تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

توصيل البنت إلى بيت أبوها

موضوع مغلق
 
أدوات الموضوع انواع عرض الموضوع
قديم 06-13-2004, 03:00 PM   #1 (permalink)
سفيــر الشــوق
رومانسي رائع
 
الصورة الرمزية سفيــر الشــوق
 

ADS
Thumbs up توصيل البنت إلى بيت أبوها




توصيل البنت إلى بيت أبوها ^_^
أربعة شباب .. تواعدوا يطلعون للثمامه سوا ويكشتون ليلتين!
إتفقوا بينهم وبين بعض ؟؟ وضبطوا كلّش!!

اللي جاب الخيمه واللي جاب الأكل واللي جاب الورقه.. واللي جاي بروحه بس..

ويوم جتّ حزّة الطلعه ..والله وخويهم اللي بيجي بروحه بس !إنشغل!

دق عليهم وقالهم إن أبوه عليه قلّ صحّ ويبي يوديه المستشفى؟

الشباب قالو عادي.؟. طبعاً هو ما راح يأثر لأنه موب جايب شي معه.

المهم.. تجمعو الشباب .. وركبوا في ذاك الموتر ورصوا في المرتبه اللي قدام ((تدرون ليش !!)) لأنه داتسن غماره وحده!!

وبدت رحلتهم .. كانو مستانسين في الطريق ويغنون ..ويرقصون .. ويسقطون على خلق الله!!

ويوم دخلو للثمامه وعدو دوار العويضه .. إلا ويشوفون ذاك الشقّ .. الشلخ!!! ياويل قلبي ويلاه!!!
شيٍ أسود مخصر وعليه لثمه!!! قاعدةٍ تشّر على قارعة الطريق؟؟

دقوها فرامل لين طلعو كلهم في الشارع مع جزاز السياره !!!

قالت لهم : معليش شباب ممكن توصلوني بيت أهلي؟

قالوا لها وإنتي وش جايبتس هنا لحالك؟؟

قالت :أنا جيت مع أهلي.. بس رحت أقضي الحاجه .. وأبطيت شوي .. ومن كثر خواتي أبوي يحسبني معهم وكفخو وخلوني!!!

الشباب قالوا : خير إنشاءالله.. وين بيتك؟؟

قالت : بيتنا في السويدي !!!

الشباب مسكو روسهم!!! قالو وش بيودينا للسويدي وحنا في الثمامه .. ثم نعوّد نرجع للثمامه.. بس مش مشكله عمل إنساني!! ((وإلا لو إنه أبو شنيب إن نشوف الأعمال الإنسانيه!!)) .. طبعاً لأنها بنت هم بيوصلونها وهذا بحد ذاته سبب وجيه؟؟؟

عاد أقووولكم… ركبوها في الصندوق … ويمشون مليونين.. واللي قدام كل شوي يلتفتون واللعابين تقطر!!

والخشش مندلقه .. تقول ماقد شافو بنت .. واللي يلتفت عليها وهي بالصندوق ويغمز... واللي يشّر لها .. وهي معطيتهم أشكل .. ويوم وصلو للسويدي..

ويقولون لها .. : شاوريلنا بيدك ودلينا على بيتكم.. البنت قامت تشر وتدلدل فيهم بس المشكله هي ما تعرف البيت لأنهم دخلو للسويدي من جهه غير اللي عودهم أبوهم يجيبهم معها … عاد ضاعت طاسة البنيّه!!! وقعدت تصيح!! والوقت كان ليل!!

وقالو لها ميب مشكله .. إنا بنروح نكشت في الثمامه والصباح رباح!!! وش رايك تجين معنا هناك !!

البنت وافقت بس بشروط .. إنها ماتفصخ عبايتها … وتنام فيها لين الصبح!! الشباب وافقوا!

رجعوا للثمامه!!!

وطقو خيمتهم… هم مستانسين ويلعبون ورقه… والبنت تعاينهم من بعيد!!! يقالها خايفه قعدو عقبها يشوون … وويوم خلص الشوي حطو للبنت كل الأكل ويوم خلصت وشبعت كلوا عقبها وقهووها وشهووها وحلو … وسمروا على ضوّ القمر… وضحك ووناسه والبنت من بعيد لبعيد بس..

وجتّ حزّة النوم…. الشباب تراصوا في قرنه وفرشو للبنت الفراش الكبير … وناموا….

وهم نايمين حسوا إن البنت تقرب يمهم حبّه حبّه؟؟؟؟

العيال شكوا في الموضوع … قالو شكلها من البنات اللي ماش!! (تكفى يالعاقلين)؟؟؟

والله والبنت تقرب وتقرب …. لين مره صار بينها وبينهم سنتي واحد وتفتش …

وش تتوقعون صار… ؟؟؟

طلعت البنت ذي … هي خويهم الرااااابع اللي إعتذر… لابس عبايه!!!

ويشبون عليه ويدبجونه ويقومون ويضفون خيمتهم وعفشهم حتى العبايه خذوها !!! وخلوه بروحه هناك ؟؟؟

يقولون خل نشوف من اللي بيوصلك لبيتكم … ها ها ها ها ها توصيل البنت إلى بيت أبوها


سفيــر الشــوق غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 06:14 AM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103