تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

ايطاليا وحب جودي

موضوع مغلق
 
أدوات الموضوع انواع عرض الموضوع
قديم 12-17-2008, 05:33 AM   #1 (permalink)
احســــاســي
رومانسي مبتديء
 
الصورة الرمزية احســــاســي
 

ADS
ايطاليا وحب جودي




اسعدلي اوقاتكم بكل خير

احببت ان اضع بين ايديكم روايه (ماضي مؤلم ومستقبل منتظر)

ربما تكون من نسج الخيال لكن تتخللها بعض المواقف الواقعيه

ارجو لكم قرائه ممتعه في اول جزء ولو احببتموها سأكمل باقي الاجزاء

تحيتي


تبداء قصتنا في ارض السحر والفن والجمال ارض روما عاصمة الرومنسيه

في وسط زحمة الناس في ساحة نافونا الشهيره

بقرب النافوره كانت تتأمل وجوة الناس العابرين

اشخاص كثيرون وملامح متعدده لم تمل من كثرت الجلوس والاكتفاء بالمراقبه

لطالما كان المكان المفضل لها ولنواف

ابتسمت جودي بألم للماضي الجميل كانت احلى ايام قضتها في حياتها وانتهت بطريقه مأساويه

"والله مايسوى اعيش الدنيا دونك"

ايقظتها رنة جوالها من احلام اليقظه

جودي: الو

ميشو: الو انتي وينك لفيت روما لف ولا لقيتك وين اختفيتي

جودي: ههههههههه يانصابه ماتتركي سوالفك انا في نافونا يالله الحين برجع

ميشو:اوكي مري جيبي لنا معك اغراض ترى الشيبس حقي خلص وماراح اطلع اليوم مالي خلق

جودي: اها يعني متصله عشان الشيبس مو عشاني اقلبي وجهك يالله

ميشوو: لا لا ياقلبي انا خفت عليك و قلقت قلت احنا في غربه وينها اختفت عاد سلكي انتي لاتصيرين مره

جودي: ها ها ها ها ضحكتيني يالله بس اختصري

ميشو: اوكي جيبي الشيبس الي انا احبه وايس كريم وشوفي لنا شي بارد واعملي حساب البنات ترى بيجونا اليوم

جودي: اوكي باي

ميشوي : باي


جودي وميشو صاحبات من زمان واكثر من خوات وبما انهم في غربه لوحدهم مالهم الا بعض كل وحده عباره عن سند للثانيه

مشت جودي واتجهت لاقرب سوبر ماركت لشقتهم اخذت سله صغيره واتجهت للشيبس اخذت الانواع الي تحبها ميشو

وراحت تختار الا يس كريم وكانت هناك بنت صغيره قمر خقت جودي عندها وصارت تسولف معاها

جودي: هاي جيرل

البنت بأبتسامه طفوليه سـاحره: هاي

جودي: وت از يور نيم

البنت: ميشيل
جودي : اتز نايس نيم

مدت يدها جودي تصافحها
جودي: ماي نيم جودي

ميشيل:ار يو ايتالي ؟
جودي: نو ايام ان ارب

ميشيل :اي هوب تو قو اني ارب كانتري لايك ليبنون
(اتمى ان اذهب الى مدينه عربيه مثل لبنام)

جودي:واي نات هوني يو كان قو ان فيوتشر
(ليه لا عزيزتي تقدري في المستقبل)

ميشيل:اي هوب ذات
( اتمنى ذلك)

جودي انتبهت انها تأخرت وهي تسولف بس البنت عسووله وهي تحب البنات

جودي: اوكي ميشيل ايام كمبليد قو ناو نايس تو ميت اي هوب سي يو اقين
(انا مضطره ارجع الحين فرصه سعيده اتمى اشوفك قريب)

ميشيل: نايس تو ميت يو جودي اي ليف نكست ذيس سوبر ماركت يو كان فيزت اس
(فرصه سعيده جودي انا اعيش بجانب السوبر ماركت تقدري تزورينا)

جودي بأبتسامه : اوكي ام تراي باي
(احاول)
ميشيل: باي

كملت جودي الاغراض الي محتاجينها واتجهت للشقه الي كانت منبع الازعاج في العماره خصوصا اذا اجتمعو البنات

دخلت جودي وكانت فيه صاحبتهم احلام بنت تاجر سعودي معروف وهي قمة في الغرور

وسمر البنت السمرا الجميله وهي من عائله مختلطه الام اجنبيه والاب سعودي

وعنود بنت من طبقه وسطى وهي تعتبر اقل طبقه ظمن المجموعه

ميشو مو فاضيه كانت ترقص على انغام اغنية سيلين ديون i am live

كملت جودي معاها الرقص تنط مثل ميشو بهبال وتحرك راسها مثلها وتقلد كل حركه تسويها وميشو مندمجه

وجودي والبنات ماتو ضحك عليها

***

راح اتكلم شوي عن شخصية كل وحده فيهم

جودي اسمها جود
عمرها22سنه
شخصيتها قياديه برغم مرحها وخفة دمها الا انها اوقات الشده يعتمد عليها وينتهي اللعب

لها في ايطاليا سنتين تعرفت على نواف في هافتره لكن للأسف في يوم انتهى نواف من الوجود وقت ماكان في السعوديه يزور اهله

ومن مات وجودي عايشه على ذكراه حتى مستواها انخفض لو ماسافر لها اخوها الكبير وعدل نفسيتها شوي

كان انتهت حياتها الدراسيه

جودي البنت الوحيده بين ثلاث شباب

اخوها الكبير عبدالعزيز عمره 30رجل اعمال وسلك طريق مختلف عن طريق ابوه

اما اخوها الثاني نايف عمره 25 يشتغل مع ابوه في شركته

والاخير تركي عمره 19 سنه يدرس في جامعة التقنيه

بأختصار جودي دلوعه اهلها ومحبوبه من الكل



ميشوو اسمها مشاعل بس صاحباتها يسموها ميشو اسهل لهم

عمرها 22 صديقة جودي من ايام الابتدائي وصداقتهم امتدت لاهلهم وصارت صداقه بين العائلتين

ميشو وحيده امها وابوها وكانو دايم اخوان جودي معتبرينها اختهم الثانيه ومعوضينها كثير بما انها وحيده بدون اخوان

وبدون اب يعني مالها سند غير الله ثم اخوان جودي

الورث الي تركه ابو ميشو يعيشها هي وامها احسن عيشه شخصيتها جداً جداً مرحه حتى في اصعب وقت

تكون مبتسمه وهي الي تعطي جودي قوه دايم


احلام مغرورة الشله

عمرها 21 ابوها رجل اعمال وتاجر جداً معروف وطلباتها جميعها مجابه
غرورها اوقات يضايق البنات لكن يضطرون يسكتون لان هذا طبعها من زمان واجمل مافيها عيونها


سمر

بنت رائــعه عمرها 23 اكبر وحده فيهم كسبت جمال امها وخوالها الجمال البرازيلي الجذاب

عنود

بنت تملك من الجمال الكثير لكن عدم اهتمامها بمظهرها دائما يخفي جمالها

عمرها 21 وهي من عائله متوسطه ذهبت لايطاليا بعثه من الدوله


*******

استمر سهر البنات بما ان ثاني يوم مافي دوام فحبو يغيرو جو في الصباح طلعو البنات

وظلت جودي وميشو يرتبو الشقه بعد الاعصار الي صار فيها

ميشو: جودي فيني نوووووم تعبت بروح انام

جودي : نعم نعم والله ماتعتبين نكمل تنظيف وبعدين روحي نامي يالله ماكأنك انتي اكثر وحده كانت مسوي حوسه

ميشووو: بسم الله خلاص لاتاكليني ماصدقت انفكت

جودي ترميها بالمخده الي في يدها: اقول ياحنانه روحي نظفي المطبخ وانا بنظف الصاله


شقة جودي وميشو كانت عباره عن صاله ومطبخ صغير مفتوح على الصاله (بوفيه)

وغرفتين نوم ودورة مياه

بعد ماانتهو البنات تنظيف وميشو عورت راس جودي من كثر ماتتحلطم راحو نامو على طول

في مكان اخر من الكره الارضيه تحديداً في السعوديه

وليد: ياخي انت اش فيك ماتفهم قلت لك الحفله هذي اوكيييييييه مضمونه تعال وعلى ضمانتي

انس: ياوليد بصراحه اخاف من الحفلات هذي خصوصا الي يكون فيها gay>>جنس ثالث

وليد: احنا بنروح نتفرج وبعدين الي مسوي الحفله واحد واصل ماعليك

انس: يالله خلينا نشوف اخرتها معاك

اتجه وليد لمكان الحفله الي فيها جنس ثالث ودائما الحفلات الي زي كذا تكون مشبوهه جنس ثالث خمر حشيش

حياة وليد كانت نوعا ما في ضياع بحكم انه يدرس في منطقه ثانيه بعيد عن اهله

في الحفله

انس: يالله وليد اش هذا اعوذ بالله هذول بنات ولا عيال

وليد: اسكت فشلتنا الي يشوفك يقول اول مره تشوف ترى هذا ولا شي

انس: لا لا لا ياوليد انا مااراح اجلس

وليد سمع واحد من بعيد يناديه

بميووعه مصطنعه وصوت ينرفز :هااااااااااااااااااااااي ولييييد

وليد: هاي سوسو

سوسو الي هو كان سعود: كيفك ليه طولت

وليد: ابد والله كنت مع انس خويي

انس هذا سوسو التفت يدور انس مالقاه مكانه التفت جهت الباب لقى انس يركض طالع برى

مات ضحك عليه واستئذن من سوسو عشان يطلع وبصعوبه فلت منه


وليد: هههههههههههههههههه انس والله انك جبان

انس: ايه جبان لو جاتهم المباحث راحنا فيها ماتشوف الخمر شلون يوزعونه كأنه عصير

وليد: يابابا حفلات الناس الهاي كلاس هي كذا

انس: لا ياوليد انا مو راعي هالحفلات ورجاء مابيك تاخذني لها مره ثانيه

وليد: طيب طيب يالله اركب خلينا نشمي

انس: اي والله بسرعه تراني موب مرتاح

ركبو السياره واتجهو على مطعم صيني يتعشون وبعدها راحو الشقه الي كانت في حي قريب من الجامعه

***********

صحت جودي من النوم على صوت المنبه الساعه 12 الظهر جودي عادة ماتنام كثير

اخذت لها دوش وراحت تشوف ميشو اذا قامت او لا

طبعا مالها امل ميشو تصحى الحين حاولت تصحيها رفضت

فكرت تتطلع تاكل شي لانها جيعانه

دخلت الغرفه وظلت واقفه فتره عند المرايه تتأمل ملامحها ووجها الي من بعد وفاة نواف وهي مهملته

جودي ملامحها عربيه عيونها واسعه ورموشها كثير وكثيفه وحواجبها مرفوعه وهالشي معطي ملامحه شوية قساوة

انفها مرفوع ودائما صاحباتها يحسدوها عليه وشفايفها ورديه صغيره ومنفوخه شوي

شعرها على طول كيرلي لونه بني

قررت تحط شوية ميك اب صباحي فتحت الدولاب تختارلها لبس

طلعت بنطلون جينز وتي شيرت لونه بنك واخذت نظارتها الشمسيه من ديور وشنطتها وطلعت

صارت تدور في شوارع روما بلى هدف تذكرت الجوع اول ماشافت نفسها عند مطعم و كوفي شوب

فكرت توقف وتطلب لها اكل وتاكل

جودي : اكسيوز مي

المتر: يس ميم كن اي هيلب يو

جودي : اي وونت منيو بليز

الويتر اعطاها المنيو وطلبت ماكرونا وهو الغدا المعتاد في ايطاليا

كانت مندمجه مع اكلها

لين سمعت اصوات شباب قدامها

الاول : ياشيخ احلف لك انها سعوديه

الثاني : لا لا مااعتقد شوفها من غير عبايه

الاول: ياحمار اوسسسس لايحد يسمعك وش الي عبايه انت ماتدري ان اغلبية السعوديات يفصخونها من الطياره

الثاني : اي والله زي البنتين الي كانو معانا في الطياره امس

الاول : لا ذكي ماشاء الله عليك فطييييين اقول مالت علي مافكرت الا فيك اخذك معي


الثاني : وش دعوه انت كبرت الموضوع اسكت بس خليني اكمل اكلي

الاول : زط زط كله من خيري

الثاني : تراك ذليتني مايسوى علي

جودي كانت تسمع وميته ضحك عليهم ودها ترفع عينها عن الاكل و تشوف اشكالهم هالمهابيل اصواتهم عاليه وعلى بالهم محد سامع

الاول : ياخي ترى الفضول قتلني البنت حلوة وملامحها عربيه

الثاني : طيب لحظه شوي وبجيك

الاول: تعال يامجنون وين بتروح خالد ياخبل ارجع خلينا نحاسب ونطلع

قام صاحبه وتوجه لطاوله جودي

خالد: السلام عليكم

جودي التفت عليه واستغربت انه جاي يكلمها وصار يدور اشياء كثير في بالها:

وعليكم السلام نعم

خالد بأبتسامه موجهه لخوية طلال:لا اختي بس كنت حاب اسألك وش الي تاكلينه شكله يشهي وقلت ابي اطلب مثله

جودي : ايه بدليل ان الويتر جايب لكم الفاتوره الحين

انصدم من ردها ناظر في خويه لقاه فعلا يحاسب

جودي : هههههههههههه بريحك من هالموقف ايه انا سعوديه عن اذنك

وراحت دورة المياه ورجعت تحاسب وطلعت

توجهت لمول تشتري شوية اغراض

ظلت تدور وتدور لين تعبت

اما خالد وطلال

طول الوقت طلال يضحك على خالد وعلى كلام البنت الي في المطعم

خالد: وجععععع وانت ماتصدق تمسك شي خلاص ياخي ماصارت ساعه وانت تضحك لعنبووو ماتعبت

طلال: ههههههههههههه ااااااااااه ليتك شفت وجهك وشلون صار والله انك تحفففففه

خالد: كل تبن بس ويالله وديني اي مكان تراني طفشان من هالدواره

كملو طريقهم متوجهين سوق بورتا بورتيزي سوق شعبي لكن الاجواء هناك روووعه


في الجهه الثانيه في مول مختلف كانت جودي تدور لحد ماجاها شخص من وراها ومسك فمها وايدها

وصارت عاجزه عن الحركه

صار يدور في بالها انه ممكن يكون حرامي بس احنا في النهار وش هالحرامي الجريء والمول كله ناس
اشياء كثير كانت تدور في بالها وانتهت اول مالشخص الي وراها فكها وصار مواجه لها

علامات الخوف والرهبه الي كانت على وجه جودي اختفت وصار مكانها ابتسامه وبعدها بكاء

ياترى من يكون هالشخص



تم الجزء الاول بحمد الله



احســــاســي غير متصل  
قديم 12-17-2008, 10:10 AM   #2 (permalink)
₪ همسـﮯ الطفولة ₪
مشرف متميز سابقاً
 
الصورة الرمزية ₪ همسـﮯ الطفولة ₪
 
رِوَآيَةٌ رَآئِعَةٌ..

بَيْنَ أَسْطُرِهَآ.. كُلَّ المُتْعَةِ..

أَتَلَهَّفُ لِـ بَقِيَّتِهَآ..


سَلِمَتْ الآنَآمِلْ..


لآحَرَمَنَآ اللهُ ايَّآهَآ..



وَآصِلِيْ..

فـَ نَحْنُ مُتَلَهِّفُوْنْ..

الَشْخصْ آتَوْقعْ هوْ آخآهآ
₪ همسـﮯ الطفولة ₪ غير متصل  
قديم 12-17-2008, 06:52 PM   #3 (permalink)
احســــاســي
رومانسي مبتديء
 
الصورة الرمزية احســــاســي
 
جنة الشوق

اسعدني كثيرا تواجدك وكلماتك المشجعه

دمتي لمن تحبين
احســــاســي غير متصل  
قديم 12-17-2008, 07:02 PM   #4 (permalink)
samooorah
رومانسي مجتهد
 
الصورة الرمزية samooorah
 
يعطيك العافيه
الروايه باين عليها جناااااااان
ننتظر التكمله
تقبل مروري
samooorah غير متصل  
قديم 12-18-2008, 01:35 AM   #5 (permalink)
احســــاســي
رومانسي مبتديء
 
الصورة الرمزية احســــاســي
 
الله يعافيك عزيزتي

اسعدني تواجدك
احســــاســي غير متصل  
قديم 12-18-2008, 03:57 AM   #6 (permalink)
احســــاســي
رومانسي مبتديء
 
الصورة الرمزية احســــاســي
 
في الجهه الثانيه في مول مختلف كانت جودي تدور لحد ماجاها شخص من وراها ومسك فمها وايدها

وصارت عاجزه عن الحركه

حاولت تقاوم لكن محاولاتها كلها فاشله

صار يدور في بالها انه ممكن يكون حرامي بس احنا في النهار وش هالحرامي الجريء والمول كله ناس
اشياء كثير كانت تدور في بالها وانتهت اول مالشخص الي وراها فكها وصار مواجه لها

علامات الخوف والرهبه الي كانت على وجه جودي اختفت وصار مكانها ابتسامه وبعدها بكاء

ماصدقت عيونها اخو نواف قدامها

ضمته بدون شعور ريحت الغالي فيه

جودي وهي تبكي :اااااااااااااااااااااه يانواف ليه رحت وتركتني لحالي ليه خليتني وحيده الدنيا مالها طعم بدونك

بدر:جودي خلاص تكفين خلاص يالغاليه

جودي مستمره في بكائها الي يقطع القلب : اشتقت له يابدر احتاجه يكون قربي الحين مااقدر اواصل من غير مايكون قربي

بدر: جودي تراك وصية نواف لي وماراح اتركك وماراح اخليك تحتاجي شي انا معك بداله

جودي: محد يقدر يكون نواف نواف واحد وراح

بدر: خلاص تعوذي من الشيطان وتعالي غسلي وجهك شوفي كيف صار وشوفي الناس شلون تطالع

جودي: اعوذ بالله من الشيطان والله يرحمك يانواف

بدر: يالله ماودك تعزميني على الغدا تراني ميت جوع
جودي: لا انا كليت خلاص لو ادري انك هنا كان انتظرتك وبعدين تعال شلون تجي ايطاليا وماتعطيني خبر

بدر: والله كنت حاب اسويها مفاجاءه رحت كل مكان انتي تروحيه دائما مع ..

كان بيقول نواف بس خاف ترجع تبكي

جودي: كمل مع نواف خلاص يابدر مضطره اتعايش مع الوضع الجديد من دونه

بدر: اصبري ياجودي لكنا متألمين على فراقه بس هذي الدنيا

جودي: طيب اش رايك نروح نشرب شي في اي كوفي شوب

بدر: اوك بس الحساب عليك

جودي: هههههههههههههههه ماتتغير انت متى تعزمني بس ابي مره في حياتك تسويها وتعزمني

بدر: لا لا لا لا انا دايم انعزم مااعزم احد

جودي: الله يعين الي بتاخذك بس

بدر: الا ياسعدها امها داعيتلها في ليلة القدر

جودي: والله مااظن داعيه لها الظاهر العكس

بدر بنظرة زعل مصطنعه: افا ياجودي وانا اقول غاليه اثاريك قالبه علي

جودي: لاتسوي فيها كسر خواطر تعال بس اعرف كوفي شوي قريب من هنا ومره حلو

بدر : يالله قوو



خالد: اااه يارجلي طلالوووه خلاص شوف لنا تاكسي خلينا نرجع معد فيني حيل اكمل مشي

طلال: وين الياقه ولا عضلات على الفاضي الله يخلي الابر بس انفخ في هالعضله وامش

ولا اللياقه من جنبها

خالد: انا نافخها زينه خبرك البنات يخقوون على المعضل

طلال : عز الله رحنا فيها اذا كل الشباب تفكيرهم مثلك

خالد: اجل تبيني اقعد مثلك سنه ويالله طلعو

طلال : انا بالتمارين والرياضه والعضلات طبيعيه عندي وكذا اصح لي وش لي بالابر الي مايندرى عنها

خالد: اقول طلال شوف هذي البنت والله انها شييييييي هقوتك بتعطيني وجه

طلال: لا تحاول بنت ديرتك فشلتك لاتروح للايطاليه وتفشلنا بس

خالد بنظرة تحدي: طيب يا تفشلنا انت

مشى خالد لجهة البنت وناوي يثبت لطلال انه قادر يتكلم مع اي بنت بدون انها ترده

خالد: هاي

البنت بأبتسامه : هاي

خالد: هاو ار يو
البنت : ام فاين ثانكس فور اسك كناي هيلب يو

خالد: اي وونت تيل يو يو هاف ابيوتيفول ايز

البنت بأحراج: ثانكس يو سو سويت

خالد: نايس تو ميت يو اي هوب سي يو اقين

مشى من عندها وهو يضحك لطلال

البنت : ويت ويت

خالد استغرب ورجع لها

البنت: ماي نيم سابرينا

خالد: نايس تو ميت يو ماي نيم خالد

سابرينا: نايس نيم خالد ار يو ان ارب ؟

خالد: يس ايام

سابرينا مسكت يد خالد وجلست تكتب وخالد مستغرب

خلصت وطالعت فيه

سابرينا: كول مي

غمزت له وراحت

خالد في قمة الاستغراب والتعجب له فتره يبي يتعرف على بنت وتجيه وحده لين عنده

راح لطلال الي كان ميت ضحك على شكل خالد وهو متعجب من الي صار

خالد وهو مفهي نوعا ما: طلال شفت الي انا شفته

طلال: هههههههههههههه سكر فمك لايطيح بس من قدنا البنات يرقمونا

خالد: لا لا هي من جدها ترقم

طلال: يابدوي عادي هنااااااا البنت ترقم الي تبي والولد نفس الشي

وعندهم هنا اغلبية الترقيم من البنات انت وش بتسوي لو دخلنا نايت كلوب اليوم

خالد: ليه اش يصير هناك

طلال : يعني نفرض ان كنت جالس على البار وعجبت وحده من البنات الي هناك ببساطه في ثلاث شغلات راح تصير

الاولى : انها بتجلس تسوف معاك وهي طالعه بتعطيك رقمها

الثانيه: بتقولك تعال نرقص

الثالثه : بتاخذك معها شقتها

خالد بتعجب : اعوذ بالله من جدك ياطلال

طلال : هههههههههههههههههههه ايه اش فيك عادي عندهم

خالد بحزم: طلال انت تعرف انا راعي سهر اي نعم بنات في الجوال ايه اما خمر وبنات ليل لا ياطلال

طلال: الحمدلله احد قالك طيب اشرب ولا روح واعد انا اقولك عن الوضع هنا اش لون

خالد : رجعني السعوديه

طلال: ههههههههههههههههههه انا من قالي اخذك معاي

خالد: قرادتك

طلال: امش بس نرجع الشقه اذيتني

طول الطريق كان خالد متعجب من تصرفات الاشخاص الي يقابلهم وحمد ربه مليون مره على الاسلام

********
طلال وخالد

برغم ان صداقتهم ماتعدت سنه الا انهم جدا مقربين من بعض خلال هالسنه كانو اصدقاء فعلا بمعنى الكلمه


طلال عمره 25 ولد عائله سعوديه كبيره ويملكون فنادق وشركات في دول الخليج وامتدت تجارتهم لايطاليا

وامريكا وناووين في فرنسا قريب

وجاي ايطاليا يشرف على تجارتهم هنا ومنها يغير جو وقرر ياخذ معاه خالد

خالد من عائله نقدر نقول عنها بسيطه جداً عمره 24 تعرف على طلال في شارع مظلم تعطلت سيارة طلال في الطريق

وبحكم قلة خبرة طلال في التصليح ماكان عارف يتصرف وانقذه من هالموقف خالد وكان وقتها الكفر مبنشر وغيره له

ومن بعدها كثرت العزايم بينهم واستمرت صداقتهم

**********


في شقة البنات ميشوو توها تصحى طالعت في الساعه لقتها صارت 6

ميشو: اوووووف كل هالوقت نايمه هالنحيسه وينها ماصحتني

طلعت تدور جودي واستغربت انها مالقتها

اخذت الجوال بتتصل عليها لقت 10 اتصالات من جودي و5 من امها

ميشو: يووه امي متصله ولا قمت الحين بتقلق علي المسكينه

اتصل على امها

ميشو: هلا بالغلااا كله هلا بروحي

ام ميشو : انتي وينك الله يهديك خوفيتيني عليك

ميشو : سوري فديتك كنت نايمه

ام ميشو: نايمه لهالحين ايه ماني وراك اصحيك من خمسه الفجر

ميشو: ههههههههههههههههههههههه ماما اتحداك تقومي 5 الفجر عاد امس البنات عندنا ومانمنا الا متأخر

ام ميشو : الله يهديكم ودراستكم تراكم مو متغربين عشان سهرات وجمعات بنات

لارجعتو بتملون منها

ميشو : لا ماما لارجعنا بيبداء شغل المستشفيات الي مايخلص

ام ميشو: طيب حبيبتي انتبهي لنفسك

ميشو: اوكي ماما باي

ام ميشو: باي

ميشو: خليني اتصل على هالخبله طلعت وخلتني

ميشو: الووووووووووووووووو انتي وين يالخاينه

جودي: هلا والله صحى النوم اخيرا قررتي تصحين حضرتك

ميشو: والله حاسه بكسل ودي ارجع انام

جودي: اقول بس انزلي انا في الكوفي شوب الي تحت وعندي مفاجاءه

ميشو: وش عندك بسرعه قولي

جودي : لاتتأخرين عشان تشوفي باااااي

سكرت ماانتظرت جواب ميشو
بسرعه ميشو راحت تغير ملابسها

لبست بنطلون وبدي احمر وخلت شعرها مهمل واخذت نظارتها الي تميزها لونها بنك من غوتشي وتلبسها في كل وقت

نزلت بسرعه للكوفي شوب الي تحت عمارتهم

وكأنها تلمح من بعيد شخص مع جودي استغربت لان جودي من بعد نواف وهي مالها اي علاقه

قربت شوي وقامت صارخ

ميشو:واااااااااااااااااااااااااااو بدر هنا

ونطت عليه وضمته لااااااااااااااااااااااا مااصدق متى جيت

يالخاينه ماقولتيلي ان بدر موجود

بدر: ميشوووووو بتموتيني

ميشو انتبهت انها خانقه الولد: ههههههههههههههه يووه مانتبهت سوري والله لك وحشه يالدب

جودي: بس خفي على الولد

ميشو بطرف عينها تطالع في جودي: مالك شغل خطيبي

جودي : هههههههههههههههههههههه وش يفكك منها

بدر: كح احم اقول ميشو كم رقم امك

ميشو: ليه؟؟

بدر: عشان اخطبك منها

ميشو: مالت عليك من سنتين اسمع هالكلمه طس بس خلي بنت عمك القرويه تنفعك

بدر وجودي: ههههههههههههههههههههههههههههههه

ميشو: طيب وش ناويين تسوون عاد بكره دوام وابي افلها شوي

جودي: امس فالتها ومانمنا الا الصبح مايكفي

ميشو : لا خاطري نروح نسوي خبال زي اول

جودي تطالعها وفاهمه وش تفكر فيه: ميشو وش ناويه عليه

ميشو: هههههههههههههههه يالله تكفين خلينا نروح قومي

جودي: نايت كلوب مابي

بدر: قومو يالله من زمان مارقصت

جودي: وانت على الريحه

ميشو تقوم جودي: يالله قومي من زمان مارحنا

جودي: طيب اغير ملابسي من الظهر علي

ميشو : يالله حتى انا ابي اغير

بدر: اوكي انتظركم هنا لاتطولون

راحو كل وحده لغرفتها

جودي طلعت بنطلون برمودا جينز ومعاه تي شيرت بيج ومرسوم عليه بنت حزينه حطت ميك اب ثقيل شوي

واختارت روج احمر صارخ

وتركت شعرها كيرلي كالعاده

اما ميشو لبست بنطلون شامواه اسود وبدي اسود ورفعت شعرها ولبست نظارتها البنك وحطت غلوس بنك غامق



في جهه اخرى

طلال يطالع في ساعته الساعه 9: خالد يالله تراك اخرتنا

خالد: اش فيك خلاص اسوي شعري

طلال : انا الي بلشت عمري ودليتك على الجل خلصنا ترى لو صار البار فل ماراح ندخل وانا مااحب اروح الا هذا

خالد: وش فرقت كلهم زي بعض

طلال: انت وش فهمك لا مو كلهم زي بعض في بعض البارات تكون جدا تشيب وكلها ناس محششه

البار هذا غير رقص وبس مافيه مشاكل

خالد: يالله خلصت مشينا

طلال: يالله بسرعه





داخل النايت كلوب

ميشو بصراخ: جووووووووووووووودي وناااااااااسه

جودي: هاااااااااااااااااااااه مااسمع ترى

بدر يصارخ : بنات تعالو لقيت طاوله فاضيه خلونا نجلس

جودي وميشو: اوكي

ميشو: يوووه يابدر مااشوف شي

جودي: كل هذا وماتشوفين ليه تبين تقعدين قبال الباند

بدر: اي والله شكلها مخاويه واحد منهم عاد شفتي هذاك الي يعزف على الدرامز

وكان يأشر على واحد شعره طويل وستايله روك

جودي: ههههههههههههههههههه ايه ينفع لها شوف المناكير الي حاطه عذاب ههههههههههه

ميشووو : ها ها ها ها بايخين

جودي: بدر شوف البنت هذيك بتاكلك بعيونها هههههههههههه

بدر بدون لايلتفت : خليها تناظر العين بحر بس القلب لسحر

سحر طبعا بنت عمه الي هي خطيبته

ميشو تصفر: ياقوي انت سحر اجل خليها تنفعك قلت لك اخطبني والمهر علي بس ماتطيع انت

جودي: هههههههههههههههههههههههه




خالد يصارخ: طلال شوف شوف هناك على الطاوله هذيك

طلال: وين

خالد : هذيك الطاوله مكان مااشرلك

طلال: اش فيه طيب

خالد: مو كانه البنت الي هناك نفس الي اليوم في المطعم

طلال: مدري والله شكلها غير وبعدين انت الي قربت منها وشفت ملامحها عدل

خالد: انا متأكد انها هي نفس البنت القمر

طلال: خالد اعقل ولاتفكر تروح لها تعال بس خلينا نرقص

وراحو يرقصون طبعا خالد كان واقف بعيد شوي عن طلال لانه مايعرف في الرقص الا السامري

اما طلال مبدع في انواع الرقص الغربي



جودي تصارخ عشان يسمعون: جودي بدر شوفو هذا الي يرقص

ميشو من اول ماراح طلال يرقص وهي فاهيه منبهره بجماله

ميشو: جودي بعدين بعدين خليني اشوف

جودي :شوف وش لون البنت مفهيه

بدر: اش فيه ياجودي

حكته جودي موقف المطعم

بدر: شكله الي جا يسألك اول مره يطلع من السعوديه

جودي: لا مااعتقد شوف اشكالهم كول وشكلهم حقين سفريات

بدر : لا ماعليك الي يرقص ممكن بس الثاني باين انه حتى البحرين ماراح لها شوفي كيف يطالع منبهر

ميشو: اااااااااااه ياقلبي جودي شوفي اللون البرونزي ولا العين والجسم المفصل تفصيل سبحان من سواه

جودي: ههههههههههههههههه لا البنت ذابت

بدر: وتبيني اخطبك بعد

ميشو: اش فيكم انا اقدر الجمال وبصراحه هالولد جميل تتوقعين برازيلي ولا ايطالي

جودي بلى مباله : سعودي

ميشو: هااااااااااااااااا سعودي ؟؟؟

جودي: ايه سعودي وكان في نفس المطعم اليوم الي تغديت فيه انتي وين كنتي وانا اقول السالفه

بدر : كانت مفهيه مع الجمال

بدر و جودي : ههههههههههههههههههههه



طلال: يووووووه من زمان مارقصت ليه ماجيت ياخالد

خالد: من قالك اني اعرف ارقص اناراعي شكشكه وسامري على شوية كسرات

طلال: لا لا يبيلك كورسات عند المايسترو طلال يومين واعلمك كل شي

خالد: شفت البنت الي شفناها في المطعم

خويتها من اول تناظر فيك لاتناظر الحين بتعرف اني اتكلم عنها

طلال: طيب تعال نشرب لنا شي

خالد: يالله


شبابنا الحلوين قضو طول وقتهم في الرقص على الساعه 1 قررو يرجعون مع ان ميشو ماكان ودها تطلع




ميشو مبوزه: جودي خير ترى الجامعه مو طايره

جودي: اقول انتي محد يعطيك وجه وهذي اخر مره نطلع فيها تبين تروحين روحي لحالك

ميشو: لا والله انتي عارفه لو مو بدر موجود ماكان رحنا يعني تبيني كل اسبوع اجيب بدرعشان نايت كلوب

بدر: فاضيلك انا امشي بس خلاص اصلا انا تعبان ابي انام

ميشو: اكرهكم تو السهره تبداء اصلا وتحلو

جودي تعبت وصدع راسها من صراخ ميشو طول الوقت عشان طلعو



*******

صحت جودي من النوم على صوت المنبه المزعج

قامت بكسل اخذت دوش وراحت تصحي ميشو

جودي: ميشووو قومي يالله تأخرنا

ميشو بصوت كله نوم : يالله بقوم الحين

راحت ميشو تلبس

لبست بنطلون اسود وقميص ابيض صار شكلها رسمي فتحت الازارير الي فوووق شوي

وسوت شعرها ستريت ورفعته على فوق مع شوية خصلات متتطايره على وجها ولبست نظارتها الشمسيه

جودي: ميشو يالله ماخلصتي

ميشو: الا خلاص مشينا

اخذو اغراضهم واتجهو للكوفي شوب اخذو كابتشينو وكوراسون

واكلو وهم في الطريق رايحين

في الجامعه البنات كانو جالسين في الكافتيريا

ميشو جودي: هاي جيرلز

البنات : هاي

جودي: اش فيكم مادخلتو

احلام: تخيلي بس الدكتور ماحضر اليوم يقولون انه امس الشرطه كانت في بيته

جودي: لييييه اش صار

سمر: مدري علمنا علمك بس يمكن احد كان بيسرق او شي

ميشو: يووه مسكين عاد والله انه في حاله هالدكتور

جودي : طيب اش الحل الحين جينا على الفاضي محاضرتنا الثانيه مو الحين بعد ساعه او ساعتين باقي لها خمس ساعات

ميشووو : طيب اش رايكم نطلع

جودي : ياحبك للطلعات ماتملين

ميشو :ببساطه لا احد يمل من الوناسه

عنود: وين تبين تروحين

ميشو بعد تفكير: نروح الملاهي

جودي: مانتي صاحيه

احلام : ونااسه يالله

في الملاهي راح تحصل احداث غير متوقعه وراح تبداء قصتنا بأحداثها المثيره

انتهى الجزء الثاني

لاتحرموني من ارائكم
احســــاســي غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
هذي صور ديكور لأغلى فله في ايطاليا جذآآآب القلوووب ديكورات 2017 21 08-17-2008 04:50 PM
&&مباراة رابطــة ايطاليا مع منتخب ايطاليا استعداد لمباراة لقادمــه && مز111جيه كورة عربية 30 06-22-2008 09:04 PM
وصول امل من ايطاليا مكنوز ستار اكاديمي 1 2 3 4 5 6 7 8 Star Academy 43 01-24-2007 04:05 AM
رحلة الي ايطاليا dandon سياحة اوروبا و فنادق اوروبا و عروض سفر اوروبا 7 05-23-2005 06:54 PM

الساعة الآن 12:20 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103