تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

نهاية رنا المحزنه

موضوع مغلق
 
أدوات الموضوع انواع عرض الموضوع
قديم 07-12-2004, 04:37 PM   #1 (permalink)
ملقوووووف
رومانسي مبتديء
 

ADS
Wink نهاية رنا المحزنه




نــهــايــة الأخت رنا المحزنه

هلا والله بأعضاء منتدى القصص والروايات.
عارف اني غاثكم بقصصي اللي تقول معلقات
بس وش اسوي استحملوني
كل هذا من لقافتي المهم نخش في الموضوع عشان مانطفشكم

( البداية الفعليه للموضوع )

نهاية رنا المحزنه

8
8
8
هذامسعود عطشان وشعره منحوت من قوة الشمس طالع كنه مدرس مصري يعطي دروس خصوصيه وقت الظهرية
مسعود وش المشروب اللي في يديك عسى بس مهوب منكر اشوف فيه غازات


الموقع الرياض 00 درجة الحرارة ثلاثة وخمسين (( باقي على درجة الغليان سبعة واربعين درجة )) .. وبعدها نرمي الشماغ ونفك الصفيرة اللي في روسنا مثل قدر الضغط نفرغ الهوى
<<< ياخوفي يطلع المخ مع الهوى اللي بيطع مع الصفيرة هذا اذا كان فيه مخ من الاساس
يعتبر الرياض من اشد العواصم حرارة لدرجة أن الضب يمشي على أطراف أصابعة إذا بغى يقطع الشارع وقت الظهر ...
وكذلك الإنسان إذا بغى يروح يصلي الظهر يرجع للبيت ما يبقى منه إلا جزمه تكرمون .. وبايقي جسمه يتبخر .. ويتلبد في السماء .. ثمن ينزل مطر ... على مناطق الرياض .. وأول ما يتجمع جسمه يجي للبيت بتكسي ..
<<<اقول لا تجلس تنصب علينا


حر مهوب طبيعي .. يعني لو تشيل معك مكيف وتحطه ورى ظهرك ما كفا .. لازم .. يمر جمبك سيارة بورش تمشي ثلاث مية .. عشان تجيب معها هوى وهي ماره جمبك .. صح ان الهوى حقها بيطلع حار .. وبتتشقق بشرتك وبتصير كنها زبيريه ضاربتها الشمس ومتقوسه ..بس في النهاية بيجي هوى
وعلى قولة الشاعر الكندي ( العوض ولا القطوعه )
<<< صورة واحد يمسح وجهه بالطاقية الين صارت صفراء من قوة الحر
وفي نفس الصورة / صورة واحد ماسكين وجهه اثنين يعصرونه
ثمن يحطونه في النشاف حق الغسالة وبعدها على حبال الغسيل عشان يلعب الهوى في وجهه

نهاية رنا المحزنه

8
8
8
اعوذوا بالله
وش هاللي طاق بالعالي
عشان كاس اشوى اني ما نيب كاس عندها

ومن أسباب كتابتي لهذا الموضوع هو سببين أول شي (( من تأثير ضربة الشمس ))
وثاني شي من كثرة طلبات (( الوالده )) كل شوي مرسلتني البقاله .. وكل ما جبت شي .. وقلت خلصت الطلبات قالت ارجع نسيت شي .. يعني حتى راعي البقاله .. قالي ترى اهلك يمكن ما يبونك تجلس في البيت عشان كذا يرسلونك .. حاول تطلع في شقه لحالك .. وجهك معذبهم .. وإلا حط على وجهك ورق مطبق وأخفس فتحتين لعيونك عشان ما يشوفون وجهك

هو كان يتكلم ويضحك وانا في يدي تونه مرسوم عليها سمك قرش .. والعب فيها واقوله كمل .. وش بعد
<< نوى يعدم الرجال بالعلبه عشان معد يستضرف

وانا العب بالعلبه .. وفي نيتي ابثبتها في نصف جبهته .. بس كل ما يجيت ارجمها اسمع صوت السمكه اللي مرسومه على العلبه تقول اذكر الله ياملقوووووف .. ترى الشيطان شاطر .. ولا تخلي الحر يذوب مخك .. أكثر ما هو مذوب ..
<<<الا وشلون صبرت السمكة على ريحة يديك المقطنه .
المهم ذكرت الله واخذت الباكنبودر .. وطلعت

وأنا أقول اريد حلا لهذا الحر القاتل .. حتى المكيف معد يبرد .. وخصوصا ان عندي أبو إذا شاف المكيف مشغل جاه جلطه في جيبه .. ويجلس يزعجني .. خساير حنا نلاقيها من شركة الهاتف .. وإلا من شركه الكهرب .. اقول سكره وشغل المروحه .. مشغل مكيف مره وحده .. انت حرام فيك حتى المهفه .. حدك بطانية تمسكها بيدك الثنتين وتهف على نفسك

هو يقول كذا وانا اقوله يا يبه .. الحر حقنا ما ينفع له .. مروحه صدقني يا الله مكيفات مركزي والا سكن في موسكو ونتغطى بثلج .. طراااااااااااخ (( أبد مافيه شي هذا صوت الطفاية وهي تنكسر على راسي ))

من بعد كسرة الطفاية وأبوي حس بمعاناتنا وصار يا خذنا كل يوم الظهر لبنده نجلس نتقضى ست ساعات .. كله عشان ننعم في البراد ونتبطح على البلاط حقهم (( البلاط حقهم ابرد من مكيفاتنا ))


وبعد ما يبرد الجو نطلع من بنده ولا نشتري إلا كيسه فش فاش .. بين قوسين ( بفك ) باقي على الصلاحيه يوم .. يعني ما يمدينا ناخذه للبيت ونوصل إلا منتهي تاريخه .. عشان كذا ناكله في السيارة بسرعه وبدون ما نشرب معه أي حاجه .. بس نحاول ان حنا نكون قريبين من بعض .. عشان اللي يغص نعطيه ضربه قويه على ظهرة توخر الغصه ومن قوت الضربة تطلع اللوز على طبلون السيارة
تحسون حياتي حياة بؤساء .. بس وش اسوي .. جالس اكتب موضوعي هذا وانا مشغل المروحه .. وعلى كتفي فوطة بيالات امسح العرق .. كني مزارع يجني قوت يومه

وفي الختام أحمل سلامي إلى أهلي وأقول مراسلكم.. ملقوووووف من قناة شلاويط



بالله يا شباب احد يدفنا بثلج .. وإلا يرجم علينا مكعبات ..
وإلا يجيب لنا عقد عمل في دعاية سفن اب ..

ملحوظة

العنوان لا يمت للموضوع بأي صله تم اكتشاف هذا الخطأ عند كتابة اخر حرف من الموضوع







لقافه صح نهاية رنا المحزنه



ملقوووووف غير متصل  
قديم 07-12-2004, 08:54 PM   #2 (permalink)
حـــور
أمير الرومانسية
 
الصورة الرمزية حـــور
 


شكرا على القصة موتتني ضحك




حـــور غير متصل  
قديم 07-13-2004, 01:18 AM   #3 (permalink)
!! نــــــدم !!
رومانسي مبتديء
 
هههههههههههههههههههههههههههههههههههههه


من جد القصه في صووب والعنوان في صووب

وبعد من جد انك ملقوووف


هههههههههههههههههه

بس الله يعطيك العافيه اخوي

مع تمنياتي لك بالتوفيق

أخـــــــــــــــــــوكــــــــــــــ

!! نــــــــــــــــــــــــــدم !!
!! نــــــدم !! غير متصل  
قديم 07-13-2004, 01:27 AM   #4 (permalink)
Bank33
رومانسي مجتهد
 
هههههههههههههههههههههههه ....................والله ضحكت من قلبي..........شكراً على الموضوع الي أكثر من رائع...........ننتظر موضوعك التالى .......................
Bank33 غير متصل  
قديم 07-13-2004, 02:59 PM   #5 (permalink)
ملوك
رومانسي رائع
 
هههههههه


وربي بموت ضحك يسلموووووو اخوي الملقووووف على القصة 000بانتظار جديدك
ملوك غير متصل  
قديم 07-15-2004, 12:30 AM   #6 (permalink)
جمال2
رومانسي مبتديء
 
حلوووه مررررره .. بس والله الحر نعمة .. لو جاك برد الشتاء بالرياض وخلا أصابعك العشرة تتجمد كان قلت أبي شوية نار أو دفاية عشان أتدفا شوي من هالبرد أو لحاف أتغطى به بس عشان هالبرد اللي طقطق لي أسناني


وتســـــــلم

التعديل الأخير تم بواسطة جمال2 ; 07-15-2004 الساعة 12:42 AM
جمال2 غير متصل  
قديم 07-15-2004, 06:40 AM   #7 (permalink)
ســــحر الشرق
رومانسي مبتديء
 
Question

هههههههههههههههههههههههههههههههههههههههههههههههههه هههههههههههههههههههههه
حلوووووووووووه وانا كل سااااعه اقول الحين بيبدا القصه وصااااار مااعندي سالفه

التعديل الأخير تم بواسطة ســــحر الشرق ; 07-15-2004 الساعة 06:43 AM
ســــحر الشرق غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 06:17 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103