمع:كل ذا الحب لدينا.
تركي:كانت تسمعني؟؟
محمد: ما نزلت عيونها منك
تركي ضحك:يا كثر ماتكذب
محمد:اسال الي تبي
تركي:طيب طيب صدقتك..
فيصل:يلا عاد اغنيه ثانيه
تركي:لا خلاص,انا ماغنيت الا لسبب
محمد:فيصل خلاص عااد..
..................
نورة:مشالله يا دينا ولد خالك يجنن,عرفيني عليه وتغمز لها
دينا تضحك:ماانتي صاحيه
العنود:والله احس الاغنيه الي غناها يقصد احد فيها وقولي ما قالت عنود
سارة:ايه انا بعد احس كذا,يا بخت الي يحبهاا
نورة:والمشكله ما رفع عيونه تحسينه من جد يقصد احد..
العنود:بس شكلها ما تحبه.
نورة:غبيه لو ما تحبه
سارة:لا هي ما تدري انه يحبها لان كلمات الاغنيه يصرح لها انه يحبها ويغار عليها.
دينا:يالله عليكم من جدد مو صاحين اخترعتو قصه حب وحللتوا ويحبها وما تحبه,انا اعرف ولد خالي مايحب احدد ما عنده سالفه...
نورة:وش يعرفك انتي بالعيال تحسبينهم مثلنا اذا حبت الوحده كتبت اعلان بالجريدة وما خلت احد ماقالت له..
سارة:دينا ما عنده اخت؟
دينا:لا ارتاحي ما عنده اخت.
سارة:لا حرام عليك مو قصدي اني اتمصلح بس عشان تساعده
نورة:دينا انتي ساعديه..
دينا:فاضيه انا اقعد احل مشاكل حب وخرابيط بعدين مانتكلم انا وياه بذي المواضيع.
نورة:الحين الي جاب له العود هو اخوه؟؟
دينا:ايه
سارة:اي واحد؟؟
نورة:الي لابس
سارة:بنات امشو انا طفشت من ذا المكان.
العنود:انا بعد.
قامو البنات ودينا قاعده..سارة:دينا يلا
دينا:لا انا مااقدر,انا قلت لامي اني بهذي القهوة وماابي اغير كل شوي,انتو روحو خلاص انا اقعد مع البنات.
نورة:لا انا بقعد معاك,انا بعد مابي اغير مكان.
سارة:اجل خلاص عنود نقعد معهم.
رن جوال دينا وكانت امها,دينا:الوو
سلوى:هلا,شخباركم؟دينا:الحمدالله طيبين.
سلوى:دينا انا وداليا بنرجع الاوتيل,تبون تقعدون والا تروحون معنا؟؟
دينا:لا يمه لسا بدري بنقعد.
سلوى:لا تتاخرون يا بنيتي.
دينا:انشالله يمه.
على الساعه 12:30 دينا تلتفت على دانه وهي تناظر الساعه بيدها,يلا دانه نرجع الاوتيل.
دانه:لا لسا بدري.
دينا:امي قالت الساعه وحده تجون
دانه:يووه ابي اقعد
دينا:يلا بس,اذا قعدنا بتجي على راسي انا
دانه:طيب.
دينا:يلا بنات مع السلامه نشوفك بكرة انشالله.
نورة:انشالله,اسمعي دينا بكرة نبي نروح ديون ابغى اشوف افلام مرة.
دينا:اوكي,قولي للبنات
سارة:لا ابي اروح كونكورد,والا اباسي مااحب ديون
نورة:بكرة ربي يحلها
دينا:اوكي ,سلمولي على العنود
دانه:كلمتي فواز؟؟
دينا:لا يووه نسيت,مسكت دينا جوالها عشان تكلم فواز..يوه مايرد
دانه:حاولي مرة ثانيه
دينا ترجع تكلم..ما يرد
دانه:حاولي مرة اخرى
دينا:كلمته خمس مرات مايرد.
دانه:امشي ندوره
دينا:من جدك اقعد ادور لا طبعا ,اصبري شوي بكلمه مرة ثانيه
دانه:رد؟؟
دينا:شفتيني قعدت اكلمه,دينا بعد تفكير امشي نروح ندوره بس مو بعيد الكافيات الي حولينا
دانه:يلا
دينا ودانه قعدوا يدورنه نص ساعه بس بدون فايده, تكلم عليه ما يرد.دينا خافت..وش بقول لامي يا ويلي
دانه:طيب كلمي على امي يمكن رجع
دينا:لا لا ما رجع مستحيل يرجع بدونا
دانه:اييه صح كلمي على فيصل
دينا:ايه صح فكرة,كلمت دينا على فيصل وعلى اخر رنه رد
دينا نطت بوجه فيصل:ويينكم ماتردون؟؟
فيصل:رديت عليك على طول
دينا:فيصل تعرف وين فواز؟؟
فيصل يناظر فواز الي كان عنده ويضحك:اييه عنديفواز:ميين؟؟
فيصل يقول لدينا استني شوي,هذي دينا تسال عنك يا ويلك
تركي الي كان يناظر اخوه وهو يكلم دينا..
دينا:قله ذا الغبي مرة ثانيه يرد على جواله مو كذا يخوفني الحين الساعه ثنتين الا ربع وامي قالت الساعه واحده نكون عندها..
فيصل يناظر فواز ويحط يده على رقبته يعني بتذبحك:خلاص هدي هدي دينا الحين خمس دقايق وهو عندك ولا تشيلين هم.
دينا:بسرعه قله يجي عند السيارة انا هناك,باي
فيصل:انشالله انشالله..مع السلامه.
فيصل:فواز بسرعه روح يا ويلك من دينا معصبه
فواز:انا اخاف منها
تركي وكان يوجه كلامه لفواز وكان جدي:فواز انت مو صغير ما تنتبه لجوالك اهلك خافو عليك,ماتدري الواحد كيف الافكار تجيبه وتوديه
فواز:بس والله من جد ما انتبهت
تركي بطريقه استفزازيه:انتبه مرة ثانيه
فواز:اوكي يلا انا بروح
فيصل:ركض
تركي:لهدرجه تخوفك دينا
فيصل ضحك:تخوف بلد بيني وبينك
راح فواز لسيارة وكانت دينا واختها راكبين,فتح فواز الباب بسرعه وكان نفسه عالي وكنه راكض مية متر.
دينا:صباح الخير,بس شغلك عند امي
فواز:خلاص ,ما صار شي..
نهايه الجزء....أتمنى يعجبكم
خديجه بنت حجاب غير متصل  
قديم 09-04-2009, 02:56 PM   #5 (permalink)
خديجه بنت حجاب
رومانسي مبتديء
 
--------------------------------------------------------------------------------

(الجزء الخامس)
دخل ماجد بيته على الساعه ثلاثه الفجر,وكان واقف عند الباب عشان يقفله بس ماقدر الانوار كانت مقفله , انحنى شوي مسك جواله وحطه على القفل عشان ينور له شوي ويقدر يقفل الباب,رفع نفسه واخذ نفس طويل ولف وكانت لمى واقفه وحاطه يدها على خصرها وتناظر الساعه بيدها الثانيه..
لمى:صباح الخير..كان نمت عندهم احسسن,والا ليش تجي من الاساس..
ماجد ناظرها ومشى من جنبها ولا قالها ولا كلمه.
لمى مشت وراه لما اتكلم معاك تكلمني مو تسفهني كذا,ماجد لف عليها وناظرها ورجع كمل دخل الغرفه وفصخ شماغه ودخل غرفه الملابس وبدل ثيابه وراح للسيريرشال الغطا وبنام..
لمى:أحر ما عندي ابرد ما عندك انا اكلمك وانت تمشي وسافهني!!
ماجد:افضل نأجل الموضوع البكرة,احسن لك
لمى:شلوون يعني احسن لك؟؟
ماجد:لمى لما اقول احسن لك,فصدقيني انه احسن لك..
لمى سكتت شوي:انا ماعندي مواضيع اصلا عشان تتاجل..
ماجد:بس انا عندي..
لمى:اذا كان على بيت اهلك اني مارحت,انا اسفه
ماجد:لا لا ابدا مو على بيت اهلي,اذا انتي ماتحترمين زوجك ولا تحترمين اهله,هذا شي يخصك وانا دل فيدل ان اهلك ماعلموك كيف تحترمين زوجك.
لمى خافت من كلام ماجد مو عادته كذا يقولها بدات الافكار تؤديها وتجيبها..معقوله يطلقني لا مستحيل ماجد يحبني ويموت فيني بعد.. طيب وشو الموضوع...
لمى بترد والخوف على وجهه:انا اسفه مرة ثانيه.
ماجد:انا بنام,لو سمحتي بدون ازعاج
لمى:تصبح على خير
ما رد عليها ماجد..
لمى خنقتها العبرة:براحتك لاترد,وطلعت من الغرفه
ماجد يرد عليها بس بعد ماطلعت اكيد براحتي..رفع ماجد نفسه تنهد تنهيده طويله..يا رب ان تكتب لي الخيرة..
ــــــــــــــــــــــــــــــــــــــــــــــــــ ــــــــــ
بهدؤ دخلو دينا ودانه للغرفه..فتحت دينا الانوار بس بسرعه قفلتها عشان داليا كانت نايمه
داليا:افتحيها انا مو نايمه
دينا:وين امي؟؟
داليا:بغرفتها
دينا:ماقالت شي؟؟
داليا وهي تضحك:الا معصبه..
دينا:طيب ليش ما كلمت؟؟
داليا:بتشوف متى بتشرفون حضراتكم...الا صح ليش تاخرتوا؟؟
دينا:اخوك فواز اخرنا ,تخيلي قعدنا ساعه ندوره ونكلم على جواله ما يرد..بعدين كلمت فيصل اساله وطلع عمي عنده.
داليا: يلا بتاكلين لك اكله من امي
دينا: شدخلني انا تطيح على راسي البلاوي
داليا تضحك على اختها: يا ويلك
دخلت سلوى غرفة بناتها وكان باين عليها انها معصبه,دينا على طول راحت لامها ومااعطت فرصه لامها انها تتكلم.
دينا:والله العظيم يا يمه من 12:30 واحنا طالعين بس قعدنا ندور عليه من مكان لمكان واكلم عليه مايرد..يمكن الى الساعه وحده ونص.
سلوى:خير انشالله,انا لي تصرف مع اخوك
دينا ابتسمت ابتسامه انتصار ولفت على داليا:اعجبك
دانه:يلا تصبحون على خير..
دينا وداليا:وانتي من اهله.
اخذت دينا التليفون وكلمت على غرفه اخوها
دينا:هاااي
فواز:هلا
دينا:امي تبيك
فواز:احلففي
دينا وهي تضحك:لا لا امزح عليك
فواز:شتبين انتي داقه؟؟
دينا:ابيك تستعد بكرة
فواز:استعد!!,بايش استعد؟؟
دينا:امي معصبه منك
فواز:يا حبك لشر الحين متصله علي عشان تقولين كذا؟؟
دينا:عشان تجهز لامي كلام..
فواز:يلا بس باي
دينا:بااي
داليا:دينااا وش ذا النجاسه؟
دينا:يستاهل،رفع ظغطي على حركته اليوم..
داليا:بس مو تكلمينه حراام عليك
دينا:عااد كلمته
داليا: قسم بالله بزر
دينا: بنام انا,تصبحين على خير
داليا: وانتي من اهل الخير.
ـــــــــــــــــــــــــــــــــــــــــــــــــ
فيصل رمى نفسه على السرير:تعبان وميت نوووووم
تركي : والله انا بعد تعباان
فيصل: تعرف تركي..انا احب النوم واموت فيه
تركي: الحمدالله على العافيه
فيصل: والله العظيم لو يحصلي بخم النوم،النوم اكثر شي بالحياة يريح
تركي: اقول بس لا تكثر حكي وخرابيط قبل النوم
فيصل: تصدق تركي لو الحياة ما فيها نوم...،تركي قاطع فيصل: ما تجي لاتحاول
فيصل رفع نفسه من السرير: تعال انت ليش اليوم معصب؟؟
تركي كان ماسك المنشفه وحاطها على كتفه ورفع حواجبه وعلى وجهه علامات تعجب:انا معصب!!
فيصل رفع صوته شوي عشان تركي كان بالحمام:اييه معصب وماانت طايق تكلم احد بعد..
تركي طلع وجهه من الحمام:اشوا انك تعرف اني ماني طايق اكلم احد وانت قلتها بلسانك,مانت طايق تكلم احد..اجل ليش تكلمني؟؟
فيصل: شف تركي حسب استنتاجي،بالسيارة كنت معصب والسبب هوو...انك امممممممم شلون اقولها يا ربي.
تركي:لا تقولها ولا اقولها انا كنت منرفز شوي لاسباب احب احتفظ فيها
فيصل:اهاا قلتلي اسباب تحب تحتفظ فيها،يكون احسسن، ويغمز له..
تركي:الحين انت فيك النوم وتقعد تحكي كل هالحكي يلا نااام بس
فيصل:بنااااااااام،انا اقدرر ما انام.اخخخ بس من النوم بيجنني
تركي:الحمدالله على العافيه،اخوي انهبل..
تركي النوم طار من عيونه قاعد يفكر بالي صارله مع دينا..,انالازم بكرة اتأسف لها،المفروض مااسوي كذا معها,هي بعد تنرفزني تقعد تستهبل مع فيصل ولا كنه في واحد يحبها..بس هي ماتدري.........ليش كلمت على فيصل وماكلمت علي اكيد انها زعلانه مني اساتهل الي تسويه فيني،
بس هي بعد توقف مع ذي السمر الي مدري من وين طلعت لي بعد..يا ربي ساعدني،كل هالاسئله تدور ببال تركي وماقدر ينام وكان بس يتقلب من جهه لجهه..
فيصل:تررررررررركي بسسسس يااخي ازعجتني ابي انام
تركي: وانا قاعد على راسك انت بسريرك شعليك مني!!حلوة ذي
فيصل:لا تقعد تتحرك كثير
تركي:الا بتحرك مالك دخل فيني
ــــــــــــــــــــــــــــــــــــــــــــــــــ ـــــــــ
الساعة 12 الظهر قام ماجد من النوم ،التفت ما شاف لمى استغرب وين راحت هي ما تقوم بدري
راح الحمام اخذ له شور ولبس ثوب واخذ شماغه وراح لصاله وشاف لمى منسدحه على الكنبه بس ماكانت نايمه...كمل مشيه وكان متجه للمطبخ..لمى بوقتها رفعت نفسها وعدلت جلستها
لمى:صباح الخير.
ماجد ببرود:صباح النور
دخل ماجد المطبخ وسوا له كورن فليكس وقعد على طاولة المطبخ ياكل..وماحاول يشوف لمى ولا يكلمها...
لمى:ماجد شكلك طالع؟؟
ماجد مارفع عيونه عشان يرد عليها:ايه طالع
لمى:بس الحين مافي شغل
ماجد:ادري،انا قلت اني بروح للمكتب
لمى:اجل وين رايح؟؟
ماجد رفع عيونه وناظر لمى بحده:بروح عند اهلي،عندك مانع؟؟
لمى عصبت من ماجد:لا ماعندي مانع،انا قلتلك شي؟؟
ماجد:احسب بعد
لمى:طيب تقدر تقول موضوعك قبل ماتروح؟؟
ماجد خلص فطوره وقام من الكرسي:لا مااقدر،وانتي لهدرجه مهتمه يعني؟
لمى:لا مومهتمه،بس فضولي يبي يعرف وش السالفه؟؟؟
ماجد:لا اجلي فضولك الى ماانا افتح الموضوع
لمى:تحب تنرفزني ياماجد،من تزوجتك وانت تحب تنرفزني وترفع ظغطي
ماجد:أناااااااااا!،الحين انا الي صرت انرفزك وارفع ظغطك،عشنا وشفنا
لمى:مااحب تكلمني بالبرود هذا
ماجد انفجر بوجها:تبيني اكلمك كذا يعني ماعندي مانع
لمى:ماجد لو سمحت...
ماجد:لو سمحتي انتي ،انااا تعبت منك يا لمى تعرفين شلوون تعبت انا تعبت اقولها لك تعبت....ارحمني خلاص
لمى سكتت شوي: وين ماجد الي كان يحبني وميت فيني،انا مو متخيله انك انت ماجد الي عرفته
ماجد:لا تخيلي وتخيلي بعد،وماجد الي يحبك الى الحين يحبك ويموت فييك
لمى: والي يحب يسوي كذا؟؟؟
ماجد:اييه يسوي كذا ويسوي اكثر بعد،انتي تشكين بحبك لي؟؟
لمى: شتقصد؟؟
ماجد:انتي تحبيني وسويتي وسويتي وعندك استعداد تسوين اكثر.
لمى:بس..غير ...
ماجد:غير!! ويضحك ماجد باستهزاء قال غير ,انا بطلع انتي ضيعتي وقتي بكلام فارغ ماله معنى وفايده,وللمعلوميه تراني بتاخر يعني لاتنتظريني..
لمى:دايماا تتهرب ياماجد الحين نتكلم وتطلع!!
ماجد:احسسن حل الهروب ولاتستعجلين على نصيبك,بيجيك اليوم الي تقولين ياليتك ما قلتها يا ماجد
لمى خافت من كلام ماجد وماردت عليه،طلع ماجد ولمى حالتها حاله الافكار توديها وتجيبها..
دخل ماجد بيت اهله..
ماجد:السلام عليكم،وين الناس؟؟
الجوهرة كانت فوق هي وصالح: فوووق فووق
طلع ماجد لهم فوق..
الجوهرة:بسم الله عليك ورا وجهك كذا؟؟
ماجد:وشفيه وجهي؟؟
الجوهرة:تعباان يا بعد عمري انت والله
ماجد الهم بوجهه واضح وماقدر يخفيه: مانمت زين امس
الجوهرة:لا والله نمت بس هالي عندك مهبلة فيك يا حياتي
ماجد تغير وجهه..صالح: وشذا الكلام؟؟ تقولين كذا لولدك ترضين تحكين عن زوجته كذا
الجوهرة: والله بطلع الي بقلبي،من يوم تزوجها وولدي حالته حاله ودايما تعبان ودايما زعلان وشايل هموم الدنيا على راسه.
ماجد ماقدر يرد وانربط لسانه واكتفى انه يبتسم بوجهه امه ويخلي ابوه الي يحكي
صالح:كلموك العيال؟؟
الجوهرة: من راحو وهم ما كلموني الا مرتين ولاكني امهم
صالح: يا بنت الحلال مالهم الا يومين رايحين اكيد بيكلمونك بس مرتين،تبين كل ساعه يكلمون
ماجد:الحين اكيد نايمين..
الجوهرة: سهر باليل ونوم بالنهار
صالح: هذا العيال
ماجد: وناستنا يمه كذا بالسهر
الجوهرة: وشذا الوناسه الي تهد الحيل،يعني ما يستانس الواحد الا اذا سهر واتعب نفسه
ماجد: شباب وش تقولين
الجوهرة:الا تعال ورا زوجتك ماجت امس تعايدنا؟؟
صالح: وش اسوي ياناس بمرتي،تونا قايلن مالك دخل تجين تسالين مرة ثانيه
الجوهرة: الحين يجي يوم العيد ولا تجي تسلم ولاحتى كلمت والله لو هي عدو
ماجد: تعبانه شووي يمه انشالله اليوم والا بكرة بتجيك
الجوهرة: نشوف
صالح:انا الظاهر ابعرس عليك يا ام ماجد
الجوهرة:ما تقدر
صالح:الا اقدر انشالله من بكرة ابدور لي
الجوهرة:اردى لك،وين بتلقى وحده تستحملك مثلي
صالح:شرايك ياماجد؟؟
ماجد:انا مع امي
صالح:بيني وبينك امك كبرت
الجوهرة:عمري45 شباب وبعز شبابي
صالح:عمرك 45 الله يصلحك عمرك بالخمسينات وش 45،ياحب الحريم لتصغير اعمارهم.
الجوهرة:عشتوو تراك اكبر مني ب12 سنه،اذا انا بالخمسينات انت بالسبعينات
صالح:اذا انتي بالخمسينات انا بالسبعينات اكبر منك بعشرين سنه يا حب الحرين لتكبير اعمار رجالهم وهم يصغرون انفاسهم
ماجد يناظر امه وابوه كيف هم مع بعض و كيف يتعاملون ومزحهم وجدهم..وسرح والافكار ماليه راسه
الجوهرة:الا شخبار اهل زوجتك؟؟
ماجد:سم يمه
الجوهرة:شخبار اهل زوجتك؟؟
ماجد: بخير الحمدالله، مسافرين الحين
الجوهرة:غريبه ماسافرت لمى معهم!!
ماجد:ما تبي تسافر وتخليني
الجوهرة باسلوب انها مو مصدقه الي يقوله ماجد: زين مشالله،فيها الخير.
صالح:الجوهرة جهزو الغدا
الجوهرة:جاهز
صالح:يلا ماجد..
ــــــــــــــــــــــــــــــــــــــــــــــــــ ــــــــ
دينا:داليااااااااااااا ما لبستي؟؟
داليا كانت تتفرج على التلفزيون:لا ماابي اروح
ديناعصبت: تستهبلين؟؟؟
داليا:ماابي اروح وخلاص
دينا:تقعدين بلحالك؟؟يلا داليا عاد بلا سخافه
داليا:ماابي اروح يا دينا مااقدر ماقدر
دينا وهي معقده حواجبها:وش ماتقدرين؟؟
داليا:مااقدر اجامل هذي واضحك مع هذي ،صدقيني مااقدر امس تعبت ورجعت امي،انا ماابي انكد على احد..بليز دينا خلاص.
دينا:داليا لازم تطلعين وتجين احنا مسافرين عشانك تجين تقعدين وماتطلعين لا داليا ما يصلح
داليا:كيفي انا بقعد قلتلك اقعدي معاي!!
دينا:يممممه شوفي بنتك ماتبي تجي
سلوى دخلت غرفة بناتها:ايه عارفه ماتبي تنزل براحتها ماابي اظغط عليها.
داليا تناظر دينا وتضحك:ارتحتي يالملقوفه،يالطيف على كذا لقافه
دينا:احسسسن،ابركها من ساعه.
دانه:دينا وين هذيك الجزمه؟؟
دينا:اي وحده؟؟
دانه: يوووه دينا هذيك بلا غباء
دينا:اييه،حطيتها بشنطة فواز عشان انا شنطتي مليانه روحي اساليه وينها ،وقوليله بسررعه لا ياخرنا لانه بيروح معنا السيارة تكفي.
دانه:شلون امس ماتكفي واليوم تكفي؟؟؟
دينا:يا ذكيه داليا ما راح تروح
دانه وهي تلتفت لداليا:لييييييش؟؟
داليا:بس مالي خلق
دانه:الحمدالله..وش مالك خلقه
داليا:بس مالي خلق تحقيق هو..!
ــــــــــــــــــــــــــــــــــــــــــــــــــ ـــــــــــ
تركي وفيصل بالغرفه قاعدين يتجهزون عشان الحين بينزلون..
تركي:فيصل وين نظارة دينا؟؟
فيصل:معاي،بلبسها
تركي:عطنيها
فيصل:لييش؟؟
تركي:بتفرج عليها ،شرايك يعني؟؟
فيصل:اها تبي تلبسها!!
تركي:ايييه
فيصل:لا بعدين توسعها على البنت انت راسك كبير
تركي عصب ورمى المخده على فيصل:انا راسي كبير والا انت الي راسك كبير و فاضي
فيصل يضحك:رفعت ظغطه رفعت ظغطه مسكييييييين
تركي:يلا عاد فيصل
فيصل:اول ليش اخترت نظارة دينا بالذات!!
تركي:عاجبتني
فيصل:علينا ذي الحركاات،ياخي مدري شتحسبني تراني مو لهدرجه غبي ماافهم حركاتك العقيمه
تركي يضحك وكان شوي متفشل:اقول بتعطينيها والا شلون؟؟
فيصل:لاشلون
تركي نقز لفيصل وحط يده على رقبة فيصل:تعطينيها ؟؟
فيصل:لاوالله مااعطيك
تركي يشد علي فيصل:بتعطنينها؟؟؟
فيصل:لا
ويشد تركي زيادة على فيصل:والحين
فيصل راح صوته وما قدر يتكلم بس قام يأشر بيده، شال تركي يده:يلا وينها؟؟
فيصل:الله يقطع بليسك بغيت تموتني،افرض اني مت وانا بعيد عن اهلي،امي حبيتي وشبتسوي
تركي:اقووووول بس وينها؟؟
فيصل:تفضل عمي،اي اوامر ثانيه
تركي لبس النظارة:هاا حلوة؟؟
فيصل:وععععععع لا احد يشوفك فيها
تركي وهو يمشي:ما يهم بلبسهاا بلبسها.
فيصل:امرناا لله.
تركي:يلا بس خلنا ننزل...
نزلوا تركي وفيصل ،وتركي الي كان لابس نظارة دينا من الغرفه..
فيصل:هذي عمتي والبنات
تركي وابتاسمه شر على وجهه:امش نروح نسلم عليهم
قربو تركي وفيصل عند مكان عمتهم..
دانه:هذا تركي ومعاه فيصل..
دينا كانت معطيتهم ظهرها ولا لفت
سلمو على عمتهم..تركي وقف عند دينا..
تركي:هلا دينا
دينا بابرد ماعندها ولا رفعت راسها:هلا
تركي:ليش كذا تردين من طرف خشمك
دينا وقفت وصارت مقابله لتركي وكانت مجهزة كلام له:ترررررركي لابس نظارتي بعد
تركي نزل النظارة شوي وطلع عيونه ورفع حاجبه:حلوة صح؟؟
دينا:شينه
تركي: الله يسامحك ،طيب دينا ابيك تعالي شوي شوفي انا بروح الاصنصير وتعال هناك اوكي
دينا:نعم،لا ماراح اجي
تركي:بليييييز دينا
دينا:طيب بس بسرعه لاننا الحين بنروح،بعدين ليش؟؟
تركي:خمس دقايق بس، ومشى تركي عادي ولاكنه في شي
دينا راحت لامها:يممه نسيت شي وبروح اجيبه طيب
سلوى:بسررعه لاتتاخرين
دينا:انشالله
تركي انتظر دينا الى ماجت وركبو..
دينا حاطه يدها على خصرها:نعم شتبي ؟؟
تركي:دينا انا اسف على الي صار امس
دينا:انا مااقبل اسفك..
تركي:ديناا
دينا بنفس اسلوب تركي:ترررركي
تركي:سمي
دينا:امس حركتك بايخه.
تركي:انا عصبت ومعاي حق اني اخاف عليك
دينا:وانا اخاف عليك وماابيك تقعد مع هذا الولد
تركي يضحك:طيب ماراح اقعد معاه تامرين امر،بس انتي بعد لاتقعدين معها..
دينا: افكر، بعدين تعال مين غير الناس عندك والي تتحمل كل جنونك؟؟
تركي قام يضحك من قلبه:كيف كنت امس حلو دقي وصوتي
دينا:لا مو حلو بعدين ماسمعتك بس وحده من البنات يوم جيت قالتلي
تركي:لا والله ماشفتيني,ويضحححححك،بس انا شايفك تشوفيني
دينا حمر وجهها:يعني يهمك رايي؟؟
تركي:انتي الي يهمني رايك ،وبوقتها انفتح الاصنصير ودخل رجال خليجي
الرجال:نازلين؟؟
تركي:اييه
تركي ودينا سكتو ودينا انبسطت ان الرجال دخل والا ماقدرت ترد على تركي،طلع الرجال..
دينا:تركي تاخرت على امي انزل انت قبلي وانا بروح فوق وانزل مرة ثانيه
تركي: اخخخ بس لو اقدر اذبح ذا الرجال دخل وقط علينا كلامنا ..
دينا: أحسسسسسن يلا بس اطلع امي بتعصب علي اذا تاخرت
تركي: طيب بس اهم شي رضيتي
دينا:لا،وعطني نظارتي
تركي:لا ماراح اعطيكها انا اليوم بلبسها حتى باليل بلبسها..
طلع وترك دينا الي عصبت منه...رن جوال دينا وكانت امها..
سلوى:ويينك؟؟
دينا:الحين جايه يمه
سلوى:بسرعه ترانا ركبنا السيارة
دينا:طيب...قفلت دينا وكانت مستعجله اول ماانفتح الاصنصير عالطول طلعت دينا وكان بوجها واحد و..صدمت دينا فيه
دينا:ماتشوف؟؟؟
طلال ارتبك:اسف حقك علي
دينا:حصل خير...بس انتبه مرة ثانيه
طلال:انشالله وانتي بعد انتبهي..
دينا راحت وسفهت طلال...
طلال كان طويل وحلو وابيض وكان عمره 27...
نرجع لدينا الي راحت لسيارة وامها كانت معصبه منها لانها تاخرت
دينا وهي تفتح باب السيارة:معليش اسفه يمه
سلوى:تاخرتي يابنيتي..
دينا:يمه اليوم بروح السينما مع البنات طيب
سلوى:لا وش سينما مافي
دينا:يمممممممممممه لو سمحتي بنروح مع سارة
سلوى:لا لا مافي
دينا:لو سمحتي يمه انتي كذا كل مرة تنكدين علي
سلوى:اخاف عليكم يا بنيتي..
دينا:لا يمه لا تخافين في ايدي امينه..
سلوى:افكر..
دينا:وين راحين الحين؟؟
سلوى:بروح انا الاشرفيه بعدين اخوك بيروح السوليدير..
دينا:طيب انا بروح مع فواز وهناك احنا بنتواعد طيب يمه
سلوى:يصير خير
دينا:عطيني الكلام الصح مو افكر ويصير خير
سلوى:بس مع مين بتروحون؟
دينا:سارة تسوق يمه
سلوى:شكبرها سارة
دينا:يمه يا كثر ما تسالين عن اعمارهم،ساره بثاني جامعه ونورة اختها كبري والعنود بعد كبري.
سلوى:امرنا لله روحي..
دينا:مررة شكرا يمه يا احلى ام في الدنيا
فواز:يا اجمل ام انتي ويااحلى من خلق ربي،دينا اشوفك قلبتيها فلم مصري..
دينا:امي ويحق لي ادلعها
سلوى:ما نشوف الدلع الا بالطلعات والي تبوون
دينا:لا والله يمه انا دايما ادلعك
فواز:اييه اكيد دايما لان طلعاتك كل يوم فلازم كل يوم تسوين فلم مصري
دينا:فواز ماودك تسكت،بعدين اليوم مانبي مثل امس ساعه ندورك
فواز:لا اليوم بعلق الجوال برقبتي
دينا:اييه هذا الي ينفع معاك
دانه:دينا معليش اروح معاك؟؟
دينا:لا مو معليش،انتي الحين كل يوم تقولين معليش يعني لو اقول لا مو معليش بتسمعين كلامي
فواز:لا يغرك حركات دانه تسوي كذا عشان تقولين حرام اختي مؤدبه وتستأذن والا هي والادب كل واحد من جهه..
دانه:انا من الفطرة ربي خلقني مؤدبه.
فواز:اييه مرة يقولون اول ما طلعتي عالطول قلتي ممكن؟؟
دانه:يعععععععع على السخافه انت الحين تشوف نفسك خفيف دم؟؟
فواز:اييه انا كل خفة الدم فيني.
سلوى:ازعجتوني خلاص اسكتو لو بالسيارة
سكتو كلهم بعد كلمة امهم الى ماوصلو سلوى لسوق الي هي تبيه ومن نزلت امهم رجع الازعاج وفواز رفع صوت المسجل على اخر شي..وانواع المطاقات الى ما وصلو..
ـــــــــــــــــــــــــــــــــــــــــــــــ
تركي راح عند ربعه...سلم عليهم وكان معهم محمد بس تركي ما سلم عليه ولا حتى عبره
محمد:تركي تروح معاي ابي محل قريب..
تركي بعد تفكير شوي:اوكي
مشى تركي وكان محمد وراه ومحمد صار يمشي بخطوات اسرع عشان يلحق على تركي..
محمد:تركي شوي شوي
تركي وقف:عجل محمد.
محمد وقف جنب تركي وصاروا يمشون بخطوات بطيئه شوي..
تركي:شتبي محمد؟؟
محمد:ابيك بسالفة امس
تركي:يحوووووول،خلاص انتهت السالفه.
محمد:انا مانتهت السالفه عندي.
تركي:امشي لسيارتي
ركبوا السيارة...
تركي:انا احب ابدا بشي قبل لا تبدا انت بكلامك
محمد:كنت عارف انك انت الي بتبدا
تركي:شف محمد هذي البنت لازم تقطع علاقتك فيها..انا اقول هالكلام لمصلحتك صدقني اولا البنت اخت بدر تعرف مين بدر‍‍‍‍‍‍‌‌‌‌‌‌‌‌‌‌‌‌‌‌‌‌‍‍‍؟‍‍‍‍‍‍‍‍‍‍‍‍‍‍‍‍‍‍‍‍! انت قاعد تخونه كذا انا ماارضى اننا نقعد نلعب من وراه وعلى مين على اخته..
محمد:حاولت يا تركي ماقدرت والله ما قدرت اتركها
تركي:ما قدرت تتركها؟؟تكذب علي والا على نفسك ياما تركت بنات ،وقفت عليها؟؟
محمد:اييه وقفت عليها تعرف تركي البنت هذي قلبت حياتي
تركي يضحك:ومن متى انت في احد يقلب حياتك؟
محمد:من عرفتها
تركي:تبيها اخطبها
محمد:اخطبها؟؟؟؟‍‍‍!!!!
تركي:مو تحبها؟؟
محمد يضحك:احبها...لا مااحبها ومستحيييل اتزوجها تعرف شلون مستحيل لو مابقى بالدنيا الا هي ماتزوجتها..
تركي:مو ماتقدر تخليها؟؟كلامك متناقض يا محمد ما تحبها وماراح تتركها يعني تلعب بمشاعرها.
محمد:تركي انا ما قد شفت انسان مثلك بحياتي انت ماعندك الا الحب ووفي بعد فيه ،يعني اعرف عيال يحبون بس يكلمون عشرطعشر وحده نيالك يا دينا تعالي وشوفي تركي يا عيني عليه
بس عاد تشطري عاد وافهميها،الا صح ليش ما تغني تشطر؟؟
تركي:محمد لا تغير الموضوع اذا انت تبيها اخطبها والا اتركها يعني انت كذا مبسوط بالي تسويه؟؟
محمد:ايه انا مبسوط معها انها تهتم فيني وتسويلي وتعطيني يعني حياتي انا وياها حلوة لكن اني اتزوجها مستحيل اولا البنت مااعرف عنها شي، قبلي كانت تكلم ولد عمي وللحين معاه ومدري بعد مين تكلم غيرنا هذا الي اعرفه يعني البنت بحياتها كثاااااار...
تركي عصب:قسم بالله يا محمد ان ماتركتها بقول لبدر فاهم والا اعيد كلامي،مصختها يا محمد وانت تعديت على محارم الناس يا خوفي بس هالشي ينقلب عليك
محمد:تركي انا سكت لك كثير وانت مصختها مابقى الا تجي وتطقني ابوي وانا ماادري بتقول لبدر اتحدااااااااااك واعلى مافي راسك اركبه،سمر ماراح اتركها,بعدين خوفي وخوفك حطه ببطنك احنا مربين بناتنا زين ومو مفلتينهم لمن هب ودب..
تركي:محمد من الحين اقولك لساني ما يجي على لسانك الا اذا تركت سمر فاهم يا محمد يا ابو الاخلاق الحميده...انت قليل ادب يا محمد وقليل خاتمه بعد..
محمد ما قدر يمسك اعصابه ونزل من السيارة وصبخ بالباب هزةالسيارة من قوتها..
تركي نزل من السيارة وكان معصب ولا هو حاس بالي حوليه كان يمشي بسرعه شوي ولا كان يلتفت وكان معصب من الي صار مع محمد، يبدي بنت علي انا، من عرفت عمري واسمي واسم محمد مرتبطين ببعض جو تركي ومحمد راحو تركي ومحمد واخرتها كذا وكانت الافكار ماليه راسه..وصل للمكان الي كانو قاعدين فيه وكان محمد قاعد جنب بدر،وتركي ارتفع ظغطه زيادة وقاعد جنبه شين وقواية عين ماقد شفت خيانه اكبر من كذا حرااام الي يصير حراام
قعد تركي وكان ماسك اعصابه...ولاتكلم مع احد بس كانت عيونه الي تتكلم ويكتفي انه يبتسم اذا جت اذا احد قاله شي...
بعد ساعه تقريبا تركي مل من الوضع وكلم على فيصل..
تركي:هلا فيصل
فيصل:هلا والله
تركي:وينك؟انت بالسوليديروالا طلعت؟؟
فيصل:لا ماطلعت بس بعد شوي بنطلع ندور ويمكن نروح لسينما
تركي:طيب انا بجي معكم
فيصل:يلا نستناك
راح تركي عند فيصل وكان فواز مع فيصل..سلم على ربع فيصل..
وليد:لازم تسمعنا شي اليوم
تركي:لا وين خلاص انا اغني مرة وحده بس
وليد:طيب شف انت بتدق عود واحنا بنغني
فيصل:اييه صح يلا تركي..
تركي:شرايكم اعلمكم احسسن لي عشان افتك منكم
وليد:فيصل يااخي اخوك مغرور
فيصل يضحك:قايلك انا من زمان انه مغرور
تركي:ترا على كلمتك ذي خربت على عمرك..
وليد:لا ياشيخ اسحبها بس والله جد طفشانين ونبي نطق
تركي:اوكي بس ماعندي عود
وليد:معانا معانا لاتخاف
فواز:وش بنغني؟؟
فيصل:مدري ،وليد شرايك؟؟
وليد:امممممم يادار
تركي:اييه حلو بس ترا مايحتاج اني ادق فيها عود الاغنيه خرشه
وليد:لا نبي شي تدق فيه عود
فيصل:اسمع نغني هذي بعدين شي ثاني
وليد:طيب
اجتمعو الشباب وصاروا دائرة كبير وبدا يغنون ويطقون وبعضهم قاموا يرقصون..يعني هبال شباب
ـــــــــــــــــــــــــــــــــــــــــــــــ
دينا هي والبنات سارة نورة والعنود ودانه كانوبسينما..
دينا:يجنن الفلم مرة حلو
سارة:يعني مو مرة عجبني
نورة:الا والله يجنن والي في يجنون اكثر
العنود:بس وشذا يرفع الظغط ماحب النهايات الي كذا
دينا:لا بالعكس انا احب نهايه حزينه عشان اصيح
نورة وهي تضحك:عشان تصيحين قسم بالله تدورين على الهم احد يبي يصيح
دينا:اييه حلو تتاثرين بالفلم وتقعدين تصيحي قسم بالله تجيني حالات اقعد شهر كل مااتذكرته اصيح..
سارة:الله يرجك شهر،ياناس ابي انا هالعاطفه ودي مرة اصيح بس ما قدرت عجزت اصيح
نورة:قسم بالله رجال مو بنت
العنود:اقول بس يلا شتبون ندخل؟؟
دينا:لاانا ابي اكل مررة جوعانه
سارة:وانا بعد ميته جوع بس اسمعو احسن نروح نشوف الاوقات متى يبدا الفلم
العنود:طيب
راحو البنات ياكلون وكان باقي لهم نص ساعه ويبدا الفلم..وهم ياكلون
دينا:بنات شوفو هذا الي جاي
العنود على طول لفت:اي واحد؟؟
دينا:الي قعد الحين
سارة:ليش ؟؟
نورة:مشالله يجنن
سارة:انتي كل ماشفتي احد قلتي يجنن استحي على وجهك
نورة:حرام يعني يااختي لو بس بالشوف،بعدين انتي ماشفتيه
سارةالتفت:ااي واحد؟؟
دينا:الي معطيك وجهه
سارة:اييييييه مشالله مرة حلو الولد واخلاق
دينا:شعرفك فيه؟؟
سارة وهي تضحك:مااعرفه بس يقولون البنات انه مرة اخلاق
دينا:تخيلو هو يسكن معنا بنفس الاوتيل..
سارة:ايه
دينا:لا تستعجلين اصبري انا اليوم كنت طالعه من الاصنصير وكنت مستعجله قسم بالله ما انتبهت له وفجاة صبخت فيه فشيله وانا طبعا ماشفت الوجه لان جوالي طاح ووتسكر وحالته حاله، قعدت اهاوش وانافخ ما تشوف ما تنتبه يوم رفعت عيني واشوفه طاح وجهيي قاعد اهاوشه رجال شطوله شعرضه وانا الي اسحب رجلي وما تشوفين الا غباري..
سارة وميته ضحك:الله يفشلك منتي صاحيه،لو انا مكانك كان قلت هذي الساعه المباركه..
العنود:يا حظك يا دينا ترا الولد ما يعطي وجه مررة عاقل معروف انا كل ماسافرت شفته
نورة:تراه كبير يعني اكيد بيصير عاقل..
دينا:لا مو اكيد يا كثر الكبار الي استغفر الله رايحين فيها
وطبعا البنات كل شوي يناظرونه,طلال بالبدايه ماانتبه لهم بس بعدين حس انه في احد قاعد يطالعه
خالد ولد خال طلال وهو الي كان معاه بالمطعم..
خالد:شيبون هالبنات بس يناظرونك كل ماالتفت عليهم وهم يناظرون
طلال وهو يضحك:ايه عادي خلهم يشوفون
خالد:شكلهم قاعدين يحشون فيك..
طلال:خالد تعال مكاني انا مااعرف اكل واحد يناظرني
خالد:يا ربي عسا ماتتقطع بس..
تبادلو اماكن..طلال وهو رايح لمكان خالد كانت عيونه على البنات
طلال:خالد برجع مكاني خلاص
خالد:تستهبل انت
طلال:شفت البنت الي اليوم هاوشتني
خالد يضحك:اييه
طلال:معهم قاعده عشان كذا قاعدين يحشون
خالد:اي وحده؟؟
طلال ماادري والله وش لابسه بس هم كم وحده؟؟
خالد قعد يعد:خمسه
طلال:ايه الخامسه هي
خالد:تستهبل انت ووجهك
طلال يضحك:شف في ثنتين قدامك على طول وثنتين ملقينك ظهورهم هي الي بالراس
خالد:يااخي قل كذا من زمان مو تقعد تعددلي كل وحده وين قاعده
طلال:احب العب بمخك واخليك تدور
خالد:بس والله ياهي قويه،قامت تهاوشك كنك اصغر عيالها
طلال:لا ما هاوشت بس قالت لي ما تشوف
خالد:لا بس اشوا زين..
طلال: تتريق انت ووجهك ،اموت اعرف بنت مين
خالد:ليش؟؟
طلال:بيني وبينك عجبتني البنت
خالد:عادي واذا عجبتك
طلال:لا غير ماادري دخلت راسي
خالد:ايه انا اجيب لك بنت مين بس اصبر علي اذا رجعنا الاوتيل الحين مااقدر،بعد سكوت شوي
خالد:تعرف طلال انا اليوم شفتها واقفه مع تركي صديق محمد ولد عمي يمكنه اخته
طلال:والله تتوقع انها اخته..
خالد:يمكن,يلا بالبركه عائلة طيبه
طلال:هييييي انت تستهبل وشو بالبركه كنك شايب
خالد:بس شفت شلون جبنا اسمها واسم ابوها وعائلتها.
طلال:بس بقى عمرها واسم امها
خالد:اسم امها شتبي فيه انت تبي البنت والا الام
طلال:لا انا يهمني الام والاخت والاخو انا يهمني كل شي عن البنت
خالد:الاخلاق اهم،يجونك بنات ناس ماشافوا الاخلاق وتلقا ابوها وين وامها وين بس الاخلاق تعبانه
طلال:ايه اكيد هذا مهم بعدين انت خلاص حكمت اني ابيها وباخذها لا انا براسي كم وحده من اقرباي..
خالد:انا مااحب الاقرباء
طلال:وانا بعد لكن مايضر اني اخذ وحده تقربلي من بعيد..
خالد:لا انا ضد
طلال:لا انا مع،اقوول بنقعد ضد ومع يلا بس امشي الحين بيدا الفلم
خالد:يلا مشينا،بتعزمني انت؟؟
طلال:انا امس عشيتك وغديتك
خالد:اييه عادي عشني وغدني انا ولد خالك ويحقلك تدلعني
طلال:يلا بس ادفع تحسبني مخفه كل يوم والثاني مدفعني تراني ساكت عليك من زمان
خالد:وبامريكا ياما وياما اكلتك
طلال:قسم بالله بيجيك كف الحين تقعد تعدد لي حسانتك
خالد:طيب خلاص بس هالمرة
طلال مشى وترك خالد..
ــــــــــــــــــــــــــــــــــــــــــــــــــ ـ
طبعا البنات ارتفع ظغطهم من حركة طلال انه بدل اماكن
دينا:كل منكم بس تتلفتون والولد غير مكانه شبيقول الحين عنا؟؟
سارة:يقول الي يقول سوينا شي غلط حرام الواحد يشوف ؟؟
نورة:خلق وفرق بالهي شوفوا الي معاه شين..
العنود:لا حرام مو لهدرجه يعني عادي
سارة:شوفي هو عادي اذا شفتيه بلحاله لكن مع هالزين الي معاه تقولين شين
دينا:انتم عليكم تحليلات صدق لقالوا بنات
نورة:شوفي يادينا البنت ما تصير بنت اذا ماصارت ملقوفه..
ساره:حتى لو قالت لا انا مو ملقوفه غصب عنها تصير ملقوفه
دينا:اقول بس بنات انا عازمتكم ترا مااحد بيدفع
العنود:لا دينا انا عازمتكم..
سارة:لا انا امي اليوم قالتلي اعزمي البنات عيب بس هم يعزمونك..
دينا:اقوووول بس ترا بيجي لكل وحده كف مسوين لي اخلاق
نورة:انا ماقلتلك شي تبين تعزمين اعزمي انا بشتري لكم اكل حق السينما
العنود:اجل انا بشتري التذاكر..
سارة:وانا؟؟
دينا:انتي اذا بغينا شي واحنا بالسينما بنرسلك تجيبنه
سارة:لا والله حلوة شغاله انا عندكم..
نورة:مو انتي تبين تسوين شي
سارة:لا دانه هي اصغر وحده هي تجيب لنا الي نبيه..،بعدين ترا انا الي جايبتكم ترا والله اسويها واروح واخليكم..
دينا:لا الله يعافيك والله مانسيت الحركه الي سويتها بالصيف رحتي وتركتينا ترا ما طقيتك
العنود:ايييييييييييييييه اما ذاك اليوم قسم بالله كنا بس نضحك على سارة وراحت وخلتنا الحمارة..
سارة:ايه هذا الي مايسمع كلامي اسوي فيه كذا بعدين انا ترا معطيتكم وجهه تراني اكبر منكم..
نورة:اتحدااااااك تسوينها وتخلينها انتي تسوقين بس ما تدلين يعني ما يدلنا الا العنود
العنود:اجل انا بصير بصف سارة ولازم تحترمونا والا بنروح ونخليكم
سارة:ايه من الحين نقولكم احترمونا والا بنروح
دينا:وععععععععع روحو اكلم السواق يجي ياخذنا انا ونورة الله لا يحدنا لكم
نورة:ديننا ما عليك تراهم مايقدرون يستغنون عنا..ومايضر السحاب...
دينا:نبح الكلاب
سارة:احنااااااااا كلاب؟؟
دينا:قلنا انكم كلاب الي على راسه ريشه يحسس عليها
العنود:يلا بس ترا الفلم بدا
دينا:اييه ما احب دعايته
نورة:والله اذكر اول مرة دخلت سينما وانا صغيرة ارتزينا انا واختي قبل الناس قبل حتى لا يبدا شي وكنا متشققين
دينا:ايه ما قد شفتو شي مطافيق..
العنود:بنات ترا اذا قعدنا كذا بتصير حرب عالميه..
ومشوا البنات ودخلو صالة السينما..اول شي دينا بعدين نورة وسارة والعنود واخر شي دانه..
نورة:دينا الحلو معنا
دينا:احلفي..
نورة:اكذب يعني..
دينا:وينه؟
نورة:انتي غبيه الي قاعد قدامنا
دينا:الله يفضحك اسكتي ترا يسمعون..
نورة:لا لا ما يسمعون الصوت يغطي..
ــــــــــــــــــــــــــــــــــــــــــــــــــ ــــــــــــــ
على الساعه وحده رجعو دينا ودانه وامهم الاوتيل..وفواز بيرجع مع تركي وفيصل..
بالسيارة تركي يسوق وفيصل جنبه وفواز ورا..
فواز دخل راسه بين المرتبتين عشان يكون اقرب لتركي وفيصل..
فواز:اما اليوم يا تركي فاااااااااتك
فيصل:اييه صحح قله عشان يستانس اخوي..
فواز:لا انت قله انا مااعرف.
فيصل:لا انت قله مالي خلق
تركي:يلا عاد خلصونا وش السالفه
فيصل:السالفه طال عمررك اممممم...مالي خلق فيني النوم وانا مااعرف اقول شي وفيني النوم
فواز:خلاص خذها مني السالفه.اليوم طال عمرك كنا نمشي انا وفيصل ووليد.
تركي:اييييه وانا شدخلني فيكم وانت تمشون عطني السالفه
فواز:ما فيك صبر اصبر ياخي وحنا نمشي ونمشي...
تركي:تستهبل شعلي منككم ماشين والا واقفين
فواز:الزبده جو عندنا يمكن سبع بنات ثلاثه جو عندنا والباقي يقالهم مستحين
تركي:اييه بعدين
فواز:قالوا لفيصل طبعا:انت اخو تركي؟ فيصل قال لا سواقه ايه انا اخوه
تركي يضحك:وشذا الاسلوب منت صاحي تقول لبنات كذا
فيصل:الحين جاين يعرفون انا مين ليش يقولون انت اخو تركي يبدون بالسالفه على طول مااحب الي يتميلح قبل لا يبدا..
تركي:اييه كمل
فواز:قالوا له اخووووك حلو وياي ومدري وشو تعرف انت حكي البنات ياي وهاي ومن ذا الحكي
عاد فيصل من الادب قال طيب وش اسويله؟؟
البنات تفشلوو قالوا قل لتركي اننا نبيه يدق اغنيه مدري شمسها
تركي يضحححححححك:ويين الناس شايفيني مغني وانا ماادري خلاص توبه اغني عندهم
فيصل:اخسسسسس اقول بس لاتشوف نفسك عسا ما تتقطع بس ترا ما يجي الا عديمين الذوق صدقني يا اخوي انا مابي راسك يكبر واذا كبر الراس ما يصغر
تركي:اييه فواز كمل..
فواز:خلاص قضينا حلا السالفه اشوف عجبتك..
تركي يضحك:بس ما كملت شقال فيصل لهم
فواز:قالهم انشالله بقوله وراحو
تركي:ايه انا متعود على المعجبات
فيصل:لا يكثر بس بعد مابقى الا هي معجبات، اصلا هم جاين يقولون كذا يحتكون فيني والا لو هم يبونك كان جو قالولك.
تركي يضحك على اخوه:اييه صح..
ـــــــــــــــــــــــــــــــــــــــــــ
الساعه خمس العصر..عبدالعزيز قاعد ينتظر ماجد بكافي تايم...
مسك عبدالعزيز جواله وكلم على ماجد..
عبدالعزيز:وينك يا رجال؟؟
ماجد:انا عندك..التفت انت
التفت عبدالعزيز وشاف ماجد،وقف عبدالعزيز لماجد..
عبدالعزيز:لو انك متاخر خمس دقايق كان رحت وخليتك
ماجد:زحمه الطريق
عبدالعزيز:المهم شخبارك؟؟
ماجد:الحمدالله على كل حال
عبدالعزيز:قلتلها شي؟؟
ماجد:لا مدري شفيني متردد..يا عزيز
عبدالعزيز:يمكن احسن لك ماجد لاتستعجل
ماجد:مدري بس انا معاي الحق
عبدالعزيز:ماجد حاول بالايام هذي تحسن تعاملك معها سافر انت وياها لو دبي..تغيرون جو ونفسيتك شوي تتحسن وحاول تكلمها بامور حياتكم صدقني يمكن تتغير..
ماجد:انا ماني طايق اقعد معها تبيني اسافر!!
عبدالعزيز:ماجد انت تتهرب منها ما ينفع كذا طبيعي اذا خلقت المشاكل ما راح تطيق تتكلم معها..
ماجد:عزيز تدري انا مرات احس اني انا الي خليتها كذا..يمكن اني احاول اعذر لها..مدري
عبدالعزيز:اسمحلي ماجد انت رجال راعي شغل وطلعات وسفرات يعني كل هذا يمكن يكون سبب
ماجد:بيني وبينك عزيز انا ما اعطي نفسي للمى يعني ماااعطيها وجهه وهي طبيعي وحده بعمرها تبي ان زوجها يهتم فيها و..و..واشيا كثيرة
عبدالعزيز:طيب ماجد حاول معها كلمها بهدؤ سافروا وغيرو جو عطها من وقتك
ماجد:انا اخاف اسوي كذا تتعدل شهر شهرين لكن بعدين ترجع حليمه لعادتها القديمه،ترا بشهرين يمكن اتعلق فيها اكثر انا ماابي اتعلق بلمى اكثر من كذا..اذا هي ماراح تتغير مابي اتعلق فيها انا ابي ....
عبدالعزيز:انت لازم تغير نفسك عشان هي تتغير ومتى ما رجعت لعادتك القديمه بترجع حليمه معاك
ماجد:ماابي يصير بينا عيال
عبدالعزيز:وشذا الكلام ياماجد هذي زوجتك كنك تقول انا مااحبها..
ماجد قاطع عزيز بكلامه:لا يا عزيز مو كذا السالفه بس لمى صغيرة وماعندها قدرة انها تحمل وتربي..
عبدالعزيز:ماجد انا اقول فكر زين وسوي الي قلتلك عليه واذا حسيت انه مافي فايده خلاص سوي الي براسك.
ماجد:عزيز لمى تربت على كذا هي يمكن تصير احسن لكن طبايعها ما راح تتغير،صعب اغير اطباعها.
عبدالعزيز:حيرتني يا ماجد انا اقول اصبر وربك يكتب الي فيه الخير..
ماجد:بصبر..امري لله
بعد ساعه من الكلام بين ماجد وعبدالعزيز...
عبدالعزيز:يلا نشوفك على خير وسلملي على اخوانك اذا كلمتهم
ماجد:يوصل انشالله مع السلامه...
نهاية الجزء...واتمنى يعجبكم
خديجه بنت حجاب غير متصل  
قديم 09-04-2009, 03:07 PM   #6 (permalink)
خديجه بنت حجاب
رومانسي مبتديء
 
--------------------------------------------------------------------------------

الجزء السادس
(الفصل الاول)بعد أربع أيام والساعه اربع العصر...دينا وداليا يجهزون اغراضهم لان رحلتهم ما بقى عليها الا شوي...
دينا وهي تسكر الشنطه:ما ابي ارجع..يا ليتنا تونا واصلين..
داليا:لا صيحي احسن..تخيلي تونا واصلين والله لارجع عالطول..
دينا:والله بصيح بشتاق للبنات مررة..
داليا:تشوفينهم انشالله..
دينا:تدرين في فكرة تدور براسي شرايك ادرس هنا..؟
داليا:خوش فكرة.. وابوي بيوافق على طول اقول بس كلمي فواز اساليه اذا خلص..عشان نكلمهم يجون ياخذون الشناط
دينا وهي تتجه لتليفون:فواز ترا احنا جاهزين..انت خلصت؟
فواز:بسم الله..الواحد يقول الو ..مرحبا ..السلام عليكم مو كذا ينط بوجه الواحد..ايه خلصت
دينا:يلا بس...
فواز ما امداه بيتكلم قفلت الخط بوجهه...
دينا:يممممممممممه يلا ترانا خلصنا..
داليا:شووي شووي مشالله على هالصوت قنبله مو صووت..
دينا:لا اله الا الله..بسم الله علي الله يكفينا شر الحسد والحساد..
داليا:أحسدك على صوتك؟؟وعععععععع
دينا:ايه على صوتي..الله يحفظه
داليا:يلا بس..
دينا رن جوالها وكانت سارة الي مكلمتها..
دينا:هلا وغلا
سارة:هلا فيك..يلا دينا انزلي ترانا تحت انا واختي بسررعه انزلي
دينا:ركض جايتكم يلا بااي
سارة:باي
داليا:مشالله طلعت الاخلاق يوم كلمتك سارة.
دينا ما ردت على داليا وراحت لغرفة امها:يممه حبيبتي انا نازله ابسلم على البنات..طيب؟؟
سلوى:طيب..
دينا:انا تحت انتظركم..
سلوى:اييه طيب خذي قشك من الحين ما في طلعه مرة ثانيه
سارة وهي متجهه للباب:لا تخافين كل قشي معاي.
انفتح الاصنصير وطلعت دينا وهي تتلفت تدور على سارة ونورة..
سارة ونورة كانو يأشرون لها وهم كانوا قاعدين على جلسات اللوبي..
دينا شافتهم واتجهت لهم بخطوات سريعه..
دينا:هلا وغلا
سارة:هلا بالحلوة..
نورة:دينــــــــــــــا تعالي عيشي بجده
دينا وهي تناظر نورة:انشالله ابجي انتظريني..
جلست دينا مع البنات وكانو يسولفون..بس كانت في عيون تراقب حركات دينا..بكل دقه..بس دينا ما كانت منتبه لطلال ابدا ولا حتى حست فيه من بعد الموقف الي صار بينهم ويوم شافته بالسينما توهم يلتقون بعض..
سارة:يلا دينا مع السلامه
دينا وهي ترتمي على سارة:يا شينكم ..والله بتوحشني..
سارة:حبيبتي..واحنا اكثر والله..
دينا تلتفت على نورة:نورررررررررة يا حمارة
ويضمون بعض..
نورة:خلاص انا قررت اجي اسكن بالرياض..
دينا:ياليييييييت
نورة:زوجيني ولد خالك تركي واجي عندكم
دينا:ههههههههههههههههههه..خلاص بزوجكم بعرض عليه الامر
نورة:ياااااااي وانا بقوله ابسكن ببيت اهلك عشان نصير جنب بعض
دينا:مشالله قررتي وخلصتي بس ما يقى الا العرس
نورة وهي تغمز لدينا:على يدك
سارة:بس انتي عيب ما بقى الا تاخذين ابوي وتروحين تخطبين الولد
نورة:يا ليت البنات يخطبون
دينا:عاد ما شاف الزين ولد خالي
نورة:متعودة على وجهه
سارة:يلا عاد بنروح احنا ونورة بلا كثرت حكي..
راحو سارة ونورة على جيت سلوى وداليا ودانه..
داليا:حسافه راحو كنت ابي اسلم عليهم قبل لا يروحون..
سلوى:يلا بنات السواق جا..
طلعوا من الاوتيل وكانوا عند الباب ينتظرون السيارة
دينا انتبهت لطلال..وكان واقف ينتظر سيارته..
دينا وهي تهمس باذن داليا:داليا شفتي الي واقف جنبنا ولابس ابيض هذا الي صدمت فيه؟؟
داليا تتلفت وتدور على الي تقصده دينا..
وبصوت عالي داليا:وينه؟؟أي واحد؟؟
دينا:اووووووووص الله يهديك..
طلال سمع داليا..ابتسم وحس انه هو المقصود وتاكد بعد...انبسط طلال انه دينا مانست وجهه..وانه الي صار له معها مو موقف عادي نسته دينا لا جلس ببالها..
ركب طلال سيارته والي كانتBMW..بيضه.
دينا:فشيله يا داليا سمع
داليا:الله يعافيك ويسمع وش يعني عادي وسعي صدرك
ركبو السيارة واتجهو لمطار..ودينا الي كانت سرحانه وتسترجع الي صار معها..
ودمعت عينها..
فواز التفت على ورا وشاف دينا تصيح..
فواز:ههههههههههههههههههههههههههه تصييييح مسكينه شوفوا دموعها يا حياتي دينا..لا يمه ما معاك حق رجعيها..
دينا:يا حمااااااار مالك دخل بعدين هذا مو صياح عيوني اليوم بس تدمع ومحمرة
دانه وهي تطل بوجه دينا:هههههه اييه والله تصيح..فواز عطنا كلينكس..
فواز وهو يمد الكلينكس لدينا :مسحي دموعك..
دينا وهي تمد يدها على الكلينكس لكنها بقوة دفت المناديل وطار على وجه فواز وكان على خشمه..
فواز:يا حمارة..اه اه خشمي انكسر حرام عليك
دينا:احسسسسسسسسن..عقوبتك..
سلوى:شسويتي بولدي؟؟عسا ما تعورت فواز؟؟
فواز وكان صوته يتالم:يممممممه خشمي انكسر
سلوى:بسم الله عليك.
دينا:ايه طبعا بسم الله عليه هذا الغالي..واحنا على جنب.وانا خاصه مالي دور..داليا اول وحده والي فرحانه فيها..وفواز الولد ودانه اصغر وحده وانا سولي Delete احسن..
فواز:اييه انتي مو بس Delete الا حذف من الشباك..
دينا:مردودة يا فواز هيين انا اوريك بس اصبر علي اذا رجعنا الرياض
داليا:تركي وفيصل مو معنا؟؟
فواز:لا بكرة رحلتهم يا ليتي معهم
وصولوا المطار وبعد ما خلصوا الترتيبات اتجهوا للطيارة.
دينا ماكنت طايقه تكلم احد..واكتفت انها تسكت.
فواز ودانه انواع السواليف والضحك..
داليا وسلوى كانت بينهم سواليف خفيفه..
وصلوا بيتهم ودينا على طول طلعت لغرفتها ونامت
ــــــــــــــــــــــــــــــــــــــــــ
يوم الجمعه والساعه خمسه تحديدا..
بالمطار ماجد ينتظر اخوانه تركي وفيصل..
تركي وهو يأشر لماجد ويوجه كلامه لفيصل:يا شين الحر ما امدانا وصلنا..مابعد طلعنا على طول تجيك الموجه الحارة الي تسلخ جلد الواحد
فيصل:لا عاد الحين الجو يصير حلو لا تقعد تبالغ..
ماجد قرب لهم:هلا والله الحمدالله على السلامه
تركي:هلا والله ..الله يسلمك
فيصل:الله يسلمك..شخبارك؟
ماجد:الحمدالله..بس هذي شناطكم؟؟
فيصل:لا في ورا شناط بس الحين بيجون..شرايك يعني ايه بس هذي شنطنا رايحين شهر احنا
ماجد:طيب..طيب لا تاكلني
ركبوا السيارة ماجد يسوق وتركي جنبه وورا فيصل..
تركي:ليش كذا وجهك بالهي كم لك ما حلقت؟؟
ماجد:من يوم العيد..
تركي:الله..ليش؟؟
ماجد:ما عندي وقت
تركي:وجهك تعبان..فيك شي ماجد؟؟
ماجد: لا ابد بس عشان يمكن ما حلقت تقول كذا ,وجهي عادي مو تعبان.
تركي:شخبار الرياض بعد؟؟
ماجد:تسلم عليك..
فيصل:الي يشوف لنا سنه ترا اسبوع كل السفرة
تركي:لا عادت من سفرة..ماقد صارت بيروت ممله بالشكل هذا
ماجد:اوف..اوف لهدرجه
فيصل:الحبيب مو راضي عليه
تركي عصب من فيصل:ترا ان ما سكت بيجك كف..
ماجد:الله ..الله يا عيني قوللولي وش السالفه..من زمان ما سمعت سوالف مراهقين..
تركي وهو يناظر ماجد بطرف عين:مراهقين..هين يا ماجد الشره علي انا الي اقولك شي..هذي مشكلتي ما اعرف امسك لساني..والي بقلبي بلساني..
ماجد:هييييييييي انت استهبل..ابنكت شوي لكن طلع مزحي بايخ
تركي:شف هو في تطور من تزوجت يعني حوالي قبل سنه لو تجمعها من هنا زائد واحد ضرب امممممممم ثلاثه تحس انه فيه تطور..
فيصل:افتحووو الشباك انكتمت من خفة دمكم الزايده..لا عمركم تستخفون دمكم..
ماجد:شف تراك اصغرنا والله من الشباك اطلعك مو من الباب..بعد اخوانك الكبار تتريق عليهم..
تركي: الا شخبار عزيز من زمان ما شفناه؟؟
ماجد:ما قد شفناه الا بالاعياد..ما يحب الرياض.يبي الشرقيه.
تركي:اول يموت بالرياض وما يحب الشرقيه والحين انقلب..
ماجد:الي يروح يدرس هناك يعجبه الوضع..حتى اذا تخرج عزيز بيسكن هناك بيمسك شغل ابوه وبيشتغل بسابك..
تركي:يا حليله..
ماجد:بخمس دقايق نزلوا شناطكم
تركي:ليش؟
ماجد:بروح مشوار وبرجع
تركي:لا خلي الشناط اذا جيت ينزلهم السواق
ماجد:عجازين
فيصل:انا بروح واحط راسي واعوض نوم
وصلوا البيت ونزل تركي بسرعه من السيارة..وكان واقف عند باب السيارة:شكرا ماجد على التوصيله والا ستقبلال الحلو يلا ما نعطلك مع السلامه..
ماجد:حاضرين للحلوين
تركي وهو يلتفت على فيصل الي كان قاعد ورا:ما ودك تنزل انت؟؟
فيصل:الا يلا مع سلامه ابو فيصل
ماجد:ترا بجي بعد شوي لا تلمحون لي مع السلامه ونشوفك على خير وترا شناطكم معاي والله اروح اعطيها العمال.
تركي:اعوذ بالله خلاص يا اخي ما صارت
نزلو تركي وفيصل ودخلو البيت...
رفع تركي راسه على شباك دينا..وكانت عيونه على الشباك وما نزلها
فيصل:هييييييييي وين رحت اخترقت الشباك..بس يكفي
تركي نزل راسه بسرعه:اي شباك
فيصل:شباك غرفتي..
تركي مشى وترك فيصل ودخل البيت
تركي:يممممممممممممممممممممه
الجوهرة:هلا هلا بعيالي تو ما نور البيت
تركي وهو يحب راس امه:منور باهله
فيصل:يمه اشتقتيلي؟؟
الجوهرة:والله ما فقدت الا تركي هو الي دايم قاعد بالبيت..وانت يا طالع يا نايم
فيصل:اوووووووووووووووووف يممممممممه واللله ترا ارجع الحين بيروت
تركي:عاد جت من ربي ودك ترجع
الجوهرة:لا والله فقدتكم كلكم
تركي:بعد عمري والله امي
فيصل:وين ابوي؟؟
الجوهرة:طالع
فيصل:انا بروح انام تصبحين على خير
طلع فيصل غرفته وجلس تركي مع امه..وسواليف وجا بعد ساعه ماجد وصالح
وهم قاعدين دخلت سلوى عليهم..
صالح:هلا والله باختي الحمدالله على السلامه
سلوى:الله يسلمك
سلمت عليهم وجلست
الجوهرة:وين البنات؟
سلوى:الحين جاين..
دخلو داليا ودانه..
داليا:السلام عليكم
كلهم ردوا عليها وسلمت على خالها والقاعدين..
سلوى:وين دينا؟
داليا:تكلم..
صالح:ما تنشاف دينا..ورا ما تجي تسلم على خالها
سلوى بتصرف لبنتها:تعرف بكرة مدرسه وتتجهز.
صالح:الله يصلحهم هالبنات..
ـــــــــــــــــــــــــــــــــــــــ
بالسيارة دينا ودانه وفواز وفيصل رايحين للمدرسه..
دينا:فيصل غريبه مدوام اول يوم..
فيصل وهو يتثاوب..لاني امس اول ما رجعت نمت وقمت الساعه ثلاثه ما فيني نوم فقررت اروح المدرسه احسن لي من الجلسه بالبيت..
دينا:ما شفت وجهك بالمرايا منفخ مو طبيعي..حولينا ولا علينا..
فيصل وهو يفتح المرايا الي عنده ويناظر نفسه بعدين وجه المرايا على دينا وكان يشوفها من المرايا:حراااام عليك عادي وجهي الا كلي ملح..
دينا سكتت ما ردت..
فيصل يحط عليها المرايا:ليش الجلسه الحزينه هذي والتكشيرة..
دينا:شيل المرايا عن وجهي..
فيصل يرفع حاجبه:لا ما راح اشيلها..ابتسمي شوي سمايل لا تكشرين..
دينا وهي تكشر زياده:عناااااااااااد..
فيصل:اعوذ بالله
دينا:اصلا حلو علي التكشير
فواز بعد ما قام من النوم:اشوف وجهك..
فيصل:قايم انت؟
فواز:لا نايم
فيصل:يا شين الي يخش فجاة بالسالفه..
دينا:فيصل مصحصح وشبعان نوم ويقعد يتميلح علينا..
فيصل:ادري انه كلي ملح..
دينا:يعععععععععععععععع..ترا بيجيك كف الحين..
فيصل:يلا يلا البنات ينزلون داااااااااااااااانه قومي وصلنا
دانه:قايمه..
فيصل:تكذب بعد..
دانه فتحت الباب ونزلت..
دينا:دااااااااااااااااااانه شنطتك
فيصل:نزليها معاك
دينا:لا والله انزل بشنطتين..احسسن بخليها تتادب
فيصل:خلاص بررنسيسه دينا انا اخلي السواق ينزلها ويوديها فصلهم
نزلت دينا..
فواز:شلون يوديها السواق؟
فيصل:هههههههههههههههههههههه صح النوم من زمان نازلين
فواز:جد والله شلون
فيصل:يتغطى ويدخل
فواز:لا عاد جد
فيصل:يعطيها الي عند الباب ويقوله ودها لدانه ثالث ج
فواز:لا الظاهر ثالث أ
فيصل:وراك ابتشلت ما عليك انت
نزلوا العيال لمدرستهم..وكل واحد راح لفصله..
ــــــــــــــــــــــــــــــــــــــــــ
الساعه ثنتين الظهر دخل ماجد بيته...واتجه لصاله..
ماجد وهو يفضخ شماغه:السلام عليكم
لمى:وعليكم السلام.
ماجد:شكلك ما رحتي الجامعه؟
لمى:لا ما رحت..
ماجد:ما اذكر مر يوم سالتك رحتي الجامعه قلتي ايه
لمى وهي تضحك:الزواج..
ماجد:لا تتعذرين بالزواج.كثير بنات متزوجات ويروحون
لمى:ترا الغدا جاهز
ماجد:لمى انا كم مرة قلتلك لا تسوين ذي الحركه اذا ما تبين تسولفين معاي لا تقعدين تصرفين قولي ماابي اتكلم..
لمى:لا تفهمني غلط ماجد..
ماجد دخل غرفته ولا رد على لمى..
لمى بصوت عالي:مييييييين الي يسفه الثاني
طلع ماجد من الغرفه واتجه لغرفة الطعام وجلس.وجت وراه لمى وجلست..
بعد سكوت...
ماجد:لمى شرايك نسافر الاسبوع الجاي؟
لمى بتعجب:وش الطاري؟؟
ماجد:نغير جو وانتي ما سافرتي مع اهلك يعني حلو لو نسافر..
لمى بعد سكوت شوي:براحتك
ماجد:خلاص انشالله الثلاثا نروح ونرجع الجمعه...
لمى:وين؟
ماجد:انتي وش تبين؟
لمى:على كلامك انك حاجز ومسوي كل شي..
ماجد:ايه بس ما راح اقولك الا اذا قلتي انتي وين تبين تروحين.يمكن المكان الي بنروح له ما يعجبك..
لمى بجفاف:لا بيعجبني..
ماجد:دبي
لمى با ستهزاء:دبي!!
ماجد:ايه دبي اذا ماتبين مو لازم ,نغير المكان
لمى:لا لا كويس
ماجد:الثلاثاء انشالله رايحن..
لمى:انشالله..
ماجد:اهلك متى راجعين؟؟
لمى:لسا مو الحين يمكن الجمعه..
ماجد:يرجعون بالسلامه..
لمى:انشالله..
ماجد:انا رايح انام ربع ساعه وقوميني لصلاة..
لمى:انشالله...
ــــــــــــــــــــــــــــــــــــــــــــــــــ ــــــــــــ
يوم الاثنين والساعه 9 باليل...
بالصاله..دينا وفواز وفيصل كان عندهم
دينا:فيصل ابي افلام..
فيصل:توك راجعه من السينما وكل ما دخلت فلم قلتي داخلته وش تبين بالافلام؟؟
دينا:عاد كيفي احد قالك تعال شف معاي..
فيصل:ما عندي افلام..
فيصل:دينا تعرفين تشرحين نحو؟؟
دينا:وععععععع اكرهه بس اني شاطرة فيه..
فيصل:ابيك تشرحين لي شي..
دينا:شا يفني مدرس!
فيصل:شكرا يجي منك اكثر
دينا:رح لاحد من ربعك مو انا ,اصلا غير مناهج
فيصل:شكرا يا بنت عمتي اول مرة اطلبك طلب ورديتني وانا اذا قلتيلي شي اطير اسويلكيه..
دينا:طبعا انا دينا وانت فيصل
فيصل يضحك:تجي منك بس هين قولي ابي سيفوي قولي ابي ايسكريم قولي ابي اطلع ...
دينا:الله لا يحدني لك, تركي يسويلي الي ابيه
وكان تركي توه داخل..
تركي:تامرين امر
دينا تضحك:هههههههههههههههههههههههههههه شفت على طول
دينا لفت لتركي:وععععععععع تركي انا كم مرة قلتلك لا تقعد تاكل طماطم قدامي..
فيصل:ابي الزباله يا شباب..
فواز:تركي بقوة تراك مقرف تراه طماطم مو تفاح..
تركي وهو ياكل:جربوها وما تندمون..الا صح وشو الي اسويه لك يا دينا..
دينا:فيصل اخوك يبيني اشرح له وعيت وقام يمن علي بالي سواه..
تركي ويحط يده على صدره:جاهزين..
دينا تناظر تركي:تركي مسمر انت شوي..
تركي:لا ما سمرت..
دينا:الا مسمر شوي..
تركي:طيب حلو؟؟
دينا:انت اصلا اسمراني بس حلو اذا تشمست زياده يعطيك لون...
تركي:بروح انشالله جده الويكيند الجاي..
دينا:الي جاي؟؟
تركي:لا الي بعده..
فيصل:ماقلتلي..
تركي:تو مقفل من واحد من الشباب وقالي نروح جده..ودنا بالبحر..
دينا:بحر والا الي عند البحر..؟
تركي يضحك:لا يا شيخه لا يروح فكرك بعيد..بحر لا تخافين..
دخل ماجد عليهم..
ماجد:السلام عليكم
ردو عليه السلام..
ماجد:وين امي وابوي؟؟
فيصل:امي رايحه تزور وحده هي وعمتي وابوي طالع..
ماجد:ابي اسلم عليهم انا بكرة مسافر..
تركي:ومتى راجع؟
ماجد:الجمعه..
تركي يضحك:كلها يومين ونص اذا رجعت سلم عليهم
ماجد:لا ما احب بعدين مالك شغل..
ماجد:انا بطلع الحين واذا جو اتصلوا علي..
فيصل:انا بطلع الحين..
ماجد يلتفت على تركي:تركي وانت.؟
تركي:لا لا جالس
ماجد:اوكي فمان الله
طلع ماجد ووراه فيصل..
تركي ينادي على دانه:دااااااااااااااااانه وينك؟؟
دينا:داخله نت..
تركي:اهاا..
فواز:انا بطلع بروح اجيب لي عشا تبون شي؟؟
تركي:لا شكرا
دينا:ابي من ماكدونالز..
فواز:لا بجيب لي من زيت زعتر..
دينا:لا والله ابي ماكدونالز..
فواز:انا بروح مع محمد في حمزة قاعد, امي طالعه مع خالتي..
دينا:غبي حمزة مايعرف يجيب,انت بتجيب لي
فواز:دينا بلا عناد
دينا:انت رح مع حمزة
فواز:لا ما يعرف يسوق زين غبي
دينا:والله بتجيب لي
فواز مشى وترك دينا
مسكت دينا علبة المناديل ورمتها عليه
لف فواز على دينا:تضربيني يا دينا هين انا اوريك واخذ المناديل بيرميه ودينا ركضت لتركي..
دينا:ساعدوني..تركي ساعدني..
تركي ميت ضحك ومو قادر يتكلم:فواز فواز هدي هدي
فواز:والله لا اضربها ما يكفي ذاك اليوم رمت المناديل على خشمي وبغى ينكسر والله ما اسكت لها
تركي واقف بين دينا وتركي وفاتح يده حاجز بين فواز ودينا..
دينا مسكت بلزوة تركي..
تركي:امسحها بوجها هالمرة
فواز:والله ما اخليها انا اوريها هالدلوعه تبينا تحت امرها والله ما اتركها
فواز مد يده بيسحب دينا جا تركي مسك يد فواز ولفها..
فواز:تررررررررررررررررررركي اترك يدي تعورني
تركي:احلف انك ما تمسكها لا الحين ولا بعدين
فواز:لا ما راح احلف..
تركي شد زياده على يده:احلف
فواز يده صارت تالمه:والله ما المسها اترك يدي يا تركي..
فك تركي يده ودف فواز شوي يلا انزل تحت
فواز:والله هالمرة عشان تركي اوريك يا دلوعة ماما اصبري علي بس وين بتروحين مني
تركي:تراك حلفت
فواز عصب ومشى وتركهم
دينا:قلعه
تركي لف عليها وهو يضحك:بغيتي تروحين فيها
دينا تضحك:ربي هالمرة سترها..
تركي:بس عورته
دينا :احسن
تركي:بس حرام رميتي المنديل علىظهره قويه الضربه
دينا:يستهل ليش يعاند
تركي:انا اروح اجيب لك وش تبين
دينا:ابي ماك تشكن..
تركي:تامرين امر.انا الحين بروح واذا جيت بعطيه الشغاله طيب
دينا:طيب..مررررررة شكرا تركي
تركي ابتسم:حاضرين للبرنسيسه دينا..
ـــــــــــــــــــــــــــــــــــــــــــــ
راح تركي لماكدونالز وجاب لدينا وصل البيت وراح على بيت عمته وعطاه الشغاله عشان تعطيه دينا ورجع بيتهم وشاف امه بالصاله..
تركي:يمه ترا ماجد يبي يسلم عليك وما لقاك عشان بكرة بيسافر انا قلتله ما يحتاج تسلم الجمعه بترجع وهو طبعا مسويلي فيها وقال ما اروح الا انا مسلم على امي..
الجوهرة:يا بعد عمري والله...
رفعت سماعة التيلفون وكلمت على ولدها عشان يجي...
راح ماجد لامه وقعد عندها ساعه بعدين رجع بيته...
ماجد دخل الصاله وكانت لمى تتفرج على التلفزيون..
ماجد:هلا لملوم
لمى تضحك:من زمان ما ناديتني بذا الاسم..
ماجد ابتسم:جهزتي شنطتك؟؟
لمى:ايه تقريبا يعني ما راح اخذ اشيا كثيرة..
ماجد:اوكي انا بدخل اتحمم وتراني متعشي عند امي..
لمى:اوكي ..بس متى بترتب شنطتك؟
ماجد:بكرة الصباح.
لمى:اوكي انا بروح انام..
ماجد:تصبحين على خير.
لمى:وانت من اهله..
ــــــــــــــــــــــــــــــــــــــ
يتبع...
خديجه بنت حجاب غير متصل  
قديم 09-04-2009, 03:40 PM   #7 (permalink)
خديجه بنت حجاب
رومانسي مبتديء
 
--------------------------------------------------------------------------------

الجزء السادس
(الفصل الثاني)
يوم الثلاثاء وصلوا ماجد ولمى للاوتيل..
دخلت لمى الغرفه ورمت نفسها على السرير واخذت نفس طويل..
ماجد:شكلك تعبتي..
لمى وصوتها تعب:ايه والله..
ماجد:ارتاحي الحين
لمى:كبدي تلوع احس اني بطلع..
ماجد:ما كلتي شي من الصباح وش تلوع كبدك..
لمى رفعت نفسها وناظرت ماجد:ماجد بقولك شي..
ماجد:امري..
لمى:ماجد..اممممممم ما اعرف كيف ابدا.
ماجد:لمى تستحي يلا عاد حمستيني..
لمى:لا تتحمس
ماجد:طيب ما راح اتحمس وش تبين تقولين..
لمى:ماجد....انا..
ماجد:انتي وشو؟؟
لمى:ماجد انا حامل..
ماجد:نعم..عيديها ما استوعبت وش قلتي لمى لا تستهبلين علي الله يخليك
لمى وخانقتها العبرة:والله ما استهبل انا حامل
ماجد:شلون مستحيل لمى احنا متفقين انك ما تحملين.
لمى:ارداة ربي..
ماجد:لمى انتي طلعتنيني من طوري انا ما بعد استوعبت
لمى:ماجد ما توقعت ان ردة فعلك بتكون كذا توقعت حتى لو كنت رافض الفكرة بتفرح لما تعرف..
ماجد ماسك اعصابه وكان شاد على يده:افررررررررح شلون ارفح يا لمى وانا ما بعد استقريت معاك..
لمى:لنا سنه متزوجين ما بعد استقريت.
ماجد:لا ما بعد استقريت..انا ما ابيك تصيرين........
لمىوقفت وبانفعال:ما تبيني اصير ايش ام لعيالك يا ماجد تقولها بوجهي ما تبيني اصير ام عيالك..
ماجد:مو هذا القصد..
لمى:وش القصد اجل وش تبي تقول ما لها تفسير ثاني ماجد انا انصدمت فيك تبي تتزوج وحده ثانيه تصير ام عيالك..
ماجد:لمى لو سمحتي انا اقصد ما ابيك وانتي بذا التفكير تصيرين ام لولدي او بنتي..
لمى:ليش مجنونه والا عقلي خفيف..
ماجد:مو هذا قصدي يا لمى لو سمجتي لا تفسرين كلا مي غلط ولا تقلبين الشي لمصلحتك واني انا الي ظالمك..احنا متفقين من قبل انك ما تحملين تجين تحملين ليش فهميني ليش؟؟
لمى:قلت يمكن اذا حملت تتحسن علاقتنا..
ماجد يضحك باستهزاء:من اي ناحيه تتحسن لمى انتي طفله اهلك غلطوا لما زوجك..
لمى:انت الي جيتني مو الي جيت خطبتك..بعدين يا استاذ ماجد اعتقدقبل لاتخطبني سالت عني وغير كذا قعدنا فترة مخطوبين وبعدها ملكتنا وعلى اروع ما يكون واعتقد انه تفكيري نفسه ما تغير انت الي تغيرت يا ماجد وصرت ترمي على حكي ماله اول ولا ثاني..
ماجد:انتي تتكلمين عن شي راح انا مالي دخل بالماضي.. انا اتكلم عن الحمل انا قلتلك لا يعني لا تجين من وراي وتحملين
لمى ودموعها على وجهها:مو بيدي ارادة ربي ..ربي الي كاتب اني احمل ياماجد ليش مو راضي تفهم..
ماجد مشى ولف على لمى:انا طالع وبكرة راجعين لرياض
لمى:حقيييييير يا ماجد وانا اقولك من الحين برجع على بيت اهلي وما راح اقعد معاك ولا دقيقه..
ماجد:الطلاق الحل الوحيد..وانا الحين اتخذت قراري الي كنت متردد فيه ومهما كانت النتائج ومافي شي بيمنعني..واذا كنتي تعتقدين ان الحمل حل عشان ما ننفصل غلطانه يا لمى..
لمى وصياحها يزيد:اكرهك يا ماجد اكرهك..
ماجد:ماعاد يهمني حبك والا كرهك
طلع ماجد من الغرفه..ولمى بالغرفه وكان السكوت حلها الوحيد ولا صاحت كانت منصدمه من الي صار لها...
مرت اول ليله وما رجع ماجد..الساعه تسع الصباح..دخل ماجد الغرفه ولقى لمى صاحيه قالها يلا بقى ساعتين على طيارتنا..
لمى ما ردت على ماجد ولا حتى حطت عينها بعينه..لبست عبايتها وطلع ماجد الشناط وراحوا المطار بدون ولا كلمه كل واحد كان ساكت وسرحان بدنيا ثانيه حت بالطيارة كل واحد بكرسي..اول ما وصلوا الرياض..وبالمطار..
ماجد:لمى انتي ارجعي البيت الى ما يجون اهلك..
لمى:خل بيتك لك انا مو محتاجه لبيت اقعد فيه بدال البيت عندي عشرة والسواق ينتظرني برا
ماجد:تروحين البيت بلحالك...
لمى:ايه انا رايحه بيتي مو رايحه الشارع..بعدين اعتقد انه مو من خصوصايتك..
ماجد مشى ولا رد عليها رجع ماجد بتكسي لبيته ما يبي يقول لاحد انه رجع لانهم اكيد بيستغربون..
ركبت لمى سيارتها وراحت لبيت اهلها..
دخل ماجد بيته ورمى نفسه على الكنبه دمعت عينه على الي صارله مع لمى..وبعد مده ما هي قصيرة مسك ماجد جواله وكلم على عبدالعزيز..
ماجد:الوو
عبدالعزيز:هلا والله
ماجد وصوته كان مبحوح:شخبارك عزيز؟
عزيز:الحمدالله بخير ..ماجد شفيه صوتك؟
ماجد:عزيز انت بالشرقيه؟
عبدالعزيز:ايه بالشرقيه
ماجد:عزيز ابيك تجي الحين الرياض.
عبدالعزيز:ماجد خوفتني فيه شي صارلك شي اهلك فيهم شي؟
ماجد:لا لا كلهم بخير
عبدالعزيز:ماجد شفيك خوفتني بعدين انت مو رحت دبي؟
ماجد:رجعت
عبدالعزيز:صار شي مع لمى؟
ماجد:ايه..
عبدالعزيز:لا تكون سويتها يا ماجد
ماجد:انفصلنا..
عبدالعزيز:ماجد انامو مستوعب انتم امس سافرتو واليوم رحعتو وبتنفصلون..
ماجد:عزيز لا احد يدري اني جيت
عبدالعزيز:ما عليك مااحد بيعرف بس ممكن تفهمني
ماجد:اذا جيت افهمك...
عبدالعزيز:انشالله القى طيارة والا ابجي بسيارة اسرعلي..
ماجد بصوت مبحوح:انا تعبان تعبان يا عزيز.
عبدالعزيز:انا الحين بمسك الخط انشالله تسع اكون عندك
ماجد:لا تسرع يا عزيز الحوداث كاثرة
عبدالعزيز:انشالله انشالله..
ماجد:مع السلامه
عبدالعزيز:مع السلامه..
ــــــــــــــــــــــــــــــــــــــــــــ
فيصل يطق باب غرفة تركي:تروك ابدخل افتح
تركي:ادخل
فيصل:تركي وش صاير بينك وبين محمد؟
تركي:فجاة تسال..
فيصل:علينا من يوم احنا في بيروت ما كلمتوا بعض
تركي:لا ما في شي عادي
فيصل:على مين تلعبها يا ابن الناس على فيصل العبها على غيري
تركي وهو يظبط شماغه :انا بطلع الحين
فيصل:وين؟
تركي:عند الشباب..
فيصل:ما راح تقولي
تركي:وخر عن وجهي
فيصل:احسن بس مصيرك تقولي
طلع تركي من الغرفه ومر بالصاله:يمه انا طالع توصين بشي؟
الجوهرة:لا سلامتك..اخوك ما كلمني واكلم جواله مقفل ولمى بعد مقفل انا اخاف صار لهم شي
تركي:لا لا تخافين تلقينهم مبسوطين ونسى يكلم
الجوهرة:ما يسويها ماجد كل ما سافر والا راح مكان كلمني يطمني
تركي:لا خير انشالله
الجوهرة:تعرف وين ساكنين؟؟
تركي:لا والله ماقالي
الجوهرة:يا ويل قلبي على ولدي
تركي:يمه قولي لا اله الا الله
الجوهرة:لا اله الا الله
تركي:انا بحاول اكلمه
الجوهرة:ايه الله يخليك
طلع تركي من البيت وهو بالحوش طلت عليه دينا من الشباك..
دينا وهي تصارخ:وين رايح ابو الشباب..
تركي وهو يعلي صوته:دينا من الشباك هلا والله عادت حليمه لعادتها القديمه تتجسس علينا
دينا وحاطه يدها على فمها عشان الصوت يصير عالي: قرب شوي..وانا حليمه
هين اوريك..وبعدين وين بتروح؟
تركي:بروح عند ربعي تبين شي..
دينا تفكر تبي تخليه يجيب لها شي غصب:ايه تذكرت ابي قلم ازرق..
تركي يضحك:بجيب لك كل الالوان
دينا:وابي مساحه
تركي:وما تبين مسطرة
دينا:لا لا ما يحتاج
تركي:طيب بجيب لك
دينا:الله لا يخلينا منك
تركي يضحك:اميين
دينا:يلا مع السلامه ويا ويلك اذا نسيت
تركي وهو ياشر على عيونه:من عيني هذي قبل هذي
راح تركي ودينا للحين تطل من الشباك وبعد عشر دقايق طلع فيصل..
دينا:هييييييييي انت قرب شوي فيصل هشش.
فيصل لف عليها:يلا بس ,وطلع فيصل وسفهها
دينا عصبت منه راح ولا رد عليها..
داليا وهي تدخل غرفة دينا:وش تسوين انتي؟؟
دينا:قاعده اغني مع العصافير..وش اسوي يعني قاعده اتفرج
داليا:ترا ابوي تو كلم..
دينا بسرعه لفت:وش يبي؟؟
داليا:الاسبوع الجاي بيجي وبنطلع معاه من زمان ما شفناه
دينا:اشوااااااااا ريحتي قلبي احسب احنا بنروح له هناك
داليا:لا بس باجازة الحج بنروح يعني اطمني
دينا:اكره اروح عندهم
داليا:ابوك يا دينا..
دينا:ادري
داليا:كويس انك تعرفين..
دينا:داليا شرايك نطلع بكرة مع البنات
داليا:اطلعي..دينا:انتي بعد تعالي
داليا:مالي خلق طلعات..
دينا:بكيفك..
ـــــــــــــــــــــــــــــــــ
الساعه تسع ونصف وصل عبدالعزيز الرايض وراح لبيت ماجد..
نزل عبدالعزيز من السيارة وراح يرن الجرس..ونزل ماجد يفتح له الباب.
عبدالعزيز:هلا والله
ماجد:الحمدالله على السلامه
عبدالعزيز:الله يسلمك..ماجد ممكن تفهمني الي صار..
ماجد:حياك ادخل..
دخلوا البيت..وقال ماجد كل السالفه من اولها لاخرها لعبدالعزيز..
عبدالعزيز:مجنون رسمي يا ماجد زوجتك حامل وتطلقها يوم حملت تطلقها شلون اصلا قدرت تفكر هالتفكير..
ماجد:ما قدرت امسك اعصابي تتستغفلني وتحمل واحنا قايلين مافي حمل
عبدالعزيز:ماجد اخر انسان اتوقعه يفكر هالتفكير وانت شايف قدامك مثال عيال خالتي سلوى وكيف ابوهم عايش بعيد عنهم..
ماجد:عبدالعزيز الي تتكلم عنه شي مختلف تمام الاختلاف ما فيه ولا رابط بيني وبين عيال عمتي..اولا زوج عمتي كان انسان يحب يتزوج وعمتي ما انفصلت منه الا يوم تزوج عليها والمشاكل كثرت وماكنوا يحبون بعضو بالعكس يوم انفصلت كان اريح لها..
عبدالعزيز:ماعلي منهم انا علي منك والي قاعد تسويه وانت قلت بلسانك ماكان يحبون بعض وانت لمى ما تحبون بعض؟
ماجد تنهد:يا ربي ساعدني..والله تعبان بموت يا عزيز..
عبدالعزيز:ترجعها يا ماجد..
ماجد:مو بكيفي مستحيل ارجعها..
عبدالعزيز:ماجد زوجتك حامل وبعد فترة بتولد وبيجيك ولد او بنت..كيف بيتربون وامهم وابوهم منفصلين
ماجد:انا طبعا بربي ولدي او بنتي تعتعقد اني انهبلت اخليهم للمى
عبدالعزيز:تبي تحرم طفل من امه
ماجد:انا اصلا بدون مااقولها ابيهم انا متاكد بتعطني الولد لمى ماهي موهله تكون ام..
عبدالعزيز:مافي وحده انخلقت مهيئه تصير ام..بس اذا الوحده جابت اطفال تتهئ من نفسها ما يحتاج احد يفهمها وش عليها..
ماجد:عزيز انا اقصد..
عبدالعزيز:لا اقصد ولا تقصد بكرة او بعد يومين الى ما ترتحون ترجع زوجتك
ماجد يضحك باستهزاء:مستحييييييييييل ارجعها
عبدالعزيز :الله يخليك يا ماجد فكر انا ماابي حياتك تتدمر..
ماجد:انشالله يصير خير
عبدالعزيز:تسكتني؟
ماجد:والله بفكر..
عبدالعزيز:اسمع كلامي وما يضرك شي وترجعون احسن من اول بمليون مرة الدنيا دروس والشاطر الي يتعلم من تجربته..
ماجد:يصير خير انشالله..بس الله يخليك لا احد يدري من اهلي..
عبدالعزيز:سرك في بير..
ماجد:اخاف ما ترضى
عبدالعزيز:لا انشالله بتوافق وترجع معاك صدقني هي تحبك وما سوت الي سوته الا انها تحبك وتبي تستقر معاك..
ماجد:معقوله لمى كذا تفكر..والله اكون ظالم
عبدالعزيز:انا اقولك انشالله انكم بترجعون لبعض..
ماجد:متى اكلمها اهلها الحين مو في..
عبدالعزيز:اصبر الى مايرجعون اهلها..
ـــــــــــــــــــــــــــــــــــــــــــ
رجعوا اهل لمى قبل مو عد رجعتهم لانهم مستغربين من جية بنتهم للبيت والشغاله هي الي كلمت ام لمى وقالتلها عن لمى..
جت ام لمى وعرفت كل السالفه من بنتها...وماجد كلم على لمى وطلب منها انها ترجع وبعد يومين بيكلمها مرة ثانيه بيعرف رايها..لمى قالت لامها بس امها...
ام لمى:وهذا حلف يا لمى والله ما ترجعين الي يهين بنتي ولا يحترمها ويبي يطلقها ما نبيه..
لمى وكانت تصيح:يمه انا ابي ارجع..مستحيل اعيش بدون ماجد وبعدين انا حامل مستحيل اخلي ولدي يتربى بعيد عن ابوه.لا يمه انا برجع يعني برجع..
ام لمى:انا رافضه وابوك بعد رافض تبين ترجعين لا انتي بنتنا ولا نعرفك.
لمى:يمممممه انا ابي ارجع حرام عليكم مستحيل اصير مطلقه..وانا احب ماجد
ام لمى:مجنونه بعد كل الي سواه وتحبينه ..انا امك واعرف مصلحتك...
لمى تقاطع امها:تعرفين مصلحتي وما تبيني ارجع لبيتي ولزوجي..
دخل ابو لمى عليهم وقطع كلامهم..
ام لمى:شف بنتك تبي ترجع له
ابو لمى:صحيح يا لمى..
لمى:ايه يبه..
ام لمى:والله ما ترجعين له وابوك الحين بيكلمه نبي الطلاق..
لمى:لا مستحيل يمه انتي كذا تدمرين حياتي..
ام لمى:انا ادمر حياتك تقولين لامك هالكلام.
لمى وتناظر ابوها:يبه قل كلمه.
ابو لمى:انا مع امك وما عندي كلام اقوله الي فكر مرة انه مايبي بنتنا ما نبيه..
لمى:تبوني اتطلق مستحيل..
ابو لمى:ما في شي مستحيل وانا بكرة بكلمه وبقوله اننا نطلب الطلاق..
لمى:بيرفض ماجد هالطلب لانه يحبني..
ابو لمى:لا يا بعد ابوك ما راح يرفض..
طلعت لمى من الغرفه وراحت لغرفتها وحبست نفسها لا تاكل ولا تشرب..
ـــــــــــــــــــــــــــــــــــــــــــــــ
الساعه 10 الصباح وابو لمى كان بشغله مسك جواله وكلم على ماجد..
ماجد كان بالبيت ما دوام مع انه المفروض يدوام لانه على حسب علم اهله انه رجع الجمعه واليوم الاحد بس طلب من ابوه اجازة كم يوم عشان يرتاح..
رن جوال ماجد وكان المتصل ابو لمى..
ابو لمى:السلام عليكم..
ماجد:وعليكم السلام..شخباركم الحمدالله على السلامه..
ابو لمى:الله يسلمك..كنت ابيك تجي عندي المكتب وانت تعرف السبب بس ا
بعد تفكير قلت ما يحتاج اتعبك واخليك تجي المكتب..
ماجد:خير انشالله..
ابو لمى:نبي الطلاق يا ماجد..
ماجد وكان منفعل:الطلاق..مستحيل اطلق..
ابو لمى:ترجع بنتي بيتها والحين تقول مستحيل اطلق واحنا مصممين واذا ما تبي تطلق في شي اسمه خلع..
ماجد:هذا طلب لمى؟
ابو لمى:ايه طلبها ومصممه بعد..
ماجد:مستحيللمى توافق
ابو لمى:اكذا يعني البنت مصممه وماعندها غير هالكلام..
ماجد بعد ما استسلم:قلها تبشر بالي هي تبيه..خلص كلامي مع السلامه..
قفل ماجد الخط ولا انتظر رد ابوها...
انسدح ماجد على الكنبه وتنهد والفكار ماليه راسه..
كل واحد يدفع ثمن غلطته وانا غلطت واستعجلت وجالس ادفع الثمن ..معقوله لمى ما تبيني بس ليش ردت لما كلمتها وكاننت طبيعيه انا متاكد اهلها غصبوها لا لا ليش يغصبونها..
رفع ماجد نفسه واخذ نفس طويل..انا لازم اغير نفسي ما راح اقعد اتحسف على الي صار من بكرة برجع لشغلي وبعيش حياتي العاديه..قعد ماجد اليوم كله يفكر بالي سواه...
ـــــــــــــــــــــــــــــــــــــ
دخلت ام لمى على بنتها الغرفه..
ام لمى:شفتي زوجك الي تبينه وافق انه يطلق بدون حتى ما يناقش هذا الي تصيحين عشانه بكرة تشوفينه متزوج ومبسوط وانتي تتحسرين على عمرك..
لمى وبدات تصيح بصوت عالي:مين قالك يمه .تكذبين مستحيل ماجد يطلقني..متى كلمه ابوي لا يمه ما تسونها..
ام لمى:الا نسويها اليوم ابوك كلمه وقاله ان بنتنا تبي الطلاق ولو تشوفين وش رد قال لابوك تبشر بنتك بالي تبيه وقفل الخط..
لمى بدات تصيح وما عرفت رتد على مها..
لمى:يمه اتركيني لو سمحتي ابي اقعد بحالي..
ام لمى طلعت وتركت بنتها...
ــــــــــــــــــــــــــــــــــــــ
مر اسبوعين بدون احداث تذكر ..والاختبارات النهايئه للفصل الول قربت وما بقى عليها الا اسبوع..
جا ابو فواز لعياله وطلعو معاه..
وسافر تركي لجده..وما كلم محمد من بيروت وكل واحد ما يدري عن الثاني..
طلق ماجد لمى وما عرف احد بالسالفه الا عبدالعزيز ما بعد قال ماجد لامه..
وبنرجع شوي لورا لطلال وولد خاله خالد...
قاعد خالد بملحق بلحاله يقعدون فيه عيال العائله دائما وربعهم..
دخل طلال وهو فرحان..
طلال:جبتها واخيرا الي في بالي بيصير..بس في مشكله صغيرة..
خالد:وشو الي جبتها ومشكله صغيرة؟؟
طلال:دينا..
خالد:مين دينا؟؟
طلال:دينا عبداللطيف.....
خالد:تستهبل مين هذي؟؟
طلال:الي كانت معنا في بيروت
خالد:اخسسسسس والله واخيرا عرفت عنها الي تبيه..
طلال يغني:ابيها بس هذي الي ابيها.. هذيك الي انا عيني عليها..خذت عقلي وروحي من حلاها وانا المسكين قلبي راح فيها..
خالد يضححك:الله الله وتغني فيها يلا عطنا الاخبار ..
طلال:قلتلك اسمها وهي ما تصير اخت تركي لا تصير بنت عمته
المهم ابوها وامها منفصلين ابوها يسكن بالخبر وهي تسكن عند امها وبيتها وبيت خالها جنب بعض عندها اختين واخو اسمه فواز..تخيل صغنونه بثالث ثانوي..
خالد يقاطع طلال:بثالث ثانوي وتبيها؟؟
طلال:ابيها والله ابيها...
خالد:كمل..
طلال:البنت محترمه واخلاق واهلها والنعم ومحترمين وناس راقين ما عليهم يعني اشياء كثيرة..
خالد:قلتلي بثالث الحين اختباراتهم بتبدا..
طلال:شسوي بصبر الى ما تخلص.
خالد:قلت لامك؟؟
طلال:ايه قلتلها وامي سالت عنها وماعندها اي مانع بالعكس فرحت.
خالد:يلا الحين نقولك مبروك...
طلال:اصبر لما تصير رسميه..
خالد:طيب يلا امش نطلع
طلال:الي تبي انا وراك واليوم علي العزيمه واطلب الي تبي..
خالد:الله يعافيك يا دينا...
طلال:متى الوقت المناسب تتوقع؟
خالد:بالاجازة
طلال:افرض انهم بيسافرون.
خالد:ماعليك يسافرون والا ما يسارفون امك تكلم اذا خلصوا اختبارات وتقول
لامها عجبهم عجبهم ما عجبهم ما عجبهم.ز
طلال:تتوقع يرفضون؟
خالد:كل شي جايز..والبنت صغيرة في كثير ناس ما يبون يزوجون بنتاهم وهم صغار..
طلال:انا مستعد اقعد خطبه سنه وبعدين نتزوج..
خالد:لا تستعد ولا استعد كل شي بوقته حلو..
طلال:شف اذا خطبتها بخطبلك تراك مصختها لازم تفكر بالزواج.
خالد:لا اذا تزوجت انت كني انا الي متزوج..
طلال:اموت ارعف ليش م اتبي تزوج يعني انت مو من العيال الي داجين ومشبكين مع بنات السعوديه كلهم وش المانع انك تتزوج..
خالد:لا مو هذا القصد..وانا افكر من قالك اني ما افكر..
طلال:يلا نتزوج بليله وحده..
خالد:بسم الله علي اتزوج زواج جماعي..
طلال يستهبل:اييه شفيها بدال الفرحه فرحتين..
خالد:علهم ما فرحوا واذا يبون يفرحون ياجلون الفرحه الثانيه شوي ما راح يضر..
طلال:المهم وين تبي تتعشى؟
خالد:انت الي عازم..
طلال:تبي شاورما؟
خالد:هييييييييي انت شاورما, تبي تعزمني على شاورما
طلال:ههههههههه طيب شتبي؟
خالد:الي يجي منك حلو بس مو شاورما..
طلعوا طلال وخالد وراحوا تعشو وعلى اخر وناسه...
ـــــــــــــــــــــــــــــــــــــ
يوم الجمعه ليلة الاختبارات وكلن كان يذاكر ويستعد للاختبارات..
على المغرب دخل ماجد بيت اهله...
ماجد:هلا يمه..
الجوهرة:هلا والله بولدي وينك لك اسبوع ما جيتنا..
ماجد:الشغل..
الجوهرة:شخبارك وشخبار لمى من زمان ما شفناها وراها ما تجي ولا تكلم..
ماجد وو مرتبك:بخير..انا بخير..
الجوهرة ناظرت ولدها وحست انه في شي:انت بخير ولمى؟
ماجد:يمه ممكن نروح مكان ما في احد..
الجوهرة ونظرات القلق بدات على عيونها:خير يا ماجد انا قلبي حاس انه في شي من زمان..
ماجد:خير خير انشالله..
دخلوا صاله كنت مسكرةوما فيها احد..
الجوهرة:يلا قل الي عندك..
ماجد:والله ماني عارف كيف ابدا..يمه ابيك تفهمين كل شي وتقدرين وبدون ليش وكيف طلبتك..
الجوهرة:خوفتني يا ماجد عسا ماشر وانا امك فيك شي؟ تبي شي ؟زوجتك فيها شي؟
ماجد:يمه....أنا والله ما اعرف كيف اقولك..
الجوهرة وبدا على صوتها الخوف:قلي يا ولدي حرقت قلبي والله ما تسوى على امك..
ماجد وبسرعه:أنا طلقت لمى..
الجوهرة وهي حاطه يدها على راسها وبدات بصياح:حسبي الله ونعم الوكيل تطلق زوجتك يا ماجد ليش...وش سويت يا ولدي الطلاق ما يجوز..انا الغلطانه الي زوجتك انت كفو زواج وتحمل مسوؤليه من مشكله تطلق الطلاق ابغض ا
الحلال..ماني مصدقه تكذب يا ماجد قلي انت ما كنت تبيها وميت عليها وما ابي غيرها والله ما تزوج الا هي تجي تطلقها فهمني شلون ؟؟
ماجد دمعت عينه وكانت الافكار تجيبه وتوديه..اذا عرفت امي انها حامل وش بتسوي..تنهد ماجد :يمه الله يعافيك لا تزيدين الي فيني..
الجوهرة ولازالت تصيح وكانت تشوف ولدها والتعب باين على وجهه..وبلحظة ضعف من ماجد ضم امه وكان يصيح..الجوهرة زاد صياحهل لما شافت ولدها كذا..
رفعت جوهرة راس ولدها وكانت تمسح على راسه:انا بكلم امها بكرة..
ماجد قطع كلام امه:لا تحازلين يمه هم رافضين وانا حاولت قبل وخليها هي الخسرانه..
قطع كلامهم تركي ودخل عليهم...
تركي:وينك يا رجال اشوف سيارتك واقعد اقلب البيت عليك؟
ماجد ما رد وقف وطلع على طول ما كان يبي يبين شي لتركي..
تركي وهو مستغرب:يمه شفيكم ليش كذا تركي وليش تصيحين ؟؟
الجوهرة:اخوك طلق زوجته..
تركي:ايييييييييش؟؟طلقها
الجوهرة:ايه والله حسبي الله ونعم الوكيل..
تركي جلس جنب امه وبهدؤ:ليش يمه وش صار بينهم؟
الجوهرة:علمي علمك ماقالي ولا شي
تركي:والله كنت حاس اخر الشهور كنت اشوف ماجد تعبان وحالته حاله وكنت عارف انه في مشاكل مع لمى بس عاد يطلقها هذا الي ما توقعته..
الجوهرة وهي توقف:حسبي الله ونعم الوكيل ابوك وش بيسوي اذا عرف؟
تركي:ما يدري؟
طلعت الجوهرة من الغرفه ولا ردت على تركي..
ــــــــــــــــــــــــــــــــــــــــــــ
نهايــــــــــــــه الجزء
خديجه بنت حجاب غير متصل  
قديم 09-04-2009, 04:04 PM   #8 (permalink)
خديجه بنت حجاب
رومانسي مبتديء
 
--------------------------------------------------------------------------------

الجزء السابع
><
><
><
><


الكل عرف بطلاق ماجد ولمى وانصدموا من هالشي وطبعا ما عرفوا عن حمل لمى..
تركي وعزيز خلصوا اختبارات ولانهم جامعه خلصوا قبل المدارس..
دانه وفواز عطلوا , اما فيصل ودينا كان اخر يوم لهم اختبارت..
يوم الثلاثاء ليلة اخر اختبار لدينا وفيصل..دينا جالسه بالصاله تتفرج على التلفزيون دخل تركي..
تركي:اليوم يوم الثلاثاء ان ماكنت واهم؟؟
دينا:لا مو واهم يوم الثلاثاء..
تركي:وش مقعدك هنا؟
دينا:من الفرحه ماني قادرة اذاكر..
تركي :كل ماجيت القاك قاعده..بعدين لاتفرحين الترم الجاي يجيك يهد حيلك..
دينا:اييه لكل وقت وقته..
تركي وهو ينفخ على يده:وشو؟؟
دينا تغير السالفه:بردان؟
تركي:ميييييييييت برد احس يدي بتتكسر واطرافي باردة...
دينا وهي تحط يدها على وجهها:انا يدي دافيه تجنن..
تركي:ماولعتو جمر؟
دينا:الا امي تحت بالخيمه اكيد مولعه..
تركي:وشذا البررررررد بموت..
دينا قربت من تركي وحطت يدينها على يده..تركي صار يناظرها ومايدري وش يقول ومانزل عينه وكان مبتسم..
دينا:ها دفت؟؟
تركي:....................
دينا:تروك دفت يدك؟
تركي:لا لا مادفت..
دينا شافت تركي سرحان جت مسكت اصبعه وطقته وبعدت على طول..
تركي:دينا عورتيني....
دينا تضحك:شفتك مسرح قلت فرصتك يابنت..
تركي:لاتعيدنها مرة ثانيه,بعدين يلا روحي ذاكري..
دينا:انت الي روح انا قاعده في بيتي انت جيت ولهيتني عن الدراسه ترا اذا ماحليت زين كل منك..
تركي:لاانشالله تجيبين 35..
دينا:ادعيلي بشي معقول مو خمسه وثلاثين..
تركي:طيب ثلاثين يلا روحي
دينا:انت روح..
تركي نزل تحت وراح بيتهم ودخل غرفة فيصل وفتح الباب بقوة..
فيصل كان قاعد يذاكر على مكتبه ماد رجله على الطاوله والكتاب على رجله..
فيصل فز من الصوت:تررركي خوفتني..
تركي وكان نفسه سريع:أحبها..أحبها..احبها يا فيصل..
فيصل يضحك:مين الي تحبها؟؟
تركي:دينا من في غيرها مجنني ...
فيصل:مصيرك ترد وتقولي..
تركي:ابيها يا فيصل ابيها ابي اتزوجها مايصلح كذا احسها...بعيده انا ابيها تصير لي انا..
فيصل:مستحيييييل تتزوجها الحين اهلي بيرفضون واهلها بعد..
تركي:مستعد اقعد خطبه سنه سنتين ثلاث مية سنه لو يبون بس اتزوجها..
فيصل:نقول انا الله حرم كل............
تركي يقاطعه:اكلمك تذاكرني الشره مو عليك الشره علي انا الي اجيك..
طلع تركي من غرفة فيصل ونزل عند امه...
تركي:يمه ودي اقولك شي ممكن؟؟؟
الجوهرة:ايه قل ممكن..
تركي:ابي اتزوج..
الجوهرة وهي رافعه اصبعها:والله العظيم وهذا حلف يا تركي مافي زواج انشالله ال اذا عقلتو..
تركي:عشان ماجد طلق لمى تقولين كذا يمكن له اسبابه الخاصه وطلقها..
الجوهرة:لا اسباب خاصه ولاغيرها انتم شباب تحسبون الزواج لعبه تاخذون بنات الناس وتطلقون..انشالله مافي زواج الا اذا دخلتوا على الاربعين..
تركي:يمه وشذا الكلام يعني انا الي اروح فيها عشان ماجد طلق زوجته..
الجوهرة:عندك شي غير ذاالكلام انا مااحب هالسواليف صارت تضيق صدري..
تركي وهويقوم :لاماعندي شكرا يمه..
الجوهرة:عفوا..
راح تركي بيت عمته ودخل الخيمه وكان فيها سلوى وداليا...
تركي:السلام عليكم..
سلوى وداليا:وعليكم السلام..
جلس تركي عندالجمر عشان يدفي يده وكان ساكت...بعد مده وبعد ماقامت داليا..
تركي:عمتي..
سلوى:عيون عمتك..
تركي:ابي اتزوج..
سلوى:تتزوج؟
تركي:ايه ابي اتزوج,تخيلي عمتي تو رحت اقول لامي حكمت علينا مافي زواج الحين الا اذا صرتوا بالاربعين..
سلوى تضحك:تقول هالكلام عشان الي صار لماجد تعرف ضاق صدرها عليه..
تركي:مايصير ننظلم عشانه..
سلوى:وش تبي بالزواج مسؤوليه وبيت يعني لاحق عليه انشالله..
تركي:عمتي انا مو مثل الشباب الي مبسوطين ومافي بنت ماكلموها..انا ابي وحده تهتم فيني , ويضحك تركي ابي وحده تحبني واحبها..
سلوى:حبيب عمتك والله,يا بختها الي بتاخذك..
تركي:حاولي تكلمين امي..
سلوى:انشالله من عيوني كم تركي عندي..
جلس تركي عند عمته الى الساعه 12 اليل وكانوا يسولفون سالفه ورا سالفه..
دخلوادانه و فواز عليهم..
فواز:يا سلام جالس عند امنا..
تركي:يا حظكم بامكم..
فواز:اكيد يا حظنا,يا بخته الي امه سلوى..
سلوى كانت تناظرهم وتضحك..
دينا تدخل عليهم وهي مسشورة شعرها وكانت فاكته..
دينا:شرايكم؟؟
دانه:حلو
فواز:عادي وش الجديد..
دينا:يمه؟؟
سلوى وكانت بتطلع من الخيمه:حلو..
دينا تناظر تركي:شرايك؟
تركي:يجنن مشالله..
دينا:ودي اقصه شرايك دانه؟
تركي:لا ياويلك اذا قصيته دينا الطويل احلى بعدين شعرك مشالله حلو لا حرام تقصينه..
دينا:والله؟
تركي:ايه والله..
فواز:يلا تصبحون على خير,وطلع من الخيمه..
دينا: تركي شخبار ماجد؟
تركي:طيب..
دينا:تركي بسالك سؤال ممكن؟
تركي:ايه اكيد ممكن..
دينا:ليش طلق ماجد لمى؟
تركي استغرب من السؤال:مشاكل..
دينا:مشاكل تخلي يطلقها؟؟وين ماجد الي كان يموت بلمى وما يبي يتزوج غيرها..
تركي:هذا الي ربي كاتبه..
دينا:انتوا كذا يارجال تحسبون بنات الناس لبعه تتزوجون وتطلقون متى ما طفشتو طلقتوا والا تزوجتوا علينا.
تركي:دينا بليز لاتعممين..
دينا:الا كلكم ماعممت وكل واحد له موقف وقل دينا ماقالت..
تركيدينا ترا كلامك يزعلني..
دينا:هذا الصدق ليش تزعل,بعدين هذي وجهة نظري..
تركي:وانا معهم؟
دينا:والله مااعرفك بس اكيد كلكم مثل بعض..
تركي عصب:تقولينها بوجهي يا دينا..
وقف تركي..
دينا:لا لا تركي امزح والله اسفه..لاتزعل
تركي:قلتي شي يزعل انتي؟
دينا:ترركي والله انت غير العيال كلهم..
تركي:يا كذابه توك تقولين معهم..
دينا:غيرت رايي بعدين كنت برفع ظغطك بس...
تركي:طيب..طيب
دينا:عاد وشتبي بعد احب راسك تاسفت لك لاتقعد تسويلي فيها زعلان..
تركي:وانا اقدر ازعل من دينا..
دينا:أذبحك لو زعلت..
تركي:بتطلعين بكرة؟
دينا:متى؟
تركي:بعد المدرسه..
دينا:اييه بطلع..
تركي:انتبهي دينا وقولي لصديقاتك بلا حركات هبال ترا يخوف الوضع..
دينا:وش شايف صديقاتي مهبل؟؟
تركي:لا بس يعني..
دينا:بعدين عادي مايخوف الوضع..
تركي:انتبهوا ترا مو مثل اي يوم عادي..
دينا:ترا دايما اطلع لا تخاف..
تركي:طيب يلا تصبحون على خير..
دينا تستهبل على تركي:يعني تخاف علي؟
تركي:ايه اخاف انتي مثل اختي..
تركي حسه انه غلط وشو الي مثل اختي لا لا مو مثل اختي..
دينا:طيب تصبح على خير..
طلع تركي وهو مرتفع ظغطه من كلمته شلون اقولها مثل اختي مجنون انا وراح تركي عند فيصل ..
تركي:فيصل..
فيصل:وش بعد؟
تركي:انا غبي واغبى من الغبي بعد..
فيصل:توك تدري..
تركي:تراني اتكلم جد..
فيصل:اييه انا بعد اتكلم جد انت من زمان غبي اصلا ابوي يقو اول ماجا تركي قالنا الدكتور انو ولدكم فيه نسبة كبيرة من الغباء استحملو شوي..
تركي:تخيل قلتلها انتي مثل اختي...
فيصل يضحك:ههههههههههههههههههههههههه مجنون..
تركي:ادري..
فيصل:شف نصيحه لاعمرك تروح عندهم يا اخي انت تروح وتهذر خرابيط وترجع..
تركي:والله مااحد فاهم احساسي تخيل..شلون افهم..مثلا يجي احد يسالك انت تحبه وتموت فيه يقولك انت تحبني تجي تقوله من قال؟
فيصل:هههههههههههههههه انت الحين يقالك تفهمني؟
تركي:فيصل خلاص اسكت بس
ــــــــــــــــــــــــــــــــــــــــــــــــــ ــــــ
يوم الاربعاء الظهر داليا دخلت على امها..
داليا:يمه...
سلوى:نعم..
داليا:يمه تو وحده من البنات كلمتني تصير صديقة لمى..
سلوى:اييه
داليا:يمه تقول ان لمى حامل..
سلوى:وشو؟؟حامل لا تمزح يمكن
داليا:يمه وش تمزح البنت من جده تقولي..وتحسبني اعرف..
سلوى:طلقها وهي حامل؟
دالاي:مدري عاد لا تساليني..
سلوى:انا بروح بيت خالك..
دينا:لاي مه الله يخيلك لاتقولين لخالتي..
سلوى:الا بقولها لازم يعرفون يا داليا..
داليا:يمه ماعلينا مايحتاج تقولين..
سلوى:داليا انا ارعف وش اسوي..
داليا:يمه
سلوى:والله بقول ليش نسكت ما ينسكت عليها مثل ذي الاشياء..
داليا:كيفك..
طلعت سلوى من بيتها وراحت بيت اخوها..
سلوى كانت تنادي:الجوهرة..الجوهرة..
تركي يطل عليها من فوق:حياك عمتي..امي طالعه..
سلوى/تركي الله يعافيك تعال تحت..
نزل تركي....
سلوى:متى بتجي امك؟
تركي:مدري والله..
سلوى:تركي تعرف انت عن حمل لمى؟
تركي:حمل لمى؟؟اي لمى؟
سلوى:لمى زوجة ماجد يعني مين في غيرها؟
تركي:هي حامل؟
سلوى:وحده من صديقات داليا تو كلمتها تقولها..
تركي:متاكده يا عمتي..
سلوى:هذا كلام البنت..
تركي:يعني ماجد طلقها وهو يعرف انها حامل؟
سلوى:والله علمي علمك..
تركي:طيب عمتي انا بطلع
سلوى:وين بتروح؟
تركي:بروح عند ماجد
طلع تركي غرفته وبدل ملابسه ونزل بسرعه..
وصل مكتب ماجد..دخل تركي على ماجد بدون مايستاذن..
ماجد:تركي كذا الواحد يدخل
تركي:ماجد بسالك سؤال وابي جواب محدد الله يخليك..
ماجد:تركي شفيك؟وش السالفه؟
تركي:تعرف ان لمى حامل؟
ماجد استغرب من سؤال تركي:من قالك؟
تركي:ماجد اسالك سؤال ترد على بجواب مو ترد علي بسؤال..
ماجد:ايه اعرف..
تركي:وطلقتها وانت تعرف انها حامل..
ماجد:ايه اعرف,تركي مالك شغل بذي الامور..
تركي:طيب...طيب..انابطلع..
طلع تركي من ماجد وكان زعلان من الي صار...بالسيارة رن جواله..
تركي:اهلين..
دانه:باركلي..
تركب:مبروك,بشري كم جبتي؟؟
دانه:96,67
تركي:مبرووووووووك,مشالله عليك..
دانه:واخذت بالرياضيات 27..
تركي:افاا ليش انتي قلتي ثلاثين مو 27..
دانه:اهم شي درجه زينه..
تركي:وفواز؟
دانه:مدري عنه امي ماسكته بالغرفه شكل درجاته رايحه فيها..
تركي:الي مايذاكر اكيد بيجيب كذا..
دانه:طيب يلا مع السلامه انا بكلم ابشر الناس.
تركي يضحك:الي يشوفك يقول ثاالث ثانوي..
دانه:المهم يلا بااي..
تركي:باي..
راحت دانه عند باب غرفة امها تبي تسمع وش يقولون وهي واقفه جتها داليا
داليا:وش تسوين انتي؟
دانه:فواز شكل شهادته رايحه فيها اول ما جا قال لامي ابيك شوي وللحين ماسكته لهم نص ساعه يمكن
داليا:اووف يعني رسب؟
دانه:يمكن رسب بس يمديه يعدلها الترم الجاي
داليا:طيب دانه بعدي عن البا ترا اذا طلع وشافك بيزعل
دانه:يعني اول ثانوي صعبه لهدرجه؟
داليا:الي يذاكر زين مافيه شي صعب عليه..
بعد شوي طلع فواز من الغرفه
دانه:فواز كم جبت؟
فواز:مالك دخل
دانه:الله يخليك
فواز:مالك دخل فاهمه والا لا يا ملقوفه..
دانه:رسبت صح؟
فواز:اييه عندك مانع والا عندك مانع؟
دانه:كم مادة
فواز:مادتين
دانه:يا ويلي ,ايش وايش
فواز:رياضيات وكيمياء
دانه:اووووووف,امي وش سوت لك؟
فواز:عقاب مافي طلعه من البيت
دانه تضحك:مسكييين..انا جبت 96
فواز:يعني تبين تقهريني
دانه:لا بس ابيك تتعلم من غيرك ومن اختك الصغيرة
فواز:ضحكتيني
داليا:فواز لازم تشد حيلك الترم الجاي ترا اذا ماشديت بتعيد دور ثاني
فواز:لا انشالله بشد حيلي...
ــــــــــــــــــــــــــــــــــــــــــــــــــ ـــــــــــــــــ
ام طلال جالسه بالصاله تكلم وطلال جالس معها وكان ماسك جواله يلعب فيه..
ام طلال بعد ماقفلت:تو وحده تكلمني من قرايب دينا..
طلال:اييه
ام طلال:يوم الخميس زواج بنت بنت خالتي.
طلال:اييه
ام طلال:وتصير البنت صديقة دينا وتقول انها بتجي الزواج
طلال:طيب كويس عشان تشوفينها
ام طلال:ايه ادري
طلال:عاد بعد ماتشوفينها ابيك تكلمين امها
ام طلال:انشالله
طلال:طيب انا بروح انام تعبان
ام طلال:تصبح على خير وترا اليوم ابوك عنده عزيمه
طلال:يوووووووه اليوم انا معزوم بعد
ام طلال:عاد ابوك قالي ابي طلال يصير موجود
طلال:اييه انشالله
.....................................
طلال وحيد امه ويشتغل مع ابوه وعنده اخت اكبر منه اسمها نوف متزوجه وعندها بنت اسمها سارة
ــــــــــــــــــــــــــــــــــــــــــــــــــ ــــــــــ
على المغرب رجعت دينا البيت..
دينا وهي تصارخ:واخيررررررررررا عطلت
دانه:دينا حزري كم جبت؟
دينا:كم؟
دانه:حزري
دينا:امممممم 94؟
دانه:لا اخذت 96,78
دينا:مبروك..مبروك وفواز كم جاب؟
فواز:76
دينا:اووووووووووووووف مجنون
دانه:ورسب بعد بالرياضيات والكيمياء
دينا:وامي شسوت؟
فواز:عادي عاقبتني
سلوى:وقلتلك بعد لاتكلمني الا اذا عدلت الي سويته..
دينا:فواز لو انا مكانك ابدا اذاكر من الحين حق الترم الجاي
فواز:تستهبلين انتي
دينا:لا جد..بعدين ليش ترسب واحنا جايبين لك مدرسين
فواز:مالك شغل
دينا:يمه وين بنروح؟
سلوى:عند خالتك منيرة
دبنا:اتجهز؟
سلوى:ايه تجهزي نص ساعه وبنطلع
دينا:اييييييييه صح تذكرت,شصار عليكم مين بيروح معاي بكرة الزواج؟
مااحد رد عليها
دينا:يمه لازم تجين البنت عازمتك
سلوى:لا يا دينا معليش اسمحيلي..
دينا:وانتي داليا؟
داليا:لا طبعا تخيلي اروح...
دينا:طيب شكرا
سلوى:وين زواجهم؟
دينا:امممممم بنيارة..الا بالنيارة.
سلوى:متاكده؟
دينا:اييه اييه بنيارة اليوم كنا نسولف احنا والبنات...
ــــــــــــــــــــــــــــــــــــــــــــــــــ ـــــ
بالصاله صالح والجوهرة وتركي وفيصل...
فيصل:يبه بقولك شي؟
ابو ماجد:وش عندك قل؟
فيصل:يبه ابي سيارة..
ابو ماجد:العام شريت سيارة..
فيصل:لا السيارة كانت لسواق انا ابي سيارة اكون اول واحد يسوقها..
تركي:مشالله ما تبي سيارة بعد تكون مصممه لك؟
فيصل:مب شينه,بس يبه يعني تعرف الشباب يحبون ذي الاشياء..
تركي يناظر اخوه ويضحك..
ابو ماجد:خير انشالله وش تبي سيارة؟
تركي:يا سلام وانا بعد ابي
ابو ماجد:تركي عندك سيارتين بعدين انت واخر سيارة العام..
الجوهرة تغمز لتركي:انا اشتري لك..
فيصل:يبه ابي جيب بورش..
ابو ماجد:خلاص روح وشف الي تبي وانا بعدين اشتريها..
تركي:وانا بعد ابي اشتري جتس كي؟؟
ابو ماجد:من متى لمتى تروح للبحر انت
تركي:لا متفقين احنا والشباب كل فترة وفترة بنروح عشان واحد من ربعي عنده شاليه..
ابو ماجد:خير انشالله..
تركي:عسانا مانعدمك...
فيصل:وانا اكيد خلاص؟
ابو ماجد:اييه اكيد..
فيصل:شكرررررا يبه مرة شكرا..
ابو ماجد قام من الصاله..
الجوهرة:ماتبي سيارة تركي؟
تركي:الا يمه انا بخاطري رينج عجبتني سواقتاه في بيروت
الجوهرة:خلاص ابشر بال تبيه كم تركي عندي؟
فيصل:يا سلام يا تركي تعرف تلعبها والله..
تركي:كل واحد وغلاته وانا غالي عند امي وابوي الله لا يخلينا منهم
الجوهرة:ترا بس هالسيارة مو تجي بعد شهرين تبي سيارة جديده
تركي:لا والله مااجي تسلمين يمه...بس ابي شي ثاني؟
الجوهرة:وشو؟
تركي:ابي اتزوج..
الجوهرة:لا اله الا الله قلتلك لا تجيب هالسالفه مرة ثانيه وبعدين مافيه الا اذا صرت انشالله بنهاية العشرينات..
تركي:الحمدالله خففتي الحكم بس عاد البنتا بتطير..
الجوهرة:تركي الله يعافيك اسكت ولا تسولف بالزواج..
تركي:انشالله بس اهم شي خففتي الحكم انشالله ينزل بعد...
ــــــــــــــــــــــــــــــــــــــــــــــــــ ــــــ

يوم الخميس والساعه عشر ونص طلعت دينا منالغرفه وكانت لابسه فستان ابيض وسشورة شعرها وماسكتها وحاطه ميك اب خفيف...
دانه:يااااااااااااااي دينا شكلك مررة حلو
دينا وهي تصلح شكلها:ادري
فواز:ما شافت الزين..
داليا وكانت توها طالعه من غرفتها:يا عيني ياعيني..
دينا:حلو شكلي ما يبيلي شوي تعديل
داليا:لا مشالله مررة حلو شكلك,الله يعينك يا يمه على الخطاب
سلوى وكانت توها مسكرة تيلفون:مشالله كلك ملح
دينا:مين امي ؟ أكيد بطلع حلوة..
فواز:لاتاخذين بنفسك مقلب
دينا:والله يا حبيبي مو انا الي قلت اني حلوة الناس الي تشهد بعدين انت مو اكبر همي..
دانه:بس مو احلى مني
دينا:اقول ماما ترا بتجي العنود تمرني وماابي اخذ الخدامه هي معها خدامتها
سلوى:ومين يرجعك؟
دينا:فواز والسواق.
فواز:لا ماراح اجي من الحين اقولك
دينا:بتجي وانت ماتشوف الدرب...
فواز:انا معاقب امي تقول ما اطلع من البيت
سلوى:لا بتطلع عشان تجيب اختك,خلاص داليا ماعليك..
دينا:اوكي انا بنزل تحت انتظر العنود..مع السلامه
ــــــــــــــــــــــــــــــــــــــــــــــــــ ــــــ
بالسيارةراحوا الرجال الي عند ابو طلال وخالد كان جاي للعزيمه
خالد ياشر لطلال عشان يطلعون..طلع خالد وبعد عشر دقايق طلع طلال بعد مااستاذن من ابوه..
طلال وهو يفتح باب السيارة:مااحب حركات التاشير..
خالد:اركب بس اركب..
طلال:اليوم امي بتشوف دينا
خالد:دينا مين؟
طلال:دينا عمتي,دينا مين يعني انت كل مااقولك دينا تقولي دينا مين صحصح شوي
خالد:ايييييييييه دينا خطيبتك وين بيشوفنها؟
طلال صار يضحك:وش خطيبتي خطت البنت وقضيت مشالله عليك
خالد:يعني الي تبيها المهم ماقلتلي وين بيشوفنها؟
طلال:بالزواج..
خالد:يا ليتني قايل لاختي عشان تشوفها يمكن ماتعجب امك بعدين ماتخطبها بعدين انا اخطبها بدالك
طلال:اقول بس لايكثر..
خالد:اييه عشان كذا انت اليوم سرحان وبس تفكر
طلال:يا نصاااااااب وش سرحان اشوا اني ماغير اسولف مع هالشيبان الواحد مايمديه يسرح..
خالد:الله يعافيك لا عمرك تعزمني..
طلال:ماكنت اعرف مين الي بيجي لو ادري كان ماجيت انا..
خالد:بس خفيفين دم من وين ابوك جايبيهم؟
طلال:يعني يقول جيرانهم من اول والي مدري وش كان يشتغل عندهم يعني مجمعهم
خالد:يلا بس شرايك نروح عند الشباب
طلال:لا انا ماابي انت روح
خالد:اجل ماراح اروح...
طلال:امش ندور بالتحليه..
خالد:مشينا
طلال:شغل لنا شي
خالد: بحط لك اغنيه لاصاله مااظنك تسمع لاصاله بس بتعجبك..
شغل خالد المسجل وصار يقدم ويعيد الى ما وصل لاغنية متى اشوفك....
طلال كان ساكت وماعلق وخالد يغني معها..
طلال:مشالله حافظ..
خالدوهو يغني:ايه.... اييه..
يعلي خالد المسجل وطلال يقصر..
خالد:وراك تقصر؟
طلال:مااحب اسمع شي صوته عالي
خالد:يا مسررح وين وصلت لدينا انا حطيتها عشان ادري انك ميت تبي تشوفها
طلال يناظر خالد:وش تبي انت..
خالد:علينا؟
طلال:شفت احمد؟
خالد:احمد مين ولد صالح والا عبدالحكيم؟
طلال:لا عبدالحكيم..
خالد:اييه
طلال:صارله حادث وهو جاي الرياض..
خالد:اوووف عسا ماصرله شي؟
طلال:لا الحمدالله بس كسور خفيفه..
خالد:عيالنا راحو بخط الشرقيه كله من جامعه البترول
طلال:ايه والله كثيرة الحوادث
خالد:تلقا امك شافتها وانت لا
طلال:يا حول الله الحين اغير السافه ترجع لها ماترعف شي اسمه تصريف
خالد:ادري فيك تبي تصرف بس انا وراك وراك...
طلال:علي الصوت بس على اصاله....
ــــــــــــــــــــــــــــــــــــــــــــــــــ ـــــــ
بالزواج..
ام طلال وبنتها جالسين بالطاوله ووصديقه ام طلال الي تعرف دينا..مرت دينا من الطاوله الي كانوا قاعدين فيها لما شافت قريبتها جت سلمت عليها...
ام طلال:هذي دينا؟
صديقتها:اييه هذي..
ام طلال تلتف لنوف:الي تو جت تسلم هذي دينا
نوف:والله ولدك يعرف يختار انا متوقعه انها شينه..
ام طلال:لا ولدي يعرف زين طالع على امه..
نوف:بس مشالله البنت حلوة
ام طلال:ماالوم ولدي..
وام طلال كانت طول الزواج تمدح في يدنا وتمدح ولدها
ـــــــــــــــــــــــــــــــــــــــــــــــ
الساعه اربع الفجر طلعت دينا من الزواج وكانت واقفه تنتظر السيارة
دينا تكلم فواز
دينا:انت باي سارة جاي؟
فواز:بسيارة تركي,الحين انا اشوفك
دينا:طيب..طيب
ركبت دينا السيارة وشافت تركي وفيصل وفواز
دينا:مشالله كل العائله جايه..
فيصل:عشانك كلنا جينا انتي قليله؟؟
تركي:اشوا انكم يلا يلا جيتو,انتي كلمتي فواز وكان عندنا وقال والله ماروح بخليها تتادب وطبعا جريت فواز معاي غصبا عنه عشان السواق نايم الله يخسه وفيصل شافنا كلنا رايحين جا..
دينا:مشالله..وانتي افواز شغلك بعدين تبي تتركني وماتجي تمرني
بعد سكوت شوي..فيصل يحط المرايا على دينا..
دينا:فيصل شيل المرايا
فيصل:لا
جا تركي وسكر المرايا بقوة عصب من حركة فيصل
فيصل جا فتحها مرة ثانيه:حرام اشوف شكلي
تركي:فيصل سكر المرايا
فيصل:طيب بسكرها
تركي:شخبار زواجكم دينا؟
دينا:حلو..
تركي:يلا عقبالك
دينا وهي رافعه يدها:امييييييييييييييين
فيصل:شوفوا البنت شوفوا عيب عليك المفروض تستحين مو تقعديم امين ولا بصوت عالي
دينا:ليش استحي عادي امين اتزوج
فيصل:استغفر الله اللهم لاعافينا ولا تبلانا
وصلوا البيت ودخل تركي سيارته جو دينا نزلت بسرعه بعدين رجعت..
دينا:شكرا تركي تعبتك..
تركي:وشدعوه نت عمتي تعبك راحه
مشت دينا بتروح البيت.ز
فيصل:وانا ماتقولين لي شكرا
دينا:مااحد قالك تجي
فيصل:اوريك يا ام لسانين
دينا:خوفتني
راحت دينا لبيتهم..
تركي:فواااااز يلا قم
فواز قا مفجوع:وش فيه وشو مين؟
تركي صار يضحك:لا لا مافي شي بسمالله عليم وصلنا يلا انزل والا تبي تنام بالسيارة؟
فواز:طيب طيب
ــــــــــــــــــــــــــــــــــــــــــــــــــ ـــــــــــــــــــــــ
دخلت دينا غرفتها وبعد شوي جتها داليا..
داليا:ها كيف الزواج؟
دينا:حلو مشالله
داليا: وجو سارة ونورة من جده؟
دينا:اييييييييييه ياحبيلهم
داليا:ماراح تعزمينهم؟
دينا:الا بنطلع بكرة,الا تعالي شفيها امي اليوم؟
داليا:عشان خاليت الجوهرة مسكينه ضايق صدرها
دينا:الى الحين خلاص يعني راحت السالفه..
داليا:اييه صح انتي ماعرفتي
دينا:وشو؟
داليا:لمى حامل
دينا:كذااابه..احلفي
داليا:ايه والله وحده من البنات قالتلي وانا قلت لامي واي راحت قالت لتركي وتركي راح عند ماجد وماادري شقاله المهم خالت الجوهرة عرفت ومسكينه بس تصيح وزعلت على ماجد مرة
دينا:يا حياتي طيب مايقدر يرجعها؟
داليا:طلقها ثلاث طلقات مايقدر يرجعها
دينا:مجنون وسخيف بعد وش يضره لو طلقها طلقتين كان قدر يرجعها
داليا:هو يعرف قبل لا يطلقها انها حامل
دينا:وجععع رفع ظغطي ماجد انسان متخلف
داليا:لا يادينا لاتقولين عليه كذا مسكين انتي ماتعرفين وش صار بينهم اكيد انه شي كبير
دينا:ياحياتي خالتي والله ماتساتهل...
داليا:اييه والله ماتساتهل
ــــــــــــــــــــــــــــــــــــــــــــــــــ ـــــــ
دخلوا ام طلال ونوف البيت واول ماسمع طلال صوتهم نزل تحت بسرعه..
طلال:ها يمه كيف؟
ام طلال:وشو الي كيف؟
طلال:يممممه
ام طلال تضحك:وش ذا الزين يا طلال
طلال:شفتيها؟
ام طلال:ايه شفتها مشالله كلها ملح
طلال:وانتي نوف؟
نوف:اييه شفتها مشالله تعرف تختار,وامي طول الزواج هي تقول ولدي يعرف الزين مثل امه
طلال:اكيد مثل امي,المهم يلا استعجلي ابيك تكلمينهم
ام طلال:والله مدري يا ولدي انا سالت صديقتي قالت ان البنت صغيرة ومااظن يزوجون وبعدين عندها اخت كبيرة..
طلال:مو على كيفها مو هي الي تحدد تلقين تبيها لولدها وقالت كذا لا يمه الله يخليك تكلمين امها واذا ما راح تكلمين بخليها عن طريق الرجال..
ام طلال:بسمالله علي الرحمن الرحيم كل ذا عشانه,بديت اغار
طلال:ماعاش الي تغارين منه بعدين يمه بيني وبينك يعني دينا الواحد يغار منها.. ويغمز لامه
نوف:يا عيني من الحين بدا المدح
ام طلال تضحك:يا بختها بولدي
طلال:المهم مثل ماقلتلك يمه..
ام طلال:انشالله
طلعت ام طلال غرفتها..ونوف وطلال بالصاله
نوف:طلال ايش كذا انت متحمس؟
طلال:ما تحمست..
نوف:من وين عرفتها؟
طلال:شفتها في بيروت..
نوف:وشدعوه لهدرجه عجبتك والا تبيها وانت بس شفتها فبيروت؟
طلال:شقصدك نوف ترا مااحب الي يلف ويدور انا فهمت قصدك واقولك لا يروح بالك بعيد ما اعرفها ولا تعرفني ولا جابت خبري..
نوف:لا مو كذا بس انا اقصد..
طلال يقاطعها:الا كذا اعرفك زين نوف تحبين تلفين وتدورين
نوف تضحك:طيب شفت بنتي؟
طلال:اييه جابها ياسر يمكن بعد ماطلعتو بشوي بس كان عندنا رجال وماعطيتها وجه
نوف:حبيبتي والله
طلال:طيب انا بروح اصلي الفجر اذن..
نوف:تصبح على خير
طلال:وانتي من اهله..
ــــــــــــــــــــــــــــــــــــــــــــــــــ ـــــــــــ
بعد يومين كلمت ام طلال على سلوى وقالت لها كل شي وسلوى ماردت عليها قالت لها خير انشالله..
دخلت سلوى على بناتها بغرفة دينا
سلوى:دانه حبيبتي تطلعين شوي
دانه:ليش اكيد عندكم شي؟
سلوى:دانه اطلعي ولا تكثرين حكي
دانه:اوووف بعد..
طلعت دانه من الغرفه..
داليا:يمه وش فيك؟؟
سلوى:دينا تتركين الجوال شوي..
دينا:اتركه تامرين امر
سلوى:كلمتني وحده امس..
داليا:ايييه
سلوى:مكلمه تخطب دينا
دينا صارت تضحك:هههههههههههههههههههههه من جدك يمه مكلمه تخطبني؟
سلوى:دينا مافي شي يضحك وهذي المواضيع ما فيها مزح
دينا:طيب والله مااضحك وش السالفه؟وش عائلتهم؟
سلوى:اسمه طلال..........وامه تصير ماخذه ولد عمها تقول عائلتنا من النوع الي اخذون من بعض كثير..
دينا:ورا مااخذوا اجل وحده تقرب لهم
داليا:هههههه مانتي صاحيه يا دينا قسم بالله مو وجه زواج ,اييه كملي يمه
سلوى: ولدها تقول عمره 27 وكان يدرس بامريكا ويشتغل مع ابوه وهو وحيد امه بس عندها بنت..
داليا:وقالتلك كل ذا غريبه ماقلتلك بجي والا شي؟
سلوى:لا ماقالت شكلها شايفتها بس عاد وين مدري وتمدح بدينا
دينا:ياهووووو تمدح فيني
سلوى:هم اصحاب شركات الالبان..
داليا:يا سلام بعد عشان دينا تنبسط تشرب حليب ولبن وتاكلين زبادي عاد انتي تحبين الزبادي
سلوى:بقول لابوك انشالله
دينا:يمه ماخذه الموضوع جد؟
سلوى:ايه جد ليش لا وهي تحسينها تبيك مرة تقول لاولد ماعنده مانع يصبر سنه خطبه
دينا:وش يبي ذا يعني غصب
داليا:الحمدالله والشكر
داليا:وخالي؟
سلوى:اكيد هو الاول..انشالله بكرة بقوله.
دينا:يعني افكر يمه
سلوى:شوفي يا بنتي احنا بنسال عن الولد ونشوف وهم مشالله عائله والنعم وماعليهم والولد دراسته وشغله زين يعني بنسال عن اخلاقه وبنسال عن اهله يعني هالامور الاساسيه..
دينا:يعني اصير مخطوبه وانا بثالث ثانوي
سلوى:وافقنا احنا يا بنتي قولي لااله الا الله
طلعت سلوى من الغرفه..
دينا ساكته..
داليا:وين وصلتي؟
دينا:اسكتي بس
داليا:وشفيك انتي
دينا:مدري...
داليا:ترا مايخوف الشي
دينا:ادري بس امي ماقد اخذت المواضيع هذي جد
داليا:الي قالته عن الولد زين اكيد بتفكر وبتسال..
دينا:شلون عرفوني؟
داليا:الدنيا صغيرة
دينا:طيب بتروحين تصلين العيد بكرة؟
داليا:مدري والله,انتي بتروحين؟
دينا:ايه مع خالتي الجوهرة....
ــــــــــــــــــــــــــــــــــــــــــــــــــ
مرت الايام بسرعه وسلوى قالت لاخوها ولابو عيالها واسالو عن طلال وكان الكل يمدح فيه وابو فواز وافق على طلال وكل البيت عرف بسالفة طلال ودينا كانت متردده بس كل الكلام الي قالوه عن طلال خلتها تعجب فيه وبشخصيته وردت سلوى عليهم وكلم ابو طلال على ابو دينا وسلوى عطتهم موعد عشان يجي طلال يشوف دينا واذا صار نصيب يجون الرجال يتفقون مع بعض....
ـــــــــــــــــــــــــــــــــــــــــــ
دخلت دينا بيت خالها..
دينا:السلام عليكم
الجوهرة:وعليكم السلام...
دينا:خالتي وين تركي؟
الجوهرة:والله يا حياتي تركي تعبان على سريره..
دينا:وش فيه.؟
الجوهرة:انفلونزا
دينا:بغرفته؟
الجوهرة:ايه بغرفته..
طلعت دينا غرفة تركي وكان فيصل عنده... وطقت الباب
تركي:مين؟
دينا:انا دينا..
تركي:ادخلي ادخلي..
دينا:ماتشوف شر بفيصل ولا فيك
فيصل:اعوذ بالله من هالنسرة
تركي:لا بسمالله عليه لا فيني ولا فيه
دينا:شخبارك؟
تركي:الحمدالله..,شخبار المدرسه اليوم؟
دينا:كويسه..
دينا قربت لتركي وحطت يدها على راسه:والله عليك حرارة
فيصل:شرايك يعني الولد طايح بالسرير وانتي تقولين عليك حرارة
دينا:بنزل اسويلك عصير ليمون
تركي:لا لامايحتاج..
دينا:الا الا عشان يعطيك مناعه شوي
نزلت دينا وسوت لتركي عصير وجابت كماده عشان تنزل الحرارة شوي
دخلت دينا الغرفه وهي شايله العصير والكماده..
فيصل:يا سلام يا سلام دينا لو انا الي تعبان تسوين لي كذا؟
دينا:ايه اسويلك بس اذا قصرت لسانك شوي...
دينا تمد الكاس لتركي يلا اشرب
دينا:تسلمين لي يا رب..
دينا كانت تناظر تركي وتراقب حركاته..
تركي:دينا شفيك انتي هالايام بس سرحانه ومانشوفك الا من يوم ليوم
دينا ابتسمت:لا مافي شي بس المذاكرة شوي تاخذ وقتي
فيصل:تدرين دينا يا ليتي امرض عشان تسوين لي عصير وتجيبين كمادة
تركي سمع كلام فيصل وعصب وكان ساكت
دينا:اعوذ بالله يااخي اسويلك بدون ماتمرض..
فيصل:يعني انتي تحبيني؟؟
تركي بدا يغلي ولا شعوريا:اطلعوا برا...بسرعه
فيصل:اصلا انا بطلع من زمان,طلع فيصل ودينا كانت تناظر تركي..وبعدين طلعت..
تركي:دينا والله مااقصدك والله اسف
دينا:لا والله تراني اسمع قلت اطلعوا برا مين الي يطلعون برا فيصل؟
تركي:دينا والله اسف
دينا:الشره علي انا الي اجيك...
تركي:ديناااااا
دينا طلعت ولا ردت عليه راحت دينا بيتهم..
دخلت غرفة داليا....
دينا جلست وبعد سكوت:تتوقعين كيف شكله؟
داليا:مدري بس يقولون ماعليه حلو
دينا:متى يجي بكرة..
داليا:متحمسه؟
دينا:ميته تتوقعين بعجبه؟
داليا:مين مايشوفك ماتعجبينه
دينا تضحك:ودي اسوي اي شي مليت من كثر التفكير
داليا:يلا امشي نطلع..
دينا:وين نروح؟
داليا:الي تبين نروح بيزا روما..
دينا:والله مشتهيته...
داليا:قولي لامي واخواني
دينا:طيب.....
><
><
><
><


يوم الثلاثاء وهذا اليوم الي تحدد عشان طلال يجي يشوف دينا وطبعا ابو فواز جا من الشرقيه عشان بنته...
دينا سشورت شعرها وحطت ميك اب خفيف وكانت تستعد شان طلال بيجي بعد صلاة المغرب
داليا:ها تجهزتي؟
دينا كانت مرتبكه:ها كيف ..حلو شكلي؟
داليا:ايه حلو
دينا:خايفه يا داليا..بطني يعورني من الخوف
داليا:سمي وانشالله بيمر كل شي بسهوله..
دينا وهي تناظر نفسها بالمرايا:داليا جد والله حلو شكلي؟
داليا:والله يجنن
دينا:وين امي؟
داليا:امي تحت مع الشغلات يرتبون الاشياء
دينا:اذن صح؟
داليا:ايه توه ماذن..
دينا:بصلي المغرب قبل لايجي..
داليا:ايه احسن..
دينا:ابوي جا؟
داليا:ايه تحت ...
دينا:قلبي يدق بسرعه يا داليا..
داليا:بسم الله عليك صلي انتي بس...
دينا:طيب...طيب..
ــــــــــــــــــــــــــــــــــــــــــــــــــ
طلال وهو يظبط شماغه وامه ماسكه البخور
طلال:ها كيف شكلي يمه؟
ام طلال:مشالله معرس كلك ملح
طلال:بخريني بعد..
ام طلال:هذاني ابخرك..
نوف:يا عيني على المعرس ها تجهزت؟
طلال:شرايك بشكلي
نوف:بتدوخ بنت الناس علينا
طلال صار يضحك:طيب انا بروح اصلي ومن المسجد على بيتهم,مع السلامه
ام طلال:مع السامه كلمنا اذا طلعت
طلا:انشالله انشالله...
..................
طلع طلال من البيت وراح المسجد وصلى وبعدين على بيت دينا....
فواز :داااااااانه دااااانه قولي لدينا جا طلال..
دانه تركض وبوجهها امها:يمه جا طلال
وتكمل الى ما وصلت وشافت داليا:داليا جا طلال
داليا تدخل غرفة دينا:جا طلال خليك جاهزة باي وقت ابوي بيناديك
><
><
><
نهـــــــــــــــــــاية الجزء
خديجه بنت حجاب غير متصل  
قديم 09-04-2009, 04:05 PM   #9 (permalink)
خديجه بنت حجاب
رومانسي مبتديء
 
الجزء الثامن
(الفصل الاول)
><
><
><
><
><
طلع طلال من البيت وراح المسجد وصلى وبعدين على بيت دينا
فواز :داااااااانه دااااانه قولي لدينا جا طلال
دانه تركض وبوجهها امها:يمه جا طلال
وتكمل الى ما وصلت وشافت داليا:داليا جا طلال
داليا تدخل غرفة دينا:جا طلال خليك جاهزة باي وقت ابوي بيناديك
ــــــــــــــــــــــــــــــــــــــــــــ
فيصل جالس على سريره ومعها الاب توب وكان يشرب قهوة..دخل تركي عليه فيصل خاف من تركي انه يقوله شي على الي صار امس وكان يتهرب منه....
تركي جلس على الكرسي:حركتك امس يا فيصل مرة بايخه وماهي اول مرة تسويها بس كنت ساكت عليك قلت ماله داعي لكن امس الي صار يرفع الظغط يعني اموت اعرف ليش تسوي كذا وش تستفيد؟؟
فيصل:..........................
تركي:اكيد بتسكت ما عندك شي تقوله يعني جد والله اسالك ليش تستهبل كذا وقدامي بالذات وانت تعرف دينا وش هي بالنسبه لي تبي تغيظني مثلا انا ما عصبت من الي قلته كثر ما عصبت اني زعلت دينا لو كانت دينا اوغيرها موقفي امس جدا بايخ يعني البنت جايه ومسويه ومسويه ومهتمه فيني اجي اقولها اطلعي بره شي يزعل..
فيصل:لا لا ما تزعل دينا..
تركي:فيصل لا ترفع ظغطي حتى لو ما زعلت انا موقفي بايخ قدامها ما تسوى انها تاخذ بخاطرها واكون انا السبب..
فيصل:اعتذر لها..
تركي:احلف انت بس بنتظرك مثلا تجي تعطيني رايك والا اني جاي اشاورك..
فيصل:اممممممممممم طيب شخبارك الحين انشالله احسن؟
تركي:تعبان وكل شوي يزيد تعبي..
فيصل:فيني ولا فيك..
تركي:يا ليتها..
فيصل:تركي انت معصب علي على عيني وراسي بس تقعد تدعي علي ما ارضى..
تركي يغير الموضوع:رحت بيت عمتي؟
فيصل:ايه رحت ومااحد عطاني وجه ورجعت.....
تركي:احسن تستاهل لانك اصلا ما تنعطى وجه...
فيصل:لا عندهم عزيمه..
تركي:لا ما عندهم عزايم امي هنا جالسه وما عندهم رجال يسون عزايم..
فيصل:والله ماادري..
تركي طلع من غرفة فيصل وراح عند امه بالصاله..
><
><
><
><
><
><
><
بعد ربع ساعه جلسها ابو فواز مع طلال بالمجلس طلع من المجلس وراح ينادي دينا عشان تدخل..وفوازجالس بالمجلس مع طلال وكان يناظره وما نزل عينه من طلال,طلال حس بنظراته واستغرب يعني عشاني بصير زوج اخته يقعد يناظرني كذا..طلال حب يقطع السكوت شوي ويبعد نظرات فواز عنه..
طلال:فواز شخبار المدرسه.باي سنه انت الحين..؟
فواز ساكت بعدين انتبه لسؤال طلال:اييه الحمدالله زينه المدرسه وانا باول ثانوي..
طلال:مشالله شكلك اكبر الي يشوفك يعطيك ثالث ثانوي..
فواز:ايه كلن يقولي..
فواز وبعد سكوت وكان صوته عالي وهو يضرب يدينه ببعض:عرفت وين شايفك..
طلال صار يضحك:وين شايفني؟
فواز تفشل انه تكلم بصوت عالي..دخل بوقتها ابو فواز...
ــــــــــــــــــــــــــــ
دينا وهي واقفه قريب من المجلس وماسكه يدها ببعض وكانت تهز رجلها: ماابي ادخل ماابي استحي..يمه وش اسوي...؟
سلوى:دينا عيب يا بنيتي وش تستحين يلابس سمي وادخلي..
داليا:دينا عاد لا تخافين نزلي عيونك بالارض وادخلي واجلسي باول مكان تشوفينه وخلاص..
دينا وهي تحط يدها على خصرها:لا تخيلي انزل عيوني بالارض ليش داخله انا عشان انزل عيوني والا عشان اشوفه...يمه خايفه..
سلوى وهي تدف بنتها:يلا يا بنيتي ترا ابوك بيستغرب تأخيرك يلا سمي وادخلي...
دينا وكان قلبها يدق بسرعه قربت من المجلس ودخلت...
><
><
><
><
><
><
><
><
><
><
><
><
><
><
><
دينا ولا شعوريا وجهت نظراتها لوسط المجلس مكان طلال الي قاعد فيه جت عينها على طلال بسرعه نزلتها ,دينا عرفت طلال وتذكرت انه هو الي كان معها في بيروت وتذكرت المواقف الي صارت لها معاه ورجعت عيونها بتتأكد اذا هو الي شافته والا انها تتوهم....دينا تنحت شوي لا لا مستحيل هو وش جابه كل الافكار ماليه راسها يمكن يشبهه لا هو هذا الي شفته هذا الي كلمته..قربت دينا وبصوت مو مسموع...:السلام..عليكم..
وقف طلال لدينا وقرب لها شوي كان طويل ودينا عنده كائن صغير مع ان دينا ما كانت قصيرة...
طلال وهو يمد يده عشان يسلم:شخبارك دينا؟
دينا ارتبكت بوقتها وماعرفت وش تسوي وجهت نظراتها لابوها...تبي يساعدها تمد يدها تسلم والا تروح وتقعد..
ابو فواز:سلمي يا دينا لا تستحين..
دينا سمعت كلام ابوها من هنا وكانه احد صفعها ووجها حمر زياده بدون ما ترجع تفكر مدت يدها وابتسمت له ابتسامه تجنن وردت بصوت واطي وعلى طول راحت وجلست....
طلال كان جرئ وشي عادي عنده ولو يحصله قعد يسولف معها..
طلال:شخبارك دينا؟
دينا وكانت الكلمه يلا تطلع من فمها:الحمدالله...
طلال:كيف المدرسه؟
دينا تكلم نفسها وش يبي يسال ذي الاسئله:الحمدالله..
طلال:الحمدالله...
دينا الا هو والله هو نفس صوته اتذكر لما قالي وانتي بعد انتبهي ونفس نظراته نفس عيونه الا ه انا متاكدة.. معقوله التقيت فيه مرة ثانيه ووين بعد جاي يخطبني دينا ابتسمت بوقتها..دينا قامت وحست انها قعدت سنه وهي رايحه ولا حتى قالت مع السلامه.
طلال:مع السلامه دينا...
دينا مشت ولا التفت عليه ولا حتى ردت...
طلال يكلم نفسه يا حليلها مستحيه بس مااذكرها استحت يوم كانت تهاوش فيني والله دنيا... بس جد حلوة البنت واحلى بكثير لما كنت اشوفها في بيروت يا ليتني اقدر اخذها واطير فيها...
><
><
اول ما طلعت دينا كانت تركض ووقفت وفصخت كعبها ومسكته بيده :داااااااليا...يمه.داليا....وينكم؟.
داليا وهي تركض لدينا:ها كيف بشري؟؟
دينا باخذ نفس اول بروح اشرب مويه وتركض دينا للمطبخ....وهي تصب لها مويه دخل تركي..
تركي:السلام عليكم..
دينا ارتاعت لما سمعت صوت تركي:وعليكم السلام..
تركي:دينا ليش متصلحه بتطلعين؟
دينا:لا لا ما راح اطلع...
تركي:شفيك؟
دينا:ابوي عندنا...
تركي:غريبه جاي عندكم؟
دينا بغباء:اييه عنده رجال...
دينا حست انها غلطت وش جاب رجال عند ابوي بالرياض وفي بيتنا بعد....
دخلت داليا المطبخ ما انتبهت لتركي:دينا يا حمارة قوليلي كيف شكله وامي تناديك لها ساعه...
تركي هنا سكت..سكت وما تلكم ولا كلمه هنا حس ان الدنيا انقلبت فوق راسه بالبدايه ماستوعب بس جلس يقلبها براسه ابوهم جاي للبيت وما قد سواها ولا بعد عنده رجال وداليا تسال دينا كيف شكله تركي ما استوعب وكان ساكت ينتظر رد دينا بس داليا لما انتبهت لتركي صرفت الموضوع..
داليا:شخبارك تركي؟انشالله احسن؟
تركي ما رد وكان للحين ساكت دخل فواز بوقتها..
فواز وهو يضحك: ماقد شفت دينا مستحيه الرجال يسالها شخبارك ما ترد...
فواز انتبه لتركي وسكت وحاول يغير الموضوع..دينا طلعت من المطبخ وسحبت داليا معها وراحت عند امها....
فواز:يلا انا بروح عند ابوي...
الموقف مر بسرعه كل الي صار بخمس دقايق بس تركي حسه سنه.. الدنيا قامت تدور فيه ماهو عارف وش يسوي.. يطلع يصارخ يروح يهاوش دينا والا يهاوش امه والا فيصل ...طلع تركي من بيت عمته وكانت خطواته بطئيه ماقدر يركض حس انه رجله ثقيله...ماقدر يكمل مشيه جلس على الارض..وبسرعه قام وحاول يوصل بيتهم دخل بيتهم وراح عند سيارته جا بيفتحها بس مالقى معاه مفتاح السيارة وارح ينادي على السواق عشان يجيب له المفتاح السبير..جا السواق وجاب له المفتاح وكان مستغرب من شكل تركي لانه كان تعبان وماكان لابس كان طالع بملابس البيت ركب تركي السيارة وطلع من البيت....وقف تركي بالسيارة عند البيت ما قدر يحط رجله ويمشي..كان ساكت وماسوا اي انفعال كانه يحلم كانه الي قاعد يصير خيال...جلس يتذكر موقفه امس مع دينا لما طردها من الغرفه ورجعت له ذكرياته الي كانت بينه وبين دينا واخر موقف جا في باله شكل دينا وهي
لابسه ومتصلحه وداخله عليها داليا..مين هذا الرجال وليش مستحيه وليش داخله عليه والي اهم من هذا كله انه ابوها جاي من الشرقيه عشان هذا الرجال..تركي بعد كل هالافكار الي دارت في باله صرخ بصوت عالي.........مستحيييييييييييييييييييييل
ـــــــــــــــــــــــــــــــــــــــــــــــ
دينا كانت توصف شكلها لامها وداليا:وجهي كان احمر واول ما دخلت وقف الرجال الي هو طلال انا قلت وش يبي ذا ومد يده بوقتها قلت ايووووه اتخيلني وانا مسلمه عليه اصلا نسيت الواحد شلون يسلم وناظرت ابوي وابوي يقولي سلمي يا دينا لا تستحين..مشالله طويل انا عنده قزمه يناظرني من فوق لا لا مو مرة طويل بس طويل لا ويسال كيف المدرسه انابوقتها حسيت نفسي بزر.....داليا ليش ما طلتي علينا كنت ابيك تشوفينه..
داليا:ما قدرت حاولت ورحت من الشباك بس خفت اكون مبينه..
سلوى:طيب يا بنيتي ترا الى الحين ما صار شي واذا انتي عاجبه الولد وعجبك وربي كتب نصيب بيجون الرجال بس بيروحون الشرقيه يخطبون...
دينا استحت من كلام امها ووجهت نظراتها لداليا:دااااااااااليا تلقينه لسا ما طلع امشي نروح نشوفه من الشباك...
داليا:مين شباكه يطل على باب الرجال..
دينا:شباااااااك امي يلا بسرعه...
ورحوا يركضون دينا وداليا قبل لا يطلع....
وهم عند الشباك كانوا مقفلين الانوار عشان ما يبين انه احد قاعد يشوف ومنزلين رؤسهم وينتظرون ..
دينا:حزري يا داليا مين يطلع طلال؟؟
داليا:مين يطلع نعرفه؟
دينا:تتذكرين الي في بيروت...
داليا هنا قاطعت دينا:كان معنا في بيروت؟
دينا:اصبري تتذكرين الي صدمت فيه وبعدين شفناه مرة ثانيه يوم كنا بنرجع؟
داليا:ايييييييييييه اتذكره هو طلال؟؟
دينا وهي تضحك بصوت واطي:ايه هو تخيلي..
داليا قامت تناقز :كذااااااااابه كذاااااابه مااصدق وش جابه لنا فجاة ما شفتيه الا مرتين ماادري ثلاث مرات ويجي يخطب احلفي احلفي..يا دينا
دينا وهي تضحك:ههههههههههههههههه اكذب يعني ،داليا طلع طلع تعالي شوفي...
داليا وهي تجلس مرة ثانيه:مااشوف زين مو باين شي..
دينا:وش اسوي تبين اناديه عشان يرفع راسه وتشوفينه...
داليا:ههههههههه تخيلي...
دينا:طيب شوفيه صح طويل؟
داليا:ايه اتذكره والله يا دينا مشالله الولد كان شي..
دينا:تخيلي كل صديقاتي الي كانوا معاي سارة ونورة والعنود مرة عاجبهم لو دروا انه خطبني يمكن يجيهم شي...
داليا:ههههههههههههه حسافه راح وماشفته زين يا ليتني طليت وانتم بالمجلس عشان اشوفه يا سخفك يا دينا كان قلتيلي...
دينا:احلفي وش عرفني انه هو الي في بيروت...
سلوى دخلت على بناتها...
سلوى:وش تسون الولد راح من زمان,ودينا ابوك يبيك...
دينا:وش يبي؟
سلوى:انزلي بسرعه فواز تو جا يقول خلي دينا تنزل بسرعه...
دينا راحت تحت بسرعه عشان ابوها...
ــــــــــــــــــــــــــــــــــــــــــ
طلال طلع من البيت واول ما ركب السيارة كلم على خالد...
خالد:هلاااااااااااااا بعريسنا ها بشر؟
طلال:هههههههههههههههههه..شفتها..
خالد:ادري قلي كيف؟
طلال:مالك دخل بذي الامور اذا بغيت تتزوج قلتلك..
خالد:هههههههههه..يلا مبروك..
طلال:الله يبارك فيك,انشالله الاربعاء او الاثنين بنروح الشرقيه ابوها عطني الموعد...
خالد:ترا بجي معاك
طلال:اييه اكيد بتجي...
طلال بعد ما سكت شوي...:خالد يصلح اكلمها؟
خالد:هههههههههههههههههه لهدرجه مستعجل اصبر يمكن ما عجبتها وتقول لا ماابيه...
ــــــــــــــــــــــــــــــــــــــــــــــــــ ـ
دينا:ابيه ياداليا يوم شفته ارتحت له مرة ما تتصورين شعوري..ما تخيلته ابدا كذا ولا تخيلت اني اعرفه..تدرين داليا لما امه كانت تكلم امي كانوا مصممين مرة والولد ما عنده ما نع ينتظرها بس نبيها معناته..
تضحك هنا دينا بعدين داليا تكمل حكيها:معناته انك عاااجبته مررررررررة..
دينا:هههههههههههه تعرفين شي الله يكتب الي فيه الخير..
داليا:الله يسهل انشالله وانتي صلي واستخيري وربي بيكتب الي فيه الخيرة...
دخل عليهم فواز...
فواز يستهبل:طلال..اووه اقصد دينا..اسف
دينا:ههههههههه يا دمي..
داليا:فواز وش رايك تطلع انا ودينا قاعدين نسولف وما نبي احد يقطع سواليفنا..
فواز:اما رجلك وجهه مو غريب وانا بس كنت اناظره وشكله جالس يقول وش يبي ذا بعدين قام يسولف معاي...
دينا نطت من سريرها:وش كان يقول؟؟
فواز:ماراح اقولك
دينا:فواااااااااااااز
فواز:وش تعطيني؟
دينا:اعطيك مية ريال
فواز:طيب اول شي طلعيها..
دينا:ما معاي الحين بس اول ما يجيني فلوس بعطيك..
فواز:الحين بتصيرين متزوجه ومامعاك فلوس بس لا تخافين بقولك..قالي انت باي سنه يوم قلتله انا باول ثانوي قال شكلك كبير..
دينا:ههههههههه مسكين ارتاع الرجال يقول ذا ولد والا ثور..
فواز:طيب يا دينا والله ما اكملك..
دينا:امزح صدقت يلا يلا كمل..
فواز:بعدين انا بدون مااحس........فواز كانه تذكر شي...ايييييييييييه صح طلال كان معنا في بيروت والله دايما اشوفه حتى كان معنا بنفس الاوتيل...
دينا ناظرت داليا وكانها تسالها مين قاله..
داليا:وش عرفك؟
فواز:اعرفه وجهه مو غريب علي بعدين تذكرته..
دينا:اهاا طيب اطلع ممكن؟
فواز:بطلع بكرامتي احسن لي...
طلع فواز من الغرفه ونطت دينا لداليا:وش عرفه انه كان معنا في بيروت؟
داليا:يمكن هو قال لابوي..
دينا:مستحيييل تخيلي اصلا عيب عليه ..
داليا:ما جاب خبر فواز...
دينا:اقول لامي؟
داليا:ايه عادي انتي مسويه شي غلط عادي جا شافك وبعدين جا خطبك..
دينا:طيب ترا يمكن ما يدري......لا لا مستحيل تصير صدفه وين فلم هندي
داليا:هههههههه بقوة فلم هندي سبحان الله يعني امه شافتك بعدين جت تخطبك وطلع ولدها هو الي صدمتي فيه..
دينا:ههههههه يعني اقول يمكن..
رجع فواز ودخل عليهم...
دينا:يحووووووول فواز وش تبي..؟
فواز:لا بس بقول شي انتي الحين بتصيرين بقرة..؟
دينا:يا خف دمي..
داليا:ههههههههههههههههههههه ايه بتصير بقرة ما تدري يمكن ياخدونها بالمزرعه..
دينا:يا ثقل دمكم انا بروح عندي امي احسن..
طلعت دينا من الغرفه وراحت عند امها...
ــــــــــــــــــــــــــــــــــــــــــــــــــ ــــ
الساعه صارت 12 الليل وتركي الى الحين يدور وما يعرف وين يروح من شارع لشارع وماسوا انفعال بس كان بدنيا ثانيه كان سرحان وماهو مركز بالي حوليه وهو موقف بالاشارة ما ركز اذا هي فتحت وصارت خضرا مشى والاشارة حمرا وصقع السيارة الي قدامه بوقتها كانه كان نايم وصحى..نزل تركي من السيارة ونزل السواق الي بالسيارة الثانيه..
السواق:انتا مافي سووف اسارة احمر في امسي..
تركي ارتبك:حصل خير...حصل خير..
الي بالسيارة نادوا السواق..راح السواف ورجع ..
السواق:يا محمد مدام ابغى كلم انتا..
راح تركي ووقف عند الشباك...السيارة كانت سيارة بنات مليانه..
البنات لما شافوا تركي صاروا يناظرون تركي كان لابس شورت وتي شيرت حق بيت..
تركي وكان حكيه ثقيل وكلماته تطلع ببطئ:خير يا اختي انا اسف..حصل خير..
البنت:لا لا عادي ما صار الا الخير بس عاد نبي رقمك عشان نتفاهم معاك..؟
تركي عصب:ما يحتاج ارقام السيارة ما صارلها شي..
قال تركي كلامه وراح ركب سيارته ومشى بسرعه من السيارة الي صدم فيها...
تركي ما حس نفسه الا وهو موقف عند المدرسه بس من وراها هذا المكان دايما كناو يروحون له تركي ومحمد من ايام الثانوي بس بالفترة الخيرة ماكانوا يروحون..
وقف تركي سيارته ونزل وجلس على الرصيف عند سور المدرسه....انسدح تركي وحط يده تحت راسه وجلس تركي الى الفجر بدون اي حركه...اذن الفجر وراح يصلي بالمسجد بعدين راح قهوة وجلس فيها...
><
><
><
><
><
><
><
><
الساعه 11:30بدا يفقد تركي كان يحسبه في بيت عمته بس يوم جا بيطلع ما شاف سيارة تركي ورجع البيت على طول وراح غرفته ما لقى تركي فيصل خاف..خاف لايكون صار شي بتركي لانه مستحيل يطلع وهو تعبان اصلا ما كان يقدر يمشي عشان يطلع وهو من المغرب مختفي..اول شي كلم فيصل على فواز عشان يساله اذا تركي جا عندهم والا لا..
فيصل:الو هلا فواز بسالك تركي جا عنكم؟
فواز:لا ما جا...الا الا جا تذكرت بس المغرب وراح على طول اصلا ما قعد..
فيصل:راح وين راح؟
فواز:اساله وش عرفني
فيصل:اوكي فواز بااي..
قفل فيصل من فواز وراح كلم على امه..
فيصل:الو هلا يمه..
الجوهرة:هلا فيصل..
فيصل:وينك؟
الجوهرة:انا في بيت جدتك ليش؟
فيصل:لا كنت بسال بس تركي الي وداك.؟
الجوهرة:لا مو تركي هووو تركي مو في البيت؟
فيصل:الا الا بالبيت بس انا ما فقدت السواق..
الجورهة:ايه طيب مع السلامه..
فيصل هنا بدا يزيد خوفه..وين راح الولد معقوله راح الدكتور..
مسك فيصل جواله يكلم على جوال تركي ما يرد يمكن كلم الى عشر مرات يوم دخل غرفته لقى جوال تركي بالغرفه...
فيصل راح واخذ مفتاح السيارة وابوه لسا ما سمح له انه يسوق بس ماكان له مجال انه ياخذ السواق...
وهو يركب السيارة جا السواق..
فيصل فتح شباكه:حمزة انا بطلع بالسيارة طيب..
حمزة:انتبه يا فيصل ترا عمي بعدين يسوي مشكله..
فيصل:حمزة ما شفت تركي؟
حمزة:المغرب جا واخد المفتاح وركب سيارته وخرج وكان الواد تعبان..
فيصل:اخذ المفتاح منك؟
حمزة:ايو اخد مفتاح السبير..
نزل فيصل من السيارة وركض لغرفة تركي يدور المفتاح ولقاه بمكانه..هنا فيصل تاكد انه تركي فيه شي المفتاح فيه ليش ياخذ السبير...
نزل فيصل وطلع بسرعه وراح بيت ماجد....
فيصل كان يرن الجرس بقووووة وعلق الى ما طلع ماجد..
ماجد وهو يفتح الباب وكان نفسه سريع:خير فيصل خوفتني كذا الواحد يرن بعدين الحين الساعه 12 فيصل وشفيك؟
فيصل:خلني ادخل اول..
دخل فيصل بيت ماجد....
فيصل:ماجد...تركي مدري وين راح
ماجد تستهبل فيصل ترا مالي خلق مقالبك..
فيصل:والله العظيم ماادري وين راح ...تركي تعبان وحرارته من امس مانزلت واليوم تعبه زاد والصباح امي ودته المستشفى الولد كان بيروح مننا بس ربي ستر..
ماجد:شلون اختفى يمكن راح عند احد من ربعه فيصل لا تخوفني..
فيصل:مستحييييييييل الحين تركي وهو صاحي ولد بيتوتي مو راعي طلعات تبيه اذا تعب يروح عند ربعه..شف ماجد انا خايف شكي يكون بمحله..
ماجد:وش محله ووش شكه اتكلم فيصل بسرعه..
فيصل:انا امس تهاوشت معاه ما يحتاج اقول السالفه بس انه عشان دينا تهاوشت واليوم جا قالي بروح اتاسف لها لانه عيب اصلا حركته الي سواها..
ماجد:اييييه كمل..
فيصل:وراح الولد ولا رجع كلمت فواز سالته قال ايه جا المغرب وراح ومن بعدها الولد اختفى..انا اخاف انه زعل والا شي والا تهاوش مع دينا..
ماجد:بزر هو اذا تهاوش يطلع من البيت وين مسلسلات احنا اذا زعل الواحد اخذ سيارته وطلع مستحيل.....طيب كلمت على جواله؟
فيصل:ما اخذه انا متاكد انه تركي فيه شي..حسب استناتجي انه راح بيت عمتي ومن بيتهم طلع لانه اخذ المفتاح السبير من السواق ما طلع غرفته ولا بدل ملابسه...
ماجد:فيصل لازم نتصرف..اييه كم رقم محمد ؟؟
فيصل:اصبر.... ومسك جواله.. وطلع رقم محمد..وعطاه ماجد..
ماجد:الو..
محمد:هلا...
ماجد:محمد؟
محمد:ايه...مين معاي؟
ماجد:انا ماجد اخو تركي..
محمد هنا كانه احد صفعه على وجهه:تركي فيه شي؟
ماجد:لا مافيه شي بس بسالك اليوم ما شفته؟
محمد ارتبك:لا ما شفته..ليش تركي فيه شي؟
ماجد:تركي تعبان اكيد تعرف له يومين وهو على السرير...
محمد كان يصرف:اييه اييه صح..
ماجد:تركي من المغرب طالع ولا رجع وهو تعبان حتى جواله مااخذه ولا نعرف وين ارضه...
محمد: مستحيل ترك يسويها مو النوع الي يحب يقلق اهله يعني هو مايحب يتاخر بجمعتانا عشان امه يجي يطلع كذا لا لا مستحيل..بعدين ليش خايفين عادي تركي مو بزر
ماجد:محمد المساله مو كذا لو انه كان صاحي كيفه بس تركي تعباات تعرف وش معنى تعبان ومااخذ جواله ولا قالنا ولا حت اخذ مفتاحه اخذ المفتاح السبير..يعني هذي الاشياء خوفتني...
محمد:اوكي ماجد انا بروح الاماكن الي يتردد لها وبشوف انشالله خير وطمنو على تركي ماينخاف عليه..
ماجد:وانا بعد روح ادوره..
محمد:مع السلامه..
ماجد:مع السلامه..
فيصل:وش قالك؟
ماجد:شكله ما يعرف شي..
فيصل:اصلا تركي ومحمد متهاوشين لهم يمكن شهرين مايكلمون بعض.ز
ماجد:اوووووووف اجل ليش تعطيني الرقم..
فيصل:تركي ماقالي شي بس استنتاجي..
ماجد:لا اله الا الله وش نسوي الحين؟
فيصل:انا برجع البيت انتظره..
ماجد:اوكي وانا بروح ادور وين ما ادري بس....
جلس ماجد وحط يده على راسه:وشنسوي نقول لابوي؟
فيصل:لا لا طبعا ولا امي ماله داعي نقولهم اي شي
ماجد:طيب فيصل انت روح البيت وانتظره وكلمني اذا صار اي شي وانا بروح ادور اشوف يمكن اشوفه بمطعم والا شي..
فيصل:اوكي فمان الله..
ماجد:مع السلامه....
><
><
><
><
><
><
><
><
><
من الساعه 12 الى 3 الفجر وماجد يدور ومحمد بعد بس بدون اي فايده وفيصل النوم طار من عينه وجالس بالحوش ينتظر تركي وفيصل قال لامه ان تركي نايم عند ماجد والجوهرة صدقت بس استغربت لان تركي ما قد سواها....الليله هذي كانت غير غير لتركي ودينا وطلال الليله هذي نقطة تحول لهم...وكانت بعد غير لفيصل ولماجد لانهم كانوا قاعدين على جمر..وكل واحد يحط اللوم على الثاني...
دينا مانامت ولا غفت عيونها كانت بس تفكر بطلال تفكر اذا توافق والا لا تفكر اذا هو ينفع لها او لا وكانت تتذكر الي صار بينهم في بيروت والى ما جا عندهم وكانت مبسوطه الليله فرحتها غير غير اي ليله مرت بحياتها....
ـــــــــــــــــــــــــــــــــــــــــــــــ
بعد صلاة الفجر راح ماجد بيت اهله ينتظرون تركي....
فيصل كان جالس بالخيمه عشان اهله ما يحسون بشي..ودخل عليه ماجد..
فيصل وكان التعب باين على وجهه:ماجد..
ماجد وكان معصب بس يتكلم بصوت واطي عشان مااحد يسمع:وين راح اموت اعرف وين راح والله اذا شفته بضربه ضرب..
فيصل:ماجد لاتقول كذا انا لو اعرف انه بخير بكيفه يختفي انشالله شهر بس انا خايف عليه افرض صار له شي......انا خايف يكون صارله...حاااا
ماجد:لا تكمل فيصل وش ذا الحكي...
فيصل:شف ماجد اذا مارجع اليوم بنقول لامي وابوي ما صير نخبي عليهم..
ماجد:انشالله بيرجع ولا تقعد تفاؤل يا قل خير او اسكت احسن..
فيصل:اكلم دينا؟
ماجد:مجنون يا ويلك ما تعرف دينا يمكن تفضحنا بالرياض كلها..
فيصل:افففففففففففففففففففف صار الفجر وما رجع لو كان سهران عند احد خلاص يرجع مافي ناس تقعد الى الفجر..بايام دراسه
ماجد:ترا الساعه 6 الحين روح تجهز وراك مدرسه..
فيصل:مجنون اروح مدرسه...شف ماجد انا بقوم ادور ما يصير كذا بموت وين اختفى..لا اله الا الله..
ماجد:بروح الجامعه يمكن بيدوام..
فيصل:مستحيل يدوام بعدين من وساعه الوجه يروح ماندري عنه ويروح الجامعه كل ذا اجتهاد..
ماجد:شف بكل مكان تركي يروح له لازم نروح الواحد ياخذ احتياطات..
فيصل:تعرف لو شفته بعجنه والله مااخليها تمر كذا.....
ماجد:بروح اشوف سيارته يمكن جا وطلع فوق...
راح ماجد ورجع بخيبه لانه تركي ما رجع...
اليوم كان يمر ببطئ الدقيقه كنها ساعه والساعه كانها يوم ماجد وفيصل على اعصابهم..جلسوا من الساعه 6 الى 8 وكانوا ساكتين بدون اي همس كل واحد يناظر الثاني ويناظر الساعه...
ماجد وقف:انا بروح الحين الجامعه يمكن القاه قل انشالله فيصل يار ب انه راح يدوام...
فيصل:انشالله مع اني مااتوقع بس انشالله..
طلع ماجد وراح للجامعه وهو بالطريق كلم عليه محمد...
ماجد:هلا محمد ها بشر لقيته؟
محمد:اخوك مدري وين اختفى كانه الارض انشقت وبلعته رحت المستشفى الي يراجع عندها قالوا ما جانا..
ماجد:انا رايح الجامعه يمكن بيدوام...
محمد:لا تركي يبدا دوامه الساعه 10 او 11....
ماجد:وين اروح محمد الاماكن الي تترددون لها اكثر شي وين؟
محمد:تركي يحب زيت زعتر ورحت سالت عنه بس ما جاهم اليوم..والله يا ماجد طول الليل وانا ادور من شارع لشارع..ما قدرت اقعد بدون مااسوي شي..
ماجد:كلنا تعبنا خلاص شفت لما الواحد ما يعرف وين يروح حنا كذا صار فينا وفيصل جالس باليبت ينتظر..
محمد:اوكي ماجد اذا صار اي شي تكفى كلمني..
ماجد:انشالله مع السلامه..
قفل ماجد من هنا رن عليه فيصل..
ماجد:ها فيصل بشر.. رجع؟
فيصل:لا مارجع... ما لقيته؟
ماجد عصب:ياويلك ان كلمتني مرة ثانيه شف فيصل اذا ما عندك سالفه لا تلكم وتروعني ناقص انا..
ويقفل ماجد الخط بوجه فيصل...
><
><
><
><
><
><
><
><
حوالي الساعه عشر او عشر ونص انفتح باب القراج ودخل تركي سيارته....فتح باب السيارة ونزل وقف شوي وتماسك نفسه مشى باتجاه الباب الداخلي للبيت خطواته ماكنت متوازنه وحرارته ارتفعت اليوم بشكل غير طبيعي....وقف عند الباب وفتحه بهدؤ...
فيصل بالخيمه سمع صوت سيارة وكان يحسبه ماجد وطلع يشوف ولقى سيارة تركي..فيصل ماصدق كان بيطير من الفرحه وكان معصب بنفس الوقت...ركض فيصل ودخل البيت وباقوى ما عنده فتح باب البيت...بصوت عالي:تررررررررركي وين كنت؟؟؟
تركي لف بثقل ناظر فيصل ومارد عليه..فيصل تقدم لتركي ومسكه بقوة:تركي وين كنت من امس واحنا ندور عليك ماراتحنا ولا هدئ لنا بال كذا تسوي فينا يا تركي...
بوقتها دخل ماجد وكان يركض لانه شاف سيارة تركي..
ماجد:ليش ماكلمتني فيصل؟
فيصل:توه مشرف قبلك بدقايق..
ماجد وهو يقرب لتركي:تركي وين كنت خوفتنا عليك كذاالواحد يسوي؟
تركي بصعوبه:انا تعبان وخلو..كلامكم بعدين..
مشى تركي وفقد توزانه وكان بيطيح بس ماجد لحق عليه ومسكه..
ماجد:تركي حرارتك مرتفعه يدك نار..
تركي ودقات قلبه بدت تزيد:لا ماعليك من الشمس يمكن...
ماجد وهو يحط يده على راس تركي:اووووف تركي مجنون تهمل نفسك كذا..
تركي وهو يكمل مشيه وصل لدرج وطاح على رجله ماقدر يمشي..
فيصل:وهو يمسك تركي عشان يرفعه:ماجد نوديه المستشفى ..تركي مو طبيعي..
ماجد وهو يساعد فيصل عشان يرفعون تركي:بوديه السيارة وانت روح وقل لامي..
تركي:ما رااح اروح طلعوني لغرفتي والا خلوني انا ارقى بنفسي.
ماجد:تركي مو بكيفك ما تشوف نفسك خطر الحرارة تترفع بذ الشكل..
تركي:اخذ مسكن طلعوني غرفتي بسرعه...
فيصل ناظر ماجد:لا تجبره نطلع غرفته..
مسكوه وطلعوه لغرفته..
تركي وهو يعدل نفسه عشان ينسدح على السرير وكان صوته مبحوح:بردان..بردان ماجد غطوني..طفو المكيف..
ماجد وبخوف:فيصل روح جيب بطانيه ثانيه بسرعه..
فيصل:طيب..
ماجد بانفعال:بسرعه..
تركي كان فكه يرتجف من كثر ماكان بردان...
ماجد:تركي احد يطلع بالبس زي كذا وبالبرد..
دخلت بوقتها الجوهرة..
الجوهرة:بسم الله عليك تركي وشفيك ورا كذا وجهك؟
ماجد:تعبان شوي...
الجوهرة وهي تحط يدها على راس تركي:حرارته مرتفعه وانت قاعد كذا يلا يلا شيل اخوك وركبه نوديه المستشفى...
ماجد:عيا يمه وش اسوي فيه ولدك مو بزر..
الجوهرة:تحسبون اذا ارتفعت الحرارة عادي.. خطر ناس راحوا من هالحرارة..
تركي وكان يلم نفسه عشان يدفى:بردان وين البطانيه..
ماجد وهو يزاعق:فيصل كل ذا تجيب بطانيه...
الجوهرة:شل اخوك مو طبيعي ماقد صارتله بتشيله والا انا اشيله..
ماجد: انا انا امسكه
تركي:مااابي اروح..
ماجد وهويمسك يد تركي:ماراح نشاورك الظاهر انك بزر وماتعرف مصلحة نفسك...
تركي:انا اقوم..
الجوهرة وهي تفتح دولاب تركي وتطلع له ملابس...
تركي:خلاص انا انزل اطلعوا بلبس...
ماجد:انا بنتظرك اذا خلصت قلي عشان انزلك..
الجوهرة:يلا يلا انا بروح البس عبايتي...
لبس تركي وهو قاعد وخلص من لبسه وجا بيوقف ماقدر..
ماجد من ورا الباب:خلصت؟
تركي:ايه..ايه..
دخل ماجد ومسك يد تركي حطها على كتفه وبعدين مسك يده الثانيه.
تركي من كثر ماهم تعبان كان يقدر يحكي كثير ويجادلهم:وش بتسوي ماجد؟
ماجد:بشيلك يعني وش بسوي..
تركي:لا لا امشي..
ماجد:اذا مشيت خطوه طحت ..ماعليك تمسك زين..
دخل فيصل وهو شايل معاه بطانيات كثار..واول مادخل رماهم..
فيصل:اووف تعبت,فيصل باستغراب:ماجد وش تسوي؟؟
ماجد:تعال ساعدني بنشيله..
فيصل:هههههههه من جدك؟
ماجد:بسرعه وبدون ضحك..
فيصل:طيب طيب..
ماجد:تعال ساعدني وحطه زين على ظهري انا اشيله لحالي مايحتاج انت..
فيصل متنح:طيب..طيب..
نزل ماجد تركي وكان ثقيل عليه بس تركي تعبه كان اقوى من انه يمشي...
ــــــــــــــــــــــــــــــــــــــــــــــــــ ـــــــ
دينا ما راحت المدرسه لانها مانامت زين..كانت جالسه بغرفتها لانو مافي احد اخوانها بالمدرسه وداليا بالجامعه وامها نايمه..
صحت من النوم وراحت تفتح ستارتها وشباكها عشان تسوي تهويه للغرفه وهي تفتح الشباك كانت تشوف ماجد شايل تركي ويركبه السيارة..دينا خافت راحت تغسل بسرعه وتبدل ملابسها وكان وجهها منفخ من النوم وكحلها ماكن ممسوح زين وهي تركض عشان تنزل كانت ماسكه منديل وتمسح وجهها واثار الكحل وطبعا هي خبصت الكحل وصار وجهها مبقع من الكحل...
دينا وصلت بيت خالها بس ماشافت احد ودخلت جوا لقت فيصل جالس على الكنب ومغمض عيونه..
دينا ونفسها كان سريع:فيصل..وش في..وش فيه تركي ليش كذا ماجد شايله؟
فيصل فتح عيونه لما سمع صوت دينا:بسمالله بسمالله وش جابك؟شفتي شكلك بالمرايه قبل لاتجين؟
دينا:فيصل تركي شفيه؟؟
فيصل:حرارته مرتفعه وطاح علينا ماعرفنا وش نسوي وقعدنا ساعه نتشحذه يروح المستشفى كانه بيروح عشانا مو عشانه وبالشيل جرينه وركبانه السيارة وهذي السالفه اي استفسار ثاني؟
دينا:يا حياتي تركي ما يستاهل..بعدين انت ليش معصب ورا ما تجي تطقني احسن..
فيصل:دينا تراني تعبان ومانمت ومعصب ولا تخليني اطلع حرة تركي فيك..
ديناوش السالفه وراك معصب؟
فيصل:خليه بس يرجع ويصحى لنا مايردني شي والله طراق ويلا يطلع الي بقلبي....
دينا:طيب طمني عليه الله يخليك اول ما يكلمك ماجد..
فيصل:انا الحين مطمن عليه وبروح انام مايكفي الي صار امس..
راح فيصل غرفته ودينا مستغربه من كلامه..رجعت بيتهم دخلت غرفتها وهي تناظر نفسها بالمرايه:بعذره الولد ارتاع يا ويلي شكلي مرة يخرع....
ـــــــــــــــــــــــــــــــــــــــــــــــ
وصولول المستشفى ودخلوه من الطوارئ والدكتور قال لازم نحطه على المغذي اربع ساعات واذا تحسن يطلع واذا حالته ما تحسنت بينومنه عندهم بالمستشفى..
تركي منسدح على السرير وكان المغذي على يده وماجد منسدح على الكنبه والجوهرة جالسه بكرسي مقابل لسرير تركي....
فتح تركي عيونه وماكان عارف وين هو ناظر بالسقف بعدين لف يناظر امه ..بعدين على ماجد وهو منسدح....
تري وهو يرفع نفسه:ليش مرقديني بالمستشفى؟
الجوهرة:الدكتور يقول اربع ساعات ويطلعك اذا تحسنت اما اذا حالتك عىل ماهي عليه بينومك يوم بالمستشفى...
تركي:مو على كيف انا بطلع الحين ما راح اقعد انا قلت لكم قبل ماابي اروح واخذتوني غصب الحين انا اقولكم ابي ارجع...
ماجد قام من صوت تركي..
ماجد:تركي اربع ساعات ماراح تضرك...
يقطع حكيهم جوال ماجد...رد ماجد وخلال دقيقه قفل..
ماجد:يمه السواق بره يلا انتي روحي وانا بجلس عند تركي..
الجوهرة:من قالك تقول للسواق مانيب متحركه من عند ولدي..
ماجد:يمه خلاص كلها 3ساعات وبنرجع انشالله..
الجوهرة وهي تتافف:والله لو ان السواق ماجا ما تحركت من مكاني شف ياماجد انا بروح وطمني عليه وكل شوي بكلمك..
ماجد::الي تبينه يصير..
الجوهرة وهي تحب على راس تركي:انتبه لوليدي يا ماجد..
ماجد وهو يضحك:بعيوني ولدك..
طلعت الجوهرة من الغرفه...
ماجد:تركي ليش ساكت؟
تركي:..............
ماجد:تركي امس وين كنت وليش طلعت بدون علمنا؟؟
تركي:.......................
ماجد:تركي اكلمك...
تركي وهو يحاول يفك المغذي وكان معصب:قلهم يجون يفكونه انا ماني محتاج لمغذيهم..
ماجد يمسك يد تركي ويبعدها:تركي خطر الي تسويه خلاص كلها كم ساعه وتطلع احمد ربك مو تنويم..
تركي وهو يتنهد ويرجع راسه على ورا وكان منفعل ومعصب بس بدون اي كلمه بس التوتر كات باين عليه...
ماجد:تركي قلي شفيك..تراك خوفتني..
تركي:................
وفجاة بدون اي سابق انذار تركي دمعت عينه لاشعوريا تركي ماكان يبي يبين ضعفه ولف وجهه علىطول للجه الثانيه...
ماجد وهو يقرب لتركي وعلامة الصدمه بوجهه ومانزل عينه من تركي:خير تركي فيك شي؟
تركي وهو مرتبك:لا لا عيني تدمع مع الحرارة تعرف....يعني...
ماجد سكت ولا نطق بعدها ولا بكلمه رجع وجلس مكانه وكان مصدوم من الي صار قادمه قبل شوي..
بعد فترة ماهي طويله نص ساعه او اكثر..طق الباب..وفتحه بدون ماينتظر رد..وكان محمد..
ماجد وقف عشان يسلم:هلا هلا محمد حياك..
محمد:هلا والله وين الي بيكلم اشوفك سحبت علي..؟
ماجد:تعرف انشغلت اسمحلي..
محمج:لا مسموح..
محمد يقرب لتركي وحب راسه:شلونك تركي انشالله احسن؟
تركي مارد كان مستغرب من محمد وش جابه فجاه وبدون اي مقدمات يدخل ويسلم وكانه عارف السالفه كلها..
محمد وهو يلف على ماجد:وش قال الدكتور؟
ماجد:حط له المغذي وعطاه خافض للحرارة وبعد ساعتين بيجي يشوفه اذا تحسنت حالته والا بينومنه..
محمد:ماجد خلاص انا اقعد روح انت ارتاح من امس مانمت..
ماجد:ايه والله من امس مانمت انا بروح انام واذا جا الدكتور كلمني اوكي محمد؟
محمد:خلاص انشالله..
طلع ماجد ولا كلم تركي ولا قاله اي شي...
محمد وهو يجلس على الكرسي بيتكلم جا تركي قطع كلامه..
تركي:محمد ماله داعي تجلس ماانت ملزوم انك تقعد وانت عارف وانا ماابي اكلمك تعبان ويلا احكي واتوقع انك مانسيت حلفي ما يحتاج اذكرك..
محمد:تركي انا ماجيت الا وانا مسوي الي انت طلبته..
تركي:ما فهمت؟
محمد:تعرف تركي من اول مارجعنا من بيروت انا تركت سمر وتركت البنات كلهم انا تغيرت عن اول..
تركي:من جدك يا محمد؟
محمد:اكذب عليك..ما تتصور كيف يا تركي تغيرت حياتي..
تركي ببرود:الحمدالله..
محمد:تركي انت تعبان واعرف انك مالك خلق تحكي..
تركي:فعلا انا تعبان يا محمد لو تعرف الي صارلي..
محمد:وش فيك تركي وش صار؟
تركي:بعدين بعدين احكيلك..
محمد:وين كنت امس؟
تركي:ادور من شارع لشارع..وكنت بالمكان الي دايما نروح له ما اتوقع انك نسيت عند سور مدرستنا..
محمد:تعرف اني كنت مدوام هناك طول الفتر الي فاتت توقعت اشوفك..
تركي:مارحت له الا امس تعرف جاني احساس حسيت اني بفلم..يضحك تركي..
محمد:سمعنا يا ابو الاحاسيس؟؟
تركي وكانه تذكر شي:محمد ابي اطلع رجعني البيت..
محمد:يذبحنا ماجد..
تركي:ماعليك ابيك توصلني البيت واذا وصلت بكلم ماجد اقوله مالي قعده هنا شي ممل..
محمد:والمغذي؟
تركي وهو يحط يده وبقوة سحبه وكانت تعابي وجهه باين عليه الام من قوة سحبه للمغذي..
محمد:جرحت يدك..
تركي وهو يقوم من السرير ويسحب منديل ويمسح يده:ما عليك يلا مشينا..
طلعوا تركي ومحمد من المستشفى ومااحد لاحظ...ركبوا السيارة ورجع تركي مرتبته على ورا عشان ينسدح...كانوا ساكتي سواليفهم كانت كلمات سؤال وجواب..
بدون اي مقدمات...تركي وهو يتنهد وكانه يتحسر:راحت مني يا محمد..
محمد وهو يلتفت على تركي باستغراب:مين الي راحت؟
تركي يلف وجهه من الجهة الثانيه:اموت اعرف ليش ما تبيني...وفجاة انقلب صوت تركي الهادئ وبصوت عالي كل البنات يتمنوني وهي هي غير غير كل البنات..
محمد وعلامات التعجب على وجهه:تقصد دينا؟
تركي:مين غيرها الي مجنني يا محمد..؟
محمد:طيب ليش منفعل انت من عرفتك وانت تحبها وش الي تغير الحين؟
تركي:وش الي تغير تغيرت اشياء كثير..دينا راحت مني يا محمد انخطبت.
محمد بوقتها وقف السيارة فجاة:انخطبت؟؟
تركي:ايه..
محمد:متى؟
تركي:لا تسالني عن شي...تعرف حسيت يوم الاثنين زعلتها وبطريقه منرفزة وبايخه مستحيل اسويها مع اي احد كان بس سويتها مع دينا..يوم الثلاثاء بروح اتاسف وياليتي مارحت..
محمد يقاطع تركي:اييه كمل؟
محمد:دخلت لقيتها بالمطبخ كانت غير شكل متصلحه ولابسه تدخل داليا تسالها عن الرجال الي كان عندهم كيف شكله..يدخل بعدها فواز يقولها ماقد شفتك مستحيه يا دينا..
هم لماشافوني ارتبكوا وكل واحد قام يرقع..
محمد:بس ما يدل انها مخطوبه يمكن عمها او احد جاي يسلم..
تركي:ابوهم جاي الرياض وجاي بيتهم بعد وعنده رجال هذا كلام دينا لما سالتها مين عندكم؟
محمد:............................
تركي:تعرف انا ليش صارلي كذا منها هي مو عشانها انخطبت عشان اكتشفت انها هي ماتحبني لا قد فكرت فيني انا مصدوم طيب ليش كانت تسوي كذا معاي والا انا افسر غلط..تعرف محمد حسيت اني تو بس صحيت من حلم حلم مستحيل انسى كل لحظه مرت فيه..
تركي انفعل وضرب بيده على الشباك بقوة..
محمد:يدك تركي شوي شوي..
تركي:اموت اعرف مين والله لاذبحه ان شفته..
محمد:تركي هدي نفسك لا تنفعل تراك تعبان..
تركي سكت ولا تكلم الى ما وصل للبيت..
تركي:مشكور محمد..
محمد:ارتاح الحين ولا تقعد تفكر وكلم ماجد قله..
تركي:انت كلمه.
محمد:اخاف من اخوك صراحه لانه بيعصب اني طلعتك..
تركي:اوكي محمد..
محمد:مع السلامه..ترا بمرك الليل..
تركي: حياك باي وقت...
><
><
><
><
يتبع
خديجه بنت حجاب غير متصل  
قديم 09-04-2009, 04:06 PM   #10 (permalink)
خديجه بنت حجاب
رومانسي مبتديء
 
--------------------------------------------------------------------------------

(الفصل الثاني)


بعد صلاة المغرب نزلت دينا للخيمه كانوا قاعدين فيها امها واخوانها...
دخلت دينا ومسكت الريموت,
دينا:اييه صح شخبار تركي؟؟
فواز:طيب..
سلوى:طلع من المستشفى بدون الدكتور لايدري جا مره صديقه ورجعه البيت وماجد ماخلى ولا بقى بتركي..
فواز:دخل المستشفى تركي؟؟
دينا:مو تو انت تقول طيب..
فواز:احسب عن تعبه الي امس ما دريت انه دخل المستشفى..
داليا:رحت ولقيته نايم..
دينا:دانه امشي نروح له..
دانه:طيب..
فواز:وانا بعد بروح معكم..
طلعوا من بيتهم ورحوا بيت خالهم..
دينا:السلام عليكم...
مااحد رد..
دينا:يمكن فوق بغرفة تركي ومايسمعون..
فواز بصوت عالي:خالتي الجوهرة...فيصل...
دينا تقدمت عن اخوانها ورقت فوق..راحت غرفة تركي ولقت الباب مفتوح وماكان فيه احد بالغرفه..
وقفت دينا تكلم نفسها:وين راحو الناس؟؟
صوت تركي من وراها بس كان واطي:هنا مارحنا..
دينا لفت لمصدر الصوت..:هلا والله تركي الحمدالله على السلامه ماتشوف شر..
تركي كان يناظرها ومارد عليها...
تركي وهو يجلس على السرير:دينا لو سمحتي سكري الباب وانتي طالعه..
دينا صارت تناظر تركي وهي مستغربه وكانت معصبه وتتكلم ولا تعرف هي وش تقول:الشره على انا الي اجي قبل امس طردتني وماقلت شي واليوم بعد..اصلا انت مو اكبر همي...ولا تجي ني بكرة تتاسف انا اسف يا دينا ومن الحين اقولك لساني ما يجي على لسانك..
وطلعت دينا من الغرفه ولا انتظرت رد...وهر طالعه دخلوا دانه وفواز..
تركي يرد على دينا بصوت واطي وبعد ماطلعت:اعرف اني مو اكبر همك...
فواز:هلا والله..الحمدالله على السلامه..
تركي:الله يسلمك..
دينا:ماتشوف شر..
تركي:الشر ما يجيك..
فواز ودانه جلسوا وتركي غطى نفسه بالفراش ولف من الجهة الثانيه..
فواز:يعني ماتبينا؟؟
تركي:اللبيب بالاشارة يفهم..
فواز:طيب مع السلامه..
ــــــــــــــــــــــــــــــــــــــــــــــــــ ــــــــــــــ
مر الاسبوع وتركي على حالته التعب راح لكن نفسيته كانت تعبانه وماكان يكلم احد...وماشاف دينا ابدا بذا الاسبوع ومااحد عرف من اخوانه وش سبب الي هو فيه...
طلال وابوه خطبوا دينا رسمي وتمت مراسم الخطبه..
><
><
><
><
><
><
><
><
سلوى رفعت السماعه وكلمت على اخوها صالح....
سلوى:هلا صالح.ز
صالح:حيا الله هالصوت..توني بكلمك ابيك بموضوع..
سلوى:الله يحيك..وانا بعد ابيك بموضوع...
صالح:انا بالمكتب تعالي عندي.ز
سلوى:خير انشالله خمس دقايق وانا عندك...
قفلت سلوى من اخوها وراحت بيته..
سلوى وهي تجلس على الكرسي:ها وش عندك؟؟
صالح:ابداي انتي..
سلوى:بغيت ابشرك الحمدالله تمت خطبة دينا.
صالح:مشالله مبروك الله يوفقها انشالله..
سلوى:الله يبارك فيك...
صالح:الله يعينك ياسلوى بديتي تزوجين بناتك..
سلوى تضحك:الله يعين شقا هالعيال..
صالح:بس ماكن دينا صغيرة وبعدين داليا ما تزوجت..
سلوى:والله مدري يا صالح ماكنت ناويه بس النصيب الولد حسافه وماينرد وداليا الحين ماتفكر بالزواج ابد تعرف بعد وفاة فهد صعبه عليها ..
صالح:وش ذا الكلام هذي الدنيا حياة وموت مايصير تقعد على ذكرى زوجها..
سلوى:انشالله ربي يهديها..وانت يا اخوي وش عندك؟؟
صالح ابتسم:والله يا اختي انا نويت اتزوج..
سلوى وهي تحط يدها على صدرها:تتزوج؟
صالح:ايه اتزوج انشالله بعد اسبوعين زواجي..
سلوى:والجوهرة يا صالح هانت عليك؟
صالح:الجوهرة امي عيالي وعلى عيني وراسي..والزاوج ماهو حرام ولا عيب..
سلوى:وش ينقص الجوهرة..مشالله مثل طيبه وحنيه وتنحط على الجرح يبرى وجمال والله يا اخوي الجوهرة من عرفتها وهذا شكلها ماتغير..
صالح:عارف والله عارف وانا اخوك بس..
سلوى هنا بدات تصيح..
صالح:سلوى تصيحين؟؟
سلوى:اصيح على الجوهرة وش بتسوي اذاعرفت؟؟
صالح:بقولها انشالله
سلوى:حسبي الله ونعم الوكيل..وش تقولها يا صالح؟؟
صالح:اقولها ولا تعرف من الناس وخاصه الي بتزوجها بنت ناس وتبي تسوي لها زواج وكلن يعرف بزواجها ماراح نتزوج بالخفيه كاننا نسوي حرام.
سلوى:ماعندي شي اقوله غير الله يوفقك..
صالح:زواجي بعد ثلاث اسابيع وترا فيه زواج حريم..
سلوى تقاطع اخوها:مالي شغل بذا الاشياء..
صالح:ابيك تحضرين الزواج..
سلوى وهي تحط يدها على راسها:والله وهذاني احلف احضر زواجك انسى ولا عمرك تفتح معي هالموضوع..انا مااطعن الجوهرة من ظهرها..
صالح:انا بقول لخواتي وقولي لبناتك..
سلوى:شف يا صالح لو انك متزوج لعذر وان الجوهرة فيها عيب على عيني وراسي..بس احضر زواجك وانت مالك اي سبب انك تتزوج لا والله والجوهرة وش سوت عشان اسوي كذا..
صالح:خلاص سلوى لا تحضرين..
سلوى:عن اذنك انا بروح بيتي..
صالح:اذنك معك...سلوى
سلوى:سمي..
صالح:اعلنتو خطبة دينا؟
سلوى:الي تعرفه قله..
صالح:على بركة الله..
ــــــــــــــــــــــــــــــــــــــــــــــــــ ــــــــــ
طلع صالح من مكتبه وراح جلس بالصاله عند عياله فيصل وماجد...
جلس صالح ومسك الجريده وجلس يقراها..
صالح:وين تركي؟؟
فيصل:طالع..
صالح:وين امكم؟
فيصل:طالعه...
صالح:وانت ورا ماتطلع معهم؟
فيصل:عشان ماجد جالس..
ماجد:لا تقعد تتعذر فيني تبي تطلع اطلع..
صالح:شفتو دينا مشالله انخطبت..
فيصل وماجد كانه احد كب على وجيهم ماي بارد...
صالح:مشالله الولد ماعليه اخلاق ودراسه وشغل..
ماجد:متى ذا الكلام؟؟
صالح:من زمان بس توهم يعلنون..
فيصل:دينا والا داليا؟؟
صالح:لا لا دينا..
فيصل يدري انه ابوه يمكن يتلخبط بالاسماء:الصغيرة؟؟
صالح:بسم الله علي مااعرف دينا من داليا؟؟
فيصل يناظر ماجد نظرات كله استفهام...
صالح:روحو باركو لعمتكم..
ماجد:انشالله..يبه
صالح:الحين..
ماجد:انشالله..
طلع ماجد وراه فيصل بس مارحوا بيت عمتهم ماجد ركب سيارته وركب فيصل معاه...
ماجد:عشان كذا اخوك صارله الي صارله..
فيصل:.........................
ماجد:اخر شي كنت اتوقعه..
فيصل:خاينه..
ماجد:فيصل عيب ذا الكلام..وش سوت البنت..
فيصل وهو يصارخ:ماتشوف وش سوت بتركي ماتشوف حالته الولد اختفى بعدين رجع وطاح علينا والحين تمر ايام مانشوفه الا دقايق..خاينه وخاينه وخاينه..
ماجد:فيصل..
فيصل:بروح اضربها والله لااخليها تنسى اسمها..وتقول يا ليتني ماانخلقت
ماجد:فيصل عيب..
فيصل:ليش كذا كانت تسوي ليش خلت تركي يحب الارض الي تمشي عليها ليش اموت واعرف ليش..
ماجد:البنت انخطبت..
فيصل بانفعال:عمتي تزوج هالبزر ذي بعدين مين الي لاعبين بعقل خطيبها ومادحينها له..
ماجد:دينا ماعليها كلام..
فيصل:بس تركي..انا اخاف يصير فيه شي..
ماجد:الاسبوع الي راح كان اصعب شي لتركي وعدى ومع الايام بينسى...
فيصل:مستحيل تركي ينسى ماتعرف شلون كان يحبها مااحد يعرف قدر حبه لها كثري..انت تحسب تركي مثل العيال الباقين والله وهذاني احلف لك تركي غير اي ولد شفته بحياتي ما يستاهل الي يجيه ومن مين من بنت هذا الي مستحيل من الي جنن العيال غير البنات..اولهم انت ولمى وبعدين تركي ودينا..كلهم خاينين..
ماجد:سيرة لمى ماتجي على لسانك...
فيصل نزل من السيارة وصبخ بالباب باقوى ماعنده...
بعدها رجع لماجد..
فيصل:مين الي خطبها؟؟
ماجد:اسال ابوي..
دخل فيصل البيت وراح عند ابوه..
فيصل:يبه مين بتاخذ دينا؟؟
صالح:طلال.......................
فيصل:يقرب لمحمد صديق تركي؟؟
صالح:ايه من عيال عمه او خاله واحدن منهم..
دخل تركي بوقتها وعلى غير عادة يرجع تركي بذا الوقت وخاصة بذي الايام..
تركي:السلام عليكم...
صالح:هلا بولدي وينك ماتنشاف؟؟
تركي:الدراسه..
صالح:تعال تعال اقعد..
تركي: معليش يبه انا تعبان بروح انام..
صالح:باركت لعمتك؟؟
تركي ببرود:ليش؟
صالح:ما دريت عن خطبة دينا؟؟
تركي يسوي نفسه مايعرف وكان صوته مبحوح:مشالله...الله يوفقها..
فيصل يناظر تركي وهو مستغرب وش ردة الفعل..
تركي:عن اذنكم..
طلع تركي ووراه فيصل...
تركي كانت خطواته سريعه ودخل غرفته وسكر الباب..
فيصل يطق الباب:تركي افتح..
تركي :......................
فيصل راح ولا حاول مرة ثانيه
ـــــــــــــــــــــــــــــــــــــــــــــ
طلال وخالد كانوا جالسين بالخيمه وكل اربعاء يجتمعون مع عيال العائله صغير وكبير يعني من الثانوي وما فوق وهم كانوا كثار لان جدهم كان متزوج ثلاثه وجاب من كل وحده 6 وفوق...
محمد يصير ولد خال طلال وخالد بس من جده ثانيه وعلاقتهم سطحيه مرة..
خالد بصوت عالي:شباب بنقولكم خبر بمليون ريال...
العيال صاروا يضحكون عطنا الاخبار يا ابو الاخبار..
خالد:اول المليون قدامي...
طلال:خالد لا تقعد تستهبل..
خالد:خلاص بقولكم طلال المحمد خطب..
العيال قاموا يعلقون على طلال ويضحكون وكل واحد قام يبارك..
واحد من العيال:بنت مين اخذت؟؟
طلال قال اسمها..محمد وجهه انقلب اصفر لما عرف انها دينا مستحيل وش جاب دينا لطلال..لو عرف تركي انه ولد عمتي وش بيسوي بتطيح عليك يا محمد عظم الله اجري..
طلال يهمس لخالد:انا بطلع..
خالد:على وين؟؟
طلال:بروح ادور شوي..وبرجع على هنا..
خالد قام يضحك:ههههههههه بتروح تكلمها؟
طلال:ايه بروح اكلمها..خلاص اعلنا الخطبه ليش مااكلمها..
خالد:طيب روح بالتوفيق..
طلع طلال وركب سيارته ومسك جواله ورن على دينا...
رن المرة الاولى ومرة ثانيه..دينا كان جوالها مو عندها وسمعت رنة الجوال صارت تركض لانها كانت مخزنه رقمه وحاطه له نغمه خاصه...خافت انه يقفل كانت تركض كانه احد يركض وراها..وصلت غرفتها وردت على طول ونفسها كان سريع..
طلال بصوت هادئ:هلا والله..
دينا ونفسها كان سريع:هلا..
طلال:شخبارك؟
دينا:الحمدالله..
طلال:رجعنا للحمدالله الحين كل ماسالت شي بتقولين الحمدالله..
دينا هنا وجهها انقلب الوان وش يبي يمون..
طلال:شكلك كنتي تركضين؟؟
دينا:هاا ..اييه لا لا ماكنت اركض..
طلال:خايفه؟؟
دينا:لا مافي شي يخوف..انت تشوف نفسك شخص يخوف؟
طلال هنا صار يضحك:هههههههههههههههههههه..لا بس قلت يمكن خايفه مثل يوم جيت اشوفك كنتي خايفه لا تقولين ماكنت خايفه؟
دينا:لا ماكنت خايفه كنت مرتبكه..
طلال:المهم انتي دينا انا ماني مصدق اني قاعد اكلمك..
دينا وجهه حمر واستحت مرة ولا ردت عليه..
طلال:شخبار المدرسه؟؟
دينا:الحمد... اقصد كويسه.
طلال:ههههههههه انتي ادبي صح؟
دينا:ايه..
طلال:احسن لك يا شيخه اهم شي راحتك وانا عندي اهم شي راحة زوجتي..
دينا تضحك..
طلال كان يبي يسولف باي طريقه:طالعه؟
دينا:لا..
طلال:احسن.
دينا:وشو الي احسن؟
طلال:انك ما طلعتي عشان اكلمك..
دينا كل مالها وتستحي زياده..
طلال:دينا تتذكريني؟؟
دينا صارت تضحك من قلبها:ههههههههههههههههههههههههههه
طلال:ليش تضحكين؟
دينا:لا بس..
طلال:يعني تذكرتيني؟
دينا:ايه
طلال:اشواا..
دينا:تعرف طلال..اخر ماتوقعت انك تكون الي شفته في بيروت
طلال:ههههههههههههههه..
دينا:ترا مابعد استوعبت يعني قلت وش جابه لي فجاة الصدف..
طلال:لا من قال صدف..تذكرين لما صدمتي فيني وهاوشتيني بعدها قلت انا ابي هالبنت..ولا خلاني ازيد اصرار اكثر لما كنتي انت وداليا اتوقع كنتو بترجعون وانت اشرتي علي واختك تكلمت بصوت عالي..ولما كنتي مع صحابتك كنتو تناظرون..
دينا:لا لا والله ماكنت اناظرك بعدين انت لفيت ظهرك تراك يوقتها نرفزتني.
طلال:هههههههههههههههههههه انا تضايقت بس ماعرفت انك انتي الا يوم جيت بقوم شفتك وقلت لخالد خلاص برجع بس مارضى...حقك علي
دينا:هههههههههه اوكي سامحتك..
طلال:تعرفين شكلك احلى بكثير من لما كنتي في بيروت..
دينا:...............
طلال:غميزاتك تجنن..
دينا استحت:شكرا..
طلال:ههههههههههه استحيتي؟؟
دينا:اكيد بستحي انا مااحب احد يمدح فيني قدامي..
طلال:ههههههههههههههه لا لا تعودي انا ماسكت عن الحق والحلو حلو..
دينا ماردت عليه..
طلال:من يقول الزين ما يكمل حلاه..ها يا دينا مين قال مايكمل كل شي في دينا اكتمل..
دينا بتغير السالفه:كيف الشغل؟
طلال:الحمدالله..كويس..
دينا:طلال بس عندك اخت وحده؟
طلال:اييه نوف هي الكبيرة وعندها بنت لازم تتعرفون اموت فيها...هالبنت..
دينا:كم عمرها؟
طلال:اربع سنوات او خمس..
دينا:يا ملحها..صغنونه..
طلال:مثلك..صغنونه
دينا حست نفسها بزر...
طلال:دينا كم بيني وبينك؟
دينا:كم عمرك بالظبط؟
طلال:27..
دينا:وانا 17 والشهر الجاي بتم 18..يعني 18 19..20..21..
طلال حسبها قبلها:تسع سنوات..
جلسوا دينا وطلال سواليف يمكن ساعتين بدون مايحسون بالوقت..
ــــــــــــــــــــــــــــــــــــــــــــــــــ ــــــــ
مرت ثلاث ايام بدون احداث تذكر دينا وطلال صاروا يكلمون بعض اربع وعشرين ساعه...
والكل عرف بخطبوبة دينا وطلال..وتركي على ماهو عليه نحف زيادة لانه ماصار ياكل وصار بس يطلع...
بالخيمه جالس تركي وفيصل كانوا ساكتين وفيصل وماجد كانوا يتحاشون انهم يكلمون تركي بموضوع دينا..
فيصل:تعرف تركي..
تركي:لا مااعرف..
فيصل:هههههههه لا جد تعرف من خطب دينا؟
تركي:انت ليش تحب ترفع ظغطي ليش تحب تنبش وتزيد وتعيد حكي لا ماعرف ولا ابي اعرف..
فيصل:يصير اسمه طلال محمد..................
تركي فز من مكانه لما سمع الاسم:طلال ماغيره ولد خال مدري وش يقرب لمحمد؟
فيصل:ايه..هو انا ماعرفه بس من الاسم
تركي رمى الريموت على الارض وطلع من الخيمه..ركب سيارته وراح بيت محمد..دخل على محمد بالملحق وفتح الباب بقوة
تركي:ولد خالك...ما لقى الا دينا من كل هالبنات..
محمد:احم...ولد عمتي..
تركي:الي هو ولد عمتك ولد خالتك..
محمد:والله انا نفسك انصدمت..
تركي:بالهي اي واحد؟؟
محمد:تعرف شكله دايما نوافقه بالسفر..
تركي:لو شفته يمكن ارتكب جريمه..
محمد:لا اله الا الله..اجلس انت وريح بالك..
جلس تركي والافكار تدور براسه بعد فترة قصير..
تركي:محمد ابيك تعرفني عليه
محمد:ليش؟
تركي:ابي اشوف مين هالشخص الي اخذ دينا بشوف هو يستاهلها..
محمد:لو كان ملاك ماراح يعجبك..
تركي:اهم ماعلي سعادتها..
محمد:تعرف تركي يمكن خيرة يمكن لو تزوجتها ماراح تنبسطون مع بعض..
تركي:محمد مااحب الي يقولي كذا انا احب دينا ولما الواحد يحب بيسعد الي يحبه ولو اتزوج دينا بسعدها فاهم وش انا اقول والا اعيد؟
محمد:لا لا فهمت وانا اخوك..
تركي:وصفلي شكله؟
محمد:مااعرف اوصف..
تركي:الاربعاء الجاي احسب حسابي معاك بجي جمعة عيال عمك مدري عيال الي هم المهم بجي
محمد:لا لا ماندخل اجناب..
تركي:مو على كيفك بروح يعني بروح وبشوفه يعني بشوفه..
محمد:ابشر انشالله عمي تركي..
تركي:محمد للحين تدخن؟
محمد:لا تركته هالشهرين..ليش؟
تركي:ماادري دايما اشوف الي يعصبون يطلعون ويقعدون يدخنون مثل ابوي وماجد اول..
محمد:اصحك يا تركي تدخن..
تركي:بس اسال ابي اعرف هي صدق تهدي الواحد..
محمد:لا كلام فاضي الا تمرض الواحد ماتشوف ابوي اربع وعشرين ساعه قلبه من التدخين...
تركي:ايه..ايه..تعرف انا لو بيجني القلب بيجني من دينا...
محمد:نروح ونرد على دينا خلاص كل شي لازم تدخل فيه دينا..
تركي:.............................
ــــــــــــــــــــــــــــــــــــــــــــــــــ ـــــــــــ
دينا ودايا جالسين بالغرفه يسولفون...
دينا:داليا متى ابدا اجهز؟
داليا:لسا واتني زوراجك بداية السنه الجايه يعني لك وقت واذا سافرنا بالصيف احسن لك...
دينا:بقول لامي نبي نروح ايطاليا..
داليا:امي ناوية بيروت..
دينا:لا لا الله يخيلك ماابي بيروت بقولها من الحين اعرف حركات امي حجزت ماحجزت...
داليا وهي تغمز لدينا:غريبه ماكلم اليوم...؟
دينا:مسافر..
داليا:ههههههههههههههههه مسكينه.زوين رايح؟
دينا:دبي ابوه بس يرسله دبي وهو مايبي طفش بس عشان ابوه..
داليا:ايه الي فيه خير لاهله فيه خير لزوجته..
دينا:يا حياتي بس ينكرف بالشغل ماعندهم الا طلال..
داليا:هههههههههههه..يلا الشغل ماراح يضر بيطلع رجال..
دينا:بس مو كذا ولا عامل..تخيلي من الساعه 8 الى الساعه اربع بعدين يرجع ينام شوي والساعه 8 يروح مرة ثانيه الى 11 او 12 والله قهر..
داليا:مشالله متى يكلمك؟
دينا:ههههههههههه اذا كان جالس وماعنده احد كلم..
داليا:اييه صح ذكرتيني ترا نورة بنت خالتي بتجينا بكرة..
دينا:مااحبها دلوعه وشايفه نفسها وغثتنا بسواليفها عن دراستها كانه مااحد قد دخل علوم طبيه الا هي..
داليا:ههههههههههههه دينا عيب..
دينا:اييه صح عيال خالك انا اوريهم تخيلي داليا ولا واحد منهم باركلي قليلن ادب..
داليا:غريبه..
دينا:عبدالعزيز الي مااشوفه الا قليل وعلاقتي سطحيه كلم على جوالي وبارك عيال عمي وعمتي كلموا وباركو وهو الي مثل اخواني ماباركو انا اوريهم...
وتطلع دينا من الغرفه وتروح بيت خالها..دخلت الصاله كان فيها فيصل يلعب بلاي ستيشن..
دينا:السلام عليكم..
فيصل ما رفع راسه ولا قطع لعبه:وعليكم السلام.
دينا:تراني زعلانه عليك انت واخوانك..
فيصل:وانا بعد زعلان..
دينا:نعم نعم زعلان ليش انشالله؟؟
فيصل:انك انخطبتي واحنا اخر من يعلم عرفنا مع الناس ولا كاننا اخوانك..
دينا:باركتلي يوم انك عرفت مع الناس يا استاذ فيصل
فيصل:انا مافرحت لك عشان ابارك انا زعلان..
دينا:هههههههههههههههه وليش انشالله؟؟
فيصل:تعرفين ليش انتي اقرب وحه لي بالبيت بعد تركي واكيد اذا انخطبتي بتتغيرين...وتغيرتي وانتي مالك الا اسبوعين...
دينا:طبعا بتغير اجل بجلس لك فاضيه انت واخوك الثاني الي بس يطردني وانا حلفت اني مااكلمه يستاهل..
فيصل من غير نفس:مبروك..
دينا بوقتها رن جوالها واكن طلال وطلعت من البيت ولا ردت على فيصل..فيصل عصب منها..
دينا:هلا والله..
طلال:هلالالا وغلا
دينا:شخبارك؟
طلال:تعباااااان رجلي راحت فيها..
دينا:يا حياتي..
طلال:شخبارك؟
دينا:الحمدالله..
طلال:تعرفين دينا اليوم اشتقتلك طول الوقت وانا افكر فيك..
دينا:............................
طلال:ماصدقت متى خلصت شغل وارجع الاوتيل واكلمك..حتى مابعد بدلت ملابسي...
دينا:.....................
طلال:طيب ببدل ملابسي ولكامك كنت بس ابسمع صوتك..دقايق واكلمك..
دينا:اوكي انتظرك..
طلال:باي..
دينا:باي..
دينا المكالمه كانت غير كل مكالمه رقت وهي تركض لغرفتها وكانت مبسوطه دخلت الغرفه وقفلت الباب..
سلوى:هو هو وراها اختك؟
داليا:هههههههههههههه تلقينها كلمها..
سلوى:هههههههههههههه الله يهديها..
داليا وهي تتريق:اليوم حرام مسافر ولا كلمها ابدا الا يمكن قبل لا يركب الطيارة وبعد ما وصل..
سلوى:بس يا بنت لو سمعتك اختك بتزعل..
داليا هنا سكتت وصارت تتذكر ايام خطبتها هي وفهد سرحت لدنيا ثانيه دمعت عينها وهي بسرعه مسحت دموعها ورجعت تناظر امها..
سلوى:داليا وش فيك؟
داليا والعبرة خانقتها:لا لا مافي شي..
سلوى:داليا..
داليا هنا ماقدرت تمسك نفسها وبدت تصيح تصيح بصوت عالي وارتمت على امها وزاد صياحها..
سلوى صاحت على صياح بنتها وعرفت السبب..
سلوى:بس يا داليا..
جا فواز وشاف داليا تصيح كذا وجهه انقلب ودمعت عينه على اخته..
سلوى:داليا خلاص يا بنيتي..
داليا قامت وراحت غرفتها وذيك الليله داليا حبست نفسها بالغرفة...
ــــــــــــــــــــــــــــــــــــــــــــــــــ ــــــــــــــــــــ
صالح قال للجوهرة عن زواجه وانه بعد اسبوع ويوم الخميس بيتزوج الجوهرة ردت فعلها كانت غير مثل ما اتوقع ماانفعلت ولاصاحت قدامه بس كانت من جوا تصيح وتتحسر بس ماحبت تبين ضعفها وخاصه ان الجوهرة شخصيه الكل يحترمها كانت حرمه قويه وفاهمه وكانت لها هيبه يعني هي غير عن كل الحريم....بس العيال مابعد عرفوا بزواج ابوهم وصالح طلب من الجوهرة انها ماتقولهم لانه هو بيقولهم بنفسه...
><
><
><
الجوهرة من بعد ماعرفت جلست يومين حابسه نفسها بالغرفه وماتكلم احد صالح بعد ماقالها سافر حب يبتعد شوي عشان تهدى.....
فيصل يدخل بقوة على تركي..
تركي:فيصل..
فيصل:انت مو عايش معنا لا والله مو عايش امي لها يومين حابسه نفسها بالغرفه لا ترد علينا ولا تاكل وانت ماجبت خبرها ميصير يا تركي خطبة دينا مو نهاية الدنيا...امي تعبانه تعبانه نفسيتها وابوي مسافر ولا يعرف عنها شي وانت حابس نفسك وماجد هاليوين بالذات ما مر على امي وهو كان يوميا عندنا..
تركي وهو منفعل:وش اسويلك طيب؟؟؟؟؟؟
فيصل هنا ولع نار وهو مقهور مت تركي اول قرب لتركي وعطاه كف بدون اي مقدمات كفه كان قوي تركي من كثر ماكان مصدوم من حركة فيصل ماحس بالالم....
تركي وقف:ما سويتها يوم كنا صغار تجي تضربني كف ومين الي يضرب فيصل...أنا اخوك الكبير مو انت اخوي الكبير..
قرب تركي لفيصل ورد له الكف وبدو هنا كل واحد يضرب الثاني واصواتهم علت اول مرة تصير بين فيصل وتركي انهم يتهاوشون بذا الشكل...الجوهرة سمعت اصواتهم وصارت تركض الى ماوصلت غرفة تركي..
الجوهرة بصوت عالي:بس يا عيااااااال عيب هالحركات..
تركي الي كان يضرب فيصل ضرب مو طبيعي تركي كان اطول من فيصل بكثير وكان عريض واقوى بنيه من فيصل..
تركي ماسمع كلام امه وبما انه هو الي كان يضرب بكل قوته..
الجوهرة:تركي وقف والله العظيم ان ماتركت اخوك لا جي انا واقفك بيدي...
تركي وقف ضرب ومسك فيصل ودفه...
تركي:لا عمرك تعيدها فاهم..
فيصل وهو يصلح بلزوته:والله مااخليها تمر لك كذا يا تركي..
الجوهرة:ماكنت اتوقعكم صغار لهدرجه تتهاوشون كانكم عيال شوراع احد يطق اخوه كذا ا تركي..
تركي:يمه انا مو صغير تكلميني بذي الطريقه واسالي ولدك مين الي بدا..
فيصل:اييه انا الي بديت عندك مانع واذا صرت بذا الحال كل يوم بجي وبطقك الى ماتصحى يمكن انا الي انطق بسعلى الاقل اسوي شي لاخوي..
تركي هنا سكت ولا رد على فيصل...
طلع فيصل من الغرفه ..والجوهرة جت بتطلع بس تركي وقفها..
تركي:يمه..
الجوهرة لفت عليه:سمي..
تركي:يمه وش فيك؟
الجوهرة:تعبانه..تعبانه..
وطلعت على طول ولا عطت تركي مجال انه يستفسر اكثر....
ــــــــــــــــــــــــــــــــــــــــــــــــــ ـــــــــــــــــ
طلع فيصل من البيت وراح بيت عمته...دخل الصاله
فيصل:وين عمتي؟
فواز:ماادري..
دانه:وش تبي فيها؟
فيصل:مالك دخل..
جلس فيصل على الدرج ينتظر عمته..
دينا:تعال اجلس هنا وراك جالس على الدرج..
فيصل:......................
دخلت دينا غرفة امها عشان تقولها انا فيصل يبيها..
طلعت سلوى وراحت لفيصل
سلوى:خير فيصل وش فيك؟
فيصل:عمتي ننزل تحت بقولك شي شخصي..
سلوى:خير انشالله..
نزلوا تحت وراحوا للخيمه ابعد لهم..
فيصل:عمتي امي مدري شفيها لها يومين وهي قافله على نفسها الباب ولا هي راضيه تاكل انا بموت واعرف وش الي مزعلها امي ماقد سوتها..ابوي مسافر وماجد له يومين ماجانا وتركي يا طالع يا بالغرفه وانا بموت من الي قاعد يصير..
سلوى عرفت ان الجوهرة عرفت بزواج صالح..
سلوى:خلاص انا اكلمها ولا يهمك..
فيصل:اييه والله عمتي روحي شوفي شفيها..
سلوى:انشالله...الا ابوك متى بيجي من السفر؟
فيصل:مدري اليوم يمكن اكيد ماجد هو الي يعرف..
سلوى:طيب انا بروح عند امك..الا ليش وجهك كذا كانه احد ضاربك؟
فيصل:ما شفته يمكن اليوم وانا نايم طحت من السرير..
سلوى:ههههههه انتبه لنفسك..
فيصل:انشالله..
دخلوا سلوى وفيصل البيت واتجهوا لغرفة الجوهرة..
سلوى تطق الباب:الجوهرة انا سلوى افتحي..
فيصل:يمه الله يخيلك افتحي ما يصير كذا..
سلوى:فيصل خلاص روح انت امك بتفتح لي..
فيصل:والله مااتحرك من باب غرفتها الا اذا طلعت حتى النوم بنام عند الباب..
سلوى:الجوهرة.ز
فتحت الجوهرة الباب ودخلت سلوى..
فيصل:وانا يمه.؟
سلوى:فيصل اشياء حريم ما تتدخل فيها..
فيصل:طيب اهم شي فتحتي الباب..
دخلوا سلوى والجوهرة وفيصل جلس عند الباب...
سلوى:خير يا الجوهرة وش فيك؟
الجوهرة:وش فيني قولي وش مافيني..
سلوى:لهدرجه؟
الجوهرة:وش يحرق قلب الحرمه..
سلوى:الجوهرة خوفتيني
الجوهرة:سلوى ماتعرفين يعني؟
سلوى هنا ارتبكت وماعرفت وش ترد علىالجوهرة..
الجوهرة:لو اني ما كانت عارفه انك تعرفين ماكنت فتحت..
سلوى:حاولت والله حاولت..
الجوهرة:انتي طول هالاسبوع كنتي تتهربين انك تجين ما قد سويتها يومين ماتسالين كنتي خايفه..
سلوى:عزيزة علي يا الجوهرة وربي يعلم انك مثل خواتي واكثر بعد ومايهون على اني اشوفك وانتي مكسورة..
الجوهرة:ماهانت علي العشرة الي بيني وبينه اني ارد عليه او اني اقوله طلقني مثل الحريم وهو هانت عليه العشرة وتزوج علي...
سلوى:انتي قويه يا الجوهرة وربك بيسهلها كل الرجال كذا يبون يجربون واذا تزوجوا عرفوا قدر حريمهم..
الجوهرة: ماابيه يعرف قدري بعد مايتزوج ابيه يعرف قدري وهو زوجي مايحتاج يتزوج عشان يعرف قدري..بعد هالعمر يتزوج عياله الحين بعمر زواج ماجد ولد بيجه ولد يعين بيصير جد وش يبي من الدنيا وليش يبي يتزوج انا مقصرة في حقه وانتي اكثر وحده يا سلوى تعرفين اذا انا مقصره بحقه..
جلست سلوى عند الجوهرة ودار بينهم حكي كثير بعدين طلعت سلوى من الغرفه ولقت فيصل على مكانه..
سلوى:فيصل الى الحين جالس؟
فيصل:وش فيها اكيد قالت لك؟
سلوى:ما فيها شي بالعكس عادية بس انت الي مكبر السالفه امك تعبانه شوي هذي كل السالفه..
فيصل:نفس الحكي كللكم نفس الحكي بس انا تاكد انه امي فيها شي...
سلوى:طيب انا بروح تبي شي؟
فيصل:سلامتك..
سلوى:الله يسلمك...
ــــــــــــــــــــــــــــــــــــــــــــــــــ ــــــ
مر اليوم بسلام وفيصل وتركي ماكلموا بعض فيصل حس بغلطته وكان بيتاسف بس حب ياجل شوي عشان كل واحد يرتاح ..الجوهرة طلعت من الغرفة عشان فيصل الي ما قام من مكانه بس كانت بدنيا ثانيه....اليوم الساعه 12 صالح وصل بيته والجوهرة وفيصل جالسين بالصاله دخل وسلم وعادي الوضع الجوهرة ترحيبها فيه ما تغير.....
><
><
><
><
><
><
من بكرة المغرب كلم صالح عياله وقالهم يجون عنده المغرب يبيهم بموضوع وطبعا الموضوع بخصوص زواجه.....
نهاية الجزء وانشالله يعجبكم......
خديجه بنت حجاب غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
على ذمة الكوراني: اهل البيت نصارى وملكة بريطانيا من اهل البيت ~دموع الورد~ منتدى الأديان والمذاهب المعاصرة 1 05-18-2009 03:08 PM
البحث عن الحب...........................أول قصة طويلة مني................ روعه malak19 قصص وحكايات عربية وشعبية وعالمية 218 07-14-2008 03:16 PM

الساعة الآن 12:15 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103