تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

كبرياء رجل وشذوذ امرأه

موضوع مغلق
 
أدوات الموضوع انواع عرض الموضوع
قديم 05-29-2009, 06:32 PM   #1 (permalink)
قاهرتكم
رومانسي مبتديء
 

ADS
كبرياء رجل وشذوذ امرأه




بسم الله الرحمن الرحيم

حبيت انزلكم قصه وللامانه منقوله بقلم غروب الشمس

اترككم مع القصه وان شاءالله تعجبكم .....


كبرياء رجل وشذوذ امرأه

//

أبطال القصة نبذه مختصره عنهم

//
//
//

عائله بومسعود( وهي عائله صغيره تسكن في الشرقية رحل عنها الوالد وأصبحت الأم هي أساس العائلة..بعد

المشاكل اللي صارت بينها وبين الأعمام بعد وفاة الأب )

أم مسعود..أرمله تسعى لسعادة أبنائها

مسعود الأخ الأكبر في العائلة موظف في الحكومة ومتزوج من شيخه بنت خاله وعندهم ثلاث أطفال..(محمد

12..سعد10..شهد5سنوات)

مالك..دكتور بيطري أعزب

مرام..الأخت الخدومة المدبرة..فاتحه لها مشغل على القد

رغد..الأخت الصغرى والمدللة

//

//

//
في الرياض :

عائله أبو نواف ..وهو الأخ الأكبر لأبو مسعود..وابو تركي..ولديه من الأبناء:

نواف..الابن الأكبر..في دوامه الشركات وتنميه الأموال

صيته..وهي بنت رقيقه وحساسة تدرس حاسب

نوره..كيان البيت ومن يقدر يرفض لها طلب

طارق ..الابن الأصغر في العايله..وفاكهه البيت بالنسبة لهم

أم عبدا لرحمن..وهي الجدة في كل بيت مصدر الحنان والحب
//

//

//
عائله بو تركي....

تركي.. الابن الأكبر والمتحكم في الكل..وخالق مشاكل لهم

نوف..البنت الجميلة والحساسة صديقه صيته الروح بالروح والمغلوب على أمرها

ميثه..ذات شخصيه حادة الطباع الهجومية لكن مو على الكل

صالح ..الابن الأصغر سنا وعقلا



كبرياء رجل وشذوذ امرأة

البارت الأول


في الرياض وفي فيلا بو نواف بالذات في الغرفة الباردة والاضاءه الحالمة كانت جالسه على الكمبيوتر
عينها ما تقدر حتى ترمشها...يدق جوالها,,

نوره : هاااي

سلوى : مراحب يا عسل

نوره بدلع : ليه تأخرتي..لا تقولين لي ما راح تجين

سلوى : محتارة والله كثير

نوره : ليه خير وش صار

سلوى : سلامتك لكن تقولين الليلة راح يجون لكم ضيوف

نوره : وشد خلك فيهم انتي

سلوى : استحي يا بنت الناس..خلاص ما راح اجي

نوره : ماراح تجين طيب بالبلى

تسكر نوره الجوال وترميه على السرير بدون اهتمام وتنزل تحت..لقت الكل شاط عمره يجهز ويرتب
//
نوره تنادي : مامي,,مامي

أم نواف : عيونها انتي

نوره : متملله كثير..خاطري اطلع

أم نواف : عيوني لك..انتي تامرين يا قلبي

نوره بدلع : ثانكس مامي

أم نواف تلمها لها : من لي غيرك يا قلب مامي انتي
//
فوق وبنفس البيت لكن في زاوية ثانيه جالسه عند المرايه تمشط شعرها الأسود وهي سارحة بعالم ثاني وعلى وجهها ابتسامه ساحره يدق الباب دقات خفيفة

صيته بصوتها الملائكي : ايوه

يفتح الباب بهدوء وتطلع من وراءه امرأه كبيره بالسن متعكزة بعصا كبيره
صيته تقوم بسرعة وتمسك جدتها من يدها وتجلسها على الاريكه إلى جنبها

صيته وهي تنفخ : تو ما نورت الغرفة يا الغالية

أم عبدا لرحمن : هههه أكثر من نورك ما في نور يا بنيتي

صيته : هههه

أم عبدا لرحمن : وش ذا الزين كله

صيته : أنا؟؟

أم عبدا لرحمن : لا أنا

صيته بخجل : ههه مو أحلى منك

أم عبدا لرحمن : هههه ضحكتيني وأنا ما ودي

صيته بزعل : وليه يالغاليه وش مزعلك

أم عبدا لرحمن تمسح دموعها : فراقك يا قمر هو اللي مزعلني

تجلس صيته على ركبها وتبوس يد جدتها : واللي يسمعك يقول صار شي...تونا بدري

أم عبدا لرحمن : هههه وش بلاك مستعجلة هاااا

صيته وجهها احمر : أنا...لا والله

أم عبدا لرحمن : هههههههههههه

تفتح الباب أم نواف : يالله يمه الجماعة على وصول

صيته : إن شاء الله يمه

أم عبدا لرحمن توقف : يالله شكلي أنا مأخرتها أقوم امدد رجيلاتي قبل لايجوون
//
في الصالة في بيت بو نواف

نواف : السلام عليكم

أم نواف : وعليكم السلام يمه..هلا حياك

نواف يتأوه : آآآآآآاه

أم نواف : بسم الله عليك من الآه يمه..وش بلاك

رسم نواف على وجهه ابتسامه جميله : ابد يمه..تدرين الشغل كثير والله ما نلحق نشرب كاسه شاي

أم نواف بهدوء : و أنا أمك ابدى ماعلينا صحتك يا ولدي

نواف : هههه لا تخافين علي يمه أنا قدها

وهم كذا تنزل نوره بكامل أناقتها كانت لابسه برمودا جينز وبلوزه بيضه وفوقه حزام عريض كله كريستال وفارده شعرها على ظهرها وحاطه مكياج خفيف

نوره : هلا باخوي حبيبي

نواف : هلا بيك والله..وش هالزين

نوره مبسوطة : الحلو حلو لو قاعد من نومه

أم نواف : هههههه والله هالبنت شايفه حالها بزود

نوره بزعل : ليش يمه مو قدها

أم نواف : الا قدها ونص بعد...لو مو نوره تفخر بجمالها منو اللي يفخر بعدها

نوره بابتسامه عريضة : أي اشوه

نواف يطالعها ويضحك : ما تقولين لي بالله منهي العروس اليوم؟؟

أم نواف : يوه وش بلاك وهذا اللي هو أنت تقول كذا والعريس من جهتك

نواف : شوفي نوره وش مسويه بحالها....ما انلام لين شكيت

نوره بدلع : نونو...أنا معزومة عند صديقتي سلوى

نواف باستغراب : متى؟؟

نوره : الحين السواق بياخذني

نواف معصب : مو بكيفك..خليك ويا أختك

نوره بزعل : وش بسوي لها أنا

نواف بصوت عالي : ما ابغى كثرة حكي...قلت لك روحي فوق

أم نواف تتدارك الموقف وتغمز لنوره : روحي يمه وسمعي كلام أخوك

نوره بضيق : اوووووووووووووف

صعدت نوره فوق وهي تتحلطم بس ما كان مفهوم من اللي قالته شي

أم نواف تلتفت على ولدها : وش بلاك كسرت بخاطرها

نواف عصب : وش بلاكم انتوا يمه...مو المفروض تكون بجنب اختها بمثل هذا اليوم ولا نوره ما يقال لها لا
ترك نواف أمه وراح صعد فوق

//
//
//

في الشرقية وفي بيت أم مسعود بالذات

شيخه : عنك يمه

أم مسعود : ما يصير يمه كل شي عليك

شيخه : انا مو لحالي ... العاملة على وصول

أم مسعود : والله وش أقولك

شيخه : لا تقولين شي روحي ارتاحي

رغد : تبغون مساعده

شيخه : لا روحي راجعي دروسك انتي ثانوية عامه ولا نسيتي

رغد : والله ما نسيت ... ودي أنسى لكن النسبة ما ترحم

شيخه : هههههههه هذا وانتي ممتازة تقولين كذا غيرك وش يقول

رغد تتصنع البكي : تكفين قولي ما شاء الله و لا تحطين عينك علي

شيخه : جعلك بالبلى يعني انا راح أحسدك

رغد : هههههه ... امزح معك لا تزعلين

شيخه : روحي من خلقتي ... لا بالله أخليك عشا للضيوف

رغد : بسم الله علي ... بعدين ضيوف و ضيوف ما تقولين لي من ؟

شيخه : هذا يا طوله العمر صديق مالك الي كان يدرس معه بجده ... جاي يومين الشرقية

رغد : بــــــــــس ؟

شيخه : أي بس و ابوي واخوي

رغد : اهاا قلتيلي ... على شان كذا ذابحه نفسك

شيخه : اقول ضفي وجهك عني دام النفس عليك طيبه

رغد : طيب طيب ... براحتك توفرين علي جهد

*******

في بيت بو نواف

أم عبد الرحمن : يا هلا والله ... نورتونا

أم سعيد : بالمهلي والله

أم نواف : ما عرفتينا يا أم سعيد

أم سعيد : هذي مرت ولدي سعيد ... و هذي بنتي أمل

أم نواف : يا هلا و مرحبا والله

الكل : هلا بيك

أم سعيد : وين عروستنا ... يا أم نواف

أم نواف : دقيقتين وهي جايه

،،،،،
بعد ربع ساعة

نوره و صيته : السلام عليكم

أم سعيد : يا هلا والله و عليكم السلام

صيته بتموت من الاحراج : ...........

أم سعيد : حياك يمه ... تعالي يا غالية

صيته ترفع راسها بس وش شافت ؟؟

كانت ام سعيد طايره عيونها على نوره ومو دايره بال لصيته

أم عبدا لرحمن وهي تأشر على صيته : هذي صيته يا أم سعيد

أم سعيد : بسم الله ما ساء الله ...

أمل : مرحبا ...

صيته بابتسامه خجل : مراحب ...

أمل : ما عرفتينا بنفسك يا حلوة

نورة بدلع : نوره ... و يدلعوني النور

أمل : الله يحفظك من عيون الناس

نورة : هاهاهاي لا تخافين علي اقرأ على نفسي على طول

أم سعيد : هههههه والله جمال ودم خفيف بعد

صيته تطالعهم بدون ولا كلمه : ......................

أم سعيد : وكم عمرك يالغلا

نورة تطالع صيته و تتكلم بثقة : بعد شهرين بكمل العشرين يا خاله

أمل : والله الي يشوفك يعطيك اقل من كذا بكثير

نورة : هاهاهاي من ذوقك ... كثير يقولون لي

أم عبد الرحمن تطالعهم و حاطه يدها على قلبها : .............

أم سعيد : وانتي يا بعدي مو مرتبطه

نورة تتصنع الخجل : ...............
أم نواف : لا ولله يا ام سعود للآن ما جا الي يستاهلها

أم سعيد تحوس بشنطتها و تطلع صورة كبيرة لمحمد و تروح تجلس جنب نورة : وش رايك فيه يمه

نورة ارتبكت : ..........

أم عبد الرحمن بحزم : احنا كنا نفكر ان صيته هي المطلوبة يا أم سعيد مو نورة

أم سعيد : أي والله صيته ما تتعيب لكن نورة دخلت لقلبي بدون سابق إنذار و تمنيتها لولدي محمد

صيته لفت فيها الدنيا و ما تكلمت و سحبت نفسها من عندهم

أم عبد الرحمن قامت و الشرر يتطاير من عيونها : يالله .. يالله .. ورونا طولكم

أم نواف منحرجه : يمه مو كذا

نورة تركتهم و الابتسامة ما فارقت وجهها

أم عبدا لرحمن : إحنا ما عندنا بنات للزواج

أم سعيد : وش بلاك يا أم عبد الرحمن الزواج قسمه و نصيب

أم عبد الرحمن : هذا الكلام تقولينه لنفسك مو لي

أم نواف : يمه الله يهداك ... مو كذا

أم عبد الرحمن معصبه : اجل كيف ... على العموم انا اعرف منو اكلم

راحت أم عبدا لرحمن من جنبهم و خذت جوالها الي ما فيه إلا ثلاث أرقام بس ...

الي هم رقم نواف و طارق و صيته ... دقت على نواف
،،،
أم عبد الرحمن بحزم : الوووووو

طارق يغني لها : ما اتصلتي .... ما سألتي ... ولا قلتي فلان شخباره
أم عبدا لرحمن : عسى يتصل عليك عزرائيل قول آمين

طارق : آآآآآمين

أم عبد الرحمن : قول بسم الله علي يا الدثوي

طارق بحنان : وش بلاه القمر زعلان

أم عبد الرحمن : جعلك ما يطلعلك قمر غيره قول آمين

طارق بيموت ضحك : بسم الله علي يا الد.......

أم عبد الرحمن : قولها قولها ......... و ليش ساكت

طارق : روقي يا عسل وش صار

أم طارق تبكي : وين نواف

طارق : خير يمه

ام عبد الرحمن : خيروك بين جهنم و عذاب القبر قول آمين

طارق بدون ما يرد مع انه بيموت ضحك سلم الجوال لنواف الي اهو بدوره من سمع جدته تبكي دخل لها
،،،
نواف : خير يا أم عبد الرحمن وش له البكي

ام عبد الرحمن : هذي أم سعيد الله لا يربحها قول آمين يوم شافت نوره انهبلت عليها تقول مو شايفه خير و تروح تخطبها لمحمد بدل صيته ... ليه يعني صيته ناقصها جمال ولا ناقصها جمال ...... بعد عيني بنيتي

نواف مذهول : و صيته ؟؟

أم عبد الرحمن تبكي : يا بعد هلي ... يوم سمعت كلامهم صعدت فوق بغرفتها وما ادري وش حالها

نواف متأثر كثير : طولي بالك انتي الحين وانا بروح اشوفها
أم عبد الرحمن : تكفى يا ولدي

نواف طبطب على كتف جدته يهديها و صعد فوق في غرفه صيته
،،،
كانت قدام المرايه تطالع بحالها ... قوام ممشوق مثل المليكان ... طولها متوسط .. و شعرها اسود غليض للأكتاف .. و ملامح ناعمة مثل ملامح الأطفال ... كانت لابسه فستان كحلي قصير و فيه حزام فضي عريض .. و كانت منتهى النعومة و الجمال .. كانت تلف على نفسها و تقول بخاطرها ... وش ناقصك يا صيته حتى يفضلون نورة عليك ... و هذي مو أول مرة صارت قبل كذا ... انا ما أنكر إن نورة تنحب بسبب جمالها و جاذبيتها ... وانا وش يعيبني يمكن الخجول والهادىء بهاليومين ما عادت الناس ترغب فيه .. ولا ايش ... يدق الباب عليها صارت تطالع نفسها بالمرايه و تحاول تعدل من شكلها
صيته : ايوه
نواف : مساء الخير
صيته بابتسامه : مساء الخيرات و الليرات
نواف وهو يجلس بجنبها : هاا وش صار تحت
صيته تتصنع اللا مبالاه : عادي
نواف : عادي و جدتك مموته نفسها من البكي
صيته انزعجت : من جدك ؟؟
نواف : أي بالله
صيته قامت من جنبه لكنه مسك يدها
نواف : على وين ؟
صيته : بشوف جدتي
نواف : ماراح تقولين وش صار
صيته تجلس جنبه : ههههههه عادي شافوا نورة و عجبتهم و ..... بس
نواف : ذولا قليلين اصل .... و احنا راح نرفضهم
صيته فتحت عيونها على الاخر : لا بالله ما تسويها يا خوي
نواف مستغرب : .............
صيته : لاتوقف بطريق نورة .... و مثل ما قال الرسول الاكرم " اذا جائكم من ترضون دينه و نسبه فزوجوه "
نواف يطالعها باعجاب : هذا رايك
صيته أي بالله
لم نواف صيته لحظنه و باسها بين عيونها " الله يجيب لك الي يستاهلك "

///

///

///


في بيت بو مسعود

مالك : يا هلا وغلا والله...تو ما نورت الشرقية

ماجد : هلا بتوأمي...والله لك وحشه

مالك : أشوفك جياتك كثيرة...لدرجه أني مليت مطالع وجهك

ماجد : ما يكفيك تلفونات كل بين يومين لازم أدق عليك..حتى تجيني الفاتورة صلح على ظهري

مالك : هههههههههههه..لا يكون ما نستاهل

ماجد : افا بس عيوني لك والله

طلال : وش هالزين نطلع منها احنا يعني

ماجد انحرج : انتوا الخير و البركة

مسعود : نتمنى ما تكون آخر زيارة لنا

ماجد : والله أنا ودي لكن تدرون جده بعيده إلا إذا...

مالك : ها إلا إذا و شوو....

ماجد وهو يضحك : بتزوجني وحده من خواتك

مالك بهجوم : ما عندنا خوات للزواج

الكل إلا طلال : هههههههههههههه

مالك : وش رايك تنقل هنا بالشرقية

ماجد : لا ...انقل أنا الجامعة ما كملتها تقولي اجي هنا

مسعود : إلا صحيح و ليش ما كملت دراستك

ماجد : والله ياخوي أنا التجارة تجري بعروقي مثل الدم مالي في شغل الحيوانات هذا

مالك : هههههههههه اسكت بس لا تخليني اطلع فضايحك

ماجد : تبيني أقتلك وربي

مسعود : وش فضايحه بعد

مالك : تخيلوا بالجامعة كان يجيب لنا عطورات اخته و الشنط اللي تشتريهم يقولنا اخذوهم هدايا لخواتكم...ويبيعهم
على الطلبة

ماجد : ههههه الله يرج إبليسك

مالك : ولا هذاك اليوم يوم تشوف الدكتور المصري متضايق تروح تقوله أنا أضبطك بكم رقم ههههه ويروح ويشتكيك للاداره و بفصلونك أسبوعين

ماجد : ههههه مالك تكفى بس الله يخليك

ظلوا كذا طول الليل والجلسة ما تنمل بينهم وبعدين ماجد استأذن مالك انه يروح الفندق

مالك بزعل : أنا هذي أحسها اهانه في حقي....ولا لان البيت مو قد المقام

ماجد تضايق : افا بس المكان اللي انت فيه يكون جنه وربي

مالك : اجل نروح الفندق ونجيب أغراضك وننام هنا راسنا براس بعض مثل قبل

ماجد بابتسامه : صار يالغالي...تدري فيني ما اقدر عليك

مالك مبسوط : مشينا؟؟

ماجد ويده على كتفه : مشينا

انتهى البارت الاول ونشوف ردودكم يلاااااكبرياء رجل وشذوذ امرأهكبرياء رجل وشذوذ امرأه



قاهرتكم غير متصل  
قديم 05-29-2009, 07:15 PM   #2 (permalink)
jody-q8
زهرة الرومانسية
 
الصورة الرمزية jody-q8
 
بارت روووعه و شكلها قصه حلوه

ننطر البارت الثاني


مشكوووورة
jody-q8 غير متصل  
قديم 05-29-2009, 07:36 PM   #3 (permalink)
قاهرتكم
رومانسي مبتديء
 
اقتباس:
المشاركة الأصلية كتبت بواسطة jody-q8 مشاهدة المشاركة
بارت روووعه و شكلها قصه حلوه

ننطر البارت الثاني


مشكوووورة
العفووو جودي شرفتيني بمرورج

وان شاءالله راح انزل البارتات كل اثنين وجمعه
قاهرتكم غير متصل  
قديم 09-06-2009, 11:37 PM   #4 (permalink)
dhym
رومانسي مبتديء
 
تكفييييييييييييين أختي وين البارت الثاني ،،

ترانا متشووووقيين
dhym غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
كبرياء مجروح شروق شمس الحب خواطر , عذب الكلام والخواطر 11 10-26-2008 09:00 AM
كبرياء امراه........... صقر الفلوجه خواطر , عذب الكلام والخواطر 12 04-02-2007 08:19 PM
كبرياء.. الخلـــيجيــه الوعد الحزين الشعر و همس القوافي 2 11-22-2004 03:21 AM

الساعة الآن 12:27 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103