تصفح

سبحان الله وبحمده عدد خلقه ورضى نفسه وزنة عرشه ومداد كلماته ( ثلاثة مرات ) .

سبحان الله وبحمده سبحان الله العظيم ( 10 مرات ) كلمتان حبيبتان الى الرحمن وثقيلتان في الميزان




العودة   منتديات عالم الرومانسية > منتديات القصص والروايات > قصص وحكايات عربية وشعبية وعالمية

قصص وحكايات عربية وشعبية وعالمية أروع القصص العربية الخيالية و قصص الحب الغرام العشق بين العشاق في عالم الروايات والقصص الطويلة, تمتع بقراءة القصص بدون اشتراك لأنها خدمة مجانية من منتديات عالم الرومانسية

اعتذر عن الوضوع السابق الذي عنوانه ســـــالم وحياه الحرمان والعذاب

موضوع مغلق
 
أدوات الموضوع انواع عرض الموضوع
قديم 05-26-2004, 07:51 AM   #1 (permalink)
عــبير الشــوق
رومانسي مبتديء
 

ADS
إرسال رسالة عبر AIM إلى عــبير الشــوق إرسال رسالة عبر Yahoo إلى عــبير الشــوق
اعتذر عن الوضوع السابق الذي عنوانه ســـــالم وحياه الحرمان والعذاب




اذي قصه حقيقه قصه واحد اسمه سالمم مسكين وعلى نياته امه مطلقه وعايش مع مرت ابوه مرت ابوه هاذي يوم تعامله معامله اولدها ويوم الله وعلم شتسوي اهو عمره تقريبا 12 سنه والله اعلم بالضبط كم لاني والله انا ناسيه كم كان عمره بس اذكر انا وياه كنا نلعب مع بعض كل يوم اهو طبعا اكبر مني بسنه او بسنتين امي كانت تموت فيه والله العظيم تعتبره ولدها لانه يكسر خاطرها حيل لان اهو مثل ماقلت لكم محروم من الام وابوه العن من مرت ابوه يعامله معامله الخادم وكل يوم يضربه سواً غلطان او مو غلطان يعني اذا اغلطو اخوانه من ابوه جاء وضربه اهو زين شمعنى سالم تضربه اضرب عيالك اهم اللي غلطانين لا انت ليه لاشفت اخوانك متهاوشين ماتفرق بينهم المهم الابو يطلع له بعذر علشان يعذب المسكين هاذا بتقولون انتي تبالغين بالقصه ومافيه ابو يسوي في اولده جذيه بس والله هاذا الصج لان الي اشوفه كان حيل يفرق بينه بين اخوانه اللي اصغر منه المهم اهو له اخو اسمه ضرمان من ابوه اصغر منه تقريبا بسنه هاذا ضرمان يموت في اخوه سالم وكل ماشفه يبجي قام يبجي معه عاد احناا لانا جيرانهم ندري بكل اللي يصير بينهم يعني من نسمع صوت مرت ابوه تصارخ ندري انها مستلمه سالم بس والله علشان ماضلم المره هاذي اهي والله اصلن عصبيه حيل يعني حتى على عيالها حيل عصبيه بس طبعا سالم لانه اصلن مو ولدها راح تكون معاملته غير يعني بتزيد الجرعه عليه شوي لا مو شوي والله حيل ماطقه اِلا بالسوط او وين تطقه في الحمام ليش بالحمام مادري والله المهم سالم هاذا امي كل ماتشوفه برا بالشارع تقولي روحي عبير ونادي سالم اروح اركض انا مستانسه سالم سالم امي تبيك يجي سالم هلا يمه والله اهو معتبر امي مثل امه لان امي تعامله مثل ولدهاا تعطيه المقسوم يعني امي تمشي له يومي مصروف له وتقول له تعال وتغداء المهم يدخل ويتغداء عندنا وبعد مايتغداء نروح انا وهو نلعب ونشغل الفيديو اقوله انا سالم روح جيب من اشرطه الفيديو حقتكم مليت انا من اشرطتنا كلها قديمه ويقولي زين الحين انا بروح اجيب الاشرطه وبجي المهم يروح ويجيب الاشرطه ونقعد طالع في الاشرطه انا وهو وخواتي الكبار عاد سالم يموت على الاشرطه الهنديه هههههههه ليش لان فيهاا مغامرات وهو حيل شيطاني والله مو شوي بس يطامر ويناقز ويهاوش بس كل هاذا على طيبه قلب يعني قلبه حيل طيب وابيض كل يوم انا وهو متهاوشين ههههههههههه يجي يبي يطقني اروح اركض لمي يمه ميه سالم بيطقني عاد امي ماتحب تهاوشه تقول اكيد انتي اللي غلطانه عليه والله يايمه اهو اللي بدا مو انا المهم امي بدال ماتهاوشه تهاوشني عاد اهو مستانس رافع خشمه فوق ويضحك يعني انتي رايحه تشتكين لمج بدال ماتهاوشني هاوشتج انتي ويضحك علي انا ميته من القهر بس دقيقه وننسى اللي صار ونروح ونلعب من جديد عاد مره انا وهو جالسين براء عند باب البيت نلعب قام اهو وقالي شوفي عبير انا الحين بروح فوق سطح البيت بيتنا وشوفي شلون ابي انزل اهو مثل ماقلت لكم مغامر حيل المهم وانا قاعده اطالع فيه والله العظيم شلون يقامز ويطامر لين ينزل مادري يعني يحط رجله على الصبه مالت البيت ومادري شلون المهم لين ينزل وانا واقفه منصدمه شلون اهو يسوي الحركات هاذي بس بيتهم صغير يعني السطح حق بيتهم مو مرتفع حيل بس والله حتى ولو مافيه احد يقدر يغامر مثل مايغامر اهو بنفسه المهم بعد مانزل قالي شفتي شلون انا اقدر اركب فوق السطح ونزل منه من غير مااطيح او يصير فيني شي قلت اي والله شفت شلون انت حيل ذكي سالم قالي لحظه الحين انا قبل شوي ركبت السطح بس ركبت من درج البيت بس الحين بوريج شلون اركب لسطح عن طريق جدار البيت قمت انا ومت من الضحك ههههههههههههههههه قلت بل عليك سالم نمله مو ادمي انت قال تضحكين والله لوريج شلون انا اركب الحين اقسم بالله دقيقه ألا وهو ناقز فوق السطح وانا متخرعه من الي قاعد يسويه وقوله يالغبي بطيح يقولي لا والله ماراح اطيح المهم شافه ابوه يسوي الحركات هاذي وناداه ودخل البيت اهو وانا بعد دخلت البيت ومن باجر المسكين جاء لمي ويبجي ويقول ابوي امس ذبحني يايمه من الطق والله يايمه انا تعقدت يوم اهو يستلمني طق ويوم مرته تستلمني طق بالسوط وهو بالعقال شلون اتحمل العيشه عندهم والله الواحد ينتحر ويفتك من الحياه هاذي احسله شوفو شلون سالم كان تفكيره وهو صغير حيل كان يفكر بالانتحار من شدت ماشاف من ظلم ابوه ومرت ابوه يعني المفروض واحد بعمر سالم يفكر بس بالعب والوناسه عاد مرت ابوه رفيقت امي وكل يومين او ثلاث ايام تجي وتزورنا وكلامها والله عسل يعني اذا قعدت عندها تقول هاذي معقوله تسوي جذيه مستحيل عاد انا مثل ماقلت لكم اهي اصلن من الاساس عصبيه حتى على عيالهاا بس يعني اذا جت على سالم والله توريه نجوم اليل يعني الحين ولدها هاذا اللي اسمه ضرمان والله حتى اهو متعقد من امه من كثر ماتهاوشه وطقه فمابالكم سالم عاد المهم بعد جم سنه جت مرت ابوه وقالت لمي احنا خلاص بنشد من بيتنا قالت امي ليه وين بتروحون قالت خلاص بنروح الديرتنا بالاصل قالت امي يعني وين قالت وين بعد بيشه اهم اصلهم من بيشه وهم سمران يعني مو بيض المهم امي قامت تبجي على سالم حزنت وحنا بعد والله تضايقنا حيل وخواتي الكبار بعد تضايقن لما سمعوا ان سالم بيسافر ويروح البيشه عاد سافرو وقبل لايسافرون جاء سالم وسلم على امي وامي تسلم عليه وتبجي وقال وهو يبجي وقال يمه والله مانساج والله او عدج وعد يمه ازورج احنا بجنب بيتنا ناس يصيرون لهم قال اذا جيت لهم


والله اوعدج اني ازورج قالت امي انشالله بس احرس على نفسك حيل ياولدي وهو قام يضحك بعد مابجي وقال يمه انا بروح اشوف امي الحقيقه في بيشه تصدقين يمه انا من زمان عنها ويوصلني خبر انها كل يوم تبجي حسره علي قامت امي وزادت في البكي وقالت لاانشالله تشوفها واذا شفتها سلمني عليها المهم سافرو البيشه ومثل ماقلت لكم في ناس يصيرون السالم بجنب بيتنا حرمتهم تسير علينا كل كم يوم تعرف امي عاد كل ماتسير علينا امي تسالها عن سالم وتقول سالم بخير والحمدالله وكل يوم يزور امه في بيشه وقالت امي الحمدالله والله العظيم اني مشتاقه له ودي اشوفه قالت اهو يقول اذا كبرت وسقت بجي لكم يقصد الي يصيرون له واذا جيت لكم بزور امي يقصد امي المهم بعد جم سنه كبر سالم تقريبا صار عمره 18 سنه وقال لبوه يبه انا ابي اسوق وابي رخصه لسواقه وقال بس ابي بطاقتك علشان ارجع فيها وقال ابوه اذلف عني انا مو فاضي لك قال يبه شفيك حتى وانا كبير تسمعني مثل الكلام هاذا يبه ترى انا كبرت مانبي صغير قال والله لو ماتضف وجهك عني لاكسر لك راسك ضف يالله ومنو قالك اصلن اني بخليك تسوق تحلم انت المهم سالم طبعاً ماقدر يمسك نفسه قال هنتوني وظلمتوني وانا صغير بس والله ماصبر على ظلمكم وانا كبير قال ابوه شنو بتسوي يعني قال زين انا اعلمك شنو اسوي طلع من ابوه وراح المزرعه اهم جنب بيتهم مزرعه وخذ القاز وكت القاز على جسمه كله وشب في نفسه المهم لما حس بالموت قام يصيع وينادي ضرمان اخوه اللي قلت لكم عنه هاذا ضرمان يموت في اخوه سالم المهم بعد ماحس بالموت سالم قام ينادي على اخوه ضرمان الحق علي انا بموت يعني شوفو حتى وهو بيموت مانادى لبوه او مرت ابوه لانه يدري لو بينادي لبوه او مرت ابوه ماراح يردون عليه نادى لخوه ضرمان المهم لما سمع ضرمان اخوه سالم يصرخ وينادي عليه جاء يركض ولقاء سالم متفحم وميت المهم ضرمان انجن وهو يصرخ سااااااااااااااالم سااااااااالم رد علي وهو يبجي ويصرخ يايمه يايبه الحقو سالم مات مات المهم بعد ماسمعت الخبر مرت ابوه طاحت غشيانه الحين عرفت قدر سالم ومرضت بعد مامات سالم وكل يوم تبجي عليه ليومكم هاذا وهي تبجي سالم اما الابو حزن على ولده شوي ونساه بلحظه اتمنى اني ماطولت عليكم ولا ضايقتكم في القصه اختكم عبير الشوق


عــبير الشــوق غير متصل  
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


الساعة الآن 12:09 PM


Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir
Search Engine Friendly URLs by vBSEO 3.6.0
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103