تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

تفـــرقنا السنين ... ونجتمع والجرح نفس الجرح .... راويه رمانسيه جريئه ..حزينه

مشاهدة نتائج الإستطلاع: ما رأيك بالراويه صراحه مو مجاملة؟؟؟؟؟
جيد جيدا 0 0%
روووعه وممتازة 8 100.00%
المصوتون: 8. أنت لم تصوت في هذا الإستطلاع

إضافة رد
 
أدوات الموضوع انواع عرض الموضوع
قديم 07-30-2009, 10:24 PM   #1 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 

ADS
A 8 تفـــرقنا السنين ... ونجتمع والجرح نفس الجرح .... راويه رمانسيه جريئه ..حزينه




السلام عليكم
شلونكم حبايبي عساكم بخير
مثل دائما ..... اعود لكم بعد غيبه طويله مع راويتي الثالثه
((تفـــرقنا السنين ... ونجتمع والجرح نفس الجرح ))))

مســـاء النور .... صباح الخير .... مساء الخير.... صباح الفل
الايام تركض والسنين ايضا وكل انسان له حياته الالمه
فرح ... االالم .... حزن ... تعاسه ...
ظلم ... مظلوم ..... ... مخدوع ...
راويتي الثـــالثــة(( تفـــرقنا السنين ... ونجتمع والجرح نفس الجرح..))
تفـــرقنا السنين ... ونجتمع الجرح نفس الجرح
على درب الفراق .... دموع تسبق خطاوينا
شرحت ظروفنا للوقت .... ولكن ما فهم الشرح
هذا عنوان راويتي االالم ... جرح و ظلم إمراه ... وقلب رجل متحجر بسبب قسوته قلبه وظلمه فقد حبه للابد
والســـؤال هل يستعيد حبه او هذا لحظات فراق صعبه يجتمعون سوا




التعديل الأخير تم بواسطة *عذبه الاطباع* ; 07-30-2009 الساعة 10:36 PM
*عذبه الاطباع* غير متصل   رد مع اقتباس
قديم 07-30-2009, 10:37 PM   #2 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 
مســـاء النور .... صباح الخير .... مساء الخير.... صباح الفل
الايام تركض والسنين ايضا وكل انسان له حياته الالمه
فرح ... االالم .... حزن ... تعاسه ...
ظلم ... مظلوم ..... ... مخدوع ...
راويتي الثـــالثــة(( تفـــرقنا السنين ... ونجتمع والجرح نفس الجرح..))

تفـــرقنا السنين ... ونجتمع الجرح نفس الجرح
على درب الفراق .... دموع تسبق خطاوينا
شرحت ظروفنا للوقت .... ولكن ما فهم الشرح

هذا عنوان راويتي االالم ... جرح و ظلم إمراه ... وقلب رجل متحجر بسبب قسوته قلبه وظلمه فقد حبه للابد
والســـؤال هل يستعيد حبه او هذا لحظات فراق صعبه يجتمعون سوا



الجزء الاول


للكاتبه


·أسيــــ الحب ــــرة *


· عذبه الاطباع

نوره : ناصر ناصر حبي رجعت

ناصر: ولج عين تناديني يا قليله الادب ويضربها كف ((طراااااااااااااااااااااااااااااااااااااااخ))

نوره: ليـــــــــــــــش ؟ انا وش سويت

ناصر: نوره انتي طـــــــــــــالق

نوره: ناصر لالالالا
وين حبنا ... حب السنين تبخـــر... راح انا بنت عمتك انت اهلي وانت اغلى روحي

ناصر: يا سلام يا نوره ما قلت لج امي كل شيء الا امي
نوره انت حبي الوحيد ولكن اللي يتعدى على امي ما له مكانه بقلبي
اطلعي من حياتي

ولا اقدر انســــــــــــى خيانتج

نوره: بس انا مظـــــــــــلومه وربي الكعبه مظلومه
صدقني بيجي اليوم اللي بتندم وتعرف غلطتك ولكن صدقني ما اسامحك ابدا

انا طالعه ومستحيل ارجع مره ثانيه للشخص جرحني وظلمني
مع السلامه يا حبي الوحيد


((وقفه صغيره ))
نوره : بطله الراويه عمرها 21 سنه طيوبه وحبوبه وامها متوفيه من كان عمرها 3 سنين اللي ربتها جدتها ام امها اما ابوها .. نتكلم عنه بعدين لان له قصه اخرى .. وتعرفون سبب انقطاع علاقه نوره وابوها

ناصر: زوج نوره او طليقها وولد خالها وام امراه شريره وابوه نحيس يحب الفلوس ويأذي امه على طول ...


نرجع للقصه

في بيت متواضع بيت الجده في احد مناطق الكويت
طبعا الوقت وقت ضحي أي شاي ضحي مع صديقات الجده بتضحكون من سوالفهم

دخلت نوره مع جناطها((حقائبها )) وهي تبكي وتصيح وتدعي على ام ناصر لانها ظلمتها وحرمتها من حب حياتها وبعد كرهت ناصر شلون صدق امه وجذب أي كذب زوجته وحبيبته

نوره: يمه يمه يمه
وطاحت بحضنها وتصيح وتدعي عليهم كلهم الثلاثه

الجده: يما نوره وش فيج يا قلبي ليش هالصياح

وتدخل عليهم صديقه نوره المخلصه والوفيه ((ساره))
ساره: الحقير سواهـــــــــا هو وامه
حسبي الله عليه
لا يا نوره لا تبكيــــــــــن
دموعج غاليه ... ما يستـــاهل الحقير ... حبج

نوره: يما ... ساره ... ناصر طلقني وصدق امه وجذبني
اهـــــــــا ظلمني وفرقني
وشنو ذنبي اللي ببطني
تخيلي يقول اللي بطني مو ولده
انا يشــــــــك باخلاقي
انا تربيه امي حصه ... مستحيل اخون
يا ربي طلقني وهو ما راح يعترف بالولد
ولله اني مظلومه

واغمى عليها

الجده: يماااااااااااااااااااااا نوره

ساره اتصلي على اخوج مساعد نوديها المستشفى

ساره: ان شاء الله


في المستشفى
بعد ساعه طلع الدكتور

مساعد: بشر شلونها

ساره: أي دكتور شلون نوره

الدكتور: الصراحه
نوره جاءها انهيار عصبي وللاسف فقدت الجنين والله يعوض عليها
وبس لازم ترتاح

ساره: مشكور اقدر اشوفها

مساعد: ساره ابلغ ابو نوره اللي صار

ساره: لا اكيد نوره بتزعل لا تنسى هي تعصب كل ذكرنا سالفه ابوها
وادري ان ابوها موصيها عليك وبس لا تذكر شيء اهم شيء نوره تصحى والحمد الله فقدت الجنين لان ناصر نذل بينكر ابوته للجنين

مساعد: استغفر الله احد ينكر ابوته لفلذه كبده

ساره: مو منه من امه حسبي الله عليها فرقت بينهم

الجده : سمى عليج يا نوره

ساره: يما حصه نوره بخير وفي شيء صار

الجده: قولي شنو بسرعه

ساره: نوره فقدت الجنين ... سقطت

الجده: لا حــــــول ولا قوه الا بالله..... وقدر الله وما شاء فعل
وهي شلونها انحين

ساره: بخير وبس تحتاج راحه نفسيه وطبعا بروح للجامعه واشرح لهم ظروفها عشان ما يعطونها انذار او فصل

الجده: ما قصرتي يا بنتي انتي واخوج

ساره: شنو هالكلام نوره اختي واخت مساعد

نتعرف على ساره & مساعد

ساره: عمرها 21 سنه .. جميله وطيبه ولها قصه أي جرح ولا تثق باي رجل بعد تجربه سابقه لها ... نذكرها لاحق
وشعرها قصير بني وعيونها عسليه

مساعد: عمره 29 سنه وما تزوج وله اسباب طيب وخدوم ويحب الناس
ولا يفكر يتزوج حتى اخته تتزوج
علاقته باخته اكثر من اخوان لانهم ما لهم من بعض بعد وفاه اهلهم واخوهم الكبير وسندهم قرر يكون قوي ويسند اخته ولا يتركه لحظه وبعد ما عرف قصه نوره اعتبرها اخته بعد يبي يعوض عنها حنان الاب والاخ ... كان ومازال له دور ... ما تخلى عنها .. ومستحيل يتخلى عنها ...



في بيوت من افخم بيوت الكويت تسكن عائله بو فيصل

بو فيصل : عمره 45 رجل اعمال مشهور .. وله شركات مع اخوه بو محمد ورجل عصبي وله سر .. يجعله حزين وكئيب
وها ما يحير زوجته ام فيصل بنت عمه

ام فيصل : امراه طيبه وحنونه وتحب عيالها بجنون وكانت تتمنى بنت ولكن ما الله رزقها

فيصل: عمره 19 سنه ويدرس بالجامعه اول سنه بالهندسه

حمد: عمره 17 سنه ومشاغب وما قصر في الهواش وحركات شباب هالوقت


بو محمد : اخوه وبعد مرح وطيب وعمره 43

ام محمد: امراه طيبه ولكن تحب الحكي أي السوالف أي ما يتأمن على سر عندها

محمد: شاب حنطاوي عريض ومعضل شوي ويلعب العاب هالحديد ولكن مغرور ومتكبر ويدرس في نفس جامعه نوره أي نفس الكليه وعمره 24 سنه وصديقه الروح بالروح تركي

رغد: بنت طيوبه ولكن فيها شوي غرور مو حيل عمرها 20 سنه ما تحب تدرس قاعده بالبيت وتتمنى تكون عندها بنت عم ولكن للاسف ما في ....
وصديقتها الوفيه ... والمخلصه رنا وتدرس في معهد وتحب حب مووووووووووووت بمحمد وبس مو معبرها أي محتقرها

تركي: صديق محمد نفس عمره ولكن لون بشرته ابيض وحبوب أي طيب و لا عنده ذره من الكبر متواضع حيل ويحب الاطفال مووووووووت .. وله انشطه في الانتخابات الجامعية

بو فيصل : صباح الخير

ام فيصل: صباح النور هلا بو فيصل اصب لي شاي حليب

بو فيصل: لا بروح الشركه متاخر بس قومي العيال من النوم
خاسوا من النوم وقولي لفيصل يجي الشركه عندي اشغله بدل النوم والسهر والطلعات اللي ما له داعي

ام فيصل: من عيوني

بو فيصل: تسلم عيونج تأمرين على شيء

ام فيصل: سلامتك

التعديل الأخير تم بواسطة *عذبه الاطباع* ; 07-30-2009 الساعة 10:40 PM
*عذبه الاطباع* غير متصل   رد مع اقتباس
قديم 07-30-2009, 10:44 PM   #3 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 


بو فيصل: مع السلامه

ام فيصل وهي تكلم نفسها(( اها بخاطري ودي اعرف سر النظره الحزينه ... يا ربي ولله احبك وادري انك ما تبادلني هالحب ... بس ودي اعرف ليش احس بداخله حزن .. وكآبه .. والم ... ودي اعرف سرك ... ليش ما تفضفض لي .. وتوسع صدرك لي .. ))

في حرم الجامعه ... كليه الهندسه والبترول
محمد: صباح الخير با بو الشباب

تركي: هلا صباح النور ... شلونك وليش متاخر

محمد: يا عمي طير ما لي خلق احضر اول محاضره ممل وبايخ

تركي: يا محمد اعقل وعن سوالف اليهال ((الجهال))أي الصغار وترى الحضور مهم للماده هذاي

محمد: تركي امشى انا عازمك باحلى مطعم بس اختار أي مطعم

تركي: هههههههههههههههههههههههه
ما تخلي سوالفك هذاي هالعزيمه عشان ما تحضر محاضره دكتور مارغريت

محمد: أي ولله تكفى محاضره ممله

تركي: اوكي لعيونك بس اليوم امشى ابي مطعم ميس الغانم

محمد: من عيوني


اما في شقه ناصر

ناصر وهو يطالع أي يشوف نظره اخيره للشقه اللي عاش احلى سنه من عمره مع حب حياته ........ ما يصدق ان حبيبته تخون ..... ليــــــــــــــــــــــــــش ..... وين حبنـــــــــــا .... راح ...
ليش ما تكون كذبه جديده من امي ........لالالالالالالالالالالالالالالالالالالالالا لالالالالالالالالالالالالالا
مستحيل امي تكذب بالشيء .... الرسائل ... والارقام اللي موجوده في تلفونها ... والصور .... هذا اكبر دليل لخيــــــانتج
اكـــــــــرهج يا نوره .......... دمرت حيـــــــــــاتي
ويكسر كل شيء جدامه ... وراح للثلاجه وفتح زجاجه الخمر
كان متردد يشرب ولكن ........ يبي ينسى حبه ... ينسى جرحه
يبي ينســـى الالم .... وبدأ يشرب ... وهكـــــذا ام ناصر دمرت حياه ولدها الزوجيه السعيده واصبحت تعيسه ... تحول ناصر من شخص يصلي يصوم الى انسان يشرب ومن بنت الى بنت


سبحان الله ... من ليله تغيرت حياه ابطالنا ... نوره اصبحت قاسيه القلب قويه .. لا تسكت عن حقها ... ناصر اصبح شخص منحط مشروب وبنت ليل .... وسنرى هالايام بتجمعهم او كل واحد راح في طريقه؟؟

بعد مرور سته شهور
كثير من الاحداث والتغيرات طرأت على ابطالنا
نوره ... اصبحت اقوى واقسى قلب ...وعاهدته نفسه الا تسمح للحب ان يدخل حياته ... لان الحب بنظره ألم وحزن ....
دوامت الجامعه من جديد واليوم اول يوم لها بعد

ناصر.... اصبح مدمن ولكن لم ينسى نوره .... كل ما يشوف بنت يتخيلها نوره .... ويقول ولله احبج وما اقدر انســــــــاج
ولكن يتذكر حبه وخيانتها ولا يقدر ينسى جرحه

ام ناصر ... تخطط تزوج ولدها وتنسيه نوره وطوائف اهلها ولكن ناصر رافض يتزوج مره ثانيه ...

الجده .... تخطط تصلح بين نوره وابوها ... لان مهما صار او كان هذا ابوها واللحم ما يطلع من ظفر
ولكن نوره مستحيل تســــــــــامح ابوها لانه ظلمها وظلم امها
الجده صدق تكره ابو نوره ولكن نوره محتاج لسندها وهو ابوها
وطلبت من مساعد يساعدها


اشرقت شمس الصباح على ارض الكويت الحبيبه

طبعا امور الماديه بخير لانها قدمت على معاش شئون المطلقات وعايشه بخير ولا محتاجه لفلوس ابوها وتسوق سيارتها
سيارتها كامري بيضاء

نوره: في السياره تشغل اغنيتها المفضله(( تفرقنا السنين... ونجتمع الجرح نفس الجرح ..)) ولكن وعدت نفسها ما تفكر بناصر وتنساه وتفتح صفحه جديده ومساعده صديقتها ساره قدرت توقف على رجلها مره ثانيه

في مواقف السيارات بالجامعه في الخالديه ... صعب تلقى موقف امكن ساعه على ما تلقى موقف ......... وااااااااااااااااااااو ......... اخيرا لقت الموقف ... وحالتها حاله تنتظر السياره تطلع ................وفجااااااااااااااااااااااااااااااا اءه ..... شخص ثاني يوقف مكانه وهي احق بالموقف هذا ونزلت معصبه تبي تتهاوش مع الحقير اللي ما يحترم الاخرين

نوره: انت يا ما تستحي انا قبلك واحق بالموقف((المصفط))

محمد: هههههههههههههههههههههههههههاااااااااااااااي
من سبق لبق ..... انتي ساعه على ما تصفطين وقلت ليش انتظر عليميه تاخذ مصفط تروح تدور من جديد ....يلا منااااااااااااك
ويدزها بطرف اصبع ........كانه مقرف منها



انقهرت منه نوره وكانت بترد وبس تاخرت على محاضرتها


وهناك شخص يراقبها .. ... ويبتسم انها رجعت للجامعه ... اشتاق لها سنين وهو يحبها ... ولكن سمع انها تزوجت وفكر ينساها ........... وبعد عرف انها انفصلت عن زوجها .... وقرر ان يفوز بحبها



في كافيتريا الكليه ... البنات مجتمعات صديقات نوره ...
ليلى ... منى ..... ساره .... عهد

ليلى: يا مرحبــــــــــــــــا وسهلين ... اشوف الجامعه منوره

منى: يا هلالالالالا وغلالالالالالالالالا
عهد : الف مليوووووووووون مرحبـــــــــــــــــا وسهلين

ساره: شفتي كل هذا شوق لج يا كبر حظــــــــج

نوره ودموعها تنزل : وانا بعد اشتقت لكم يا احلى شله

ليلى: بمناسبه رجوعج للكليه انا عازمتكم احلى فطور

نوره: تسلمين بس ما له داعي

عهد: يا سلام انا ابي عزيمه

ليلى: انتي بس اللي يهمج بطنج وبس

وبعدها قضوا احلى وقت وطلعت نوره من الجامعه وهي راجعه بالبيت

في الاشاره
واقفه سياره جنبها وهي .......... سياره ناصر ومعاه بنت تضحك وبصوت عالي ... وهي تشوف ولا احتملت ........ شافت ناصر سكران ويغني ....... ما قدرت تتحمل .......حركت السياره وطافتها الاشاره الحمراء ولا اهتمت بحياتها

غيرت اتجــــــــــــــاها وراحت للبحر.... تبي تنســـــــــى همومها صدمه ان تلقى الشخص اللي يحبك بالحاله ... والمشكله انها ما قدرت تنســــــــــــــــاه

في شاطى البحر كان بوفيصل قاعد وحزين يتأمل البحر ويتذكر احلى ايام عمره ... لما كان عايش مع حب عمره ....حبيبته وتحدى الكل عشانها ... حتى ابوه وامه ............ ولكن خســــــــر حبه للابد
......... وخسر بعد فلذه كبده ......... وهي ثمره حبهما

بو فيصل: ليت الزمن يرجع واعيش حياتي مره ثانيه واصلح غلطتي

وكانت جالسه قريبا من نوره وسمعت كلامه واعطفت عليه وهي ما تعرف من يكـــــــــون بالنسبه لها

نوره: يا عمي ليت تفتح للشيطان باب

بو فيصل وهي يشوفها وبل يشوف ملامحها وكانه يشوف حب عمره

بو فيصل: يا بنتي الانسان يرتكب اخطاء ويندم طول العمر.... ويعيش يتمنى يرجع الزمن ليصلح .... غلطته .... ولكن ... فات الفوت

نوره: يا عمي ... عيش حياتك .. وانسى الماضي ... ادري ان الحزن بالقلب ... وصعب ننسى المحبوب ... ولكن نعيش عشان اللي نحبهم ............... عيالك........ زوجتك ........ بنتك

بو فيصل: اها يا بنتي ...... تدرين حتى بنتي ماتت قبل 21 سنه هي ثمره حبي الوحيد..... تدرين انا عايش مع زوجتي .....ولكن اتذكر حبي الوحيد....... واها بنتي لو انها عايشه بتكون نفس عمرك

نوره: الله يرحمها ......يا عمي امسح دموعك ......الدنيا ما تسوى ...عيش حياتك ولا تفكر

بو فيصل: يا بنتي تصدقين ارتحت لج ...

نوره: وانا بعد

بو فيصل: انا استأذن وهذا كرتي اذا تبين شيء اتصلي اعتبريني ابوك

نوره ولا اهتمت للكرت ولا اسم واخذت وحطته بالجنطه ((الحقيبه))

نوره: اذنك معاك عمي

وبعدها ارتاحت نوره شوي ..... اللي يشوف مصايب غيره تهون مصيبته....... وقالت الحمد لله ...... ورجعت البيت وهي مرتاحه


في فيلا بو محمد
رند قاعده مع رنا بالحديقه

رغد: افففففففففففففففففففففففففف مليت من نوم وسهر ... وما عندي شيء

رنا: ههههههههههههههههههههههههههه
لانج قاعده بالبيت ما عندج شغل ولا تداومي
نصيحه اخذيها من اختج (( كملي دراستج )) ويضيع الوقت وبدون ما تحسين

رغد: لالالالالالالالالالالالالالا ........... انا ادرس ........ مستحيل ... احضر ... محاضرات ... واختبارات وواجبات ......... خليني قاعده بالبيت احسن

وفجاااااااااااااءه يدخل محمد ويشوف اخته بالحديقه وحاب يسوي لها مقلب

طبعا رغد ورنا لابسين نفس اللبس برمود ابيض وبلوزه احمر ولابسين كاب أي اللي يشوفهم يقولون خوات


وبسرعه ركض محمد وشال اختع رغد ويركض فيها مثل المجنون ويرووووووووووح للمسبح

ويرميهاااااااااااااااااااااااااااااااااااااااااااا ااااا بالمااااااااااي


رغد: حموووووووووووووودي ..... شنو سويت

محمد ويلتفت ويشوف اخته جنبه وتصارخ عليه ويسأل نفسه اجل منو اللي شلتها ورميتها بالمسبح
وفجاااااااااااءه يدقق نظره ................ لالالالالالالالالالالالا
........... رنا رفيجه اختي


اما حاله رنا .................... ههههههههههههههههههههههههههههههههههههههههاي

ساحت بل ما صدقت ان محمد ... شالها .. هي بحلم او علم

محمد: وهو منصدوم وينسحب .... موقف محرج ....
اما رنا ... فرحانه ان محمد انتبه لها ... بمعنى عبرها ... او اعطى لها اهتمام .... بس محمد مو مهتم لها ..


رناوهي مسبح ولا تبي تطلع منه عشان محمد .. رماها فيه


رغد: يا هبــــــــــله .... محمد ... طلع من زمان ....... اصحي يا بنت

رنا: يا رغوووووووودي ..... يهبـــــــــل اخوج ... يا فرحتي شالني................... ما اصدق .... ودي يوقف الوقت .. لحظه ........تتوقعين .. محمد بيلتف لي ويحبني ... واكون محبوبته

رغد: لالالالالالالالالالالالالالالالالا
انتي ... صار بعقلج شيء ...... هي انتي اعقلي
اخوي ما في بنت ما شبكه معاه ... يعني ... انسيه
نصيحه يا رنا .... محمد بيجيب لج العذاب .... اصلا ... الحب كله عذاب... ابعدي عنه

رنا. احلى شيء بالحيـــــــــــــــــاه هو الحب

رغد: ما ينفع معاج الكلام ... اقول .. اطلعي من المسبح وغيري ملابسج... لا تمرضي

رنا: يلا .. تعالي ... اعطيني ايدج .. ساعديني ... وفجااااااااااااءه اسحبت ايد رغد ورمتها بالماي معاهااااااااااا

رغد: يا غداره ...


..........................................


في بيت مساعد وساره

ساره ونوره جالسين بغرفته ويسولفون ... تعرفون سوالف بنات

نوره: ساره قلبي ... للحين تحبي أحمد

ساره (( بانفعال )): احمد يخسي احبه ... كانت نزوه وعدت

نوره وهي تضغط على ايد رفيجتها وتعرفها متى تتألم ... وتعرف متى تكـــــــــابر
نوره: لا تنكــــرين انتي تحبين احمد .... بل تعشقينه بجنــــون

ساره من النوع كتوم ... ولكن عند نوره تنفجر البراكين ... المشاعر الحزينه المخبئه في صدرها

ساره: نوره ... اذا قلتج اكرهـــ ... ادري اني جذابه ... واذا قلت انا نسيته .... ادري اني جذابه ... احمد عمري وحياتي ..... ولما غدرني وجرحني وتركني وحدي .... كرهته غبائي .... شلون وثقت به .. شلون اعطيته اغلى ما تملكه البنت .... أي انا يا نوره اهديته لاحمد شرفي هديه .... عشان اثبت حبي .... وتدرين شنو كافئني .... رحــــــــــــــــــــــــــــــــــــــــــــــــ ـــــــل
وتتركني .... اعيش صدمه ... عمري ما راح انساها ..... واكرهــ شيء كرهته غبائي.... انا للحين مجنونه فيه ... لو يتصل فيني ....
تصدقين ... راح اجي .. واضمه بصدري واقوله
تكفــــــــــــــــى .... لا تتركني.... اعشقك بجنون ... سامحتك
بس ابي دقيقه

وكل هذا الكلام تقوله وهي تضم رفيجتها وتضربها بصدرها بقوه

نوره: ساره حبيبتي .... اللي راح ... راح ..... خلاص انسي الماضي .... وافتحي صفحه جديده ... وتذكري احمد هو الخســـــران لانه فقد افضل انسانه بالكــــــــويت ........ ومستحيـــــــل يلقى مثلها مثيل


مساعد وهي يطق الباب : طق طق .... ممكن ادخل

ساره وهي تمسح دموعها : أي حيـــــــــــاك يا الغالي

مساعد: ليـــــــش هالدموع ؟؟

نوره: ما عليك منها .... دلع بنـات .... المهم أمر يا الغالي

مساعد: عندي مفأجاه لكم ... انا حجزت شاليه لنا انتي وامي حصه وساره الحلوه

ساره: وااااااااااااااااااااااو ............ز فديتك .... يا احلى اخ بالدنيا

مساعد وهو مبتسم : فديتج يا احلى اخت بالدنيا ... وفديت اختي نوره واللي احلى منج بمــليون..

نوره: مشكــــــور

ساره: ترى اغار

مساعد: بايخه ... ويدزها .. يرميها باصبعه للخلف

ساره: انت كد هالحركه ... ولله لاوريك

مساعد: هههههههههههههههههههههههااااااااااااااااااااااي

اعلى ما خيلج اركبيه

نوره: ههههههههههههههههههههههههههههههههههههههه

يلا انا تأخرت على امي حصه

مساعد وساره : سلمي على امي حصه

.................................................. .......

عند بيت بوفيصل

فيصل : اقول حمد وينك

حمد: كاني في الكراج

فيصل : شنو عندك ... بسياره امي ... اعترف شنو ناوي

حمد وهي يضحك : ههههههههههههههههههاااااااااااااااااي
ويغمز عينه .... بسوي مقلب لامي ... واخرب سيارتها ... عشان تركب وسيارتي .... وهكذا يا اخي العزيز.... اعمل خططي الشهيره ... وبدقيقه توافق على طلباتي

فيصل: ههههههههههههههههههههههههههههههههاااااااااااااااااي
..... ولله يا حمد ... انت خطير ... بس لو ابوي ... يعرف ... يذبحك شوي... أي يقتلك يا اخي العزيز

حمد وفيصل اذا بيتطنزون ... يتكلمون باللغه العربي الفصحه... هذا طبعهم....

................
واشرقت شمس الصباح ... على أبطالنا الحـــــــلوين .....

ام فيصل : صباح النور يا بوفيصل

بو فيصل وهو يحاول ينسى الماضي ويدري ان بنت عمه صابره هالسنين ... رغم انه ما اعطاها كلمه حلوه ولا شينه ... بس صبرت وهو حاس فيه

بو فيصل: صباح الحب يا ام فيصل

ام فيصل ما صدقت عمرها ما سمعت كلمه حلوه منه .. عاشت معاه 19 سنه ولا سمعت كلمه حلوه .... أي هي طايره من الفرحه

ام فيصل : الله يصبحك الحب يا عيوني

بو فيصل : وش فطورك

ام فيصل : كل خير ... حياك

طلع بو فيصل من البيت الى الدوام ... وتترك ام فيصل بالفرحه ...

فيصل وحمد :
فيصل : شوف امي اول مره تضحك جذي

حمد: لا يكـــــــــون صاب بعقله شيء

فيصل : تتوقع انجنت يعني

حمد: لا اتوقع اكثر من الجنون

فيصل : تظن ان السبب هو والدنا العزيز

حمد: لا اظن يا اخي العزيز ... ان امنا اختلت عقليا

وفجااااااااااااااااااااااءه ينكب عليه ماااااااااااااااي

ام فيصل : ما تستحون ... تتطنزون علي

فيصل: لالالالالالالالالالالالا......... شعري اخترب ... يا امي العزيزه ما ذنبا

حمد: ههههههههههههههههههههههههاااااااااااااااي
اقول ... يا اخي العزيز ... خساره الجل بشعرك ... لان امنا تحب التوفير ... ولا تحب حركات شباب هالوقت

فيصل: هذاي الموضه ... شنو عرفك يا بدوي
حمد: هههههههههههههههههههههههههههههه
اقول .. انا تأخرت على المدرسه ... بروح اغير ملابسي واطلع ... وامي العزيزه شكرا .... لانك وفرتي علي السبوح ... أي تسبحت وخلصت ... غيري بيتسبح مرتين

فيصل : هههههههههههههههههههههههاااااااااااااي
يا كلب ... تعال ... ولله ادفعك الثمن ... غالي

ام فيصل : خلصت ...بدل ملابسك ... وروح الجامعه ... احسن من مزحكم البايخ
فيصل: من عيــــــــــــــوني



في الجامعه .... في مواقف السيارات ... انتبه نوره ان محمد بيوقف سيارته وفجااااااااااااءه ......تاخذ موقفه

نزل محمد والشر بعيونه: هـــــــــــي انتي ... من سمح لج تاخذين المصفط ((الموقف)) انا احق

نوره بغرور زياده : من سبق لبق ... عن اذنك وراءي محــــــــاضره .......روح دور عن مصفط ثاني .... لانك ماهر بالسواقه ... وانا عليميه ما اعرف اصفط عدل ..........باااااااااااااااااااااي

محمد كان بيزودها معاها ولكن تركي وقفه

تركي: يا اخي اهدأ

نوره من بعيده وبصوت عالي : وحده بوحده يا سيد محمد

محمد:هذاي اللي بذبحها

تركي: عشاني روح دور عن مصفط ثاني وانا انتظرك بالقاعه

محمد: عشانك ... بس ولله ما اخليها ... حتى ادبها

انتهى الفصـــــــل الاول
للكاتبه
• أسيـــ الحب ــــرة *
• عذبه الاطباع *
هذا بدايه قصتنا ... ولكن احداث مشوقه اكثر ... تابعوني

ما راح اكتب اسئله ... بس ابي اعرف توقعات وتعليقاتكم ... هل البدايه حلوه .... نوره وناصر بيجتمعون ... اما قصه حب جديده اخرى بتكتب

تترقبـــــــــــــوا الفصل الثاني
*عذبه الاطباع* غير متصل   رد مع اقتباس
قديم 07-31-2009, 10:30 PM   #4 (permalink)
يوبنكا
عضو موقوف
فيني ألم في القلب مطعون
 
A 8


حبيبتى وغاليتى اسووووووووووووووووووووووووووورة
#### عذووووووووووووووووووووووووووووب ####
انا حبيت ان يكون اول اهداء ومشاركة يكون منى ليكى
برويتك الجديدة وانا لسة راح ابداء بقرائتها الان وراح اقولك
رائى فى بداية الرواية بعد ما خلص من قرائة البارت
ومقدما انا بقولك تسلمممممممممممممممم يداك
غاليتى من حبيبتك المخلصة /
يوبنكــــــــــــــــــــــــــا
يوبنكا غير متصل   رد مع اقتباس
قديم 08-01-2009, 03:56 PM   #5 (permalink)
white-mocha
رومانسي مبتديء
 
يلا كملي القصة
white-mocha غير متصل   رد مع اقتباس
قديم 08-01-2009, 03:57 PM   #6 (permalink)
white-mocha
رومانسي مبتديء
 
والله تشوقنا
white-mocha غير متصل   رد مع اقتباس
قديم 08-01-2009, 05:25 PM   #7 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 
اقتباس:
المشاركة الأصلية كتبت بواسطة يوبنكا

حبيبتى وغاليتى اسووووووووووووووووووووووووووورة
#### عذووووووووووووووووووووووووووووب ####
انا حبيت ان يكون اول اهداء ومشاركة يكون منى ليكى
برويتك الجديدة وانا لسة راح ابداء بقرائتها الان وراح اقولك
رائى فى بداية الرواية بعد ما خلص من قرائة البارت
ومقدما انا بقولك تسلمممممممممممممممم يداك
غاليتى من حبيبتك المخلصة /
يوبنكــــــــــــــــــــــــــا





هلالالالالالالالالالالالالالالالالالالالالالالا وغلالالالالالالالالالالالالالالالالالالالالالا
حبيبتي ونور عيني
يوبنــــــــــــــــــكا
تسلمي يا حلوي
يسعدني انك اول ما رديتي
الله يسلمج
واهدي البارت الجااااااااااااااااي
اهدااااااااااااء خاااااااااااص لج
لانج افضل مشجعه لي

وسلالالالالالالالالالالالالالالالالالالالالام
*عذبه الاطباع* غير متصل   رد مع اقتباس
قديم 08-01-2009, 05:26 PM   #8 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 
الجــــــزء الثاني


للكاتبه


·أسيــــــ الحب ــــرة *


·عذبه الاطباع *


دخلت محمد للقاعه متاخرا ولكن اعتذر من الدكتور ... وفجااااااااءه انصدم ... البنت الوقحه الجريئه اللي تتحدى محمد ... في نفس الكلام ... ابتسم ... ابتسامه خبيثه ... يعني ... ناويلك على نيه ... بس انت اصبر شوي.... ما يخبى القدر ل محمد ونوره ؟؟؟؟

تركي : اهلين ... ها بشر لقيت مصفط عدل

محمد وهو يغمز له ويضحك : احلى مصفط

وانتهت المحاضره ... وراحت نوره تبي تلحق على محاضرتها الثانيه وهي بمكان ثاني ... أي تحتاج للسياره ... وسرعت تبي تركب سيارتها ... وبـــــــــــس المصيبه ........لالالالالالالالالالالالالالا
في سياره مسكره عليها .... أي ما تقدر تطلع ... وفجاءه دققت النظر...
لالالالالالالالالالالالالا ...... هالحقير سواهــــــــــــــــا
....... بعد طلاق نوره ... اصبحت لا تخشى أي شيء ... ادخلت الكليه وتدور عيونها عن شخص تبي تأدبه .... تبي تعلمه شلون يحترم الحريم ...... ولقتها ... قاعد مع ربعه أي مجموعته ... وكان تركي معاهم وانتبه لها وهي متجهه لهم وابتسم ابتســــامه خفيفه ... وانتبه انها بوجهه غضب .... لالالالالالا .... نوره تغيرت

نوره: انت .... يا هـــــــــــــو .... يلا حرك سيارتك

محمد وهو يضحك : نعم تكلميني

نوره: انت عارف شنو اقصد..... بعد سيارتك عن سيارتي .... عشان وراءي محاضره .... ترى مو مرجله توقف سيارتك جدام سيارتي ... عشان ما اطلع

محمد: ههههههههههههههههههههههههههاااااااااااااااااااااي
بطلعها ..... بس بشرط

نوره: شنو

محمد: تتوسلي ... اكثر .... عشان اطلعها ... وامكن افكر اطلعها

تركي: يا محمد بلا حركات اللي ما لها داعي عطني المفتاح وانا اطلعها

نوره: هههههههههههههههههههههههاااااااااااااااااي

شوف ... يا اخ محمد .... لا ما اتشرف تكون اخوي ... الحمد لله ... ما اتوسل لك ... اتوسل الى عامل الزباله ... ولا اتوسل لك .... أي اغسل ايدك ... ما في

محمد: ههههههههههههههههههههههه
اغسلها بشنو .... صابون ديتول

نوره: اشك الديتول ينظف وساختك أي قذراتك .... تدري الوقت ضايع معك ... اروح محاضرتي مع الباص احسن .... وتدري خله سيارتك انزين ......


محمد انقهر منها حقرتها واهانته جدام ربعه وتركي يحاول يهديه وراح يشوفه سيارته ما يدري ليـــــــــــــــش

وفجـــــــــــــــــــــــــــاءه

محمد: وهو يصارخ ......... يا بنــــــــــــــت ..... بذبحها

تركي وهو يضحك مو قادر يستوعب الموقف اربع اطارات مبنشره ومحمد مكهرب أي واصله اعصابه حده .... وما احد يقدر يهديه

محمد: ولله لادبها .... واخليها تتعلم .... شلون تتحدانى ... انا محمد ولد عبد العزيز .... تجي هذاي اخر زماني ... وتهينئي ... ولله لعلمها ... منو ... محمد .... وتندم الساعه اللي عرفتني ...

تركي: يا خوفي انت اللي تندم ... امشى بس ... الدنيا ما تســــــــوى
... هذا سيارتي ... يلا يا خوي

محمد: تركي ... بموت من القهـــر ... اخر زماني ... بنت تتحداني ...
اها يا القهر

تركي: محمد .. وبعدين معاك .. من ركبت السياره .. وانت تتحطم .. بس ... انتهى ... صار اللي صار .... وبعدين ... يفضل تعتذر من البنت ...لانك انت البادي .... ولا تنسى هي بنت ... مهما كان تظل بنت ديرتك .... استحى على وجهك ... ولا تكرر حركاتك معاها ... وانت عارف ... شنو اقصد

محمد: تركي ... تعرف تسوق وانت ساكت ... ونصيحه ...ابعد عني ... ولا تتدخل ... باخذ حقي منها .... بنشوف يا نوره .. منو اللي يفوز
انــــــــــــــــا او انتــــــــــــــــي

هههههههههههههههههههههههههاااااااااااااااااااااي

تركي: الله يهـــــــــــديك .... وبقلبه (( ويحمي نوره منك )) ويبتسم ابتسامه خفيفه ..... اشتقت لج


في سياره ساره

ساره: نوره قول لي ولله ........ههههههههههههههههههاااااااااااااااي ...... ما توقعت تسوينها....

نوره: لا تنسين هو البادي ويستاهل ... انا ما قلت تعال ... هو اللي بدأ ... ولازم يتحمل نتيجه افعاله ... ما يعرف منو نوره

ساره: بس يا نوره .... يا خوفي ... يحطج براسه ... هذا محمد ..مو سهل

نوره: وانا نوره ... مو سهله

ساره: نوره تغيرتي .... وين الخجل والحيا .... وين جاءت الجراءه هذاي كلها

نوره: علمتني هالدنيا .... الساكت عن الحق شيطان اخرس ... وانا قررت ما اسكت عن حقي.... اللي يتهجم علي ... يتحمل ما يجيه من نوره .... لان الطيبه اللي بقلبي ماتت .... مثل مات الحب بقلبي ... شفتي شنو صار فيني ... ناصر كان واثق فيني .... وانا كنت طيبه حيله مع ام ناصر واستغلتني .... هذاي هالطيبه ما ابيها ... ساره روحي البحر ... انا متضايقه

*عذبه الاطباع* غير متصل   رد مع اقتباس
قديم 08-01-2009, 05:37 PM   #9 (permalink)
*عذبه الاطباع*
رومانسي فعال
 
الصورة الرمزية *عذبه الاطباع*
 
ساره: من عيـــــــــــــــوني

في البحر

ناصر .... يشرب بجنــــــــون اكثــــــــر .... بعد ما عرف الحقيقه .. من امه .... غريبه في لحظه غضب .... امه قالت الصدق

كان ناصر راجع ونص سكران أي شارب أي صاحي شوي

ام ناصر ... تحن عليه يتزوج .. تقول هذاي فلانه حلوه ... تعرفوا ... اذا بغت ام تزوج ولدها ... تحن ... تحن..

بس ناصر ..... كل طاقه لها حد .... أي ما عاد يتحمل ... حنى امه على الزواج..... ليش ما تفهم ...... ما اتخيل زوجـــــــــــــــــــــــــــــــــــــــــــــــ ــه غير نوره
ولا حبيبــــــــــــــــــــــه غير نوره
ولا عشيقــــــــــــــــته غير نوره
ولا حب غير نوره

ناصر: يمــــــــــاااااااااااااااااااااااااااااااااااااا اااااااااا
خلاص .... الزواج شيليه من رأسج ... انا مستحيل اتزوج بعد نوره

ام ناصر: بس نوره .... خانتك ....

ناصر: وحتى لو تخوني ..... صعب القلب ... يعشق غيرها ...... صعب الروح تتقبل روح غيرها ...... صعبه العيش بالحياه من دونها

ام ناصر ( بلحظه غضب ): انت ... غبـــــــــــــــي ..... يعني كل جهـــــــودي ... راحت ... أي خططي راحت ... فشلت .... كل محاولاتي عشان تاخذ غير نوره ... فشلت

ناصر: بدأ يشك ... يما انت لج ايد بطلاقي من نوره

ام ناصر: هاااااااااااااااااااااا ....... وانا شكـــــــــو.... الخط شفته خطها ... والارقام بتلفونها .... ولا تنسى الشخص اللي دخل بيتك وقدر ينحاش منك (( وهالشيء ما قاله ناصر لامه ))) رب يمهل ولا يهمل


ناصر: وانا متى قلتج عن الرجال اللي كان بيتي وانحــــــــاش(( هرب ))

ام ناصر: هاااااااااااااا .... انت قلت

ناصر ويكســـــــر الكأس على الارض : لالالالالالالالالالالالالالالالالالالالالالالالالا لالالالالالالالالالالالالالالالالا
ما قلت لج
انت لاول مره تقول لي شيء صح
انـــــــــا غبي شلون صدقتج ... وكذبت حبي .... واللي بطنها ولدي

وطلع من بيت يبي يصلح غلطته ... ولكن استقبلته الجده حصه واطردتها وقالت ان نوره سقطت الجنين .... أي ولدك اللي تبيه ما تعترف فيه مــات
ارتحـــــــــــــــت .... مات مات مات مات مات مات
وطلع وهو نـــــدمان ويبي يصلح غلطته
ولكن لفات الفوت ما ينفع الصـــــــــــوت
نوره تغيــــــــــــــرت اصبحت قاسيه ... وقلبها لا يرحم

وقرر يطلع ناصر يروح للشاليهات يحاول ينسى ولكن مستحيل يقدر ينساها


تفـــرقنا السنين ... ونجتمع الجرح نفس الجرح


على درب الفراق .... دموع تسبق خطاوينا


شرحت ظروفنا للوقت .... ولكن ما فهم الشرح


في السعـــــــوديه
نتعرف على خاله ساره وهي ام مشاعل (( وام ساره سعوديه وهي خالتهم الوحيده ... وعندها بنت وحدها واسمها مشاعل وعمرها 23 سنه وتحب مساعد ... وبعد مساعد يحبها ... وقررت الخاله تزور عيال اختها ..

في المطار ... مساعد يستقبل خالته ومشاعل

مساعد: هلا وغلا ... خالتي الحلوه

ام مشاعل : هلا فيك يا حبيبي ... اشتقت لكم .. انت وساره

مشاعل: هلا مساعد ... شلونك

مساعد ( يبتسم اشتاق لها )): هلا وغلا ... انا بخير .. لما شفتج... اشوف الكويت .. منوره ... مشاعل الحلوه ...موجوده

مشاعل: منوره باهلها

ام مشاعل : احم احم ... ممكن نمشي

مساعد: من عيـــــــــــــــوني ... ترى ساره ما تعرف انكم تجــــــون ... محضرتها مفاجأه لها

مشاعل: أي احسن ... اشتقت لها هالدبه هذاااااي



في فيلا ام محمد (( خلونا نتكلم عن ام محمد ))
ام محمد: تحب الجمعات والسهرات ... كل يومين ... تسوي جمعه حريم .. قهوه وشاي وحلا ... وسوالف حريم ... أي اجتماعيه جدا .. بيتها يكون مزدحم ... ومحمد ... ما يقدر يقعد بالبيت على راحته .. اذا امه سوت حفلاتها اللي ما تخلص ... ولا تهتم لزوجها ولا لولدها او بنتها


ام محمد : هلا وغلا ... ام فيصل ... اخيرا شرفتي حفلتي البسيطه

ام فيصل : هلا فيج .. هذا مو حفله بسيطه ... اللي يشوف .. يقول عندج عرس

ام محمد: هههههههههههههههههههههه.... لازم ... تعرفيني ... احب الكشخه في كل شيء ... حتى في عزايمي ... المهم حياج

ام فيصل: على العموم ما اقدر اطول ... لان بو فيصل بيرجع ...

ام محمد (( بطقاق )): براحتج قلبي


في غرفه رغد قاعده معاها رنا ويسولفون

رنا: يماااااااا ... شنو ... يا كثر الحريم .. اللي عند امج ... ليش ما ساعدتي امج .. استقبلي الحريم معاها

رغد: لالالالالالالالالالالا... اصلا .. صديقات امي متكبرات .. وشايفين انهم احسن من كل الناس ... ما احب اسولف معاهم.. ولا ابي ازعل امي... وانتي تعرفين اقول كلمه الحق ولو على قص رقبتي ... أي ما يهمني احد...وامي بتزعل لاني بجرح .. صديقاتها العزيزات... خليني جذي احسن


رنا: اممممممممممممممممممممممممممم...... الى متى نظل حابسين انفسنا هني ... شرايج نطلع نغير جوا

رغد: اوكي ... ونقدر نطلع من الباب الخلفي ... دقيقه اغير ملابسي


في بيت مساعد وساره

ساره فتحت الباب : مو كأني اسمع صوت خالتي ام مشاعل .. ومشاعل بعد ... لا لا خالتي بالسعوديه ... يمكن اتوهم ..

مشاعل : مفـــــــــــــــأجاه .... احنا هني

ام مشاعل : أي

ساره: وااااااااااااااااااااااااااااااااااو..... احلى مفأجاه ... يا مليــــــــــــــون مرحبا وسهليـــــــن .... اسفرت وانورت... اشتقت لج يا حيـــــــــــــــــــــوانه ... ولله لكم وحشه

مساعد: يمااااااااااااااااا ..... كل هذا شوق لخالتج وبنتها ... وانا ما لي شيء ...

ساره: وهي تضم اخوها .... انت نور البيت .... انت حيـــــــــــــاتي ... عمري ... اهلي وتاج رأسي

مساعد وهو يضحك: اشواااااااااااااااااا...... كان ذبحتج

ساره: هلا وغلا مشاعل .... تعالي ... نروح لغرفتي

ام مشاعل : يا عمري روحي ... انا بنام تعبانه من السفر

مساعد وهو يغمز عينه : وانا بعد وراءي دوام باجر من الصبح


مشاعل : ها قولي اخبارج .... وشلون احمد ...

ساره لما سمعت اسمه نزلت دمعه من عينها : احمد ..... قصه طويله ...

مشاعل : ساره .... صار شيء انا ما اعرفه

ساره : وهي تشكي لبنت خالتها اللي اعتبرتها مثل اختها..... ودي اعرف سبب غيبته .... ودي اعرف وينه .... تخيلي مساعد قرر يطلقني منه ... لانه تملج وسافر ولا دريت أي خبر عنه ... هو ميت او حيا.... يا شوشو انا تعبت .... قلبي تعب ... يبي يرتاح ... ابي اعرف بس شيء واحد
ليــــــــــــــــــــــــــــــــــــش ؟؟؟؟؟؟؟

(( أي احمد زوجها وحبيبها وهو صديق مساعد الروح بالروح ... وهذا مسبب ضيقه لاخوها ... ان اعطى لصديقه ثقه زياده ولكن سافر ولا قال ولا شيء ... ثلاث سنين هو ما في خبر عنه ... مساعد ما يعرف ان احمد دخل على ساره .... وهذا مصيبه اخرى ... خائفه ساره من غدر الزمان ... وخائفه على حبيبها احمد ....))

مشاعل: يا قلبي عليك يا ساره ... كل هذا صار لج

ساره: يا مشاعل ... متى ربي يفرجها ... الى يومج هذا ما نعرف عنه شيء ... حتى اهله .. ما يدرون عنه شيء ... اكيد صار له شيء

مشاعل: يا حبيبتي ساره ... لا تخافي ربك معاك .. وان شاء الله الغايب يرجع ... وكل غايب له عذر ... امكن تعبان .... او ما ادري... اكيد شيء يمنعه انه يرجعه ... أي غصب عنه ... المهم ... نامي ...

ساره: تصبحي على خير ... وبعد يومين مساعد مأجر لنا شاليهات . الحمد لله انك جيتوا .

مشاعل : من حسن حظنا... وانتي من اهله



.................................................. ............

واشرقت شمس الصباح على ارضنا الكويت الحلوه

محمد وهو يتوعد في نوره ... وحالف يأدبها
نوره مستعده للتحدي

في فيلا ام فيصل

فيصل وحمد نايمين ... احلى نومه ... وامهم تحاول تصيحهم ... وما فائده ... وقررت انها تصيحهم غصب عنهم...
اخذت سطل ماي كبير ... وبلحظه ...
طراااااااااااااااااااااااااااااااااااااااااااااش

فيصل: يمااااااااااااااااااااااااا.... شنو صاير ... اخيرا نزل مطر على الكويت

حمد: لالالالالالالالالالالالالالالالالا.... فيضان .. الحمد الله والشكر ... اخيرا نزل مطر في ارض الكويت الحبيبه

وامهم انقهرت منهم وطلعت منهم وهي معصبــــــــــــــه

فيصل: حموووووودي ... اقول .. الولده غضبت منا

حمد: اتوقع يا اخي العزيز ... ان مصيبه قادمه .. نحونا

فيصل: انا لا اعتقد::: بل متــــــــــــــأكد

حمد: اقول ... قوم قبل لا تقـــــــــوم الحرب العالميه الثالثه



فيصل وهو يبوس رأمه : صباح الحب .. يا احلى ام بالكويت

حمد وهو يبوس ايديه: صباح العشق ... لافضل امراه بحياتي .. يا امي العزيزه

بو فيصل : وانا ما لي شيء..

فيصل : اكيد ...أنت رأس المال

حمد: ههههههههههههه اجل رأس خروف
بو فيصل: شنوووووووووووووووووووووو

حمد: لا ما قلت شيء ويطلع بسرعه

فيصل : انا استأذن .. مع السلامه


بو فيصل : ام فيصل .... الخميس هذا بنطلع الشاليهات ... خليكم جاهزين

ام فيصل: من عيوني

بو فيصل يبتسم : تسلم عيونج الحلوه



في الجامعه ... طبعا نوره راحت مع ساره ... لان سيارتها في موقفها ... بعد اللي صار مع محمد ...

ساره: نوره ... نصيحه .. ابعدي عن محمد

نوره: لا تخافي علي ... امشي

في الجامعه ... ما صار شيء بين محمد ونوره .... امكن .. هذا الهدوء اللي يسبق العاصفه .... بس اللي حصلت ... كل واحد يخز الثاني ... أي نظرات .... ناويلك على نيه ... بس انت اصبر شوي


وجاء يوم المنتظر ... يوم الخميس ... شوف الصدفه ... الكل حاجز شاليه
مساعد وخالته ومشاعل وساره .... شاليه
نوره وجدتها ... شاليه

ام فيصل وبو فيصل .... شاليه قريبا منهم
ام محمد وبو محمد .... شاليه قريبا
بعد تركي وعائلته شاليه وبنتعرف على عائلته قريبا
بندر اخوه الكبير .... جراح مشهور وعمره 29 سنه وصديق مساعد
وخواته التؤام لين وليان .... عمرهم 18 سنه هالتؤام عسل بالقلب
ام بندر : امرا كبيره ... تحب عيالها موووت ... وهي مطلقه وطليقها سعودي وهي عايشه بالكويت وبفضل طلاقها عيالها اخذوا الجنسيه الكويتيه .... سبب طلاقها مجهول ... ولا تحب تتكلم عن اهل طليقها ... في داخله غصه .... في كل بيت أسرار .. وهالسر حلفت ما تكشفه لعيالها ... مهما صار ... هذا اهل عيالها

وسخـــــــــــــــــريه القدر .... جمعهما ... وفرقهما ... وجمعهما ايضا .... شاليه ناصر قريبا من شاليه نوره ..... كيف سيكون اللقاء بينهما ؟ هل نوره تسامحه ؟

نوره ... طلعت للبحر وتبي تشمى هوا .... تحس انها مخنتقه ... كل شيء يذكرها فيه .... صعب النسيان .. وبدأت تغني بصوتها الحزين وهناك شخص يسمعها .... ويتعذب من عذابها


لازد فيني الحزن .... اكتم دموعي واؤن


واقول ابدا ما أبيك ..... واذكر هوانــــا واحنى


وينك عني انا ... وكلتني العنــأ


ما كاني اللي هويت ... ولا كنا انفسنا



وتطلع لين وليان : واااااااااااااااااااااو.... صوتج روعه ...

نوره وهي تمسح دموعها : هلا .. مشكوره

لين : انا لين وهذا اختي التؤام ليان

نوره : وانا نوره

لين : تشرفتنا بمعرفتج .... هذا شاليه لنا ...تعالي .. حياج بأي وقت ... نبي نسهر سهره بنات ... وتعالي مع بنات عمج او صديقاتج نبي جمعه بنات وبس

نوره: ههههههههههههههههههههههههه .... يا حلوكم ... انا ما عندي بنات عم او خاله ... بس عندي اخت دنيا وبنت خالتها ... من عيوني ... السهره راح تكون هني ... على الشاطىء

لين : تم



في دوله أخرى ... في المانيا ... في المستشفى ... شخصان

.....: وبعدين معاك يا خوي .. الى متى حالك ... لا انت ميت ولا حي ... اتصل على اهلك طمئنهم عنك .... امك اختك وبعد حبيبتك

....: اهــــــــــا .. ما اقدر انا مريض بمرض ما له علاج .. لا انا ميت ولا حي ... ما اقدر اعذبهم معاي ... الله يرحم والديك اسكت ... وبس تدري اشتقت لها ... اشتقت الى دلوعتي الصغيره ... يا حلوه دلعها ... يا رب اشفني بسرعه عشان ارجع عشانها .... هي حيــــــاتي ... سامحيني .. ما اقدر اتصل عليج ... ما ابيها تتعذب معاي




ونرجع الكويت ... في الشاليهات

محمد وتركي : يلعبون كره
محمد وتركي بو محمد فريق
فيصل وحمد وبندر فريق
بو فيصل هو الحكــــــــــــم

محمد: يبـــــــا العب عدل ... تكفى ... اعطني الكره

بو محمد: اسكت يا ولد... انا ابوك .. اعرف العب

بندر: هههههههههههههههههههههههههه ..... يا محمد .. العب ... احنا بنفوز عليكم

محمد: اذا معاك فريق اللغه العربيه الفصحه ... لا خســـــــــرت

وفجـــــــــــــــأه
كووووووووووووووووووووووووووووووووول

فيصل: ماذا قلت يا اخ محمد ؟ نحن فريق اللغه العربيه ؟ نعرف كيف نرمي الكره في شباك المرمى .............ز


تركي: اقول .... حمود اسكت والعب

محمد: انزين


وانتهت المباره فاز فريق بندر على فريق محمد ب 2 الى 1

لين : رغد حبيبتي .. تعرفنا على وحده قمر شوي عليها قمر

ليان : وصوتها روعه :: بس مبين عليها حزينه

رغد: يا قلبي ودي اتعرف عليها ....


اما عند مساعد ومشاعل

مساعد : يا ساره ... وينج يا ساره

وفجااااااااااءه تطلع عليه مشاعل
مشاعل : ساره طلعت ...أمر ..

مساعد وهو منحرج: ما يأمر عليج عدو ... بس ابيها تساعدني .. نزل الاغراض من السياره

مشاعل: انا اساعدك

مساعد: ما ابي اتعبك

مشاعل: تعبك راحه لي
مساعد: اوكي .. بس انا ما غصبتج

في السياره

مساعد يبتسم ويفكر (( مشاعل كبرت وحلوت ... ما تغيرت .. تحب تساعد الغير ... مهما كان

وفجاااااااااءه يسقط الكيس على رجل مشاعل

مشاعل : اااااااااااااااااااااااي ..... يعور

مساعد: سلامات .. شنو اللي يعورج

مشاعل : اصابع رجلي تعورني...

مساعد: ويروح يجيب ثلج ويحطها على رجلها

مشاعل تبتسم ايضا له (( احبك .... قلت اظن حبي حب اطفال أي مراهقه ... نزوه وتعدي .... حبي لك تتعدى هالحدود ... احبك ))

مساعد: ها انحين احسن

مشاعل : أي مشكور

مساعد: لا شكر على واجب

ساره : احم احم احم ..... انا هنـــــــــا

مساعد: هلا ساره ... تعالي ساعديني

ساره: ما شاء الله مشاعل ما قصرت وانت بعد وتغمز عينها

مساعد(( احرجته طيب ولله لاوريج )): عن اذنكم بتمشى على البحر شوي ... ساره شيلي باقي الاغراض

مشاعل : ساره ليش احرجتيه

ساره: نعم نعم .. الاخت تدافع عن حبيب القلب

مشاعل: ســـــــــــــاره

ساره: خلاص ... باسكت ... بدخل الاغراض احسن ... وترى بالليل في سهره على شاطئ ... نوره تعرفت على تؤام عسل

مشاعل : اوكي


في الشاطىء يمشى مساعد ولا انتبه للشخص أي اصدمه
بندر وهو معصب : ما تشوف عمى

مساعد: هههههههههههههههههههههههه اعصابك يا بندر

بندر : مساعد شنو هالصدفه الحلوه

مساعد: انا حاجز شاليه لاهلي

بندر: حتى انا .... اجل تعال معاي

مساعد: من عيوني ... اشتقت لسوالفك

بندر: وحتى انا


وجاء الليل وكان ضوء القمر على شاطئ ... معطي جو رومانسي

جاءت نوره وساره ومشاعل قاعدين قريبا من الماي

رغد: خليني اخمن انتي نوره

نوره: هههههههههههههههههههه شلون عرفتيني

رغد: من عيونج فيها لمعان غريب ... اسمحي اقول لج فيها لمعه حزن

نوره اسكت ... رغد صابت على الوتر الحساس

مشاعل : هلا انا مشاعل وهذاي ساره

لين : غريبه ساره ما تشبهي مشاعل ... صح هي بنت خالتج

ساره: أي .... بس مو شرط نشبه بعض

ليان: كاني شفت وحدها تشبج بالسعوديه

ساره: ههههههههههههههههههههههههههه.... تصدقين ما عندي اقارب بالسعوديه غير خالتي وهالمزيون

لين : يخلق من الشبه اربعين

نوره: رغد حبيبتي كم عمرج

رغد: تتوقعين ... كم
نوره: 17 سنه

رغد: ههههههههههههههه ... كل اللي يشوفون يقولون اصغر ... عمري 19

نوره: شكلج كيوت ...

لين : نوره حبيبتي سمعيني اغنيه من صوتج

نوره: شنو تبون تسمعون

ليان: على راحتج ... أي شيء منج حلو

ساره: سمعيهم ... اليوم اللي سمعته ... كلمات حلوه

نوره وفز قلبها : اوكي

أنت في افكاري ... ذكرياتي كل يوم


لماذا تعذبني يا حبيبي؟


أنت دائما في أفكارء ذكرياتي احلامي




وهناك شخص قاعد على بلكونه ويشرب ... وسمع صوتها ... وفز قلبها ... ويركض مثل المجنون .... يدور عن صاحبه هالصوت ... شافها وهي لابسه برمود ابيض مع بلوزه احمر قلوب وشعرها ... الرووووعه
وركض ولا اهتم انها خلاص هي مطلقته ... بنظره هي حياته ... حبه ... ويبي يستعيد ... ولا اهتم للبنات ... الموجودات

ومسك ايدها بقووووووه: سامحيني

نوره: انصدمت ... ناصر جدامه ويسبحها بقووووووه وكان مو وعيه

ساره تصارخ: اتركهـــــا يا حقير

وناصر سكران : ضربها كــــــــــف .... ما لج شغل ... هذا حبيبتي

اما نوره مصـــــدومه .... مو قادره تتكلم ... ناصر جدامه ... دقات قلبه تدق بسرعه .... تحس قلبها بيطلع من مكانه ....

وبــدا يغني بصوته الحزين

في قلبي شيء بقوله


وابي تسمعني للاخر


انا كل لحظه لك اوله


تعب قلب وهو صابر


ابا اتقرب انا لدنياك


وتصير عيونك اوطاني


واعيش احلى العمر وياك


وانسى بجنبك احزاني


يا كل مناي


وهنا دنياي



&&


احبك من قبل ما اعرف


معاني الحب والغيره


حنانك سر حبي لك


حنانك ما ابي غيره


من اول ما تلاقينا


وقلبي صار في يدينك


نسيت العالم وجيتك


ادور حلمي في عينك



يا كل مناي وهنا دنياي



&&&


ابا اتهرب من اشجاني


واعيش بقربك ازماني


وكل ما ينتهي عمري


بحبك ينولد ثاني


بقدم لك عطايا الحب


حنيني لهفه سنيني


اخذ اصغر هدايا الود


اخذ عيني اخذ عيني


&&


يا كل مناي وهنا دنياي


نوره اسحبت ايدها بقوه : واعطت كف حااااااااار له
هذا الكف الاول ... عشان ساره ... وهذا الكف الثاني ... عشان ولدنا اللي مات ببطني وانت السبب ... وتأشر على بطنه ... هذا كان ساكن روح حبنا ... وهذا الكف الثالث ..... عشان غبـــــــــائك

نوره انهارت وهي تضربه ... وناصر واقف كانه يقول اضربيني بس ما تتركيني

لين : شافت كيف نوره تضرب ناصر بقوه وهي تصيح ركضت تنادي اخوها تركي

وساره بعد راحت تنادي مساعد

ساره وهي منهاره من منظر صديقتها: مســــــــــــــــــــاعد

مساعد: يا شباب كاني اسمع احد يناديني

لين: تـــــــــــــــــــــركي

تركي: هذا صراخ البنات

بندر : لا يكون صار شيء لهم ويركضون

ساره وهي تضم مساعد : نـــــــــــــــوره ..... ناصر .... سكران

مساعد يركض بجنون ... لان يعرف ناصر سكران امكن يأذيها

تركي: لين تكلمي شنو صار

بندر: ليان شنو صار

ليان : ............

بندر شاف مساعد يركض يصارخ : يا كلب بعد ايدك عنها
عرف انه السالفه خطيـــره ركض يفزع لصديقه

مساعد: ويــــــــــــنه

ساره: ما ادري كانت هنا وهو كان هنا

بندر: مساعد عسى ماشر

مساعد: الحقيــــــــــر سواهـــــــــا .... شقول لامي حصه ... سترك يا رب
ساره روحي عند امي حصه .. ولا تقولي لها شيء حتى القى الحقير .. وارجع نوره

بندر: يا خوي فهمني

مساعد: بندر ادور عن اختي ... الحقير خطفها ... اخاف يأذيها

محمد: لا يكون عشيقها وانحاشت معها

تركي: محمد

مساعد وهو يخزه: لا طليقها .... ولد خالتها... وهو سكران .. اخاف يأذيها


انتهـــــــــــــى الجزء الثاني


نوره & ناصر شنو صار فيهم ؟.


احمد متى يرجع الى حبيبته ساره؟


مساعد ومشاعل وحبهم العذري الخجول


وترقبـــــــــوا الجزء الثالث


احداث مشوقه قادمه


*عذبه الاطباع* غير متصل   رد مع اقتباس
قديم 08-01-2009, 09:16 PM   #10 (permalink)
إحساس ** عاشق
رومانسي نشيط
 
إرسال رسالة عبر MSN إلى إحساس ** عاشق
سلمت يداك على أبداعك وطررررررحك الجميل والمميــــــــــــــز عن جد روووووووعه تسلمين تحياتي وتقديري لك
إحساس ** عاشق غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
مالك عذر والجرح معاد يعنيك عابد ربه قصائد متحركة و منقوله 11 12-16-2011 12:51 PM
رائحه البكاء خليجيه999 مواضيع اسلامية - الشريعة و الحياه 17 08-17-2007 11:45 AM
أهداء الى كلآمن ساحر القلوب وغاليه و رمانسيه ...... الـعـمـده خواطر , عذب الكلام والخواطر 3 12-09-2003 01:40 AM

الساعة الآن 01:16 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103