تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

في وجودكـ ... صعبه أتجــاوز حدودكـ...!!قصة رومانسية روعه

موضوع مغلق
 
أدوات الموضوع انواع عرض الموضوع
قديم 11-08-2008, 07:38 AM   #1 (permalink)
سوسوالعمر
رومانسي مبتديء
 
الصورة الرمزية سوسوالعمر
 

ADS
في وجودكـ ... صعبه أتجــاوز حدودكـ...!!قصة رومانسية روعه




بســــــــــــــــم الله الرحمن الرحيم ..
.
.

علم الاجتماع //هو دراسة الحياة الاجتماعية للبشرِ، سواء بشكل مجموعات، أو مجتمعات ، وقد عرّفَ أحياناً كدراسة التفاعلات الاجتماعية. وهو توجه أكاديمي جديد نسبياً تطور في أوائل القرن التاسع عشرِ ويهتم بالقواعد والعمليات الاجتماعية التي تربط وتفصل الناس ليسوا فقط كأفراد، لكن كأعضاء جمعيات ومجموعات ومؤسسات...
أولا المجتمع جماعات من البشر تعيش على قطعة محددة من الأرض لفترة طويلة من الزمن تسمح بإقامة علاقات مستمرة ومستقرة مع تحقيق درجة من الاكتفاء الذاتي مقومات المجتمع
1- الأرض محددة : وهي المنتدى..
2- البشر اى السكان: وهم الأعضاء..
3- الاستمرار في الزمن اى علاقات تاريخية: أي تاريخ التسجيل أوممكن عدد المشاركات والمواضيع..
يعتبر أوغست كونت من أهم الباحثين في علم الاجتماع و يعتبر المؤسس الغربي له إلا أن الكثير من العرب يعتبرون عبد الرحمن بن خلدون بملاحظاته الذكيةالتي دونها في مقدمته الشهيرة المؤسس الفعلي لعلم الاجتماع..
أما مؤسسة علم الإجتماع النتي الفعليه هي انا <-------في وجودكـ ... صعبه أتجــاوز حدودكـ...!!قصة رومانسية روعه




في اي مكان وفي اي تجمع إنساني تنشأ علاقات إنسانيه صح ..في وجودكـ ... صعبه أتجــاوز حدودكـ...!!قصة رومانسية روعه
امممممم طيب فوق شرحت لكم وش قصدي من التجمع الإنساني بشكل نظري وتطبيقي ..
كل الي ذكرته فوق ماهــوالا تمهيد لوقائع قصه حقيقيه وإن كان أبطالها يتخفون تحت أسماء وهميه !!
قصه من خنبقات الحياة ومن حياة الواقع ومن واقع الكواليس ومن كواليس النت !!في وجودكـ ... صعبه أتجــاوز حدودكـ...!!قصة رومانسية روعه
لقد حان لي كعالمة علم إجتماع نتيه أن أميط اللثام والقناع والبرقع واللطام عن وقائع حقيقيه خفيه وخاصه جداً جداً جداً!!
.
.
.
في علم الإجتماع تسمى المرأه الآخـــر في وجودكـ ... صعبه أتجــاوز حدودكـ...!!قصة رومانسية روعهفكيف وصل الحال بالمرأة إلى ماهو عليه اليوم (أي أن تكون "الاخر"او البنت اوالهيش ...

الآخــر في قصتنا او البطله //هي رغد ومعرفهــا النتي ((رورو..))
عمرهــا// خلصت الثنويه وجابت مجموع زي وجهها يفشل ومادخلت الجامعه ولاتزوجت لإن وجهها مثل مجموعهاوالحين قاعده عند أهلها لاشغله ولامشغله عندهم نص درزن شغالات..
يعني بطاله X بطاله
حالتهم الإجتماعيه // فوق المتوسطه يعني أغنياء بس مايوصلون للطبقه المخمليه..
الأب // يعمل عند أمير ويرافقه كظله في حله وترحاله..مشغول دايم مسافر ولزماته سم وأبشر وطال عمــرك..
الأم // ربة بيت أخذت على نفسهــاعهد وهو الحفاظ على الجنس البشري من الإنقراض..
فكل سنه حامل ...ومشغوله مع هالبزارين ..أما عيالها الكبارفشعارهامعهم الي يكبر يشيل نفسه ناقصه هم أنا
الجده // أم والدهم ومسويه في البيت أكشن تراقبهم ومسوية لهم عسه ومسويه فاقستهم
موعاجبها ولاشي وأكثر شي مو عاجبها حال بنات ولدها العذارى !!تشك فيهم !! ...تعاني من صراع الأجيال والثقافات ...!
كانت دايم تعصب عليهم وتخاصمهم لإن بناتهم مايعرفون يطبخون ولايقدحون ولا ينفخون وحتى القهوه مايعرفون يصلحونها ..وتقول من بيتزوج بناتكم الرفلات إذا كان أبوكم ربي موسع عليه ترى مو ضروري ازواجكم يجيبون لكم شغالات ترى حنا كنا نطبخ لحمايل تزوجناوحنا أصغر منكم
وكانت الجده تربط دلعهم وترفهم بالمدرسه
وتسميهم بنات المدارس !!
أماقهوة رغد الي تصلحها للجده فتكبها في وجه رغد وتقول لها هذي قهوه ولا بــ....
حتى القهوه ماتصلحونها يابنات النت <<---- قلبت الكاتبه لشخصية الجده
.
.
.
شخصية رغد// رومانسيه من الطراز الاول ..تعصب بسرعه ..ترضى بسرعه ..مزاجيه المود لاعب في حسبتهاجداً حساسه أحلامها كثير وتشعر بالدونيه لإن أهلها مهمشينها فاضيين لها هم!!..وتحس بالفشل وبالفراغ... والشباب والفراغ والجده مفسدة للمرء والمراة أي مفسده..
.
.
.
القصه يتبع وأحب أقول شي مهم للبنات إن الي مارح تتابع القصه للنهايه بيفوتها نص عمرها أمابالنسبه للشباب فاحب أقولهم آسفة بيفوتهم عمرهم كله في وجودكـ ... صعبه أتجــاوز حدودكـ...!!قصة رومانسية روعه



سوسوالعمر غير متصل  
قديم 11-08-2008, 07:44 AM   #2 (permalink)
سوسوالعمر
رومانسي مبتديء
 
الصورة الرمزية سوسوالعمر
 

^
^
هـذي الصوره تعكس الأحلام الورديه التي تعيشهــا ((رورو))...
وتعطينا فكره عن طريقة تفكيرالبنات أجزم بإن اي بنت في عمــر رغد أو أصغــر أو أكبر تحلم وتتخيل وتعيش نفسها في أحلام اليقظه وهي تلبس الفستان الوردي المنفوش ....
.
.
كتلة مشاعــر البنت ..ذلك المخلوق الذي ربمايكون أضعف مخلوق وأقواه..
تحتاج الى من يسمعهــا يقدرها يؤنسها..يحسسها برقتها بأنوثتها ..
وكثيره هي اللحظات التي تحتاج تتكلم فيها مع احد أي أحد وتقول كلام ربمايكون اي كلام..
.
.
تقول رورو : كل يوم افضفض لنفسي .. كأنني أُكلم روحي ، و اُصبرها حتى يطلع الفجر في احلامي أعانق الورود وتشدو البلابل على الأشجاروأتمرجح على أكاليل الزهــور
.
.
تقطع حبل أفكارهــا جدتها..بح صوت الجده وهي تهزأ ((رورووووووووووو))
يابنت يكفي نوم وتسدح قومي نظفي البيت ؟؟
رورو: أنظف البيت اناأجل وش وظيفة الشغالات؟؟
الجده : اعوذ بالله من السنتكن الرد جاهــز يمشي مليون!
انا أقول تعلمي ...تعلمي يكفي كسل ونوم ..
رورو: ياجده مايبي له تعلم خلي العريس يجي أول يوووووه..أيه صح جده موبكره زوارة لمى بنت عمي صالح!!
الجده : لمى يالبى قلبها ليتك تصيرين ربعها بس !!! أيـه عندهم أم ياذيك الأم أم وهي أم...الا أمتس وأبوتس وينهم فيه!!!!!!
رورو: راحو يشترون أغراض ...عن إذنك جده شوي ..
وراحت رورو بكل برآءه تجيب الحلوى بتشيل الشعــر الي في سيقانها..
جابت الحلوى وقعدت تعجن فيها ..وسط لقافة الجده!!!
وصارت رورو تفرد الحلوى على رجولها وتشيل الشعــر ..وهي تتألم
الجده:خــــــــــير وش تسوين!!
رورو: ياجده بلبس فستان قصير وقاعده أنظف رجولي ...
الجده إنطمت وإنتظرت الأم والأب لين رجعـــــــــــو ...
.
.
--------------------------
ويوم رجعو الأب والأم إستقبلتهم الجده بالساطور
الجـــده : تعالوا شوفوا بنتكم المؤدبه ..هذي نهاية قل التربيه هه شوفوا بنتكم رغد الزفت وش تسوي!!
.
.
الأم:وش سوت رغد ياخالتي
الاب : رغـــــد يارغــــــــــد وصمخ تعالي!
رغـد: نعم يمه هاه وش فيكم خرعتوني
الأم : رغــدوش سويتي ؟؟
رغــــــد: والله ماسويت شي يمه وشفيكم؟؟
الجـــــده وهي كلها نظرات شك ووسواس وحنق ..
الجده : بنتكم يالشيخ قاعده تشيل الشعــر من سيقانها !!!تقول بتدخل على رجل !!
رغــــد: وش فيها هذي كل صديقاتي يلبسون قصير وينظفون أنفسهم !!ياجده ترى بنات عمي صالح الي قاعده تمجدين فيهــم يشيلون شعر جسمهم كله ..
الجده : هـــذابعد ماأعرسو
رغــد: نوره ونوف ماأعرسو ..والله من زمان وهم مهتمين في أنفسهم ولاأحد قال شي..!!
الأم بصوت منخفض: رغــد بنات عمك مايسوون هالشي قدام جدتك وإنتِ غلطانه بكره الزواره وجدتك مارح تخلي أحد الا وتعلمه وش سويتي...
الأب : رغـــد شيلي هالبلى وبكره ممنوع تلبسين قصير فاهمه<<-الأب على اساس يرضي الجده..
رغــــد تصيح وهي تطلع الدرج وتقول:إنتم ماتحبوني ولا شي وجدتي دايم تفتن علي وتصدقونها ياليتني أموت وترتاحون منـــي وبكره مابروح معكم الزواره مابروح مابروح ...تهيء تهيء تهيء
.
.

================================================
.
.
.
يتبع
سوسوالعمر غير متصل  
قديم 11-09-2008, 07:47 AM   #3 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.
.
الفصل الأول ...
<<----توها تتذكر إن القصه فصول يالله الي فوق لاتعتبرونه فصول إعتبروه قاعات إستراحات غرفة المعلمات اي شي
.
.
عرفت رغد شي إسمه لاب توب وبدت بدايات ضعيفه وعلى إستحياء ...وكانت تدخل التشات وتسنتر عنده بالأربع والخمس والست والسبع ساعات ..
ماحد طق لهــا خبر بالعكس الأم فرحت لإنها تحسب النت دراسه ومن وراه تعلم ماتدري وش نهاية النت ..يبقى الجاهل بالشيء جاهل!!
.
.
سجلت رغــد في منتدى وبدأت تكتب مواضيع وصاروالعالم يردون عليها ..
هي ماصدقت خبر!!
أوووووووووه فيه أحد يسمعني ..يفكر معاي ..يردعلي..
وزاد تعلقهــا بالنت..
وكان فيه يوزر يرد في كل مواضيعها بستهبال وخفة دم..
هي لاحظت إن هاليوزر يرد في كل مواضيعها ولفت إنتباهها!!
ومـره كتبت موضوع بعنوان (( فضفضه))
.
.


اقتباس:
احـتـــــــمال
أن يغرس أحدهم شوكا في جسدك
وأن يغرس أنيابه في قلبك..
•• محتمل جداً .. أن يضحك آخرون لأنك تبكي !!
فترى دنياك شديدة القسوة ..
•• محتمل جداً ..
أن يهاجمك عدوٌ بأنياب ضاربه في لحظة مباغتة !!
فترى عالمكَ غابة متوحشة ..
من الطبيعي ..أن تسأل نفسك :
ماذا فعلت مع هؤلاء ؟؟
.. الإجابة معروفة ..
لم أكن سوى إنساااااااااااااااناً طيباً واضحاً بسيطاً ..
من (العـــذاب) أن تكتب لمن لا يقرأ
(تنتــــظر) من لا يأتي
(تحــــب) من لا يشعر بك
(تحــــتاج) من لا يحتاجك
من المؤلم...
تحب بصدق تخلص بصدق تغفر بصدق
ثم تصدم بنهاية تخذل كل الحب الذي قدمته
ثم تكتشف أن أجمل العمر كان سرابا..
^^^^^^^
هـذا موضوع رغــد..
.
.
جاالشخص الي كانت رغــد تنتظر ردوده لإنها تعلم إنه يهتم بكل حرف تكتبه بإهتمام شديد..
وفي هالموضوع بالذات خذلهـا هالشخص !!..لإنه رد عليهــا الرد التالي:
.
.

اقتباس:
سلامـات يارورو ترى المواضيع المنقوله مثل الأكل البايت تلوع الكبد
موضروري إن الشخص يكتب إذا كان بيجتـرمواضيع الآخرين !!
إذا كانت مواضيعك السابقه كلها قص ولزق مثل هذا الموضوع فأنا أسحب كل رد رديته ..
أتمنى إنك تعتمدين على نفسك وماتطلعين على أكتاف الآخرين ..!!!
^
هـــذا رد الشخص الي كانت رورو تحترمه ..
وهالرد بكت رغـــــــد يوم قرته ...
وطفت النت وراحت عند أمها ودها تشتكي لها ودها تبكي لها
لقت الأم تسوي جريش وقرصان للأب ..لإنه اليوم بيشرف من الخارج..
رورو: يمه وش تسوين!!
الأم : وش أسوي يعني قاعده أطبخ لأبوكم مايآكل براا أبد
رغدأقول روحي درسي عبودي رياضيات بكره عنده إختبار ولا سمعي له قرآن ..
رورو : يمه ليش دايم تصرفيني ..طيب بسولف شوي مع الشغالات
الام: رغــد كم مره أقول لك لا تسولفين مع الشغالات وتمزحين معهم بهالطريقه ترى كل شي بحدود وأنا أقول وش في روسهم كابره!
رغـــد: يمه شتبيني أسوي كلمتك ماتبين مشغوله كلمت الشغالات هاوشتيني !!!
الأم : خواتك كلهم يدرسون وأخوانك بعد ماسووو هالشي!!وإنتِِ كل شوي زعلانه ماصارت!!
رغــد: يمه أنا شقلت !!
الأم: وأمس تكلمين أبوك تقولين له أشتر لي قطو؟؟لايكون شايفه نفسك نونو
الحمد لله والشكــررغـد ترى إنتِ كبيره وعاقله وش هالكلام تبين قطو!!
رغـــــد: يمه يمكن إذا أشتريتولي قطوه أهتم فيها واروشها أشغل وقت فراغي شوي
الأم : عندك رازان إختك عمرها سنه روشيها ومشطي لها هه خذيها ولا إنتظري لين أولد وربي أخوانك مابقى الا القطاوه ندخلهم بيوتنا !!
رغــــــد: يمه للإسف إنتم موفاهميني أبد!!أناغلطانه لإني جيت المطبخ!
.
.
.
ورجعت رغــد للنت يوم دخلت النت وسوت تسجيل دخول للمنتدىلقت رسالة خاصه من :؟؟؟؟؟؟؟؟
.
.
ياترى من مين؟؟
هالشي الي بتعرفونه حالاً ...
سوسوالعمر غير متصل  
قديم 11-09-2008, 07:51 AM   #4 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.

.
رغـــد فتحت الرسالة الخاصه وكانت جايه من زميل لهـا في المنتدى
بس ماكان يعني لهـا الكثيــر!!
يوزره ((برويز مشرف))
.
.
الرســــــــــاله بعنوان...((من زعلك...))!!
.


.
.
اقتباس:
من زعلك في عيونك السود نظره ...لاشفتها حسيت بالحــزن بالياس
من زعلك؟؟ طاحت من الليل قمره .. وخلت طريقي من المواعيد , والناس
لو هو انا ! بالله شوفينـــي مره .. وانـا اعـتذر للجـيد , للـدر للماس
ابعتــــــذر لنجومها بالمجره .. لجل الرموش اللي على الدمـع حـراس
.
.
رورو أنا أدري إنك زعلانه من رد المغترب عليك ...
وعنــــــدي إحساس إن الرد نزل دموعك!!
ودموعك غاليه ...لايهمك المغترب ورده ترى هو مسوي فيها ثقل وشده..
تدرين إن ردوده جافه وعربجيه..ويحسب إن التعامل مع البنت مثل التعامل مع الولد
روروأمسحيها بوجهــي هالمره <<-----ياحونين
بس بقول لك شي واحد إنتبهي لنفسك تكفين..
.
.
.
.
رغـــد يوم قرت الرساله بعــــدصاحت !! <<---رغد شعندك قالبتها صياح !!
رغــد: ولاشي ياسوسو بس إستغربت من هالشخص بالذات !!
ليش يرسل لي رساله وش يدريه إني زعلت!!
شكله يحس فيني يشعـــر ..شكله إنسان جنتل وحساس ورمانسي..
غريبه مع إننا كنا دايم نرد في المواضيع..وكان دايم يرد علي بلباقه وإحترام ومايستهبل في مواضيعي ...بس غريبه !!
.
.
رغــــد: برسل له رد ...وأشكره على شعوره النبيل وتعاطفه معي ..
.
.
اقتباس:
أخ برويز اشكرك على هالرساله الرقيقه ..
أنت إنسان طيب أعرفك من فترة تواجدي بالمنتدى..
ومتواضع جداً مع إنك من كبار الشخصيات بالمنتدى..
أشكرك من كل قلبي..
ماقصرت..
.
.
.
.
.
تقريباً كل بداية قصة حب نتيه تبدأ كذا أقصد قصه حقيقيه موقصه مرسوم لها
لأ ..أي قصة حب في النت تبدأ بزعل أوهواش او إختلاف!!
يكون فيها طرفين أوأكثر ...ويثبت للبنت مين يحبها ويقدرها ويخاف عليهـا
ومن يستهزأ وينكت ويحش !!
تتطور الرسائل أكثر وأكثر...ومن ثم إضافه في الماسن بعد فتره..
يعني عشان نكون واقعيين أكثر
رغـــــــد ماأضافت برويز على طول ..لأ تقريباً ستة شهور مرت وبعدين أضافته لإنه كان بيقول لها سالفه ووعدها إنها مارح يزعل إذابلكته وحذفته بعدالسالفه...
يوم أضافته كانت السواليف كلها رسميه ومثاليه..
.
.
بعـــــــد يويمن من إضافتها له في الماسنجـر...
أصدر المنتدى قرار هام بشأن برويز..
.
.
بتعرفون وش هالقرار
سوسوالعمر غير متصل  
قديم 11-10-2008, 06:57 AM   #5 (permalink)
سوسوالعمر
رومانسي مبتديء
 
الصورة الرمزية سوسوالعمر
 
الفصـــــل الثاني...
.
.
.
برويز مشـــرف أصبح مشرف في المنتدى
.
.
وخافت رغـد إنها إذا دخلت الماسنجر إنه مايعطيها وجه أو شي..لإنها تفكر إن الناس يغيرهم منصب أو تكليف!!
مادرت إن بعض الناس معدنهم مثل الذهب أصلي..
برويز ماتغير يوم صار مشرف بالعكس زاد تواضع ونحن ندنوامن العظمه بقدرماندنوا من التواضع..
الجميع يعرف ثقافة برويز وعلمه إضافة الى إنه شــاعر وحساس ..
.
.
رغـــد:برويز شلونك ...مبروك عليك الإشراف
برويز مشرف: الله يبارك بعمرك وحياتك
رغــد: عاد إسمك مناسب للإشراف
برويز مشرف : ليش إنتِ تعرفين إسمي
رغـــد: أوووه قصدي يوزرك
برويز مشــرف : ماودك تعرفين إسمي ؟
رغــــــــد: الا ودي....اممممم قصدي <<----رغد تراهم يقولون الركاده زينه
برويز: هههههههههه رورو إنتِ طيب وش إسمك
رغـــــد: إسمي رورو أو ورور على قولة حره بحياتي
برويز: عاد حره بحياتي هذي عضوه ردودهــا مسكته مايحتاج
رغــــد: رجـــاء حار ترى أنا ما أحب أجيب في سيرة أحد<<----حره بحياتي ترى رغد بدت تغار منك وبرويز معجب فيك
برويز: اهااااا طيب أنا إسمي فيصل..
رغـــد: عاشت الإساميعادأنا أحب الملك فيصل الله يرحمه
برويز:طيب وإنتِ وش إسمك ..صحيح إني عرفتك برورو بس ودي أعرف أسمك الحقيقي
تصدقين يارورو إنك لفتي إنتباهي من أول رد لك في المنتدى..
رغــــد:صدق والله ..
برويز: ايه والله صدق إنتِ يارورو إنسانه الماسه حساسه
رغـــــد: وإنت يابرويز أحس إنك براويز المنتدى
برويز: بـــــــــــــراويز
رغــــــــد: أيه براويز المنتدى وأهم شي فيه
بــــــرويز: هههههههههه أغدي إيقونات ياناس
رغد: والإشراف مناسب لك يعني برويزمشرف المشرف
بــــــرويز: تدرين عاد يارورو إني أحترمك ..واخاف عليك..!!
أحس إنك نجمه في المنتدى أو شمس المهم شي ساطع وبقوه ماحد يقدر يخبيه !!
شفتي أمس فيلم التياتنك ع الأم بي سي تو؟؟
أول ماتعرف جاك على روز ..وش سوى ..
شفتيهم وهم يرقصون .....روعه هالفلم بقد ماأشوفه ماأطفش منه
رغــــد: هاه<<----إستعباط البنات اه منكم بس بس أهم شي إنك تعلمتي إن الركاده زينه
برويز: وش تسمين هالشعــــــور؟؟
رغـــد: أي شعورآآآآه أسميه شعــور أخوي نبيل
بــــرويز: رورو عندي محادثه برب شوي وبرجع <<-----شكلها جابت له المراره
.
.
.
تطورت العلاقه في الماسن وكثرة المحادثات في تالي الليول..
بتقولون السواليف تغيرت وأخذت منحى آخــــر بقول لكم إيه ..هذا إسمه تطور طبيعي لإي محادثه بين رجل وبنت بينهم تشابه في الأفكار نوعاً ماء
الشي المهم إن برويز مشرف وروروفاهمين بعض زين ومتفقين وأرواحهم إإتلفت بشكل ملفت!!
.
التطور مازال يستفحل في القصه والقصه تتطور بشكل فضيع ولا مدينة دبي
.
.
المهم بكمل باقي التطورات بعدين لإن النوم سلطان والحين جاني
.
.
وعذراً لتعمقي ..والقادم أعظم
.
.
بس هالشي مايعني إن الي قاعد يصير مو عيب أوحرام!!
.
.
خلونا نشوف هل رغـــد مازالت تعاني ولا !!؟؟


.
.
وياليل خبرني عن امر المعاناة ....قولومعايا ياليل خبرني
هم صميم الذات ولا أجنبيه <<-----
سوسوالعمر غير متصل  
قديم 11-10-2008, 07:01 AM   #6 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.

.
.
الفصــل الثالث..
.
.
قبل نكتب هالجـــزء لازم نعرف شي مهم أنا أحكي قصة بنت وشاب عندهم عواطف ومشاعر عنيفه وغريزه فطريه غزيره في ظــل وجود نت وأغاني وقصص وصور!!
.
.
تطورت العلاقه وصارت رغـد تدخل الماسنجــربس تنتظر برويز
وبينها وبين نفسهــا تقول أنا داخله أتصفح النت على فكره البنات عندهم مكابره وشي من الإحساس بعزة النفس والكذب والخداع ولو بينها وبين نفسها!!
وفجأه وهي تفكر الا وتنننننننن قام برويز مشرف بتسجيل الدخــ,,,ــول
وطبعاً في هالمواقف نادر ماتبدأ البنت بالمحادثه لإنها تنتظر الرجل يبدأ لإنه هالشي هو الشي الطبيعي أقولكم عن كبرياء المرأه ولابلاش !!
وفعلاً برويز بدأ السلام والكلام..
برويز: تصدقين يارورو أستانس إذا لقيتك أون لاين
رغــد: وأنــا بعد
برويز: هل أنتِ يارورو مدركه مقدار الإندماج الروحي والحسي والعاطفي بيني وبينك!
رورو أنا أحبك ومقدر أخبي هالشي وأغار عليك وأخاف عليك من الهوى الطاير!
رغــد ساكته لاحراك لاكتابه لاردود إنلخمت
بــرويز: رورو إسمعي ترى مواضيع وردود وماسن خلاص مافيه
رغــد : ليش !أناطول عمري من عرفتك وقبل وأنا أكتب وش الجديد؟؟
بــرويز: الجديد يارورو إني أغار عليك وماأحب أشوف أي واحد يتميلح عليك
أوحتى يستهبل أو يستهزأ خلاص الى كذا وكفايه!!
رغــد: وإنت يوم إنك تستهبل وترد في مواضيع ((متروشه بتايد))!!
برويز: متروشه بتايد معروف عنها خفة الدم والظل وأنا إذا سحبت عليها راح أكون قليل ذوق!
رغــد: وتشتيتك معاها وردودك الي مالها سنع ياليت تراعي مشاعري شوي
بــرويز: مشاعرك معقول هالشي يخصك!!يضايقك!!
رغــد: مثل ماإنت يزعلك إعجاب الأعضاء بمواضيعي <--هذاوهي قص ولزق تقول الكاتبه
بــرويز:أفهــم من كلامك إني أهمك!
رغــد:وش تحسب إني جدار برلين مثلاً !!
برويز: لاتتضايقين تكفين يارورو خلاص متروشه بتايد ولايهمك مارح أعطيها وجه أبد
وحره بحياتي بسفههاوأي بنت في المنتدى بحط عليها بلوك كبير يكسر راسهـا
رغــد: عندي إحساس إنك تحب متروشه بتايد مدري ليه مطيحين الميانه بينكم بشكل
بـــرويز: والله مابيني وبينها شي وقسم بالله..
رغــد: لاتحلف كم مره تشتتون بعدين شي معروف عند كل الأعضاء!
بــرويز: وش يخليك تتأكدين إن مابيني وبينها شي!!
رغــد: متأكده إن بينك وبينها شي رجاء لاتخدعني
بــرويز: طيب بعلمك سر إحلفي ماتعلمينه أحد
رغــد: والله ماأعلم ..
بــرويز:متروشه بتايد هي نفسي
رغــد: يووه نفسك أصلاً كنت أدري إنك تحبها!
بــرويز: لالالالالالالا أنا ماقصدت كذا!!
رغــد: كنت متأكده وإعترافك لي الحيين هو سيد الأدله
بــرويز: لا يارورو متروشه بتايد كان يوزرها متروشه بتايد وحاطه كمفورت بلسم
وهاليوزر لي أنا كان إنتحاري ويوم شفت الأعضاء حبوه خلاص صرت العب فيه!
رغــد: وليش المنتدى لعبه!
بــرويز: ماقلت كذا بس أحياناً الواحد يحتاج يوزر مساند..
رغد: ماني مصدقه تحسبني غبيه
بــرويز: طيب خذي الباسورد هذا هوو وسوي تسجيل دخول بيوزر متروشه بتايد
رغـد: وش هــــــــــــو
بــرويز:طيب وش أسوي لك ...ودي تثقين فيني لإني والله أحبك وأثق فيك
رغد: خلاص صدقتك صدقتك أناآسفه إذا جرحتك
برويز: ياما جرحتيني ولا قلت شي رورو ودي أسمع صوتك خلاص تعبت كذا
.
.
.
وإستمر الحوار وإزداد خثورة
والأيام تمر والشهــور ..والعلاقه تكبر وتزيد كالهشيم
وكــل يوم بل كل ساعه تتطور أكثر وأكثر..
آخــر شي طلب منها رقم الجوال لإنه خلاص لازم يكلمها !..
.
.
تتوقعون أعطته رقم الجـــــوال ولا؟؟
سوسوالعمر غير متصل  
قديم 11-10-2008, 07:02 AM   #7 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.
.
.
تابع الفصــل الثالث.
.
رغــد صارت تتسمع للأغاني الآن بشكل مختلف!
تحس إن كل أغنيه عاطفيه مسويه لهــا تحكي شعورها ...
رغد حبت برويز حب قوي جداً
<<------رغد ممكن توصفين إحساسك..
رغــد: وه وه بس ياسوسو أحس إني ملكت كل هالدونيا صبرت على أهلي صبرت وربي عوضني خيــــــر<<----------خيـــــــــــر
رغــد:معاه أحس باإحساس غريب بعالم ثاني !!
كني طايره في السماء كني ملكه أو أميره أوسندريلا الي طول عمري أحلم أكون هي شفتي الفستان الزهري المنفوش الي بالصوره أحس كني لابسته وأتمرجح على الورد
<< طيب رغـد هالأحساس صدقي
رغــــد: السحــر هو ماخفي ولطف سببه!
وحبي له سحــــر ياسوسو سحرصدقي وربي !
تعامله ورقيه وأدبه وشاعريته حستني بإني بنت لها شخصيتها وكيانها ومشاعرها..
مومجرد مخلوقه تطبخ وتكنس وتخدم وتلبي طلبات غيرها وترضخ لآوامر جدتها مع إحترامي لحرة بحياتي <<-----مالي دخل بريقوز الي أعطاك الدور..
رغــد: أنا معاه حسيت بالحب والتقديروالإهتمام والحنان الأشياء هذي مالقيتها عند أهلي ومستحيل القاها كنت أدور عليها ضالتي ياسوسو ولقيت ضالتي..
تعتقدين أفرط فيهــا..وأنا بالشده لقيتها..!
عنـــــــــده كل شي أحلم فيه هذا ياسوسو فارس أحلامي<<---أشوى حسبته فارس كرم
تننننننن<<----- برويز مشرف سوى تسجيل دخول خل أقلب وجهي لا تحضرني رورو
.
.
رغــد :فيصل بسألك سؤال؟؟<<---وصارت تتكلم أول عيني ياعيني
اليوم حاط صورة مين؟؟
برويز: هلااااا وخير بالناس الغيــــــرطيب الناس يسلمون أول..
رغــد: ايه كيف الحال..
برويز: تمام ..أخبارك
رغــد: الحمد لله يالله من هالي بالصوره لاتقول إنت
بــرويز: يعني بالله ماسنجر لي بحط صورة ولد عمي أكيد بحط صورتي!!!
رغــد: قول والله هذا إنت!!!!!!!؟؟؟؟؟؟
بــرويز: ايه والله هذا أنا ليش شين
رغـــد: تهبـــل ماشاء الله عليك بس ولو ماأصدق إن هالشخص الوسيم إنت
برويز : طيب بوريك صور كثيره لي خلي عيونك على الصوره الخاصه
رغـــد: يووه ....معقول أنا أكلم هالشخص طول المده الي راحت
بــرويز: ليش وش كنتِ تتوقعين؟؟شكل خيالك واسع
رغــد: توقعتك أسمـــر غامق ودب وخشمك مفلطح وشعرك كشه
برويز: هههههههههه طلعتي عياره يارورو..طيب وريني صوره لك..!
رغــد: أصلاً ماعندي ولا صوره لي محمله من الجهــاز..
برويز: رورو طيب عطيني رقم جوالك ..! تدرين إن هالسؤال أصعب سؤال بالنسبه لأي شاب؟
رغــد: معقول ليش؟؟
برويز: الشباب يسوون ألف إعتبار لهالسؤال لإنهم يعيرون الشاب الي يرقم !!
رغــد: وإنت ترقم!!
برويز: لأ طبعاً ماقد طلبت رقم أي بنت إلا إنتِ..في الأفلام الأمريكيه يكون الشاب متردد في عزيمة حبيبته على سهره في مطعم فاخــر حنا بالنسبه لنا الترقيم هو العزيمه
رغــد: ولو أقول لك ماعندي جوال...!!
بــرويز : ماأصدق الحين البزران مشخصين بجوالات رورو لا تستهبلين علي..
رغــد: عندي جوالي العام وإذا عطيتك إياه مصيبه بس عندي فكره
شغالتنا بتسافر وعندها شريحة موبايلي وماتبيها بآخذها منها وبكلمك
برويز: ودك تكلميني ؟؟
رغـــــــد: اممممممممم لأ ...قصدي إيه ...
برويز: يالله عطيني الرقم ترى أتحرج أسأل هالسؤال كم مره..رورو..
رغــد: لأ إنت عطني رقم جوالك وأنا برن عليك رنتين وبقفل ..
برويز: شريحة الشغاله ولانظام شغالات وسواويق..
طيب أنتظرك رورو عمـــــري لاتخيبين ظني
.
.
.
وبعد كم يوم أخذت رورو الشريحه وركبتها في جوالها ..وأتصلت وهي قلبها يدق بقوه ويدها تنتفض وكلها خوف وتوجس وترقب وشوق وأمل وحب ولهفه ورعب ...
.
.
إتصلت وقفلت بعـــد دقيقتين بالضبط دق جوالها وكانت حاطه أغنية خدني معك للجو الحلو خليني معك إسرح ياحلو
.
.
صوت نغمة الجوال خلت رورو تنرعب بقوه بس هي كلها إصرار إنها ترد وتسمع صوته..
.
.
.
ضغطت على السماعه وقالت : آلــــــــو
سوسوالعمر غير متصل  
قديم 11-10-2008, 07:04 AM   #8 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.
.
.

آخـرجزء من الفصل الثالث..
.
.
برويز بصوت أجش: هلااااااا آلــووو
رغد: السلام عليكم..
برويز: وعليكم السلام ورحمة الله وبركاته إحححححم ..
رغــد: عرفتني..
بــرويز: وهــل يخفى القمر..أصلاً ماعطيت رقمي الا وحده
رغــد: من هـــــي
بــرويز: رورو ...
رغــد: إيه أنا رورو ...شلونك..
برويز: وأخيراً ...شلونك رورو أخبارك ...علومك
رغــد: الحمد لله أنا بخير جعلك بخيـر
برويز: من اليوم ورايح لاتناديني إلا فيصل لإني فيصل ..
رورو: طيب..
.
.
...............................الخ
^^^^^^^^^^^^^^^^^^^^^^^^^^^^
طبعاً أول مكالمه قمة الرسميه..لكن تصورو الفرق بين أول مكالمه وبين المكالمه رقم خمسين
.
.
بـرويز بصوت خافت : هلا معليش عمري تأخرت في الأتصال اليوم..
رورو: لألأ عادي أصلاً أنا كنت أشوف مسز أند مسترسمث
بــرويز: ايه حتى أناشفت هالفلم...
تدرين إنهم بعد هالفلم إنولدت قصة حب أنجيليا جولي..
آآآه يارورو لوإنك معاي الحين..تدرين وش بيصير..
رورو : برويز ...بتسكت الحين ولا أقفل السماعه بوجهك!!
برويز : شدعوه تقفلين بوجهـــي...رورو أنا أحبك
رورو: طيب ..وأنا بعد كنت أنتظر إتصالك على أحر من الجمــر..
برويز: طيب تصوري إنك إنتِ مسز سمث وأنا مستر سمث وش تتوقعين بيصير...!
رورو: تخيلت هالشي أصلاً بس رسمت قصه رومانسيه أحلى..
برويز: فيه أحد صاحي ببيتكم...؟
رورو: لأ البيت كله نايم وأبوي مسافر..
برويز: أحد يسمعك الحين..
رورو: لأ أصلاً هم نايمين كلهم فوق وأنا إذا جيت بكلمك أنزل مجلس الرجال؟؟
برويز:ليش؟؟
رورو: أخاف أمي تدري ولا أخواني أخاف أي أحد يسمعني...!!
برويز: تحسين إن هالشي خطأ
رورو: لأ أنا ما أحس إنه خطأ متأكده من هالشي ...!
برويز: طيب ليش تسوينه....؟
رورو: لإني أحبك...
برويز: قلت لك تصوري إني مستر سمث وإنتي المسسز وش بيصير..
رورو: مــدري يوه عاد خلاص اسكت
برويز: أعلمك أنا...
رورو: والله لا أصكر السماعه ولاعاد أكلمك ...
برويز:ماتقدرين تقفلين ..وماتقدرين ماتكلميني..
الشي الي قاعد أفكــر فيه الحين أنا إنتِ قاعده تفكرين فيه..صح
وأنا مستعد أسوي أي شي الحين عشان أحس إننا نكون مع بعض
.
.
رورو: خلاص أخطبني وأتزوجني..
برويز: أخطبك وأتزوجك الحييييييين ؟؟؟
رورو: إنت ووش تبي بالضبط..............!!!
.
.
المهم التطــــور لازال مستمــراً <<-------
.
ويالله مكالمه من الساعه عشر الليل ليييييييين آذان الفجر...
.
.
.
.
---------------------------------
بعد فتره أخواتها لاحظــــــو غيابها الكثير عن الغداء والعشاء
وأختها الصغيره مره قامت في الليل وقعدت تدور عليها..
وأخيراً نزلت المجلس...ولقتهاااا
ريما: رغــــد وش تسوين هنا لايكون تنظفين المجلس
رغــــــد وهي تصكر السماعه بسرعه وبقلق
ريما: رغد تكلمين مين الحين هاه
رغــــــــد: أكلم أبوي....؟
ريما: أبوي وهنـا طيب ليش تقفلين عطيني بكلمه هوأبوي بعد
طيب رغد ليش قاعده هنا بالبرد وبالظلام...؟؟
رغـــد: وش يدخلك ؟؟لقافة بزران...انقلعي نامي
ريمـا: طيييييب بعلم ماما
رغـــد:لالا ياريما ياعيوني بشتري لك مقلمه ولصقات ملونه حق لولو كاتي من مكتبة جرير..
هاه وش رايك
ريما: طيب بعلم جدتي
رغــــــد قامت تجري ورى ريماوهـم يضحكون....
.
.
.
بس علاقة الحب وش نهايتها.............؟؟
.
.
سوسوالعمر غير متصل  
قديم 11-10-2008, 07:05 AM   #9 (permalink)
سوسوالعمر
رومانسي مبتديء
 
الصورة الرمزية سوسوالعمر
 
الفصـــل الرابع.
.
حبيت أقول شي مهـــم إن فيصل خرج من المنتدى لإنشغاله ببعثته...وبتحضيرشهادة الماجستير.....
المنتدى كان الخطوه الأولى أو المجتمع الإنساني الذي تم فيه التعارف..
.
.
رغــد: أكلمك ليش ماترد ليش ساكت
فيصل: بس وش أقول أسكت أحسن مانتهاوش...ونختلف
رغـــــــد: ماوصلنالهالدرجه...!
فيصل:رغـــــــد ترى أحس أحس إنك شكاكه وموسوسه وأنا أشعر بالملل
مافيه شي جديد نفس السواليف نفس الكلام تصوري كل يوم نتكلم ..لاجديد
رغــد: فيصل وش تقصد
فيصل: أقصد إن حياتنا صارت ممله صار لنا شهور نحب بعض ونتكلم وآخر شي نتخاصم قمة الطفففففففففش يعني يانفترق وخلاص ماحد شاف أحد...يانجددالعلاقه ونزيدها ترابط أكثر..
رغــد: موستحيل أستغنى عنك..
فيصل:طيب الأزواج إذا طفشو واصاب علاقتهم الملل وش يسوون؟؟
رغــد: مــــدي والله ..بس فيصل حناموأزواج...!
يعني أناإذا بكلمك بس بالتلفون قمة القلق والمراقبه والخوف..!!
فيصل:أدري إنك تقولين وش يبي هذا ...رورو ترى أناسلمتك قلبي وروحي وحياتي..
على العموم خل نغير السالفه أحس إنك تضايقتي..
أناماقلت لك إني بروح بريطانيا بكمــل دراسه...
رغـــــد: من جــد .. خلاص بتسافر..
فيصل: أيه بسافر..إن شاء الله..
رغــد: بتتركني بالحالي ..
فيصل: تدرين هذا مستقبلي وأنامن زمان معزم أكمل دراسة والحمدلله قبلت..
.
.
رغـــد: طيب ..وأنااااوش وضعي..تعلقت فيك ..أحبك لآخر عمري
فيصل: وأنالازلت أحبك..
رغـــــد: متى بتسافر؟؟
فيصل: بعــد شهرين..
رغــد: ياربي لا تسافر..فيصل تكفى كنسل البعثه
فيصل : مجنونه إنـتِ أكنســل البعثه!!!!!!!!!
أٍسمعي رورو ...قبل اسافر بطلب منك طلب..ولاترديني..
رغـد: وش فيه؟؟
فيصل: ودي أشوفك رغــــد بكحل عيوني بشوفتك قبل أسافر؟؟
رغـــــد: تشوفني ويييييين؟؟
فيصل: تعالي أي مركز....وأنا بجي وبشوفك لومن بعيـــد؟؟
رورو كل طلب أطلبه منك ترفضينه ليش ماتثقين فيني ..!
رغـــد:الحين إنت المجنون موستحيل لالالالا؟؟
فيصل: ليش مستحيل تذكرين قبل أكلمك كنتِ تقولين مستحيل أكلم ...تكفين رورو..لاترديني هذي أمنيتي في الحياة....؟؟
رغـــــد: تبي أبوي يذبحني..وأمي تسويني مقلقل..وكبدتي محموس
فيصل: لااااااااا لاتخافي عيدالأضحى إنتهـــــــــى..
رغـــد: طيب بفكـــــــر..أدري إنك تحبني وتخاف علي أكثر من خوفي على نفسي..صح..
فيصل :ياعمـــــري يارورو تدرين بحبي لك آآآآآه بس لو تدرين...!!!
.
.
.
---------------------------------------
رغــــــد تدخل المطبخ عند أمهـــا ..
رغـد : يمه وش رايك بكره أودي عبودي ورازان ودحومي الملاهي..
الأم: وريمــــــا ؟؟
رغــــــد: لالالالالايمه ريمـاعندها إختبارات..
الأم: ياحبي لك يارغــد تفكرين بأخوانك هالمحبوسين ومسكر عليهم..
شكلك عقلتي يارغد...خلاص بكره خوذي أخوانك الملاهي بس تنتبهين لهم ربطيهم زين لاحد يطيح ولا شــــــي
رغــــــــد: ولا يهمك يمه بس ترى بشيل سوياتي معاي ..تنتبه لهم ..وتساعدني
الأم: طيب طيب شيلي سوياتي ومطيعه بعد..<<------ هذي الأم ولابلاش
.
.
.
-------------------------
رغـــد: آلو عمري ..
فيصل: هــــلاوغلا بالرورو كله..
رغــد: فيصل خلاص أمي وافقت ..
فيصل: وافقت إني أشوفك
رغــد: ههههههههههه لأطبعاً ولاكان صرنا فري وأمريكان
فيصل: أجل وش صار..
رغــد: بكره بجي السوق بلعب أخواني بالملاهي..وبشوفك وشوفني ولو عندالبوابه
فيصل: البوابه..لا لازم نقعد بكوفي شوب..
رغـــــد: لأ أجل خلاص مقدر ..
فيصل : خلاص خلاص طيب من عند البوابه..
.
.
.
.
وش تتوقعــــــون صار؟؟شافت فيصل؟؟
طيب هــو شافهــا؟؟كيف يشوفها وهي متغطيه...
أهلها وش وضعهم بيدرون ولا لأ؟؟
يقال في علم الصداقه والبوي فرند والقيرل فيرند ..
إن مرحلة الإرتباط النفسي والروحي هي الأولى ومن ثم تتطور للإرتباط الجسدي؟؟
.
.
هاه وش تتوقعون؟؟؟؟؟؟
سوسوالعمر غير متصل  
قديم 11-10-2008, 07:08 AM   #10 (permalink)
سوسوالعمر
رومانسي مبتديء
 
الصورة الرمزية سوسوالعمر
 
.
.
.
تابع الفصــل الرابع.
.
.
ماقدرت أصبــر وجيتك قبل موعدنا بساعه ....والغريب إني لقيتك تنتظــرقبلي بساعه..
.
.
رغد تدهـــر كل شوي تقيس شي..!
رغــد: لطيفه ممكن البس بنطلونك الجينز المشكوك بالذهبي وبلوزتك الذهبيه الي شاريتهم من مانجـــو؟
لطيفه: ليه سلامات لايكون عندنا زواج ولا زواره وماحد علمني..
رغــد: لالا بس أنا بكره بروح السوق بمشي الصغار وبلعبهم!
لطيفه: هههههههههههه وناويه تشخصين في السوق ترى البنات ماينخطبون في الأسواق!
رغــد: بتعطيني ملابسك ولا لأ؟؟
لطيفه: إذا في السوق لأ ياحبيبتي أستاثم فيك بدرزن ذنوب..البسي شي عادي أوبنطلون جينز عادي أو روحي كذا أصلاً بتلبسين عبايه فوقه واحد بيشوف لبسك يالهاي كلاس
.
.
المــوهم رغد في يوم اللقاء العالمي تلبست وتكشخت وكيلوكريم أساس وكحل ..
رغــد قاعده قدام المرايه من آذان العصــر..
ريمـــا: رغد وش عندك تتمكيجين!ولا بتلبسن عباية الزواجات خير؟؟
رغد: ماسمعتي بمصطلح إسمه مكياج السوق !ماتشوفين البنات وش يسوون!
ريمـا: هالمصطلح مو في قانون أمي وأبوي !
رغـد: أنا بنت ومن حقي أتكشخ وبلى غيره روحي تشطري في جداول الضرب وأحفظيهاياماما..
.
.
راحت رغد وأتصلت على فيصل ..
رغــد: الو قلبي شلونك؟؟
فيصل: هلا بالغلا كــلههاه على وعــدنا؟؟
رغــد: إيه إن شاء الله..
فيصل : أي سوق؟؟
رغــد: العثيم مول ..
فيصل:لأ لأ هالسوق بالذات حطي عليه إكس بالشمع الأحمـر!
رغــد:ليه؟؟
فيصل: كله هيئه لالا تكفين فكينا..
رغد: طيب وين؟؟
فيصل: المملكه
رغــد: مقدرأبوي حالف علينا مانطب سوق المملكه..
فيصل : طيب وين؟؟
رغــد: جوهره حددت الفيصليه وهي على إسمك وش رايك؟؟
فيصل: الفيصليه مواقفها دمــار ..بس يالله طيب..بعد المغرب أوكيه
أوكيه ..
آلـــــــــو
آلـــــــــــــــو
رغد: طيييييييب
فيصل: وش فيك ساكته
رغد: خايفه وبطني تمغصني ..
فيصل: لاتخافين ياعمــري بسم الله عليك ربي بيحفظنا <<----
فيصل: يالله باي أشوفك على خيـــــر..
.
.
.
---------------------------------
الجده مشغله الدفايه وتحمي فوقهــا كليجه..
ورغــــــــــد متحمسه وكاشخه ومكياج خفيف وحركتات..
الجده: رغــد يارغــد
رغــد: نعم ياجده سمي وش تبين؟
الجده : روحي صلحي لي قهوه وكثري هيل
رغــد: ياجده بروح السوق ..مع أمي
الجده: طيب بجي معك ونروح نتقهوى هناك
رغــد: لالا ياجده الدنيا برد براااااخلاص خلاص بصلحها بسرعه قبل أطلع
رغــد راحت خربطت القهوه ..يعني إذا هي مومستعجله قهوتها تطلع وع أجل كيف إذا مستعجله
وجابت القهوه ...والتقاليد إنها تصب أول فنجان للجده..
صبت رغد أول فنجان صبه فائضه يعني موصبة شيوخ يعني صبة عاجز
زعلت الجده يوم شافت القهوه وزعلت من طريقة صب رغد ..وعلى طول كبت الفنجان في ملابس رغــد
الجده: وشهالقهوه الخربوطيه هذي أحد يشربها ..هذي يعطونها كلابهم
رغــد: هذي مقدرتي ماأعرف أسوي الاهذي وإنتِ عارفه ياجده
الجده: الحين هالبلا الي تقعدين عليه أربع وخمس وست ساعات وش أسمه
رغــد: إسمه لاب توب
الجده: وشششششششششششششششششهو؟؟
رغــد: إسمه نت نت
الجده: هه هذي قهوة بنات نط
يقطع حوارهما صوت بوري السياره وحماس الخدمات والبزارين..
رغــد: يالله ياجده بروح مع أمي بشتري أغراض وبنرجع<<----كذابه
.
.
وفعلاً راحـو السوق وطول الطريق ورغــدفي صراع داخلي ..
هــل تكمل وتروح ولا تسحب على فيصل؟؟
.
.
.
سوسوالعمر غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
روعه روعه روعه ,, شيء متعوب عليه فعلا ,, أدخل واستفيد ولن تخسر أبدا .. المعزاب يوتيوب - أناشيد - خطب - محاضرات - كتب - قرآن كريم 1 12-19-2013 11:13 AM
أجمل وأغرب وأروع وافضع الحشرات صورة روعه روعه روعه سهـر الليالي عالم الحيوان والطيور 40 09-11-2009 10:34 PM
روعه روعه روعه ,, شيء متعوب عليه فعلا ,, أدخل واستفيد ولن تخسر المعزاب مواضيع اسلامية - الشريعة و الحياه 3 06-27-2008 04:46 PM
صعبه انك توصف مشاعرك لانسان انت تحبه صعبه ....... اليوم أمسكت قلمي وكتبت alshares5555 خواطر , عذب الكلام والخواطر 2 11-23-2005 03:55 PM
أطباق روعه روعه روعه روعه أدخل وشوف بعينك سهـر الليالي مطبخ عالم حواء الرومانسية 20 09-06-2005 12:53 AM

الساعة الآن 01:05 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103