تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > روايات كاملة طويلة ممتعة للقراءة

روايات كاملة طويلة ممتعة للقراءة روايات كاملة طويلة ممتعة للقراءة من اجمل الروايات الرومانسية والاجتماعية بين يديك في صفحة واحدة, تمتع بقراءة ما تحب في منتديات القصص والروايات

رواية روان .. خيااال لاتفوتكم ( منقولة )

إضافة رد
 
أدوات الموضوع انواع عرض الموضوع
قديم 05-25-2009, 10:10 PM   #1 (permalink)
كول 2009
رومانسي مبتديء
 

ADS
رواية روان .. خيااال لاتفوتكم ( منقولة )




كانت نايمة بغرفتها .. مغطية وجهها بشرشف النوم .. وحولها مخدات صغار ملونة تعطي راحة لكل شخص ينام عليها

جنبها كانت طاولة صغيرة عليها صورها هي وصديقتها مرام .. وجوالها اللي دايما مليان رسائل حلوة من صديقاتها .. حياتها كانت مثالية بنظر كل بنت مراهقة ..

صحت بصعوبة على صوت امها وهي تقومها : روان قومي راح تتاخرين على مدرستك ..

روان : ماما خليني انام شوي ..

الام : راح تاخرين اخوك مشاري على مدرسته

روان : خليه يروح وانا بيوصلني السواق

ام مشاري : حبيبتي مايصير تروحون بمشوارين .. مدارسكم قريبة من بعض

روان : اووووف خلاص قايمة

وهي مغمضة عيونها صارت تتلمس طاولتها وتدور الجوال ..

روان : ياربيييه .. ثلاث مكالمات من مرام وخمس رسايل .. كل هذا مستعجلة على المدرسة

صحت روان اخيرا وراحت لدورة المياه .. غسلت وجهها ونظفت اسنانها .. وصارت تطالع نفسها بالمراية ..

" اخيرا صرت بالثانوي .. الحين انا مو بنت صغيرة بالمتوسط .. هذا اول يوم لي .. لازم اصير كشخة بهالمدرسة "

توضت وصلت .. دعت ربها ييسر لها دراستها بهالمرحلة الجديدة .. وبعدين اخذت الجيل ووقفت شعرها سبايكي

ام مشاري : يلا روان اخوك تحت يستناك

روان : طيب ماما جاية

ام مشاري : روان ايش هذي التسريحة اللي مسويتها ؟؟ احد يروح للمدرسة وهو بهالشكل ؟

روان : ماما هذي الموضة .. السبايكي

ام مشاري : انتي رايحة مدرسة والا دي جي ؟؟ بسرعة نزلي شعرك واربطيه زي الناس

روان : يوووه ماما مافيه احد يربط شعره .. هذا كان زمانكم لما كانت البنت تسوي شعرها جديلة

ام مشاري : على الاقل الجديلة احلى من السبايسي هذا

روان : ههههههه ماما هذا سبايكي مو سبايسي ..

ام مشاري : اقول انزلي تحت بسرعة بلا سبايسي بلا بطيخ

روان : ههههههههههه طيب ماما خلصت

نزلت روان وامها للمطبخ عشان تفطر قبل تروح لاول يوم لها بالمدرسة

مشاري : صباح الخير روني

روان : صباح النوم

مشاري : هي صباح النور مو صباح النوم

روان : ادري بس لاني داااايخة ابغا انام

مشاري : ههههههههههههههههه طيب صباحك نوم

روان : ياربييييه الشغالة هذي ماتعرف اني اكره البيض .. ليش لازم تسوي ساندويتش بيض ؟؟

ام مشاري : معليش انتي افطري بيض اليوم .. وبكرا يصير خير

روان : لا ماما مستحيل اكل بيض .. قولي للشغالة تغيره لي

مشاري : اوووف روني ماعندنا وقت

روان : طبعا الاستاذ مشاري ما يبغا يتاخر .. انت كلها بثالث ثانوي ايش فيها لو تاخرت شوي ؟؟

مشاري : انتي بس وصلي لثالث ثانوي وبعدين نتفاهم

روان : ماما شوفي مشاري يضايقني من الصباح .. الوحدة ما يصير تاكل فطورها على كيفها .. اوف منكم

مشاري : ماما بنتك دلوعة وتبغا كل شي على كيفها .. كيف بتنجح من الثانوي الحين ؟

روان : ثانوي ثانوي ثانوي .. طفشتوني من الثانوي ..

ام مشاري : خلاص انت وياها .. روحوا لمدارسكم لا تتاخرون من اولها

ركب مشاري السيارة وركبت جنبه روان .. مشاري اغلى شي عنده اخته روان .. اخته اغلى من عيونه ومايحب ابدا يزعلها .. روان عموما عايشة حياة حلوة مع ابوها ( ابو مشاري ) وامها ( ام مشاري ) .. واخوها الكبير مشاري اللي يسوى الدنيا ومافيها بالنسبة لروان ..

حب مشاري يغير جو يمكن ترضا روان عليه .. وشغل اغنية rock اجنبية

مشاري : روني الى الان زعلانة .. حتى بعد ما شغلت لك اغنيتك المفضلة

روان : وانا اقدر ازعل على اخوي مشاري ؟؟

روان علت الصوت اعلا شي وصارت ترقص على خفيف وهي جالسة .. ومع الحماس رمت غطا وجهها

مشاري : روني انتي ايش تسوين ؟

روان : مثل ما انت شايف .. اطرب نفسي

مشاري : ايوه اطربي نفسك بس لا تشيلين الغطا

روان : لييش .. انا دايما اشيل الغطا عند اصدقاك ولاتقولي شي

مشاري : أي روني بس هذا لما كنتي بالمتوسط .. الحين انتي بالثانوي

روان : اوووف انت وماما ازعجتوني بالثانوي

مشاري : روني لا تزعليني منك .. البسي الغطا ومن اليوم ورايح ما تشيلينه عند أي احد

روان بملل : اوكي

مشاري : روني زعلتي

روان : ....................

مشاري : روني اذا قلتلك انك معزومة بكرا ع العشا بترضين ؟

روان وهي متحمسة : احلف

مشاري : والله ... بس ماراح اعزمك على العشا لما توعديني تغطين وجهك ولا تسولفين مع اصحابي بعد اليوم

روان وهي محتارة : اممممممممم

مشاري : راح ناكل باستا و فاهيتا وسباغيتي ..

روان : خلاص خلاص موافقة 100% .. بس العشا يكون اليوم .. وراح اعزم صاحبتي مرام معي

مشاري : بس العشا المفروض يكون لك انتي

روان : مو مشكلة ابغا مرام نتسلى مع بعض

مشاري : هههههههه اوكي .. يلا انزلي وصلنا مدرستك

روان : وععععع هذي مدرستي .. شكلها خايس

مشاري يمزح : خلاص عمتي روني راح نغير ديكور المدرسة لعيونك .. أي طلبات ثانية ؟؟ تبغين نغير المناهج بعد ؟؟

روان : هههههههههه يا سخفك

نزلت روان من السيارة وهي متحمسة ليومها الاول بالمدرسة الثانوية

00000000000000000000000000000000000000000000000000 0000000000000000000


دخلت روان مدرستها .. طالعت اول شي للبنات .. تبغا تشوف مستواهم .. " امممممم اشكالهم حلوة وباين انهم كشخة "

كانت تدور وجوه مألوفة عشان تسلم عليهم ... " يااااي هذي عبير .. "

ركضت روان لعبير وضمتها

عبير اكثر بنت بالشلة مهتمة بالدراسة .. وماتهتم بالموضة والتسريحات ولابالفنانين .. بس حبوبة وطيبة واللي بقلبها على لسانها ..

روان : عبورة كيفك ؟ وحشتيني

عبير : اهلييين روني .. وربي مشتاقة للشلة كلهم

روان : طبعا الدوافير ما يخلون طبعهم .. جاية اول بنت بالمدرسة

عبير : اوووف خايفة وربي خايفة من المناهج .. روني تتوقعين دروسنا سهلة ؟؟ .. اعرف وحدة العام كانت بأول ثانوي وتقول صعب مرة ..

قاطعتها روان : بس بس بس .. هذا اخر همي .. انتي طبعا دافورتنا اللي تحفظ الكتاب صم .. بس انا غير .. اهم شي عندي اكون مع مرمر والشلة بنفس المدرسة .. تدرون ما اقدر ابعد عنكم

عبير : ولا حنا

فجاة غطت مرام عيون روان

مرام : تتوقعين مين انا

صرخت روان باعلا صوت من الفرحة : مرااااااااااااااااااام

مرام اعز صديقة عند روان .. من أيام الابتدائي وهم مع بعض ومستحيل يتفرقون .. وجودهم مع بعض هو احلى شي بحياتهم ..

مرام وهي فرحانة وشوي وتصيح من الفرح : ما اصدق اننا راجعين للمدرسة وراجعين لهبالنا مع بعض

روان : مرمر وربي وحشتيني

مرام : وانا اكثر يا اغلى روني بالدنيا

عبير : اهلين مرمر .. كيفك حبيبتي ؟

مرام : هلا والله بعبورة الدافورة .. انا بخير

وما مرت خمس دقايق الا وسام جاية

وسام : hey girls .. whats up

وسام بنت بالاسم بس خخخخ .. مهسترة بشكل فضيع ورااايقة وكل حياتها هبال .. وشكلها واسلوبها كلها بوي

روان : هاي وسام كيفك

( وسام تكره احد يدلعها سوسو .. لانها ماتحب الدلع وتبغا يقولون لها وسام وبس )

وسام : اهلين روني .. شكلك خطير بالسبايكي ..

روان : thanx

وسام : ايش رايك تصيرين boy مثلي .. والله نفلها

روان : سوري انا ما احب اثبت على ستايل واحد بس .. وبعدين ماما ومشاري راح يذبحوني اذا عرفوا اني عربجت

الكل : هههههههههههههههههههههههههههه

بدت وسام هسترتها .. والكل ميتين ضحك عليها .. وبعد وقت طويل دخلت العنود

العنود : هاي بنات .. كالعادة جاية متاخرة

مرام : هههههههههه انتي اصلا ولا مرة بحياتي شفتك جاية بدري

وسام وعبير وروان : ههههههههههههههههههههههه

روان : كيفك نودي ؟

العنود : بخير بس مو طايقة المدرسة .. احس انسدت نفسي من شفت شكل المدرسة

عبير : مستحيل تغيرين طبعك .. مافيه احد يكره المدرسة زيك

العنود : هههههههههههههه اكيييد

وبوسط ضحكات البنات رن جرس الطابور الصباحي

00000000000000000000000000000000000000000000000000 0000000000000000




التعديل الأخير تم بواسطة سراب عشقي ; 08-24-2009 الساعة 09:49 PM
كول 2009 غير متصل   رد مع اقتباس
قديم 05-27-2009, 11:37 AM   #2 (permalink)
كول 2009
رومانسي مبتديء
 
ليش مافيه تفاعل ؟؟؟؟!!!!!!!!!!!!

ان شاء الله اشوف تفاعل بالبارت الجديد

00000000000000000000000000000000000000000000000000 00000000000000

مرام : يلا بنات خلونا نصف اول صف بالطابورعشان نقدرنشوف المعلمات زين ونضحك ونعلق عليهم

روان : هههههههههههه اووكي .. بس انتظروني لحظة .. بروح لدورة المياه اصلح شعري

عبير : روني ماله داعي .. انا من السنة اللي راحت وانا اسوي نفس التسريحة

روان : هههههههههه .. لا بس انا ما احب يكون شعري خربان .. السبايكي بدا يهبط .. بروح اوقفه واجي

مرام : طيب بس لا تتاخرين ..

روان راحت لدورة المياه تضبط شعرها عند المرايا .. و اول ما دخلت شافت بنتين boy مرة مرة .. لدرجة انها لوماكانت بمدرسة بنات .. كانت حسبتهم عيال !!!
الشعر سبايكي والكحل كثيف بطريقة الــ emo .. وسلاسل جماجم وعظام .. مريول واسع وجاكيت سبور ولادي
هالبنتين على طول طالعوا روان بنظرات تفحص .. هي ماحبت تطنشهم فقالت خلني اسلم عليهم قبل ما اروح للطابور ..

روان : هاااي

وحدهـ من البنتين : هلا روان

روان استغربت كيف عرفوا اسمها : اهلين .. اعرفكم انا ؟؟

ضحكت البنت : هههههه لا بس سمعنا صديقاتك ينادونك وحفظنا الاسم

روان : كيف انتبهتوا لي ؟؟

البنت : بصراحة كنتي معجبتنا انا وصديقتي .. ملامحك حادة وباين ان شخصيتك قوية .. ونفس آلوقت فلة وهبآلكـ حلو

روان استحت : تسلمون .. ماعرفتكم الى الان

البنت : انا سعود وهذا محمد

روان فتحت عيونها وفمها من الصدمة : ايش ؟؟

البنت : هههههههههههههه هذا الـ nick name .. آنآ آمجآد وهذي صديقتي سارة

روان وهي الى الان مو مستوعبة : تشرفنا .. انا لازم اروح للطابور الحين .. صديقاتي يستنوني

امجاد : طيب ريلاكس .. شرايك تفوتين الطابور معنا

سارة : حنا ناوين نفوت الحصة الاولى بعد ..

روان : والله ما اقدر اخربها من اولها .. وبعدين مرام اكيد راح تزعل اذا عرفت اني هربت من الحصة مع بنات غيرها

امجاد : انتوا الى الان اطفال .. تزعلون عشان وحدة منكم فوتت الحصة ؟؟

روان عصبت : لو سمحتي لا تتكلمين على صديقتي مرام كذا .. وبعدين حنا مو اطفال

امجاد : ما دامكم ما تتصرفون مثل الاطفال .. اجل فوتي الحصة معنا

روان وهي تفكر : امممم .. طيب بفوت الطابور بس

سارة وامجاد : اتفقنا

00000000000000000000000000000000000000000000000000 00000000000000000

مرام كانت واقفة بالطابور تنتظر روان اللي تاخرت عليها مرة ..

مرام : وسام خلينا نروح لدورة المياه ونشوف وش اخر روان ؟؟

وسام : يوووه تلقينا جالسة تسوي سبايكي من جديد وتوقف شعرها

مرام : طيب بس تاخرت مرة

وسام : انا اذا بسوي سبايكي اجلس حوالي ساعة ونص عشان اوقفه .. اكيد لازم تتاخر

مرام وهي مو مرتاحة : اوكي

00000000000000000000000000000000000000000000000000 0000000000000


انتها الطابور والكل راحوا لفصولهم .. روان كانت خايفة لانها هاربة من الحصة و ما تعرف فصلها ولا الطالبات اللي فيه .. كيف بترجع للفصل مادامها ما تعرفه ..

سارة وامجاد باين انهم مو مهتمين ويسولفون ويضحكون وسط صمت روان ..

امجاد : هههههههههههههههههههههه والله انك خطيرة يا سوير

سارة : احم احم .. اعجبك

امجاد : روان وين وصلتي بسرحانك ؟

روان انقطع حبل افكارها : هلا ... لابس شردت شوي

امجاد : شكلك مو مرتاحة معنا

روان : لابس طفشت من قعدة الحمامات

سارة : مافيه مكان نتخبا فيه ونسولف براحتنا الا هنا

امجاد : روان معها حق .. شرايكم ناخذ لفة بالساحة

روان : لالا تكفين لا .. ابي ارجع فصلي .. اكيد مرام زعلانة مني

00000000000000000000000000000000000000000000000000 000000000000000

وبالفصل مرام كانت زعلانة مثل ما توقعت روان ..

عبير : مرام ليش متوترة .. اكيد بترجع روان الحين

مرام : روان تاخرت مرة .. مستحيل تكون الى الان تضبط السبايكي

عبير : يمكن هربت من الحصة .. هذي مو اول مرة تهرب فيها

مرام : صح .. بس هذي اول مرة تهرب من غيري .. اكيد صادقت شلة غيرنا وهربت معهم

عبير : امممم معك حق .. مستحيل تهرب لحالها

مرام : انا خايفة تتركنا يا عبير

عبير : لاعاد ما اتوقع .. تلقينها الحين جاية للفصل

مرام : ان شالله

00000000000000000000000000000000000000000000000000 00000000000000

وفي بيت روان كانت امها ( ام مشاري ) جالسة على الــ T.V لما رن التلفون ..

ام مشاري : الو

ابو مشاري : هلا .. انا ابو مشاري

ام مشاري : اهلين .. تبي شي ؟؟

ابو مشاري : لا بس حبيت اذكرك ان اختي غادة جاية للرياض اليوم .. وبتجلس عندنا بالبيت يمكن اسبوع او اسبوعين .. طيارتها راح توصل بعد ساعة .. انا بتاخر بالدوام وابغاك انتي تستقبلينها

ام مشاري : بحطها بعيوني لا تخاف

ابو مشاري : تسلم عيونك .. باي

ام مشاري : مع السلامة

غادة هي عمة روان ومشاري .. وبنفس عمر مشاري تقريبا .. عايشة باوروبا مع جد وجدة روان .. وتزور الرياض كل سنة .. لان ابو مشاري طلب هالشي عشان ما تضيع ثقافة غادة العربية ..
كول 2009 غير متصل   رد مع اقتباس
قديم 05-27-2009, 06:17 PM   #3 (permalink)
₪ همسـﮯ الطفولة ₪
مشرف متميز سابقاً
 
الصورة الرمزية ₪ همسـﮯ الطفولة ₪
 



كول 2009


نقلت.. فأابدعت بالنقل ..


وعلى روعة طرحكـ ,,


قصه رائعه .. اتلهف لبقيتها ..



يعطيك العافيه

ننتظر البارت القادم بشوق

₪ همسـﮯ الطفولة ₪ غير متصل   رد مع اقتباس
قديم 05-28-2009, 04:41 PM   #4 (permalink)
وحدهـ كووول
أمير الرومانسية
 
الصورة الرمزية وحدهـ كووول
 
كـ ـول 2009

ربيييي يسسسلمك عنوني

بصرآحه القصه مااره حلوه ..

وبنتظآر القآدم ..

ششششششكرآ
وحدهـ كووول غير متصل   رد مع اقتباس
قديم 05-29-2009, 09:40 PM   #5 (permalink)
كول 2009
رومانسي مبتديء
 
لعيوونكم البارت الثالث


00000000000000000000000000000000000000000000000000 0000000000

ابو مشاري : لا بس حبيت اذكرك ان اختي غادة جاية للرياض اليوم .. وبتجلس عندنا بالبيت يمكن اسبوع او اسبوعين .. طيارتها راح توصل بعد ساعة .. انا بتاخر بالدوام وابغاك انتي تستقبلينها

ام مشاري : بحطها بعيوني لا تخاف

ابو مشاري : تسلم عيونك .. باي

ام مشاري : مع السلامة

غادة هي عمة روان ومشاري .. وبنفس عمر مشاري تقريبا .. عايشة باوروبا مع جد وجدة روان .. وتزور الرياض كل سنة .. لان ابو مشاري طلب هالشي عشان ما تضيع ثقافة غادة العربية ..

00000000000000000000000000000000000000000000000000 000000000000000

وبالمدرسة كانت روان تتمشى بالساحة مع امجاد وسارة .. وشكلها مرة اندمجت معهم وانضمت لشلتهم ..

امجاد : تصدقين روان ارتحنالك كثير

روان : حتى انا

سارة : يعني لو وصلناك لفصلك .. نقدر نجلس معاك بالفسحة

روان : هههههههه .. اكييييد

وصلوا البويات روان لفصلها وبعدين راحوا

الاستاذة : وين كنتي ؟؟

روان : ها .... كنت .... يعني ... بالادارة

الاستاذة : وايش كنتي تسوين عند الادارة ان شالله ؟؟

روان : كنت اكتب مخالفة عشان شعري سبايكي ..

الاستاذة صدقت كذبة روان : اهاااا .. طيب بسرعة روحي للمكان الفاضي اللي هناك

روان " مكاني جنب مرام .. ياحبيلها اكيد حجزتلي المكان .. "

روان : هاي مرمر

مرام : ............

روان : مرمر what is it؟؟

مرام : الحين هاربة من الحصة من غيري .. وبالاخير تساليني وش فيك ؟؟

روان حست بالذنب : وش اسوي .. تعرفت على شلة بنات وقالولي ..

قاطعتها مرام : اهااا .. تعرفتي على شلة غيرنا .. الله يوفقكم

روان : مرام ليش انتي كذا ؟؟ مستحيل استبدلك بأي احد

مرام : .....................

روان : مرمر

مرام : ..................

روان : واذا قلتلك اني عازمتك اليوم ع العشا انا واخوي مشاري .. بترضين ؟؟

مرام فرحت : جد ؟؟؟؟

روان : ههههههههه .. ايه جد .. موافقة ؟؟

مرام : امممممم .. موافقة خلاص

روان : الله يخليك لي

مرام : ويخليك يا بعد هالدنيا

00000000000000000000000000000000000000000000000000 00000000000000


بالمطار كانت ام مشاري تنتظر طيارة غادة .. و اول ما شافتها انصدمت .. كانت غادة لابسة تنورة فوق الركبة وبلوزة cut ظهرها عاري والسعوديين كلهم وراها يرقمونها

ام مشاري : غادة ايش هذا اللي لابسته ؟؟

غادة : thing to ware hi .. just some

ام مشاري : تعالي البسك عباية .. مايصير تمشين بالرياض بهالملابس .. لو يشوفك ابو مشاري وش بيسوي فيك

غادة : اول شي سلمي ورحبي فيني بعدين عطيني مواعظ

ام مشاري انصدمت من جرأة غادة : غادة الى الان انا قاعدة اكلمك بادب .. تعالي بسرعة لا يشوفك احد يعرفنا والله تفضحينا

غادة : اوووف انا ايش سويت .. ويسالوني ليش اكره الرياض !! عشان الحرية المعدومة فيها

ام مشاري : هذي نتيجة الحياة باوروبا ..

غادة : what ever

لبست غادة عباية غصب بس ما تغطت.. و عشان تعاند فتحت غادة عبايتها ونزلت الطرحة على اكتافها

ام مشاري : غادة حبيبتي الوحدة لازم تستر نفسها

غادة : بليز مابي تنصحيني مثل كل سنة .. انا بسوي اللي براسي فـ لا تتعبين نفسك .. and thanx any way

ام مشاري " انا خايفة تخرب غادة بنتي روان .. بنتبهلها زييين بهالاسبوع .. وين بتروحين مني يا غادة .. ماراح اخليك تطلعين من السعودية الا بعباية راس بعد "

00000000000000000000000000000000000000000000000000 0000000000000000000

وبالمدرسة روان كانت تضحك وتستهبل مع مرام والشلة وباين انهم نسوا سالفة البويات .. ووسط سوالفهم رن جرس الفسحة

وسام : اخيرا بنشم هوا

عبير : اليوم كله ما اخذنا ولاحصة

مرام : احسن عشان نفلها باول يوم

روان : احلى شي اننا مع بعض ومستحيل نتفرق

وقبل ما تنهي روان جملتها دخلوا البويات لصف روان وسحبوها من يدها بدون سلام ولا كلام

سارة : يلا روان وعدتينا تمشين معنا بالفسحة

روان : أيه بس كان قصدي اعرفكم على صديقاتي

امجاد : واذا قلنالك اننا مانبي صديقاتك

روان والشلة انصدموا من وقاحة امجاد

وسام : ومن قال اننا ميتين عليكم

روان : وسام بليز يكفي ..

مرام : اهااا روان ما تبغا تترك her new best frinds لحالهم

روان : مرمر انتي تدرين انهم مو best ولاشي .. مجرد صديقات

مرام : .........

روان طفشت من اسلوب مرام الاستفزازي

روان : خلاص بنات عشان ما تكبر الهوشة بروح مع سارة وامجاد

البنات كانوا كلهم ساكتين ومستغربين تصرف روان .. ووسط هالصمت سحبت امجاد يد روان وطلعوا من الفصل

امجاد : صراحة طحتي من عيوننا انا و محمد

روان قبل ما تسال مين محمد تذكرت انه الـ nick name لسارة

روان : انا وش سويت ؟؟؟ رحت معكم وتركت صديقاتي وش تبون اكثر

سارة : nothing .. بس نبغاك تصيرين اقوى وكلمتك تمشي على صديقاتك ..

روان : ما اقدر اتسيطر عليهم

امجاد : اذا ما تسيطرتي عليهم هم راح يتسيطرون عليك .. روان لازم تبنين لك شخصية قوية قدامهم

روان حست انهم راح يفرقونها هي وصديقاتها فحبت تغير الموضوع : وش رايكم نروح وتعرفوني بشلتكم

سارة : اوكي تعالي

00000000000000000000000000000000000000000000000000 000000000000000000

مرام وهي ميتة قهر وتصارخ : شفتوا .. شفتوا .. قلتلكم اول ما تتعرف روان على صديقات جدد راح تسحب علينا

عبير : يمكن كان قصدها ما تكبر المشكلة اكثر

مرام وهي معصبة حدها : وانتي مصدقة !! تقدر تقولهم بروح مع صديقاتي وتنهي المشكلة .. بس لا .. تبغاهم ولاتبغانا

وسام : خلها تروح هي وياهم .. تعالوا بس نطلع بالساحة ولا نقلق انفسنا بناس مو مهتمة فينا

العنود : وسام صادقة .. تعالي مرمر نطلع

مرام بحزن : الفسحة ما تحلى الا مع روني

عبير : روني ما طارت .. بتشوفينها الحصة الرابعة وبتتفاهمون وترجعون مثل اول .. انسي السالفة الحين

طلعوا البنات للساحة وتركوا روان تتعرف على شلة البويات وتندمج معهم وهم ما يدرون وش ينتظرهم ..

00000000000000000000000000000000000000000000000000 0000000000000000000

وبالبيت كانت غادة تفرغ شنطتها بغرفة الضيوف لما رن تلفونها ..

غادة : hi

هند : هاي غدّو .. اووهـ لا تقولين انك بالرياض الحين

غادة : الا بالرياض

هند : to bad .. كنا حابين نسوي shopping معك .. بس حنا بباريس وانتي بالرياض

غادة : لا تخافون كلها اسبوع وانا راجعة .. وبعدين بالرياض ماراح اجلس كذا .. راح اكون شلة and were gonna have fun ..

هند وهي تتأفف : اووف .. طيب سوي اللي تبغين .. عموما انا لازم اسكر منك الحين .. have a nice day

غادة : U 2

اول ما سكرت غادة جوالها انتبهت ان ام مشاري كانت واقفة عند الباب تتسمعلها

ام مشاري : امممم .. راح تسوين شلة اجل ؟؟ ومن وين ان شاء الله راح تتعرفين عليهم

غادة : اهااا ما دريت انه فيه اجهزة مراقبة على مكالماتي

ام مشاري : انا اصلا ماكنت اراقبك .. كنت جاية اساعدك بتفريغ الشنط

غادة : ثانكس ما ابغا تساعديني .. اذا مرة ثانية شفتك تتنصتين علي راح اقول لاخوي ابو مشاري يتفاهم معك

ام مشاري عصبت : تهددين بعد .. وانا لو قلت لابو مشاري عن ملابسك بالمطار وش بيسوي فيك ؟؟

غادة : اووووف .. طيب راح اتعرف على صديقات روني وراح اتعرف على بنات بالكوفي .. ارتحتي الحين جاوبت على سؤالك

ام مشاري : لالالالا .. لا تقربين لروني ولا لصديقاتها .. وبعدين بنات الكوفي ماراح يفيدونك .. احسنلك انسي هالفكرة

غادة : انا مو قلتلك ما ابغاك تنصحيني .. اسوي اللي ببالي كيفي .. وبعدين انا عمة روني وماتقدرين تبعديني عنها

ام مشاري : ماراح ابعدتك عنها بس لا تخربين افكارها

غادة بصراخ : يعني افكاري خربانة ؟؟

ام مشاري : انتي الكلام ما ينفع معك

طلعت ام مشاري من الغرفة وغادة جلست على السرير " احسن طريقة ارفع ضغط هالعجوز فيها هي اني اصادق روني .. اجل انا خربانة !! هههههه نشوف مين الخربان ... "

00000000000000000000000000000000000000000000000000 0000000000000000000


وبالمدرسة كانت الفسحة على نهايتها وروان كانت جالسة مع شلة امجاد وسارة وهم تقريبا 11 بنت .. وشكل هبال روني عاجبهم ..

روان : هههههههههه وبعدين هربت من الفصل و استاذتنا صارت تضرب الطاولات من القهر

البنات : ههههههههههههههههههههههههههههههههههههههه

امجاد : هههههههههه ياليتني معك

روان : لا تخاف سعود المرة الجاية ان شاء الله

سارة : ههههههههه يعني فيه مرة جاية بعد ؟؟

روان : افااا عليك .. فيه مرات جايات مو مرة جاية

الكل : هههههههههههههههههههههههههههههه

وفجأة رن جرس الفسحة ..

امجاد : نواف لازم تجي معنا بالطلعة .. عندنا مكان سري ابغاك تشوفه

روان : مين نواف ؟؟

سارة : ههههههههههههه انتي يا غبية .. اسمك الجديد نواف

روان : اهااا حلو اجل .. اشوفكم بالطلعة ..

راحت روان لفصلها .. و أول ما دخلت الفصل كشرت مرام بوجهها

روان بينها وبين نفسها " اوووف الحين موعدي مع شلة الاكتئاب "

جلست روان مكانها ولا قالت ولا كلمة ..

مرام " غريبة ... هذي اول مرة تدري روني اني زعلانة عليها ولا تراضيني .. ياخوفي تتركنا روان وتروح مع البويات "

جلسوا طول الوقت ساكتين ولا يتكلمون لما رن جرس الطلعة ..

مرام : روني

روان : هلا

مرام : .............

روان : في شي ؟؟ انا رايحة مع امجاد وسارة ..

مرام : كالعادة بتروحين معهم وتتركينا

روان حست بالذنب بسبب برودها مع مرام

روان وهي تبتسم : أي بروح معهم وبتركك ..

مرام منصدمة : ..........

روان كملت كلامها وهي فرحانة : بس بالليل بروح معك للمطعم مثل ما وعدتك واتركهم ورانا

مرام وهي تصارخ من الفرح : توقعتك بتطنشين

روان : اطنش نفسي ولا اطنشك

ضمت روان مرام وراحت لامجاد وسارة .. ومرام راحت على طول للبيت

00000000000000000000000000000000000000000000000000 00000000000000
كول 2009 غير متصل   رد مع اقتباس
قديم 05-31-2009, 01:30 AM   #6 (permalink)
وحدهـ كووول
أمير الرومانسية
 
الصورة الرمزية وحدهـ كووول
 
روعــ ــه عنوني ..

وجـ ـآري الانتظآر ..
وحدهـ كووول غير متصل   رد مع اقتباس
قديم 05-31-2009, 07:28 PM   #7 (permalink)
كول 2009
رومانسي مبتديء
 
يسلمووووووووووووو

يلا حرام عليكم ابغا ردود عشان انزل بارتات جديدة
كول 2009 غير متصل   رد مع اقتباس
قديم 06-02-2009, 06:12 PM   #8 (permalink)
كول 2009
رومانسي مبتديء
 
مع انه مافيه ردود

بس بنزل هذا البارت وبشوف

ان شاء الله ألاقي تفاعل


00000000000000000000000000000000000000000000000000 00000000000000

مرام هي البنت الوحيدة لان امها وابوها تطلقوا .. اخر مرة شافت ابوها فيها هي لما كان عمرها 3 سنين ..

ام مرام : هلا وغلا باللي نورت البيت

مرام : اهلين ماما .. كيفك

ام مرام : بخير .. بس ابغا اتكلم معك شوي

مرام وهي خايفة : خير في شي ؟؟

ام مرام : لا تخافين بس ابغا اكلمك بحاجة بسيطة

مرام : اوكي .. بس قبل ما انسا .. انا طالعة الليلة مع روني للمطعم

ام مرام : امممم .. مين بيروح معكم

مرام بتردد : اخو روان

ام مرام : انا كنت برفض لاني ما ابغاك تطلعين مع اخو روان .. بس بوافق لاني راح اكلمك بموضوع ثاني وما ابغا اكلمك وانتي حزينة

مرام وهي فرحانة : تسلمين يا احلى ام بالدنيا .. امممم وايش الموضوع

ام مرام : مرمر انتي تبغين تشوفين ابوك ..

مرام مستغربة : ماما خلصي شعندك ؟

ام مرام كانت خايفة من ردة فعل مرام .. كانت خايفة انها تنهار .. فقررت تقول اللي عندها بسرعة وتنهي السالفة قبل توتر بنتها اكثر ..

ام مرام بحزن : حبيبتي راح تعيشين مع ابوك من الاسبوع الجاي ورايح ..

مرام بصدمة : أيــــــــش

ام مرام : حبيبتي انا وكلت محامي وحاولنا بكل الطرق اننا نفوز بالقضية .. بس المحكمة عطت ابوك الوصاية التامة عليك ..

مرام وهي ماسكة الصيحة : طيب .... ماما .... انا متى اشوفك

ام مرام ما قدرت تتحمل وجلست تصيح : آسفة ... ماراح نشوف بعض مرة ثانية

مرام صارت تصارخ وتكسر الاشياء قدامها .. حست بسواد يغطي عيونها وقوة شديدة تسحبها للارض .. حست حياتها راح تنتهي .. استمرت تكسر الاشياء وتصارخ بشكل جنوني .. معقولة تترك امها .. معقولة اعز شخص عندها بالدنيا تتركه ببساطة .. خافت من مصيرها مع ابوها .. خافت يحرمها من روني بعد .. خافت يدمر حياتها الحلوة ..

مرام بصراخ عالي : مابي اروح معاه .. ماابغا .. ابغاك ماما ابغـــــــــــــــــــاك

ام مرام وهي تبكي : اهدي حبيبتي بليز لا تصارخين .. راح احاول ..

قاطعتها مرام : ماراح اروح .. لو يسحبني من شعري ماني رايحة ..

ام مرام : بس حبيبتي معاه امر من المحكمة

مرام حست انها عاجزة .. ضمت امها بكل قوتها وجلست تصيح وتصيح وتودع حياتها مع امها ..

00000000000000000000000000000000000000000000000000 0000000000000000000


روان رجعت للبيت بعد هبالها مع امجاد وسارة ..

روان : هااااي .. مين بالبيت

فجأة طلعت غادة من الغرفة : هاي روني

روان وهي تصارخ من الفرح : غدّوووووو

جلسوا يضحكون ويضمون بعض ..

غادة وهي تمزح : من اليوم ورايح انا اسمي عمة غادة مو غدو

روان : يا سخفك .. اقول كيفك وكيف باريس .. وايش جبتيلي من هناك

غادة : اووووه كثييير اشياء شريتلك ... تعالي غرفتي ..

دخلوا روان وغادة الغرفة و اول ما دخلت غادة الغرفة رمت على روان كيس كبير

غادة : this is yours .. open it

روان فتحت الكيس وجلست تتفرج على الملابس ..

روان : يااااي مرة حلوة

غادة : يعني اعجبك ذوقي

روان : very

غادة : روني انا رايحة الحين للكوفي شوب .. تبغين تروحين معاي

روان : لحظة اسأل ماما

غادة : ok .. hurry up

روان راحت لامها وبيدها الاولى الكيس وبيدها الثانية عبايتها

ام مشاري : خير ان شاء الله اشوفك ماسكة العباية

روان : ههههههه ماما انا رايحة مع غادة للــ

ام مشاري قاطعتها : لا

روان : بس ماما ...

ام مشاري : قلتلك لا

روان : ماما هذي عمتي ما يصير تبعديني عنها مثل كل سنة .. غدو مرة حبوبة واكيد هي تحبك .. ماما بليز ما نبغا هالسنة نخرب علاقتنا فيها

ام مشاري : اممممم ..

روان : بلييييييييييييييييييييييز

ام مشاري تبتسم : اوكي .. بس ابغا اشوف هالكيس اللي معك اول

فتحت ام مشاري الكيس وانصدمت من الملابس .. كلها قصير وعاري و cut و short ومن هالنوعية

روان تأكدت ان امها راح ترفض طلعتها مع غادة للكوفي بعد ما شافت للملابس

روان : فرصتي للهرب

ركضت روان وهي ميتة ضحك وسحبت غادة وطلعوا من البيت بسرعة قبل ما تعارض ام مشاري طلعتهم

ام مشاري وهي تبتسم وتحرك راسها بالنفي : هههههههههه عنيدة

ركبوا غادة وروان للسيارة وهم ميتين ضحك وما سكتوا الا على صوت جوال روان

روان : الو

مرام : هلا روان

صوت مرام باين انها كانت منهارة وكانت تبكي لساعات .. ومن كلامها باين انها مالها خلق لاحد .. خاصة انها اول مرة تنادي روان باسمها وما تقولها روني

روان : مرام فيك شي ؟؟

مرام : مو مهم اذا فيني شي والا لا .. بس حبيت اقولك اني ما اقدر اطلع معك الليلة للمطعم

روان : عشان هالسبب انتي متضايقه ؟؟

مرام : تقريبا .. راح اكلمك بعدين .. الحين حابة انام

روان وهي مستغربة : اوكي .. سي يو

مرام : باي

سكرت روان الجوال وجلست تفكر لثواني

غادة : .. is there a problem

روان : لا مافي شي .. يلا نروح للكوفي

غادة : يلا

00000000000000000000000000000000000000000000000000 0000000000000000000

ببيت مرام .. كانت مرام تفكر في مستقبلها الجديد مع ابوها .. تحاول تلاقي جانب ايجابي بحياتها مع ابوها

" ابوي ما رفع قضية على ماما الا لانه يبغاني .. قالتلي ماما انه غني .. يمكن يدلعني ويعوضني حنان امي .. هالاب اللي عشت حياتي وانا اتخيل شكله راح اشوفه اخيرا .. ويمكن اذا دخلت قلبه يوافق اني اشوف ماما .. وبهالطريقة اصير عايشة بين احضان ابوي وامي .. نفس الناس الباقين .. نفس ما تمنيت .. "

قطع عليها حبل افكارها صوت امها ..

ام مرام : مرمر ممكن ادخل

مرام وهي تمسح دموعها : تفضلي

ام مرام : انا عارفة انه صعب عليك تعيشين حياة جديدة بس مع الوقت ..

مرام : لا مو صعب .. بس انصدمت بالبداية .. انا جاهزة وحابة اروح لبابا ..

ام مرام : انتي متأكدة ؟؟

مرام وهي تمسك العبرة : ايه متأكدة

ام مرام : اوكي راح اجهزلك شنطتك

مرام ما قدرت تمسك الصيحة وصارت تبكي في حضن امها

ام مرام : مرام ابغاك تعرفين شي واحد .. حتى لو كنتي عند ابوك تأكدي اني ماراح انساك وراح آدعيلك كل يوم بحياة حلوة معاه ..

مرام وهي تبكي : شــ .. شكراً

00000000000000000000000000000000000000000000000000 0000000000000000000

وبالكوفي كانت روان تستهبل وتضحك مع غادة ..

روان : هههههههههههه وقسم انك رهيبة يا غادة

غادة : ههههههههه ادري

روان : تعالي نستهبل على شلة البنات اللي هنا .. شكلهم قراوى

غادة : اوكي .. لحظة بروح لهم

راحت غادة لطاولتهم وتعمدت تتكلم بالانجلش عشان تورطهم لانه باين انه ما عندهم لغة انجلش ابداً

غادة : hi girls can I sit with you

البنات صاروا يتلفتون على بعض ولا يدرون كيف يردون عليها لانهم ما يدرون وش تقول

غادة : excuseme

روان كانت ميييييتة ضحك عليهم

وحدة من البنات تكلمت : لو سمحتي انتي تتكلمين عربي ؟؟

غادة : what R U saying

روان حبت تلعب مع غادة

روان : hi can I help ??

البنت : يووووه ابتلشنا بوحدة جتنا الثانية

غادة وروان ما قدروا يمسكون ضحكتهم .. والبنت مسكينة انحرجت وطلعت من الكوفي

غادة وروان : ههههههههههههههههههههههههههههههههههه

روان : وربي انك فلة ..

غادة : هههههههه عشان يحرمون يطلعون من البيت الا لدروس انجلش خصوصي

روان : من جد ههههههههههههههههههههه

كانت غادة تضحك لما حست انه فيه شي يعصر بطنها ويقطع اعضاءها .. كان الم قوي ما قدرت تتحمله .. بدا الالم يزيد ويزيد وحست انها راح تنهار .. فجأة بدا الالم يخف لما راح عنها .. جلست غادة على الكرسي وصارت تتنفس بصعوبة وتستعيد وعيها بعد المغص اللي صار ببطنها

روان : غدو صاير شي .. انتي بخير ؟؟؟

غادة : ya .. بس حسيت بالم ببطني وبعدين راح

روان : اهااا .. تبغين نرجع للبيت

غادة : قلتلك راح خلاص .. ما يحتاج نرجع

وفجأة شافت غادة شنطة البنت اللي فشلوها

غادة : ههههههههههه شوفي شنطتها المسكينة نستها

هنا روان اغمى عليها من الضحك : هههههههههههههههههههههههههههههههه

غادة وهي تفتش الشنطة : تصدقين سوينا لها معروف .. لو شافها احد وهي ماسكة هالشنطة بيموت ضحك عليها

روان : هههههههههه سبحان الله ماعندها ولا ماركة بهالشنطة

غادة : ههههههههه لا هذي ماركات سوق الجمعة حق القراوى والعجز

روان : ههههههههههههههههههه ماركات سوق الجمعة ..

غادة : ههههههههههههههههه انا ادري

فجأة وصل مسج على جوال روان .. وكان من مرام

" روني اذا فضيتي اتصلي علي "

روان كانت حاسة ان مرام حزينة وما تبي تكلمها وتسمع شكاويها وهي ميتة ضحك مع غادة .. فقررت تطنش المسج وتكلم مرام بكرا

00000000000000000000000000000000000000000000000000 0000000000000000000

وبالليل كان مشاري جالس مع ام مشاري وابو مشاري .. كان ينتظر روان وغادة عشان ياخذ روان للمطعم مثل ما وعدها ..

وفجأة سمع مشاري صوت باب البيت وكانوا روان وغادة ..

غادة : oh I am soo tired

روان : حتى انا ما اقدر افتح عيوني من التعب

مشاري : هاي بنات .. رجعتوا من الكوفي

روان : وش رايك ؟؟

غادة : لا الى الان بالكوفي بس جينا نصور عند باب البيت ونرجع

روان : هههههههههههههههههههههههه

مشاري تفشل : اقول الشرهه على اللي ينتظركم عشان يوديكم للمطعم

روان : يوووه انا تعباااانة مرة .. شرايك نأجلها بكرا

مشاري : لا مافيه بكرا .. تبغين نروح الحين والا ما نروح

روان : خلاص كيفك مابي اروح

غادة : ولا يهمك انا اوديك مع سواقي بكرا للمطعم

روان : تسلمين .. تصبحون على خير جميعا انا رايحة انام

غادة : good night

غادة و روان راحوا غرفهم ولا حتى تأسفوا لمشاري ..

مشاري : ماما شفتي كيف طنشتني وانا طول الوقت انتظرها

ام مشاري : كله من غادة اللي سهرت بنتي وتعبتها

ابو مشاري : لا تلومون اختي على أي شي .. روان هي اللي قررت تاجلها ولازم تتحمل نتيجة قرارها مو تلوم احد ثاني

مشاري وامه سكتوا لانهم حسوا ان ابو مشاري عصب .. اما روان كانت نااايمة بغرفتها ولا تدري عن مصيبة اعز صديقاتها مرام ..

00000000000000000000000000000000000000000000000000 000000000000000000
كول 2009 غير متصل   رد مع اقتباس
قديم 06-04-2009, 09:18 AM   #9 (permalink)
كول 2009
رومانسي مبتديء
 
خلااااااااااص طفشت أنزل بارتات وماحد يقرا


بنزل هالبارت وياااااااارب الاقي ردوووووووووووووود

00000000000000000000000000000000000000000000000000 000000000000000000

كانت مرام نايمة .. لما حست بصوت صراخ في الدور السفلي .. قامت مرام من سريرها وتركض بخطوات متوترة لما وصلت لمكان الصراخ ..

مرام : بــــابــــا ..!!

ابو مرام كان واقف ويضرب امها بكل قوته .. ولما شاف مرام وقف عن الضرب وسحبها بقوة للشارع

مرام : اتركني ما ابغاك .. ما ابغا اروح معك ..

ابو مرام : انتي بتروحين معي غصب .. رضيتي والا لا

مرام كانت تبكي وتبكي وتحاول تجلس على ركبها وتتمسك بكل شي قدامها .. فجأة قربت منها امها وصارت تضرب كتفها

ام مرام : مرمر حبيبتي قومي .. مرام راح تتأخرين على مدرستك قومي يلا ..

مرام فتحت عيونها وعرفت انها كانت تحلم طول الوقت .. تعوذت من الشيطان وغسلت وجهها وتجهزت للمدرسة ..

00000000000000000000000000000000000000000000000000 0000000000000000000

اول ما وصلت مرام للمدرسة مسكتها مراقبة الفصل

المراقبة : لو سمحتي يا بنت .. عطيني هالسلاسل اللي لابستها

مرام : ليش ؟؟

المراقبة : ههههههه حلوة ليش .. ( بدت تصارخ ) عشانها ممنوعة يا طويلة العمر

مرام : انا ما ادري انها ممنوعة .. بمدرستي القديمة كنا نلبس اللي نبي

المراقبة : انا ماعلي من مدرستك القديمة .. عطيني سلاسلك اشوف

مرام : لاني ما ادري بالقوانين سامحيني هالمرة ..

المراقبة : مافيه شي اسمه سامحيني .. راح اسجلك موعد مع المديرة بعد الفسحة

مرام : استاذة بليز انا مو ناقصة تعهدات

المراقبة : عشان مرة ثانية اذا قلتلك فسخي سلاسلك تفسخينها بدون نقاش

راحت مرام لفصلها وبيدها ورقة المخالفة اللي لازم توقع عليها المديرة ..

مرام : اوووف انا فاضية للمشاكل .. مو كافيني مشاكلي مع ابوي وامي .. ومشكلتي مع روان اللي مالها حل .. مستحيل ابعدها عن البويات بدون سبب مقنع .. والحين مشكلتي مع المديرة .. اكيد راح تضربني وتعطيني تعهد وتاخذ سلاسلي .. اللهم صبرني يــــا رب

دخلت مرام لفصلها .. اول ماشافت روان ابتسمت لها .. حست انها نست كل همومها لما شافت روان .. جلست جنبها ونست الدرس والبنات .. بدوا يسولفون سوالف سطحية .. كيفك شخبارك ومن هالنوعية .. كانت روان تبغا تسأل مرام عن مشكلتها اللي خلتها تلغي موعدهم بالمطعم .. بس قررت تسألها بوقت يكونون فيه لحالهم ..

مرت الحصص بسرعة وبدت الفسحة .. طلعوا كل البنات من الفصل .. روان هالمرة جلست مع صديقاتها وسام والعنود وعبير ومرام .. وشكلهم نسوا سالفة امس ورجعوا اعز الصديقات .. كانوا جالسين تحت وحدة من شجر الزينة بالمدرسة

روان : هههههههههههه وبعدين صارت غادة تتكلم انجليزي والبنت ما تدري عن شي

البنات : هههههههههههههههههههههههههههه

روان : وبعدين من الفشيلة طلعت البنت من الكوفي ونست شنطتها .. تخيلوا اخذنا الشنطة وصرنا نعلق عليها

كانت روان متحمسة وتقول سالفتها بحماس .. بس البنات بدوا يطالعون ببعض بنظرات غريبة وكأن السالفة ما اعجبتهم ..

عبير : حرام عليكم مسكينة

مرام : ايه حرام .. لو تركتوها كان كسبتوا فيها اجر

العنود : حنا صح نحب نستهبل ونضحك بس ما نفشل خلق الله

روان عصبت من ردة فعلهم خاصة ان السالفة بالنسبة لها تموت ضحك ..

روان بصراخ : اوووف انتوا القعدة معكم تطفش

قامت روان من مكانها .. وطبعا راحت لامجاد وسارة ..

روان : هاي سعود .. هاي محمد

امجاد وسارة : اهلين نواف

كانوا وسام والعنود وعبير ومرام مندهشين من هالسلام .. فيه احد يسلم على بنت ويناديها باسم ولد !!

وسام : صراحة روان فلتت من يدينا

مرام : لا تقولون كذا عنها

عبير : انتي شفتي كيف تناديهم وكيف ردوا عليها !!

مرام : والله ما ادري .. بس كل مرة اكلم روان انسا شي اسمه زعل وعتاب .. هالبنت مسيطرة على تفكيري ومستحيل احب احد مثلها ..

البنات سكتوا لان مرام كانت راح تبكي .. بس تذكرت موعدها مع المديرة وحاولت تنسى سالفة روان شوي

مرام : عن اذنكم بنات انا رايحة للمديرة

البنات كلهم بصوت واحد : ليــش ؟؟

مرام : بسم الله وحدة وحدة تكلموا مو مع بعض

وسام : اخلصي علينا ليش بتروحين للادارة

مرام : لا تخافون السالفة ومافيها اني لبست سلاسل اليوم الصبح .. والاكسسوارات ممنوعة هنا .. فحولوني للمديرة

عبير : الله يسهل عليك

مرام : آآآمين

راحت مرام للادارة .. وتعمدت تمر عند روان وامجاد وسارة عشان تسألها روان ليش رايحة للادارة ..

روان : سعود سعود شف مرام رايحة للمديرة

امجاد : مين مرام

روان : صديقتي هذي اللي لابسة جاكيت فوشي

امجاد : امانة هذي صديقتك ؟؟؟ عرفينا عليها

سارة : اييييه هذي البنت الحلوة اللي كانوا الشلة يتكلمون عنها ؟؟

روان بمزح : اهااا يعني صرتوا معجبات بصديقتي وانا مدري

امجاد : نواف بلا سماجة نادها خلنا نتعرف عليها

روان : طيب اذا طلعت من الادارة ناديتها .. الا ما قلتلكم عن سالفتي انا وغادة ؟؟

روان قالت سالفتها هي وغادة اللي بالكوفي .. وعلى عكس صديقات روان كانوا امجاد وسارة ميتين ضحك على السالفة ومتحمسين مرة ..

روان تكلم نفسها " سالفتي كانت حلوة وتضحك بس البنات ما يتقبلون مني ولاشي .. انا ادري انها مو شفقة على البنت اللي فشلناها .. بس لانهم يكرهوني عشاني تعرفت على بنات غيرهم حبوا يفشلوني .. معقولة نعيش كذا منقطعين عن العالم !! لازم اتعرف على بنات غيرهم واصير اجتماعية اكثر .. انا صح وهم غلط "

امجاد : نواف نواف شف مرام طلعت من الادارة

سارة : قلها تجلس معنا بليز

روان كانت زعلانة من ردة فعل مرام وشلتها على سالفة روان وغادة اللي بالكوفي .. ولاتبي تشوف ولا وحدة منهم

روان : لا مابيها

امجاد : نواف نادها ولايكثر

روان : طيب طيب بناديها .. مع اني زعلانة منها

امجاد وسارة ما كلفوا انفسهم يسألون روان عن مشكلتها مع مرام .. لأن همهم كان انهم يتعرفون عليها بس عشان شكلها .. وهالشي زعل روان شوي بس حاولت تنسا هالموقف وراحت تنادي مرام ..

روان : مرام

مرام : نسيتي my nick name ؟؟

روان بمزح : اصلا مرمر مو لقب .. هذا دلع ومو لايق بعد

مرام : على الاقل احسن من نواف

روان : اقول لايكثر .. انتي مستحيل تلقين صديقات مثل امجاد وسارة .. و نواف تاج راسك انتي واللي معك

مرام حست ان السالفة قلبت للجدية .. وانجرحت لما مدحت روان صديقاتها البويات

روان حست انها مسختها وقررت تغير السالفة ..

روان : اسمعي امجاد وسارة ميتين يبون يتعرفون عليك

مرام مستغربة : انــــا ؟؟

روان : ايه انتي .. شكلهم معجبات فيك

مرام استحت : اوكي بروح اجلس معهم

سحبت روان مرام وراحت لشلة البويات .. مرام كانت ميتة من الحيا لأن البنات كانوا اكثر من عشر بنات ..

مرام تكلم نفسها " معقولة كل هالعدد الكبير من البنات معجبات فيني ؟؟ .. ما توقعت اني حلوة لهالدرجة .. يمكن يحبوني وادخل شلتهم .. ونرجع انا وروان قريبات لبعض "

امجاد : اهلين مرمر

مرام : هلا مجودة

صديقات امجاد كلهم ماتوا ضحك على مجودة : هههههههههههههههههههههههههههههههههههههههه

امجاد استحت : مرمر انا boy .. والبويات ماندلعهم مجودة .. انا سعود

مرام من الاحراج ما قدرت تتكلم : ها ... اممم .. سوري .. انا ..

امجاد : هههههههه عادي عادي .. روان بالبداية كنا نقولها روني .. وبعدين صارت مثلنا .. وصار اسمها نواف

مرام : وانا طيب ايش بيصير اسمي ؟؟

سارة : الى الان ما دخلتي الشلة .. اذا دخلتي شلتنا طلعنالك nick name

الكل : ههههههههههههههههههههههههههههههههههههههههههههه

مرام تفشلت زيادة " انا كل كلمة اقولها لازم يعلقون عليها .. اووووف برجع لصديقاتي "

افنان : اقول .. ليش كنتي عند الادارة ؟؟

مرام : لا بس كنت لابسة اكسسوارات وعطوني مخالفة

سارة : لالا ليش تلبسين اكسسوارات .. انتي حلوة بدونها

مرام مستحية : ............

روان : خفوا شوي على صديقتي ترا ما تتحمل كل هالكلام الحلو

مرام : اممم ... انا لازم اروح الحين

امجاد : لسا بدري

مرام : ان شاء الله وقت ثاني .. باي

الكل : باااااي

اول ما رجعت مرام للبنات نطوا عليها وصاروا يسألونها عن جلستها مع البويات

وسام : انتي ليش رحتي للبويات صديقات روان ؟؟

عبير : هم نادوك والا انتي رحتيلهم

العنود : وش قالولك ؟؟

مرام : شوي شوي علي .. روان قالتلي انهم يبغون يتعرفون علي .. قلتلها اوكي

عبير : بس ؟؟؟

مرام بملل : بس

مرام كانت فرحانة انها تعرفت على صديقات روان .. وصار بينهم شلة مشتركة ثانية .. بس باقي الشلة كانوا متضايقين لان روان عرفت صديقاتها على مرام بس .. ونستهم ولا عبرتهم .. اما روان كانت متضايقة شوي لانها ماكانت تبغا البويات يعجبون بأعز صديقاتها .. وكانت عارفة ان ورا هالاعجاب راح تصير مشاكل كثير ..

00000000000000000000000000000000000000000000000000 0000000000000000000
كول 2009 غير متصل   رد مع اقتباس
قديم 06-08-2009, 11:41 AM   #10 (permalink)
كول 2009
رومانسي مبتديء
 
مشكورين على الردود

تفضلوا البارت هذا ان شاء الله يعجبكم

00000000000000000000000000000000000000000000000000 0000000000000000000

على نهاية الدوام البنات كانوا مرة تعبانين وحابين يرجعون للبيت بأسرع وقت

روان : يلا بنات انا رايحة البيت .. سواق غدو عند الباب

مرام : اهااا .. تصدقين الى الان ما سلمت على غادة .. مشتاقتلها

عرفت روان ان مرام تلمح لها عشان تعزمها لبيتها

روان : مرام حابة تروحين معي للبيت .. منها تسلمين على غادة ومنها اسولف معك لحالنا

مرام فرحت : صدق والله !! تسلمين حبيبتي .. راح اقول لسواق ماما يرجع للبيت وبروح معك

روان : اوكي

روان ومرام راحوا خارج المدرسة .. فقررت وسام ترجع بيتها

وسام هي البنت الوحيدة بين 5 اولاد في عائلتها .. ولهالسبب صارت وسام بوي بشكل كبير .. وماتعرف ولاشي بأشياء البنات ..

دخلت وسام البيت ورمت شنطتها بجهة وعبايتها بجهة ثانية .. ورمت نفسها بكسل على كنب الصالة وشغلت التلفزيون ..

ام وسام : اهلين حبيبتي .. متى رجعتي من مدرستك ؟

وسام : الحين توني راجعة .. بغيتي شي ؟؟

ام وسام : لا بس حابة اذكرك تلبسين وتتجهزين من الحين .. بنت خالتك غزلان جايتنا اليوم

وسام : اوكي اوكي بس انا جوعانة وش طابخين لنا اليوم

ام وسام : ماشاءالله ما تدرين وش طابخين لانك عمرك اصلا ما دخلتي المطبخ

وسام : يوووه بدينا الموال الحين

ام وسام : انتي متى تصيرين بنت مثل العالم

وسام : وش قصدك يعني

ام وسام طفشت وعصبت من استفزاز بنتها لها : اللهم طولك يا روح

اول ما راحت ام وسام .. على طول علت وسام على صوت التلفزيون اخر حد وصارت تقلب القنوات بطفش

00000000000000000000000000000000000000000000000000 0000000000000000000


اما في بيت روان كانوا روان ومرام يسولفون مع غادة في غرفتها

غادة : ههههههههههههههه يا حليلك يا مرام اشتقت لسوالفك

مرام : هههههه وانا اكثر تسلمين .. الا كيف باريس

غادة : احلى من الرياض بكثيييييييير

مرام وروان بوقت واحد : ندري

غادة : هههههههههه تكلموا بالدور لو سمحتوا .. كل هذا شفاح على باريس

روان : هههه يا ثقل دمك

غادة : والله من زود الطفش بالرياض صار دمي ثقيل

مرام : يعني وش تبين نسوي عشان يروح الطفش

غادة : اممممم وش رايكم نأجر استراحة ونسوي فيها حفلة دي جي

روان بدهشة : تـــقـــدريـــن !!

غادة : أي ليش لا .. عندي فلوس وسواق ووقت فراغ وفيني طرب

مرام : راح تكون احلى حفلة حضرتها بحياتي

غادة : ههههه اوكي اعزموا اللي تبون

روان : اكيد .. مرام اتصلي على وسام والعنود وعبير .. وانا راح اتصل بأمجاد وسارة وشلتهم

مرام : أ ... صراحة .. روني شرايك تكون الحفلة لشلتنا بس ؟؟

روان : ايش ؟؟

مرام : يعني تكون خاصة شوي

غادة : لا مابي نصير كئيبين حنا الستة .. ابي تصير الحفلة كبيرة و noisey

مرام تفشلت : امممم طيب براحتكم

روان كانت تدري ان مرام ما تبغا شلة امجاد وسارة .. بس هذا ما منعها تعزمهم .. و بنفس الدقيقة دقت روان على امجاد

امجاد : الو مين معي ؟

روان : هلا سعود انا نواف

امجاد : هلا نواف كيفك

روان : تمام الحمد لله .. اقول انت فاضي بكرهـ ؟

امجاد : اكيد .. ليش

روان : تذكر غادة اللي تكلمتك عنها ؟؟

امجاد : ايه اذكرها .. وش فيها ؟

روان : عازمتك الليلة انت والشلة على الاستراحة

امجاد : حلوو .. راح اتصل على البنات واقولهم

روان : اوكي باي

00000000000000000000000000000000000000000000000000 0000000000000000000

وفي بيت وسام بعد صلاة العشاء .. كان الكل لابسين ومتجهزين لاستقبال الضيوف
وسام كانت لابسة بنطلون جينز برمودا وتيشيرت روك ومسوية شعرها سبايكي ولاحطت ميك اب ولاشي
رن جرس البيت .. وكانوا غزلان وامها

ام وسام : اهلين مروة ( ام غزلان ) شخبارك

ام غزلان : هلا والله انا تمام الحمد لله .. انتم شلونكم وحشتونا

ام وسام : وانتو اكثر .. هلا غزلان حبيبتي كبرتي وطلعتي تهبلين ماشاء الله

غزلان : هلا خالتي تسلمين عيونك الحلوة

ام وسام : تفضلوا ليش واقفين

دخلوا غزلان وامها لغرفة الجلوس .. وكانت وسام جالسة فيها .. اول ما دخلوا الضيوف للغرفة تفاجئوا بمنظر وسام البوي .. بس ما حبوا يبينون عشان ما يحرجون ام وسام

ام غزلان : هلا والله وسام .. تعالي سلمي حبيبتي

وسام راحت تسلم .. كانت غزلان تطالع وسام بنظرات تعجب .. ليش لابسة هالملابس كاننا بحفلة هالويين ( حفلة تنكرية )

ام وسام : وسام حبيبتي هذي بنت خالتك مروة .. اسمها غزلان

وسام : هلا غزلان

غزلان : اهلين

كانت وسام تطالع في غزلان .. كان شكلها مرة نعوم ورقيق وطالعة بنت كلها انوثة وجمال .. كانت لابسة فستان ناعم فوق الركبة مخصر من منطقة البطن والصدر مرة لونه ابيض وعليه تطريز وردي فاتح ولابسة بروش أحمر بناتي اعلى صدرها من اليمين .. وعلى خصرها كانت رابطة حزام احمر .. وحاطة ميك اب نااااعم ومبينة ملامح وجهها الــ baby face .. يعني بالمختصر تخقق

جلسوا الضيوف بالمجلس وبدؤا البنات يسولفون مع بعض

غزلان : وسام انتي بأي صف

وسام : اول ثانوي .. وانتي ؟

غزلان : انا ثاني ثانوي .. بس اتمنى ترجع ايام اولى .. كانت من احلى ايام حياتي

وسام : ليش ؟

غزلان : كانوا كل صديقاتي بمدرستي مع بعض .. بس هالسنة تفرقنا وكل وحدة راحت مدرسة

وسام : اهااا

غزلان : ايش ميولك ؟

وسام : ماعندي ميول معين .. وانتي ؟

غزلان : طبعا ميول فني .. احب الرسم كثير .. خاصة الرسم على التيشيرتات .. ودخلت مجال تصميم الازياء .. وافكر ادخل مجال الديكور .. الميول الفني مرة واسع ولهالسبب حبيته

غزلان كانت غيراااانة منها .. حست انها بنعمة لانها بنت .. وهي بنفسها نزعت كل الانوثة منها .. هذي مو اول مرة تحس وسام بهالشعور .. كانت دائما تشوف البنات الناعمات بمدرستها وتتمنى انها مثلهم .. فقررت اليوم تنسى ايام البوي للأبد .. وترجع بنت ناعمة مثل ما المفروض تكون من البداية

00000000000000000000000000000000000000000000000000 0000000000000000000

وجآ يوم آلحفلهـ .. كآن آلوقت آلظهر تقريبآ ومرآم في بيت روآن من آلصبآح .. كآنوآ روآن ومرآم وغآدهـ مقفلين على آنفسهم بآب آلغرفة ويرتبون للحفلة .. وفجأة فتحت ام مشاري عليهم الباب

ام مشاري : يا بنات وش رايكم تسوون حفلتكم بالبيت ؟

غادة : no way .. حفلتي مآرآح تكون الا باستراحة كبيرة .. والحين اعذرينا قاعدين نخطط مع الدي جي

روان : ماما ماعليه سامحينا هالمرة

غادة بهواش : ليش تسامحنا ما سوينا حاجة غلط

روان : غدو لا تعصبين امي

غادة : اوووف امك تعصب من كل شي

ام مشاري : انا كان ودي ارد عليك بس عشان روان ماراح اتهاوش معك

روان : تسلمين ماما خلينا لحالنا الحين

غادة باستفزاز : سمعتي ؟؟ تقول خلينا لحالنا

مرام : خالتي تعرفين غدو ما تحب احد يعاندها .. امسحيها بوجهي هالمرة

طلعت ام مشاري من الغرفة وسكرت الباب وراها بكل قوتها

غادة : ههههههههه روني انتي كيف متحملة امك

روان عصبت : غادة لو سمحتي خلينا في الحفلة ..

غادة : اوكي .. انا علي الدي جي والاستراحة .. روان عليها تعزم البنات .. ومرام تتفق مع مطعم حلو يسويلنا بوفيهـ هناك

روان ومرام : اوكي

اتصلت روان على وسام عشان تعلمها بالحفلة

روان : اهلين وسام

وسام : هاي روني

روان : كيفك ؟؟

وسام : تمام .. تبين شي ؟

روان : ايه .. اسمعي الليلة عندنا حفلة بالاستراحة .. تقدرين تجين ؟؟

وسام : اكيد ليش لا

روان : verey good .. اشوفك هناك

وسام : بس ...

روان كانت مستعجلة وسكرت الخط قبل ما تسمع وسام لان وراها مدعوين كثير لازم تعزمهم

وسام " يا ربي اتصل عليها والا لا .. الا راح اتصل وش فيها يعني .. اخاف تستحقرني .. لالا بالعكس راح تفرح .. خلني اجرب حظي معها "

رفعت وسام السماعة بتردد واتصلت عليها

غزلان : الو

وسام : اهلين غزلان

غزلان : هلا والله وسام .. كيفك

وسام : تمام ... اممم .. ممكن اطلب منك طلب ؟؟

غزلان : اكيد انا حاضرة

وسام : اممم .. تعالي بيتنا واقولك

غزلان : اوكي دقايق واكون عندك

بعدها بساعة تقريبا وصلت غزلان بسرعة لبيت وسام

غزلان : وسام خوفتيني ايش صاير ؟؟

وسام : لا مافيه شي يخوف .. بس منحرجة منك شوي

غزلان : اعتبريني اختك الكبيرة وقوليلي كل شي

وسام بتردد : اوكي .. انتي ملاحظة اني بوي ؟؟

غزلان بخجل : الصراحة ... ايه ملاحظة .. وكنت بنصحك بس خفت تعتبرينه انتقاد

وسام : لالا .. انا لهالسبب حبيت اكلمك .. الليلة عندنا حفلة دي جي انا وصاحباتي .. وابغا اكون بنت نعومة مثلك بالحفلة .. اتمنى تساعديني

غزلان وهي تبتسم : افااا عليك الحين رايحين للسوق وشارين ملابس وميك اب واكسسوارات .. يلا البسي

وسام بفرحة : تسلمين يا احلى اخت كبيرة .. الحين رايحة اغير ملابسي دقايق ونمشي

00000000000000000000000000000000000000000000000000 0000000000000000000

غادة : لا الحفلة ما تنتهي الا على اذان الفجر .. اذا تبغيننا ندفعلك راتبك كامل لازم تقعدين الى نهاية الحفلة

روان : غادة وش فيك تصارخين ؟

غادة : الدي جي تقول راح اطلع من الحفلة الساعة 12

روان : مع نفسها بس

غادة : من قلب

روان : انا رايحة البس واتجهز .. لازم نكون اول الواصلين للحفلة

غادة : تعجبيني .. وانتي تقعدين لما تنتهي الحفلة والا نستأجر دي جي ثاني ؟؟

ووسط هواش غادة اتصلت على جوالها الثاني صديقتها

غادة : اقول باي انا مو فاضية لك .. اذا رجع عقلك في راسك اتصلي علي

سحبت غادة جوالها الثاني ..

غادة : hi

هند : hi غدو .. بليز قولي انك في الرياض

غادة : ya im still there

هند : good .. لان اروى راح تجي الرياض تقريبا الساعة 2 بالليل .. وهي ما تعرف الطريق ولا تقدر تدبر نفسها .. بليز غدو روحيلها بالمطار وساعديها

غادة : اممممممم .. اوكي مع انه عندي حفلة الليلة بس بطنش الحفلة وبروح لها

هند : يا حركات تطورتوا صرتوا تسوون حفلات يا اهل الرياض

غادة : ليش مو عاجبينك ؟؟

هند : ههههههههههه لا بس مستغربة

غادة : ههههههههههه الله يعين .. ok see ya swetey

هند : باي

00000000000000000000000000000000000000000000000000 0000000000000000000

وفي السوق كانوا وسام وغزلان يتسوقون ويشترون اشياء بناتيه ناعمة لوسام

غزلان : شوفي هذا المحل ,, فخم وكلهـ ماركات وبنفس الوقت ناعمة

وسام : اوكي نروح نشوفهـ

اول ما دخلوا المحل نط بوجههم واحد من العاملين

العامل : كيف ممكن اخدمكم

وسام : ندور ملابس سهرة

العامل شاف شعر وسام وعرف انها بوي .. راح يجيب لها ملابس بوي وايمو

وسام عصبت : انا ما قلتلك ابغا هالاشياء المتخلفة .. قلتلك ملابس سهرة .. ملابس بنات ما تفهم

غزلان : هدي عصابك يمكن لانه شاف السبايكي ...

وسام : بس اللي يحط سبايكي هو البوي ؟؟ حتى البنات يحطون سبايكي .. ليش محد معترف اني بنت

طلعت وسام من المحل معصبة ولحقتها غزلان

غزلان : اذا راح تتصرفين كذا في كل محل ندخله اجل بنرجع للبيت

وسام : لا غزولة انا اسفة بس ما ابغا اصير بوي في نظر الناس

غزلان : لا تخافين مع الوقت راح يتعودون .. وانتي راح تصيرين راضية عن نفسك

وسام : تسلمين .. تعالي نرجع للمحل واوعدك ما اعلي صوتي عليه

غزلان : ههههههههههه مع انه حقد علينا بس يلا نرجع للمحل

وسام : هههههههههههههههههههههههههههههههههههه

00000000000000000000000000000000000000000000000000 0000000000000000000
كول 2009 غير متصل   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية انت لي كامله من البدايه إلى النهايه رواية بغاية الروعة ( منقولة ) يوبنكا روايات كاملة طويلة ممتعة للقراءة 314 11-29-2016 12:41 AM
رواية هوى قلبي روووووعة لاتفوتكم..( منقولة ) حلوة ودمي خفيف روايات كاملة طويلة ممتعة للقراءة 111 02-10-2014 01:00 AM
رواية صدفة <<<< رواية روعة لا تفوتكم ( منقولة ) يكفي جراح روايات كاملة طويلة ممتعة للقراءة 217 02-09-2014 01:54 PM
حب نور ومهند حقيقة أم خيااال؟؟!!! منارة الشعر عالم حواء الرومانسية 26 10-18-2008 11:50 PM
الحلقة الاولي من رواية الدلائل الحائرة رواية مستوحاة من ستار اكاديمي صااافي الاصلية ستار اكاديمي 1 2 3 4 5 6 7 8 Star Academy 46 06-12-2007 04:34 PM

الساعة الآن 01:33 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103