تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

قصه فتاه كويتيه ....... مؤثره جدا

موضوع مغلق
 
أدوات الموضوع انواع عرض الموضوع
قديم 02-10-2009, 11:37 PM   #1 (permalink)
العوي7
رومانسي مجتهد
 
الصورة الرمزية العوي7
 

ADS
A 5 قصه فتاه كويتيه ....... مؤثره جدا




________________________________________


السلام عليكم ..

عندما تجعل شخص معين في مكان كبير وتحط عليه امال كبيره وتجعله هو الذي حقق حلمك الذي كنت تحلم فيه طول عمرك ..
وفي الاخير تكتشف انك عشت في كذبه كبيره .. في لحظه يتحول كل هذا الحب الى كره وجرح من المستحيل ان يعالج ..

هذه القصه تحكي هذه الصدمه .. من خلال ابطال القصه .. ارجوا منكم القراءه والفهم منها ... وتحياتي لكم ..
في شارع الكويت المزحوم بالطلبه والطالبات واصوات السيارت ..

حسين : اقول سالم .. اها ياني شفت وحده امس شنو اقولك روووعه .. بس عيبها شغله وحده ؟

سالم : اكيد خشمها كبير ولا حلجها مغطي نص مساحة ويهها ..

حسين : يضحك ... لالا شي ثاني من طبعها ؟

سالم : قول خلصني بروحي ضايق خلقي لانه العطله انتهت !!

حسين : ما تعطي ويه ابد ..

سالم : ( وهو يعدل قذلته قدام وحده من مرايات السيارات الي واقفه في الشارع ) والله يا حسين شكلك ما تعرف صاحبك ..
انا ما عمري وقفت بنت في ويهي وانا سالم ..

حسين : شوف اذا يبت راسها صدقني اعطيك الي تبيه !!

سالم : الي ابيه يا حسين ..

حسين : الي تبيه ..

سالم : شوف الي ابيه هو شي غالي عندك .. بس ابي اخلي السالفه اكبر علشان تكون تستاهل ولا تتردد انك تعطيني الي ابيه ...

حسين : شنو قصدك ؟

سالم : انا ابي اوعدك اني ايب راسها واخليها بعد تي لين بيتنا .. وهم تبجي .. بس اذا سويت هذا كله خلال شهر واحد ابيك تعطيني تليفونك النقال اليديد !!

حسين : ( بتعجب وسخريه ) تيبها لين بيتكم وهي تبجي بعد .. اتحداك ..

سالم : لايبه ... مو بينا جي ابي اخلي محمد يشهد عليك علشان ما تنحاش ولا تجذب

وفي هذا الوقت كان محمد مار في الشارع الي كانوا فيه واقفين ..

سالم : محمد محمد .. تعال ابيك ..

ويجي محمد ويقولون له السالفه كلها ..
ويشهد محمد على السالفه واستانس لما عرف منوا البنت الي كانوا يتكلمون عنها لانه عرف انها ما عمر ها عطت ويه

حق أي واحد من الشباب وحب يشوفها شلون تنذل بعد ما كانت كلها كبرياء وشموخ ..
اليوم الثاني ..

كان سالم مار شارع البنت الي كانوا يتكلمون عنها ولا يشوفها تسقي الورد الي في حديقتهم ..

سالم : قووه !!

تطالعه البنت ولا ترد عليه ..

سالم : زين السلام !!

وهم ما ترد عليه !!!

سالم : شكلج مو كويتيه تدرين خني اكلمج انجليزي .. هاي ...

وهم ما ترد عليه !!

سالم : لا انجليزي ينفع ولا عربي .. يعني تبيني اكلمج في أي لغه؟؟؟

عهود : ممكن تفارج عن ويهي على الصبح .. والله كديت خير اذا من صباح خير تصبحت في ويهك .. عز الله نجحت في الاختبار ..

سالم : وانا شكو اذا سقطتي مو مني هذا من ويه امك الي تصبحتي عليه ..

عهود : زين جب جب .. وفارج عن ويهي اشوف ..

سالم : انا اصلا ابي افارج عن ويهج وان شاء الله يا رب ساقطه ..
بس قبل لا افارج عن ويهج ... ابي اخذ ورده لو سمحتي .. تراني على فكره اول مره استاذن بعمري كلها واخر مره ...

عهود : لو فيك خير مد ايدك على الورد والله لا اهفك باكبر شي عندي

سالم : هذا لو لحقتيني ( ويخطف ورده وينحاش وهو يضحك)

وعهود تقوم تصارخ ..

وصار سالم كل يوم يجي الصبح يسرق من حديقة عهود ورده والظهر يتحرش فيها وهو راد من المدرسه .. لي مدة اسبوع ...

صباح اليوم الثامن وكان الجو بارد ..

كان محمد يتمشى في الشارع متجه الى حديقة عهود لي يخطف وردها مثل كل يوم ويسمع صراخ عهود ..

يقترب سالم من حديقه بخطوات خفيفه علشان ما تحس فيه عهود الي كانت واقفه وحاضنه كتابها ومبين على ويهها ملامح التعب ..

سالم : قووووووووووووه ( بصوت عالي )

عهود : اوووووووووووووف ..

سالم : اليوم ياربي ما ادري شنو اخذ الورده الحمره ولا الورده الخضره .. ولا البيضه ابيج تساعديني في الاختيار يا حلوه ..

ويجر سالم ورده وينحاش .. بس استغرب انه ما سمع صوت صراخ عهود الي كل صبح متعود عليه ..ويرد لها

سالم : اقول شفيج اليوم ما تصارخين العاده اسمع صوتج لين اخر الشارع

عهود : اووووووووووووف يا ربي وانت شنو تبي تبي ورده ولا صراخي ..

سالم : اثنين .

عهود : تكفى فارج عن ويهي تراني حدي تعبانه .. ومريضه

سالم : لا سلامات ايل خذي وردتج ايل ...

عهود : بعد شنو ما قطفتها وذبحتها تقول خذيها ...

سالم : لا خلاص من يوم ورايح ما راح اخذ منج أي وردها الا من رضاج انتي ... ويالله مع سلامه ...
استغربت عهود من كلام سالم وشلون تغير بعد ما كان مطفرها كل صبح ..
ولما رجعت من المدرسه .. شافت سالم كان توه مار في شارعهم .. ولما شافها رد علشانها ...

سالم: قووه .. شلونج الحين

عهود وهي تبي تدخل الى حديقة بيتهم .. لين الحين تعبانه ..

سالم : لا سلامات روحي نامي احسن لج

عهود: اوكي ...

سالم : مع سلامه

عهود : مع سلامه .

اليوم الثاني الصبح

ركض سالم لين شارع عهود .. ولما وصل كانت عهود تسقي ورد الحديقه ..

سالم: قوه يا احلى ورده في حدايق الورد الي في الكويت كلها .. شلونج

عهود : هلا

سالم : شلون صحتج الحين .. لالا ماشاء الله عليج شحلاتج اكيد راح المرض عنج .

عهود: حمدالله ....

سالم : تصدقين اني احسد الورد عليج ... يااااااااالله ياليت انا ورده وانتي كل يوم تسقيني كل صبح

عهود : لا والله .. ايل خلاص ولا تزعل .. ( وترش على سالم ماي )


العوي7 غير متصل  
قديم 02-11-2009, 04:46 PM   #2 (permalink)
عيون راعيها
رومانسي فعال
 
الصورة الرمزية عيون راعيها
 
هههههههههههههههههههههههههههههاي حلال فيه
بس اقول القصه ناقصه ولا يتهيئلي
وين التحدي مااشوف جاب راسها
على العموم ثانكس ولاتحرمنا من قصصك الحلوه يلاعاد اناارد وانت ماترد على مواضيعي
لاهنت ابيك تشوفها في قسم القهوه هذاانا عزمتك لاتقول ماقلت لك
يسلمو يالغلا على القصه
عيون راعيها غير متصل  
قديم 02-11-2009, 07:48 PM   #3 (permalink)
shakazolo
رومانسي مبتديء
 
هههههههههههههههههههههههههههههههههههههه

مشكورين
shakazolo غير متصل  
قديم 02-13-2009, 02:56 AM   #4 (permalink)
ابو فيييصل
رومانسي شاعري
 
الصورة الرمزية ابو فيييصل
 
اقووووووووووول
وين الباقي
ماشفنا التحدي
المهم الله يعطيك العافية
محبكم
ابو فيصل
ابو فيييصل غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
مصطلحات كويتيه اسمر جده نكت جديده نكت مضحكة نكت خليجية عربية 12 01-27-2007 07:02 AM
قصه بنت كويتيه حقيقية abudiyab عجائب وغرائب 1 05-27-2005 10:06 AM
إماراتيه + كويتيه + سعوديه °ღ قــلْــبّ نــآزْف ღ° نكت جديده نكت مضحكة نكت خليجية عربية 7 01-24-2005 02:26 PM
مذيعه كويتيه وحش جده صور 2017 0 05-31-2004 10:55 AM

الساعة الآن 06:24 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103