تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

علاش يا قلبي تهواه بزاف (رواية مغربية تحكي واقع مرهقة)

موضوع مغلق
 
أدوات الموضوع انواع عرض الموضوع
قديم 05-07-2009, 01:44 AM   #1 (permalink)
I<3 Mickey
رومانسي نشيط
 
الصورة الرمزية I<3 Mickey
 

ADS
A 8 علاش يا قلبي تهواه بزاف (رواية مغربية تحكي واقع مرهقة)




علاش يا قلبي تهواه بزاف

انا شفت الروايات المغربية ف هاد المنتدى وقررت حتى انا نكتب الرواية ديالي اسفة مافي ترجمة

الشطر الاول
كانت باركة كتفكر قدام المرايا شنو تلبس الصباح كل صباح عندها صرااع مع ملابسها قررت تقلع بيجامة ديالها طلعت فوق الكرسي قبال الخزنة ديالها و نزلات كاع الطابق الفوقاني لي كان فيه حوايج الصيف لانو الربيع دخل ختارت لها واحد البودي في الكحل و شوميز نص كم فوقو بيضا سليم كحل و سندالا بيضا كتشد بالخيووط . مايك اب حطت اولا
(fonds de
(tein) اسمر على حسب بشرتها
السمرا مثل الهنديات الروعة و دارت كحل خفيف على عيونها وماسكارا على شفارها لاحاقاش الدرية تبارك الله عينيها غزالين و كبار وكحلين زين العربي حطت جلووز مثل الزيت على شفايفها وشعرها كان مابيهش كحل وواصل نص الظهر كانت دايرة سيشوار كي العادة منين كطلقوا كتجي فنة كيزيدها ف السن مع الدرية يالاه عندها 15 العام كانت شوية رشيقة يعني متوسطة ماشي غليظة وماشي رقيقة بزاف خدات الساك ديالها وهبطات التحت باش تفطر و هي هابطة تلاقت مع خوها الكبير ف درووج

وسيم- اجي نتي فين غادة بهاد الحالة بسلامة

وسنة-اوووف ياربي سيدي كل صباح نفس الكاسيطا مامليتيش اوااه

وسيم- كيفاش مامليتيش هادي اسمعي نقوليك انا ماعنديش ختي تخرج بهاد الشوهة من دار

وسنة تبتسم بسخرية- عاد دابا عاد عندك ختك هاها ماشي قلتي ما نا ختك مانت خويا

وسيم -وانا كرهت و كان ماكنتيش ولاكين منين كتبك الله غتحيدي علية ديك الشوهة من راسك و هاد شوميز المقزبة

وسنة ما تسوقاتش لهدرة ديالو وجات هابطة وشدها من ايدها

وسيم- قتلك غطلعي تحيدي هاد الشوهة

وسنة تغوت- بابا شوف لوسيم

الاب- وسييم مالك مع ختك عل صبااح

وسيم- واجي تشوف بنتك كيفاش خارجة لية انا

الاب-وسنة هبطي ابنتي نشوفك

هبطت وسنة وهي كتخنزر ف وسيم تخنزيرات قتالين

وسيم يبتسم ويكويليها السم

هبطت وسنة وهي حادرا راسها عارفة باباها غيدير ليها قصة على لاشوميز و بتاكيد حيتاش وسيم دوا عليها

الاب يهز راسو من الجريدة لي كان يقرا- وسنة طلعي ابنيتي بدلي الشوميز عليك

وسنة معصبة- وابابا سروال ماشي مزير بزااف اوواه

الاب - عارفاني ماكنحملش شي حاجا قصيرة شنو فيها الا لبستي حاجة طول من هاكا غتموتي

وسنة - اووووووووف ياربي

الاب- لمصلحتك

الام خارجة من الكوزينا و ف يدها الخبز- مالكم مضاربين عل الصباح

وسنة و عيونها فيهم دمووع- ماما قالولك شوميز مقزبة وطلعي بدليها

الام هزت حاجب و هبطت حاجب- مالها شوميز اسي طارق عادية و زايدوون غتزيد فقوها الطابلية

الاب- اها طابلية وقولي الوزرة من صبااح يلاه جلسي تفطري دايرين لية فيلم انتي خوك عل الصباح

وسييم معصب حيتاش ماكحلش ليها صباحها

فطرات وخرجات من الدار ودازت على صاحبتها ايمان لي ساكنة ف جوج خطوات ليهم

ايمان- وسنة جيتي زوينة اليوم

وسنة- مغسي حبيبة ديالي تانتي فنة

ايمان- مالكي ماكاتبانيش لية نورمال

وسنة-اووف غي سكتي اصاحبتي صبح لية وسيم عل الصباح ناري واحد التعصيبة عصبني

ايمان تبتسم - وانتي عارفة وسيم كيداير

وسنة- انا بغيت ليه لوطو طحنو عل الصباح

ايمان- اويلي الله يستر ماتقوليش على خوك هاكا

وسنة تبتسم- هاها نسيت الحبيب الغالي هاداك

ايمان حمارت- اشمن حبيب تانتيا غيكاتزيدي فيخرات انا خوك كاع مادايراه ف بالي اصلا

وسنة- وغانشوفوك

كملو الطريق ضحك وهدرة وسنة تنسى همها منين تدوي مع ايمان

ايمان ضمن الشخصيات الرئيسية هي الصديقة الحميمة نتاع وسنة كانت كتعرفها منين كانو صغار ولاكين تفارقو 6 سنين و رجعو تلاقاو من جديد ف الاعدادي
ايمان تبارك الله فيها كل صفات البنت الصالحة بيضا و عينيها مجبدين كي شي جابونيا شعرها مموج مناسب مع وجها واخا تاكاتبغيه مسرح الكل كيشهد باخلاقها الرفيعة ومستواها العالي ف القرايا

وصلت وسنة هي و ايمان للاعدادية وتفارقوا حيتاش ماشي ف نفس القسم

وسنة- ايمانوش حبيبة عندك ماتعاينينيش مع 12 نقتلك

ايمان- واخا عندك انتي تخوي بية و تمشي مع محمد

وسنة-ناري تسطيتي انا اصلا اليوم غنسالي معه هه

ايمان- انشا الله انا اصلا مابقيتش حاملاه

وسنة- ولي تسمع فيك سبحان الله كاع داك الحب

ايمان- تانتي اشمن حب يالاه طيري غيدخلو علية

وسنة- بااي بااي

وسنة وهي غادة ف طريق تصادفت مع محمد صحيبها وسنة ف خاطرها( ناري على هاد المصيبة تاني صباح الله)

محمد- صباح النور

وسنة و الابتسامة الصفرا- سلام

محمد- جري غيمشي عليك الحال

وسنة- اه انا غادة بااي

محمد مستغرب من وسنة هادي يومين و هي مبدلة عليه
فاتو جوج سوايع كيجريو و جات الاستراحة خرجات وسنة هي وصحاباتها و ناوية تسالي معه

سمية- وسنة انتي متاكدة

وسنة- واياه راه مابقيتش قادرة انا ووسيم بدا كيشك غيشدني هد المرة ثاني غيقتلني ولله و غنبرك ف دار مالي يا ختي نضحي بقرايتي مسبت واحد مانبغيهش وماقدرش تا على راسو

سمية- هاي هاي شوفيلك شكون داوي يا جنية شكون لي كان يقوول كنبغيه و غنموت عليه

وسنة-وكنت نقوول غي اعجاب و صافي يلاه طلقيني باغا نهبط نسالي معه واحل لية ولله

سمية كضحك على خفة دم صاحبتها

نزلات وسنة و كانت مترددة حيتاش كان محمد كيموت عليها حقا شافتوا و مشات عندوا

وسنة- محمد دقيقة

محمد يبتسم - وي حبيبة مالك كتبانيلي ماشي تال تمة

وسنة تبتسم- محمد باغاك تسمعني و تفهمني

محمد تبدلت ملامحو لانو حفظ وسنة و كانو ديجا كيتفارقو بزااف و كيرجعو - اش بيغيتي تقولي ثاني

وسنة- محمد حاولت ولله ماقدرتش ماكانشوف لعلاقتنا تا طريق ولله انت ف نفس المستوى الددراسي ديالي و شحال قدنا نبقاو مع بعضنا انا ماباغاش نضيع وقتي فهمني عافاك وخويا شاك فية الا شدوني انا هاد المرة غنبرك ف دار وانت ماكاتبغيليش هاد شي

محمد معصب -قولي هاكا من الاول انا عارفاك كيدايرة وكل مرة كنقول غتبدلي ولكن انا لي ماشي راجل متبعك

وسنة مصدومة-محمد مالك على هاد الهدرة راك عارفني بيلي ماكنتش كنكدب عليك

محمد- صافي ماباغيكش ترجعي تشوفي من جهتي نسايني

وسنة تشدو من ايدو- محممد

محمد-طلقي مني

مشى محمد وتاسفت وسنة ولكن هادا هو المعمول و القرار الصائب رجعات عند صحابتها لي كيساينو فيها على احر من جمر

سمية- شنو طرا

وسنة تبتسم-تفكيت منو

سمية-ومالك مغوبشة انا كان يصحابلي غتفرحي

وسنة- فرحانة ولكن حاسة جرحتو بزااف محمد كان يبغيني وبقا فية

سمية- كيبغيك ولكن انتي قررتي

وسنة طردت من افكرها ترجعلو وقالت بكل ثقة- اه مابقيتش غنرجعلو انشا الله انا غنبدي حياة جديدة مليت من هادشي ولله العظيم

سمية تخفف عليها -انشا الله

دازو جووج سوايع ثاني كيجريو و فالخروج الكل خارج من الحبس لي كان فيه فرحان وكيتسابق عل الباب

خرجت كي العادة ايمان هي الاولى وقفات تتسنى وسنة لي هي ديما التالية

خرجات وسنة مع سمية ايمان شيرات ليها باش تشوفها

وسنة- سمية هاياك ايمان

مشات عندها و حضناتها

ايمان- مالك ا الغبية

وسنة -ساليت معه

ايمان- وفرحي

وسنة- واياه ولكن راه بقا فية

ايمان-مالك ش درتي ليه قتلتيه راه خديتي القرار الزوين

ووسنة-نتمنى ربي يعوضني

ايمان تبتسم لها ديك الابتسامة زوينة لي كطمئنها- انشا الله

ودعت وسنة سمية و مشات هي وايمان ف طريق

وهما دايزين شافو واحد جماعة ديال دراري ديما كتريح مجيت الاعدادية

وسنة- ايمان شوفي قالو لية هاداك هو ولد الاستاذ ديال العلووم عرفتييه

ايمان- واياه راه قلتيها لية ميات مرة راه ولد خال حكييم
وسنة-وكنسى شوفي كيبان بووكوص ياكي

ايمان- زيدي زيدي امتى غتسالي من تبعكيك

وسنة- اووووه غي قلت اووواه

ايمان-زيدي وسكتينا الالا

وسنة- هايا زايدة

دازو ايام كيجريو ووسنة كتصارع واحد نهار فاقت ف صباح السبت مشات تقرا

وسنة- سمية شوفي مع العشرا ندوزو عند ماما نصايب شعري

سمية- اهاه واخا تا انا نيت باغا نسرحوا

وسنة-اوكي نمشيو بزووج

الاستاذ -سمية وسنة قلت ليكم ديك المرة بدلو البلايص

وسنة- سمح لينا غير هاد المرة

الاستاذ-شحال قدني نسمح

سمية- استاذ ياك انت حنين

استاذ- كتاكلو العقل

خرجوا مع اللشعرا فوتوا استراحة وخرجوا باش يمشيو فين كانو دياريين

وسنة-سمية شفتي الشوفات لي كايدير فية محمد

سمية- وفوتيه تا انتي

وسنة- هانا فايتاه

وصلو لصالون نتاع ماماها

ماماين وسسنة عمرها 38 سنة سيدة صغيرة وزوينة معلمة تجميل وحلاقة عندها محل بيضا كتشبه شوية لبنتها وحنينة وكتخاف بزااف على وسنة حيتاش هي البنت عندها ف وسط زوج دراري كتبغي الانضباط وماتحملش وسنة دير شي غلط

وسنة-ماما وصلنا

الام- واش بيغتيني ندير ليك ههه

وسنة- الحليب وتمر فينا هي امينة باغا بروشينغ انا

الام - شوفيها الداخل انا طالعة الفوق

وسنة- واخا ماما

وسنة -امييييييييينة فيننك وا العايلا

امينة كضحك- جيتي ا الفوضاوية

وسنة-جيت اسويهلة باغا بروشينغ قتال ديك المرة خسر لية دغية

امينة- كنت حااساها ولله ديزولي كنت مشطونة

وسنة- ماعلييكش طلقينا دابا ههه

امينة- واخا انا جايا

صايبت وسنة و سمية شعرهم و قرروا ينزلو ياخدو بيمو عند الحانوت وهما هابطين شافو واحد زوج دراري فوق الموطور شافوهم و الا هما رجال بغاو يتفكو منهم وسنة خافت و طلعت تجرري وتبعها واحد فيهم وماماها خراجة من صالون تصدافت معه فهمت الموقف غلط وهي تخنزر ف وسنة

نهاية الشطر

توقعاتكم



I<3 Mickey غير متصل  
قديم 05-08-2009, 03:08 PM   #2 (permalink)
I<3 Mickey
رومانسي نشيط
 
الصورة الرمزية I<3 Mickey
 

صايبت وسنة و سمية شعرهم و قرروا ينزلو ياخدو بيمو عند الحانوت وهما هابطين شافو واحد زوج دراري فوق الموطور شافوهم و الا هما رجال بغاو يتفكو منهم وسنة خافت و طلعت تجرري وتبعها واحد فيهم وماماها خراجة من صالون تصدافت معه فهمت الموقف غلط وهي تخنزر ف وسنة

هبط الدري كيجري

وسنة - ماما سمعني ماتفهمينيش غلط

الام-تبعيني الفووق

وسنة قلقلة -واخا

سمية-وسنة طالعة نمشي معك

وسنة- لابلاش انا غنهبط دغيا

طلعات وسنة وقلبها تيضرب

الام- مامتخيالكش انا ف داك المنظر ا وسنة

وسنة- شفتي كيف كتفهمي غلط انا ولله ماكانعرفهم جا تابعني وانا نخاف وهربت لفوق وتبعني وانتي تشوفي الموقف وكان كنت نعرفوا غنطلعو مثلا

الام- شفتي فين وصلنا ا وسنة

وسنة- واماما راه عادي اي بنت كيتبعها دري

الام- ماشي اي بنت بنت لي تكون داخلة سوق راسها ماكان لي دوا معها

وسنة- مالي انا ماما شنو درت

الام-شوفي انتي رجعتي كطيري بزااف وعاجبك راسك اوسنة

وسنة فيها البكا-ماما شنو كاتقولي انا ماتبدلتش انا كبرت وبالعكس انا كنبكر وكنضج ف عقلي

الام- اشمن تنضجي تنضجي عل الخوا الخاوي فينك و فين كبرتي يالاه تا ماشمتي تراب الدنيا

وسنة قررت تنهي المناقشة- اوكي ديزولي ماما

هبطات و هي معصبة وماقدراش تشوف طريق مسحات دموعها لي تيهبطو بسيف عليها و هبطات

سمية- مالكي صفرا

وسنة- انا غي كنبانلك نورمال

سمية - اوكي

مشات وسنة لداار وطلعات الفووق و هدرة ديال ماماها كدور ف راسها قبال المرايا بقات كتقول مافهمتش علاش مابقيتش حاملا حياتي هاد الايام بصح انا تبدلت كيما كتقول ماما مابقيتش كيف كونت بريئة وداخلة سوق راسي ولكن بلاتي انا شكانقول انا كبرت و مراهقة و كندوز ف تجارب ولكن الحمد الله ماعمري ماغلطت شي غلط كبيير وجامي ف حياتي اووف ياربي شنو جرالي

تلفتت وسنة شوية و حلات المجر نتاع ماماها وجبدات لي فولار ديالها و بدات كتجرب ماكتعرفش تعملهم كانو كيجيوها مخربقين تعصبات وحطاتهم

وشي راس قاليها وسنة رجعي جربي لي فولار رجعات جربات واحد الشال و حاولت تصايبو مزيان ميم سي دارت بزاف نتاع الشوكات ولكن جاها زويين تخلعات ف راسها كانت تصور الفولار حاجة نتاع الكبارات و خدات الكحوول كحلات عينيها و جات كتسطي طاح عليها واحد النوور

هببطاات عند ماماها تجري

وسنة- ماما كيجاني الفوولار

الام- واو جيتي زوينة

وسنة - حلفي

الام- ولله العظيم

وسنة-ماما كنفكر نخليه

الام- سيري يصحاب ليك هادا لعب

وسنة- ونجرب

الام-كيفما بغيتي مي قتانعي مزيان

وسنة كضحك- اوكي

طلعات بدلات حوايجها و خلات الفولار و هبطات

مشات بوحدها لاعدادية و هي داخلة ناس كتشوف فيها

عثمان-وسنة مالكي

وسنة- مالي

عثمان-مريضة داربك البرد

وسنة كضحك - لا كيجاتني

عثمان- زوينة مي مانتخيلكش بيها

وسنة مستغربة- علالاش

عثمان- حيتاش انتي ستيل و كتبغي تعيشي

وسنة- لا باغا نتبدل نيت

عثمان مستغرب منها-ايوة الله معك

وسنة- امين

وسنة غادة وفرحانة والناس مستغربة

دخلات القسم و الكل مبهور

فاطمة الزهرا-واو وسنة جيتي غزالة

وسنة تبتسم-مغسي حبيبة عيونك زوينين

سمية-مامصدقاش وسنة يلاه صايبت شعرها تعمل لفولار

وسنة- هههههههه مالي ماعلياش الله اواه

سمية- لا بصح مالك

وسنة- كنفكر نحتجب

سمية- تحتجبي

وسنة- اه علاش تصدمتي

سمية- غريبة ولله ماشي كنتي تقولي نلبسو لي شوورط هاد الصيفف

وسنة- كنت نقوول ولكن بدلت رايي انا بغيت نبدل حياتي

سمية -ايوا مانعرف اختي

وسنة-انا فرحانة

سمية- الله يكمل بالخير

هبطو البنات من درس وشافت وسنة محمد وجا عندها

محمد- وسنة جيتي غزالة

وسنة تبتسم- مغسي محمد نخليه

محمد- اه خليه جاك زويين

وسنة- مغسي محمد ديزولي على ديك المرة

محمد يبتسم - لا هانيا نسييت

وسنة -حمد الله نطويو صفحة ونبداو صفحة جديدة

محمد يبتسم- انشا الله

(هنا محمد عند بالو نبداو صفحة جديدة هي نرجعوا لبعضياتنا هي بغات تقول صداقة جديدة)

خرجت وسنة ومشات لدار من بعد ماكلشي مدحها على الفولار ودارت ف راسها غتخليه

ف ليل دخلت للمسن وهي كتشاطي دخل عندها واحد قبلاتو مانعرف كيدار طرا ليها قبلاتو وسنة ماكتقبلش الناس لي ماكتعرفش

دخل

...-Sàlù
wasna Dit: Hey! j Px sàvoir c Ki ?
L'essentiel et tjrs invisible ds les yeux dit : Samir et Toi

wasna dit: Wassna D'ou tua eu mn msn samir?

L'essentiel et tjrs invisible ds les yeux dit : D'un skyblog d'un ami tu a laisser tes traces et j'lé volé Lol

wasna dit : JE vois tu a un blog samir ?

L'essentiel et tjrs invisible ds les yeux dit :Oui Le voila

wasna dit: une min j'y jette un coup d'oeil

L'essentiel et tjrs invisible ds les yeux dit : Oé vazy prends tn temps xd

وسنة شافت البلووغ وصدق ديال ولد الاستاذ نتاع العلووم وتصدمات


نهاية البارت توقعاتكم ماهو موقف وسنة
I<3 Mickey غير متصل  
قديم 07-22-2009, 02:00 PM   #3 (permalink)
fach-vik-time
رومانسي مبتديء
 
salu j'aime bien ton histoire 3lach matkmlihach??
fach-vik-time غير متصل  
قديم 07-22-2009, 10:16 PM   #4 (permalink)
fiorentina
رومانسي مبتديء
 
bravo j'ai bcp aimé
fiorentina غير متصل  
قديم 07-22-2009, 11:44 PM   #5 (permalink)
الحب عذابـ
رومانسي مجتهد
 
الصورة الرمزية الحب عذابـ
 
إرسال رسالة عبر MSN إلى الحب عذابـ
?????????????????????????
الحب عذابـ غير متصل  
قديم 07-23-2009, 01:57 PM   #6 (permalink)
عدنان العقيلي
عطر الرومانسية
ابحث عن ذاتي بين كلماتي
 
الصورة الرمزية عدنان العقيلي
 
إرسال رسالة عبر Yahoo إلى عدنان العقيلي
قصه جميله ورائعه بالفعل
مشكورين
عدنان العقيلي غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
رواية انت لي كامله من البدايه إلى النهايه رواية بغاية الروعة ( منقولة ) يوبنكا روايات كاملة طويلة ممتعة للقراءة 314 11-29-2016 12:41 AM
بنحبك بزاف بزاف ضياء .. وداعا ايتها الملكة المغربية أليس رائعا ....... mawassif رفوف المحفوظات 23 05-05-2008 04:10 PM
** ^^ يا بحر ,,,اني بهواه اذوبــــــــ ,,, ^^ ** اميرة الاحلام خواطر , عذب الكلام والخواطر 43 11-19-2007 11:51 PM
الحلقة الاولي من رواية الدلائل الحائرة رواية مستوحاة من ستار اكاديمي صااافي الاصلية ستار اكاديمي 1 2 3 4 5 6 7 8 Star Academy 46 06-12-2007 04:34 PM
مروى علاش لكذوب علاش اغاراس اغاراس ستار اكاديمي 1 2 3 4 5 6 7 8 Star Academy 15 02-07-2007 11:49 PM

الساعة الآن 07:45 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103