تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

يوميات كتبوا كتابى"حصرى لرومانسيه"

موضوع مغلق
 
أدوات الموضوع انواع عرض الموضوع
قديم 06-27-2009, 09:58 PM   #1 (permalink)
قاصره الطرف
رومانسي مبتديء
 

ADS
A 8 يوميات كتبوا كتابى"حصرى لرومانسيه"




إليكم يوميات مدونتى كتبوا كتابى حصريا لمنتديات عالم الرومانسيه

الحلقه الاولى...مقدمه

أهلا بكل الزائرين.....منورين.....طلب بسييييييط من أولها كده عشان نبقى على نور..."استحملووووووونى"...أنا جيت هنا افضفض
قبل ما أفرقع
أنا أنشئت التدوينه دى بمناسبه مرور 730 يوم "يعنى سنتين" على كتب كتابى.....قصدى كتب عذااااابى...وقررت أخيرا انى ابوح باللى جوايا بس اوعوا حد يفتن لجوزى أحسن بعد العذاب ده كله ينفضنى من حياته وكأن شيئا لم يكن...وأطلع م الموضوع بللللوشى
بس ماتخافوش....هافضفض بأدب ومش هاتعدى حدودى.....بس ماحدش يقولى ماتعيطيش...هاعيط براحتى وأشد فى شعرى كمان
أنا حرهي ياجماعه...هو شعرى ولا شعركوا!!!
خلينا فى المهم......من يوم ما اتكتب الكتاب....وأنا فى عذاب....يوميات مضحكه مبكيه مش هاحرمكوا منها....هاحكهالكوا بالتفصيل الممل ...المهم تفتكروا الاتفاق و"تستحملوووووونى"......خلاص؟ اتفقنا؟ والله صعبانين عليا....نصيبكوا....نبدأ والله المستعان



رابط المدونه:
http://qaserataltarf.blogspot.com/



التعديل الأخير تم بواسطة قاصره الطرف ; 06-27-2009 الساعة 10:01 PM
قاصره الطرف غير متصل  
قديم 06-27-2009, 10:00 PM   #2 (permalink)
قاصره الطرف
رومانسي مبتديء
 
A 8

الحلقه الثانيه
"شكلى وحشششششش"
بعد شهرين من الخطوبه الغريبه العجيبه المريبه....اللى ماشفتش فيها الاخ محمد غير 3 مرات وكلمته فى التليفون صفر مره..قررت العائلتان عقد القران...هيييييييييييييييييه...هايكتبوا كتابيييييييييييى....هاقعد معاه براااحتى.....وأكلمه فى التليفون لحد الصبحو يبقى حد يتكلم....اييه؟؟؟ جوزى....جوزى وأنا حره فيه.....نخرج...ندخل.."بلاش ندخل دى أحسن حد يفهمنى غلط"...نتكلم...نلعب ..براحتنا بقى
...المهم ...فضلت مستنيه اليوم بفروووووغ الصبر....فستان بقى وكوافيره ومعازيم وهيصه.....صحيت فى اليوم الموعود...التاسع والعشرين من شهر يونيه عام الفين وسبعه.."حتى التاريخ مش عاطفى"..جاتلى الكوافيره...يلااااااا بسررررررررعه أنا مستعجله
عندى عروسه فرحها النهارده,انتى لسه واقفه؟؟؟ يلاااااااا....مفيش وقتتتتت.....الله الله الله!! ايه الدربكه دى من أولهااااا؟ وجعتيلى بطنى.....قلت مش مشكله ما علينا...المهم انها هاتظبطنى وتخينى أموره....وحماتى تنشكح قدام قرايبها....قعدتنى المدام على كرسى الاعتراف....سشوار فى 3 دقايق...كروت كروت...اى حاجه...ماااااااعلينا....المهم الرونق الاخير. قالتى يلاااا...هاخلص الماكياج الاول...والفورمه فى الاخر......قومى البسى الفستان....بسررررررررررعه....انتى لسه قاعده؟؟؟؟ اتحركيييييييى.....عندى عروسه فرحها النهارده.حاااااضر ياستى....قمت لبست الفستان ورجعت لكرسى الاعتراف.....ايه الرعب ده؟؟؟؟فرح ده ولا جريمه؟مااااعلينا
حطى ياستى الماكياج....."غمضى عنيكى"..ليه؟؟.......هو ايه اللى ليه؟ اسمعى الكلام....قلت مش مشكله....يمكن عاملالى مفاجأه
فضلت مغمضه عينى كام دقيقه كده...وانا طبعا حاسه بحد عمال يروح ويجى فى وشى...وياسلام بقى على النحت والدعك والعجن
قلت ده أنا هافتح الاقى مارلين مورلو فى المرايه...المهم شويه وجالى الامر العسكرى....فتحى عنيكى.....فتحت....وياريتنى ما فتحت
...عينك ماتشوف الا النور.....حصبه فجائيه دى ولا ايه؟........ايه الحمار ده.."من الاحمرار وليس اسم حيوان"...احمر احمر احمر..
فوق وتحت ويمين وشمال.....ايه ياست؟؟؟ هو انا قلتلك انى رايحه ماتش للاهلى؟؟؟
طبعا ماقدرتش اتكلم....بس هى حست من نظرتى المصدومه فى المرايا وقالتلى بكل ثقه فى النفس..."ايه.... مش عروسه؟" سكت ورضيت بنصيبى.....أكيد هى ليها وجهه نظر برضه
نيجى بقى فورمه.....ان شاء الله هى دى هاتخبى فظاعه الماكياج....وجالى الامر العسكرى تانى.....غمضى عنيكى....اهو احسن برضه...أنا أصلا مش طايقه منظر البنى آدمه اللى فى المرايا دى...بعد دقايق..."انتى لسه مغمضه؟؟؟؟"فتحى.....حاااااااضر
وبرضه ياريتنى مافتحت....كده بقى الرؤيه وضحت.....الست دى متسلطه عليا....ايوه مالهاش تفسر تانى.....يا ماااامااا....مين اللى فى المرايا دى....أنا خايفه.....عفريييييييييييييت



رابط المدونه
http://qaserataltarf.blogspot.com/

التعديل الأخير تم بواسطة قاصره الطرف ; 06-27-2009 الساعة 10:02 PM
قاصره الطرف غير متصل  
قديم 06-27-2009, 10:04 PM   #3 (permalink)
قاصره الطرف
رومانسي مبتديء
 
الحلقه الثالثه
"يا سلام على طلتى"
أنا هاكملكوا.....عشان تشمتوا فيا أكتر.....ماشى الله يسامحكوا...المهم...أنهت العميله.....قصدى الكوافيره كل ألاعيبها الخبيثه فى وشى وشعرى...وأنا برضه بقول فى نفسى....يمكن لما أهلى يشوفونى يكون ليهم وجهه نظر مختلفه...
طلسقتنى الست وخدت عده الشغل وفلسعت...ودخلت امى.....بعد نظره الصدمه اللى حاولت تخبيها عليا...ابتسمت وأصلا شكلها خايفه منى وعايزه تجرى...."الله يا حبيبتى...زى القمر....ماشاء الله" وراحت خارجه من الاوضه كأنها هايغمى عليها....كل ده من جمالى؟؟؟؟ اوه واااااو....اجنن....فااااااتنه....المهم اللى شفته فى عين ماما شفته فى عيون كل اللى دخلوا عليا....يا حلاوتى يا جمالى....بس هم سابونى قاعده لوحدى ليه؟؟؟كل اللى يدخل يخرج تانى بسرعه؟؟؟هو مش أنا العروسه ولا ايه؟؟؟حتى العريس أتأخر ....هو ناوى يهرب ولا ايه؟؟؟...وطال انتظارى...قال هايجى اربعه ونص..والساعه سبعه.........فى اييييييييه؟؟ اتصلوا بييييييه....طمنووووووووونى....اتصلوا بيه...
ايوه يا محمد انت فين.....أنا جاى أهو معلش الطريق زحمه وكنا بنزوق العربيه.........ياعينى.....صعبان عليا...
ياترى هايكون ايه احساسه لما يلاقى عروسته عباره عن واحده من سلاله "أمنا الغوله"

رابط المدونه
http://qaserataltarf.blogspot.com/
قاصره الطرف غير متصل  
قديم 06-27-2009, 10:07 PM   #4 (permalink)
قاصره الطرف
رومانسي مبتديء
 
الحلقه الرابعه
"أول لقاء عاطفى"
مش محتاجه بقى احكيلكم على تفاصيل بقيت اليوم وتأثير طلتى على المعازيم....ولا حماتى وقرايبها...خلينا فى المهم.....عريييييييسى
خلاص....كله مشى....هيييييييييه.....هايسيونا لوحدناااااا....أخيييييييرا.....هاسبل براحتى....واعمل فيها بت رقيقه ورومانسيه......لكن قبل كل كده.....قررت اتمرد على الواقع.....وانهى المهزله اللى تسببت فيها...الله يسامحها الكوافيره....جريت على الحمام.....مسحت آثار الجريمه من على وشى....سرحت شعرى المنكوش.....حاولت أبدو فى مظهر ناعم يتناسب مع أول لقاء عاطفى....وخرجت قعدت فى الريسبشن ذو الاضواء الخافته والطله العاطفيه.....دخل العريس....ياحلاوه يا ولاد....ايه الايافه والاناقه دى؟؟؟ لكن طبعا فى النظره الاولى حسيت انه بيدور على العروسه.......هى فين الساحره أم مقشه اللى كانت قاعده فى الكوشه؟؟؟ وبعدين فضل مبحلق فييا......اه....عرفنى.....ولسان حاله بيقول....سبحان مغير الاحوال....قعد جنبى...ياحلاه ياولاد ِأخيرا قعد جنبى!!!!!
طبعا الامال عماله تدور فى رأسى....أكيد دلوقتى هايقولى ايه الجمال ده؟ ايه الشياكه دى؟ وحشتينى...بحبك....اى حاجه...واذا به يطلق قنبله فى وجهى....."انتى لابسه عريان كده ليه؟مش خايفه تاخدى برد؟" يافضيحتى يافضحتى.....من أولها كده؟؟؟ايه اللسان اللى بينقط سكر ده؟؟؟حطيت الشال عليا وقعدت....قول بقى اى حاجه يا أخى....فضلنا ساكتييييييييييين.....وهو ما عليه غيير انه يتاااااااوب.......بيتااااااااااوب وبس.....طبعا فى الاول كنت بتاوب معاه مجامله وبعد كده العمليه بقت لا اراديه....شويه والاكل دخل.........يمكن ينطق ويقول اى حاجه....نزل طحن فى الاكل ولا كأن فيه شىء قاعد جنبه....ايه اليله الكوبيه دى.............خلاص مفيش مشكله.....اتكلم أنا يمكن ينطلق بعدها.....جمعت كل شجعاتى وقولتهالو...."وحشتنى" ...راح مبحلق فيا....عايز يقول ايه البجاحه دى؟؟ ورد عليا بهدوووووء..."وانتى كمان"....ومازالت سلسله التتويب شغاله....وقام فط فجأه
أنا ماشى.....ياليهووووووووى.....ماشى!!!!!!!! من غير ولا كلمه عاتشيفيه؟ ولا حركه روووومانسيه.....ضاعت أحلامى.
بعد ماوقف...بصلى وقالى ممكن اطلب منك طلب؟ قلتله اتفضل....قالى "ممكن اقبل رأسك" ياحلولى ييا حللولى.. حلوه أقبل دى......ياجامد انت ييابتاع اللغه العربيه يا مثقف.اخييييييييييرا؟؟؟؟؟
وانا بقى مش اتقل واعمل فيها بت جامده..... رحت أومأت بالموافقه السريعه وكأنى بقوله"قبل اللى انت عايزه"...راح قبل رأسى كأنى المدير بتاعه فى الشغل........ومشى.....ايهىء ايهىء...مشى القاسى....وعجبى على أول لقاء عاطفى.


رابط المدونه:
http://qaserataltarf.blogspot.com/
قاصره الطرف غير متصل  
قديم 06-27-2009, 10:11 PM   #5 (permalink)
قاصره الطرف
رومانسي مبتديء
 
لو عجبتكم الحلقات الاولى.....تابعوا باقى الحلقات على رابط المدونه

اوعو تبخلوا عليا بتعليقاتكم ونصائحكم
شكرا جزيلا

http://qaserataltarf.blogspot.com/
قاصره الطرف غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
"محترف"..."مجنون"..."مبدع"...كلمآت ترسم لنآ قصة..مصمم سعودي يسمى..بـ "دنجوآن"...!! الألمـــــاس تصاميم فوتوشوب , تصاميم فلاش , صور للتصاميم 5 04-10-2010 07:01 PM
حصري.. قراءة حصرية لتواجد "أحمد كعيب" على "الليبيا" و تأديته لأغنية "يابنت الناس".. عميلاء سريون ستار اكاديمي 1 2 3 4 5 6 7 8 Star Academy 16 12-27-2007 05:37 PM
حفلة تنكرية"""""""""""""شاركوا معنا""" باقي أمل قهوة عالم الرومانسية 52 03-09-2007 02:11 AM
":":":":"اطــــلب توقيعك الخاص وعلى ذوقك من سوسو:":":":":" سوسو المزيون تصاميم فوتوشوب , تصاميم فلاش , صور للتصاميم 22 09-18-2006 11:44 PM
يوميات بنت دلوعه ناعمه """ويوميات بنت خشنه عربجيه (MeMo ) memo_ksa رفوف المحفوظات 28 06-26-2005 03:10 AM

الساعة الآن 12:24 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103