تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

مسيرة يومي

موضوع مغلق
 
أدوات الموضوع انواع عرض الموضوع
قديم 06-28-2004, 05:03 PM   #1 (permalink)
ملقوووووف
رومانسي مبتديء
 

ADS
مسيرة يومي




هذي يوميات بس من خيالي

(مسيرة يومي)



نايم على سرير كله حديد ولا سرير جندي أفغاني من حركة طالبان ... أتقلب يمين ويسار من الحر كني دجاجة شواية .. وصوت المكيف كنه ماطور استراحه .. من قوة الصوت منشلخ الجدار يعني اللي يمر جمب الغرفة يقول وش كتيبة الجيش اللي جالسه تتدرب على الرماية هنا .

نايم و احلم أني غني .. احلم لو يصير راتبي أربعة آلاف ريال.. حاولت أني احلم بأكثر من أربعة آلاف ريال بس كل ما حلمت يجي تشويش وينقطع الإرسال.. عشان كذا قلت في نفسي عيال الفقر لا يحلمون بأكثر من أربعة آلاف ريال.. لأنه ممكن الشطوح في الحلم يسبب جلطه ... هذي نصيحة دكتور متقاعد لي.
حلمت وش بسوي براتبي أول شي بسويه بغير لون جدار غرفتي هاللي كنه قشرة موزة خربانه وبحط لون سماوي وبشتري سيارة بدال هالعربانه اللي اركبها كل يوم ومحسوبه علي سيارة .. وأنا جالس احلم .. سمعت صوت .. صوت كنه باب سطح ينصك بقوة .. شوي حسيت بألم في جبهتي ... ألم رهيب .. فتحت عيوني لقيت بيالة منشلخه جمب رأسي .. وأناظر والقى أبوي معه بياله ثانية .. جاي بيرميها علي وهو يقول ..

نعنبو خيرك ما قمت تصلي .. قم .. قم صل ورح لعملك .. ؟؟ وهو يتكلم راح وساحب السلك حق المكيف من قوة السحبه طاح وجه المكيف على رجله .. وجلس يطامر في الغرفة وورمت رجله .. وهو يقول قم لتوطى في بطنك .. هذا السهر وما يسوي .. هذي الانترنت خلها تنفعك ...

صحيت والنوم مسيطر علي كنه جني متركي على كتوفي .. رحت وغسلت وجهي في المطبخ .. ولبست ثيابي .. ثمن نزلت فتحت باب السيارة وركبت وجلست ادور الدر كسون .. شوي سمعت واحد يضرب على القزازة اللي جمبي التفت بنص عين لقيته جارنا .... يقولي (ملقوووووف) تراك راكب ورى انزل قدام عشان تقدر تسوق.
ركبت قدام وسقت السيارة وأنا نصفي نايم .. وصلت للعمل.. ودخلت المكتب .. لقيت شياب جالسين على الكراسي جلست أناظر فيهم .. أقول يا قدمكم شكلكم جايين مع بلك الوزارة أول ما بنوها .. وقف أبو عبيد وثلاثة أرباع وجهه غبار .. وقالي أقول ( ملقوووووف ) جعله في مواطي رجليك هاللي كنها خشبة ساكتون .. ضحكوا الشياب كلهم وواحد منهم طاح طقم الأسنان حقه ... هزيت برأسي وقلت يا أبو عبيد .. صراحه أحس إني جالس في متحف مهوب في وزارة على وجيهكم هالقديمه .. انتم يا أبو عبيد لو تروحون لمصر بيدخلون ذهب على وزارة السياحة هناك .. بياخذونكم ويكملون فيكم طقم الفراعنة اللي عندهم ..

ناظرني أبو عبيد وقالي .. أقول يا ( ملقوووووف ) هالقهر اللي فيك مهوب منك بلا والله من الإجازة اللي كل سنه يرفضها المدير .. الورقة اللي أنت كاتب عليها إجازتك .. صار لونها اصفر صارت مخطوطة قديمه.. إلا بالله في نفسي سؤال يا ( ملقوووووف ) تكفى .. قلت انا تفضل يا أبو عبيد .. قالي بالله الورقة حقت إجازتك كم لك سنه وأنت كاتبها ..

قلت والحسرة تقطع قلبي .. كني أم فقدت عيالها في غارة .. لي عشر سنوات .. افحط في الوزارة .. أقابل خششكم هاللمعرعرة اللي تجيب العقم .. كنها مواطي رجلين لها ست ساعات في الموية .. ضحك أبو عبيد .. علي وقالي شف ما فيه أمل يعطيك إجازة .. قال كلامه وطلع وخلاني .. أموت في غيظي ..

جلست سبع ساعات .. في العمل .. اعلق على هالشياب وأشرب من شاهي أبو عبيد هالقاز ... الين جاء وقت الطلعة .. وطلعت وركبت سيارتي والتعب ما كل خشتي .. من قوة التعب .. عظامي متسفطة كنها كراسي بوفيه .. وصلت للبيت أول ما دخلت نمت في الممر من الدوخه .. معد صرت أحس بنفسي ولعد صرت أحس بعيال أخواتي وهم يوطوني ورجليهم كلها طين من الحديقة اللي في الحوش ..

دخل أبوي البيت وهو يمشي وطاني .. ثمن وقف .. وجلس يصارخ .. وش هذا اللي في الأرض .. ليكون حاطين جلد نمر ، أنا قايلكم ما أبي تحف في البيت .. قالها ودنق وجلس يناظر في خشتي .. أول ما عرفني وقف وعطاني رجفه على كلاي .. وهو يقول .. ( ملقوووووف ) نعبنو خيرك أحسبك نمر حاطينه زينه في الممر .. وراك صابغ نفسك بني .. ونايم على الأرض ، قلت الغرف ..

قمت وأنا اتلوى من قوة الشوته .. قمت ارفع يدي .. كأني لاعب مصاب في ملعب يطلب الفريق الطبي .. وأبوي جالس يصارخ .. نعنبو حرثك نايم في درب المسلمين .. هالحين كل شياطين البيت موطينك .. وبعدين شف الساعة كم .. قلت وأنا افرك عيوني ما معي ساعة يبه .. على طول مد لي يده وهو يقول شف الساعة كم .. ناظرت في ساعته .. هاللي كنها ساعة حائط .. وقلت يبه .. متى بيطلع من ساعتك هذاك العصفور اللي يقول كوكو ، كوكو .. ما أمداني اكمل سؤالي إلا جتني يد أبوي تمشي الف على علباي .. حسيت أن مخي طاح في ظهري .. من قوة الضربة ..

طار النوم .. وصححت .. وعلى طول غيرت ملابسي .. ومشيت للمقهى حق الإنترنت .. أول ما دخلت لقيت قدامي المشرف اللي أشوف وجهه كل يوم وخزان الضحك ما يقضى عندي .. مدري أحس أن وجهه كنه زبيبه .. وجهه صغير .. قلت يا ( إقبال ) .. ابي جهاز كويس .. ترى أجهزتكم في المقهى .. قلق اخذ ساعة كاملة ولا اشتغل إلا ربع ساعة وباقي الوقت مهنق الجهاز عندي ..

ناظر فيني وقال .. ايش كلام أنت يا ( ملقوووووف) الجهاز كله كويس .. مقهى مية مية .. قلت ميده هين يا ( إقبال ) مية مية .. أنا أول مرة في حياتي أشوف مقهى كراسيه كراسي بلاستك كراسي بوفيه .. وفوق هذا كله .. مليان نمل .. وخنافس والله لو حنا جالسين في براحه يمكن ما يطلع علينا حشرات كثر اللي يطلع علينا في المقهى ..

مسكني بيدي .. وقالي شوف ( ملقووووف ) تعال فيه جهاز جديد .. جلست على الكرسي وشغلت الجهاز .. وجلست أناظر فيه .. صراحه الجهاز مليان بقع سود .. طالع كنه جهاز محل قطع غيار سيارات .. قلت ( لإقبال ) جب شاهي .. قالي انتظار شويا (ملقوووووف) كل كاسات محجوزة .. فيه خلاص أي كاس انا في سوي أنت .. تأففت .. وقلت يا ( إقبال ) اشتروا كيسان .. ترى وربي ملينا من كيسان اللبتن المجانية اللي تصلحون فيها شاهي .. والمشكلة ما فيه إلا أربع كيسان .. يعني لازم يجي الواحد بدري عشان يحجز جهاز وكاس ..

قلت كلامي وإقبال يطبطب على ظهري .. بيده هاللي كنها يد خباز إيراني ... هدي أعصاب أنت ( ملقوووووف ) .. وسوي شغل جهاز ..

اشتغلت على الجهاز .. ست ساعات .. الين انعدم ظهري .. حسيت إني راكب قطار مهوب جالس على كرسي مقهى ..

ناظرت الساعة لقيتها الساعة أربع الفجر .. حاسبت ( إقبال ) وطلعت من المقهى ورحت للبيت .. ودخلت الغرفة وشغلت المكيف .. يوم اشتغل سمعت صوت أبو جيرانا يقول الرحمه يا خوي تكفى أنت ومكيفك .. انا ابشتريلك واحد على حسابي... يا خوي من سكنتوا في الحارة وأنا ما ذقت طعم النوم

سفهته .. ورحت أنوم حطيت رأسي على المخده ونمت وجلست احلم .. واحلم ..

مختصر الجدول اليومي :

أقوم من النوم _ أروح للعمل _ اطلع من العمل أنوم _ بعد ما أقوم أروح للمقهى _ وبعد المقهى ارجع للبيت أنوم






وأسف على الإطالة مسيرة يومي








لقافه صح مسيرة يومي









التوقيع تحت الإنشاء



ملقوووووف غير متصل  
قديم 06-28-2004, 05:07 PM   #2 (permalink)
اميرهم
رومانسي مبتديء
 
بصراحه موضوع زي صاحبه












يعني روعه
اميرهم غير متصل  
قديم 06-30-2004, 05:23 AM   #3 (permalink)
حـــور
أمير الرومانسية
 
الصورة الرمزية حـــور
 


هههههههههههههههههههههههههههههههههههههههههه



يسلمووووووووووووو ملقوف على هالقصة الجنان

بصراحة قصة إبداع وتشبيهاتك قمة في البلاغة :(


أعجبتني واعجبت كل اللي خليتهم يقرونها وصار لك شعبية يالاديب


عن جد ثانكس القصة روعة خاصة

.. وصلت للعمل.. ودخلت المكتب .. لقيت شياب جالسين على الكراسي جلست أناظر فيهم .. أقول يا قدمكم شكلكم جايين مع بلك الوزارة أول ما بنوها .. وقف أبو عبيد وثلاثة أرباع وجهه غبار .. وقالي أقول ( ملقوووووف ) جعله في مواطي رجليك هاللي كنها خشبة ساكتون .. ضحكوا الشياب كلهم وواحد منهم طاح طقم الأسنان حقه ... هزيت برأسي وقلت يا أبو عبيد .. صراحه أحس إني جالس في متحف مهوب في وزارة على وجيهكم هالقديمه .. انتم يا أبو عبيد لو تروحون لمصر بيدخلون ذهب على وزارة السياحة هناك .. بياخذونكم ويكملون فيكم طقم الفراعنة اللي عندهم ..




عن جد لقافه
حـــور غير متصل  
قديم 06-30-2004, 02:48 PM   #4 (permalink)
الوهم الأخير
رومانسي رائع
 
الصورة الرمزية الوهم الأخير
 
[CENTER]

خخخخخخخخخخخخخخخخخخخخخخخخخخخخخخخخخخخخخخ

وربي وناااااااااااسه ومحشااااااااات

يسلمووووووووووو كروعي على القصص الحلو يواد اثاريك منت سهل يا حلو

يجي بالادب واذا ماجاء نروح نجيب ابووووه ونجي

تسلم يمناك علىكتابتك للموضوع

تـحـيــاتــــــي

°¨¨™¤¦¦¤™¨¨° الـوهـم الاخـيـر °¨¨™¤¦¦¤™¨¨°
[/align]
الوهم الأخير غير متصل  
قديم 06-30-2004, 02:48 PM   #5 (permalink)
ملقوووووف
رومانسي مبتديء
 
شكرا اميرهم علد مرورك الكريم وردك على موضوعي





وبعدين انا عارف اني روووعه وما اخذت رأيك










لقافه صح
ملقوووووف غير متصل  
قديم 06-30-2004, 02:52 PM   #6 (permalink)
ملقوووووف
رومانسي مبتديء
 
شكرا مسعووود على مرورك الكريم على موضوعي الرهيب انا عارف ان موضوعي رهيب





وصدقني يا مسعود ترى اللقافه حلوه بس مني انا








لقافه صح
ملقوووووف غير متصل  
قديم 06-30-2004, 02:55 PM   #7 (permalink)
ملقوووووف
رومانسي مبتديء
 
شكرا اختي حووووور على مرورك الكريم على موضوعي





مع انك مشرفه قلت يمكن ماتمر تتغلى هي ووجهها علينا بس طلعتي طيبه ومريتي






يعني يعطيكي الف عافيه












لقافه صح
ملقوووووف غير متصل  
قديم 06-30-2004, 02:58 PM   #8 (permalink)
ملقوووووف
رومانسي مبتديء
 
يؤ يؤ يؤ الوهم مره وحده يمر على موضوعي هذي يبيلها شربات





مشكووور اخوي الوهم على المرور






وانتظر مني المزيد







لقافه صح
ملقوووووف غير متصل  
قديم 07-01-2004, 02:56 PM   #9 (permalink)
أم الشهيد
أمير الرومانسية
 
رائع ملقوف
نحن في انتظار المزيد
أم الشهيد غير متصل  
قديم 07-01-2004, 03:00 PM   #10 (permalink)
ملقوووووف
رومانسي مبتديء
 
شكرا ام الشهيد على المرور








واتمنى اني اكون عند حشن الملاقيف






وبعدين انا مقلوووووف ( خمسه واو )











لقافه صح
ملقوووووف غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 07:46 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103