تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

بنساك دامك عن القلب صدييت..(قصه إماراتيه)

موضوع مغلق
 
أدوات الموضوع انواع عرض الموضوع
قديم 01-18-2009, 06:00 PM   #1 (permalink)
كاتب الأساطير
رومانسي مبتديء
 

ADS
Post بنساك دامك عن القلب صدييت..(قصه إماراتيه)




السلام عليكم والرحمه..
أنا كتبت قصه وهي مب وايد طويله...بس موضوعها يمكن ما يعيبكم...
اتفضلو القصه وبكملها يوم بشوف الردود...
انشالله تعيبكم....هالقصه خياليه...

المقدمه:
نوف رحلت امها وهي تولد اختها هند إلي هي اصغر من نوف بسنه وحده فقط وتركتهم تحت رحمه ابوهم الواسعه..كبرو وهم عايشين عند
عمتهم الطيبه إلي كانت تحاول تملئ فراغ الام الراحله على امل انها تقتر تعوضهم عن هذا النقص...
الشخصيات:
نوف:كملت 15 سنه وهي أول ثنوي كانت تنجح بالواسطات لأنها ما كانت تذاكر..بويه تتمتع برجوله قويه وما كانت تخاف من شي كانت تصرفاتها
مب زينه لكن كانت خلوقه وتنحب بسرعه..كان شعرها اسود وناعم وقصير وعيونها وساااااع وسووود وخشمها حلو ووابتسامتها عذاااب
وعندها غمازه محليتها زياده ..كانت طويله شوي وجسمها حلو...صوتها طرر..وما عندها وايد ربع..اتحب اختها هنود..ودوم يزقرونها (حمد)
لأنه امها كانت بتسميها حمد على اسم ابوها ..بس طلعت بنت..

هنود..شعرها اسود وعيونها عسليات على عيون امها...خشمها سيوفي..وشفايفها عذااب..قصيره شوي وتحب السيايير و تموت فالبنات
وتلعب عليهم...وما تظهر المول إلا وهي مواعده..

الأب:
حمدان ايله راقيه وغني وايد ويحب بناته والمرحومه وما يفكر يتزوج بعدها...دوم يخليهم فبيت عمتهم لأنه كان يحب العزوبيه ولأنه دومه
وحييد بعد المرحومه...والشغل يخليه دوم مسافر

البدايه:
الساعه 7 ونص أول يوم مدرسه فسياره الدريول محمد خان....
نوف:إييه هنود بندي من هالفون والله انج صدعه
هنود:أنا الصدعه ويا ويهج..انتي من الصبح تتحرطمين
نوف:جب انزين ,استويت أول ثنوي
هنود:وشفيها
نوف: يعني فالقسم اليديد هناك صوب المطوعات
هنود:هههههههه يلعن تفكيرج
نوف:اتخيلي ارسب
هنود: المعاهد ما تقصر والمدرسين كل يوم واحد
نوف: واطلع فاشله آخر شي
هنود: يالله عاد نوفوه...قربنا نوصل
نوف:أي نو..لا تهديني روحي بلييز
هنود: أفا عليك ماطلبت
وتمو ساكتين ونوف سرحانه ومطلعه راسها من الجام والهوا يلعب بشعرها شوي جان يوصلون
الساعه 8 إلا ربع فساحه الإعدادي.....
حصه: هلا والله حمود ...اشحالج
نوف:تمام والله حمدان انتي شحالج؟
حصه: والله خايف
نوف: ما عليج بنكون ويا الربع
حصه:أي ربع:محد نجح
نوف: أونه!!! محد مووول؟
حصه:أنا وانتي وسلوم بس
نوف:بس انزين يكفي
حصه:شو يكفي بنتم ويالزلم
نوف:حلاته
حصه:يالله انزين شوي وبيدق الجرس
نوف:وين سلوم ...ما بنحصله
حصه:بتحصلينه عند موااز سيريله...قالت تباها فموضوع
نوف: ولا يهمج أشوفج فالكلاس
حصه: يالله باايز
صوب هنود.....
هبه:فديتج والله
هنود تضحك بصوت عالي وايد
هبه: حبيبتي كم كانت نسبتج العام
هنودبنساك دامك عن القلب صدييت..(قصه إماراتيه)0 وحياتج
هبه:فديتج والله احسن عني...تعالي عطنيي خصوصي
هنود:لأ خالي من الرصاص هع
هبه:هههههههه ويا خشمج
هنود: بلاه خشمي
هبه:إينن
نوف قاطعتهم
نوف:إحم إحم
هبه:هلا والله حمد شحالج
نوف:بخير وسحبت هنود
هنود:إيييه بلاج؟
نوف:اتخبلتي انتي؟
هنود:شووو؟
نوف:وإذا شافتج منى؟
هنود: براضيها
نوف:إيييه إنتي الثانيه منى كبرت الحين وما بترومين تقصين عليها بكلمتين
هنود:هع هع هع...ويا راسج هاي منى حبيبتي
نوف: ويعني!
هنود: ما تروم علي ...(ورفعت راسها بخقه)
نوف:المهم أنا بسير القسم الثاني احين...باي
هنود: باي
الساعه 8 وربع الكلاس الأول صف هنود
هنود فخاطرها:اففف والله لوعه جبد...الكلاس كله مطوعات حشى ..أرف والله ما شي وحده تتشاهد..عفانا الله
قاطعت تفكيرها وحده مصريه فكلاسها:هند سرحانه فإييه؟
هنود:وإنتي شلج؟...زلمات آخر زمن
البنت:ما قولتش حاجه
هنود:لا قلتي ولا تزقريني هند..أنا مهند لو سمحتي
وكملت هنود تفكيرها والبنت منصدمه من اسلوبها..
هذا الجزء الأول...إذا عيبكم ردو وأنا ما طول عليكم...ثانكس


كاتب الأساطير غير متصل  
قديم 01-19-2009, 10:47 AM   #2 (permalink)
فتاة بعمر الزهو
رومانسي مجتهد
 
الصورة الرمزية فتاة بعمر الزهو
 
هلا نبي اتكمل لنا بارت ثاني عشان نجدر نحكم على القصه بس دام القصه من البدايه فيها مدرسه عيل وناسه يالله نتريى التكلمه

تحياتي
فتاة بعمر الزهو غير متصل  
قديم 01-19-2009, 11:13 AM   #3 (permalink)
₪ همسـﮯ الطفولة ₪
مشرف متميز سابقاً
 
الصورة الرمزية ₪ همسـﮯ الطفولة ₪
 
قصه رَآئعة..

أَتَلَهف لبقيتها


سلمت الآنَآمل..


وَآصِل..

فـنَحن متلَهّفوْن..

دمَتْ بودْ
₪ همسـﮯ الطفولة ₪ غير متصل  
قديم 01-19-2009, 11:50 AM   #4 (permalink)
كاتب الأساطير
رومانسي مبتديء
 
مشكورين على الردود...وعلى مرورركم الطيب...والصراحه هذاالمنتدى الوحيد إلي حصلت فيه ردود على قصتي....اتفضلو البارت الثاني..واتمنى ما تحرموني من ردودكم...
صوب نوف..
نوف كانت ترسم على إيدها ولا مفتكره فالحصه...
سلوم:حمود....حمود
نوف: هاا
سلوم:شتسوين وياهالراس؟
نوف:اكتب على إيدي
سلوم:شتكتبين؟
نوف: ما شي محدد
سلوم: نوفوه أباج فموضوع
نوف: آمر
سلوم: انتي ليش ما تحبين؟
نوف: انتي تعرفين اني مب من هالسوالف ...ما العب عالبنات
سلوم: هييه صح
نوف:أنا ما أحيد عندج حبيبه
سلوم: هييه أنا شراتج ماأحب
نوف:خلج جي حلاته
سلوم:حمدان معطيه خمده
نوف:بلحقه قريييب
سلوم:وياج
ونامو 3 لكن منو بيخليهم عصبت مس الأحيا وشلت أساميهم وسارت الإداره وشوي ولا يزقرونهم
الساعه 11 و20 دقيقه..مكتب المديره نوره
المديره:ليش راقدات انشالله؟
نوف:المس ترقد ياخيي
المديره:إنتي إييه..نزلي جمج انتي يالسه فمدرسه محترمه احترمي قوانينها
حصه وشمه:افففف فينا رقاد
المديره:انزلو حق البرييك يالله يدامي
يوو بينزلون جان تزعج:نوف خلج أباج
نوف:ها أبله؟
المديره:نوف نوف نوف..شرفتينا فقسمنا...تصدقين إني قريت ملفج كامل وعرفت انج بنت مشاغبه وما بتكونين أوك ويانا..
نوف:انشالله بس الحين لازم أسير ادور هنود....بعد اذنج
المديره:اذنج وياج فديتج
صوب هنود....كانت تدور منى فالبرييك
هنود: منى وينج من الصبح؟
منى:ها...ولا مكان كنت ويا ربيعاتي
هنود:هييه أوك .....تعاي نمشي
منى:نمشي؟ رواحنا؟
هنود:هييه رواحنا..شفيها يعني؟
منى:هندوه أنا تعبانه مب وقته الحين ...أشوفج عقب
هنود:هندوه؟ هندوه عاد؟
منى:اقصد حبيبي
هنود:منى حبيبتي شفيج؟
منى: ما فيني شي...خليني روحي بلييز
وروحت منى وخلت هنود وآلاف الأسئله فمخها....ويت نوف
نوف:هنود انتي هني؟
هنود: لأ هناك شعندج؟
نوف:دورت عليج هناج فقسمكم
هنود: لأ أنا هني
نوف: شتسوي؟
هنود: كنت ادور منى
نوف: شفتها الصبح كانت داخله كلاسها ويا شله بنات ...حصلتيها انت؟ي
هنود: ما علينا منها الحين تعالي أباج فسالفه
نوف: آمر اخوي
هنود: الوالد ما بيرد إلا بعد يوميين يعني أنا وياج فري
نوف:ههههههههه تعرفين ان نحن ما نروم نسوي شي بوجود العمه صح ولا لأ؟
هنود: ما بنسوي شي انزين
نوف: ها عيل؟
هنود: بنسير البيت وبنرقد هناك
نوف: رواحنا؟
هنود: هييه شفيها بيت ابونا ترى
نوف: بس من دون جقاير
هنود: بنييب الكرت ابو القنوات المشفره وبنسهر
نوف: إييه عن الطفاسه
هنود: يالله عاد عالشرف
نوف: هههه طوفي طوفي
وتمو يمشون وخذتهم السوالف ومنى ما غابت عن تفكير هنود مووول
وفالكلاس السابع وتحديدن كلاس نوف....
نوف:آآآخ ملل ...أبا اطلع
سلوم:هييه والله لاعت جبدي
حمدان:مي تو والله...بسير الحمام
نوف:خلي عنج الحمام...أنا بسير
وسارت نوف صوب الأبله إلي كانت تشرح طريقه المنهج ووين صعوبته واستأذنتها وسارت الحمام
المديره:نوف وين سايره؟
نوف:الحمام
المديره:انزين يوم بتخلصين أباج فالمكتب
نوف:انزين افف
وسارت الحمام وهي تفكر بخاطرها:أول يوم وجي الله يستر عقب...أحسن بفتك من الملل إلي فالحصه
وفمكتب المديره...
تامديره:حي الله من يانا
البنت:الله يحييج
المديره:فديتج والله نورتي السكول
البنت:منوره بوجودج...وأنا آسف عالتأخير
نوف دخلت
نوف: آسف ما شفت إن عندج حد بتريى برى
والبنت تطالع نوف بنظره تعجب واضحه
المديره: ادخلي نوف...هاي مب طريقه نعامل فيها ضيوفنا
نوف قفطت وما عرفت شتقول تمت تتطالع البنت بكل توتر
المديره: نوف أبا رقم الوالد لو سمحتي
نوف من دون أي اهتمام :الوالد مسافر
المديره:أنا أباه حق الضروره...عطيني ياه
نوف قالت الرقم وكاان كشخه...البنت كانت تتطالع نوف ونست عمرها
المديره: نوف سيري صفج مب جنه اتأخرتي
نوف: هييه صح ...تبون شي؟
المديره: ودي عايشه صفها...وإذا ما تدلين وديها عند البشكاره
نوف: أدل أدل
وتمت نوف تمشي فالممرات والبنت وراها ..دق الجرس قبل ما يوصلون ...
نوف: يس الجرس وأخيراّ
عايشه:هيه الجرس...وين كلاسي؟
نوف وهي سايره صوب الباب إلي يودي الحوي: خلص الدوام دوريه باجر
عايشه: خلاص أوك
نوف: سي ياه
وسارت ركض صوب الباب وهنود ومنى واقفين هناك
نوف: هللو
هنود: اهلين
منى: اشحالج نوف؟
نوف اطالعت هنود بنظره تعجب: بخير بخير
هنود: منى اسمحيلي اوصلج بيتكم اليوم
منى: لا ما يحتاي بتيني عليا اختي
هنود بصوت واطي: ياحيها والله
نوف: هههههه هييه والله
هنود قفطت منى ومستغربه
نوف: أنا بسير صوب الربع سي ياه
وسارت صوب سلوم وحمدان
أما صوب هنود ومنى
هنود بعصبيه: منى انتي اتغيرتي
منى: هنود حياتي مب وقته نرمس بالسالفه
هنود: لأ وقته
منى: خليها عالمسن
هنود: الموضوع ما ينفع حق مسن
منى: هنود لاه
هنود: حبيت منى القبلييه
منى تمت صااخه وهنود تطالع الأرض ليين ما ياهم محمد وشلهم
فالسياره كانت نوف يدام وهنود يالسه ورا تطالع فونها بحزن تتريى أي شي من صوب منى بس ما شي فايده..
محمد: حمد..إنتو ليش ساكت؟
نوف:تعبانين
محمد: يااه أوك
ويوم وصلو البيت (بيت العمه) حصلو باص مدرسه عندالباب وطلعو منه بنتين طرر شوي جان تطلع بعد وحده...تعالو بعرفكم عليهم..
نوره بنوته مربربه وعليها عيون طرر..معذبه بويات سكولهم بس ما تعطيهم وييه...وفيوم من الأيام كانت من ضحايا لعب هنود فالبنات وحليلها
للحين تحب هنود بس من دون لحد يعرف..

أسمه بنت كيووت وعمرها 13 سنه أصغر من نوره بسنتين...أسمه بنت حلووه وعليها جمال عييم..وكانت معجبه فنوف وااايد دوم تستوي وياهم
مواقف تضحك...

الثالثه بنت يرانهم وهي موزه حبيبه حمدان (حصه) كانت حلوة ومرتبه ودومها حاطه عطر...تحب حبيبتهاومخلصه لها..تعالو نشوف شو استوى
هنود: حي الله البنوتات الحلوات
صدت نوره على صوت هنود: الله يحييك ولد عمي
نوف: ها شحال أول يوم دوام؟
اسمه سرحت فويه نوف..ونوف كالعاده حست
موزه: أقول الغاليه..وسارت صوب نوف
نوف: آمري فديتج...عيوني لج
موزه: تسلم...أممم أباكم تعزمون حبيبي حمدان عسب أشوفه
هنود: هههههههه أصن نحن بنشل قشنا ومروحين
نوره: وين سايرين ان شالله؟
هنود: بنسير بيت ابونا
نوره:ابوج مسافر
هنود: ويعني؟!
نوره: سايرين حق المنكر؟
هنود: وانتي شلج فيني؟ ....مناك يالله...حمود قول شي لاه
نوف: طوفو داخل يالله ...يالسين فالشوارع جنكم جلاب ..شو بيقولون الناس عنا؟
نوره دخلت البيت والدموع فعينها..ما بغت تصيح يدام هنود..أما أسمه فكانت تتطالع نوف تمشي وهي مب منتبهه
نوف: اسموه كلتيني بعيونج...مب جنه بسج؟
أسمه: ها..شو..أممم..بسير حجرتي
نوف: خلج خلج وياهالراس ...بيلس وياج
أسمه:نو وف وف اقصد حمود...آآآآآآه يوم ثاني فديتج........وقفطت
نوف: أوك سيري ...خليني يالسه روحي
أسموم: بتم ولا يهمج
نوف: انزين خبريني عن السكول
أسوم: الصراحه شي عندنا بويه طرر...بس ما تعطيني ويه
نوف: تخسي إلا هي منو هاي؟
أسوم: شو بتسوين يعني؟
نوف: ما بسوي شي ...انتي خبريها باعجابج وهي أكيد بتتفهم...ويمكن تحبج
أسمه وهي تتطالع عيون نوف: نوفي أحبج
نوف منصدمه وأسمه حاضنتها بقو والدموع أربع أربع ...نزلت هنود من الدري واطالعت المنظر تمت بعيد ومحد لاحظ بوجودها
نوف: بس بس لاتصيحين..هدي اسوم..بتنحل
أسمه: أنا آسفه حمود...وايد آسفه
نوف: لا تعتذرين انتي ما سويتي شي غلط
أسمه: خلج وياي لا تروحين ...يوم أشوفج فبيتنا وايد أرتاح..بلييز
نوف: كلها يومين...جان تبوسها على راسها وتقول: سيري حجرتج وغيري ثيابج وتعاي
أسمه ركضت عالدري وهنود يت صوب نوف...
هنود: خييييييييييييييييييييييييييييبه من وين ياتج كل هالرقه
نوف: كلي تبن انتي..ما ودي أخليها
هنود: هاي مينونه تحبج انتي هالكثر؟
نوف: وإلي تحبني يعني مينونه؟
هنود: دااه
نوف: جب جب مووول مب وقتج
هنود: سيريلها شوفيها وهي تبدل.جسمها طرر يخسون عارضات الplay boy
نوف: خليهم حقج
هنود: يالله طوفي محمد برع
نوف: ما بنترياهم؟
هنود: يالله لاه عسب نلحق نتغدى فمكان راقي ونقردن كم وحده
نوف: أوووو انزين بسير اسلم وبييج وأنا بيلس يدام
هنود: يالله لاه
نوف صعدت الدري وسارت حجره نوره ودقت الباب ودخلت ...
نوره: هلا حمود بغيتني؟
نوف: لا بغييت أسلم عليج
نوره: وهنود؟
نوف: فالسياره.أزقرها
نوره: لا فديتج خليها براحتها
نوف: يالله أنا بتوكل
نوره: الله وياج الغاليه
نوف: فداعه الله
وطلعت نوف واتجهت حق رووم أسمه
نوف: أسمه بطلي الباب
أسمه: انزين انزين
نوف: ييت أسلم أنا برووح تبين شي؟
أسمه: مابتدخلين عالأقل؟
نوف: ما بطول
أسمه: يكفيني
نوف اطالعت أسمه ويودتها من إيدها ودخلتها صوب البلكونه ويت تبى تطلعها بس أسمه رفضت بس عشان خاطرها رضت وظهروا برع...
نوف: الجو حلو اليوم
أسمه: هه هيه
نوف: بلاج زايغه؟
أسمه: ما شي.. حمودي أخاف حد يشوفنا
نوف: محد محد ما عليج
جان يرن فون نوف..
نوف: ألو
خلوف: هلا والله
نوف: اهلين
خلوف: يالقاطعه
نوف: قاطعه فخشمج.....وينج من زمان؟
خلوف: والله ويالجماعه سرنا العين
نوف: هع هع .....أفا ما تعزمون؟
خلوف: أبا أعزمج حق حفله بويات..اشرايك؟
نوف: أول ناس بنوصل..أقولج أنا مشغوله شوي...برمسك عقب وبندت عنها
أسمه كانت تطالع نوف عيونها الوساع والهوا يلعب بشعرها....كانت حلوه وايد..واتمنت انها تيودها حيل وما تهدها موول
نوف: بتمين ساكته؟
أسمه: أحبج
نوف:........
أسمه: والله أحبج
نوف: أوك الحين أنا بتوكل ديري بالج على عمرج..
أسمه: حتى انتي
نوف ظهرت برع البيت بسرعه وحصلت عمتها هناك توصي هنود عالسهر وهالسوالف وهنود مشغله الأغاني ولا حياه لمن تنادي..
وروحت السياره باتجاه البيت العود..
واتمنى انها تكون نالت اعجابكم..
كاتب الأساطير غير متصل  
قديم 01-19-2009, 03:35 PM   #5 (permalink)
فتاة بعمر الزهو
رومانسي مجتهد
 
الصورة الرمزية فتاة بعمر الزهو
 



هلا القصه امبين انها حلوه بس شو سالفت هالبنات يلي كل وحده منهم باسم ولد شو الظاهر (مسترجلات)
ابصراحه حبيت شخصيت نوف تحياتي
فتاة بعمر الزهو غير متصل  
قديم 01-21-2009, 02:45 AM   #6 (permalink)
كاتب الأساطير
رومانسي مبتديء
 
أممم هلا شباب وبنات...
ثانكس عالردود...
التكمله بالدرب...
مشكورين على التشجيع..واتمنى المتابعه...
كاتب الأساطير غير متصل  
قديم 01-27-2009, 09:46 PM   #7 (permalink)
كاتب الأساطير
رومانسي مبتديء
 
هلا والله وحصرين لها المنتدى بكمل لكم أول قصصي اتفضلو...
وفالبيت:
نوف: أقولج
هنود: شعندج؟
نوف: اشرايج نتصل عالربع ونقولهم ان نحن رواحنا؟
هنود: متفييج
نوف: خلاص مب الربع...أممم ولد عمنا؟
هنود: ما بيينا من بوظبي
نوف: ما بتصدق تيينا
هنود: سوي إلي يريحج
نوف: يالله عاد بنستانس ولا تنسين سيارتها يعني بنطلع
هنود: بنطلع وين بنسير؟
نوف: بيت منى مثلن
هنود: هييه صح
نوف: ها شقلتي؟
هنود: اتصلها أول شوفي إذا فاضيه
نوف: يالله بسير
واتصلت نوف فأمون بنت عمها
نوف: ألو هلا أمون
آمنه: هلا والله بو الشباب
نوف: حبيت اخبرج ان عمج مسافر ومخلي البيت فاضي لنا
آمنه: أونه خلاص أنا بييكم
نوف: لاتنسين كرت الشوتايم
آمنه: شتبى به؟
نوف: أبا أشوف المباريات
آمنه: خلاص أوك
نوف: نترياج لا تطول
آمنه: ولا يهمج ...تشاوز
أعرفكم بآمنه...بنت العم،وايد ستايل ووايد صوتها ناعم بالرغم من أنها بويه تحب نوف وهنود وايد وهي دوم وياهم فالسفرات..
هنود: شقالت؟
نوف: أكيد بتي
هنود: أكيد أقولج أنا طالع
نوف: وبتخليني روحي؟
هنود: شوف مباراتج...أنا بسير شوي وبييج
نوف: خلاص اتوكلي بس ديري بالج على روحج
هنود: ولا يهمج تبين شي؟
نوف: سلامتج
وطلعت هنود وهي تفكر فمنى إلي صار لها فتره قاطعه ..وسارت هنود مشي تحاول تلاقي مكان هادي تيلس فيه بس مع زحمه الشوارع والهنود إلي فكل مكان هنود بغت تسير البحر شلتلها تكسي وسارت البحر ...كان هناك زحمه ,عوايل فكل مكان والجو كان حلو.... وهنود تقول فخاطرها:بلاها منى متغيره علي وايد..أنا شسويت؟
ما قلت لها شي غلط ولا عمري ضريتها...يمكن شافتني ويا وحده من معجباتي ..أممم لا لا ما اعتقد جان شيده طالعتني باحتقار وصفعتني
وهي يالسه تفكر مرت وحده شكلها ضايعه ..وشوفو شو استوى
البنت: لو سمحتي
هنود: خير؟
وهني هنود وقفت تطالع البنت هاي ..كانت طرر بس لابسه نظاره
البنت: أنا ضعت عن الجروب مالنا ترومين تساعديني؟
هنود: أكيد أروم...آآ وين القروب كان بالضبط؟
البنت: كنا عند المطعم إلي يسوي فطاير
هنود: فديت أنا هالويه ماحلاااه
البنت استحت: أممم خلاص انسي السالفه
هنود: مستحيل انسى ...
البنت: ههههه ما في شي مستحيل
هنود: أمممم أبا اتعرف...ها مستحيل؟
البنت: لأ أبد ..بس أنا ..وهنود قاطعتها
هنود: من دون بس عقي النظاره وبطلي شعرج وامشي وياي
البنت: ههههه ليش يعني
هنود: أحلى عليج
وسوت البنت إلي بغته هنود وتمو يمشون...
البنت: أنا اسمي عاليه..وعمري 15
هنود: وأنا مهند وعمري 14
عاليه: ما بنحصل القروب جي ...لازم نسأل حد
هنود: صدقج......ها المفلع شكله يعرف
عاليه: حرام عليج
هنود: عاشت الرقيقه
عاليه: بس انزين
هنود: واي واي حمرت
عاليه تمت ساكته وسألو المفلع هع طلع ما يعرف وكملو وشافو ياهل...
عاليه: ياي فديته كيووت
هنود: هييه حليو
عاليه: شكله ضايع
هنود: ما تم حد ما ضاع بهالدنيا
عاليه: ههههه...فديت روحه يصيح
هنود: أنا بعد بصيح
عاليه: واي؟
هنود: عسب تتفديني
عاليه: فديتج من دون لا تصيحين
هنود تمت ساكته وتتطالع عاليه وهي شاله الياهل وترمسه بهدوء ورقه تمت تحسد هالياهل إلي بين إيدها حست بحب اتجاه عاليه ..هنود كانت ناويه تلعب عليها ...بس الحب أقوى
هنود: هاييج امه
عاليه: هييه يمكن...شكلها تدور
هنود: والله هاي امه
عاليه هدت الياهل إلي سار يركض صوب امه...
عاليه: كيف عرفتي؟
هنود: أنا الأبو هع
عاليه: هههههه أخاف صدق
هنود: طوفي طوفي بدت الدنيا تظلم
وتمو يمشون وهنود تسولف وعاليه تدور على قروبها.....
صوب نوف...الله يسلمكم كانت تعبانه وغفت على الغنفه تتريى المباراه جان يرن فونها...
نوف بصوت تعب: ألو
حمدان: ألو هلا حمد
نوف: أوه هلا حمدان
حصه: شو راقده؟
نوف: لأ لأ بس تعبانه شوي
حصه: طلبتج
نوف: آمر
حصه: أباج تتصلين فوحده من رقمج الكشخه
نوف: ليش يعني؟
حصه: صوتج ورقمج حلوين ...بليز ياخي
نوف: شقولها؟
حصه: اني أبا اشوفها فالسينما...ختسير ستي دبي وهناك بشوفها الساعه 7 وربع....شقلت؟
نوف: وموزه؟
حصه: ختولي هاي ..لا تقولها حمدان بييج...رمسها على اساس انك حمدان
نوف: ولا يهمج خلاص لا تحاتي ...اجلبي ويهج
حصه: مشكوره حبيبتي
نوف: هههههه إني تايم
وبندت نوف واتصلت غأمون إلي كانت قريبه من البيت دخلت أمون وشغلت الكرت ونوف طلعت تتمشى...وتييب عصير وردت قبل المباراه بشوي...
صوب هنود وعاليه....
عاليه: هنود أخاف ما احصل القروب
هنود: شو ما تحصلينه أنا وياج لاتخافين
عاليه:صدق تعبت
هنود: بنرتاح شوي
عاليه: لا ما شي وقت
هنود: لا تحاتيين بيينا الدريول
عاليه تمت ساكته تطالع الدرب وهنود تطالع عاليه باهتمام ووقتها وصلت سياره فيها 2 شباب وكان فالليل نزلو الشباب....
الأول: شكلهم شافونا يا ريال
الثاني: ما اعتقد...ما اشوف شي
الاول: اشرايك نفره فالبحر؟
الثاني: لأ عزبه بو صالح قريبه
عاليه: عن شو يرمسون هاييل؟
هنود: وطي صوتج...شكلهم ما شافونا
عاليه: شعندهم؟
هنود: شكلهم سكرانين
عاليه: أنا خايفه
هنود: محد بيسويلج شي وأنا هني
عاليه: خذيني بعيد
هنود: هالصوب تعاي...ويودت إيدها وتمو يمشون بعيد عن هالرياييل
وصلو بعيد ويلسو تحت عمود الليت....
هنود تطالع عاليه إلي فيها صيحه: بلاج متضايقه؟
عاليه: الحين فالليل وين بحصل القروب؟
هنود: ردي بيتكم!
عاليه: اممم أنا من دبي
هنود: وشوتسوين هني؟
عاليه: ربعاتي دخلوني فها القروب عسب استوي طبيبه لازم آخذ شهاده من هني بتساعدني يوم بدخل الجامعه...
هنود: كيف بتردين البيت؟
عاليه انهارت صياااح وهنود قربت منها وحضنها وتمت تهديها....
هنود: بس بسج صياج بس
عاليه: شش ش بسو وي؟
هنود: تعاي بيتنا وباجر بنحل المشكله فديتج لا تصيحين
عاليه: لأ ما ابى أكلف عليج ...إذا ما عندج وصليني عند أي فندق هني
هنود: لا ما شي...تعاي بيتنا ..نحن بس 3 بويات يالسين رواحنا
عاليه: ما اروم
هنود: لا تخافين بحطج فروم روحج محد بيي صوبج وكل شي بيكون بخير
عاليه: وعد؟
هنود تمت تلعب بشعر عاليه وتمسح دموعها ...ابتسمت عاليه ومشو حق الشارع العام واتصلو فمحمد خان...وياهم..
صوب نوف.......وأمون
نوف: يس يس يس هاي هي المباريات مب الدوري الإماراتي
أمون: هييه والله
نوف: أمم أقول أمون أنا بدخل حجرتي شوي
أمون: الله وياج
نوف دخلت الحجره وطلعت فونها واتصلت عالرقم إلي عطتها اياه حصع..
البنت: الوه
نوف: الو
البنت: منو ويايه؟
نوف: حمدان
البنت: هلا حبيبتي
نوف: هلا حياتي
البنت: اشحالج غلايه؟
نوف: تمام ربي يعافيج
البنت: مديم بيبي
نوف: وياج يالغلا
البنت: هههههه فديت صوتج عذاااب
نوف: يفداج حبي.. حبيبتي طلبتج
البنت: تم
نوف: أبا اشوفج
البنت: ما بردج بيبي بس وين؟
نوف: تسلمين...ستي دبي
البنت: متى؟
نوف: باجر العصر دشي هالفلم واحجزي عالزاويه
البنت: أوك فديتج
نوف: يالله انا بخليج احين
البنت: أوك حبيبتي...أبا بوسه
نوف: باجر بعطيج
البنت: اليوم وباجر
نوف: ما اروم احين....يالسه ويا اخوي
البنت: افف ..أوك بخليج
نوف: باي
البنت : احبج
نوف:.........
وبندت نوف من البنت وطرشت مسج حق حمدان ان كل شي تمام..وفالصاله...
نوف: ها هنود رجعت؟
سلوم: يب ووياه مززه
نوف: وينهم؟
سلوم: فحجرتها
صوب هنود....
هنود: هني بترقدين وخذيلج دش وارتاحي وبنطلب عشا...
عاليه: هنود انتي مب مضطره تسونلي كل ها..انتي مب مكلفه فيني
هنود: إذا عدتي هالرمسه بييج طراق..أي شي تحتايينه أنا برع
نوف: هنود بطلي الباب
هنود بطلت الباب...
نوف: شو ها؟ وصلتي هالمرحله؟
هنود: نوفوه بس لا تفهمين غلط
نوف: شو ما افهم غلط؟شو إلي بيخليني افهم صح؟
هنود: نوف بسس
عاليه: أنا آسفه ...آسفه وايد
هنود: نوف بلييز تعاي انا بقولج كل الي صار..عاليه انتي خذي دشج الحين
طلعو البويات من الروم...وعاليه سوت إلي قالته هنود...
وفروم نوف هنود شرحتلها كل شي ونوف اتقبلت الوضع وحنت حق حال عاليه وعقب طلبو عشا وسارو يلسو فالصاله يطالعون قنوات مشفره.. وفحجره هنود....عاليه كانت توها مخلصه ويالسه تمشط شعرها..
نوف دخلت عليها...
نوف: أنا حمد..محتايه شي؟
عاليه: أممم الصراحه هييه
نوف: آمري
عاليه: وين الجبله؟
نوف: بتصلين؟
عاليه: اممم إذا ما بصلي ليش بسأل عنها؟
نوف: ما اعرف يمكن تستويلج
عاليه: هههههههه انت واخوك سوو فاني
نوف: الجبله هالصوب
عاليه: ثانكس فديتج ولبست شيله صلاه وصلت
نوف ظهرت من الحجره وسارت صوب الشباب..تمو شوي جان يرقدون..
هنود رقدت عند نوف وامون رقدت فحجرة الأب ...أما عاليه فرقدت فحجره هنود...
ثاني يوم مدرسه ...الصبح...فبيت الوالد..
نوف دخلت الصاله وحصلت عاليه وامون يسولفون...
نوف: وين مهند؟
عاليه: صباح الخير
نوف: صباح النور
عاليه: هنود راقده من البارحه بعدهت ما نشت...أوعيها؟
نوف: هييه قومي وعيها
عاليه: اوك ولا يهمج
وسارت عاليه صوب حجره هنود وحصلتها فاضيه...ردت الصاله...
عاليه: ما حصلتها
نوف: أنا عرفت وينها..خليكم
عاليه: بيي وياج
نوف: تعاي
وطلعت نوف برع فالحوي وعاليه لحقتها...وتمو يمشون...لين ما...
هنود: اسمعيني عدل..مب كيفج إلي تسوينه فيني
سكتت شوي
هنود: أنا أحبج ...ياخي أحبج...افهمي
صوب نوف وعاليه..
عاليه: منو ترمس هاي؟
نوف: ما اعرف أكيد بالفون...
صوب هنود....
هنود: بنتحر والله بجتل روحي..
سكتت شوي
هنود: ياخي انتي ما تفهمين؟؟........شو خبله؟
سكتت
هنود: اسمعيني عدل...هالموضوع مب كيفج..انتي حبيبتي وللحين
سكتت
هنود: شو مب كيفي؟ غصبن عليج...
سكتت سكوت طويل وقالت بصوت واطي صعب ان يسمعونه..
هنود: لأ لأ لأ والله لأ
نوف: مهند مهند
هنود بندت الفون بسرعه: ها؟
نوف: قومي بدلي حق السكول
وعاليه تطالعهم من بعيد..والدموع فعيونها
نوف: منو هاي؟
هنود: اسكتي بتسمعج عاليه
نوف: مايهمني منو هاي؟
هنود: محد
هنود دزت نوف بعيد وسارت عنها وهي تمشي...ما قدرت تمنع دموعها
ويلست تصييح ..تصيح شرات اليهال...ويلست على أرض الحوي تصيح..
وشلت بصوتها الحزين:
•·.·´¯`·.·• ياهي خساره سنيني عندك وحبي •·.·´¯`·.·•


•·.·´¯`·.·• نحنا افترقنا وذا كله من اسبابك •·.·´¯`·.·•


•·.·´¯`·.·• ماخفت في حبنا من ربك وربي •·.·´¯`·.·•



•·.·´¯`·.·• واليوم روح بنفس الدرب لي يابك •·.·´¯`·.·•


نوف: هنود تصيحين؟
عاليه: شو بلاها؟
نوف: أمم مهند منى فيها شي؟
عاليه: شسالفه؟
هنود زاد صوت صياحها: ما أبى أداوم
عاليه: خلج بتم وياج
نوف: عيل أنا بتوكل ..
وراحت نوف عنهم بعيد ودخلت البيت وحصلت أمون تسخن السياره..
نوف دشت وغيرت ثيابها وشلت كتبها ولفتهم بسير وشلت قلم وسارت..
وفالسياره...
نوف: إييه بنوقف المحطه
أمون: ليش بعد؟
نوف: بس جي
أمون : أوك ...عندج بيزات؟
نوف: هههههههه من صجج؟
أمون: خلاص عيل عبيلي بترول
نوف: بس تخليني أسوق
أمون : أفا عليك بو الشباب انت عبي أول
نوف: خلاص عيل وقف عند أدنوك إلي صوب السكول
أمون: شتحب تسمع؟
نوف: أممم أي شي
أمون شغلت راب إنجليزي وسارو وفالدرب..
رن فون نوف...
أمون: إيييه انتو من متى تشلون فوناتكم وياكم السكول
نوف: ما يخصك
وردت ..
نوف: الو
البنت: الو هلا حبيبي
نوف: حبيبج؟!!
البنت: حمدانووه بلاك؟
نوف: ها ما فيني شي ..بس ساير السكول
البنت: بشوفج اليوم ولا غيرتي رايج؟
نوف: لأ أكيد بتشوفيني
البنت: فديتج والله...حبيبتي طلبتج
نوف: تم
البنت: قولي انج تحبيني.خاطري اسمعها منج
نوف: .....
البنت: يالله عااد
نوف فخاطرها: أوووهوو شو ها..بقولها وافتك...بس هاي حبيبه ربيعي
البنت: بتقولين ولا؟
نوف: بخليج أنا الحين أشوفج العصر...
البنت: أوك فديتج...أحبج.....ديري بالج على روحج ولا تغازلين
بندت نوف الفون بسرعه وما لاحظت نظرات أمون وقالت فخاطرها:الله جان زين عندي حبيبه تخاف علي وتوصيني جي...طعع بشو أفكر ويا راسي أنا مب مال هالسوالف...بس ليش لأ؟!
صوب هنود........
هنود يالسه على شبريه نوف..(شبريه نوف من النوع إلي يكون فيهم ماي)
وكانت تسمع اغنيه إليسا:
لو تعرفوه لو يوم يقابلكو اسألو ليه الايام ياخدو

لو تعرفوه لو يوم شفتو كلمو عن ناس اللي ما بيحبو

وفكروه فاتني وبستناه وكمان بقى عرفو مين فات حبيبو تاه

وابقو اسألو ازايو وازاي حالو في بالو او مش فبالو ما نساش هوانا وامانة كل

اللي فات قولووفكرو فاتني وبستناه وكمان بقى عرفو مين فات حبيبو تاه


عاليه دخلت بهدوء: هنود أنا...بروح الحين
هنود نشت من الشبريه جنه حد صب عليها ماي بارد: شوو؟!
عاليه: أممم لين متى بتم يعني...وبعدين المني باص يترياني تحت..
هنود: بتخليني هني روحي؟
عاليه: أشكرج على كل إلي سويتيه لي بس أنا برووح ..
هنود: لأ ما ترومين..مب كيفج..لأ
عاليه يودت مقبض الباب ويت بتبطله ..بس هنود قامت ويودت ايدها
هنود: أنا قلت لأ
عاليه سحبت إيدها حيل بس ماشي فايده....لفت وعطت هنود طرااق..
هنود:......
عاليه: أنا آسفه
هنود طاحت عالأرض وياها انهيار عصبي..وتمت تصارخ وتصيح...
عاليه قربت من هنود: شوبلاج؟ردي علي
هنود: لا تهديني بليييز ...دخيلج لا تهديني
عاليه: ما بهدج بس انتي هدي اعصابج
هنود: أنا تعبت...ليش الدنيا جي تسوي فيني أنا ليش؟؟
عاليه: بسير أقول حق الباص يروح..ما أروم أخليج جي
هنود: أوك...
وطلعت عاليه من البيت ورمست الباص ..وصعدت فوق وحطت فونها بالجرج..واطالعت المسجات..كله من ربيعاتها فبوظبي يحاتونها..
سمعت عاليه صوت هنود من حجرة نوف والباب مبطل..كانت تغني وهي تصيح: بلا حب بلا وجع قلب وش جانا من وراهالحب غير الألم غير التعب وش جانا...
عقب يودت فونها وكتبت مسج حق هنود: بنساج دامج عن القلب صديتي...
عقب هنود فرت فونها على الشبريه وتمت تصييح..
عاليه حست بشعور غريب ,حست انها مستعده تسوي اي شي وترد الابتسامه حق ويه هنود...
صوب نوف....
نوف كانت تسوق سياره امون..مسرعه صوب السكول وصوت الراديو عالي...وفالسكول...
نوف: هلا والله سلوم اشحالج؟
سلوم: تمام والله وانتي؟
نوف: أنا بخير ...أقول سلوم شفتي حمدان؟
سلوم: هييه عند الحب..
نوف: عشان جي يالله بسيرلها باي
سلوم: باي
صوب حمدان...
كانت ترمس بالفون...
موزه: يالله حبيبي بخلييج
حمدان: أوك حياتي
موزه: أممم لا تغازلين
حمدان: أفا عليج
موزه: باي
حمدان: باي
صدت حصه جان تحصل نوف فالويه
حمدان: ها بشري؟
نوف: انتي مواعده اليوم
حمدان: شكلي ما بسيرلها
نوف: كيف كيف! مب كيفج
حمدان: ما أروم أسوي جي فموزه البنت متعلقه فيني
نوف: بس هاي عندها رقمي..انتي ينييتي؟
حمدان: حبيبتي خليها حقج
نوف: ما أباها
حمدان: ما بسيرلها اتصرفي انتي
نوف: طعع اتورطت أنا؟!
حمدان: هييه انتي عيل انا
نوف: إيييه سيريلها...سوي عمرج ما تحبينها عقب بليييز
حمدان: إييه ورطتج أنا
نوف: سيري ياخي ...مواز تحبج...سيري وودريها
حمدان: أودر منو؟
نوف: ما اعرف...افف اتصرفي...أنا بسير عند سلوم
حمدان: أووو ...الله وياج
صوب سلوم
نوف بصوت عاليي :إيييه
سلوم: هع ما ترومين علي
نوف: بسويها فيوم من الأيام
سلوم: هييه فيوممن الأيام...عيل وين هنود؟
نوف: هنود غايبه اليوم ..كم بقى عالكلاس؟
سلوم: مب مطول...امشي نسيرالكلاس
وتمو يمشون فقسمهم لين ما...
منى: نوف وين هنود؟
نوف: هنود غايبه
منى: عسى ما فيها شي
نوف اطالعت منى بنظره حقاره وحطت الجقاره فحلجها وولعتها ومشت عنهم..أما سلوم...
منى: سلوم شو مستوي؟
سلوم: نوف تعرف شي بس خاشته عنا
منى: ترمين تعرفين شو؟
سلوم: بحاول..سيري كلاسج لا تتأخرين
منى: أوك ...برمسج عقب...حاولي ها
سلوم: ولا يهمج
وسارت سلوم الكلاس ويلست حذال نوف وحمدان....
ومر الوقت وخلص الدوام...
وصوب هنود..
عاليه: هنود.. هدي الجقاره...هاي السوالف ما بتساعدج تنسين منى
هنود: منى كيف عرفتي؟
عاليه: كنت موجوده ترا..يالله عاد هنود
هنود: كيفي لا تتدخلين فيني
عاليه: مب زيين والله مب زين...صدقيني منى ما تباج تسوين جي فروحج
هنود تمت مصدومه..ليش عاليه تهتم فيها لها الدرجه...منى عمرها ما اهتمت هنود تدخن ولا لأ...هنود يوعانه ولا لأ...عاليه غير
عاليه: فريها عشان منى..
هنود: ما يخصج...لا تييبين طاريها..فاهمه؟
عاليه: فريها الحين..
جان تدخل نوف البيت: هلا
عاليه: شوفي اختج...طعع شتسوي
نوف سارت صوب هنود وشلت الجقاره وفرتها داست عليها ...عقب فصخت نعالها وشلت علبه الجقاير من هنود...
عاليه: هههههه
هنود بقهر: نوف ما يخصج
نوف: بشوف كيف ما يخصني
هنود: مالت
وسارت حجرت نوف وبندت الباب...
عاليه: نوف اختج ياها انهيار عصبي
نوف بخوف:شو؟؟
عاليه: اليوم كنت بروح وياها انهيارعصبي..بس بخبرتي الطبيه ساعدتها وهدت..
نوف: وهي بخير الحين؟
عاليه: هييه ..هذا مب مرض ...هذا ايي حق اي انسان يتحمل اشيا فوق طاقته ومره وحده ينفجر...وها إلي استوى.
نوف: شو لازم نسوي؟
عاليه: أنا بسير الصيدليه بييب لها دوا وبيي..
نوف: لأ أنا بسير..بمر اييب غدا بعد...
عاليه: مشي ولا؟
نوف:أممم مشي أمون ردت بيتهم
عاليه: خذيني وياج
نوف: امشي عيل
وطلعو اثنينهم وتمو يمشون ويسولفون وجيوعاليه كانت تضحك على سوالف نوف ...لين ماوصلو الصيدليه واشترت عاليه أدويه حق هنود...
وسارو بيتزا هت وطلبو ميل فور 3 وشلوها تيك أويه...
وردوالبيت......
هنود كانت يالسه فالصاله...وتطالع قناه بلي بوي...
عاليه: هنودهالأدويه لازم تاخذينها ...عقب إلي استوى اليوم
هنود: ما استوى شي اليوم
عاليه: هاي حبوب مهدئه ..وهذا بخاخ بيساعدج على تنفس يوم بيضيق صدرج...وهذا البندول من النوع القوي يوم راسج بيعورج...
هنود:أنا مب مريضه خلوني فحالي...ودخلت الحجره
نوف:أنا بسير وراها
وفالحجره...
نوف: هنود ليش جيرمستيها بكل وقاحه؟
هنود: أنا مب مريضه نوف...أما بس أبا أفهم ليش؟
نوف: ليش شو؟
هنود انترست عيونها بالدموع...وعاليه واقفه عند الباب..
هنود: ليش سوت فيني جي؟ أنا ما سويت شي غلط
نوف: هنود الغلط مب غلطج انتي...منى ما تسستاهلج
هنود: جب...انتي تعرفين ان أنا مالي غيرها بها الدنيا..
نوف:هنود ابونا بيرد اليوم لازم ما يشوفج جي...انتي بتتجاوزين السالفه
هنود: لأ أنا حياتي انتهت...
هنود انهارت صياح ونوف يلست تهديها..
أما عاليه فردت غرفتها وطلبت المني باص وكتبت على ورقه:
هنود أناما بنساج مهما صار..أنا ما أرومات دام عمي بيرد بيته وأنا ما أروم أييكم لأن ما في شي يربطنا أنابطلع من حياتكم للأبد وبرد حق جامعتي والسكن فدبي...اتمنى لج الحياه الحلوه..ويا منى أو بدونها وصدقيني ترا وايد ناس يعوضونها...
وصاحت عاليه...حستهم أهلها وحست انها ما بتشوفهم بعد مره ..ودموعها طاحت عالورقه..ونزلت وروحت...
هنود قرت الرساله بكل حزن وكانت تاخذ الأدويه باستمرار...وردو بييت العمه ..وهناك ما لاحظو عليها أما نوف فلاحظت كل شي..
هنود ما كانت تاكل ولا تسبح...كانت دوم فالحديقه ودوم طالعه تتمشى...هنود ما كانت حتى تسير المدرسه...ونوف كانت تداوم بروحها..أما هنود فكانت تسير العياده أو الحديقه...وفيوم من الأيام فبيت العمه...
نوف وهنود وأسمه ونوره فالصاله....
أسمه: نوفي نوفي ببطل المكيف خوزي شوي
نوف نشت من مكانها ووقفت أسمه عالكرسي بس ما كانت تطول الشفرات
أسمه: نوف رفعيني شوي
نوف يودت أسمه من خصرها ورفعتها شوي لين ما عدلت كل شي
ويوم يت تنزلها.. وقفو اثنينهم عالكرسي ولاصقين فبعض وإييد نوف على خصر أسمه...أسمه قفطت واحمرت...ونوف تمت تطالع أسمه بحنان
نوف: عادي إييه ما استوى شي
أسمه: أوييه قفطه
نوف: أشل إيدي؟
أسمه: إلي يريحج
نوف: أنا مرتاحه جي
أسمه: خليها عيل
نوره: إييه انتو عصافير الحب وابد مرتاحين عالكرسي..انزلو
نوف: انشالله عمتي...أهم شي أفتك من لسانج
أسمه ضحكت
نوف ابتسمت: شوي شوي لاتتعورين
أسمه نزلت ..جان اختها تزقرها تبى تقولها شي..
صوب أسمه ونوره...
نوره: شو إلي استوى توه
أسمه: الله شعوور حلو..خاطري أعيد اللقطه
نوره: كم مره لازم أقولج ابتعدي عن نوفوه؟
أسمه: أنا أحببها...وما يخصج
نوره بعصبيه: بتقص عليج شرات ما قصت اختها علي
أسمه:........
نوره:أناحبيتها من خاطري..وكانت دوم تقنعني ان ما شي غيري فحياتها...بس الحقيقه غير..عطيتها وقتي كله..وحبي كله...وما اعتقد اني بحب حد هالكثر...أعشقها أنا وللحين تعاملني ببرود..
أسمه تمت مصدومه من اختها...واختها تمت تصييح..واسمه تهديها...
صوب نوف...
نوف:هنود أنا مووول مب عايبتني حالتج
هنود: بتتعودين
نوف: يالله عاد..الكل لاحظ انج ما تاكلين...طعع شضعفج الحين!!
هنود: باكل وغيره؟
نوف: أمممداومي باجروياي
هنود:أداوم لأ
نوف: إييه صار لج شهر تقريبن مب مداومه + إني مليت من الخرط ياخي
هنود: تصدقين أنابعد أباأغير جوو..
نوف:بتين؟
هنود: أوك بيي
نوف ابتسمت وتمت ساكته عقب حسوانهم رواحهم فكل وحده سارت حجرتها
نوف ما ياها رقاد....وتمت على شبريتها تفكر...وتقول فخاطرها:
أووه جان زين أنا عندي وحده تحاتيني..من باجر لازم أوقف وماأرمس هالبنت ..أكيد ودرتها حصو...آخذها أنا؟؟ لأ أبا وحده تحبني من خاطر..
انزين ومنى؟؟ ليش تسويلي طاف؟ أكيد تعرف ان الموضوع فيه هنود..
وأجوبتها ما فادتني بشي...أممم أنا باجر بعرف السالفه كلها...
اليوم الأخير فالقصه.....
فالمدرسه...أول الدواام...ممر صفوف الثنوي....
نوف كانت واقفه ويا حمدان يسولفون...
نوف: ها شسويتي البارحه؟
حصه: نوفوه البنت طلعت طرر
نوف:موزه؟
حصه: انتي تعرفين اني ماأحبها
نوف: فهمتج...خلاص أوك أنا برمسها
حصه: مشكوووره والله انج ما بست بويفرند هع
نوف لمحت منى وشكلها كان متوتر: إني تايم برمسج عقب..
وفنفس هالوقت هنود كانت فها الممر تدورمنى ..كانت تبى تطالعهانظرهوحده بس وترووح...
هنود شافت أسمه...
هنود:أسوم شو تسوين هني؟
أسمه: أممم ييت أشوف نوفي شفتيها؟
هنود:لأ
صوب نوف...
نوف وصلت حق منى دزتها عالطوفه وحطت إيدينها على كتوف منىجي ما بتشرد وشوفو شواستوى...
نوف ابتسمت جان تقول: هلا والله
منى كان مبين عليها التوتر: اهليي ين
نوف: بسألج أسإله ولو سمحتي لا تردين عليها بأسإله ثانيهوجاوبي بصراحه..
صوب هنود..
هنود: جوفي هناك
أسمه انصدمت..قالت فخاطرها: شو هاا؟ جي آخرتها..أممم صح كلام نوروه
بس بس نوفي غير!!...لأ يالخديه مب غير ما تشوفين يدامج؟
وهنود فخاطرها: شت شت شت..نوف هي الشخص إلي شل منى مني؟
كيف جي سوت فيني؟....لأ مستحيل
صوب نوف....
نوف: منى منو إلي خذ مكان هنود فقلبج؟
منى: محد.. مثل ما قلتلج قبل أنا أبى اركز على دراستي..وبس
نوف: أنا قلت بصراحه..هاي الصراحه؟
منى: لأ انزين؟
نوف: لين متى بتخشين؟..لين متى بتتواعدون بالسرر ها؟
منى: اذا خبرتج بتخبرين هنود؟
نوف: لأ..وعد
منى قربت من اذن نوف صار شكلهم حبايب..وقالت:
الشخص إلي شل مكان هند بقلبي هي سلوم
نوف انصدمت حست ان جسمها كان يرجف وتمت تسمع صوت سلوم فاذنها:
لا تخافين أنا شراتج.,ما أحب هالسوالف
فجأه يت هنود ويودت نوف وعطتها بكسين محترمين على ويهها...
الأول على خشمها تم ينزف والثاني على عينها وورمت....
هنود:ما اصدق هاي آخرتها؟؟
منى: هنود أنا..
ويودت هنود منى من ثيابها: انتي ونوف عاد؟؟
منى بكل جرأه: لأ أنا وسلوم..
هنود:..........
منى: هييه سلوم ,سلوم عطتني كل إلي احتاجه.. ولا تحاولين تغيرين شي..
هنود: تتحريني بترجاج يعني؟؟...انتي من اليوم ولا شي بالنسبه لي ...
وشلت بصوتها الطرر وكل المرر سمع:
•·.·´¯`·.·• تدري إنك تغيبي ولا دار قلبي •·.·´¯`·.·•



•·.·´¯`·.·• تدري بإني انا مرتاح بغيابك •·.·´¯`·.·•






•·.·´¯`·.·• وان كان ظنك وقصدك بس تلعبي •·.·´¯`·.·•






•·.·´¯`·.·• اتأكد إنك خسرت وتحرق اعصابك •·.·´¯`·.·•






وروحت هنود..أما أسمه فيت عند نوف إلي مب عارفه شو تسوي..ومسحت الدم إلي ينزل من خشمها وقالت: نوفي حياتي انتي بخير؟
نوف: أسمه؟...آآآخ عيني
أسمه: ارفعي راسج...تعاي بنسير العياده...
نوف: كنتي تصيحين؟
أسمه صحت زياده: هييه
نوف مسحت دموعها وباستها على خدها وقالت : لا تصيحين...
أسمه: خفت عليج..ويوم شفتج وياها اتحر اتحرأأاتحريكم حببا حبايب
نوف حضنت أسمه حييل وقالت فخاطرها: ها إلي كنت ادور عليه..
هنود اتصلت فنوف وقالت:
نوف أنا آسفه عالي سويته...بس أنا الحين اكتشفت اني..طول هالفتره اتحرى اني مفتقده منى..بس اكتشفت اني اشتقت حق عاليه...عاليه هي حبي الأصلي.. أنايوم انهرت هاك اليوم هي كانت وياي حسيتها حبيبتي وامي واختي...شفت فعيونها الحب إلي عمري ما شفته فمنى...نوف الحب مب بس فالمغازل..الحب يبدا فموقف ولا فحركه ومرات نظره..أنا لازم أ حصل عاليه...ما اروم ع فراقها.....
نوف: هنود أنا حصلت حبي..سيري حصلي حبج.أما الوالد والمديره فخليهم علي...سيري هنود ولا يردج إلا لسانج..
هنود سارت دبي ودخلت سكن الجامعه...وما حصلت عاليه ..تمت تسأل بس مكان السكن عود..
حصلت شله بنات وقالولها ان في شي هنود ما تعرفه....خبروها صدمه..
خبروها ان عاليه من بنات القصر...بنت اتوفو امها وابوها فحادث سياره والأهل رفضو تربيتها فاتبناها الشيخ وهي الحين وحده من بناته..
وخبروها ان العاليه شلت الشهاده الأخيرهوانقبلت فجامعه العين للطب وهي فالسكن هناك....تحت رعايه الشيخ..
هنود اتجهت حق العين ...
وأما نوف فشلت أسمه وسارتعند المديره وخبرتها ان هنود سارت البيت...
وسارت حق ابوها وخبرته كللل شي بالتفصيل...
هنودوصلت العين وقابلت الشيخ....
هنود: يا طويل العمر ..أنا أبا اتبنى عاليه بنت.......
الشيخ: والله والنعم فيج ...بس هاي بنتي من سنين الحين وحده شراتج ما يستوي تتبناها لازم ابوج يوقع على هالأوراق ويخضع للفحوصات؟؟
هنود: ابوي ما بيقول لأ...بس شو هالفحوصات؟
الشيخ: لازم نتأكد انها بتكون بخير وياكم وانها مرتاحه فبيتكم..
هنود: متى أروم أشوفها؟
الشيخ: كل شي بوقته حلو...خيوقع أول وفالج طييب..
هنود شلت الأوراق وردت البيت ويوم وصلت وقفت يدام ابوها ويت بتشرحله...بس هو ابتسم ووقع وعرفت ان نوف السبب..
هنود صدت جان تشوف عاليه واقفه وراها...
هنود غنت بصوتها:
والله ما يسوى أعيش الدنيا دونك
لا ولا تسوى حياتي بهالوجود
دامك أنت ألي رحلت
وكيف بصبر عالبعاد
وكيف
بنثر هالورود عالبعاد وكيف بنثر هالورود.
ما وعدت إنك تقاسمني المحبة
وتبقالي حب
ولدروبي دليل

هنود: انتي قلتي انج بتختفين من حياتي للأبد...
عاليه: بس أنا ما أروم أختفي...
هنود: وأنا ما أروم أعيش وانتي مختفيه...
عاليه: بس الحين وبفضلج محد بيفرقنا..
هنود: أحبج
عاليه استحت وبصوت واطي: حتى أنا
هنود: ما اسمع
عاليه: حتى أنا
هنود: انتي شو؟
عاليه: أحبج
هنود ابتسمت وحضنتها...
أما نوف فسارت بيت مواز وخبرتها السالفه..(حمدان وحبيبته اليديده)
وهي راده بيت العمه اتصل فالبنت وخبرتها الصدق والبنت اتهمت الوضع...
وجي عاشت منى وسلوم بحب والطرفين مخلصين لبعض...
أما نوف وأسمه دوم يتضاربون والسبه الغيره...
حصه (حمدان) والبنت عليا أممم كملو 4 سنين عقب افترقو...
نوره خلصت الثنوي..وانخطبت
أما الأبو فعاش حياه العزوبيه إلي اتعود عليها..
والعمه استوت تحب نوف وهنود زياده عن قبل...
وانتهت قصه هوانا وأنا وياها انتهييت....
وان شالله عيبتكم ...أبا أشوف الردود بلييييز بايز
كاتب الأساطير غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
أمثال إماراتيه عـ الطفوله ـناد قهوة عالم الرومانسية 15 01-20-2008 09:18 PM
مع مر الزمن بنساك....وذا مقدر....تناسيتك دروبي ألم الشعر و همس القوافي 27 04-30-2007 01:02 PM
إماراتيه وسعوديه وكويتيه طائرالحب المنتدى العام - نقاشات و حوارات جادة هادفة 12 01-10-2005 01:17 PM
تعال قل..يا صاحبي كيف بنساك @النجم الخاطر@ خواطر , عذب الكلام والخواطر 0 08-26-2004 03:45 AM
أرجوك تنسيني وأنا أوعدك بنساك الـعـمـده الشعر و همس القوافي 2 01-04-2004 08:21 PM

الساعة الآن 05:06 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103